“মচু অহুমগী ফিরালনা শিংনবা খুদিংমক মায়োক্নবদা থৌনা হাপ্লি”
“ভারতনা মাগী ফীদম অমসুং মাইপাকপশিংদা য়ু্ম্ফম ওইদুনা অনৌবা শাফু অমা পীরি অমসুং মসি মালেম্না খংলি”
গ্রীসনা য়ুরোপ ফাওবগী ভারতকী গেতৱে অমা ওইরগনি অমসুং ভারত অমদি EUগী অফবা মরীশিংগী মপাঙ্গল লৈবা মেদিয়ম অমা ওইরগনি”
“21শুবা চহিচা অসি তেক্নোলোজী দ্রিভন ওই অমসুং 2047দা ভিক্সিৎ ভারতকী পান্দম ফংনবা ঐখোয়না সাইন্স অমসুং তেক্নোলোজী লম্বেলদা চৎকদবনি”
“চন্দ্রয়ান্না মাইপাকপনা ফাওহল্লিবা ইহুল অসি শক্তিদা ওন্থোকপা মথৌ তাই”
“G20 সম্মিৎকী মনুংদা দিল্লীগী মীয়াম্না থেংনগদৌরিবা খুদোংচাদবশিং অসিগীদমক ঐহাক্না মাংজৌননা ঙাকপীনবা হায়জরি। দিল্লীগী মীয়াম্না G20 সম্মিৎ অসি চাউনা মাইপাকহন্দুনা ঐখোয়গী সাইন্তিস্তশিংনা পুরক্লিবা মাইপাকশিং অসিদা অনৌবা থৌনা হাপ্লগনি হায়না ঐহাক্না থাজবা থম্লি”

ভারত ইমানা য়াইফরে।

ভারত ইমানা য়াইফরে।

ভারত ইমানা য়াইফরে।

ঙসি অয়ুক ঐহাক বেঙ্গলুরুদা অয়ুক অঙনবদা থুংখি অমসুং লৈবাক অসিগী অচৌবা মাইপাকপা পুরকখিবা বিজ্ঞানিকশিংবু দর্শন তৌনবা ঐহাক্না চৎকে হায়না ৱারেপ লৌখি মরম অসিনা অয়ুক অঙনবদা মফম অসিদা চৎখি। নুমিৎ ফাওবা থোক্ত্রিঙৈ মমাংদগী অয়ুক্তগী হৌনা জনতা জনর্দন্না চন্দ্রয়ান মাইপাকপগী নুংঙাইবা ফোঙদোক্লিবা অসি য়াম্না ইথিল পীনীংঙাই ওইরি অমসুং হৌজিক নুমিৎ ঙন্থোইরি অমসুং থা অসিগী নুমিৎনা উনশা অসিবু শাহনখি। শারবা নুংশা মরক্তা মফম অসিদা নখোয়না লাকপীবা অমসুং চন্দ্রয়ানগী নুংঙাইবা ফোঙদোকপদা শরুক য়াবীবা ঐহাক্কী লাইবক ফবনি অমসুং ঐহাক্না নুংঙাইবা ফোঙদোকপা অসিগী শরুক অমা ওইবা ফংজরি। মসিগীদমক ঐহাক্না ময়ামদা নুংঙাইবা ফোঙদোকচরি।

ঙসি ঐহাক্না অয়ুক্তা ইস্রোদা য়ৌরকপা মতমদা চন্দ্রয়াননা লৌখিবা ফোতোশিং অদু অহানবা ওইনা ফোঙবগী খুদোংচাবা অমসু ফংজখি। হৌজিক্তি অদোম্নসু TVদা অদুগুম্বা পিকচরশিং অদু উবা ফংলমগনি। অদুগুম্বা ফজরবা পিকচরশিং অদুনা মশা মথন্তা ঐখোয়গী মাঙদা অচৌবা সাইন্তিফিক ওইবা মাইপাকপা অমগী লিননিং পিকচর অমা উবা ফংহনখি। মহৌসানা মালেম অসিদা চৎনবী অমা লৈরি মদুদি অসিগুম্বা মায় পাকপা মিসন অমগীদমক মখোয়দা পোইন্ত খরা পীরি, মরম অদুনা য়াম্না খন্থরবা মতুংদা চন্দ্রয়ান-3 লেন্দ তৌখিবা পোইন্ত অদু মমিং অমা থোনখি অমসুং মসিগী মমিং ‘সিব শক্তি’ থোনখি অমসুং সিবকী মতাংদা হায়রগদি সুভমনি অমসুং শক্তিগী মতাংদা হায়রগদি মসি ঐগী লৈবাক্কি নারী শক্তিনি। সিবকী মতাংদা হায়রগদি হিমালয়গী ৱাফম অসি ৱাখলদা লাকই অদুগা শক্তিগী মতাংদা হায়রগদি কন্যাকুমারিনা ৱাখলদা লাকই, মতম অদুদা হিমালয়দগী কন্যাকুমারি ফাওবা মসিগী মমি তাহন্নবগীদমক্তা ‘সিব শক্তি’ হায়বা মিং অসি লেপখি। মসিগা লোয়ননা 2019দা চন্দ্রয়ান-2গী মমিং থোনবগী খন্ন-নৈনবা অদু মতম অদুদা ঐঙোন্দা লাকখি, অদুবু ৱাখলদদি শেম-শাদুনা  লৈখিদে, পুক্নিংদা ৱারেপ লৌখি মদুদি পোইন্ত 2 অসিসু ঐখোয়না ঐখোয়গী মিসন অসি তশেংনা খঙবা মতমদা মমিং অদু ফংগনি। খোঙচৎ অদুদা মায় পাক্কদবনি। অমসুং চন্দ্রয়ান-3 মাইপাকখি, মরম অদুনা ঙসিদি চন্দ্রয়ান-2 ওইরম্বা পোইন্ত অদুসু মমিং থোল্লে অমসুং পোইন্ত অদুবু ‘তিরঙ্গা’ হায়না মমিং থোনখ্রে। তিরঙ্গানা খুদোংথিবা খুদিংমক লান্থেংননবা পাঙ্গল পীরি, তিরঙ্গানা মঙলান খুদিংমক মংফাওনহন্নবা ইথিল পীরি অমসুং মরম অসিনা চন্দ্রয়ান-2না মাইপাকথিবা অমা অমসুং চন্দ্রয়ান-3দা মাইপাকপা অমা খুদোল তমখি, মদুগী মতুংদা তিরঙ্গানা ইথিল পীখি। অমসুং মরম অসিনা চন্দ্রয়ান-2 গী পোইন্ত অসি হৌজিক তিরঙ্গা হায়না খঙনরগনি। ঐহাক্না ঙসি অয়ুক অঙনবদা হেন্না মরু ওইবা ৱাফম অমা হায়জরি মদুদি ওগস্ত 23 অসি ভারতকী সাইন্তিফিক দিবেলপমেন্ত খোঙচৎতা মাইপাকপা অমনি অমসুং মরম অসিনা চহি খুদিংগী ভারতনা ওগস্ত 23 অসি নেস্নেল স্পেস দে ওইনা পাঙথোক্কনি।

মরুপশিং,

হৌখিবা  নুমিৎ খরা অসি ঐহাক BRICS সম্মিৎকীদমক খা অফ্রিকাদা চৎখি, হন্দক BRICS সম্মিৎকা লোয়ননা খা অফ্রিকা পুম্বা মফম অদুদা বর্তন তৌখি অমসুং BRICS সম্মিৎ অসিদা ঐহাক্না চন্দ্রয়ানগী মরমদা ৱারী শাদবা মালেমগী মীওই অমত্তা থেংনরকখিদে। ঐহাক্না বিজ্ঞানিক পুম্নমক অমসুং ময়ামদা নুংঙাইবা ফোঙদোকচরি। মালেম পুম্বনা নুংঙাইবা ফোঙদোকপীরকপা অদু খুৎশিন্নজরি।

মরুপশিং,

মীপুম খুদিংমক্না চন্দ্রয়ানগী খোঙচৎ, মসিগী মাইপাকপা অমসুং অনৌবা ভারত, অনৌবা মঙলানশিং, অনৌবা ফিরপশিং অমসুং অনৌবা পান্দমশিং অসিগী মরমদা খঙনবা হোৎনখি, অমগী মতুংদা অমনা ঐখোয়গী ভারতকী তিরঙ্গাগী অনৌবা শাফু অমা মালেমদা পীখি। ঙসি মালেমনা নখোয়গী মাইপাকপশিং এক্সপরিয়েন্স তৌরি অমসুং ইকাই খুম্নবা উৎলি।

মরুপশিং,

BRICS সম্মিৎকী মতুংদা ঐহাক গীসতা চৎখি, ভারতকী প্রধান মন্ত্রী অমত্তনা গ্রীসতা চৎখিদবা চহি 40 শুরে। তৌরমখিদবা থবক কয়া অমা ঐনা পাঙথোকপা ঙমজবা অসি ঐহাক্কী লাইবক ফবনি। গ্রীসতসু ভারতকী ইকাই খুম্নবা, ভারতকী পাঙ্গল অমসুং গ্রীসনা ভারত অমসুং গ্রীসকৌ মরক্তা লৈরিবা মরুপ-মপাং ওইবগী মরি অসিনা য়ুরোপকী গেৎৱে ওইরগনি অমসুং ভারত অমদি গ্রীসকী মরুপ-মপাং ওইবগী মরি অসি ভারত অমসুং য়ুরোপিয়ন য়ুনিয়নগী মরক্তা লৈরিবা মরি মপাঙ্গল কনখত্হন্নবগী অচৌবা পাম্বৈ অমা ওইরগনি।

মরুপশিং,

লাক্কদৌরিবা মতম অসিদা ঐখোয়গীসু থৌদাং খরা লৈ। বিজ্ঞানিকশিংনা ঐখোয়গী থবক তৌবীখ্রে। সেতলাইৎ ওইরবসু চন্দ্রয়ানগী খোঙচৎ ওইরবসু মসিনা মীচম মীয়ামগী পুন্সিদা অচৌবা ইথিল অমা পীখি অমসুং মরম অসিনা হন্দক্তি ঐগী লৈবাক্কী নহাশিংনা সাইন্স অমসুং তেক্নোলোজীদা ইন্তরেস্ত লৈগদবনি, ঐখোয়না মসি মাংদা পুখৎকদবনি। নুংঙাইবা ফোঙদোকপা, হরাও তয়াম্বা, অনৌবা শক্তি খক্তদা লোইবা মীওইশিং নত্তে ঐখোয়না মাইপাক্কনি মতুংদা অচৌবা খোঙথাং থাংদুনা অনৌবা মাইপাকপা অমগীদমক শেম শাগনি। মরম অসিনা গুদ গভর্নান্সকীদমক, লাস্ত মাইল দেলিবরীগীদমক মসিগী স্পেস সাইন্স অসি মীচম মীয়ামগী পুন্সি ফগৎহন্নবা করম্না কান্নগনি, সেতলাইৎশিং অসিদগী করম্না কান্নবা লৌগনি, মসিগী ত্রেবেল অসিনা করম্না কান্নবা পীগনি, ঐখোয়না মাংদা চংশিনবা তাই। মরম অসিনা ঐহাক্না সরকারগী বিভাগ পুম্নমক্না মখোয়না স্পেস সাইন্স, স্পেস তেক্নোলোজী অমসুং সেতলাইৎশিংগী শক্তি অসি মখোয় মশাগী বিভাগশিংদা জেনরেল পব্লিক্কা মরী লৈনবা থবকশিং দেলিবরী করম্না শীজিন্নগদবনি অদুবু মসি করম্না শীজিন্নগনি, ত্রান্সপরেন্সী লৈনা করম্না শীজিন্নগনি, পর্ফেক্সন ফংনবা করম্না শীজিন্নগনি, পুম্নমক অসিগী মাইকৈদা মসিগী সমস্যাশিং করম্না খঙদোক্কনি। লাক্কদৌরিবা নুমিৎ খরা অসিদা লৈবাক্কী নহারোলগীদমক ঐহাক্না হেকাথোন অমা পাঙথোকচনীংই। হৌখিবা মতমদা লৈবাক অসিগী মহৈরোয় লাখ কয়ানা হেকাথোন কয়াদা পুং 30-30, 40-40 লেপ্পা লৈতনা থবক তৌখি অমসুং অচৌবা ৱাখল্লোনশিং পুথোকখি অমসুং মদুদগী এনভাইর্নমেন্ত অমা শেমখি। লৈবাক্কী হৌগৎলক্লিবা মীওইওই, নহা ওইরিবা তেলেন্ত অমসুং মীচম মীয়ামগী সমস্যাশিংনা স্পেস সাইন্স, সেতলাইৎ তেক্নোলোজী শীজিন্নদুনা কোকহন্নবা লাক্কদৌরিবা নুমিৎ খরনি অসিদা হেকাথোনশিং মথং-মথং ঐহাক্না পাঙথোকপা পাম্মি।

মসিগা লোয়ননা এখোয়না সাইন্সকী মাইকৈদা অনৌবা মীরোলগী মীৎয়েং চীংশিনবা তাই। 21শুবা চহিচা অসি তেক্নোলোজী দ্রিবন ওই অমসুং সাইন্স অমদি তেক্নোলোজীদা এক্সপর্তিজ লৈবা লৈবাক খক্তনা মালেমদা মাংদা চংশিনবা ঙম্মি। মরম অসিনা ঐখোয়না 2047দা চাউখৎপা ভারত অমা ওইহন্নবা ঐখোয়গী মঙলান মঙফাওনবা ঙম্নবা সাইন্স অমসুং তেক্নোলোজীগী লম্বীদা হেন্না শক্তি লৈনা চংশিনবা অসি তানফম অসিদা খ্বাইদগী মরু ওই। ঐখোয়গী অনৌবা মীরোলবু অঙাং ওইরিঙৈদা সাইন্তিফিক তেম্পরগা লোয়ননা মাংদা চংশিন্নবা শেম শাবা তাই। অমসুং মসিনা মরম ওইরগা অচৌবা মাইপাকপা অসি, মসিগী নুংঙাইবা অসি শক্তিদা চেন্নেলাইজ তৌগদবনি অমসুং শক্তি অসি চেন্নেলাইজ তৌনবা MyGovতা সেপ্তেম্বর 1দগী ক্বিজ কম্পিতিসন অমা হৌরগনি মসিনা ঐখোয়গী নহারোলনা অপীকপা ৱাহংশিংগী পাউখুম পীবা ঙমহনগনি। করিগুম্বা মখোয়না উরবদ মখোয়না মসিদা তপ্না-তপ্না ইন্তরেস্ত লৈরক্কনি। অমসুং অনৌবা এজুকেসন পোলিসীনা সাইন্স অমসুং তেক্নোলোজীগীদমক  এরেঞ্জমেন্ত কয়া তৌখ্রে। ঐখোয়গী অনৌবা এজুকেসন পোলিসী অসি মসিদা মীৎয়েং চাউনা চংলিবা এজুকেসন পোলিসী অমনি অমসুং ঐখোয়গী ক্বিজ কম্পিতিসন অসিদা য়াওনবা লম্বী অমা লৈগনি। মফম অসিদগী ঐহাক্না লৈবাক্কী নহারোলশিংদা, ঐগী লৈবাক্কী মহৈরোয়শিংদা অমসুং স্কুল খুদিংমক্তা হায়জনীংই মদুদি ক্বিজ কম্পিতিসন অসিদা থৱায় য়াওনা শরুক য়ানবগীদমক চন্দ্রয়ানগা মরী লৈনবা ক্বিজ কম্পিতিসন্দা য়াওনবা স্কুলগী প্রোগ্রাম অমা লৈহনগদবনি। লৈবাক্কী নহারোল করোর কয়ানা মসিদা শরুক য়াহন্দুনা ঐখোয়না মাংদা চংশিনগদবনি, মসিনা অচৌবা ফলশিং পুরক্কনি হায়না ঐহাক্না থাজৈ।

ঐহাক্কী মাংদা নখোয় পুম্নমক্না তীনবীরি অদুনা ঐহাক্না ৱাফম অমগা হায়জনীংই। মালেমনা ভারতকী মরমদা খঙনীংবা হেনগৎলকখি, মীৎয়েং চংবা হেনগৎলকখি, থাজবা হেনগৎলকখি অদুবু পুম্নমক অসি ওইদুনসু মসি খঙবা মথৌ তাবা তানফম খরা য়াওরকই। ঐখোয়গী মাংদা মসি লাক্নবা অমসুং মরু ওইনা দিল্লীগী মীয়ামগীদমক খুদোংচাবা অমা লাক্লি অমসুং মদু G-20 সম্মিৎনি। অমরোমদা মালেমগী য়াম্না হৈশিংবা লীদরশিপ অসি ঐখোয়গী দিল্লীগী লৈমাইদা, ভারত্তা পাঙথোক্কদৌরি। ভারত পুম্বনা য়ুম্বু ওইগনি অদুবু মীথুংলেনশিংনা দিল্লীদা লাক্কদৌরি।

G20 সম্মিৎ পাংথোকপা অসি লৈবাক পুম্বগী থৌদাংনি অদুবু অচৌবা থৌদাংদি দিল্লীদা লৈরিবা ঐহাক্কী নুংশিজরবা ইচিল ইনাওশিং, দিল্লীগী নাগরিকশিংনা লৌগদবনি। মরম অদুনা চিংনবা অমত্তা লৈতনা মসিগী থৌদাং অসি দিল্লীনা লৌবা ঙম্মি হায়বদু ঐখোয়না মালেমদা উৎকদবনি। ঐখোয়গী লৈবাক্কী ইকাই খুম্নবা, দিগনিতী অমসুং প্রেস্তিজগী ফিরাল অদু পাইবগী খুদোংচাবা অদু দিল্লীগী মীয়ামদা লৈরে। মীথুংলেন মশিং থীঙমদনা লাকপা মতমদা খুদোংচাদবা খরা মাইয়োকনবা য়াই। ঐখোয়গী য়ুমদা মীথুংলেম 5-7 লাকপা মতমদা মখোয়বু সোফাদা ফমহল্লবা মতুংদা ঐখোয়না অপীকপা চৌক্রিশিংদা ফম্বগী চৎনবী লৈ। ঐখোয়গী ‘অতিথি দেভো ভাবা” হায়বদি মীথুংলেনশিংবু ইশ্বরগুম্না শেবা তৌবগী চৎনবী লৈ। ঐখোয়না মালেমগী লুচিংবশিংদা হেন্না ইকাই খুম্নবা অমসুং তরাম্না ওক্লিবমখৈ মখোয়না ঐখোয়গী ইজৎ, ঐখোয়গী দিগনিতী অমসুং ঐখোয়গী রিপুতেসন অৱাংবা থাক্তা থম্বা হেনগদৌরিবনি। মরম অদুনা সেপ্তেম্বর 5তগী সেপ্তেম্বর 15 ফাওবা মফম অসিদা থৌরম কয়ামরুম পাংথোক্কনি। লাক্কদৌরিবা নুমিৎশিং অসিদা দিল্লীদা লৈরিবা মীবাম্না থেংনগদৌরিবা খুদোংচাদবশিং অসিগীদমক ঐহাক্না মাংজৌননা দিল্লী মীয়াম্না ঙাকপীনবা হায়জরি। লাক্কদোরিবা নুমিৎশিং অসিদা থেংনগদৌরিবা খুদোংচাদবশিং অসিগীদমক দিল্লীগী মীয়াম্না খাংবা কন্নবা ঐহাক্না আপীল তৌজরি। মসিগী মীথুংলেনশিং অসি পুম্নমক্কী মীথুংলেনশিং অমসুং ঐখোয়না খুদোংচাদবা খরা, ত্রাফিক্কী শিল-লাংবদা অহোংবা খরা অমসুং চৎথোক চৎশিন্দা অপনবা পীবা য়াবগী ওইথোকপা অসি খংবীনবা হায়জরি। অদু করিগুম্বা খরদি তঙাইফদবা ওই। করিগুম্বা ইমুং অমদা লুহোংবা থোকপা মতমদা খুজিল ককপা মতমদা অশোকপা খরা থেংনবা য়াই অদুবি মীবাম্না “চেকশিল্লু, মসি অখন্নবা থৌদোক্নি, ফত্তবা করিসু থোক্লোই” হায়না হায়নৈ। মরম অদুনা মসি য়াম্না শীংথানীংঙাই ওইরবা খুদোংচাবা অমনি অমসুং ইমুং মনুংগী মীথুংলেনগুম্না মসিগী মিথুংলেনশিং অসিগী ঐখোয়গীনি। ঐখোয় পুম্নমক্না হোৎনদুনা ঐখোয়গী G20 সম্মিৎ অসি অখন্নবা, ভাইব্রেন্ত ওইবা অমসুং দিল্লীপুম্বা মচু কয়ানা থনবা ওইরগনি হায়না ঐহাক্না থাজবা থম্লি। ঐহাক্কী নুংশিজরবা দিল্লী প্রজাশিংনা মসি মখোয়গী থৌদাংগা লোয়ননা উৎলক্কনি হায়না ঐহাক্না মপুংফানা থাজবা থম্লি।

ঐহাক্কী নুংশিজরবা ইচিল ইনাওশিং অমসুং ইমুং মনুংশিং,

নুমিৎ খরনিগী মতুংদা রক্ষা-বন্ধনগী কুহ্মৈ লাক্লগনি। মচে-মচনশিংনা মবুং-মৌপ্বাশিংদা রাখি পুনবীগনি। ঐখোয়না চন্দা মামা হায়দুনা লাক্লি। চন্দা মামা অসি অঙাং ওইরিঙৈদগী তম্বীদুনা লাক্লি, ঐখোয়না অঙাং ওইরিঙৈদগী পৃথীবি অসিনা ইমানি হায়না তম্বীদুনা লাক্লি। চন্দা মামা হায়বগী আর্থদি ইমা পৃথীবি অসি চন্দা মামাগী মচে-মচন্নি অমসুং মসিগী রাখিগী কুহ্মৈ অসিদা ঐখোয়গী ইমা পৃথীবি অসিনা চন্দা মামাগা লোয়ননা রক্ষা বন্ধনগী কুহ্মমৈ পাংথোক্লগনি। অদুনা মসিগী রক্ষা বন্ধন অসি ইচিল ইনাও ওইবা, লিংজেল মান্নবা অমসুং নুশি চান্ননা পাংথোক্তুনা G20 সম্মিৎতসু মসিগী মচিল মনাও ওইবা, লিংজেল মান্নবা, নুংশি চান্নবা, ঐখোয়গী নাৎ, ঐখোয়গী চৎন-লোনচৎ অদু মালেম পুম্বদা খংহল্লসি। লাক্কদৌরিবা কুহ্মৈশিং অসি অচৌবা ওইগনি হায়না ঐহাক্না থাজবা থম্মি অমসুং সেপ্তেম্বরদা ঐখোয়গী মাইপাকপশিং অসিনা ভারত অসি মালেম ফম্বাক্তা লম কয়াদা অমুক্কা হন্না মশক তাক্লগনি। চন্দ্রয়ান মাইপাকপগা লোয়ননা ঐখোয়গী সান্তিস্তশিংনা ভারতকী ফিরাল মনিং তম্না পাইহনখ্রবা মতুংদা দিল্লীদা লৈরিবা ঐখোয়গী নাগরিকশিংনা G20 সম্মিৎ মাইপাক্না পাংথোক্তুনা মদুগী ফিরাল অদুগী মপাঙ্গল হাপকদবনি। ঐহাক্না মসিদা চাউনা থাজবা থম্লি। ঐখোয়গী সাইন্তিস্তশিংনা মাইপাকপা পুরকপা অসিদা পুন্না নুংঙাইবা ফোঙদোকমিন্নবগা লোয়ননা মচু অহুম ফিরাল অসি অৱংবা থাক্তা ইকাই খুম্নবা উৎনবা মফম অসিদা তিনবীরিবা মীপুম খুদিংমকপু ঐহাক্না বাইফ-মঙ্গোল পীজরি অমসুং ঐহাক্না পুম্নমকপু থমোই শেংনা থাগৎপা ফোঙদোকচরি। ঐহাক্কা লোয়ননা হায়বিয়ু –

ভারত ইমানা য়াইফরে। ভারত ইমানা য়াইফরে।

ভারত ইমানা য়াইফরে।

হন্না হন্না থাগৎপা ফোঙদোকচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
PM Modi writes to first-time voters in Varanasi, asks them to exercise franchise

Media Coverage

PM Modi writes to first-time voters in Varanasi, asks them to exercise franchise
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 29 মে, 2024
May 30, 2024

PM Modi's Endeavours for a Viksit Bharat Earns Widespread Praise Across the Country