খুরুমজরি
নেস্নেল সাইন্স দেদা পাঙথোকপা ঙসিগী বজেৎকী ৱেবিনারগী তোপিক অসি য়াম্না মরু ওই। ২১শুবা চহিচাগী ভারতনা মাগী প্রজাশিংবু তেক্নোলোজী শীজিন্নদুনা শক্তি পীনবা লেপ্পা লৈতনা হোৎনরি। হৌখিবা চহি খরা অসিদা বজেৎ খুদিংমক্না তেক্নোলোজীগী মতেংগা লোয়ননা মীয়ামগীদমক ইজ ওফ লিবিংদা মীৎয়েং থমদুনা লাকখি। চহি অসিগী বজেৎতা তেক্নোলোজী অমসুং হ্যুমেন তচতা মরু ওইবা মীৎয়েং চংখি।
মরুপশিং, ঐখোয়গী লৈবাক্তা মমাং সরকারশিংগী মরু ওইবা মীৎয়েং থম্লিবশিংগা খেন্নবা জয়া লৈ। সরকারগী মীৎয়েংগীদমক মীয়ামগী অখন্নবা শরুক অমনা করম্না ঙাইদুনা লাকখি অমসুং মীয়ামগী য়াইফনবা তৌরক্কনি হায়না থাজবা থমখি। অদুবু মমাংগী সরকারগ মতমদা মসিগী কাংলুপ অসিনা পুন্সি চুপ্পা খুদোংচাবশিং অসি ফংদনা লাকখি। মীয়ামগী অতোপ্পা শরুক অমনা মাংদা চংশিনবা পামখি অদুবু সরকারগী খোঙথাংশিংনা পীখিবা প্রেসর অমদি অপনবশিংনা মখোয়বু চীংথখি। হৌখিবা চহি খরা অসিদা ঐখোয়গী সরকারগী খোঙথাংশিংনা মরম ওইদুনা ফীভমশিং অসিদা অহোংবা পুরকপা ঙমখি। খ্বাইদগী মথৌ তাবা মফমশিংদা ওইরিবা ফীভমশিংদা পোলিসী অমসুং মখোয়গী অফবা ফলশিং অদু উবা ফংখি।
ঐখোয়গী খোঙথাংশিংনা লায়রবা অমসুং শোত্থরবা খুদিংমক্কী পুন্সি লায়থোকহল্লি, মখোয়গী ইজ ওফ লিবিং হেনগৎহল্লি। মীয়ামগী পুন্সিদা সরকারনা অপনবা পীবা হন্থহনখি অমসুং প্রজাশিংনা সরকার অসি অপনবা অমা ওইনা উখিদ্রে। মসিগী মহুৎ প্রজাশিংনা সরকার অসি কেতলিস্ত অমা ওইনা উরি হায়রিবা অসিদা তেক্নোলোজীনা অচৌবা থৌদাং লৌখি।
হৌজিক য়েংবীয়ু ৱান নেসন – ৱান রাসন কার্দকী য়ুম্ফম তেক্নোলোজীনা ওইরি অমসুং মসিনা মরম ওইদুনা লায়রবা মীওই করোর কয়ানা রাসন ত্রান্সপরেন্ত ওইনা ফংলি অমসুং মাইগ্রেন্ত লেবরশিংগীদমক্তা মসি থৌজাল অমনি। তেক্নোলোজী, জন ধন একাউন্ত, আধার অমসুং মোবাইল অহুম অসিনা লায়রবা মীওই করোর কয়াগী বেঙ্ক একাউন্তশিংদা শেল হকথেংননা থাবা ঙমহনখি।
চপ মান্নবা মওংদা আরোগ্য সেতু অমসুং কোৱিন এপ অসিনা মরু ওইবা খুৎলাই ওইরি অমসুং মসিনা কোরোনা মনুংদা ত্রেসিং অমসুং ভেক্সিনেসন্দা চাউনা মতেং পাংখি। ঐখোয়না ঙসি উবা ফংলে মদুদি তেক্নোলোজীনা রেলৱে রিজর্বেসন অসি মোদর্ন ওইহল্লি অমসুং মীচম প্রজাগী অৱাবা কোকহনখি। কম্মন সর্ভিস সেন্তরগী নেৎৱার্কনা লায়রবশিংগী খ্বাইদগী লায়রবগা সরকারগী সর্ভিসশিংগা তেক্নোলোজীনা লায়না শম্নহল্লি। অসিগুম্বা ৱারেপশিং লৌদুনা ঐখোয়গী ইরৈবাকচাশিংগী ইজ ওফ লিবিং হেনগৎহনখি।
মরুপশিং ঙসি ভারতকী প্রজা খুদিংমক্না মসিগী অহোংবা অসি ময়েক শেংনা উবা ফংলি, সরকারগা লাইনা পাও ফাওনবা ঙম্লি। হায়বদি মীচমনা সরকারদা মখোয়গী অপাম্বা ফোঙদোকপা ঙম্লে অমসুং মখোয়গী সোল্যুসনশিং খুদক্তা ফংবা ঙম্লে। খুদম ওইনা মমাংদা তেক্সকা মরী লৈনবা কমপ্লেন্তশিং অসি য়াম্না ৱাংলমখি অমসুং মসিনা মরম ওইরদুনা তেক্স থীরিবশিংদা চৈথেং পীখি। মরম অসিনা তেক্নোলোজীগী মতেংগা লোয়ননা ঐখোয়না অপুনবা তেক্স প্রোসেস অসি ফেসলেস ওইহনখি। মসিদা ঐনা খুদম অমা পীজগে। অতোপ্পা বিভাগশিংনসু তেক্নোলোজীগী মতেংনা অফবা মওংদা সমস্যাশিং কোকহনবা ঙমগনি। খোঙথাং অসি মাংদা পুখৎতুনা ঐখোয়না সরকারগা লায়না পাও ফাওনবা ঙম্নবা লমশিং খঙদোক্কদবনি।
মরুপশিং মিসন কর্ময়োগীগী খুত্থাংদা সরকারগী কর্মচারীশিং অসি হেন্না সিতিজেন সেন্ত্রিক ওইহন্নবা ৱাখল্লোনগা লোয়ননা ত্রেন তৌরি। ত্রেনিং তৌবগী থৌওং লেপ্তনা অপদেৎ তৌবগী মথৌ তাই অমসুং প্রজাশিংদগী লাকপা ফীদবেক্তা য়ুম্ফম ওইরগা শেমদোক শেমজিন তৌবনা শীংথানীংঙাই ওইনা ফগৎলকপা উবা ফংগনি। ত্রেনিং ফগৎহন্নবগী ফীদবেক লাইনা পীবা য়াবা সিস্তেম অমা ঐখোয়না শেম্বা য়াগনি।
মরুপশিং, তেক্নোলোজীনা মীপুম খুদিংমক্তা অচুম্বা অমসুং মরি চুম্বা ইপাউ ফংহন্দুনা মাংদা চংশিন্নবা চপ মান্নবা খুদোংচাবা ফংহল্লি। ঐখোয়গী সরকারনা তেক্নোলোজী প্রমোৎ তৌনবা চাউনা ইনভেস্তমেন্ত তৌরি। ঐখোয়না ভারত্তা মোদর্ন দিজিতেল ইনফ্রাস্ত্রকচর শেমগৎলি। মসিগা লোয়ননা ঐখোয়না খুন্নাইগ সেক্সন খুদিংমক্তা দিজিতেল রিভোল্যুসনগী কান্নবশিং পীরি। ঙসি জি.ই.এম. পোর্তেলনা অপীকপা বিজিনেসমেনশিং অমসুং স্ত্রীৎ ভেন্দরশিং ফাওবা সরকারগী প্রোক্যুর্মেন্তদা শরুক য়াহল্লি। মতৌ অসুম্না ই-নামনা লৌমীশিংবু তোঙান-তোঙানবা মফমশিংদা বায়রশিংগা লিঙ্ক তৌহনখি।
মরুপশিং হৌজিক মতমদা ৫জি অমসুং এ.আই.গী মতাংদা খন্নরি। মখোয়না ইন্দস্ত্রী, মেদিসিন, এজুকেসন অমসুং এগ্রিকলচরদা অচৌবা অহোংবা পুরক্কনি হায়নরি। অদুবু ঐখোয়গী ইশাগী ওইবা পান্দম খরা থম্বা মথৌ তাই। মীচম প্রজাশিংগী য়াইফনবা তেক্নোলোজী দিপ্লোই তৌবা য়াবা লম্বীশিং অমসুং মীৎয়েং চংগদবা সেক্তরশিং করিনো খঙদোকসি। ঐখোয়না এ.আই.না কোকহনবা য়াবা খুন্নাগী অদুগুম্বা সমস্যা ১০ খঙদোকপা য়ারোইদ্রা। ঐখোয়না হেকাথোনশিং পাঙথোকপা মতমদা ঐখোয়না লৈবাক্কী নহারোলশিংগী মাংদা তেক্নোলোজীনা পীবা সোল্যুসনশিংগী মতাংদা ৱারী শাবা য়াগনি অমসুং অফবা সোল্যুসনশিং পুরকপা ঙমগনি।
মরুপশিং, তেক্নোলোজীগী মতেংনা ঐখোয়না মীপুম খুদিংমক্কীদমক দিজিলোকরগী খুদোংচাবা ফংহনখি। হৌজিক এন্তিতীশিং অসিগীদমক দিজিলোকরগী ফেসিলিতী লৈরে। মসিদা কম্পনীশিং অমসুং ওর্গনাইজেসনশিংনা মখোয়গী চে-চাংশিং স্তোর তৌবা য়াহল্লি অমসুং সরকারগী এজেন্সীশিংদা মখোয়বু শিয়র তৌবা য়াহল্লি। দিজিলোকরগী ৱাখল্লোন অসি পাকথোক চাউথোকহনবা মথৌ তাই অমসুং মখোয়দগী মীওই কয়ানা কান্নবা ফংনবা সর্ভিসশিং অসি হেন্না পাকথোক চাউথোক্নবগী লম্বীশিং পুথোক্নবা লম্বী য়েংসি।
মরুপশিং হৌখিবা চহি খরা অসিদা এম.এস.এম.ই.শিং মতেং পাংনবা অচৌবা খোঙথাং কয়ামরুম পাইখৎখি। অমসুং এম.এস.এম.ই.শিংনা মায়োক্নবা শীংনবশিং খঙদোক্নবা ব্রেনস্তোর্ম তৌবগী মতৌ তাই। বিজিনেসকী ওইনদি মতম হায়বা অসি শেলনি, মতম ককথদুনা অপীকপা এন্তর্প্রাইসশিংগীদমক কমপ্লায়েন্স কোস্ত হন্থহন্নবা সরকারনা খোঙথাংশিং লৌখৎখি। মসি কান্নদ্রবা কমপ্লায়েন্সশিংগী লিস্ত শেমদোকপগী চপ চারবা মতমনি মরমদি সরকারনা মমাংদা কমপ্লায়েন্স লিশিং নিফু হেন্না মুৎথৎখ্রে।
সরকার অমসুং মীয়ামগী মরক্তা থাজবা ৱাৎলিবা অসি মীখা পোনবগী ৱাখল্লোন্না মরম ওইরগনি। অদুবু ঙসি সরকারনা অপীকপা মরালশিং দিক্রিমিনেলাইজ তৌদুনা অমসুং এম.এস.এম.ই.শিংগীদমক লোন গরেন্তর অমা ওইদুনা প্রজাশিংগী থাজবা অমুক হন্না ফংখি। অদুবু ঐখোয়না মসিদা লেপ্পদি য়ারোই। ঐখোয়না সরকার অমসুং প্রজাগী মরক্তা থাজবা লৈহন্নবা অতোপ্পা লৈবাকশিংদা পাইখৎলিবা থবক্কী মরমদা মালেমগী খ্বাইদগী ফবা প্রেক্তিসশিংদগী এক্সপরিয়েন্স লৌনবা হায়জরি।
মরুপশিং, বজেৎকী মাইপাকপা নত্ত্রগা সরকারগী পোলিসী অসি মখোয়না কয়াম নীংথিনা শেম শাবগে হায়বগী মখা পোল্লি। অদুবু মসিদগী হেন্না মরু ওইরিবদি মসি ইমপ্লিমেন্ত তৌবগী মওং, মীয়ামগী কোওপরেসন অসিনি। ঐহাক্না শাজৈ স্তেকহোল্দর পুম্নমক্কী ইনপুৎশিংনা ইজ ওফ লিবিংদা চাউনা শাহৌ পীগনি। অমসুং ঐখোয়না মেন্যুফেকচরিং হব অমা শাবা শোইনা ঙমগনি। জিরো দিফেক্ত, জিরো ইফেক্ত অসি ঐখোয়গী মরু ওইবা মীৎয়েং ওইগদবনি। ঐখোয়গী ক্বালিতীদা কম্প্রোমাইজ তৌরোইদবনি। অমসুং মসিদা তেক্নোলোজীনা চাউনা মতেং পাংবা য়াগনি। তেক্নোলেজীগী মতেংগা লোয়ননা গ্লোবেল মার্কেৎ খুদুম চনবদা মতেং পাংবা য়াবা ফিনিশ প্রদক্তশিং শেম্বা য়াগনি।
ঐখোয়না ২১শুবা চহিচা অসি তেক্নোলোজীদা য়ুম্ফম ওইহনবা তাই। তেক্নোলোজীনা পুন্সিদা চাউনা ইথিল পীরি। অদুবু কনাগুম্বা অমত্তনা ইন্তর্নেৎ অমসুং দিজিতেল তেক্নোলোজীদা খক্তা লোইশিল্লোইদবনি। চপ মান্নবা মওংদা খুঙ্গং খুদিংমক্তা ওপতিকেল ফাইবর নেৎৱার্ক তিংলি। পঞ্চায়ৎতা য়ৌহনগনি, ৱেলনেস সেন্তরদা য়ৌগনি পুম্নমক তেক্নোলোজী দ্রিবন ওইরগনি। ঙসি লৈবাক অসিনা দিফেন্সকী পোৎলম কয়া চাউনা ইম্পোর্ত তৌরি। ঐখোয়না হেল্থকীসু ইম্পোর্ত তৌরি। ঐগী লৈবাক্কী ইন্দস্ত্রিএলিস্তনা তেক্নোলোজী অপগ্রেদ তৌদুনা মাইকৈ অসিদা খুমাং চাউশিনবা য়ারোইদ্রা? অমসুং হৌজিক খুঙ্গং খুদিংমক্তা ওপ্তিকেল ফাইবর তিংলি।
প্রাইবেৎ পার্তীশিংনা সর্ভিসশিং অসি লৌদ্রিবা ফাওবা, অনৌবা সোফৱেয়র শীজিন্নদ্রিবা ফাওবা করি কান্নবা ফংগনি। ঐখোয়না মাগী মোদেল অমা শেম্বা তাই অমসুং মসিদা সবকা প্রয়াস চংই। মরম অসিনা ঐখোয়না স্তেকহোল্দর পুম্নমক্তা ২১শুবা চহিচা অসিদা তেক্নোলোজী দ্রিবন ওইবা লৈবাক ওইহন্নবা হোৎনরসি হায়জনীংই। থুনা মীচমপু শক্তি পীরবদি লৈবাক অমদি মীয়াম হেন্না য়াইফবা ওইগনি। তেক্নোলোজীনা ২০৪৭কী চাউখৎপা ভারতকী পান্দম থুংহনবদা অচৌবা শক্তি ওইগনি। অমসুং লাইবক ফরিবদি ভারত্তা মহৌশাগী খুদোল লৈজৈ।
ভারতকী তেলেন্ত লৈরবা নহারোলশিং, স্কিল লৈবা মেনপাৱর লৈজৈ অমসুং খুঙ্গংশিংদা তেক্নোলোজী শীজিন্নবা ঙম্বগী অচৌবা মতিক ময়াই লৈ। মসিদগী কান্নবা লৌহৌনবা লম্বীশিং পুথোক্নবা খন্নবা তাই, মসি কুপ্না খন্নদুনা বজেৎ অসিদগী চাউনা কান্নবা লৌহৌনবা নখোয়না খন্নবা তাই। নখোয়না খন্নরিবা মখৈ বজেৎ অসি হেন্না কান্নবা ওইরক্কনি।
ঐহাক্না ময়ামদা য়াইফ মঙ্গোল পীজরি। হন্না-হন্না থাগৎচরি।
