Share
 
Comments
মহারাজা সুহেলদেবনা ভারতকী ওইবা মশক অদু ঙাকশেন্নবা হোৎনখিবা অদু নাথৈদুনা থম্বিখি: পি.এম.
ইতিহাস শেমখিবশিংগী মায়োক্তা ইতিহাস ইরিবশিংনা অরানবা চত্থরম্বা অদু হৌজিক্তি চুমথোকখ্রে: পি.এম.
বসন্ত অসিনা লাইচৎকী অৱাবা-নুংঙাইদবা অদু তুংঙোইনরম্লগা ভারতকী অনৌবা আশাগী ময়োল চোংহনখ্রে: পি.এম.

উত্তর প্রদেশকী রাজ্যপাল শ্রীমতী আনন্দী বেন পতেলজী, রাজ্য অসিগী মীয়াম্না নুংশিবিরিবা অমদি মঙাল লৈরবা মুখ্য মন্ত্রী য়োগী আদিত্যনাথজী, য়ু.পি. সরকারগী অতৈ মন্ত্রী মন্দলশিং, সংসদতা লৈবিরিবা অতৈ খোংবুরোইশিং, এম.পি.শিং অমদি ঐহাক্কী নুংশিরবা ইচিল-ইনাওশিং!

মশাগী অথোইবা থবকশিংনা ইমা লৈবাক্কী মিংচৎপু হেনগৎহনখিবা মহারাজা সুহেলদেবগী পোক্নফম লমদম অমদি ঋশি-মুনিশিংনা লাই নিংফম ওইরিবা বহরাইচকী শেংলবা মফম অসিবু ইকাই খুম্নবগা লোয়ননা খুরুমজরি! বসন্ত পঞ্চমী অসিদা অদোম পুম্নমকপু, লৈবাকপুম্ববু য়াইফ-থৌজাল পীনবিরসনু হায়না খুরুমজরি।!! ইমা সরস্বতী অসি ভারতকী গ্যান-বিগ্যান অসি হেন্না মরাং কাইনা লৈহনবা ওইরসনু। ঙসিগী নুমীৎ অসি মহৈ-মশিং হৌবগী অমসুং ময়েক্কী গ্যানগী ওইনা য়াম্না অফবা নুমীৎনি হায়না লৌনৈ। ঐখোয়গীসিদা হায়নৈ:-

সরস্বতি মহাভাগে কমললোচনে।

বিদ্যরূপে ৱিশালাক্ষি ৱিদ্যাং দেহি নোস্তুতে।

হায়বদি খ্বাইদগী লাইবক ফরবী, গ্যানগী শক্লোন পুবী, থম্বালগী মতৌগুম অচৌবা মীৎশ্নানা থোল্লিবী, গ্যানগী পীনহৈবী সরস্বতী, পীনবিয়ু মহৈ-মশিং হায়না অদোম্বু খুরুমজরি। ভারতকী, মীওইবগী সেবাগীদমক্তা রিসর্চ অমসুং ইনোবেসন্দা থৱায় চংলিবা, লৈবাক শেম্বদা থৱায় চংলিবা ইরৈচা খুদিংবু ইমা সরস্বতীগী থৌজাল ফংলসনু, মায় পাক্লসনু হায়না ঐখোয় পুম্নমক্না খুরুমজরি।

ইচিল-ইনাওশিং,

রামচরিত মানসতা গোস্বামী তুলসীদাসনা হায়রি, ঋতু বসন্ত বহ ত্রিবিধ বয়ারী। হায়বদি বসন্ত ঋতুদা ইংলবা, মেংলবা মনম নুংশিরবা মখল অহুমগী নুংশিৎ শিৎলি, নুংশিৎ অসিদা লৌ-শিং, হৈকোল-লৈকোলদগী হৌরগা পুন্সিগী তাঙ্কক খুদিং নুংঙাইনা হিংহল্লি। তশেংনমক ঐখোয়না য়েংলুবা মতমদা লৈরাংনা লৈশাৎ তম্বদা থৱায় পানবা খুদিংনা বসন্ত ঋতুবু তরাম্না ওক্নবা লেপ্তুনা লৈরি। মসিগী বসন্ত অসি লায়চৎ অসিনা নিংবা কাইহল্লিবা অসি তুংওইনহল্লম্লগা মাংজিল থানা চংশিন্দুনা ভারতকীদমক্তা অনৌবা আশা পুদুনা লাক্লি। মসিগী হরাও-তয়াম্বা অসিদা ভারতকী ওইবগী, ঐখোয়গী নাৎকী, ঐখোয়গী থৌগল্লোন খংবগীদমক্তা ঙাক্লৌ ওইদুনা লেপখিবা অথোইবা মীওই ওইখিবা মহারাজা সুহেল দেবজীগী মপোক কুমওন পাংথোকপগী থৌরম অসিনা ঐখোয়গী নুংঙাইবা অসি হেন্না হাপকৎহল্লি।

মরূপশা,

চহি ২মুক্কী মমাংদা গাজীপুরদা মহারাজা সুহেল দেবগী মেমোরিএলদা পোস্তেল তিক্কেৎ চৎনহনখিবগী তাঞ্জা অমা ফংজখি। ঙসি বহরাইচদা অঙকপা মেমোরিএল অমা উরেপ-উয়ুং তম্বা ফংজরে। মসি অনৌবা মওংগী অমদি অঙকপা মেমোরিএল অসি পুৱারীগী ওইবা চিত্তোরা পাৎ অসিদা শেমগত্তুনা বহরাইচদা মহারাজা সুহেল দেবগী থৌজাল অসি হেনগৎহল্লগনি, লাক্কদৌরিবা মীরোলশিংদা ইনোৎ হাপ্লগনি।

মরূপশা,

ঙসি মহারাজা সুহেল দেবগী মিংদা শাবা মেদিকেল কোলেজ অসিদা অনৌবা অমদি অচৌবা শঙলেন অমা ফংজরে। বহরাইচ অসি চাউখৎনিংবা জিলা অমা ওইরিবা জিলা অসিদা হেল্থ ফেসিলিতীশিং হেনগৎহনবা অসিনা মফমসিগী মীশিংগী খুদোংচাবা হেনগৎহনগনি। মসিগী কান্নবা অসি মনাক নকপা শ্রাৱস্তী, বলরামপুর, সিদ্ধার্থনগরনসু ফংগনি অদুগা নেপালদগী লাকপা অনাবশিংবুসু মসিনা মতেং পাংগনি।

ইচিল-ইনাওশিং,

ভারতকী পুৱারী অসি লৈবাক অসি মীনাই নাইথাং ওইহনখিবা, মীনাইগী ৱাখল্লোন চেনবা মীওইশিংখক্তনা ইখিবা পুৱারী নত্তে। ভারতকী পুৱারী অসি ভারতকী মীয়াম-মীচমনা, ভারতকী ফুঙ্গা ৱারীশিংদা ইখিবশিং অদু মীরোল মথং-মথং মখা তাহনখিবসুনি। ঙসি ভারতনা মহাক্কী ৭৫শুবা নিং-খা তম্বরোমদা চংশিল্লক্লিবা অসিদা অসিগুম্বা অথোইবা মীশকশিংগী থৌদাং, মখোয়গী থাদোকপা, মখোয়গী কত্থোকপা, মখোয়গী লান্থেং, মখোয়গী অথৌবগী মওং, মখোয়গী থৱায়না পোন্থা ওইখিবগী ৱাফম কয়াশিং অসি নিংশিংবা, মখোয়বু ইকাই খুম্ননা খুরুম্বা, মখোয়দগী ইথীল ফংবগী অতৈ অসিগুম্বা তাঞ্জা অমা লৈররোই। ভারত অমসুং ভারতকী ওইবগী মওং অসি ঙাক্নবগীদমক্তা মথ্বায় কৎখিবা হেরো-হেরোইনশিং অদুগী হক ওইরগসু মফম অদু ফংখিদবা অসি লাইবক থিবনি। পুৱারী ইখিবশিংনা পুৱারী ইবগী মিংদা শেমদোক-শেমজিন তৌবশিংনা ৱায়েলনা য়াদবা থবক তৌখিবা অদু ঙসি ভারতনা শেমদোক্লি। অরানবশিংদগী লৈবাক অসি নান্থোরক্লে। অদোম্না য়েংবিয়ু, নেতাজী সুভাশচন্দ্র বোস অসি অজাদ হিন্দগী সরকারগী মমাংদা প্রধান মন্ত্রী ওইরম্মি হায়বগী মতাং অসি, আজাদ হিন্দ ফৌজদা লৌরম্বা থৌদাং অসিগী মতাংদা মহাকপু খংবিফম থোকপা অদু খংবিখিবরা?

ঙসি লাল কিলাদগী হৌরগা অন্দমান-নিকোবরফাওবা মসিগী মশক খংবিবা অসি ঐখোয়না লৈবাক অমদি মালেমগী মমাংদা হেন্না খংহল্লে। লৈবাক অসিগী চামঙাদগী হেনবা নিংথৌ পাল্লম্বা লৈবাক অসি অমত্তা ওইনা পুনশিল্লকপগী লুরবা থবক অসি তৌখিবা সরদার পতেলজীগী ওইনা করি তৌবিখিবগে হায়বসি লৈবাক অসিদগী অঙাং খুদিংনা নিংথিনা খংনরবা ৱাফম্নি। ঙসি ঐখোয়দা ইনোৎ হাপ্পিরিবা মালেম অসিগী খ্বাইদগী চাউরবা মীতম স্তেচু ওফ য়ুনিতী সরদার পতেলগীনি। লৈবাক অসিগী সংবিধান অসিবু পীবিরম্বা তোল্লবা, তুহৎপীরবা, ওৎপী-নৈবিরবগী খোঞ্জেল বাবা সাহেব অম্বেদকরবু রাজনিতীগী ওইবা মীৎয়েংদখক্তা য়েংনখি। ঙসি ভারত্তগী হৌরগা ইংলেন্দফাওবা দোক্তর বাবা সাহেব অম্বেদকরগা মরি লৈনবা মফমশিং অসি পঞ্চতীর্থগী মওংদা শেমগৎলি।

মরূপশা,

ভারতকী অসিগুম্বা তোঙান-তোঙানবা মরম কয়ানা মখোয়না লৌরম্বা থৌদাং অদুবু ইকাই খুম্নবা উৎপিখিদ্রবা লান্মী কয়া অমা লৈরি। চৌরি-চৌরাগী অথৌবশিংদা থোকখিবা থৌদোক অদু ঐখোয়না কাউথোকপা ঙমগদরা? মহারাজা সুহেল দেব অমসুং ভারতকী মী ওইবগী ঙাক-শেন্নবগীদমক্তা হোৎনখিবশিংদা মসিগী মতৌ অসি উৎপীখি।

পুৱারীগী লাইরিকশিংদা মহারাজা সুহেল দেবগী ইচং থৌবা, অথোইবা থবকশিং, মথৌনাগীদমক্তা খংবিফম থোকপদু খংবিখিদে অদুবু অৱধ অমসুং তরাইদগী হৌরগা পুর্বাঞ্চলগী ফুঙ্গা ৱারীশিংদা, মীশিংগী থম্মোয়দা মতম পুম্বদা লৈরি। থৌনা ফবদা নত্তনা খাংবা কনবা অমদি চাউখৎপা পাম্বা লৈঙাকপা অমগী মওংদা মহাক্কী শক্তম অসি মুৎনাইররোই। মহাক্না পাল্লৈঙৈগী মতমদা মহাক্না হেন্না ফবা লম্বিশিংগীদমক্তা, পুখ্রীশিংগীদমক্তা, হৈকোল-লৈকোলগীদমক্তা অমসুং মহৈ-মশিংগী লমদা থবক তৌরমখিবা অসি অঙকপা মওংদনি। মহাক্কী মসিগুম্বা ৱাখল্লোন অসি মসিগী মেমোরিএল অসিদসু উবা ফংলগনি।

মরূপশা,

তুরিজমদা মহারাজা সুহেল দেবগী পুন্সিগী মমি তাহন্নবা ফুৎ ৪০গী কাংস্যগী মীতম শারগনি। মসিদা শাগদৌরিবা ম্যুজিয়ম অসিদা মহারাজা সুহেল দেবগা মরি লৈনবা পুৱারীগী ৱাফম পুম্বা লৈগনি। से মসিগী মনুংগী অমদি মনাক নকপা লম্বিশিং পাকতোক-চাউথোকহনগনি। অঙাংশিংগীদমক্তা পার্ক শাগনি, মীফম পাংথোকফম শঙলেন শাগনি, তুরিস্তশিংগীদমক্তা গেস্ত হাউস, পার্কিং, কেফেতরিয়ানচিংবা ফেসিলিতী কয়া অমা শাগনি। মসিগা লোয়ননা মফমদুগী খুৎ-শা হৈবশিং, আর্তিস্তশিংনা মফমসিদা মখোয়গী পোৎ অদু লাইনা য়োনবা য়ানবা দুকানশিং শারগনি। মতৌ অসিগুম্না চিতৌর পাৎতা তোর্ব্বান অমসুং সিরীশিং শাবা অমসুং ফজথোকহনবনা মসিগী পুৱাপরীগী ওইবা পাৎ অসিগী অথোইবা মতৌ অসি হেন্না হেনগৎহল্লগনি। হোৎরিবা থবকশিং অসিনা বহরাইচগী ফজবা হেনগৎহনবদা নত্তনা অরাকপা তুরিস্তশিংগী মশিংসু হেনগৎহনগনি। ‘মরী মৈয়া’গী থৌজালদগী থবক অসি থুনা লোইরগনি।

ইচিল-ইনাওশিং,

হৌখিবা চহিশিংদা লৈবাকপুম্বদা পুৱারী, লাইদা থাজবা, স্পিরিচুএল ওইবা, নাৎকী ওইবগা মরি লৈনবা মেমোরিএলশিং শারিবা অসিগী অচৌবা পান্দমদি তুরিজম অসি ফগৎহনবসুনি। উত্তর প্রদেশ অসি তুরিস্তশিং অমসুং লাইফমশিং অনিমক্কী ওইনা মরাং কাইনা লৈবা মফম্নি অমদি মসিগী কেপাসিতীসু লোইনাইদবনি। ইবুংঙো রামগী পোক্নফম ওইরো নত্রগা কৃষ্ণগী বৃন্দবন ওইরো, ইবুংঙো বুদ্ধগী সার্রনাথ ওইরো নত্রগা কাশী বিশ্বনাথ ওইরো, সন্ত কবীরগী মগহর ধাম ওইরো নত্রগা বরানসীগী সন্ত রবিদাসকী পোক্নফম অসি অনৌবা মওংদা শেমদোকপা ওইরো লৈবাক পুম্বদা অচৌবা মওংদা থবক চত্থরি। মসি ফগৎহন্নবগীদমক্তা ইবুংঙো রাম, শ্রী কৃষ্ণ অমসুং বুদ্ধগী পুন্সিগা মরি লৈনবা অয়োধ্যা, চিত্রকুৎ, মথুরা, বৃন্দবন, গোবর্ধন কুশীনগর, শ্রাবস্তীনচিংবা লাইফমশিংদা রামায়ন সর্কিৎ, স্পিরিচুএল সর্কিৎ, বুদ্ধিস্ত সর্কিৎ শেমগৎলি।

ইচিল-ইনাওশিং,

হৌখিবা চহিশিংদা হোৎনখ্রিবা থবকশিং অসিগী মমি উবা ফংবা হৌরে। অতোপ্পা লমদগী তুরিস্তম মশিং কয়া অমা লাকপা রাজ্য লাকপা মফম অদুগী মমিংবু উত্তর প্রদেশ কৌই। নমীরমগী विदेशी তুরিস্তশিং পুক্নিং চিংশিনবদসু য়ু.পি. অসি লৈবাক অসিগী মকোক তাবা রাজ্যগী মনুং চল্লে। উত্তর প্রদেশতা তুরিস্তশিংগী মথৌ তাবা ফেসিলিতীশিংগা লোয়ননা কনেক্তিবিতীগী পাম্বৈ অসিসু হেনগৎহল্লগনি। তুংদা অয়োধ্যাদা এয়রপোর্ত অমসুং কুশীনগরদা ইন্তর্নেস্নেল এয়রপোর্ত, লৈবাক কয়াদগী তুরিস্তশিংগী ওইনা য়াম্না কান্নবা ওইগনি। উত্তর প্রদেশতা এয়রপোর্ত দর্জন কয়াগী থবক চত্থরি, মসিগী মনুংদা পুর্বাঞ্চলদা কয়া অমা য়াওরি। ফ্লাইৎ স্কীমগী মখাদা য়ু.পি.গী সহর কয়াদা অহোংবা এয়র সর্ভিসশিংগা শমজিন্নহন্নবা কেম্পেন চত্থরি।

মসিদা নত্তনা পুর্বাঞাচল এক্সপ্রেস ৱে, গঙ্গা এক্সপ্রেস ৱে, গোরখপুর লিঙ্ক এক্সপ্রেস ৱে, বলিয়া লিঙ্ক এক্সপ্রেস ৱে, অসিগুম্বা অনৌবা অমদি অচৌবা লম্বি কয়া অমা য়ু.পি.দা শারি। অদুগা মায়কৈ অমরোমদা মসি য়ু.পি.গী অনৌবা ইনফ্রাস্ত্রকচর হৌবনি। এয়র অমসুং রোদ কনেক্তিবিতীদা নত্তনা য়ু.পি.গী ত্রেন কনেক্তিবিতীসু অনৌবা মওংদা ওইরক্লে। য়ু.পি. অসি অয়ৌবা দেদিকেতেদ ফ্রেদ কোরিদোর অনিগী জঙ্কসন্নি। হন্দক্তা ইস্তর্ন দেদিকেতেদ ফ্রাইৎ কোরিদোরগী অচৌবা শরুক অমা পু.পি.দা মায়খুম হাংদোকখ্রে। য়ু.পি.দা ঙসি অনৌবা ইনফ্রাস্ত্রকচরদা চত্থরিবা থবক অসিদগী উত্তর প্রদেশতা ফেক্তরী তৌবা লৈবাক অমসুং মালেম অসিগী ইনভেস্তরবু পুক্নিং থৌগৎকনি। মসিনা অনৌবা ফেক্তরীশিংগী ওইনা হেন্না ফবা খুদোংচাবা লৈহল্লগনি, মফমসিগী নহাশিংদা অনৌবা খুদোংচাবসু ফংহল্লি।

মরূপশা,

কোরোনাগী মতম অসিদা উত্তর প্রদেশতা চত্থরিবা থবক অসি য়াম্না অথোইবনি। খন্দুনা য়েংবিয়ু, করিগুম্বা য়ু.পি.গী ফীভম অসি শোকচিল্লক্লম্বা তারবদি নেস্নেল-ইন্তর্নেস্নেলগী থাক্তা ৱা জাৎ-জাৎ ঙাংনরমগনি। অদুবু য়ৌগীজীগী সরকারনা, য়োগীজীগী তীম্না য়াম্না নিংথিনা থবক অসি পাংথোক্তুনা উৎলি। য়ু.পি. অসি মীওই কয়াগী পুন্সি কনবদা মায় পাকপদা নত্তনা মপালদগী হল্লকপা মাইগ্রেন্তশিংবু থবক পীবদসু থাগৎনিংঙাইনি।

ইচিল-ইনাওশিং,

কোরোনাগী মায়োক্তা য়ু.পি.গী লান্থেং অসি হৌখিবা চহি ৩-৪দা তৌখিবা থবকশিংনা য়াম্না চাউনা থৌদাং লৈ। পুর্বাঞ্চল অসি চহি তরা-তরাফাওবা ৱাহনবা ব্রেন্দগী ফীবরনা শোকহল্লে, য়ু.পি.না মসি য়াম্না হন্থহল্লে। য়ু.পি.দা ২০১৪ ফাওবদা মেদিকেল কোলেজ ১৪ লৈরমখিবা অদু ঙসি ২৪ শুরে। মসিগা লোয়ননা গোরখপুর অমসুং বরেলীদা এম্সকী থবকসু চত্থরি। মসিদা নত্তনা মেদিকেল কোলেজ ২২ অমসু শারি বনারসীদা অনৌবা মওংগী কেন্সর হোসপিতালগী খুদোংাবশিংসু পুর্বাঞ্চলনা ফংলি। য়ু.পি. অসি জল জীবন মিশন হায়বদি য়ুম খুদিং ঈশিং ফংহনবগী শিংথানিংঙাই ওইবা থবকসু তৌরি। অশেংবা ঈশিং অসি য়ু-য়ুম খুদিংদা য়ৌহল্লগনি লায়না কয়া অমনা নাবা হন্থহনগনি।

ইচিল-ইনাওশিং,

উত্তর প্রদেশতা অফবা মৈ, ঈশিং, লম্বি অমসুং হেল্থ ফেসিলিতীশিং অসি খুঙ্গং, লাইরবা অমসুং লৌমীশিংনা হকথেংননা কান্নবা ফংলি। মরুওইনা লম খজিকখক্তংদা লৌ উবা পীক্না লৌ উবা লৌমীশিংনা স্কীমশিং অসিদগী কান্নবা ফংলি। উত্তর প্রদেশতা অসিগুম্বা লৌমীগী ইমুং করোর অনিমখাইগী বেঙ্ক একাউন্তা কিসান সম্মান নিধীগী থোংদগী চুমদ্রিংনা শেল হাপখ্রে। মসিগী লৌমীগী ইমুংশিং অসি মৈগী বীল থিনবা নত্রগা হার লৈনবগী মীঙোন্দগী শেল পুবদা তাখিরম্মি। অদুবু ঙসি পীক্না লৌ উবা লৌমীশিং অসিদা ঐখোয়গী করকারনা লুপা করোর ২৭তগী হেনবা ত্রান্সফর তৌখ্রে, মখোয়গী একাউন্তা হাপখ্রে। মফমসিদা লৌমীশিংনা মৈ লৈতবদগী অৱাবা কয়া থেংনখি, নুমীদাংচুপ্পা বোরিঙ্গী ঈশিংগীদমক্তা তুমদনা লৈবা তাখিরম্মি, করম্বা মতমদ মাগী নম্বর য়ৌরক্কদগে হায়দুনা ঙাইবা তারমখিবা অসিগুম্বা অৱাবশিং অসি লৈহন্দনবা মৈ ফংহন্নবসু হোৎনরি।

মরূপশা,

লৈবাক অসিগী মীশিং হেনগৎলকপগা লোয়ন-লোয়ননা লৌ উনবা লমসু পীকশিল্লক্লে। মরম অসিনা লৈবাক অসিদা ফার্মর প্রদ্যুসর এসোসিএসন শেম্বগী য়াম্না মথৌ তাই। ঙসি সরকার অসিনা পীক্না লৌ উবা লৌমী কয়াগী ফার্মর প্রদ্যুসর ওর্গানাইজেসন হায়বদি এফ.পি.ও.শিং শেম্লি। বিঘা ১-২গী লৌমীগী ইমুং ৫০০না পুনশিন্নদুনা বাজারদা থোরক্লবদি বিঘা ৫০০-১০০০ ফাওবগী লৌমীগী ইমুংশিংদগী হেন্না মপাহ্গল কনগনি। মতৌ অসিগুম্না কিসান রেলগী থোংদগী এঞ্জাং-নাপী, উহৈ-ৱাহৈ, শঙ্গোম, ঙা অমদি অসিগুম্বা লল্লোন-ইতিক তৌবা অপীকপা লৌমীশিংনা হৌজিক অচৌবা বাজারগা শম্নরে। লৌউ-শিংউদা ফগৎহল্লিবা অসিনা অপীকপা অমদি লাইরবগী পনখৈদা লৈবা লৌমীশিংদা খ্বাইদগী হেন্না কান্নহনগনি। উত্তর প্রদেশতা অসিগুম্বা অনৌবা ৱায়েল-পথাপশিং অসি শেম্লবা মতুংদা মফম-মফমশিংদা লৌমীশিংগী অফবা এক্সপরিএন্স উবসু হৌরে। মসিগী লৌউৃশিংগী ৱায়েল-পথাপশিং অসিনা ফত্তবা পাও কয়া শন্দোক্নবা হোৎনখি। মসি লৈবাকপুম্বনা উরবনি মদুদি লৈবাক অসিগী এগ্রিকলচর মার্কেত্তা মীরমগী কম্পনীশিং কৌনবগীদমক্তা ৱায়েল-পথাপ শেমখিবা অদু ঙসি ইরমগী কম্পনীশিংগী মিংদা লৌমীশিংবু কিহল্লি।

মরূপশা,

রাজনীতিগীদমক্তা ওইদবা অমদি অরানবা পাও শন্দোক্লে হায়বসি খংনরক্লে। অনৌবা ৱায়েল-পথাপশিং চৎনহনবা তারবসু য়ু.পি.দা হন্দক্কী চহি অসিদা মমাংগী চহিগা য়েংনবদা লৌমী শরুক অনিগী ফৌ ৱান্নখি।

হন্দক য়ু.পি.দা মেত্রিক তোন লাখ ৬৫রোম লৈখিবা অসি হৌখিবা চহিগী শরুক অনিমুক্নি। মসিদা নত্তনা য়োগীজীগী সরকার চু থাবা লৌমীশিংগীফাওবা হৌখিবা চহিশিংদা করোর লাখ ১হেন্না য়ৌহনখ্রে। কোরোনাগী মতম অসিদসু চুগী লৌমীশিংদা অৱাবা লৈহন্দনবা পীবা য়াবা তেংবাং পীখি। চিনি ফংনবা, লৌমীশিংগী শেল পীবা ঙম্নবা কেন্দ্র সরকারনা রাজ্য সরকারশিংদা লুপা করোর লিশিং কয়া পীখি। চুগী লৌমীশিংদা মতম চানা শেল পীনবা য়োগীজীগী সরকারনা হোৎনরি।

ইচিল-ইনাওশিং,

সরকারনা হোৎনরিবশিং অসি খুঙ্গং অমসুং লৌমীগী পুন্সি ফগৎহন্নবনি। লৌমীদা, খুঙ্গংদা লৈরিবা লাইরবশিংগী অৱাবা কোকহন্নবা, মখোয়গী মশাগী ময়ুমদা য়াদবা মওংদা খোপচিল্লকপা য়াবগী চিংনবশিংদগী কোক্নবা স্বামিত্ব য়োজনাসু ঙসি উত্তর প্রদেশপুম্বদা চৎনহল্লক্লি। য়োজনা অসিনা জীলা ৫০মুক হেনবদা দ্রোন্না সর্ভে চত্থরি। খুঙ্গং লিশিং ১২মুক্তা দ্রোন সর্ভে তৌবা লোইশিনখ্রে অদুগা হৌজিক ফাওবদা লাখ ২দগী হেনবা ইমুংদা প্রোপর্তী কার্দ হায়বদি হাউসহোল্দ ফংখ্রে। হায়বদি ইমুংশিং অসিগী চিংনবশিং কোক্লে।

মরূপশা,

ঙসি খুঙ্গংগী লাইরবা, লৌমীনা পীক্লবদগী পীক্লবা য়ুম কন্নবগীদমক্তা, মাগী লম কন্নবগীদমক্তা অহানবা ওইনা সরকার অমনা অসুক চাউবা স্কীম অমা চৎনহল্লে হায়বা উরে। অসুক চাউবা ঙাকথোক্নবগী কবচ অসি লাইরবা খুদিং, লৌমী খুদিং, খুনমী খুদিংদা পীরি। মরম অসিনা এগ্রিকলচর রিফোর্মশিংগী থোংদগী লৌমীশিংগী লম মুনখিগনি হায়না লান্না পাও শন্দোকপশিংদা কনানা থাজবিদোইনো? ঐখোয়গী পান্দমদি লৈবাক অসিগী নাগরিক খুদিং মতিক চাহনবনি। ঐখোয়গী ৱাশক্তি লৈবাক অসি মীপাল তাংদবা ওইহনবনি। মসিগী ৱাশক অসি মপুং ফাহন্নবগী ৱাখল্লোনগা লোয়ননা ৱাখল চুংশিনমিন্নসি। ঐহাক রামচরিত মানসকী চৌপাই অসিগা লোয়ননা ৱা ঙাংবা লোইশিনজগে-

প্রবিসি নগর কীজ সব কাজ।

হৃদয় রাখি কোসলপুর রাজা॥

মসিগী ৱাহন্থোক্তি- থম্মোয়দা ইবুংঙো রামগী মিংখৈ শোন্দুনা থবক তৌরবদি শোইদমক্কী থবক অদু মায় পাক্কনি।

অমুক্কা হন্না মহারাজা সুহেল দেবজীবু খুরুমজরগা ময়াম পুম্নমক্কী মফমদা অনৌবা ফেসিলিতীশিং অসিগীদমক্তা য়াইফ-পাওজেল পীজবগা লোয়ননা য়োগীজী অমদি মহাক্কী তীম্বু য়াইফ-পাউজেল পীজবগা লোয়ননা হন্না-হন্না থাগৎচরি!!

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
India G20 Presidency: Monuments to Light Up With Logo, Over 200 Meetings Planned in 50 Cities | All to Know

Media Coverage

India G20 Presidency: Monuments to Light Up With Logo, Over 200 Meetings Planned in 50 Cities | All to Know
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 30 নবেম্বর, 2022
November 30, 2022
Share
 
Comments

Citizens Cheer For A New India that is Reforming, Performing and Transforming With The Modi Govt.

Appreciation For PM Modi’s Vision Of Digitizing Public Procurement With the GeM Portal.