ঙসি ভারতনা চাওখৎপা লৈবা অমা ওইনবগী লম্বীদা খোঙ থাংজিলক্লিবা অসিদা, বেঙ্গলনা শরুক য়ারক্কনি হায়না থাজৈ অমদি মথৌসু তাই: প্রধান মন্ত্রী
অনিংবা অসিগা লোয়ননা, কেন্দ্র লৈঙাক্না মফমসিগী ইনফ্রাস্ত্রকচর, ইনোভেসন অমদি ইনভেস্তমেন্তকী লমদা লেপ্পা লৈতনা অনৌবা ইনোৎ হাপ্তুনা লাক্লি: প্রধান মন্ত্রী
বেঙ্গল চাওখৎপনা ভারতকী তুংলমচৎকী য়ুম্ফম থোনগদৌরিবনি: প্রধান মন্ত্রী
সিতী গ্যাস দিস্ত্রিব্যুসন প্রোজেক্ত অসি পাইপলাইন প্রোজেক্ত অমখক্তা নত্তে, মসি লৈঙাক্কী স্কীমশিং য়ুমথোঙ য়ুমথোঙদা য়ৌহনবগী খুদম অমনি: প্রধান মন্ত্রী
ঐখোয়না অহোঙবা, তরু তরুবা অমদি লায়না ফংবা ইনর্জী লৈবা ভারত অমগী মায়কৈদা চঙশিল্লি: প্রধান মন্ত্রী
কেন্দ্রগী মন্ত্রীমন্দলগী ঐগী মরুপ, সুকান্তো মজুমদার জি, নোংচুপ বেঙ্গল লেজিসলেতিপ এশেমব্লিগী ওপোজিসনগী লুচিংবা, সুভেন্দু অধিকারি জি, অলিপুরদুৱারগী এম.পি ইনাও মনোজ তিগা জি, অতোপ্পা এম.পিশিং, এম.এল.এশিং অমসুং বেঙ্গলগী ঐগী ইনাওশিং অমসুং ইচলশিং!
পুৱারি ওইরবা লমদম অলিপুরদুৱারদগী বেঙ্গলগী মীয়ামদা ঐনা য়াইফ পাউজেল পীজরি।
অলিপুরদুৱারগী লম অসি ঙমখৈশিংনা শম্নবা খক নত্তনা নাৎশিংনশু শম্নহল্লি। নাকল অমদা ভুতানগী ঙমখৈ লৈরে, অতোপ্পা নাকল অমদা অসাম লৈরে। নাকল অমদা সিলিগুরিগী ফজবা লৈরি, নাকল অমদা কুচ বেহার লৈরে। ঙসি ঐনা নুংঙাই য়াইফরবা লমদম অসিদা অদোমগা উনবগী খুদোংচাবা ফংলে।
মরুপশিং,
ঙসি, ভারতনা চাউখৎলবা লৈবাক অমগী মাইকৈদা চঙশিল্লিবা মতম অসিদা, বেঙ্গলনা শরুক য়াগনি হায়বগী থাজবা লৈরি অমসুং মসি তঙাইফদবনি। ৱাখল অসিগা লোয়ননা, মফম অসিগী ইনফ্রাস্ত্রকচর, ইন্নোবেসন অমসুং শেন থাদবদা কেন্দ্র সরকারনা অনৌবা ইনোৎ পীরি। বেঙ্গল চাউখৎপা অসি ভারতকী তুংগী য়ুম্ফমনি। ঙসিগী নুমিৎ অসি অতোপ্পা মপাঙ্গল কনবা চেক অমদা য়ুম্ফমদা হাপচিনবা নুমিৎনি। ঙাইহাক্কী মমাংদা, ঐখোয়না মফম অসিদগী অলিপুরদুৱার অমসুং কুচ বেহারদা সিতি গ্যাস দিস্ত্রিব্যুসন প্রোজেক হৌদোকখ্রে। প্রোজেক অসিনা ইমুং লাখ ২.৫ হেনবদা মৈখু চেন্দবা অমসুং মমল হোংবা গ্যাস পাইপকী খুৎথাংদা ফংহনগনি। মসিনা সিলিন্দরশিং লৈবগী অৱাবশিং কোকহনবা খক নত্তনা, ইমুংশিংদা অশোই-অঙাম য়াওদনা গ্যাস ফংহল্লগনি। মসিগা লোয়ননা, সি.এন.জি স্তেসনশিং শাবা হেনগৎলকপা অসিনা মৈখু চেন্দবা ফুয়েল ফংহনবা হেনগৎলগনি। মসিনা শেন অমসুং মতম কনগনি অমসুং মহৌশাগী অকোয়বগী ফিবমদা কান্নগনি। অনৌবা থবক অসিগীদমক ঐনা অলিপুরদুৱার অমসুং কুচ বেহারগী মীয়ামদা হরাওবা ফোঙদোকচরি। সিতি গ্যাস দিস্ত্রিব্যুসন প্রোজেক অসি শুপ্নগী পাইপলাইন প্রোজেক অমা খক নত্তে, মসি সরকারগী স্কিমশিং থোংজিলদা য়ৌহনবগী খুদম অমসু ওইরে।
মরুপশিং,
হৌখিবা চহি খর অসিদা ইনর্জিগী লমদা ভারতনা চাউখৎলক্লিবা অসি মমাঙদা অমুক্ত ওইখিদ্রিবনি। ঙসিদি ঐখোয়গী ভারত গ্যাসতা য়ুম্ফম ওইবা ইকোনোমি অমগী মাইকৈদা য়াংনা চংশিল্লক্লি। ২০১৪ গী মমাঙদা, লৈবাক অসিগী জিলা ৬৬ দা সিতি গ্যাসকী খুদোংচাবশিং লৈরমখি। ঙসি জিলা ৫৫০ হেনবদা সিতি গ্যাস দিস্ত্রিব্যুসন নেতৱার্ক লৈরে। নেতৱার্ক অসি হৌজিক ঐখোয়গী খুঙ্গংশিং অমসুং অপীকপা সহরশিংদা য়ৌরে। য়ুম লাখ কয়া পাইপশিংগী খুৎথাংদা গ্যাস ফংলে। সি.এন.জিনা মরম ওইদুনা মীয়ামগী চৎথোক-চৎশিন্দা অহোংবা পুরক্লে। মসি পোল্লুসন হন্থহল্লে। মীয়ামগী হকশেলশু ফগৎলে অমসুং মখোয় শেন য়াম্না তিংবগী অৱাবশু হন্থরে।
মরুপশিং,
অওনবা অসি পুরকপদা প্রধান মন্ত্রী উজৱালা য়োজননা অহেনবা ইনোৎ পীরে। স্কিম অসি ঐখোয়গী সরকারনা ২০১৬ দা হৌদোকখিবনি। স্কিম অসিনা লায়রবা ইচল করোর কয়াগী পুন্সি হিংবদা লাইহল্লে। মসিনা নুপীশিং মৈখুগী অৱাবা কোকহল্লে, মখোয়গী হকচাং ফগৎলে অমসুং মরুওইনা য়ুমগী চাকশঙদা ইকায়খুম্নবা লৈরে। ২০১৪ দা, ঐখোয়গী লৈবাক্ত এল.পি.জি কন্নেক্সন করোর ১৪ গী মখাদা লৈরমখি। ঙসিদি করোর ৩১ হেন্না লৈরে। ইমুং খুদিংদা গ্যাস ফংহন্নবা মঙলান অদু হৌজিক মঙফাওনরে। মসিগীদমক, ঐখোয়গী সরকারনা লৈবাক অসিগী মফম খুদিংমক্ত গ্যাস ফংহন্নবা নেতৱার্ক ফগৎহল্লে। মরম অদুনা লৈবাক শীনবা থুংনা এল.পি.জি দিস্ত্রিব্যুতর মশিং শরুক অনিদা হেনগৎলে। ২০১৪ গী মমাঙদা, লৈবাক অসিদা এল.পি.জি দিস্ত্রিব্যুতর লিশিং ১৪ গী মখাদা লৈরমখি। হৌজিক মখোয়গী মশিং হেনগৎলক্তুনা লিশিং ২৫ য়ৌরে। হৌজিক খুঙ্গং খুদিংমক্ত গ্যাস সিলিন্দরশিং লাইনা ফংবা ঙম্লে।
মরুপশিং,
অদোম উরজা গঙ্গা প্রোজেক খঙলম্লগনি। প্রোজেক অসি গ্যাসতা য়ুম্ফম ওইবা ইকোনোমি অমগী মাইকৈদা থাংজিনবা অওনবা খোঙথাং অমনি। স্কিম অসিগী মখাদা, নোংপোক ভারতকী রাজ্যশিংদা গ্যাস পাইপলাইনশিং শম্ননবা থবক পায়খৎলি। হৌজিক পাইপনা গ্যাস য়ৌরবা নোংপোক ভারতকী রাজ্যশিংগী মনুংদা নোংচুপ বেঙ্গলশু য়াওরে। ভারত সরকারনা পায়খৎলিবা থবকশিং সহরশিং নত্ত্রগা খুঙ্গংশিংদা অসিনা অনৌবা থবকশিং ফংনবা খুদোংচাবশিং পীরে। পাইপলাইনশিং ফুম্বদগী হৌরগা গ্যাস ফংহনবা য়াওবদা থাক খুদিংমক্ত থবক ফংবা হনগৎলে। মসিগী গ্যাসতা য়ুম্ফম ওইবা উদ্যোগশিংশু চাউখৎলে। হৌজিক ঐখোয় মমল হোংবা, মৈখু চেন্দবা অমসুং লাইনা গ্যাস ফংহনবা ভারত অমা ওইরক্লে।
মরুপশিং,
নোংচুপ বেঙ্গল অসি ভারতকী নাৎ, সাইন্স অমসুং লৌশিংগী মরুওইবা মফম অমনি। বেঙ্গল চাউখৎতনা বিকসিত ভারত অমগী মঙলান মঙফাওনবা ঙম্লোই। মসিগী ৱাখল অসিদগী, হৌখিবা চহি ১০ অসিদা কেন্দ্র সরকারনা লুপা করোর লিশিং কয়াগী চাউখৎ-থৌরাংগী থবকশিং পায়খৎলে। থবকশিং অসিগী মনুংদা পুরবা এক্সপ্রেসৱে নত্ত্রগা দুরগাপুর এক্সপ্রেসৱে, শ্যামা প্রাসাদ মুখর্জি হিথাংফম মতমগা চুন্না শেমগৎপা নত্ত্রগা কোলকাতা মেত্রো শাংদোকপা, ন্যু জলপাইগুরি স্তেসন অমুক হন্না শেমগৎপা, দুৱার রুতশিংদা অনৌবা ত্রেনশিং চেনবা য়াওরি। বেঙ্গল চাউখৎনবগীদমক কেন্দ্র সরকারনা পায়খৎপা য়াবা থবক খুদিংমক পায়খৎলে। ঙসি হৌদোক্লিবা প্রোজেক অসি পাইপলাইন খক্তগী নত্তে, মসি চাউখৎপগী হিংনবা লম্বীনি। অদোমগী পুন্সি হিংবদা লাইনবা, অদোমগী তুংগী য়াইফনবা ঐখোয়না থবক পায়খৎপনি। মসিগা লোয়ননা ঐখোয়গী বেঙ্গল য়াম্না য়াংনা চাউখৎপগী মাইকৈদা চঙশিনগনি, হায়রিবা খুদোংচাবশিং অসিগীদমক ঐনা অমুক হন্না মীয়ামগী মফমদা য়াইফ পাউজেল পীজরি। মিনিত ৫ গী মতুংদা, ঐ মফম অসিদগী অহাংবা ফম্বাক অমদা চৎলগনি, অদোম ঐঙোন্দগী ৱাফম কয়া তাবা পাম্লমগনি, মফম অদুদনা হেন্না চুনগনি, মরম অদুনা অতোপ্পা ৱাফমশিং ঐনা মিনিত ৫ গী মতুংদা ঙাংগনি। থৌরম অসিগী ওইনা মতাং অসিদা লোইশিঞ্জরে, হরাওবগা লোয়ননা অদোম্না চাউখৎপগী খোঙচৎ অসি মাংলোমদা পুখৎকদবনি।
অদোম ঙমখৈ লৈতনা থাগৎপা ফোঙদোকচরি।
