Share
 
Comments
মশা-মউ ফবা ভারত অমা শেমগৎনবা মাইকৈ মরি ফাংবা লাল্লোং অমগা লোয়ন্না সরকারনা থবক পায়খৎলি: প্রধান মন্ত্রী
হকশেলগী লমদা ভারতকী থৌনা অমসুং খাংবা কনবা হৌজিক মালেম্না তশেংনা থাগৎনরে: প্রধান মন্ত্রী
হিদাক-লাংথকশিং অমসুং মেদিকেলগী খুৎলায়শিং শাবদা চঙবা পোৎলমশিং মপান লৈবাকশিংদগী পুশিল্লকপা হন্থনবা ভারতনা থবক পায়খৎকদবনি: প্রধান মন্ত্রী

খুরুমজরি!

অদোমদা প্রোগ্রাম অসি খজিক্তং অখন্নবা ওইরগনি। অনৌবা বজেৎ অসি এপ্রিল ১দগী চৎনবা হৌবা মতমদা স্কীম পুম্নমক নুমিৎ অসিমক্তগী চৎনদুনা মাংদা পুখৎনবা অমসুং শেম শাবা অসিদা ফেব্রুৱারী অমসুং মার্চ থাশিং অসি শিজিন্ননবা হন্দক্তি ঐখোয়না বজেৎ অসিগী প্রোবিজনশিং অসিগা হকথেংননা মরী লৈনবা তোঙান তোঙানবা সেক্তরশিংগা লোইননা বজেৎ অসিদা থোরাং তৌখিবা হিরম পুম্নমক কুপ্না খন্ননবা ৱারেপ লৌখ্রে।

হৌজিক ঐখোয়না বজেৎ অসি থা অমা ঙনখৎনবা পাঙথোক্তুনা থা অনিগী মতম ফংহল্লি। মরম অসিনা ঐখোয়না কান্নবা য়াম্না ফংনবগীদমক্তা তোঙান তোঙানবা সেক্তরশিংগী মীওইশিংগা লেপ্তনা ৱারী শারি। মমাংদা ঐখোয়না ইনফ্রাস্ত্রকচর অমসুং দিফেন্স সেক্তরশিংগা মরী লৈনবশিংগা লোইননা খন্নখ্রে। ঙসি ঐখোয়না হেল্থ সেক্তরগী মীয়ামগা ৱারী শানবগী খুদোংচাবা ফংলে।

চহি অসিগী বজেত্তা হেল্থ সেক্তরগী কাইথোক্লিবা বজেৎ অসি মমাংদা অমুক্তা ওইখিদ্রি অমসুং প্রজা খুদিংমক্তা অফবা হেল্থকিয়রগী খুদোংচাবা ফংহন্নবা সরকারনা পায়খৎলিবা থবকশিং মসিনা উৎলি। নাকল অমরোমদা হৌখিবা চহি অসি লৈবাক অসিগী, মালেমগী, মীওইবা খুন্নাইগী অপুনবগী অমসুং মরু ওইনা হেল্থ সেক্তরগী ওইনা মখল অমগী খুদোংথিবা মায়োক্নখি।

ঐখোয় পুম্নমক অমসুং লৈবাক অসিগী হেল্থ সেক্তরনা খুদোংথিবা অসি মাই পাক্না থেংনখিবদা ঐহাক্না নুংঙাইবা ফাওই। ঐখোয়না পুন্সি কয়া কনবদা মাই পাকখি। থা খরগী মনুংদা লৈবাক অসিদা লেব ২৫০০গী নেৎৱার্ক লিংখৎখিবগী মওং অমসুং শুপ্নগী তেস্ত খরা খক্তদগী তেস্ত করোর ২১গী পন্দুপ অমা য়ৌখিবা, পুম্নমক অসি সরকার অমসুং লনাই সেক্তরগী মরক্তা খুৎশম্নদুনা হোৎনখিবনা মরম ওইরগা ওইথোকখিবনি।

 

মরুপশিং

লাইচৎ অসি থেংনবা খক নত্তনা তুংদা অসিগুম্বা ফীভম অমা হেক্তা থোরকপদা লৈবাক অসিনা শেম-শাদুনা লৈবা তাই হায়না কোরোনানা ঐখোয়দা পারা অমা তম্বীখি। মরম অদুনা হেল্থকিয়রগা মরী লৈনবা সেক্তর খুদিংমক মপাঙ্গল কনখৎহনবা চপ মান্না মথৌ তাই। লৈবাক অসিনা তুংদা থোরকপা মখল অমা হেক্তগী হকশেলগী খুদোংথিবা থোকপদা হেন্না নীংথিজনা শেম-শানবা ঐখোয়না মেদিকেলগী খুৎলায়শিং, হিদাক-লাংথকশিং, ভেন্তিলেতরশিংদগী বেক্সিনশিং ফাওবা, সাইন্তিফিক রিসর্চতগী সর্ভিলেন্স ইনফ্রাস্ত্রকচর ফাওবা, দোক্তরশিংদগী ইপিদেমিওলোজিস্তশিং ফাওবা পুম্নমক অসিদা মীৎয়েং চংবা মথৌ তাই।

পি.এম. আত্মানির্ভর শ্বাস্থ ভারত স্কিমবু ইথিল পীরিবা অদু মসিননি। স্কীম অসিগী মখাদা রিছর্সদগী তেস্ত অমসুং লায়য়েং ফাওবগী লমদা মোদর্ন ইকোসিস্তেম অমা লৈবাক অসিমক্তদা শেমগৎচনবা ৱারেপ লৌরে। পি.এম. আত্মানির্ভর শ্বাস্থ ভারত স্কিমনা লম খুদিংমক্তা ঐখোয়গী তৌবা ঙম্বা হেনগৎহনগনি। ১৫শুবা ফাইনান্স কম্মিসনগী ৱারেপশিং মতুংইন্না, হকশেলগী থবকশিংগীদমক লোকেল বোদিশিংনা লুপা কোতি ৭০০০০ হেন্না ফংলগনি। হায়বদি, হেল্থ কিয়রদা সরকারনা শেন থাদবা খক নত্তনা লৈবাক অসিগী মনুং-হুঞ্জিনবা মফমশিংদা হকশেলগী থবকশিং পাকথোক-চাউথোক্নবা মিৎয়েং চংলি। ঐখোয়না কাউরোইদবনি হেল্থ সেক্তরদা থাদরিবা শেনফমশিং অসিনা হকশেলগী ফীভম ফগৎহনবা খক নত্তনা থবক ফংনবগী খুদোংচাবসু হেনগৎহনগনি।

মরুপশিং

কোরোনা মনুংদা লৈবাক অসিনা উৎখিবা হৈশিংবা অদুনা মরম ওইদুনা হকশেলগী লমদা ভারতকী থৌনা অমসুং খাংবা কনবা হৌজিক মালেম্না তশেংনা থাগৎনরে। ঙসি লৈবাক অসিগী হেল্থ সেক্তরগী মিংচৎ অমসুং মসিদা থাজবা অসি মালেম শীনবা থুংনা অনৌবাথাক অমা য়াওবা ঙম্লে। ঐখোয়না মসি খঙনা তুংগীদমক হৌজিক লৈবাক অসিনা থবক পায়খৎকদবনি। থাজবা অসিনা মরম ওইরগা তুংলমচৎতা মালেমদা ভারতকী দোক্তরশিংঈ দিমান্দ হেন্না হেনগৎলগনি। শোইদনা বারতকী নর্সশিং অমসুং পেরামেদিকেল স্তাফশিংগী দিমান্দ মালেম পুম্বদগী হেনগৎলগনি। চৈরক অসিদা ভারতকী হদাক-লাংথকশিং অমসুং বেক্সিনশিংনা অনৌবা থাজবসু ফংবা ঙমখ্রে। ঐখোয়না হেনগৎলক্লিবা দিমান্দ অসিগীদমক শেম-শাসুনা লৈবা তাই। মীয়াম্না ঐখোয়গী মেদিকেল এজুকেসন সিস্তেম থাগৎনবা মহৌশানা তাবনি অমসুং মসিদা থাজবসু হেনগৎলক্লি। তুংলমচৎতা মাপাল লৈবাক্কী মহৈরোইশিংনা মেদিকেল এজুকেসনগীদমক ভারত্তা লাক্লবা য়াই। ঐখোয়না মসি থৌগৎপা তাই।

কোরোনাগী মনুংদা ঐখোয়না ভেন্তিলেতরশিং অমসুং অতোপ্পা মেদিকেলগী ইক্বিপমেন্ত শাবদা খঙহৈবা হেনগৎখি। ভারতনা মখোয়গী গ্লোবেল দিমান্দ থুংহন্নবা খোঙজেল য়াংনা থবক পাইখৎকদবনি। ভারতনা শেল চংদবা মওংদা মালেমদা তঙাই ফদবা মেদিকেল ইক্বিপমেন্ত পুম্নমক পীনবগী মঙলান শাগৎপা য়াগদ্রা? করম্না ভারতনা গ্লোবেল সপ্লাইয়র ওইগনি? করিগুম্বা অহোংবা, সস্তেনেবল মেকানিজম অমসুং য়ুজর ফ্রেন্দলী তেক্লোলোজী অমা লৈরবদি মালেমনা ভারতকী হেল্থ সেক্তরদা মীৎয়েং চংলক্কনি হায়বা ঐহাক্না থাজৈ।

মরুপশিং

সরকারগী বজেৎ অসি শোইদনা কেতলাইতিক এজেন্ত ওইগনি অদুবু মসি ঐখোয়না পুন্না হোৎরবা মতমদা খক্তা ওইথোকপা ঙমগনি।

মরুপশিং

ঐখোয়গী সরকারনা হকশেলগী লমদা লৌখৎলিবা লালোং অসি মমাংগী সরকারদগী খরা মখৈদি খেৎনৈ। বজেৎ অসিগী মতুংদা ঐখোয়না লুনানবা, ন্যুত্রিসন, মশা-মউ ফাহনবা অমসুং আয়ুশকী হকশেলগী থৌরাং তৌবগী সমস্যাশিং অসি ঐখোয়না অপুনবদা কান্নবা পীগদবা লালোং অমগা লোইননা পুন্না মাংদা পুখৎলি হায়বা নখোয়না উবা ফংগনি। মমাংদা হেল্থ সেক্তর অসি তোখাই-তোখাইবা মওংদা য়েংখি অমসুং মদুগী মতুং ইন্না থবক পাইখৎখি।

ঐখোয়গী সরকারনা তোখাই-তোখাইবা মওংদা য়েংবগী মহুত্তা হৌজিক লৈরিবা সরকার অসিনা হকশেলগীগী ওইবা সমস্যাশিং হোলিস্তিক ওইবা, ইন্তিগ্রেতেদ ওইবা অমসুং অহেনবা মীৎয়েং চংবা মওংদা থৌরাং পাইখৎলি। মরম অসিনা ঐখোয়না লৈবাক অসিদা লায়েং চত্থবা খক্তা নত্তনা মশা-মউ ফনা থম্বদা মীৎয়েং চংলি। ঐখোয়না নাদ্রিঙৈদা ঙাকথোকপদগী হৌরগা লায়য়েংবা ফাওবগী থবকশিংগী ইন্তিগ্রেতেদ ওইবা থৌরাং অমা পাইখৎখি। ঐখোয়না মশা-মউ ফবা ভারত অমা শেমগৎনবা মাইকৈ মরি ফাংবা লাল্লোং অমগা লোয়ন্না সরকারনা থবক পায়খৎলি।

অহানবা লাল্লোংদি নাদ্রিঙৈদা ঙাকথোকপা অমসুং হকচাং ফনা থম্বনি। শ্বাছ ভারত অভিয়ান, য়োগা, মীরোনবীশিং অমসুং অঙাংশিং মতম চানা লায়েং পীবা অসিগুম্বা খোঙথাংশিং, অফবা থক্নবা ঈশিং ফংহনবা অসি মসিগী শরুক অমনি।

অনিশুবনা লায়রবশিংগী মনুংদগী খ্বাইদগী লায়রবশিং মমল হোংনা অমসুং নীংথিজনা লায়েং ফংহনবা অসিনি। আয়ুশ্মান ভারত অমসুং প্রধান মন্ত্রী জন ঔসাধি কেন্দ্রশিং অসিগুম্বা স্কীমশিংনা হায়রিবা অসিগীদমক থবক পায়খৎলি।

অহুমশুবনা হেল্থ ইনফ্রাস্ত্রকচর ইনফ্রাস্ত্রকচর অমসুং হেল্থ কিয়র প্রোফেস্নেলশিংগী ক্বান্তিতী অমসুং ক্বালিতী হেনগৎহনবনি। মসি থবক ওইনা পাংথোক্নবা, হৌখিবা চহি ৬তগী হৌনা, এম্সকুম্বা ইন্সতিতুৎশিং মনুং হঞ্জিনবা রাজ্যশিংদা পাংথোক-চাউথোকহল্লে অমসুং লৈবাক শীনবা থুংনা মেদিকেল কোলেজ মশিং হেনগৎলক্লি।

মরিশুবনা মিসনগী মওংদা অমসুং মতম চানা অপনবশিং কোকহন্নবা অহেনবা মীৎয়েং চংবা মওংদা থবক পাংথোকপা অসিনি। লৈবাক অসিগী মনুং-হুঞ্জিনবা অমসুং ত্রাইবেলশিংগী মফমশিংদা মিসন ইন্দ্রধনুস য়ৌহনখ্রে।

অমরোমদা মালেমগী ওইনা ২০৩০দা পান্দম থম্লবসু ভারতনা চহি ৫ ঙনখৎনা ২০২৫দা তি.বি মুৎথৎনবা লৈবাক অসিনা পান্দম থম্লি। অমসুং তানফম অসিদা ঐহাক্না তি.বি.দা অখন্নবা মীৎয়েং চংবা পাম্মি মরমদি তি.বি. অসিসু অনাবা মীওইগী লোক-তিনদগী শন্দোকই। তি.বি মাঙজৌন্না ঙাকথোক্নবা মাক্স উপ্পা অমসুং ঙন্না খঙদোকপা অমসুং লায়য়েংবা অসি য়াম্না মরুওই।

কোরোনাগী মনুংদা ঐখোয়না ফংখিবা কান্নবশিং অদু ঐখোয়না শিজিন্নরবা অমসুং চপ মান্নবা চৎন-পথাপশিং অসি তি.বি ঙাকথোক্নবা শিজিন্নরবদি ঐখোয়না তি.বি.গী মায়োক্তা য়াম্না লায়না মাই পাকপা ঙমগনি। অমসুং কোরোনাদগী খঙহৌ-হৈহৌবা মীয়াম প্রজা পুম্নমক ভাব তাহনবা অমদি লাইনা অসি ঙাকথোক্নবগী মতাংদা মীয়াম্না শরুক য়াহনবা অসিদা মথৌ তাবা অহোংবশিং পুরক্তুনা অমসুং খরা হাপচিনবা অমসুং হোংদোকপা অসিগা লোইননা চপ মান্নবা মোদেল অসি ঐখোয়না শিজিন্নরবদি ঐখোয়না ২০২৫ ফাওবদা তি.বি.ফ্রী ইন্দিয়াগী মঙলান মঙ ফাওনবা ঙমগনি।

মসিগা চপ মান্না উত্তর প্রদেশকী গোরাখপুর, পুর্ভঞ্চল হায়নসু খঙনবা মফমশিংদা মেনিংজাইতিসনা মরম ওইদুনা চহি খুদিংগী অঙাং লিশিং কয়া শীরি। পার্লিয়ামেন্তদসু মসি খন্নদুনা লাকখি। হিরম অসিদা খন্নবদা শরুক য়াবদা হোজিক উত্তর প্রদেশকী মুখ্য মন্ত্রী ওইরিবা য়োগী জিনা অঙাংশিং শীবা অসিদা থেংথাখি। অদুবু মহাক্না মুখ্য মন্ত্রী ওইখিবদগী অকনবা মীৎয়েং চংদুনা থৌরাং অমা পাইখৎখি। মহাক্না পুম্নমক তুংঙোইনরমদুনা ঙসিদি য়াম্না অফবা ফলশিং ফংলে। ঐখোয়না মেনিংজাইতিস শন্দোকপা ঙাকথোক্নবা অমসুং লায়েংনবা ফেসিলিতীশিং হেনগৎনবা হোৎনখি অমসুং মসিগী কান্নবা উবা ফংখি।

মরুপশিং

কোরোনা মনুংদা ঐখোয়গী আয়ুশকী নেৎৱার্কনা শিংথানিংঙাই ওইনা থবক পাঙথোকখি। হ্যুমেন রিসোর্সশিংগী মথক্তা ইম্ম্যুনিতী অমসুং সাইন্তিফিক রিসর্চ হেনগৎহন্নবা মতাংদা লৈবাক অসিদা ঐখোয়গী আয়ুশকী ইনফ্রাস্ত্রকচরনা চাউনা মতেং পাংখি।

ভারতকী হিদাক-লাংথকশিং অমসুং বেক্সিনশিংগা লোইননা ঐখোয়গী মচাক-মথুমশিং অমসুং দিকোক্সনা পীরিবা মতেং মালেমনা ফংখি। ঐখোয়গী য়েলহৌঙৈগী ওইবা হিদাক-লাংথকশিং অসি মালেমগী ৱাখল্লোন্দা অখন্নবা মফম অমা কনবা ঙমখি। য়েলহৌঙৈগী হিদাক-লাংথকশিং অমসুং আয়ুর্বেদিক ত্রেদিসনশিং অসিগা মরী লৈনবা পুম্নমক্না মখোয়গী প্রদক্সন অসি গ্লোবেল ওই হায়না মীৎয়েং চংগদবনি।

মালেমনা য়োগবু তরাম্না ওক্লিবা মওং অসিগা চপ মান্নবা মওংদা হোলিস্তিক হেল্থ কিয়রদা লাক্লি। মালেমনা সাইদ-ইফেক্ত-ফ্রী হেল্থ কিয়রদা মীৎয়েং চংলক্লি। হিরম অসিদা ভারতকী য়েলহৌঙৈগী হিদাক-লাংথকশিং অসি য়াম্না কান্নগনি। ভারতকী য়েলহৌঙৈগী হিদাক-লাংথকশিং অসি মপুং ওইনা হর্বেলদা য়ুম্ফম ওই অমসুং মালেমগী মীৎয়েং চীংশিনগনি। মীয়াম্না মসিনা অকাইবা অমত্তা পীদে হায়বা থাজৈ। ঐখোয়না মসি থৌগৎপা য়ারোইদ্রা? ঐখোয়গী হেল্থ বজেৎ অমসুং লম অসিদা হোৎনরিবা মীওইশিংনা পুন্না করিগুম্বা খরা তৌবা য়ারোইদ্রা?

কোরোনাগী মতমগী মনুংদা ঐখোয়গী য়েলহৌঙৈগী হিদাক-লাংথকশিং অসিগী মপাঙ্গল উরবা মতুংদা ঐখোয়না নুংঙাইবা পোকচখি অমসুং আয়ুর্বেদকী য়েলহৌঙৈগী হিদাক-লাংথকশিং অসিদা থাজবা থম্লিবা মীপুম খুদিংমক্কী ওইনা অমসুং মেদিকেল প্রোফেসনগা মরী লৈনবশিংনা ৱর্ল্দ হেল্থ ওর্গনাইজেসন (দবল্যু.ঐচ.ও.)না ভারত্তা গ্লোবেল সেন্তর ওফ ত্রেদিস্নেল মেদিসিন হৌদোক্লগনি হায়বা অসিদা চাউথোকচনিংঙাই ওই। মসি হান্নদগী লাউথোকখ্রে। ভারত সরকারনা হিরম অসিদা তঙাই ফদবা থবকসু পাইখৎলি। মসিগী ইকাই খুম্নবা অসি মালেমদা য়ৌহনবা হায়বা অসি ঐখোয়গী থৌদাংনি।

মরুপশিং

মসি হেল্থ সেক্তর য়াম্না লাইনা অমসুং মমল হোঙনা ফংহন্নবা অৱাংবা থাক্তা পুখৎপা অফবা তাঞ্জা অমনি। মরম অসিনা হেল্থ সেক্তরদা মতমগী চুনবা তেক্নোলোজি শিজিন্নবা হেনগৎহনগদবনি। মীচম মীয়াম্না মখোয়গী খুদোংচাবা য়েংলগা লায়য়েংবদা দিজিতেল হেল্থ মিসন্না মতেং পাংগনি। মরুপশিং

হৌখিবা চহিশিংদা লৈরম্বা লালোং অসি অহোংবা পুরক্নবা হিরম অমদা থবক পাইখৎখ্রে। অহোংবশিং অসি আত্মানির্ভর ভারতকীদমক য়াম্না মরু ওই। ঐখোয়না মালেমগী ফার্মাসী ওইরে হায়না চাউথোকচরবসু ঐখোয়না প্রদক্ত কয়াগী রো মেতরিএলশিং ইম্পোর্ত তৌবদা হৌজিকসু মীপাল তাংলি।

হিদাক-লাংথকশিং অমসুং মেদিকেল দিভাইশিংগীদমক রো মেতরিএলশিংদা ঐখোয়গী ইন্দস্ত্রীনা মীপাল থাংবা কয়াম ৱাখি হায়বা ঐখোয়না উখ্রে। মসিনা হিদাক-লাংথকশিং অমসিং ইক্বিপমেন্ত লায়বশিংদা হোংনা ফংহনবদা চাউনা অৱাবা মায়োক্নখি। ঐখোয়না পাম্বৈ অমা থিবা তাই। লমশিং অসিদা ভারত মরোমদোম লেপচবা ঙমহনবা তাই। হন্দক্তা হিরম অসিদা অখন্নবা স্কীম মি হৌদোকখ্রে। মসি বজেৎতসু পনখি নখোয় শোইদনা খঙলমগনি।

মসিগী মখাদা, লৈবাক অসিমক্তদা হিদাক-লাংথকশিং অমসুং মেদিকেল ইক্বিপমেন্তশিং পুথোকপদা প্রদক্সন লিঙ্ক ইন্সেন্তিপশিং পীরে। মসিগা মান্ননা হিদাক-লাংথকশিং অমসুং মেদিকেল দিভাইসশিংগী মেগা পার্কশিং শারিবা অসি থাগৎনরক্লি।

মরুপশিং

লৈবাক অসিনা লাস্ত মাইল হেল্থ এক্সেস তৌহনবা খক্তা পামদে; মসি লৈবাক্কী কাচিন-কোৱা শিনবা থুংনা অমসুং মনুং হঞ্জিনবা মফংশিংদসু হকশেলগী খুদোংচবা ফংহনবা পাম্লি। মীখলগী মনুংদা পোলিং বুথ অমা হাংদুনা ভোতর খুদিংমক ভোৎ থাদহন্নবা হোৎনরি। মসিগা মান্না হেল্থ অমসুং এজুকেসন সেক্তরশিংদা মীপুম খুদিংমক য়ৌশিন্নবা হোৎনগদবনি। ঐখোয়না অঙম্বা থাক্তা মসি পাঙথোক্নবা হোৎনগদবনি। মরম অসিনা লৈবাক অসিগী রিজন পুম্নমক্তা হকশেলগী খুদোংচাবা ফংহন্নবা মীৎয়েং চংবা মথৌ তাই। লৈবাক অসিনা ৱেলনেস সেন্তরশিং, দিস্ত্রিক হোস্পিতালশিং, ক্রিতিকেল কিয়র য়ুনিতশিং, হকশেলগী থবকশিং য়েংশিন্নবা মচাকশিং, অনৌবা লেবশিং অমসুং তেলিমেদিসিন দরকার ওই। ঐখোয়না থাক খুদিংদা হোৎনদুনা থাক খুদিংদা থৌগৎকদবনি।

ঐখোয় লৈবাক অসিগী খ্বাইদগী লায়রবা অমসুং মনুং-হুঞ্জিনবা মফমশিংদা লৈবা ওইরবসু, লৈবাক অসিগী মীয়ামদা খ্বাইদগী ফবা অনা-লায়য়েংগী খুদোংচাবশিং ঐখোয়না ফংহনগদবনি। হায়রিবশিং অসি থবক ওইনা পাংথোক্নবা, কেন্দ্র সরকার, রাজ্য সরকারশিং অমসুং লৈবাক অসিগী লোকেল বোদিশিং অপুনবা ওইনা থবক তৌমিন্নগদবনি।

মীয়ামগী হকশেলগী লেবোরেতোরিশিংগী নেতৱার্ক অমা শেমগৎনবা অমসুং পি.এম.জে.এ.ৱাইদা থৌদাং লৌনবা পি.পি.পি মোদেলশিংদা প্রাইভেদ সেক্তরনা শৌগৎপা য়াগনি। নেসনেল দিজিতেল হেল্থ মিসন, মীয়ামগী হকশেলগী দিজিতেল রেকোর্দশিং অমসুং অতোপ্পা অনৌবা তেক্নোলোজিজিদশু পুন্না থবক তৌমিন্নবা য়াগনি।

ঐহাক্না থাজৈ মশা-মউ ফবা অমসুং মতিক-ময়াই চেনবা ভারত অমগী মপাঙ্গল কনবা পার্তনরশিপ অমসুং মরোমদোম লেপচনবগী সোল্যুসনশিংগী লম্বীশিং শোইদনা ফংগনি হায়বা অসি। অদুবু স্তেকহোল্দরশিং অমসুং লম অসিদা খঙহৈরবা মীওইশিংদা ঐহাক্না হায়জনিংবদি বজেৎ অসিদা নখোয়গী অনীংবা-অপাম্বা শুনা য়াওরমদবা বাই অদুবু মসি অরোইবা বজেৎ নত্তে। মথংগী বজেৎতা য়াওহনবা য়াই। মরু ওইরিবদি হৌজিক প্রপোজ তৌখিবা বজেৎ অসি করম্না ইমপ্লিমেন্ত তৌগনি অমসুং মীচম প্রজা য়ৌহন্নবা সিস্তেম অসি চাউখৎহনবদা মতেং পাংগনি হায়বা অসিনি। ঐখোয়না পার্লিয়ামেন্তদা বজেৎকী মরমদা খন্নখ্রে অদুবু নখোয়গী খঙহৈবা অমসুং পাউতাকশিং অদুসু চপ মান্না মরু ওই। ঐখোয়না মরী লৈনবা মীওইশিংগা অহানবা ওইনা বজেৎ অসি খন্নরি। ঐখোয়না প্রি বজেৎকী খন্ন-নৈনবা পাঙথোকপদা মদু পাউতাকশিংদা মীৎয়েং চংখি অদুবু পোস্ত-বজেৎকী খন্ন-নৈনবদদি সোল্যুসনশিং থিবদা মীৎয়েং চংলি।

অসুম্না ঐখোয় পুন্না সোল্যুসনশিং থিমিন্নদুনা মাংদা খোঙজেল য়াংনা চংশিল্লসি। সরকার অমসুং নখোয় তোখাইবা নত্তে। সরকার অসি নখোয়গীনি অমসুং নখোয় লৈবাক অসিগীনি। ৱাখলদা লৈবাক অসিগী লায়রবশিংগী মরক্তা খ্বাইদগী লায়রবশিংগী খল্লগা ঐখোয়না হেল্থ সেক্তর মপাঙ্গল কনখৎহনসি অমসুং মশা-মউ ফবা ভারত ওইহল্লসি। নখোয়না মতম চাংবা য়াই। নখোয়না লমজিং লমতাকপীবা কান্নগনি। নখোয়না থৱায় য়াওনা শরুক য়াবনা চাউনা কান্নগনি।

ঐহাক্না অমুক হন্না নখোয়গী মতম অমসুং নখোয়গী মমল য়াম্লবা পাউতাকশিং অসিগীদমক থাগৎচরি মসিনা মাংদা চংশিনবদা শোইদনা মতেং ওইরগনি। নখোয়না মখা তানা পাউতাক পীদুনা অমসুং মপাং ওইবীয়ু। নখোয়গী থাজবশিংসু লৈরমগনি অদুবু নখোয়না থৌদাংসু লৌগদবনি। থাজবা অসিগা লোইননা য়াম্না থাগৎচরি!

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Deposit Insurance and Credit Guarantee Corporation Bill, 2021: Union Cabinet approves DICGC Bill 2021 ensuring Rs 5 lakh for depositors

Media Coverage

Deposit Insurance and Credit Guarantee Corporation Bill, 2021: Union Cabinet approves DICGC Bill 2021 ensuring Rs 5 lakh for depositors
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 29 জুলাই, 2021
July 29, 2021
Share
 
Comments

PM Modi’s address on completion of 1 year of transformative reforms under National Education Policy, 2020 appreciated across India

Citizens praise Modi Govt’s resolve to deliver Maximum Governance