Share
 
Comments

শ্রী কুমার মঙ্গালাম বিরলা জি, চেয়রমেন অদিত্য বিরলা গ্রুপ,

থাইলেন্দগী ইকায়খুম্নরবা মীহুৎ কাংবুশিং, বিরলা ইমুং-মনুং অমসুং মেনেজমেন্তগী মীওইশিং,

থাইলন্দ অমসুং ভারতকী ললোন-ইতিক্কী লুচিংবশিং

মরূপশিং,

খুরুমজরি,

ঙসি থাইলেন্দদা অদিত্য বিরলা গ্রুপকী সনা ফুদোংবা থৌরম পাংথোক্নবা মফম অসিদা ঐখোয় ময়াম পুল্লি। মসি তশেংনবা অখন্নবা থৌরম অমনি। অদিত্য বিরলা গ্রুপকী কাংবু ঐনা থাগৎলি। কাংবু অসিনা থাইলেন্দা শিংথাবা য়াবা থবক কয়া পায়খৎলি হায়বা কুমার মঙ্গালাম বিরলানা হায়বদগী ঐখোয়না তারে। কাংবু অসিনা লৈবাক অসিগীদমক খুদোংচাবা কয়া পীরি।

মরূপশিং,
ভারতকা অকনবা কলচরলগী মরি লৈনবা থাইলেন্দদা ঐখোয় লৈরি। লৈবাক অসিদা ভারতকী মাংজিল থারিবা ইন্দিস্ত্রি অমা চহি ৫০ থবক তৌরকপগী থৌরম ঐখোয়না পাংথোক্লি। ললোন-ইতিক অমসুং কলচর অসি অপুনবা পুরক্নবা শক্তি অমনি হায়বা ঐগী থাজবা অদু অমুক হেনগৎহল্লে। চহিচা কয়া লম্বোইবশিং অমসুং ললোনবশিংনা ফম কয়া থাপ্না অমসুং লাপ্না চৎখি। মখোয়না য়ুমদগী লাপ্না চৎখি অমসুং কলচর কয়াগা পুনশিনখি। কলচর অমসুং ললোন-ইতিক কয়া পুনশিনবদগী মতমগী মতুংইন্না মালেম অসি নকশিন্নবা হেল্লকখি।

 

মরূপশিং,

হৌজিক ভারত্তা ওইরিবা অশেংবা শক্তম খর নখোয়দা হায়নিংবনা ঐ খৌরাংলে। মসি ঐনা মপুংফানা থাজবগা লোয়ন্না হায়রি মদুদি –হৌজিক অসি ভারত্তা লৈবগী খ্বাইদগী ফরবা মতমনি। ঙসিগী ভারত্তা কয়া অমা ফগৎলক্লি অমসুং কয়া অমা লৈখা তারক্লি। ললোন-ইতিক নুংঙাইবা অমসুং হিংবদা লাইবা হেনগৎলে। এফ দি আই হেনগৎলে। ঐখোয়গী উমং হেনগৎলে। পেতেন্ত অমসুং ত্রেদমার্ক মশিং হেনগৎলে। পোৎথোক অমসুং থবক ফজনা পাংথোকপা হেনগৎলে। ইনফ্রাস্ত্রকচর শেমগৎপগী খোঙজেল হেনগৎলে। অফবা মখলগী অনা-লায়েংগী খুদোংচাবা ফংবা মীশিং হেনগৎলে। তেক্স থিবা মীওই হেনগৎলে। তেক্স রেত হন্থরে। ৱাচৎ-ৱানোম হন্থরে। শেঞ্জা—থুমজা হন্থরে। মিদলমেনশিংনা অঙম-অথৌশিংগী থোংজিলদা লৈবা অদু পুৱারী ওইরে।

মরূপশিং,
হৌখিবা চহি মঙাদা হিরম কয়াদা মাইপাকপগী ৱারী ভারতনা উরে। মসি সরকার খক্তনা ওইহনবা নত্তে। মিসন কয়া পায়খৎপদগী অহোংবা কয়া পুরক্লে। হায়রিবা মিসনশিং অসিদা মীয়াম্না শরুক য়াবদগী মখোয় মীয়ামগী খোঙজং অমা ওইরকখি। হায়রিবা মীয়ামগী খোঙজংশিং অসি অঙাকপা কয়া ফংখি। মতম অমা ওইথোকপা ঙম্লোই খল্লম্বশিং হৌজিক ওইথোক্লে। পুন্সিদা দরকার ওইবা পোৎলমশিং চাদা ১০০ ফংবা ঙম্লে। মদুগী খুদমশিংদি-জন ধন য়োজননা শেন-থুমগী কান্নবা ফংহল্লি। স্বচ্ছ ভারত মিসন্না য়ুমথোং খুদিং সেনিতেসন ফংহল্লে।

মরূপশিং,
সরকারগী কান্নবশিং য়ৌহনবদা অহোবা কয়া লৈবদগী ভারত্তা ঐখোয়না অচৌবা খুদোংচাদবা অমা মায়োক্নখি। মসিনা মরম ওইদুনা লায়রবশিং অৱাবা নংখি। চহি কয়া লায়রবশিংগীদমক চাদিং তৌরিবা শেনফম লায়রবশিংদা য়ৌদে হায়বা খঙবদা নহাক অঙকপা পোক্কনি। ঐখোয়গী সরকারনা মসিগী চৎনবী অসি থুপচিল্লে, মদুগীদমক দি বি তি থাগৎলি। দি বি তি হায়বদি দাইরেক বেনিফিত ত্রান্সফর হায়বনি। দি বি তিনা মিদলমেন অমসুং মতিক চাদবগী কলচর লৌথোক্লে। মসিদা অশোইবগী মফম লৈতে। দি বি তিনা হৌজিক ফাওবদা দোল্লর বিল্লিয়ন ২০ কনবা ঙম্লে।

য়ুমশিং এল ই দি লাইতশিং নহাক্না উবা ফংলগনি। হৌখিবা চহি খরদা ঐখোয়না এল ই দি ব্লব মিল্লিয়ন ৩৬০ হেন্না য়েন্থোক্লে। ঐখোয়না লম্বীগী লাইত মিল্লিয়ন ১০ হেন্না এল ই দি লাইতশিংদা ওন্থোক্লে। মসিদগী ঐখোয়না দোল্লর বিল্লিয়ন ৩.৫ কনবা ঙমখি। কার্বোন থাদোকপা হন্থরে। শেন তুংশিনবা অমসুং শেন তানবনি হায়বা অদু ঐনা চেৎনা থাজৈ। ইনর্জি কনবা অসি ইনর্জি পুথোকপনি। হায়রিবা শেনফমশিং অসি হৌজিক কান্নবা থবকশিং পায়খৎতুনা মীওই কয়া ফিবম ফগৎহল্লে।

মরূপশিং,

ঙসিগী ভারত্তা, থবক কন্না শুবা তেক্স থিবশিংগী থৌদাং শিংথারে। ঐখোয়না শিংথানিংঙাই ওইনা থবক পাংথোক্লিবা হিরম অমদি তেক্স লৌবগী থবক অসিনি। ভারত অসি মীয়াম্না খ্বাইদগী নুংঙাইবা তেক্স লৌবগী কাংলোন লৈবা অমা ওইবদা ঐ হরাওই। হৌখিবা চহি ৫ অসিদা ঐখোয়না মিদল ক্লাসশিংদা তেক্সকী পোৎলম হন্থহল্লে। হৌজিক ঐখোয়না অৱাবা নংহন্দবা তেক্স খোৎনবগী মওং অমা পায়খৎপা হৌরে। ভারতনা কোরপোরেত তেক্স ককথনবা ৱারেপ লৌখিবা অদু নহাক্না তারমগনি। ভারতকী ইকোনোমি পুনশিনবগী থবক অসি ঐখোয়গী জি এস তিনা মপুংফাহল্লে। মসি মীয়াম্না হেন্না নুংঙাইনবা থবক পায়খৎপা ঐখোয়না পাম্মি। ঐনা ঙসি হায়নিংলিবদি ভারত অসি মালেমদা খ্বাইদগী পাম্নবা শেন থাদনিংবা মফম অমা ওইরে হায়বা অসিনি।

মরূপশিং,

হৌখিবা চহি মঙাদা ভারতনা য়ু এস দোল্লর বিল্লিয়ন ২৮৬কী এফ দি আই ফংখি। মসি হৌখিবা চহি ২০দা ফংখিবা অদুগী তঙ্খাইনি। মসিগী মনুংদা চাদা ৯০ মশা মরোমদোম অয়াবা পীখিবনি। মসিদা চাদা ৪০দি গ্রিন ফিল্দ ইনভেস্তমেন্তনি। মসিনা তাক্লি মদুদি ইনভেস্তরনা মতম শাংনা ভারত্তা শেন থাদবা পাম্মী। য়ু এন সি তি এদিগী মতুংইন্না ঐখোয় এফ দি আই লাকপা মকোক ১০গী মনুংদা লৈরে অমসুং চহি মঙাদা ৱিপোগী গ্লোবেল ইন্নোবেসন ইন্দেক্সতা মফম ২৪ হাইগৎলে।

চহি মঙাদা ভারতনা ৱাল্দ বেঙ্কগী ইজ ওফ দুইং বিজিনেস রেঙ্কিংদা মফম ৭৯ হাইগৎলে। ২০১৪দা ১৪২দা লৈরম্বদগী ২০১৯দা ৬৩দা হাইগৎলে। মসি অচৌবা মাইপাকপনি। চহি অহুম থংন-থংন্না ঐখোয় অওনবা পুরকপা লৈবাক ১০গী মনুংদা য়াওরি। ভারত্তা ললোন-ইতিক পাংথোকপদা অহোংবা কয়া লৈরে। ঐখোয়গী লৈবাক অসি অচৌবা অমসুং মখল কয়া য়াম্বনি। লৈবাক অসিগী কেন্দ্র, রাজ্য অমসুং জিলাগী সরকারশিং লৈরি। ললোন-ইতিক্কী থবক হেন্না ফগৎনবা সরকার অমসুং মীয়াম পুন্না চৎমিন্নরি।

মরূপশিং,

ৱাল্দ ইকোনোমি ফোরমগী ত্রাবেল অমসুং তুরিজম কম্পিতিতিবনেস ইন্দেক্সতা ভারতকী রেঙ্কিং হাইগৎলে। ২০১৩দা ৬৫দা লৈরম্বদগী ঐখোয় ২০১৯দা ৩৪দা লৈরে। মসিগী হাইগৎলকপা অসি খ্বাইদগী য়াম্বনি। মপান লৈবাক্কী লমকোয়বশিং লাকপা চাদা ৫০ হেনগৎলে। লমকোয়বা মীওই য়াম্না লাক্লিবা অসিনা তাক্লিবদি ঐখোয়না হোৎনরিবশিং অসিগী মহৈ ফংলে হায়বনি। তশেংনা ভারতকী অফবা লম্বী, নোংথক্কী লম্বী, লু-নানবা অমসুং অফবা লো অমসুং ওর্দর লৈরে।

মরূপশিং,

অওনবশিংনা পুরকপা কান্নবশিং য়েংলবা মতুংদা হায়রিবা রেঙ্কিংশিং অসি হাইগৎলকপনি। হায়রিবা রেঙ্কিংশিং অসি লাইফাও অমা নত্তে। মসি তশেংনা মমাংদা থোকখ্রবশিং অদু উৎপনি।
 

মরূপশিং,

হৌজিক ভারতনা দোল্লর ত্রিল্লিয়ন ৫গী ইকোনোমি অমা লৈনবা মঙ মঙলি। ২০১৪দা ঐগী সরকার লাকপা মতমদা ভারতকী জি দি পি দোল্লর ত্রিল্লিয়ন ২ ওইরমখি। চহি ৬৫দা ত্রিল্লিয়ন ২। অদুবু শুপ্নগী চহি ৫দা ঐখোয়না জি দি পি অসি দোল্লর ত্রিল্লিয়ন ৩দা হেনগৎহনখি। দোল্লর ত্রিল্লিয়ন ৫গী ইকোনোমিগী মঙ অসি মঙফাওনরগনি হায়বসি মসিনা ঐঙোন্দা ৱাখল তাহল্লে। তুংগী ইনফ্রাস্ত্রকচর শেমগৎনবা দোল্লর ত্রিল্লিয়ন ১.৫ থাদনবা ঐখোয়না হোৎনরি।

মরূপশিং,

ভারতকী হৈশিংবা অমসুং হৈশিংবা মীওই কয়া লৈবা অসিদা ঐ চাউথোকপা পোকলি। ভারত অসি মালেমদা খ্বাইদগী চাউবা স্তার্দ-অপ ইকোসিস্তেমশিং লৈবা অমসুং দিজিতেল কঞ্জুমরশিংগী কৈথেল লৈবশিংগী মনুংদা অমা ওইরি। স্মার্ত ফোন শীজিন্নবা বিল্লিয়ন অমা লৈরে অমসুং মদুগী তঙ্খাই অমা ইন্তরনেত শীজিন্নরি। ঐখোয় মালেমগী মেনুফেকচরিংগী মফম অমা ওইরক্লি।

মরূপশিং,

‘থাইলেন্দ ফোর পোইন্ত জিরো’না সাইন্স, তেক্নোলোজি, ইন্নোবেসন অমসুং ক্রিয়েতিবিতিদা য়ুম্ফম ওইদুনা থাইলেন্দগী অফবা ইকোনোমি অমা লৈরক্লি। মসি ভারতনা মীৎয়েং চংলিবশিং অদুগা চৎমিন্নবা অমসুং মতেং পাংনবা য়াগনি। ভারতকী দিজিতেল ইন্দিয়া, গঙ্গা রিজুবিনেসন প্রোজেক্ত, স্বচ্ছ ভারত মিসন, স্মার্ত সিতি অমসুং জাল জিবন মিসন অসিনা পুন্না থবক তৌমিন্নবগী খুদোংচাবা কয়া পীরি।

 

মরূপশিং,

ভারতনা নুংঙাইবদা মালেম নুংঙাই। ভারতনা চাউখৎপদা ঐখোয়না পাম্লিবসি হেন্না ফবা মালেম অমা ওইহনবনি। অয়ুসমান ভারতকী মখাদা ভারতমচা মিল্লিয়ন ৫০০দা অফবা অমসুং অহোংবা অনা-লায়েংগী খুদোংচাবা ফংহনবদা মসিনা মালেম অসি হেন্না মশা ফহনগনি।২০৩০দা মালেমগী ওইনা পান্দম থম্লিবা অসিদগী চহি ৫ ঙনখৎনা ২০২৫দা তি বি মুৎথৎনবা ঐখোয়না ৱারেপ লৌরে। ঐখোয়গী সাউথ এসিয়া সেতিলাইতনা লমদম অসিগী মহৈরোইশিং অমসুং ঙামীশিংদা মতেং পাংলি।
 

মরূপশিং,

এক্ত ইস্ত পোলিসীগী মখাদা লমদম অসিগী চৎথোক-চৎশিন ফগৎহন্নবা ঐখোয়না হোৎনরি। থাইলেন্দগী হিথাংফমশিংগা ভারতকী নোংপোক থংবদা লৈরিবা হিথাংফমশিংগা শম্নবা অসিনা ললোন-ইতিক্কী থবক ফগৎহল্লগনি। মমাংদা ঐখোয়গী অহল-লমনশিংগা তৌরম্বা অদুগুম্না লম্মিৎ-তুমিৎ নক্নবগী খুদোংচাবা ঐখোয়না লৌগদবনি।

অরোইবদা ঐনা হায়নিংবদি: শেন থাদনবা অমসুং লাইনা ললোন-ইতিক চৎথনবা ভারত্তা লাকউ। অনৌবা পায়খৎনবা অমসুং অনৌবা হৌদোক্নবা ভারত্তা লাকউ। খ্বাইদগী ফজবা লমকোয়ফমশিং অমসুং মীয়ামগী তরাম্না ওকপা পাম্লবদি ভারত্তা লাকউ। অদোমবু ভারতনা পাম্বোম থাংগৎতুনা ঙাইরি।

অদোম থাগৎচরি।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
How India is building ties with nations that share Buddhist heritage

Media Coverage

How India is building ties with nations that share Buddhist heritage
...

Nm on the go

Always be the first to hear from the PM. Get the App Now!
...
PM to inaugurate the Infosys Foundation Vishram Sadan at National Cancer Institute in Jhajjar campus of AIIMS New Delhi on 21st October
October 20, 2021
Share
 
Comments

Prime Minister Shri Narendra Modi will inaugurate the Infosys Foundation Vishram Sadan at National Cancer Institute (NCI) in Jhajjar Campus of AIIMS New Delhi, on 21st October, 2021 at 10:30 AM via video conferencing, which will be followed by his address on the occasion.

The 806 bedded Vishram Sadan has been constructed by Infosys Foundation, as a part of Corporate Social Responsibility, to provide air conditioned accommodation facilities to the accompanying attendants of the Cancer Patients, who often have to stay in Hospitals for longer duration. It has been constructed by the Foundation at a cost of about Rs 93 crore. It is located in close proximity to the hospital & OPD Blocks of NCI.

Union Health & Family Welfare Minister, Shri Mansukh Mandaviya, Haryana Chief Minister Minister Shri Manohar Lal Khattar and Chairperson of Infosys Foundation, Ms Sudha Murthy, will also be present on the occasion.