Share
 
Comments
পি.এম.না বেনিফিসরী লাখ ১.৭কী মথক্তা ই-প্রোপর্তী কার্দসু য়েন্থোকখ্রে
“খুঙ্গংগী প্রোপর্তী, লম অমসুং য়ুমগী মপুওইবগী রেকোর্দশিং অসিদা চিংনবা অমসুং থাজদবগী থৌওং লৈহন্দবা অসি য়াম্না মরু ওইবনি”
“নিং-খা তম্লবা মতুং দিকেদ কয়া অমা ফাওবা, খুঙ্গংগী চাউখৎপা য়াবশিং অসি ফাজিন্দুনা লৈরি। খুঙ্গংশিং, লম, খুঙ্গংগী মীয়ামগী য়ুমশিং অসিগী শক্তিশিংনা মখোয়গী চাউখৎ থৌরাংগীদমক মপুং ফানা শিজিন্নবা ঙমজদ্রি
“স্বামিত্বা স্কীম অসি মতমগা চুনরবা তেক্নোলোজীগা লোয়ননা খুঙ্গংশিংদা চাউখৎ থৌরাংগীদমক অমসুং থাজবা হেনগৎনবা অনৌবা মন্ত্র অমনি”
“হৌজিক্তি সরকার মশানা লায়রবশিংদা শক্তি পীনবা হোৎনরি”
“দ্রোনশিংনা ভারতপু অনৌবা অৱাংবা থাক অমদা পুখৎপা ঙমগনি”

স্বামিত্বা য়োজনাদগী লাকপা ইশানা ইশাবু থাজবা, খুঙ্গংদা ফাওরিবা থাজবা, অসি বেনিফিসিয়রীশিংগা লোয়ননা ৱারী-ৱাতায় শাবদা ময়েক শেংনা উবা ফংখি অমসুং মফম অসিদসু ঐহাক্না উবা ফংলি। নখোয়না ঐঙোন্দা ৱাগী চৌক্রিদি উহনবীরি অদুবু ঐহাক্কী মীৎয়েংফম অসিদি থাপ্না লৈরিবা মীয়ামগী থৱায় য়াওবা, মখোয়গী হরাও তয়াম্বদা ওইরি। মীয়ামদগী ফংলিবা মীনুংশি, মীয়ামগী থৌজাল অসিনা মখোয়না কান্নবা কয়াম ফংলবগে হায়বা খঙবা ঙম্মি। স্কীম অসি শক্তি লৈনা খুমাং চাউশিল্লি, মসি ঐহাক্না ৱারী শাবা ফংজখিবা মরুপশিংনা মসিগী অৱা-নুংঙাইগী মতাংদা কুপ্না থম্বীখ্রে। স্বামিত্বা য়োজনাগী মতুংদা মীওইশিং অসিনা বেঙ্কশিংদগী লোন লৌবদা লাইথোকহনখি।

থৌরম অসিদা শরুক য়াবীরিবা কেন্দ্রগী মন্ত্রী-মন্দলদা ঐহাক্কী মরুপ ওইরিবা শ্রী নরেন্দ্র সিংহ তোমরজী, বিরেন্দ্র কুমারজী, ধর্মেন্দ্র প্রধানজী, জ্যোতিরাদিত্য সিন্ধিয়াজী, প্রহলাদ সিংহ পতেলজী, ফগ্গন সিংহ কুলস্তেজী, কপিল মোরেশ্বরজী, এল, মরুগনজী, মধ্য প্রদেশকী মুখ্য মন্ত্রী শ্রীমান শিৱরাজ সিংহ চৌহানজী, এম.পি. সরকারগী মন্ত্রীশিং, এম.পি.শিং, এম.এল.এ.শিং, অতৈ মশক নাইবা মীওইশিং অমসুং হদরা য়াওনা এম.পি.গী তোঙান-তোঙানবা মফমশিংদগী ঐহাক্কী ইচিল-ইনাওশিং,

অহানবমক্তদা, কমল ভাইগী মপোক নুমিৎ ওইবনা ঐহাক্না য়াইফ-পাউজেল পীজরি। হৌজিক্তি ঐখোয়না তি.ভি.দা এম.পি. অসি নীংথিজরে হায়বা উবা ফংই অমসুং এম.পি.না নীংথিজরবসু এম.পি. অসি লৈবাক অসিগী চাউথোকচফমসু ওইরি।  এম.পি.গী চৎলিবা খোঙজেল অসি য়াংলি অমসুং এম.পি.দা চাউখৎ-থৌরাংসু লৈরি। মীয়ামগী য়াইফনবা য়োজনা অমা শেম্বগা এম.পি.দা য়োজনা অদু চৎনবা হৌনবা অয়ুক নুমিদাং খাক্তনা কন্না হোৎনৈ, মসি তাবা মতমদা, মসি ঐহাক্না উবা মতমদা ঐঙোন্দা য়াম্না নুংঙাইবা পোকই, য়াম্না নুংঙাইবা ফাওই অমসুং ঐহাক্কী মরুপশিংনা অসিগুম্বা অচৌবা থবক অমা তৌবা হায়বা অসিমক ঐহাক্কী ওইনা অপেনবা পোক্নীংঙাই ওইবা ৱাফম অমা ওইরি।

মরুপশিং,

অহানবগী তাঙ্কক্তা প্রধান মন্ত্রী স্বামিত্বা য়োজনা অসি মধ্য প্রদেশ, উত্তর প্রদেশ, মহারাস্ত্র, উত্তরাখন্দ, হরিয়ানা, পঞ্জাব, কর্নাতকা অমসুং রাজস্থানগী খুঙ্গং খরদা ইমপ্লিমেন্ত তৌখি। রাজ্যশিং অসিদা খুঙ্গংশিংদা লৈরিবা ইমুং লাখ ২২রোমগী প্রোপর্তী কার্দশিং শাখি। হৌজিক মসি লৈবাক অসিগী অতৈ রাজ্যশিংদসু মসি পাকথোক-চাউথোরক্লি। অমরোমদা মসি তুংলমচৎধা প্লান অসিদা অৱাৎপা অমত্তা লৈতনবা পাইলোত প্রোজেক্ত অমা ওইনা হৌখি। হৌজিক্তি মসি লৈবাক শিনবা থুংনা শন্দোকখ্রে। মধ্য প্রদেশনা মসিদসু মখোয়গী ওইবা মওং-মতৌ অদুদা খোঙজেল য়াংনা পাইখৎখি অমসুং মসিগীদমক মধ্য প্রদেশপু থাগৎচরি। ঙসি এম.পি.গী খুঙ্গং লিশিং ৩গী ইমুং লাখ ১গা লিশিং ৭০ হেনবনা ফংখিবা প্রোপর্তী কার্দ – অচুম্বা রেকোর্দশিং অসিনা মখোয়গী চাউখৎনবগী পাম্বৈশিং ওইরগনি।  মীওইশিং অসিনা মখোয়গী মোবাইল্দা দিজি-লোকরগী খুত্থাংদা মখোয়গী প্রোপর্তী কার্দ দাউনলোস তৌবসু য়ারগনি। মসিগীদমক কন্না হোৎনখিবা মীওই পুম্নমক, থবক অসিদা থৱায় হকচাং য়াওনা হোৎনখিবশিং, মখোয় পুম্নমকপু ঐহাক্কী মাইকৈদগী হন্না-হন্না থাগৎচরি অমসুং মসিগী কান্নবা ফংলিবশিংদসু ঐহাক্না নুংঙাইবা ফোঙদোকচরি। মধ্য প্রদেশনা খুমাং চাউশিল্লিবা অসিগী খোঙজেল অসিগা লোয়ননা রাজ্য অসিগী খুঙ্গংগী ইমুং পুম্নমক্না মখোয়গী অচুম্বা রেকোর্দশিং অথুবদা ফংলগনি হায়না ঐহাক্না থাজৈ।

ইচিল-ইনাওশিং,

ঐখোয়দা ভারতকী আত্মা অসি খুঙ্গংদা লৈ হায়না তোয়না তাকপীরি। অদুবু নীংতম্লবা মতুং দিকেদ কয়া-কয়া হৌখ্রে, অদুবু ভারতকী খুঙ্গংগী য়াম্না চাউবা মতিক-ময়াই অদুদা ফাজিন্দুনা থম্লি। খুঙ্গংশিংগী লৈরিবা শক্তি, খুঞ্জাশিংগী লৈরিবা লম, লৈরিবা য়ুম, হায়রিবশিং অসি খুঞ্জাশিংনা মখোয়গী চাউখৎ-থৌরাংগীদমক মপুং ফানা শীজিন্নবা ঙমদ্রি। মসিগী ওন্ন-তৈনবদা খুঙ্গংগী লম অমসুং খুঙ্গংগী য়ুমশিং অসি খৎন-চৈনবা অমসুং আইন্না য়াদবা মওংদা লৌশিনবদা খুঞ্জাশিংগী থৌনা, মতম অমসুং শেল মাংহল্লি, মখোয়না অৱাবা কয়া অমা মায়োক্নবা তাখি। মতম অমসুং শেল মাংখি। অমসুং ৱাফম অসি ঙসিগী ৱা নত্তে। গান্ধীজীনাসু মসিগী মতাংদা মহাক্কী মতমদা নুংনাংবা ফোঙদোক্লমখি। ফীভম অসিদা অহোংবা পুরপকপা হায়বা অসি ঐখোয়গী থৌদাং ওইগদবনি। মাইকৈ অসিদা ঐহাক্না গুজরাতকী মুখ্য মন্ত্রী ওইরিঙৈ মতমদগী হোৎনদুনা লাকখি। সমস্যা অসি লাকশিন্নবা ঐখোয়না গুজরাত্তা ‘সমরস গ্রাম পঞ্চায়ত’ অভিয়ান হৌদোকখি। করিগুম্বা অফবা থৌরাং পাইখৎলবদি মদু খুঙ্গনা পুন্না মদু খুমাং চাউশিলহল্লি হায়বা ঐহাক্না উবা ফংলে অমসুং হৌজিক্তি শিবরাজজীনা হায়বীখ্রে মদুদি ঙসি অসি ঐখোয়না থৌদাং অসি লৌখিবা চহি ২০ মপুং ফাখ্রে অমসুং শিবরাজজীনা ৱা ঙাংবা মতমদা ঐখোয়না অহানবা ওইনা মুখ্য মন্ত্রী ওইখিবা মতম অদু নীঙশিংলকখি অমসুং ঐহাক্কী ওইনা অহানবা অচৌবা থৌরম অসি গরিব কল্যান মেলানা ওইখি অমসুং হৌজিক ২০শুবা চহিগী অরোইবা নুমিৎ অসিদসু ঐহাক্না লায়রবশিংগী ওইবা থৌরমদা শরুক য়ারি। মসি ঐহাক্কী লৈবাক্কী লায়রবশিংবু লেপ্তনা শেবা তৌজনবগী খুদোংচাবা পীরি হায়বা তাক্লিবা শোইদনমক্কী ইশ্বরগী খুদম অমা ওইগনি। নখোয়না শরুক য়াবগা লোয়ননা স্বামিত্বা য়োজনা অসি গ্রাম স্বারজকী খুদম অমা ওইরগনি। হৌজিক ঐখোয়না কোরোনাগী মতমদা ভারতকী খুঞ্জংশিংনা পান্দম অমগা লোয়ননা করম্না পুন্না থবক তৌখি, লাইচৎ অসি মীকুপ-নাহুম শিংনা লান্থেংনখি হায়বা উবা ফংখ্রে। মপালদগী লাকপা মীওইশিংগী ওইবা তোখাইনা শিল-লাংবা, চান্ন-থাক্নবা অমসুং থবক্কী শিল-লাংবা, বেক্সিনেসনগা মরী লৈনবা থবক ওইরবসু ভারতকী খুঞ্জাশিংনা য়াম্না খুমাং চাউশিনখি। খুঞ্জংশিংগী লৌশিংনা ভারতকী খুঙ্গংশিংবু কোরোনাদগী চাউনা কনবা ঙমখি অমসুং মসিনা মরম ওইরগা ঐখোয়গী লৈবাক্কী খুঙ্গং পুম্নমক্কী খুঞ্জাশিংবু থাগৎফম থোকই। মখোয়না কাংলোন পুম্নমকপু মখোয়গী ওইবা মওংদা শেমখি, কাংলোনশিং ঙাক্না চৎখি, এৱর্নেস পীখি অমসুং চাউনা থৱায় য়াওনা সরকারবুসু মতেং পাংখি। লৈবাক অসি কননবা হোৎনবদা খুঙ্গংশিংনা পাংখিবা মতেং অদু ঐহাক্না কৈদৌনুংদা কাউবা লৈররোই।

মরুপশিং,

অচৌবা ওর্গনাইজেসনশিংনা হায়নৈ করিগুম্বা লৈবাক অমদা প্রজাশিংনা মখোয়গী প্রোপর্তীগী চেশিং পাইদ্রবদি প্রজাশিং অদুগী ফাইনান্সিএল কেপাসিতী অসি মতম চুপ্পদা হন্থরগা লৈগনি। প্রোপর্তীগী চেশিং লৈতবা হায়বা অসি মালেম শিনবা থুংবদা থেংনরিবা সমস্যা অমনি। মসি ময়াম্না কয়া খন্নদে অদুবু মসি অচৌবা লৈয়াকশিংগী ওইনা থেংনরিবা অচৌবা শীংনবা অমনি।

মরুপশিং,

স্কুলশিং, হোস্পিতালশিং, স্তোরেজ ফেসিলিতীশিং, লম্বী-থোং, কেনেলশিং, ফুদ প্রোসেসিং ইন্দস্ত্রীশিং ওইরবসু অসিগুম্বা সিস্তেম খুদিংমক শাবদা লম মথৌ তাই। অদুবু রেকোর্দ মশামক ময়েক শেংদ্রবদি অসিগুম্বা চাউখৎ-থৌরাংগী থবকশিং অসি চহি কয়া কয়া চংগনি। মসিনা ভারতকী খুঙ্গংশিংগী চাউখৎ-থৌরাংশিংদা চাউনা অকাইবা পীরি। লৈবাক অসিগী খুঙ্গংশিং, খুঙ্গংগী লম-থুম, লম অমসুং য়ুমগা মরী লৈনবা রেকোর্দশিংবু তংদাংবা খঙবা ঙমদবা অমসুং থাজবা ঙমদবা অসিদগী কোকহনবা য়াম্নমক মরু ওই। মরম অসিনা পি.এম. স্বামিত্বা য়োজনা অসিনা খুঙ্গংগী ইচিল-ইনাওশিংগীদমক অচৌবা মপাঙ্গল ওইরগনি অমসুং করিগুম্বা অমদা অদোমগী হক লৈয়া মতমদা কয়াম য়াম্না শান্তি লৈবগে হায়বা ঐখোয়না খঙই, করিগুম্বা মতমদা অদোমনা রেলৱেগী খুত্থাংদা চত্থোক-চৎশিন তৌবা মতমদা অদোম্না তিকেত অম পাইরবসু রিজর্বেসন ফংদবা তারবদি অদোম্না করম্বা মতমদা কম্পার্তমেন্তদগী কুমথরগা কম্পার্তমেন্ত অতোপ্পদা চৎকনি হায়না ৱাখল ৱাই অদুবু অদোম্না রিজর্বেসন ফংলবদি ফনা চাউবা মীওই লাক্লবসু, শেল ফনা পাইবা মীওই অমা লাক্লবসু অদোম্না মসিগী ঐহাক্না রিজর্বেসন ফংলে অদুনা ঐহাক্না মফম অসিদা ফমগনি হায়না চাউথোক্না হায়বা ঙমগনি। মসি অদোম্না ফংলিবা হক অদুগী শক্তি। ঙসি খুঙ্গংগী মীওইশিগী মখুৎতা ফংলিবা শক্তি অসিনা অচৌবা পনখৈশিং য়ৌবা ঙমহল্লগনি। শিবরাজজীগী লুচিং মখাদা মধ্য প্রদেশ অসি লেন্দ দিজিতাইজেসনগী লমদা মাংজিল থারিবা রাজ্য অমা ওইবা ঙম্বদা ঐহাক্না নুংঙাইবা পোকই। দিজিতেল রেকোর্দশিংগী লম পাকথোক-চাউথোকপা নত্ত্রগা রেকোর্দশিংগী ক্বালিতীগী মতাংদা ওইরবসু মধ্য প্রদেশনা হীরম খুদিংমক্না শীংথানীংঙাই ওইবা থবক তৌরি।

মরপশিং,

স্বামিত্বা য়োজনা অসি আইনগী ওইবা চে-চাংশিং পীনবা শুপ্নগী স্কীম অমা খক্তা নত্তে, অদুবু মসি মোদর্ন তেক্নোলোজীগী মতেংগা লোয়ননা লৈবাক অসিগী খুঙ্গংশিংদা চাউখৎপা অমসুং থাজা পুরক্নবা অনৌবা লাইৱা অমনি। ‘খুঙ্গংশিং-লৈকাইশিংদা পাইরিবা উরান খতোলা’, পাইরিবা দ্রোন অসিনা ভারতকী খুঙ্গংশিংগীদমক অনৌবা পনখৈ অমা য়ৌবা ঙমহল্লগনি। দ্রোনশিংনা দাইন্তিফিক ওইবা পাম্বৈশিং শীজিন্নদুনা য়ুমশিংগী মেপ লৌরি। দিসক্রিমিনেসন অমত্তা য়াওদনা প্রোর্পর্তী মার্ক তৌরি। হৌজিক ফাওবদা দ্রোনশিংনা লৈবাক অসিগী জিলা ৬০রোমদা থবক অসি লোইশিনবা ঙমখ্রে। মসিনা গ্রাম পঞ্চায়তশিংনা মিক চুম্বা লেন্দ রেকোর্দশিং অমসুং জি,.আই.এস. মেপনা মরম ওইরগা গ্রাম পঞ্চায়তকী চাউখৎ-থৌরাংগী থৌশিল হেনগৎহনবদা মতেংসু পাংলগনি।

ইচিল-ইনাওশিং,

ঙসি উবা ফংলিবা স্বামিত্বা য়োজনাগী কান্নবশিং অসি লৈবাক অসিদা চত্থখিবা হেন্না চাউবা কেম্পেন অঞগী শরুক ওইরি। কেম্পেন অসি খুঙ্গং, লায়রবশিংবু আত্মনির্ভর ওইহন্নবা হেন্না ফাইনান্সিএল ওইনা মপাঙ্গল কন্নবনি। অমসং হৌজিক্তি ঐখোয়না পৱনজীদগী তাখ্রে মদুদি থা অহুম অসিদা শক্তি কয়াম লৈখি, মহাক মশাগী য়ুম লৈজরে, চে-চাংগী অৱাৎপা লৈত্রে। চে-চাং লাকপগা পুন্সিদা অহোংবা লাকখি। ঐখোয়গী খুঙ্গংগী মীয়ামদা মতিক-ময়াই চাউনা লৈজরবসু, মখোয়না অহানবগী রিসোর্স অসিগা লোয়ননা অৱাবা কয়া মায়োক্নরি, লোঞ্চিং পাদ কী অৱাৎপা লৈখি! য়ুম অমা শানবা তৌবা মতমদা য়ু শাবগী লোনগী সমস্যা! বিজিনেস অমা হৌদোক্নবা তৌবা মতমদা কেপিতেলগী সমস্যা! করিগুম্বা লৌউ-শিংউগী ওইবা ৱাখল্লোন অঞা লাকপা মতমদা, ত্রেক্তর অমা লৈনবা, খুৎশু-খুৎলাই লৈনবা, অনৌবা ফার্মিং অমা হৌনবা ৱাখল লাকপা মতমদা মসু হৌদোক্নবা শেল লৈতে! প্রোপর্তী পেপরশিং লৈতবনা মরম ওইরগা মখোয়না বেঙ্কশিংদগী লোনশিং লাইনা লৌবা য়াদে। উপাই লৈতবনা মরম ওইরগা ভারতকী খুঙ্গংশিংগী মীওইশিংনা বেঙ্কিং সিস্তেমগী ৱাংমদগী অতোপ্পা মীওইশিংদগী লোনশিং লৌবা তাখি, মখোয় মশানা বেঙ্কিং সিস্তেমদগী থোকচখি। ঐহাক্না লায়রবা মীওই অমনা অতোপ্পা লমলানবা অমদা মখুৎ তিংথোক্তুনা থবক মচা অমগীদমক নিবা থংনখি, শেন্দোই হেনগৎলকপা অসিনা মহাক্কী পুন্সিগী খ্বাইদগী অচৌবা অৱাবা অমা ওইরকখি। অৱাবা অসিনা মরম ওইরগা মহাক্না অতোপ্পা মীওই অমদগী শেল অমুক পুবা নত্তনা লম্বী লৈখিদে। উপাই লৈতবনা মরম ওইরগা মঙোন্দগী শেল কয়া মৎপী। ঐহাক্না লৈবাক অসিগী লায়রবশিং, খুঙ্গংগী লায়রবশিং, খুঙ্গংগী নহারোলশিংবু লোইনাইদ্রবা অৱাবগী সাইকল অসিদগী লৌথোকপা পাম্মি। স্বামিত্বা অসি মসিগীদমক য়াম্না মরু ওইবা য়ুম্ফম অমনি। প্রোপর্তী কার্দ শারবা মতুংদা খুঙ্গংগী খুঞ্জাশিংনা হৌজিক্তি বেঙ্কশিংদগী লাইনা লোনশিং লৌবা য়ারগনি। হৌজিক্তা বেনিফিসিয়রীশিংগা ৱারী শাখিবদা প্রোপর্তী কার্দনা মখোয়বু বেঙ্কতগী লোন লৌবদা করম্না মতেং পাংবগে হায়বা তাখ্রে।

মরুপশিং,

হৌখিবা চহি ৬-৭ অসিদা ঐখোয়গী সরকারনা পাইখৎলিবশিং অসি য়েংবীয়ু, করিগুম্বা স্কীমশিং অসি য়েংলুরবদি, ঐখোয়না লায়রবশিংনা অতোপ্পা লমলানবা অমদা মখুৎ তিংথোক্তুনা নিদনবা হোৎনখি। ঙসি লৌউ-শিংউগী ওইবা অপীক-অপীকপা মথৌ তাবশিংগীদমক পি.এম. কিসান সম্মান নিধিগী খুত্থাংদা লৌমীশিংগী বেঙ্ক একাউন্তশিংদা হকথেংননা শেল থারি। অমসুং ঐহাক্না থৌজালশিং ফংলিবা অপীকপা লৌমীশিং, অমদি ভারত্তা লৈরিবা অপীকপা লৌমীশিং অসি লৌমী ১০০গী ৮০ ওইরি হায়না ঐহাক্না থাজৈ, মীপুম খুদিংমক্না মীৎয়েং চংবীদবা অপীকপা লৌমী কয়া লৈ, ঐখোয়না উরিবদি খরা খক্তনি। ঐখোয়না অপীকপা লৌমীশিংগী হক ফংনবগীদমক অঙম্বশিং তৌখি।  অপীকপা লৌমীশিংনা ঐহাক্কী পাঙ্গল ওইগনি, কনা অমত্তনা ঐহাক্কী লৈবাক অসিগী মপাঙ্গল শোলহনবা ঙম্লোই। কোরোনাগী মতমদসু অভিয়ান অসি চত্থদুনা ঐখোয়না লৌমী করো ২দা কিসান ক্রেদিত কার্দশিং পীখি। এনিমেল হস্বেন্দরী, ঙামীশিংসু মসিগা কনেক্ত তৌখি। মসিগী পান্দমদি মখোয়না মথৌ তারকপা শেল অদু বেঙ্কশিংদগী লৌবা ঙমহনবা অসিনি, মখোয়না কনাগুম্বা অমগী মনাক্তা চৎপা মথৌ তাররোই। মুদ্রা য়োজনানা মীয়ামদা বেঙ্কশিংদগী অনসেক্যুর্দ লোনশিং লৌহন্দুনা মখোয়গী থবক হৌবা য়ানবগী অফবা খুদোংচাবা অমা পীখি। হৌখিবা চহি ৬ অসিদা স্কীম অসিগী মখাদা লুপা করোর ২৯রোমগী লোনশিং পীথখ্রে। লুপা করোর লাখ ১৫ হায়বা অসি অপীকপা শেনফম অমা নত্তে, চুম্মি স্কীম অসিগী মখাদা হৌজিক মীয়ামদা লুপা করোর লাখ ১৫গী শেনফম য়ৌহনবা ঙমখ্রে। হায়রিবা শেনফম অসিগীদমক মমাংদা মখোয়না অতোপ্পা মীওই অমদা চৎপা তারমখি, মখোয়না শেন্দোই চাউনা হুনবগী লোইনাইদ্রবা অৱাবগী লাংদা থুদুনা লৈরমখি।

মরুপশিং,

ভারতকী খুঙ্গংগী শেন্মীৎলোনগী ফীভম ফগৎহনবদা ঐখোয়গী ইমা-ইবেন অমসুং ইচে-ইচলশিংগী অচৌবা থৌদাং অমা লৈ। ঙসি লৈয়াক অসিদা সেল্ফ-হেল্প গ্রুপ লাখ ৭০ হেন্না লৈরে, মসিদা ইচে-ইচল করোর ৮০রোমনা থবক তৌরি অমসুং মখোয়না অয়াম্বনা খুঙ্গংশিংদা থবক তৌরি। ইচে-ইচলশিং অসি জনধন একাউন্তশিংগী খুত্থাংদা বেঙ্কশিংগা লিঙ্ক তৌখি, অমসুং অনসেক্যুর্দ লোনশিংদা শীংথানীংঙাই ওইনা হেনগৎলকখি। হন্দক্তা সরকারনা মরু ওইবা অতোপ্পা ৱারেপ অমা লৌখি। হান্না সেল্ফ হেল্প গ্রুপ খুদিংমক্না অনসেক্যুর্দ লোন অমা লৌবদা লুপা লাখ ১০ ফাওবদং ওইরম্বা অদু হৌজিক্তি শরুক অনি হেনগৎহন্দুনা লাখ ১০দগী লাখ ২০ ওইহনখ্রে।

ইচিল-ইনাওশিং,

ঐখোয়গী খুঙ্গংগী মরুপ কয়ানা মনাক নকপা শহরশিংদা চৎতুনা রেল লম্বীগী ত্রেকশিংদা থবক শুরি। মখোয়দসু পি,এম. স্বানিধি  য়োজনাগী মখাদা বেঙ্কতগী লোন লৌনবগী খুদোংচাবা ফংহনখি। ঙসি অসিগুম্বা মরুপ লাখ ২৫ হেনবনা বেঙ্কশিংদগী লোনশিং ফংলি। হৌজিক্তি মখোয়না কনাগুম্বা অমগী মনাক চৎতুনা থবক তৌজগে হায়বগী মথৌ তাদ্রে।

মরুপশিং,

করিগুম্বা ঐখোয়না স্কীম পুম্নমক অসিদা য়েংলবদি, মসিগী পান্দম অদুদি সরকার অমা লৈবা মতমদা, শেল পীনবা বেঙ্কশিং লৈগনি অমদি লায়রবশিংনা অতোপ্পা লমলানবা মীওই অমদা চৎপগী মথৌ তাদে। লায়রবশিংনা লুপা অমগীদমক, পোৎ অমগীদমক সরকারগী মনাক্তা তোয়না চৎপা মথৌ তারম্বা মতম অদু লৈবাক অসিনা তুংওইনদুনা থনম্লে। হৌজিক লায়রবশিংগী মনাক্তা সরকার মশানা লাক্লি অমসুং লায়রবশিংবু মতেং পাংলি। নখোয়না কোরোনাগী মতমদা উখ্রে মদুদি অৱাবশিং হেনগৎলকপা মতমদা সরকার মশামক্না মাং থাদুনা মীওই করোর ৮০ হেনবদা লেম্না চেং হৱায় পীখি। লায়রবা মীওই অমত্তগী চাকশঙ মৈ মুৎহনখিদে। অমসুং মধ্য প্রদেশনা মসিদসু মতেং পাংখি, মখোয়না কন্না হোৎনখি। সরকারনা লায়রবশিংদা লেম্না অচা-অথক য়ৌহন্নবা লুপা করোর লাখ ২ চাদিং তৌখি। আয়ুশ্নমান ভারত য়োজনাগী মখাদা লায়রবশিংদা লেম্না লায়েংবগী খুদোংচাবা ফংহনখি অমসুং লায়রবশিংনা লুপা করোর ৪০,০০০ দগী লুপা করোর ৫০,০০০ তুংশিনবা ঙমখি। লায়রবশিংদা লুপা করোর চমা হেন্না তুংশিনহন্দুনা জনওসধি কেন্দ্র লিশিং ৮ হেনবদগী হীদাক-লাংথক হোংনা ফংহল্লি। মিসন ইন্দ্রধনুশতা অনৌবা ভেক্সিনশিং হাপচিন্দুনা লায়রবা মীওই কয়াদা য়ৌশিনবা ঙমহল্লি, ঐখোয়না মীরোনবী নুপী, অঙাং করোর কয়াবু লাইনা কয়াদগী কনবা ঙমখি। হোৎনরিবা পুম্নমক অসিনা ঙসি খুঙ্গংগী লায়রবা মীওইশিংগী ফুরিত খাউদা শেল তুংশিনহনবা ঙমহনখি, মহাকপু অৱাবদগী কোকহনখি, ওইথোকপা য়াবা কয়াগা মহাক্কা শম্নহনখি। অমসুং স্বামিত্বা য়োজনানা মপাঙ্গল পীগনি অমসুং ভারতকী খুঙ্গংগী শেন্মীৎলোনগী চাউখৎ-থৌরাংদা অনৌবা পন্দুপ অমা ইরাগনি হায়না ঐহাক্না থাজৈ।

মরুপশিং,

ভারত্তা মোদর্ন তেক্নোলোজীনা মহৌশাদগী শহরশিংদা হান্না য়ৌই মতুংদা খুঙ্গংশিংদা য়ৌবগী চৎনবী অমা লৈ। অদুবু ঙসি লৈবাক অসিনা চৎনবী অসি হোংদোক্নবা হোৎনখি। ঐহাক্না গুজরাতকী মুখ্য মন্ত্রী ওইরিঙৈ মতমদা মফম অদুদা ওনলাইন্দা লেন্দ ইনফোর্মেসন হৌখি। তেক্নোলোজীগী খুত্থাংদা সরকারনা খুঙ্গংদা চৎনবা ই-ভিলেজ সর্ভিস হৌখি। গুজরাত্তা মীয়ামগী সমস্যাশিং কোকহন্নবা স্বাগত হায়বা মমিং অসিগী মখাদা থৌশিল হৌখি, মসি ঙসিসু খুদম অমা ওইরি। চপ মান্নবা লাইৱা অসি ঙাক্তুনা লৈবাক অসিনা ভারতকী খুঙ্গংশিংদা স্বামিত্বা য়োজনা অমসুং দ্রোন তেক্নোলোজীগী কান্নবা ফংহনখি। দ্রোন তেক্নোলোজীনা অতেনবা মতমগী মনুংদা খ্বাইদগী অৱাবা থবকশিং এক্যূরেত ওইনা পাঙথোকপা ঙম্মি। মীওইবনা চংথোক-চংশিন য়াদবা মফমশিংদা দ্রোনশিংনা লায়না চংবা ঙম্মি। য়ুম মেপ্পিং তৌবগী মথক্তা দ্রোন অসিনা  লৈবাক অসিদা লমগা মরী লৈনবা রেকোর্দশিং, সর্ভেশিং, দিমার্কেসনশিংগী প্রোসেসশিংদা য়াম্না কান্নরগনি অমসুং হেন্না নীংথিনা অমসুং ত্রান্সপরেন্ত লৈবা ঙমহল্লগনি। মেপ্পিংদগী দিজাস্তর মেনেজমেন্ত, ফার্মিং, সর্ভিস দেলিভরী ফাওবদা দ্রোনশিং অসি হৌজিক্তি পাক শন্না শীজিন্নবা ঙম্লে। নুমিৎ নিনিগী মমাংদা তি.ভি.দা, পাউচেদা অদোম্না উরামগনি, মদুদি মনিপুরদা মীওইবনা চৎপদা মতম শাংনা চংবা মফম ওইরিবা মফমশিংদা দ্রোনশিংনা কোরোনা ভেক্সিন দেলিভর তৌখি। চপ মান্ননা গুজরাত্তা লৌবুকশিংদা য়ুরিয়া চাইবদা দ্রোনশিং শীজিন্নখি।

‌ইচিল-ইনাওশিং,

দ্রোন তেক্নোলোজীনা লৌমীশিং, অনাবা মীওইশিং অমসুং মনুং হঞ্জিনবা মফমশিংদা লৈরিবা মীওইশিংদা চাউনা কান্নবশিং পীনবা পোলিসী কয়া শেমখ্রে। ভারতমক্তদা মশিং য়াম্লবা মোদর্ন দ্রোনশিং শারি, মসিদসু ভারতপু আত্মনির্ভর ওইহন্নবগীদমক্তা পি.এল.আই. স্কীমসু লাউথোকখি। ঙসি থৌরম অসিদা ঐহাক্না লৈবাক অসিগী হোৎনবা কনবা বিজ্ঞানিকশিং, ইঞ্জিনীয়রশিং, সোফৱেয়র দিবেলপরশিং অমসুং স্তার্ত-অপশিংগা মরী লৈনবা নহা ওইরিবা মীওইশিংদা লো-কোস্ত, ক্বালিতী লৈবা দ্রোনশিং ভারত্তা শানবা ঐহাক্না হায়জনীংই। দ্রোনশিং অসিনা ভারতকী মিংচৎ ৱাংনা থাংগৎপা ঙমগনি। সরকারনা ভারতকী কম্পনীশিংদগী দ্রোনশিং অমসুং মরী লৈনবা সর্ভিসশিং লৈনবা ৱারেপসু লৌখি। মসিনা লমদম অসিদা লৈরিবা অমসুং মপালদা লৈরিবা মশিং য়াম্লবা কম্পনীশিংনা ভারত্তা দ্রোনশিং শাবদা পুক্নীং থৌগৎলগনি, মসিনা অনৌবা থবকশিংসু পীরগনি।

মরুপশিং,

আজাদী কা অমৃত মহোৎসব হায়বদি লাক্কদৌরিবা চহি ২৫ অসি খুঙ্গংগী শেন্মীৎলোন মপাঙ্গল কনখৎহন্নবগা লোয়ননা ভারতকী চাউখৎ-থৌরাংগী লম্বী অসি শক্তি পীনবা হোৎনগনি। মসিদা তেক্নোলোজীগা মরী লৈনবা ইনফ্রাস্ত্রকচরনা অচৌবা থৌদাং অমা লৌরগনি। মোবাইল ফোনশিং অমসুং ইন্তর্নেতনা খুঙ্গংশিংদা লৈরিবা নহারোলশিংবু ঙসি অনৌবা খুদোংচাবশিং ফংহল্লি। মোবাইল ফোনশিং অসি লৌমীশিংবু অনৌবা ফার্মিং তেক্নিকশিং, অনৌবা মহৈ-মরোংশিং, অনৌবা মার্কেতশিংগা কনেক্ত তৌনবগী অচৌবা খুদোংচাবা অমা ওইরি। ঙসি, ভারতকী খুঙ্গংশিংদা শহরশিংদগী ইন্তর্নেত য়ুজরশিংগী মশিং হেল্লি। হৌজিক লৈবাক অসিগী খুঙ্গং পুম্নমকপু ওপ্তিকেল ফাইবরনা কনেক্ত তৌনবগী অভিয়ান খোঙজেল য়াংনা চত্থরি। অফবা ইন্তর্নেতকী ফেসিলিতীগা লোয়ননা লৌউ-শিংউগী মথক্তা মসিনা অফবা এজুকেসন অমসুং অফবা হীদাক-লাংথক্কী খুদোংচাবা অসি খুঙ্গংগী লায়রবশিংবু মখোয়গী ময়ুমদগী ফংবা য়াহল্লি।

মরুপশিং,

তেক্নোলোজীগা লোয়ননা খুঙ্গংশিংবু অওনবা পুরক্নবা অভিয়ান অসি আই.তি. নত্ত্রগা দিজিতেল তেক্নোলোজী খক্তগী নত্তে। খুঙ্গংগী চাউখৎ-থৌরাংদা অতৈ তেক্নোলোজীশিং পাকশন্না শীজিন্নরি। খুঙ্গংশিংদা সোলর ইনর্জীদগী ঈথৈ-লৌখোং অমসুং শেন তানবা অনৌবা খুদোংচাবশিংসু খুঙ্গংশিংদা ফংহল্লি। অইং-অশাদা অহোংবা লাকপা অমসুং মরুশিংগা মরী লৈনবা অনৌবা রিসর্চদগী হোংলক্লিবা দিমান্দ অসিগী মতুং ইন্না অনৌবা মরু-মরাংশিং ফংহল্লি। শা-ঙাশিংগী হকশেল ফগৎহন্নবা অনৌবা ইমপ্রুব তৌরবা ভেক্সিনশিং শীজিন্নরি। অসিগুম্বা অফবা খোঙথাংশিং, খুঙ্গংশিংনা থৱায় য়াওশিনবা, পুম্নমক্না হোৎনরিবশিং অসিগা লোয়ননা ঐখোয়না ভারতকী চাউখৎ-থৌরাংগী য়ুম্ফম অসি খুঙ্গংশিংদা লৈরিবা মতিক-ময়াই অসি মপুং ফানা শীজিন্নদুনা মসিনা ওইহল্লগনি। করিগুম্বা খুঙ্গংশিং অসি মপাঙ্গল লৈরবদি মধ্য প্রদেশসু মপাঙ্গল কনগনি, ভারতসু মপাঙ্গল কনগনি। ময়াম পুম্নমক্তা অমুক হন্না য়াইফ পাউজেল পীজরি! হয়েংদগী শেংলবা নবরাত্রিগী কুহ্মৈ হৌরগনি, মসিগী শক্তি সাধনা অসি ঐখোয় পুম্নমক্কী ওইনা থৌজাল ওইনা লাক্লি। অথুবদা কোরোনাদগী কোকপা ঙম্বা ওইরসি। কোরোনাগী মতম অসিদা ঐখোয়না চেকশিন্না হিংসু, ঐখোয়না হরাও-তয়াম্না হিংবা ঙম্বা ওইরসি, য়াইফ-পাউজেলশিং অসিগা লোয়ননা ময়াম্বা ঐহাক্না হন্না-হন্না থাগৎচরি।

পি.এম.না ‘পরিক্সা পে চর্চা ২০২২’গীদমক্তা শরুক য়ানবগীদমক্তা চেবাউ পীরকখ্রে
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Padma Awards Under Modi Govt: Honouring Different Leaders From Across The Spectrum

Media Coverage

Padma Awards Under Modi Govt: Honouring Different Leaders From Across The Spectrum
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 28 জনুৱারী, 2022
January 28, 2022
Share
 
Comments

Indians feel encouraged and motivated as PM Modi addresses NCC and millions of citizens.

The Indian economy is growing stronger and greener under the governance of PM Modi.