কেন্দ্রগী মন্ত্রী-মন্দলদা লৈরিবা ঐহাক্কী মরুপশিং, রাম মোহন নাইদুজী, মুরলিধার মোহোলজী, মালেম শিনবা থুংবদগী লাকপীরিবা ইকাই খুম্নরবা মন্ত্রীশিং, গ্লোবেল এভিএসন ইন্দস্ত্রীগী লুচিংবশিং, ইন্তর্নেস্নেল ওর্গনাইজেসনশিংগী মীহুৎশিং, মশক নাইবা দেলিগেৎশিং, নুপী অমদি নুপাশিং!
খুরুমজরি!
ৱিংস ইন্দিয়াগী প্লেৎফোর্ম অসিদা ঐহাক্না ইন্দস্ত্রীগী লুচিংবশিং, এক্সপর্তশিং অমসুং ইনভেস্তরশিংবু তরাম্না ওকচরি। ময়াম পুম্নমক্না খঙনরে মদুদি এভিএসন ইন্দস্ত্রীগী মতাংগী চহিচা অসি এস্পিরেসন কয়ানা থল্লি। অমসুড় ভারতনা মসিদা মরু ওইবা প্লেয়র অমা ওইরক্লি। এয়রক্রাফ মেন্যুফেকচরিং, পাইলোৎ ত্রেনিং, এদভান্স এয়র মোবিলিতী, এয়রক্রাফ লীজিং – মশিং লাকঙমদ্রবা ওইথোকপা য়াবশিংগা লোয়ননা অদোমগী মাংদা ভারতনা লেপ্পীবা সেক্তরশিংনি। অমসুং মরম অসিনা ৱিংস ইন্দিয়াগী সম্মিৎ অসি ঐখোয়গী পুম্নমক্কীদমক য়াম্না মরু ওইরক্লি।
মরুপশিং,
হৌখিবা দিকেদতা ভারতকী অপুনবা এভিএসন সেক্তরদা পুরৱারী ওইরবা অওনবা অমা লাকখি। এক্সক্লুসিব ক্লব অমা খক্তনা এয়র ত্রেভেল তৌবা ফংখিবা লৈবাকশিংগী মনুংদা ভারত অসি অমা ওইরমখি। অদুবু ঙসিদি ফিভম অসি মপুং ফানা হোংলে। ঙসি ভারতনা মালেমগী অহুমশুবা খ্বাইদগী চাউবা দোমেস্তিক এভিএসন মার্কেৎ ওইরে। ঐখোয়গী পেসেঞ্জর ত্রাফিক অসি য়াম্না খোঙজেল য়াংনা হেনগৎলক্লি। ইন্দিয়ন এয়রলাইন্সকী ফ্লীত অসিসু খোঙজেল য়াংনা পাকথোক চাউথোরক্লি। হৌখিবা চহি খরদা ভারতকী এয়রলাইনশিং অসিনা এয়রপ্লেন ১৫০০ হেন্না ওর্দর তৌখ্রে।
মরুপশিং,
ভারতকী এভিএসন সেক্তরগী শাহৌ অসি লাকপগী মরমদি ঐখোয়গী সরকারনা লোং-তর্ম ভিজন অমগা লোয়ননা থবক তৌবগীনি। ভারত্তা এয়র ত্রেবেল অসি হৌজিক ইনক্লুসিব ওইরে, এক্সক্লুসিব ওইদ্রে। ভারতকী প্রজানা লায়না এয়র ত্রেভেল তৌবা ফংহনবা অসি ঐখোয়গী মিসননি। মরম অসিনা ঐখোয়না এয়রপোর্তশিংদা লৈরিবা তাইর-২ অমসুং তাইর-৩গী সহরশিংগা কন্নেক্ত তৌরি। ২০১৪দা ভারত্তা এয়রপোর্ত ৭০ লৈরমখি। ঙসি এয়রপোর্তশিংগী মশিং অসি ভারত্তা ১৬০ হেন্না হেনগৎখ্রে। হায়বদি শুপ্নগী দিকেদ অমা খক্তদা এয়রপোর্ত মশিং শরুক অনি হেন্না শাখ্রে। ঐখোয়না লৈবাক অসিদা এয়র দোম চামা হেন্না এক্তিবেৎ তৌখ্রে। অমসুং মসিগী লোয়ননা ঐখোয়না ঐখোয়গী প্রজাশিংগীদমক অহোংবা মমলদা উরান স্কিমসু হৌদোকখ্রে। উরান স্কিমনা মরম ওইদুনা পেসেঞ্জর মিলিয়ন ১৫না – হায়বদি পেসেঞ্জর করোর অমা মখাইনা – রুতশিং অসিদা চৎপা ফংলে, হায়রিবা রুতশিং অসি অয়াম্বদি মমাংদা লৈরমদবা ঙাক্তনি।
মরুপশিং,
ঙসি ভারতবা চাউখৎণবা পান্দমগা লোয়ননা মাংদা চংশিল্লিবা মতম অসিদা ঐখোয়গী এয়র এক্তিবিতীনা শরুক কয়া পাকথোক চাউথোকপা হায়বা অসি শোইদনা ওইথোক্কনি। ২০৪৭ ফাওবদা ভারত্তা এয়রপোর্ত চামরি হেন্না লৈরগনি হায়না পানরি; মসি য়াম্না চাউবা নেৎৱার্ক অমা ওইগনি। মসি খক্তা নত্তে ঐখোয়গী সরকারনা উরান স্কিমগী মথংগী ফেজকীদমক্তসু থবাক পাইখৎলি। মসিগী পোলিসী অসিগা লোয়ননা রিজনেল অমসুং অহোংবা এয়র কন্নেক্তিবিতী হেন্না মপাঙ্গল কনখৎলগনি। মসিগা লোয়ননা সীপ্লেন ওপরেসনশিংবু পাকথোক চাউথোরক্লি। ভারতকী মফম খুদিংমক্তা এয়র কন্নেক্তিবিতী হেন্না ফগৎহনবা হায়বা অসি ঐখোয়গী খোঙথাংনি।
মরুপশিং,
ঙসি ভারত সরকারনা মফম অসিদা তুরিজম সেক্তর চাউখৎহন্নবা চাউনা মীৎয়েংসু থম্মি। লমকোইফমশীং অসি লৈবাক অসিদা শেমগৎলি অমসুং মফমশিং অসিদা চৎনবা এয়র ত্রেভেল অসি মীওই কয়াগী অহানবা চোইসনি। লাক্কদৌরিবা মতমশিংদা এয়র ত্রেভেলগী দিমান্দ অমুক্তা ওইখিদ্রিবা মওংদা হেনগৎলগনি। হায়বদি নখোয়গীদমক ইনভেস্তমেন্তগী খুদোংচাবশিং হেন্না লৈরগনি।
মরুপশিং,
ঙসি ভারতনা মালেমগী অচৌবা এভিএসন হব অমা ওইরক্লোইবা মতম অসিদা এভিএসনগা মরী লৈনবা মথৌ তাবশিংগীদমক অতোপ্পগী মপাল তাংদবা অসিসু তঙাই ফদে। ঐখোয়না মরোমদোম লেপচবগী লম্বীসু মপাঙ্গল কনখৎহনবা তাই। মসিনা ভারত্তা উনভেস্ত তৌনবা কম্পনী কয়া লাক্নবগীদমক মতেংসু ওইগনি। ৱাখল্লোন অসিগা লোয়ননা ঙসি ভারতনা এয়রক্রাফ দিজাইন, এয়রক্রাফ মেন্যুফেকচরিং, অমসুং এয়রক্রাফ এম,আর,ও, ইকোসিস্তেমদা চাউনা মীৎয়েং থম্মি। ঙসিসু ভারতনা খ্বাইদগী চাউবা এয়রক্রাফ পার্তশিংগী মেন্যুফেকচরর অমসুং সপ্লায়র ওইরি। লৈবাক অসিদা ঐখোয়না মিলিতরী অমসুং ত্রান্সপোর্ত এয়রক্রাফ শাবা হৌরে। ভারতনা সিভিল এয়রক্রাফ শাবগী মায়োলদসু অহোংবা পুরক্লি অমসুং ইনভেস্তর পুম্নমক্না খঙলে ভারতকী খুদোংচাবা কয়া লৈ। মালেমগী এয়র কোরিদোরশিংদা লৈরিবা ভারতকী জিওগ্রাফিক পোজিসন অসি, ঐখোণয়গী লম্বা লৈত্রবা দোমেস্তিক ফীদর নেৎৱার্ক অমসুং তুংলমচৎতা লোং-হোল ফ্লিত পাকথোক চাউথোরকপা – মসি ঐখোয়গী য়াম্না চাউবা পাঙ্গলনি।
মরুপশিং,
ভারত্তা দিজাইন তৌবা অমসুং মেন্যুফেকচর তৌবা ইলেক্ত্রিক ভর্তিকেল তেক-ওফ অমসুং লেন্দিং এয়রক্রাফনা অপুনবা এভিএসন সেক্তরদা অনৌবা মায়োক অমা পীগদবা নুমিৎ অদু কুইদ্রে। মসিগী তেক্নোলোজী অসিনা ঐখোয়গী চৎথোক চৎশিনগী মতম চাউনা হন্থহনগনি। মসিগী মথক্তা ঐখোয়না সস্তেনেবল এভিএসন ফ্যুএলদা থবকসু চাউনা পাইখৎলি। মথংগী চহি খরা অসিদা ভারতনা গ্রীন এভিএসন ফ্যুএলগী অচৌবা প্রদ্যুসর অমসুং এক্সপোর্তর ওইনবা মাইকৈদা চংশিল্লগনি।
মরুপশিং,
ঐখোয়না লৈবাক্কী এভিএসন সেক্তরদা রিফোর্ম কয়াসু পাইখৎলি। অমসুং অসিগুম্বা খোঙথাংশিংনা মরম ওইদুনা ভারতনা গ্লোবেল সাউথ অমসুং মালেমগী মরক্তা অচৌবা এভিএসন গেৎৱে অমা ওইরক্লি। মসি এভিএসন সেক্তরগা মরী লৈনবা ইনভেস্তরশিং অমসুং মেন্যুফেকচররশিংগীদমক য়াম্না অচৌবা খুদোংচাবা অমনি।
মরুপশিং,
ঙসি ভারতনা লৈবাক তোঙান-তোঙানবা মফমশিং লোয়ননা মফম অদুদা লৈরিবা কৈথেলশিংবু কন্নেক্ত তৌরি। ঐখোয়গী সহরশিংবু ত্রান্সপোর্তকী তোঙান-তোঙানবা মোদশিংগী খুত্থাংদা শম্নহল্লি। ভারতকী এভিএসনগী ভিজন অসি এয়র কার্গোদা চপ মান্ননা মীৎয়েং থম্মি। কার্গো মুফমেন্ত অসি খোঙজেল য়াংবা অমসুং ইফিসিএন্ত ওইহন্নবা সরকারনা মথৌ তাবা রিগ্যুলেতরী রিফোর্মশিংদা থবক তৌরি। মসিগা লোয়ননা ঐখোয়গী দিজিতেল কার্গো প্লেৎফোর্মশিং অসি মপুং ফানা লাইথোকহল্লে অমসুং মনুং মপান ফাউনা উবা ঙমহল্লে। ওফ-এয়রপোর্ত প্রোসেসিংগী শিল-লাংবা অসিনা মরম ওইদুনা এয়রপোর্তশিংদা লোদ হন্থহল্লি। ঐখোয়না কার্গো হেন্দলিং অসি হেন্না থুবা অমসুং ফবা ওইহন্নবা মোদর্ন ৱেয়রহাউসশিংগুম্বা শাগৎলি। লাক্কদৌরিবা তুংগী মতমশিংদা মসিনা কার্গোগী দেলিভরীগী মতম অমসুং লোজিস্তিক্স অনিমক হন্থহল্লগনি। তুংলমচৎতা ভারতনা অচৌবা অমসুং কম্পিতিতিব ত্রান্সশিপমেন্ত হব অমা ওইরগনি।
মরুপশিং,
ঐহাক্না ইনভেস্তর পুম্নমক্তা ভারতকী ৱেয়রহাউজিং সেক্তরদা, ফ্রেত ফোরৱার্দিংদা, এক্সপ্রেস লোজিস্তিক্সতা, অমসুং ই-কম্মর্সতা – সেক্তর পুম্নমক্তা লৈরিবা খুদোংচাবশিং থিদোক্নবা হায়জরি।
মরুপশিং,
ঙসি, এভিএসন ইন্দস্ত্রীগীদমক পোলিসি স্তেবিলিতী অমসুং তেক্নোলোজিকেলগী পান্দমশিংগুম্বা অচৌবা স্কেল অমা লৈবা মালেমগী লৈবাক খরা খক্তমক লৈ। ঐহাক্না মালেমগী লৈবাক খুদিংমক্তা, ইন্দস্ত্রীগী লুচিংবা খুদিংমক্তা, ইন্নোভেতর খুদিংমক্তা হায়জনীংই মদুদি মসিগী অচৌবা খুদোংচাবা অসিগী মপুং ফাবা কান্নবা লৌহৌগদবনি। ঐখোয়গী চাউখৎ খোঙচৎ অসিদা লোং-তর্ম পার্তনর অমা ওইবীয়ু অমসুং মালেমগী এভিএসন সেক্তরগী গ্রোথকীদমক থবক তৌবিয়ু। ঐহাক্না মালেম শিনবা থুংবদগী ইনভেস্তরশিংদা ভারতকী ফ্লাইৎকী কো-পাইলোৎশিং ওইনবা হায়জরি। অমুক হন্না ঐহাক্না ৱিং ইন্দিয়া মাইপাক্না পাংথোকপা অসিদা ময়ামগী মফমদা ঐহাক্কী য়াইফ-পাউজেল পীজরি।
হন্না-হন্না থাগৎচরি!
