প্রধান মন্ত্রী শ্রী নরেন্দ্র মোদী দিসেম্বর ২৯, ২০১৮দা উত্তর প্রদেশকী বরানসী অমসুং ঘাজীপুরদা চৎকনি। খোংচৎ অদুগী মনুংদা মহাক্না বরানসীদা ৬শুবা ইন্তরনেস্নেল রাইস রিসর্স ইন্সতিত্যুৎ সাউথ এসিয়া রিজনেল সেন্তর (আই.এস.এ.আর.সি.) জাতিদা খুৎশিন্নরগনি অমসুং বরানসীদা দীনদয়াল হস্তকালা সনকুলদা পাংথোক্কদবা ৱান দিস্ত্রিক্ত, ৱান প্রদক্ত রিজনেল সম্মিৎতা শরুক য়াগনি। মহারাজা সুহেলদিয়োবু নিংশিংলদুনা পুথোকপা পোস্তেল স্তাম্প অমা প্রধান মন্ত্রীনা ঘাজীপুরদা রিলিজ তৌগনি মফম অদুদা মহাক্না মীয়ামগী মীফম অমা পাংথোক্কনি।
বরানসীদা নেস্নেল সীদ রিসর্স এন্দ ত্রেনিং সেন্তর (এন.এস.আর.তি.সি.)গী কেম্পসতা প্রধান মন্ত্রীনা ইন্তরনেস্নেল রাইস রিসর্স ইন্সতিত্যুৎ (অই.আর.আর.আই.), সাউথ এসিয়া রিজনেল সেন্তর (আই.এস.এ.আর.সি.) জাতিদা খুৎশিন্নরগনি। মসিনা খা এসিয়া অমসুং সার্ক লমদমদা রাইস রিসর্স অমসুং ত্রেনিংগীদমক হব অমা ফংহল্লগনি। নোংপোক ভারত্তা অহানবা ইন্তরনেস্নেল সেন্তর অসিনা লমদম অসোমদা ফৌ মরাং কাইনা পুথোকপদা অচৌবা থৌদাং অমা লৌরগনি।
ভারতনা ১৯৬০দগী আই.আর.আর.আই. গা লোয়ননা চৎমিন্নরি, অমদি প্রধান মন্ত্রী নরেন্দ্র মোদী অসি ২০১৭কী নবেম্বর থাদা ফিলিপিনগী মনিলাদা লৈবা আই.আর.আর.আই. মকোক লোইশংদা চৎপা ভারতকী অহানবা প্রধান মন্ত্রীনি, মফম অদুদা মহাক্না রাইস সেক্তরদা এগ্রীকলচরেল ইনোবেসন্স অমসুং রিসর্স এদভান্সশিং খন্ন নৈনখি।
শ্রী মোদীনা বরানসীদা দীনদয়াল হস্তকালা সনকুল (ত্রেদ ফেসিলিতেসন সেন্তর এন্দ ক্রাফ ম্যুজিয়ম)দা পাংথোক্কদবা ৱান দিস্ত্রিক্ত, ৱান প্রদক্ত রিজনেল সম্মিৎতা শরুক য়াগনি। ‘ৱান দিস্ত্রিক্ত, ৱান প্রদক্ত’ স্কিম অসিনা লমদম অদুগী প্রজাশিংগী স্কিল অমসুং রাজ্য অসিদা লৈরিবা অপিকপা সহরশিং অমসুং জিলা মচাশিংদগী লমদম অদুগী ত্রেদশিং, ক্রাফশিং অমসুং পোত্থোকশিং হেঙ্গৎহন্নবা পান্দম থম্লি। মসিগী মনুং চল্লিবশিংদি খুৎশা হৈবগী পোত্থোক, ফুদ প্রোসোসিং, ইঞ্জিনীয়ারিংগী ওইবা পোৎলমশিং, কার্পেৎশিং, রেদীমেদ ফীরোলশিং, শউনগী পোত্থোকশিং অসিনচিংবনি, মদুনা ফোরোন একচেঞ্জ ফংবতা নত্তনা প্রজাদা থবকশু ফংহল্লি।
