Share
 
Comments
“অম্মা অসি নুংশিবা, মীনুংশি, শেবা অমসুং কত্থোকপগী অপুনবা শক্তম অমনি। মহাক্না ভারতকী স্পিরিচুএল ত্রেদিসনগী কেরিয়র ওইরি”
“ভারত অসি অনাবা ফহনবনা শেবা ওইরিবা, হকচাং ফনা থম্বনা দান ওইরিবা জাতি অমনি। হকশেল অমসুং স্পিরিচুএলিতী, অনিমক্না অমগা অমগা মরী লৈনৈ”
“ঐখোয়গী ধর্ম অমসুং সামাজকী লৈরিবা সংস্থানশিংগী মহৈ-মশিং অমসুং হীদাক-লাংথক অসি পব্লিক-প্রাইবেৎ-পার্তনরশিপ কৌই অদুবু ঐহাক্না মসি ‘পরস্পার প্রয়াস’ ওইনসু উরি’”
“স্পিরিচুএলগী গুরুশিংনা পীরম্বা পাউজেলনা মরম ওইদুনা ভেক্সিন কাপ্পদা চীংনবা পোকপগী ৱাখল্লোন অতোপ্পা লৈবাকশিংদা উবা ফংখিবা অদুমক ভারত্তদি উবা ফংখিদে”
“ঐখোয়না মীখা পোনবগী ৱাখল্লোন অসি থাদোক্লবা মতমদা ঐখোয়গী খোঙথাংগী মায়োলদসু অহোংবা লাক্কনি”

অমৃতা হোস্পিতালগী শক্লোন লৌদুনা ঐখোয় পুম্নমক্কী মফমদা থৌজাল পীবিরিবী ইমা অমৃতানন্দময়ী জীবু খুরুমজরি‍। স্বামি অমৃতাস্বরুপানন্দ পুরী জী, হরিয়ানাগী গভর্নর শ্রী বন্দারু দত্তাত্রেয় জী, মুখ্যমন্ত্রী শ্রী মনোহর লাল জী, কেন্দ্রগী মন্ত্রী মন্দলগী ঐগী খোঙবু কৃষ্ণপাল জী, হরিয়ানাগী উপ মুখ্যমন্ত্রী শ্রী দুশ্যন্ত চৌতালা জী, অতৈ মীথুংশিং, ইচে ইচল, ইচিন ইনাও পুম্নমক,

নুমিৎ খরনিগী মমাঙদা লৈবাকসিনা অনৌবা থৌনাগা লোয়ননা নীংতমবগী অমৃৎকালদা খোঙ থাংজিনখি‍। ঐখোয়গী অসিগুম্লবা অমৃৎকাল অসিদা লৈবাক্কী অপুনবগী হোৎনজমল মশক উরক্লি, অমত্তা ওইবগী ৱাখল্লোন পোক্লক্লি‍। অমৃৎকালগী অসিগুম্লবা অথোইবা মীকুপসিদা অমৃতানন্দময়ীগী থৌজালগী ইরিক লৈবাক পুম্নমক্না ফংজবসিদসু ঐ নুংঙাইবা ফাওই‍। অমৃতা হোস্পিতালগী শক্লোন্দা ফরিদাবাদতা চাওরবা হকশেলগী শঙলেন অমা লিংখৎলি‍। হোস্পিতাল অসি বিল্দিংগী লমদসু, তেক্নোলোজীগী লমদসু, মতমসিগী চুনরবা সর্ভিসশিং, ৱাখল্লোন অমসুং নুংগী ইহুল পুম্নমক্তা অঙকপা ফংবা মতৌ উরি‍। মতমগা চুনবা মচৎ অমসুং স্পিরিচুএল ওইবা থৌওংসিনা লায়রবা অমদি ময়ায় ওইবা থাক্কী ইমুং মনুংশিংদা হকশেলগী পাম্বৈ অমা ওইরগনি‍। অসিগুম্লবা অনৌবা ৱাখল্লোনগী থবক থৌওংশিং অমসুং কত্থোকপগী চাউরবা থৌগলশিং অসিগীদমক ইকায়খুম্নরবা অম্মাগী মফমদা থাগৎচবা ফোঙদোকচরি‍।

স্নেহতিন্দে, কারুন্যত্তিন্দে, সেবনত্তিন্দে, ত্যাগত্তিন্দে, পর্য়ায়মান অম্মা‍। মাতা অমৃতানন্দময়ী দেবী, ভারত্তিন্দে মহত্তায়, অধ্যাত্মিক পারমপর্য়ত্তিন্দে, নেরবকাশিয়ান‍। ঐখোয়না হায়নৈ – অয়ন নিজ: পরো ৱেতি গননা, লঘুচেতসাম‍। উদারজরিতানাম তু ৱসুদেব কুতুম্বকম‍।‍। এত্র মহা উপনিশদ আশয়মান, অম্ময়ুদে, জীবিতা সন্দেসম‍। ৱাহন্থোক্তি: - অম্মা অসি মীনুংসি, মীয়োক মীচান ফবী, থৌগল অমসুং কত্থোকপগী মশক্নি‍। মহাক ভারতকী স্পিরিচুএলগী চৎনবীবু পুদুনা চৎলিবনি‍। ঐখোয়না অম্মাগী পুন্সিগী পাউজেলশিং মহা উপনিশদতা থেংনৈ‍। মথ অসিগা মরী লৈনরিবা লম্বোইবা পুম্নমক, ত্রস্ত অসিদা য়াওরিবা ইকায়খুম্নরবা পুম্নমক, দোক্তরশিং অমসুং স্তাফ পুম্নমক্কী মফমদা ঙসিগী শেংলবা তাঞ্জা অসিদা য়াইফ-পাউজেল পীজরি‍।

মরূপশিং,

ন ত্বহম কাময়ে রাজ্যম, ন চ স্বর্গ সুখানি চ‍। কাময়ে দুখ তপ্তানাম, প্রানিনাম, আর্তি নাশনম‍।‍। হায়বা ৱাফম অমা হন্না হন্না ঐখোয়না তারে‍। মসিগী ৱাহন্থোক্তি, ঐখোয়গী লৈবাক্কী অপামবা লৈতে, লাইরম্লেনগী নুংঙাইবসু কল্লক্লুদে‍। ঐখোয়গী অনিংবদি অৱাবা তারবশিংবু, লায়না চেল্লবশিংগী অৱাববু কোকহন্নবগী তাঞ্জা মতম পুম্বদা ফংজবদুনি‍। অসিগুম্বা ৱাখল্লোন চেনবা খুন্নাই, অসিগুম্বা লৈঙাক অমা লৈরগদি, মফমদুদা থৌগল অমসুং হকশেলগী অফবা মতৌ ফংবা ঙমগনি‍। অসুম্না ভারত হায়বসি লায়েংববু থৌগল অমা ওইনা লৌবা, লায়না চেন্দববু থৌজাল অমা ওইনা লৌনবা লৈবাক অমনি‍। মফমসিদা লায়না চেন্দবা অমদি নুংগী হকশেল অনিমক পুল্লিবনি‍। মফমসিদা হিদাক লাংথক হায়বসি ভেদ অমনি‍। ঐখোয়না মেসদিকাল সাইন্সতা অয়ুর্বেদকী মমীং খুদোল তৌরি‍। ঐখোয়না অয়ুর্বেদকী খ্বাইদগী মমীং লৈরবা স্কোলারশিং, কাঙলোনলোয়শিংগী মফমদা রিসি অমসুং মহারিসিগী থাক পীদুনা মখোয়দা মপুং ফানা থাজবা থম্লি‍। মহারিসি চারকা, মহারিসি সুস্রুতা, মহারিসি ভগভত্তা! অসিগুম্লবা ভারতকী পুক্নিং ৱাখলদা মখোয়গী ৱাখল লৌশিংনা শিবা নাইদবা মফম কন্দুনা লৈরবা কয়া লৈরি‍।

ইচিল ইনাওশিং,

ভারতনা হায়রিবা নাৎ অমসুং ৱাখল্লোন অসি মীনাই নাইথাং অমসুং অমমবা চহিচা কয়া মাঙহন্দনা য়োকখত্তুনা লাক্লি‍। ঙসিদি ঐখোয়গী স্পিরিচুএলগী মপাঙ্গল অমুক হন্না কনখৎলক্লি‍। ঐখোয়গী চৎনবীগী থৌনা অমুক হন্না মপাঙ্গল কনখৎলক্লি‍। ইকায়খুম্নরবা অম্মানা অনৌবা ভারতকী হিমায় চুম্দুনা লৈবাকসিগী অমদি মালেমগী ওইরক্লিবা ফীভমশিং য়েংশিনবিরি‍। মখোয়গী ফিরেপ অমসুং থবক থৌওংশিংনা ঙসিগী ঐখোয়গী মীৎমাঙদা থৌগলগী চাউরবা মফম অমা ওইনা লেপ্লরি‍। খুন্নাইলোনগা মরী লৈনবা হীরম খুদিংদা, মফম খুদিংদা ইকায়খুম্নরবা অম্মাগী মীনুংসি অমসুং থৌজাল ঐখোয়না উরি‍। ঙসি মহাক্কী লূপ্না অঙাঙ লিশিং কয়াদা স্কোলারসিপ পীরি, সেল্ফ-হেল্প গ্রুপশিংগী খুত্থাঙদা নুপীশিংবু মপাঙ্গল কনহল্লি‍। অদোম্না স্বচ্ছ ভারত অভিয়ান্দসু লৈবাকসিদা অচৌবা থৌদাং য়ারি‍। স্বচ্ছ ভারত কোসতা অদোম্না লৌবিখিবা মমল য়াম্লবা থৌদাংনা মরম ওইরগা গঙ্গা মপান পরিংদা থবক কয়া পায়খৎখ্রে‍। মসিনা নমামি গঙ্গে কেম্পেন্দসু চাউনা মতেং ওইখি‍। ইকায়খুম্নরবা অম্মাবু মালেম পুম্বনা নোল্লুক্নরি‍। ঐদি লাইবক ফবা মীশক অমনি‍। হৌখিবা চহি কয়া অসিদা ঐনা ইকায়খুম্নরবা অম্মাগী মীনুংসি অমসুং থৌজাল লেপ্পা লৈতনা ফংলি‍। ইমা লৈবাক্কীদমক মহাক্কী অচমবা ৱাখল্লোন অমসুং পাক চাউরবা মীৎয়েঙ ঐঙোন্দা ফাওখি‍। মরম অদুননি অসিগুম্লবা মীনুংসি চাউরবা অমদি কত্থোক্লবা স্পিরিচুএলগী মীওইশিং লৈবা লৈবাক অসিনা শোয়দনা খুমাঙ চাওশিল্লক্কনি হায়না ঐনা হায়বা ঙম্লিবসি‍।

মরূপশিং,

ঐখোয়গী লাইনিং অমসুং খুন্নাইগী শঙলেনশিংনা মহৈ মশিং অমসুং হিদাক লাংথক্কা মরী লৈনবা থৌদাংশিং পায়রমবগী মওং মতৌ অসি অরিবা মতমগী পি.পি.পি. মোদেল মওং অমনি‍। মসিবু পব্লিক-প্রাইভেত পার্ত্নরসিপ হায়না কৌই, অদুবু ঐনদি মসিবু ‘পুন্না হোৎনমিন্নবা’ ওইনসু উই‍। স্তেতশিংনা মখোয়গী মশাগী থৌওং শীজিন্নদুনা অচৌবা য়ুনিভর্সিতীশিং লিংখৎপগী থৌদাং য়ারি‍। অদুগা অমরোমদনা মসিদা লাইনিংগী শঙলেনশিংগীসু অচৌবা মফম অমা ওইরি‍। ঙসি লৈবাক অসিগী হকশেল অমসুং মহৈ মশিংগী সেক্তরবু মিসন মোদতা পুকচেল শেংনা মপাঙ্গল কলহন্নবা লৈঙাক্না হোৎনরি‍। মসিগীদমক খুন্নাইগী লূপশিংবুসু পুক্নিং থৌগৎলি‍। প্রাইভেত সেক্তরগা খোঙবু ওইরগা মতিং লৈবা পি.পি.পি. মোদেল অমা শেমগৎলি‍। ঙসিগী ফম্পাকসিদা ঐনা থমজনিংবদি, অমৃতা হোস্পিতালগী প্রোজেক্ত অসি লৈবাকসিগী অতৈ ইন্সতিত্যুসন পুম্নমক্কী তমজনফম অমা ওইগদৌরিবনি‍। ঐখোয়গী লাইনিংগী অতৈ ইন্সতিত্যুসন কয়ানসু অসিগুম্লবা ইন্সতিত্যুৎশিং চলাইরি, অমদি তোঙান তোঙানবা ফিরেপকা লোয়ননা থবক পায়খৎলি‍। ঐখোয়গী প্রাইভেত সেক্তরনা অসিগুম্বা লূপশিংদা মচাক মথুম পীদুনা অমদি মতেং পাংশিন্দুনা পি.পি.পি. মোদেল লোয়ননা স্পিরিচুএল প্রাইভেত পার্ত্নরসিপবু মাঙদা পুখৎপা য়াই‍।

মরূপশিং,

খুন্নাইগী শরুক পুম্নমক, ইন্সতিত্যুসন পুম্নমক পুন্না হোৎনমিন্নবগী মহৈ ঐখোয়না কোরোনাগী মতমদা উবা ফংখ্রে‍। হায়রিবা লাংফমসিদসু স্পিরিচুএল প্রাইভেত পার্ত্নরসিপকী মশক উবা ফংখি, অমদি ঙসি ঐনা মদুগী মতাংদা চপ চাবা ৱাফম থমজগে‍। ভারতনা ভেক্সিন পুথোকপা মতমদা মীওই খরনা করি করি হায়নখিবগে হায়বা অদোম পুম্নমক খঙবিরমগনি‍। অসিগুম্বা শেরান্নবা ৱাফম কয়ানা মরম ওইরগা খুন্নাইদা তোকঙা কয়া শন্দোরকখি‍। অদুবু খুন্নাইগী লাইনিংগী লুচিংবশিং, স্পিরিচুএলগী ওজাশিংনা পুক্না থোরক্তুনা মীয়ামদা তোকঙাদা থাজদনবা ৱাফম থমখি, অমদি মদুগী মহৈ খুদক্তা ফংখি‍। অতৈ লৈবাক্তা লৈখিবা ভেক্সিন কাপ্নিংদবগী মতৌ অদু ভারত্তা থেংনখিদে‍। ঙসিদি, অসিগুম্লবা পুম্নক্না হোৎনমিন্নবগী ইথিল অসিনা মরম ওইরগা ভারতনা মালেমগী খ্বাইদগী চাউবা ভেক্সিনেসনগী থৌরাং পায়খৎপা ঙমখিবনি‍।

 

 

 

 

 

 

মরূপশিং,

হন্দক রেদ ফোর্ততগী ঐনা লৈবাক মীয়ামগী মমাঙদা অমৃৎকালগী থৱায় মঙাগী ৱাফম অমা থমখি‍। হায়রিবা থৱায় মঙাসিগী মনুংদা অমদি মীনাই নাইথাংগী ৱাখল্লোন মপুং ফানা থাদোকপনি‍। ৱাফম অসি হৌজিক লৈবাকসিদা য়াম্না কন্না খন্নবা ৱাফম অমা ওইরি‍। হায়রিবা ৱাখল্লোন অসি ঐখোয়না থাদোক্লবা মতমদা ঐখোয়গী থবক তৌবগী মাইওনসু হোংলক্কদৌরিবনি‍। হায়রিবা অহোংবা অসি ঙসি লৈবাকসিগী হকশেলগী সিস্তেমদা উবা ফংলি‍। হৌজিক্তি ঐখোয়না ঐখোয়গী হান্না লৈজরমবা ৱাখল লৌশিং অমসুং থেংনরকপশিংদা থাজবা থমদুনা মসিগী কান্নবা মালেমগী মফমদা পীরি‍। ঐখোয়গী অয়ুর্বেদ, ঐখোয়গী য়োগ ঙসিদি মালেমগী থাজনরবা হিদাক কাংলোন অমা ওইরক্লি‍। ভারতনা হৌদোক্লুবদগী, মালেম পুমবনা মথং চহিদা ইন্তর্নেস্নেল মিল্লেৎ ইয়র পাঙথোক্কদৌরি‍। ময়াম্নসু হায়রিবা কেম্পেন অসিবু চপ চানা পাঙথোকপিরক্কনি, অদোমগী থৌনা শীজিন্নবিরক্কনি হায়না ঐনা থাজৈ‍।

মরূপশিং,

হকশেলগা মরী লৈনবা থৌগলশিংগী মফম শুপ্নতগী লায়েংশঙ, হিদাক লাংথক অমসুং লায়েংদা লোইদে‍। মশা মউ ফবা খুন্নাইগী য়ুম্ফম থোল্লিবা থৌগলগী মওং কয়া অমসু লৈরি‍। খুদম ওইনা, মীচম মীয়াম্না অফবা অমদি অরুবা থক্নবা ঈশিং ফংহনবা হায়বসিসু চপ চানা মরু ওই‍। লৈবাকসিদা লায়না কয়া অমদি অমোৎপা ঈশিংদগী পোক্লকপনি‍। মরম অসিননি লৈবাকসিনা চহি অহুমগী মমাঙদা লৈবাক পুম্বগী ওইবা জল জীবন মিসন হৌদোকখ্রিবসি‍। হায়রিবা চহি অহুমসিদাো লৈবাকসিগী খুঙ্গঙগী য়ুমথোঙ করোর ৭তা নৌনা পাইপকী ঈশিং ফংহনখ্রে‍। পনবা য়াইবদি, হায়রিবা কেম্পেন অসিদা হরিয়ানা লৈঙাক্নসু মতিং লৈনা থবক তৌখি‍। অতম্ননা ঐনা পঞ্জনিংবা ৱাফম অমদি, হরিয়ানা অসি য়ুমথোঙ খুদিং পাইপকী ঈশিং ফংহনবদা লৈবাকসিগী ওইনা মাঙজিল থানা চেল্লিবা স্তেত অমা ঙসিদি ওইরে‍। মতৌ অসুম্না হরিয়ানাগী মীয়াম্না বেতি বচাও বেতি পরাওগী লমদসু মশক থোক্না থবক তৌখি‍। হায়রিবা ৱাফমশিং অসি হরিয়ানাগী শিংলিদা, হরিয়ানাগী লৈহাওদা, মখোয়গী নাত্তা য়াওদুনা লৈরবনি‍। মরম অসিননি মফমসিগী নহাশিংনা শান্নবুংদা মচু অহুমগী ফিরালবু চাওথোকচবগা লোয়ননা পাইহল্লিবা‍। হায়রিবা খোঙজেল অসিগা লোয়ননা লৈবাকসিগী অতৈ স্তেতশিংদসু অতেনবা মতমদা অচৌবা মহৈ ফংবা ঙম্নবা হোৎনগদবনি‍। ঐখোয়গী খুন্নাইগী লূপশিংনা হায়রিবা অসিদা অচৌবা থৌদাং লৌবা য়াই‍।

মরূপশিং,

মওং চুম্না চাওখৎপা পুরকপা হায়বসি মীপুম খুদিংদা য়ৌহনবা অমদি মীপুম খুদিংনা কান্নবা ফংবদুবুনি‍। ৱাখল্লোন অসিদা অমৃতা হোস্পিতালনা তমথিবা লায়না কয়াগী লায়ে পুম্নমক্কী মফমদা ফংহনগদৌরিবনি‍। অদোমগী অমৃতগী মশক ওইরবা ফিরেপ্না হরিয়ানা, দিল্লী-এন.সি.আর.গী ইমুং লাখ কয়াবু মশা মউ ফবা ফীভম ফংহনগনি হায়না ঐনা থাজৈ‍। ইকায় খুম্নরবা অম্মাগী খুয়াখাদা অমুক্কা হন্না ইকোক নোঞ্জদুনা ময়াম পুম্নমকপু থম্মোয়নুংদগী নুংঙাইবা ফোঙদোকচরি, য়াম্লবা য়াইফ-পাউজেল পীজরি‍‍‍। হন্না হন্না থাগৎচরি‍।

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Suheldev to Birsa: How PM saluted 'unsung heroes'

Media Coverage

Suheldev to Birsa: How PM saluted 'unsung heroes'
...

Nm on the go

Always be the first to hear from the PM. Get the App Now!
...
We pay homage to those greats who gave us our Constitution: PM
November 26, 2022
Share
 
Comments

The Prime Minister, Shri Narendra Modi has paid homage to those greats who gave us the Constitution and reiterated the commitment to fulfil their vision for the nation.

In a tweet, the Prime Minister said;

"Today, on Constitution Day, we pay homage to those greats who gave us our Constitution and reiterate our commitment to fulfil their vision for our nation."