Share
 
Comments
সিমবাইওসিস অরোগ্যা ধাম হৌদোকখ্রে
“লৌশিংবু পাক-শন্না শন্দোক্কদবনি, লৌশিংনা মালেম পুম্ববু ইমুং অমা ওইনা ওন্থোক্নবগী মেদিয়ম অমা ওইগদবনি, মসি ঐখোয়গী চৎনবি ওইখ্রে৷ মসিগী চৎনবি অসি ঙসিসু ঐখোয়গী লৈবাক অসিদা লেংদনা লৈরি হায়বসিদা ঐ ঙকপা ফাওই”
“স্তার্তঅপ ইন্দিয়া, স্তেন্দ অপ ইন্দিয়া, মেক ইন ইন্দিয়া অমদি অত্মনির্ভর ভারতকুম্বা মিসনশিং অসিনা ঐখোয়গী অনিংবশিং উৎলি৷ ঙসিগী ভারতনা অনৌ-অনৌবা পুথোক্লি, ফিভম ফগৎলক্লি অমদি মালেম পুম্বদা শাফু পীরি”
“মমাংগী দিফেন্সিব অমদি দিপেন্দেন্ত সাইকোলোজী অসিগী শোক্নিঙাই ওইরবা শাফু মাইয়োক্নহৌদবা অসিদদি ঐখোয়গী মীরোন অসি লাইবক ফরবনি৷ মসিগী ক্রেদিৎ পুম্বা ময়াম পুম্নমক্তা পীরবনি, ঐখোয়গী নহাদা পীরবনি৷”
“লৈবাক অসিদা লৈরিবা সরকারনা ঙসিদি লৈবাক অসিগী নহাগী থৌনাদা থাজবা থম্লি৷ মসিনা মরম ওইদুনা ঐখোয়না অদোমগীদমক সেক্তর অমগী মতুংদা অমা হাংদোরক্লিবনি”
“ঐখোয়না ঐখোয়গী মহৈরোই লিশিং কয়াবু য়ুক্রেন্দগী ঐখোয়গী ইরমদম অসিদা পুরকপা ঙমখিবা অসি ভারতকী তৌবা-ঙম্বা মতিক হেনগৎলকপগীনি”

খুরুমজরি!

মহারাস্ত্রগী রাজ্যপাল শ্রী ভগত সিংহ কোশিয়ারী, শ্রী দেবেন্দ্র ফাদনবীস, শ্রী সুভাস দেসাই, য়ুনিভর্সিতী অসিগী ফাউন্দর প্রসিদেন্ত প্রোফেসর এস.বি. মজুমদার, প্রিন্সিপল দিরেক্তর দা. বিদ্যা য়েরাবদেকর, ফেলতী মেম্বরশিং, মশক নাইবা মীথুংলেনশিং অমসুং ঐহাক্কী নহা ওইরিবা মরুপশিং!

ঙসি অদোম্না গোল্দন ভেল্যুশিং অমসুং গোল্দন হিস্তরী লৈবা তপোভুমিগুম্বা সরস্বতীগী ধামদা লৈরি, মসিগা লোয়ননা সিম্বায়োসিসনা ইন্সতিত্যুসন মাগী শক্লোন্দা গোল্দন জুবিলিগী তাঙ্কক য়ৌবা ঙম্লি। ইন্সতিত্যুসন অমগী মসিগী খোঙচৎতা মীওই কয়ানা শরুক তমখি, মসিদা মীওই কয়ানা পুন্না শরুক য়াখি।

মফম অসিদা তমখিবা মহৈরোয়শিংনা সিম্বায়োসিসকী বিজন অমসুং ভেল্যু অদু এদোপ্ত তৌখি, মখোয়গী মাইপাকপগা লোয়ননা সিম্বায়োসিসপু মশক তাকখি, খোঙচৎ অসিদা মখোয়না চপ মান্ননা শরুক তমখি। ঐহাক্না থৌরম অসিদা প্রোফেসর, মহৈরোয় অমসুং এলুমনি পুম্নমকপু থাগৎপা ফোঙদোকচরি। মসিগী নুংঙাইবা মীকুপ অসিদা ঐহাক্না ‘আরোগ্য ধাম’ কম্প্লেক্স শঙ্গাবগী খুদোংচাবসু ফংজরি। ঐহাক্না অনৌবা অহৌবা অসিগীদমক্তসু সিম্বায়োসিসকী ইমুং মনুং ওইরিবা মীওই পুম্নমক্তা নুংঙাইবা ফোঙদোকচরি।

ঐহাক্কী নহা ওইরিবা মরুপশিং,

ভারতকী মরু ওইবা ৱাখল্লোন ‘বসুধৈব কুতুম্বকম’ অসিদা য়ুম্ফম ওইরগা শাখিবা ইন্সতিত্যুত অসিগী অদোম্না শরুক অমা ওইরি। সিম্বায়োসিস অসি ‘বসুধৈব কুতুম্বকম’গী তোখাইবা কোর্স অমা লৈবা য়ুনিভর্সিতীনি হায়নসু ঐঙোন্দা পাউদমবীরি। লৌশিং পাকশ্ন্না শন্দোকপা তাই, লৌশিংনা মালেম পুম্বা অসিবু ইমুং অমা ওইনা পুনশিন্নবা পাম্বৈ ওই, মসি ঐখোয়গী চৎনবীনি, মসিনা ঐখোয়গী কলচরনি। ঐখোয়গী লৈবাক্তা চৎনবী অসি হৌজিকসু ঙাক্তুনা থম্বদা ঐহাক্না নুংঙাইবা পোকই। সিম্বায়োসিস খক্তদা মালেমগী লৈবাক ৮৫তগী মহৈরোয় লিশিং ৪৪ হেন্না তম্মি, মখোয়গী কলচর শিয়র তৌরি খঙজবদা ঐহাক্না নুংঙাইবা পোকই। হায়বদি ভারতকী অরিবা হেরিতেজ অসি মাগী মোর্দন ওইবা শক্লোন্দা মাংদা চংশিল্লি তাকপনি।  

মরুপশিং,

ঙসি ইন্সতিত্যুত অসিগী মহৈরোয়শিংনা লোইনাইদ্রবা খুদোংচাবশিং লৈরিবা মীরোলগী মশক তাক্লি। ঙসি ঐখোয়গী লৈবাক অসি মালেমগী খ্বাইদগী চাউবা ইকনোমীশিংগী মনুংদা অমা ওইরি। ঙসি মালেমগী খ্বাইদগী চাউবদা অহুমশুবা ওইরিবা স্তার্ত-অপ ইকোসিস্তেমগী হব লৈবাক অসিদা লৈরি। স্তার্তঅপ ইন্দিয়া, স্তেন্দঅপ ইন্দিয়া, মেক ইন ইন্দিয়া অমসুং আত্মনির্ভর ভারত অসিগুম্বা মিসনশিংনা ঐখোয়গী অনীংবা অপাম্বশিং মশক তাক্লি। ঙসি ভারতনা ইন্নোবেৎ তৌরি, ইম্প্রুব তৌরি অমসুং মালেম পুম্ববু ইনফ্ল্যুয়েন্স তৌরি।

পুনেদা লৈরিবা নখোয়না কোরোনাগী ভেক্সিনগী মতাংদা মালেম পুম্বগী মমাংদা ভারতনা মাগী তৌবা ঙম্বা অদু করম্না উৎখিবগে হায়বা য়াম্না মুন্না খঙই। হৌজিক নখোয়না য়ুক্রেনগী লানগী মতম অসিদসু ভারতনা মাগী প্রজাশিংবু ওপরেসন গঙ্গা চত্থদুনা লান শোক্নরিবা মফমদগী করম্না তেক্তা কাইদনা পুরকপবা ঙম্লি হায়বা উরি। মালেমগী অচৌবা লৈবাকশিংনা মসি পাঙথোকপদা সমস্যা কয়া মায়োক্নরি। অদুবু মসি ভারতনা পীবা ইনফ্ল্যুয়েন্স হেনগৎলকপনা মরম ওইরগা ঐখোয়গী মহৈরোয় লিশিং কয়াবু পোক্নফম লমদম অসিদা পুরকপা ঙমহনখি।

মরুপশিং,

নখোয়গী মীরোন অসি অমরোমদা লাইবক ফরি মরমদি নখোয়না মমাংগী দিফেন্সিব অমসুং দিপেন্দেন্ত সাইকোলোজীগী অমাংবা অদু থেংনখিদে। অদুবু করিগুম্বা লৈবাক অসিদা অহোংবা অসি লাকপা তারবদি মসিগী অহানবা ক্রেদিত অদুদু নখোয়দা পীফম থোকই, ঐখোয়গী নহারোলদা পীফম থোকই, ঐখোয়গী নহারোলনা ফংফম থোকপনি। হৌজিক নখোয়না য়েংবীয়ু, খুদম ওইনা লৈবাক অসিদা মশাগী মখোঙনা মাংদা চংশিনবগী ৱাখল ফাওবা খল্লমদবা সেক্তরশিংনা ঙসি ভারতপু মখোয়গী সেক্তরশিংদা গ্লোবেল লীদর অমা ওইনবা লম্বীদা লমজিংলি।

ঐখোয়গী মাংদা মোবাইল মেন্যুফেকচরিং অসি খুদম ওইনা লৈরি। চহি খরগী মমাংদা ঐখোয়গী মোবাইল মেন্যুফেকচরিং অমসুং অসিগুম্বা ইলেক্ত্রোনিক্স কয়াগী ৱাহন্থোক অসি অমা খক্তা ওইরম্মি – ইম্পোর্ত! মালেমগী মফম কয়াদগী পুরকপা অসিনি। দিফেন্স সেক্তরদা দিকেদ কয়া ঐখোয়না অতোপ্পা লৈবাকশিংনা ঐখোয়দা পীরকপা অদুদা য়ুম্ফম ওইরগা ঐখোয়গী তৌবা ঙম্বা অদু লেপ্পা হায়া অসিদা থাজনরম্মি। অদুবু ঙসিদা ফীভম অদুদা অহোংবসু লাকখি, ফীভম অদু হোংলে। ভারতনা মোবাইল মেন্যুফেকচরিংদা মালেমগী খ্বাইদগী চাউবদা অনিশুবা লৈবাক ওইবা ঙম্লে।

চহি তরেৎকী মমাংদা ভারত্তা মোবাইল মেন্যুফেকচরিং কম্পনী ২ খক্তা লৈরমখি, ঙসিদি থবক অসিদা মেন্যুফেকচরিং য়ুনিৎ ২০০ হেন্না মথৌ তৌরি। দিফেন্সতসু মালেমগী ওইনা খ্বাইদগী চাউবা ইম্পোর্তর ওইবা লৈবাক অমা ওইনা খঙনরিবা ভারত অসি হৌজিক দিফেন্স এক্সপোর্তর অমা ওইরক্লি। ঙসি খ্বাইদগী চাউবা মোদর্ন ৱিপনশিং শাগদৌরিবা, লৈবাক অসিগী দিফেন্সকী তঙাই ফদবশিং থুংহন্নবা লৈবাক অসিদা অচৌবা দিফেন্স কোরিদোর অনি শারি।

মরুপশিং,

নীংতম্বগী চহি ৭৫ শুরকপা অসিদা ঐখোয়না অনৌবা ভারত অমা শেমগৎনবা অনৌবা পান্দমশিংগা লোয়ননা মাংদা চংশিল্লি। ঐখোয়গী হৌগৎলক্লিবা মীরোন্না ভারতকী অমৃতকী কেম্পেন অসি মাংদা লমজিংবা তাই। ঙসি সোফৱেয়র ইন্দস্ত্রীদগী হৌরগা হেল্থ সেক্তর ফাওবা, এ.আই. অমসুং এ.আর. দগী ওতোমোবাইল অমসুং ই.ভি. ফাওবা, ক্বান্তম কম্প্যুতিংদগী মেছিন লর্নিং ফাওবা লম খুদিংমক্তা অনৌবা খুদোংচাবশিং ফংহল্লি। জিও-স্পাসিএল সিস্তেমশিংদা দ্রোনদগী হৌরগা সেমি-কন্দক্তরশিং অমসুং স্পেস তেক্নোলোজীদা লৈবাক অসিদা লেপ্পা লৈতনা রিফোর্মশিং পুরক্লি।

রিফোর্মশিং অসি সরকারগী রেকোর্দকীদমক নত্তে, রিফোর্মশিং অসি নখোয়গী খুদোংচাবশিং ফংনবা পুরকখি। অমসুং ঐহাক্না রিফোর্মশিং অসি নখোয়গীদমক্তনি, নহারোকগীনি হায়না হায়জগে। নখোয়না তেক্নিকেলগী লম, মেনেজমেন্তগী লম, নত্ত্রগা মেদিকেলগী লমদা লৈরবদু ঐহাক্না মসিদা খুদোংচাবশিং ফংহল্লি হায়বা খঙই, মসি নখোয়গীদমক্তা খক্তনি।

ঙসি লৈবাক অসিদা সরকারনা লৈবাক অসিগী নহারোলগী মপাঙ্গলদা থাজবা থম্মি, নখোয়গী পাঙ্গলদা থাজবা থম্মি। মরম অসিনা ঐখোয়না নখোয়গীদমক সেক্তর অমগী মথংদা অমা কয়া অমা হাংদোক্লি। মসিগী খুদোংচাবশিং অসি লৌহৌ, ঙাইদুনা লৈথোক্কনু। নখোয়না নখোয়গী ওইবা স্তার্ত-অপশিং হৌদোকউ, লৈবাক অসিগী সমস্যাশিং, মীয়ামগী খুদোংচাদবশিং হায়রিবশিং অসিগী ৱারোইশিনশিং য়ুনিভর্সিতী অসিদগী ফংহল্লু।

অদোম্না মতম চুপ্পদা নীংশিংগদবনি অদোম্না লৈনীংবা লম অমা হেক্তদা লৈরবসু, অদোমগী কেরিয়রগীদমক পান্দমশিং থম্বগী মওংদা, লৈবাক অসিগীদমক অদোম্না চপ মান্নবা মওংদা পান্দম খরা থমগদবনি। করিগুম্বা অদোম্না তেক্নিকেলগী লমদা লৈবা তারবদি অদোমগী ইন্নোবেসন, অদোমগী থবক অদুনা লৈবাক অসিদা করম্না কান্নবা ফংহনগনি, অদোম্না খুঙ্গংশিংগী লৌমীশিং মতেং পাংনবা অমসুং মনুং হঞ্জিনবা মফমশিংদা লৈরিবা মহৈরোয়শিংদা মতেং পীগদবা প্রদক্তশিং দিবেলপ তৌবা ঙম্লোইদ্রা!

মসিগা চপ মান্ননা, কারিগুম্বা অদোম্না মেদিকেলগী লমদা লৈবা তারবদি, ঐখোয়গী হেল্থ ইনফ্রাস্ত্রকচর করম্না মপাঙ্গল কনখৎহনগনি, খুঙ্গংশিংদসু করম্নবা ক্বালিতী লৈবা হেল্থ সর্ভিসশিং ফংহনগনু, অদোম্না তেক ফ্রেন্দশিংগা লোয়ননা অনৌবা স্তার্তঅপশিংগী প্লান তৌবা য়াগনি। সিম্বায়োসিসতা হৌখিবা আরোগ্য ধাম অসিগুম্বা বিজন অসিনা লৈবাক পুম্বগী মোদেল অমা ওইবা য়ারগনি। অমসুং ঐহাক্না হেল্থকী মতাংদা থম্বা অসিদা ঐহাক্না নখোয়গী ফিতনেসকী মতাংদা শোইনা য়েংশিনবীয়ু হায়নসু হায়জগে। য়াম্না নোকউ, ফাগী তৌ, হকচাং ফনা থম্মু অমসুং লৈবাক অসিবু অনৌবা পনখৈ তম্না পুখৎলু। ঐখোয়গী পান্দমশিং অসি পর্সনেল গ্রোথতগী নেস্নেল গ্রোথ ওইরকপা মতমদা লৈবাক শেম্বদা শরুক য়ানীংবগী ৱাখল্লোন হেনগৎলকই।

মরুপশিং,

ঙসি, অদোমগী য়ুনিভর্সিতীগী চহি ৫০শুবগী থৌরম পাঙথোকপা অসিদা ঐহাক্না সিম্বায়োসিস ফেমিলীদা রিক্বেস্ত খরা তৌজগে। অমসুং ঐহাক্না মফম অসিদা লেংশিল্লিবশিংদা রিক্বেস্ত তৌজগে। ঐখোয়না চহি খুদিংগী থিম অমদা, মফম অসিদা থবক তৌরিবা মীওই পুম্নমক্তা, লম অমা হেক্তদা দেদিকেৎ তৌবগী চৎনবী সিম্বায়োসিসতা লৈহনবা ঙম্লোইদ্রা? মসিদা দেদিকেসন, কন্ত্রিব্যুসন, পার্তিসিপেসন, ইমিতেতিব লৈগদবনি। হৌজিক্তগী লেপহৌরো, করিগুম্বা মফম অসিদা গোল্দন জুবিলী অসিদা য়াওরিবা ওইরগদি মথংগী চহি মঙাদা করি থিম ওইগনি, ২০২২দা, ২০২৩দা করি থিম ওইগনি, ২০২৭তা করি থিম ওইগনি, হৌজিক্তগী ঐখোয়না লেপথোকপা য়ারোইদ্রা?

হৌজিক ঐহাক্না থিম অমা হায়জগে, থিম অদু ওইগদবনি হায়বা লৈতে ইশাগী ওইনা প্লান তৌজৌ। অদুবু খুদম ওইনা গ্লোবেল ৱার্মিং হায়রসি – হীরম অসি খল্লসি। ২০২২ দা ঐখোয়গী ফেমিলি পুম্বনা গ্লোবেল ৱার্মিংগী হীরম খুদিংমক নৈনগদবনি, মদুদা রিসর্চ তৌগদবনি, মদুদা সেমিনারশিং পাঙথোক্কদবনি, মসিদা কার্তুনশিং য়েক্কদবনি, মসিদা ৱারীশিং ইগদবনি, শৈরেং ইগদবনি, মসিদা ইক্বিপমেন্ত মেন্যুফেকচর তৌগদবনি। হায়বদি থবক খুদিংমক তৌবগা লোয়ননা থিম অসি অহেনবা থবক অমনি হায়না লৌবীয়ু। মীয়ামদা এৱের ওইহনবীয়ু।

চপ মান্নবা মওংদা ঐখোয়না সমুদ্র মপাল নত্ত্রগা সমুদ্রদা ক্লাইমেৎ চেঞ্জনা পীরিবা শাফুগী মতাংদা থবক তৌবা য়াই। ঐখোয়গী অরোইবা খুঙ্গংশিং ওইরিবা, ঐখোয়গী ঙমখৈ ঙাকশেনবদা লান্মীশিংগা থমোয় শেংনা থবক তৌমিন্নরিবা মীওইশিং অসিগী, ঐখোয়গী ঙমখৈদা লৈরিবা মফমশিং চাউখৎহন্নবগী মতাংদা থিম অমা লৌখৎপা য়াই। নাকল অমরোমদা মখোয় অসি মীরোল কয়া কয়া ঐখোয়গী লৈবাক অসি ঙাকশেনবীরক্লিবশিংনি। য়ুনিভর্সিতীশিংগী খুত্থাংদা মসিগীদমক ঐখোয়গী ইমুং অসিদা ঐখোয়গী ঙমখৈগী চাউখৎনবগী ঐখোয়না করি থৌরাং তৌবা য়াই, য়ুনিভর্সিতী অসিগী মহৈরোয়শিংনা মফম অদুদা চৎলু, মফম অদুগী মীয়ামগী সমস্যাশিং খঙদোকউ অমসুং মফম অসিদা ফম্লগা মদু খন্নৌ, পাম্বৈ পুথোকউ।

অদোমগী য়ুনিভর্সিতীবু এক ভারত শ্রেস্থ ভারতকী ৱাখল্লোন অসি চেৎশিনহন্নবা, ‘বসুধৈব কুতুম্বকম’গী মঙলান অসি এক ভারত শ্রেস্থ ভারতকী মঙলান্না মঙফাওনরবা মতমদা ওইথোক্কনি। করিগুম্বা অতোপ্পা রিজনদগী য়ুনিভর্সিতী অসিদা লাকপা মতমদা অতোপ্পা রিজন অদুগী লোলশিংদগী ৱাহৈ খরা তমশিল্লু, মসিনা কান্নবা ফংগনি। নখোয়না পান্দম অমা থম্মু মফম অসিদগী সিম্বায়োসিসকী মহৈরোয় অমনা চৎখিবা মতমদা মহাক্না মরাথি য়াওনা ভারতকী লোল ৫গী য়ামদ্রবদা ৱাহৈ ১০০ হৈজিল্লগা চৎখো অমসুং মহাক্না পুন্সিদা মদুগী কান্নবা ফংগনি।

ঐখোয়গী নীংতম ইহৌগী পুৱারী অসি মমল য়াম্মি। অদোম্না পুৱারী অসিগী হীরম অমা হেক্তা দিজিতাইজ তৌনবা থবক পাইখৎপসু য়াই। নখোয়না পুন্না এন.এস.এস., এন.সি.সি. অসিগুম্বা অনৌবা এক্তিবিতীশিং লৈবাক অসিগী নহাশিংগী মরক্তা করম্না প্রমোৎ তৌগদগে খন্নবা য়াই। ৱাতর সেক্যুরিতীগী হীরম ওইরবসু, লৌউ-শিংউগা তেক্নোলোজীগা লিঙ্ক তৌবগী হীরম ওইবসু, সোইল হেল্থ তেস্তিংদগী ফুদ প্রদক্তশিংগী স্তোরেজ অমসুং নেচরেল ফার্মিং অসিগুম্বা হীরম কয়াদা রিসর্চ তৌবদগী এৱের্নেস পীবগী থবক ফাওবা তৌবা য়াই।

করি তোপিক ওইগনি হায়বা অদু নখোয়না খনজৌ। অদুবু লৈবাক অসিগী সমস্যাশিং কোকহন্নবা অদোম্না সবজেক্তশিং অদু খনগদবনি অসুম তৌদুনা নহারোল পুম্নমক্না পুন্না নহা ওইরিবা ৱাখল্লোনশিংগা লোয়ননা অচৌবা ইনফ্রাস্ত্রকচর, সিস্তেম অমসুং সোল্যুসনশিং পুরক্কদবনি। অমসুং ঐহাক্না অদোমগী সজেসনশিং অমসুং এক্সপরিয়েন্সশিং অদু সরকারদসু শিয়র তৌনবা হায়জরি। থিমশিং অসিদা থবক তৌরবা মতুংদা অদোমগী রিসর্চ, অদোমগী লশিং, অদোমগী আইদিয়াশিং, অদোমগী সজেসনশিং অদু প্রাইম মিনিস্তর ওফিসতা থারকপসু য়াগনি।

মফম অসিদা লৈরিবা প্রোফেসরশিং, ফেকলতী, মহৈরোয়শিংনা পুন্না কেম্পেন অসিগী শরুক অমা ওইরবি অফবা ফলশিং পুরক্কনি হায়না ঐহাক্না থাজৈ। হৌজিক নখোয়না চহি ৫০ শুবগী পালন তৌরি, চহি ৭৫ শুরকপদা, চহি ২৫গী মতুংদা মীওই লিশিং ৫-৫-না থিম ২৫দা থবক তৌরবদি মদুনা লৈবাক অসিদা অচৌবা লম অমা পীগনি। অমসুং মসিনা সিম্বায়োসিসকী মহৈরোয়শিংদসু চাউনা কান্নবা পীগনি হায়না খনজৈ। 

অরোইবদা ঐহাক্না সিম্বায়োসিসকী মহৈরোয়শিংদা ৱাফম অমগা হায়জগে। অদোমগী প্রোফেসর, ওজা অমসুং পিয়রশিংদগী কয়া অমা ইন্সতিত্যুত অসিদা লৈরিঙৈদা তমশিনবা ফংলমগনি। ঐহাক্না সেল্ফ-এৱের্নেস, ইন্নোবেসনন অমসুং রিস্ক লৌবগী এবিলিতী অদু মপাঙ্গল কনখৎহন্নবা হায়জরি। অমসুং অদোমদা চহি ৫০ শুরবা অদুগুম্বা কেপিতেল অমা, এক্সপরিয়েন্সকী কেপিতেল অমা শোইদনা লৈরমগনি হায়না ঐহাক্না থাজৈ। নখোয়না এক্সপরিমেন্ত কয়া তৌরবা মতুংদা মফম অসিদা য়ৌরকখি। অদোমগী মসি লন অমনি। লন অসি লৈবাক্কীদমক্তসু কান্নবা ওইগনি। নখোয়না মাইপাকপা ওইয়ু অমসুং মফম অসিদা লাকপা অঙাং খুদিংমক্না অফবা তুংলমচৎ অমা ফংবা ঙম্নবা কনফিদেন্স লৈবা ওইরসনু। মসি ঐহাক্না নখোয়দা পীবা য়াইফ-মঙ্গোলনি।

নখোয়গী মরক্তা ঐহাকপু য়াওবা ফংনবগীদমক খুদোংচাবা কয়া পীবীখি অদুবু ঐহাক্নদি য়াওবা ঙমখিদে মসিগীদমক ঐহাক্না অমুক্কা হন্না থাগৎপা ফোঙদোকচরি। ঐহাক্না মুখ্য মন্ত্রী ওইরিঙৈ মতমদা ঐহাক্না নখোয়গী মরক্তা লাকখি। ঙসি অমুক হন্না মফম অসিদা লাকপা ফংজরে। অনৌবা মীরোল অসিগা ৱারী-ৱাতায় শাবা ফংজনবা ঐঙোন্দা খুদোংচাবা অসি পীবীবগীদমক ঐহাক্না তৌবীমল খঙবা উৎচরি।

হন্না-হন্না থাগৎচরি, য়াইফ-মঙ্গোল পীজরি!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Viral Video: Kid Dressed As Narendra Modi Narrates A to Z of Prime Minister’s Work

Media Coverage

Viral Video: Kid Dressed As Narendra Modi Narrates A to Z of Prime Minister’s Work
...

Nm on the go

Always be the first to hear from the PM. Get the App Now!
...
PM seeks blessings of Maa Skandmata during Navratri
September 30, 2022
Share
 
Comments

The Prime Minister, Shri Narendra Modi has sought blessings of Maa Skandmata on the fifth day of Navratri for the devotees and shared recital of prayers (stuti) of the Goddess.

The Prime Minister tweeted;

"नमामि स्कन्दमातरं स्कन्धधारिणीम्।

समग्रतत्त्वसागरामपारपारगहराम्॥

नवरात्रि की पंचमी तिथि पर देवी स्कंदमाता की पूजा का विधान है। मां स्कंदमाता सभी के जीवन में नई स्फूर्ति का संचार करें। देशवासियों की ओर से उनका वंदन!"