ସେୟାର
 
Comments

ଶ୍ରୀ କୁମାର ମଙ୍ଗଲମ ବିର୍ଲା ଜୀଆଦିତ୍ୟ ବିର୍ଲା ଗ୍ରୁପର ଅଧ୍ୟକ୍ଷ,

ଥାଇଲାଣ୍ଡ ରାଷ୍ଟ୍ରର ସମ୍ମାନିତ ଅତିଥିଗଣ,

ବିର୍ଲା ପରିବାର ଓ ପ୍ରବନ୍ଧନର ସଦସ୍ୟଗଣ,

ଥାଇଲାଣ୍ଡ ଓ ଭାରତର ବ୍ୟବସାୟୀ ନେତୃବୃନ୍ଦ,

ବନ୍ଧୁଗଣ,

ନମସ୍କାର

ସାୱଦି ଖ୍ରପ ।

ଥାଇଲାଣ୍ଡର ସୁବର୍ଣ୍ଣଭୂମିରେ ଆଦିତ୍ୟ ବିର୍ଲା ଗ୍ରୁପର ସୁବର୍ଣ୍ଣ ଜୟନ୍ତୀ ପାଳନ ପାଇଁ ଆମେ ସମସ୍ତେ ଏଠାରେ ଏକତ୍ରିତ ହୋଇଛୁ । ଏହା ବାସ୍ତବରେ ଏକ ସ୍ୱତନ୍ତ୍ର ଅବସର । ମୁଁ ଆଦିତ୍ୟ ବିର୍ଲା ଗ୍ରୁପର ସଦସ୍ୟମାନଙ୍କୁ ଅଭିନନ୍ଦନ ଜଣାଉଛି । ଥାଇଲାଣ୍ଡରେ ଗ୍ରୁପ ପକ୍ଷରୁ କରାଯାଇଥିବା ଉଲ୍ଲେଖନୀୟ କାର୍ଯ୍ୟ ବିଷୟରେ ଶ୍ରୀ କୁମାର ମଙ୍ଗଲମ ବିର୍ଲା ଏବେ ଯାହା କହିଲେ ଆମେ ଶୁଣିଲୁ । ଏହି ରାଷ୍ଟ୍ରରେ ଏହା ଅନେକଙ୍କ ପାଇଁ ସୁଯୋଗ ଏବଂ ସମୃଦ୍ଧି ଆଣୁଛି ।

ବନ୍ଧୁଗଣ,

ଆମେ ଏଠାରେ ଥାଇଲାଣ୍ଡରେ ଅଛୁଯାହା ସହ ଭାରତର ଦୃଢ଼ ସାଂସ୍କୃତିକ ସମ୍ପର୍କ ରହିଛି ।  ଭାରତର ଅଗ୍ରଣୀ ଶିଳ୍ପ ସଂସ୍ଥା ଏହି ରାଷ୍ଟ୍ରରେ 50 ବର୍ଷ ପୂରଣ କରିବା ଅବସରରେ ଆମେ ଏଠାରେ ଉପସ୍ଥିତ ହୋଇଛୁ । ଯୋଡ଼ିବାର ଅନ୍ତର୍ନିହିତ ଶକ୍ତି ବାଣିଜ୍ୟ ଓ ସଂସ୍କୃତି ନିକଟରେ ରହିଥିବା ନେଇ ମୋର ବିଶ୍ୱାସ ଆହୁରି ସୁଦୃଢ଼ ହୋଇଛି । ଶହ ଶହ ବର୍ଷ ଧରି ସନ୍ଥ ଓ ବ୍ୟବସାୟୀମାନେ ଦୂରଦୂରାନ୍ତକୁ ଯାତ୍ରା କରି ଆସୁଛନ୍ତି । ସେମାନେ ଘରଠାରୁ ବହୁ ଦୂରକୁ ଯାତ୍ରା କରି ବିଭିନ୍ନ ସଂସ୍କୃତି ସହିତ ଯୋଡ଼ି ହୋଇଛନ୍ତି । ଆଗାମୀ ଦିନରେ ସାଂସ୍କୃତିକ ସମ୍ପର୍କ ଏବଂ ବାଣିଜ୍ୟର ଆଗ୍ରହ ବିଶ୍ୱକୁ ଆହୁରି ନିବିଡ଼ କରିବ ବୋଲି ମୋର ଆଶା ରହିଛି ।

ବନ୍ଧୁଗଣ,

ଆଜି ଭାରତରେ ହେଉଥିବା କେତେକ ସକାରାତ୍ମକ ପରିବର୍ତ୍ତନର ଛବି ଆପଣମାନଙ୍କ ସମ୍ମୁଖରେ ଉପସ୍ଥାପନ କରିବା ଲାଗି ମୁଁ ଆଗ୍ରହୀ । ମୁଁ ଏହା ପୂର୍ଣ୍ଣ ବିଶ୍ୱାସର ସହ କହିପାରେ ଯେ ଭାରତରେ ଏହା ହେଉଛି ସବୁଠୁ ଶ୍ରେଷ୍ଠ ସମୟ! ଆଜିର ଭାରତରେ ଅନେକ କଥା ଉପରକୁ ଉଠୁଛି ଏବଂ କିଛି ତଳକୁ ଖସୁଛି । ବ୍ୟବସାୟିକ ସୁଗମତା’ ସହିତ ତାଳ ଦେଇ ସହଜ ଜୀବନ ଧାରଣ ହାର ଊଦ୍ଧ୍ୱର୍ମୁଖୀ ହୋଇଛି । ଆମର ଜଙ୍ଗଲ ଘନତ୍ୱ ବୃଦ୍ଧି ପାଉଛି । ଆମ ପେଟେଣ୍ଟ ଏବଂ ଟ୍ରେଡମାର୍କ ସଂଖ୍ୟା ମଧ୍ୟ ବଢ଼ୁଛି । ଉତ୍ପାଦକତା ଓ ଦକ୍ଷତା ବୃଦ୍ଧି ପାଇବାରେ ଲାଗିଛି । ଅଧିକ ସଂଖ୍ୟକ ଲୋକ ଉଚ୍ଚମାନର ସ୍ୱାସ୍ଥ୍ୟ ସେବା ପାଇପାରୁଛନ୍ତି । ଅନ୍ୟପଟେ ଟିକସର ସଂଖ୍ୟା ହ୍ରାସ ପାଉଛି । ଟିକସ ଦର କମୁଛି । ନାଲି ଫିତା ବ୍ୟବସ୍ଥା ହ୍ରାସ ପାଇଛି । ପ୍ରିୟାପ୍ରୀତି ତୋଷଣ କମିଛି । ଦୁର୍ନୀତି ମଧ୍ୟ ହ୍ରାସ ପାଉଛି । ଦୁର୍ନୀତିଗ୍ରସ୍ତମାନେ ସୁରକ୍ଷା ଲୋଡ଼ୁଛନ୍ତି । କ୍ଷମତାକେନ୍ଦ୍ରରେ ଦଲାଲ ଏବେ ଇତିହାସ ପାଲଟିଲେଣି ।

ବନ୍ଧୁଗଣ,

ବିଭିନ୍ନ କ୍ଷେତ୍ରରେ ଗତ 5 ବର୍ଷ ମଧ୍ୟରେ ଭାରତ ଅନେକ ସଫଳତାର କାହାଣୀ ଲେଖିଛି । ଏହାର କାରଣ କେବଳ ସରକାର ନୁହନ୍ତି । ଭାରତ ଏକ ନିର୍ଦ୍ଧାରିତଅମଲାତନ୍ତ୍ରିକ ଢଙ୍ଗରେ କାମ କରିବା ଛାଡ଼ି ଦେଇଛି । ମହତ୍ୱାକାଂକ୍ଷୀ ଅଭିଯାନ କାର୍ଯ୍ୟକାରୀ କରାଯାଉଥିବାରୁ ଯୁଗାନ୍ତକାରୀ ପରିବର୍ତ୍ତନ ଦେଖିବାକୁ ମିଳୁଛି । ଏହି ମହତ୍ୱାକାଂକ୍ଷୀ ଅଭିଯାନରେ ଜନସାଧାରଣଙ୍କ ସକ୍ରିୟ ଅଂଶଗ୍ରହଣ ରହୁଥଇବାରୁ ଏଗୁଡ଼ିକ ପ୍ରଭାବଶାଳୀ ଜନ ଆନ୍ଦୋଳନରେ ପରିଣତ ହେଉଛନ୍ତି । ଏହି ଜନ ଆନ୍ଦୋଳନ ଦ୍ୱାରା ଚମତ୍କାର ହେଉଛି । ପୂର୍ବରୁ ଯାହା ଅସମ୍ଭବ ଲାଗୁଥିଲାସେଗୁଡ଼ିକ ଏବେ ସମ୍ଭବ ହୋଇପାରିଛି । ଜୀବନର ସର୍ବନିମ୍ନ ଆବଶ୍ୟକତା ପୂରଣ ଏବେ ଶତପ୍ରତିଶତ ହାରରେ ପହଁଚିଛି । ଏହାର ଭଲ ଉଦାହରଣ ହେଉଛି-ଜନଧନ ଯୋଜନା ଯାହା ପ୍ରାୟତଃ ସମ୍ପୂର୍ଣ୍ଣ ଆର୍ଥିକ ଅନ୍ତର୍ଭୂକ୍ତିକରଣ ସୁନିଶ୍ଚିତ କରିଛି । ଆହୁରିସ୍ୱଚ୍ଛ ଭାରତ ମିଶନଯେଉଁଠି ପ୍ରାୟତଃ ପ୍ରତ୍ୟେକ ପରିବାର ନିକଟରେ ସ୍ୱଚ୍ଛତା ପହଁଚିପାରିଛି ।

ବନ୍ଧୁଗଣ,

ଭାରତରେ ସେବା ପ୍ରଦାନରେ ତ୍ରୁଟିବିଚ୍ୟୁତି କାରଣରୁ ଆମେ ବଡ଼ ସମସ୍ୟାର ସମ୍ମୁଖୀନ ହେଉଥିଲୁ । ଗରିବ ଲୋକମାନେ ଏହାଦ୍ୱାର ବିଶେଷ ଭାବେ କ୍ଷତି ସହୁଥିଲେ । ଆପଣମାନେ ଜାଣି ଚକିତ ହେବେ ଯେ ଅନେକ ବର୍ଷ ଧରି ଗରିବଙ୍କ ପାଇଁ ଖର୍ଚ୍ଚ କରାଯାଉଥିବା ଅର୍ଥ ପ୍ରକୃତରେ ଗରିବଙ୍କ ନିକଟରେ ପହଁଚି ପାରୁନଥିଲା ।  ଡିବିଟି ଜରିଆରେ ଆମ ସରକାର ଏପରି ଏକ ପ୍ରଥାକୁ ସମାପ୍ତ କଲା । ଡିବିଟିର ଅର୍ଥ ହେଉଛି ପ୍ରତ୍ୟକ୍ଷ ଲାଭ ହସ୍ତାନ୍ତରଣ । ଡିବିଟି ଦ୍ୱାରା ଦଲାଲି ଓ ଅପାରଗ ସଂସ୍କୃତି ହ୍ରାସ ପାଇଛି । ଏଥିରେ ତ୍ରୁଟିର ସୁଯୋଗ ନାହିଁ । ଡିବିଟି ବର୍ତ୍ତମାନ ସୁଦ୍ଧା 2 ହଜାର କୋଟି ଡଲାର ସଂଚୟ କରିପାରିଛି । ଆପଣ ଘରେ ଘରେ ଏଲଇଡି ବଲବ ଦେଖିବାକୁ ପାଇବେ । ଆପଣମାନେ ଜାଣନ୍ତି ଯେ ସେଗୁଡ଼ିକ ଅଧିକ ବିଦ୍ୟୁତ ଶକ୍ତି ସଂଚୟକାରୀ ଓ ଦକ୍ଷ । କିନ୍ତୁ ଭାରତରେ ଏହାର ପ୍ରଭାବ ବିଷୟରେ ଆପଣ ଜାଣନ୍ତି କିଆମେ ଗତ କିଛି ବର୍ଷ ମଧ୍ୟରେ 36 କୋଟିରୁ ଅଧିକ ଏଲଇଡି ବଲବ୍ ବାଂଟିଛୁ । ଆମେ 1 କୋଟିରୁ ଅଧିକ ଷ୍ଟ୍ରିଟ ଲାଇଟକୁ ଏଲଇଡିରେ ରୂପାନ୍ତରିତ କରିଛୁ । ଏହା ମାଧ୍ୟମରେ ଆମେ ପାଖାପାଖି 350 କୋଟି ଡଲାର ସଂଚୟ କରିପାରିଛୁ । ଅଙ୍ଗାରକାମ୍ଳ ନିର୍ଗମନ ମଧ୍ୟ ହ୍ରାସ କରିପାରିଛୁ । ଶକ୍ତି ସଂଚୟର ଅର୍ଥ ହେଉଛି ଶକ୍ତି ଉତ୍ପାଦନ । ଏହି ଅର୍ଥ ଏବେ ଅନ୍ୟ ଅନୁରୂପ ପ୍ରଭାବୀ ଯୋଜନାରେ ଲକ୍ଷ ଲକ୍ଷ ଲୋକଙ୍କ ସଶକ୍ତିକରଣ ପାଇଁ ଖର୍ଚ୍ଚ କରାଯାଉଛି ।

ଆଜିର ଭାରତରେ କଠିନ ପରିଶ୍ରମୀ ଟିକସଦାତାଙ୍କ ଭୂମିକା ଉଲ୍ଲେଖନୀୟ । ଗୋଟିଏ କ୍ଷେତ୍ର ଯେଉଁ ଦିଗରେ ଆମେ ଗୁରୁତ୍ୱପୂର୍ଣ୍ଣ କାର୍ଯ୍ୟ କରିଛୁ ତାହା ହେଲା ଟିକସବ୍ୟବସ୍ଥା । ମୁଁ ଆନନ୍ଦିତ ଯେ ଭାରତ ବର୍ତ୍ତମାନ ସବୁଠୁ ଜନଅନୁକୂଳ ଟିକସ ବ୍ୟବସ୍ଥା ରୂପରେ ପରିଗଣିତ ହେଉଛି । ଏଥିରେ ଆହୁରି ଉନ୍ନତି ଆଣିବା ଲାଗି ଆମେ ପ୍ରତିଶ୍ରୁତିବଦ୍ଧ । ଗତ 5 ବର୍ଷ ମଧ୍ୟରେ ଆମେ ମଧ୍ୟବବର୍ଗଙ୍କ ଉପରେ ଟିକସ ବୋଝ ହ୍ରାସ କରିଛୁ । ବର୍ତ୍ତମାନ ଆମେ ମୁଖମୁଣ୍ଡଳ ବିହୀନ ଟିକସ ଆକଳନ ବ୍ୟବସ୍ଥା କରିଛୁ ଯେଉଁଥିରେ ବାଛବିଚାର ଓ ଶୋଷଣ ପାଇଁ ସ୍ଥାନ ନାହିଁ । କର୍ପୋରେଟ ଟିକସ ଛାଡ଼ ପାଇଁ ଭାରତ ନେଇଥିବା ନିଷ୍ପତ୍ତି ବିଷୟରେ ଆପଣମାନେ ଶୁଣିଥିବେ । ଆମର ଜିଏସଟି ଭାରତର ଅର୍ଥନୈତିକ ସଂଯୋଗୀକରଣ ସ୍ୱପ୍ନ ପୂରଣ କରିଛି । ଆମେ ଏହାକୁ ଆହୁରି ବ୍ୟବହାରକାରୀ ଅନୁକୂଳ କରିବା ଲାଗି ଚାହୁଁଛୁ । ଏସବୁ କଥା ଯାହା ମୁଁ କହିଲି ସେସବୁ ନିବେଶ ଲାଗି ଭାରତକୁ ବିଶ୍ୱର ସବୁଠୁ ଆକର୍ଷଣୀୟ ଅର୍ଥବ୍ୟବସ୍ଥାରେ ପରିଣତ କରିଛି ।

ବନ୍ଧୁଗଣ,

ଗତ 5 ବର୍ଷ ମଧ୍ୟରେ ଭାରତ 286 ଆମେରିକୀୟ ଡଲାର ପ୍ରତ୍ୟକ୍ଷ ବିଦେଶୀ ମୁଦ୍ରା ହାସଲ କରିଛି । ଗତ 20 ବର୍ଷ ମଧ୍ୟରେ ଭାରତ ହାସଲ କରିଥିବା ଏଫଡିଆଇର ଏହା ହେଉଛି ପାଖାପାଖି ଅଧା । ଏଥିମଧ୍ୟରୁ 90 % ସ୍ୱୟଂକ୍ରିୟ ମାର୍ଗରେ ଆସିଛି । ଏଥିମଧ୍ୟରୁ 40% ହେଉଛି ସବୁଜ କ୍ଷେତ୍ର ନିବେଶ ।  ଏହା ଦର୍ଶାଉଛି ଯେ ନିବେଶକମାନେ ଭାରତରେ ଏକ ଦୀର୍ଘସ୍ଥାୟୀ ନିବେଶ କ୍ଷେତ୍ର ଦେଖୁଛନ୍ତି । ଭାରତର ଅଭିବୃଦ୍ଧି କାହାଣୀ ବିଭିନ୍ନ ମାନ୍ୟତାରେ ପ୍ରତିଫଳିତ ହୋଇଛି । ୟୁଏନସିଟିଏଡି ଅନୁଯାୟୀ ଆମେ ଶୀର୍ଷ 10ଟି ଏଫଡିଆଇ ଲକ୍ଷ୍ୟସ୍ଥଳୀ ମଧ୍ୟରେ ସ୍ଥାନ ପାଇପାରିଛୁ । ଗତ 5 ବର୍ଷ ମଧ୍ୟରେ ଡବ୍ଲ୍ୟୁଆଇପିଓର ବିଶ୍ୱ ନବୋନ୍ମେଷ ସୂଚକାଙ୍କରେ ଆମେ 24ଟି ସ୍ଥାନ ଉପରକୁ ଉଠିପାରିଛୁ । ତେବେ ଏଥିମଧ୍ୟରୁ ଦୁଇଟି କଥା ମୁଁ ବିଶେଷ ଭାବେ କହିବାକୁ ଚାହେଁ । ଗତ 5 ବର୍ଷ ମଧ୍ୟରେ ଭାରତ ବିଶ୍ୱ ବ୍ୟାଙ୍କର ବ୍ୟବସାୟିକ ସୁଗମତା’ ମାନ୍ୟତାରେ 79ଟି ସ୍ଥାନ ଉପରକୁ ଉଠିପାରିଛି । 2014ରେ ଏହା 142ତମ ସ୍ଥାନରେ ଥିବା ବେଳେ 2019ରେ 63ତମ ସ୍ଥାନରେ ପହଁଚିଛି । ଏହା ଏକ ବଡ଼ ସଫଳତା । ଲଗାତାର ତିନି ବର୍ଷ ଧରି ଆମେ ଶୀର୍ଷ ଦଶ ସଂସ୍କାରକଙ୍କ ମଧ୍ୟରେ ସ୍ଥାନ ପାଇପାରିଛୁ । ଭାରତରେ ବ୍ୟବସାୟ କରିବା ଲାଗି ଅନେକ ସ୍ୱତନ୍ତ୍ର କାରଣ ରହିଛି । ଆମର ବିସ୍ତୃତ ଏବଂ ବିବିଧ ରାଷ୍ଟ୍ର । ଏଠାରେ କେନ୍ଦ୍ରରାଜ୍ୟ ଓ ସ୍ଥାନୀୟ ସରକାର ରହିଛନ୍ତି । ଏହି ପରିପ୍ରେକ୍ଷୀରେଏକ ଦିଗ ନିର୍ଦ୍ଧାରଣକାରୀ ପ୍ରଗତି ସଂସ୍କାର ପ୍ରତି ଆମର ପ୍ରତିବଦ୍ଧତାକୁ ଦର୍ଶାଉଛି । ବ୍ୟବସାୟିକ ପରିବେଶକୁ ଉନ୍ନତ କରିବା ଲାଗି ଲୋକମାନେ ଓ ସରକାର ମିଳିତ ଭାବେ କାର୍ଯ୍ୟ କରୁଛନ୍ତି ।

ବନ୍ଧୁଗଣ,

ବିଶ୍ୱ ଅର୍ଥନୈତିକ ମଂଚର ଭ୍ରମଣ ଓ ପର୍ଯ୍ୟଟନ ପ୍ରତିଦ୍ୱନ୍ଦ୍ୱିତା ସୂଚକାଙ୍କରେ ଭାରତର ମାନ୍ୟତାରେ ଉନ୍ନତି ଘଟିବା ହେଉଛି ଆଉ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ । 2013ରେ ଆମେ 65ତମ ସ୍ଥାନରେ ଥିବାବେଳେ 2019ରେ 34ତମ ସ୍ଥାନରେ ରହିଛୁ । ଏହା ଶ୍ରେଷ୍ଠ ଉନ୍ନତି ମଧ୍ୟରୁ ଅନ୍ୟତମ । ବିଦେଶୀ ପର୍ଯ୍ୟଟକଙ୍କ ସଂଖ୍ୟା ମଧ୍ୟ 50% ବୃଦ୍ଧି ପାଇଛି । ଆପଣମାନେ ସମସ୍ତେ ଜାଣନ୍ତି ଯେ ଆରାମସୁବିଧା ଓ ନିରାପତା ନପାଇବା ପର୍ଯ୍ୟନ୍ତ ଜଣେ ପର୍ଯ୍ୟଟକ କୌଣସି ସ୍ଥାନକୁ ଯାଇନଥାନ୍ତି । ତେଣୁଯଦି ଆମର ପର୍ଯ୍ୟଟକଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଛିତାର ଅର୍ଥ ହେଉଛି ତୃଣମୂଳସ୍ତରରେ ଆମର ପ୍ରୟାସ ଫଳପ୍ରଦ ହେଉଛି । ବିଶ୍ୱକୁ ଭାରତରେ ସ୍ୱାଗତ ପାଇଁ ଆମ ଦେଶ ପାଖରେ ଉନ୍ନତ ସଡ଼କଉନ୍ନତ ବିମାନ ଯୋଗାଯୋଗଉନ୍ନତ ସ୍ୱଚ୍ଛତା ଓ ଭଲ ଆଇନଶୃଙ୍ଖଳା ବ୍ୟବସ୍ଥା ରହିଛି ।

ବନ୍ଧୁଗଣ,

ପରିବର୍ତ୍ତନର ପ୍ରଭାବକୁ ଦେଖି ଏସବୁ ମାନ୍ୟତା ପ୍ରସ୍ତୁତ କରାଯାଇଛି । ଏସବୁ ମାନ୍ୟତା କେବଳ ଆକଳନ ନୁହେଁ । ଯାହା ବାସ୍ତବରେ ତୃଣମୂଳସ୍ତରରେ କାର୍ଯ୍ୟକାରୀ ହୋଇଛି ଏସବୁ ହେଉଛି ତାର ପ୍ରତିଫଳନ ।

ବନ୍ଧୁଗଣ,

ଭାରତ ବର୍ତମାନ 5 ଲକ୍ଷ କୋଟି ଆମେରିକୀୟ ଡଲାର ଅର୍ଥବ୍ୟବସ୍ଥାରେ ପରିଣତ ହେବାକୁ ଲକ୍ଷ୍ୟ ରଖିଛି । 2014ରେ ମୋ ସରକାର ଯେତେବେଳେ ଦାୟିତ୍ୱ ନେଲା ଭାରତ ଜିଡିପି ପାଖାପାଖି 2 ଲକ୍ଷ କୋଟି ଆମେରିକୀୟ ଡଲାର ଥିଲା । 65 ବର୍ଷରେ 2 ଲକ୍ଷ କୋଟି ଡଲାର । ହେଲେ ମାତ୍ର 5 ବର୍ଷ ମଧ୍ୟରେ ଆମେ ଏହାକୁ ପାଖାପାଖି 3 ଲକ୍ଷ କୋଟି ଡଲାରରେ ପହଁଚାଇପାରିଛୁ । ତେଣୁ 5 ଲକ୍ଷ କୋଟି ଡଲାର ଅର୍ଥବ୍ୟବସ୍ଥାର ସ୍ୱପ୍ନ ଖୁବଶୀଘ୍ର ବାସ୍ତବତାରେ ପରିଣତ ହେବ ବୋଲି  ମୋର ଦୃଢ଼ ବିଶ୍ୱାସ ରହିଛି । ଆମେ ପରିବର୍ତ୍ତୀ ପିଢ଼ିର ଭିତ୍ତିଭୂମି ଉପରେ 1.5 ଲକ୍ଷ କୋଟି ଡଲାର ନିବେଶ କରିବାକୁ ଯାଉଛୁ ।

ବନ୍ଧୁଗଣ,

ଯଦି ଗୋଟିଏ କଥାଯାହାକୁ ନେଇ ମୁଁ ସ୍ୱତନ୍ତ୍ର ଭାବେ ଗର୍ବ କରେତାହା ହେଉଛି ଭାରତର ପ୍ରତିଭାସମ୍ପନ୍ନ ଏବଂ ଦକ୍ଷ ମାନବ ପୁଞ୍ଜି । ଭାରତ ବିଶ୍ୱର ସର୍ବବୃହତ ଷ୍ଟାର୍ଟଅପ ଇକୋସିଷ୍ଟମ ଏହା ଆଶ୍ଚର୍ଯ୍ୟର କଥା ନୁହେଁ । ଡିଜିଟାଲ ଉପଭୋକ୍ତାଙ୍କ ପାଇଁ ଭାରତ ହେଉଛି ସର୍ବବୃହତ ଏବଂ ଦ୍ରୁତଅଭିବୃଦ୍ଧିଶୀଳ ବଜାର । ପ୍ରାୟ 100 କୋଟି ସ୍ମାର୍ଟ ଫୋନ ବ୍ୟବହାର କାରୀ ଏବଂ ପ୍ରାୟତଃ 50 କୋଟି ଇଂଟରନେଟ ବ୍ୟବହାରକାରୀ ରହିଛନ୍ତି । ଆମେ ଚତୁର୍ଥ ଶିଳ୍ପ ବିପ୍ଳବ ସହିତ ତାଳ ଦେଇ ଚାଲିଛୁ ଏବଂ ବିକାଶ ଓ ପ୍ରଶାସନିକ ଆବଶ୍ୟକତା ପୂରଣ କରିବା ଲାଗି ପ୍ରଯୁକ୍ତିକୁ ଗ୍ରହଣ କରିବା ଦିଗରେ ସକ୍ରିୟ ଭାବେ କାମ କରୁଛୁ । ଏସବୁ ଅଗ୍ରଗତି ସହିତ ଆମେ ଏକ ବିଶ୍ୱ ଉତ୍ପାଦନ କେନ୍ଦ୍ର ଭାବେ ଉଭା ହେବାକୁ ପ୍ରୟାସ କରୁଛୁ ।

ବନ୍ଧୁଗଣ,

ଥାଇଲାଣ୍ଡକୁ ବିଜ୍ଞାନପ୍ରଯୁକ୍ତିନବୋନ୍ମେଷ ଓ ସୃଜନଶୀଳତା ଆଧାରରେ ନିର୍ମିତ ଏକ ମୂଲ୍ୟ ଆଧାରିତ ଅର୍ଥବ୍ୟବସ୍ଥାରେ ପରିଣତ କରିବା ଲାଗି ଥାଇଲାଣ୍ଡ ଫୋର ପଏଣ୍ଟ ଜିରୋ’ (ଚତୁର୍ଥ ଶିଳ୍ପ ବିପ୍ଳବ) ଲକ୍ଷ୍ୟ ରଖିଛି । ଏହା ଭାରତର ପ୍ରାଥମିକତା ଅନୁକୂଳ ଏବଂ ପ୍ରଶଂସାଯୋଗ୍ୟ । ଡିଜିଟାଲ ଇଣ୍ଡିଆସ୍କିଲ ଇଣ୍ଡିଆଗଙ୍ଗା ପୁନରୁଦ୍ଧାର ପ୍ରକଳ୍ପସ୍ୱଚ୍ଛ ଭାରତ ଅଭିଯାନସ୍ମାର୍ଟ ସିଟି ଓ ଜଳ ଜୀବନ ମିଶନ ଆଦି ଭାରତୀୟ ଯୋଜନାଗୁଡ଼ିକ ସହଭାଗୀତା ପାଇଁ ଉତମ ସମ୍ଭବନା ସୃଷ୍ଟି କରୁଛି ।

ବନ୍ଧୁଗଣ,

ଭାରତ ସମୃଦ୍ଧି ଲାଭ କଲେବିଶ୍ୱ ସମୃଦ୍ଧ ହୋଇଥାଏ । ଭାରତର ବିକାଶ ପାଇଁ ଆମର ଲକ୍ଷ୍ୟ ପୃଥିବୀକୁ ମଧ୍ୟ ଏକ ଉନ୍ନତ ରାଷ୍ଟ୍ରରେ ପରିଣତ କରିବ । ଯେତେବେଳେ ଆମେ ଆୟୁଷ୍ମାନ ଭାରତ ଜରିଆରେ ଉଚ୍ଚମାନର ଏବଂ ସୁଲଭ ସ୍ୱାସ୍ଥ୍ୟସେବା 50 କୋଟି ଭାରତୀୟଙ୍କୁ ଦେବାକୁ ଚାହୁଁଛୁଏହା ନିଶ୍ଚିତ ଭାବେ ଏକ ସୁସ୍ଥ ପୃଥିବୀ ଦିଗରେ ବାଟ କଡ଼େଇ ନେଉଛି । 2025 ସୁଦ୍ଧା ଆମେ ଯକ୍ଷ୍ମା ଉନ୍ମୁଳନ ପାଇଁ ନିଷ୍ପତ୍ତି ନେଇଛୁ । ବୈଶ୍ୱିକ ଲକ୍ଷ୍ୟ 2030ର 5 ବର୍ଷ ପୂର୍ବରୁ ଆମେ ଏହି ଲକ୍ଷ୍ୟ ହାସଲ ଲାଗି ପ୍ରୟାସ କରୁଛୁ । ଏହା ନିଶ୍ଚିତ ଭାବେ ଯକ୍ଷ୍ମା ବିରୋଧରେ ବିଶ୍ୱର ଲଢ଼େଇକୁ ସୁଦୃଢ଼ କରିବ । ଅନୁରୂପ ଭାବେ ଆମର ଉପଲବ୍ଧି ଓ ଶ୍ରେଷ୍ଠ ପ୍ରଚଳନକୁ ବିଶ୍ୱ ସହିତ ବାଂଟିବାକୁ ଚାହୁଁଛୁ । ଆମର ଦକ୍ଷିଣ ଏସିଆ ଉପଗ୍ରହ ଆମ କ୍ଷେତ୍ରରେ ଅନେକ ଲୋକଙ୍କୁ ସହାୟତା କରୁଛି । ବିଶେଷ କରି ଛାତ୍ରଛାତ୍ରୀ ଓ ମତ୍ସ୍ୟଜୀବୀଙ୍କ ପାଇଁ ଏହା ସହାୟକ ହେଉଛି ।

ବନ୍ଧୁଗଣ,

ଆମର ଆକ୍ଟ ଇଷ୍ଟ ନୀତି ଭାବନା ନେଇ ଆମେ ଏହି କ୍ଷେତ୍ରକୁ ଯୋଗାଯୋଗ ସମ୍ପ୍ରସାରିତ କରିବା ଲାଗି ସ୍ୱତନ୍ତ୍ର ଦୃଷ୍ଟି ଦେଉଛୁ । ଥାଇଲାଣ୍ଡର ପଶ୍ଚିମ ଉପକୂଳ ବନ୍ଦର ସହିତ ଭାରତର ପୂର୍ବ ଉପକୂଳରେ ରହିଥିବା ବନ୍ଦର ଯଥା ଚେନ୍ନାଇବିଶାଖାପାଟଣା ଓ କୋଲକାତା ସହ ସିଧାସଳଖ ଯୋଗାଯୋଗ ଦ୍ୱାରା ଆମର ଅର୍ଥନୈତିକ ଭାଗିଦାରୀ ବୃଦ୍ଧି ପାଇବ । ଏସମସ୍ତ ସୁହାଇଲା ଭଳି ଦିଗର ଲାଭ ଆମେ ନେବା ଉଚିତ । ଆମେ ଆମ ପୂର୍ବଜଙ୍କ ଭଳି ଆମର ଭୌଗଳିକ ପ୍ରମୁଖତାର ଲାଭ  ଉଠାଇବ ଆବଶ୍ୟକ ।

ବନ୍ଧୁଗଣ,

ଆମର ଅର୍ଥବ୍ୟବସ୍ଥା ସମର୍ଥ ଏବଂ ପରସ୍ପର ଅନୁକୂଳଆମ ସଂସ୍କୃତିରେ ସମାନତା ରହିଛିପରସ୍ପର ପ୍ରତି ଆମର ସଦ୍ଦିଚ୍ଛା ରହିଛିଏସବୁକୁ ଦୃଷ୍ଟିରେ ରଖିଲେ ମୋର ବିଶ୍ୱାସ ଯେ ଆମର ବ୍ୟବସାୟିକ ସହଭାଗୀତା ନିଶ୍ଚିତ ଭାବେ ସଫଳ ହୋଇପାରିବ । ଶେଷରେ ମୁଁ କହିବାକୁ ଚାହୁଁଛି ଯେ : ନିବେଶ ଓ ସହଜ ବ୍ୟବସାୟ ପାଇଁ ଭାରତକୁ ଆସନ୍ତୁ । ନବୋନ୍ମେଷ ଏବଂ ଷ୍ଟାର୍ଟ ଅପ ପାଇଁ ଭାରତ ଆସନ୍ତୁ । ଶ୍ରେଷ୍ଠ ପର୍ଯ୍ୟଟନ ସ୍ଥଳୀ ଏବଂ ଲୋକମାନଙ୍କ ଉଦାର ଆତିଥେୟର ଅନୁଭୂତି ପାଇଁ ଭାରତ ଆସନ୍ତୁ । ଭାରତ ଆପଣଙ୍କୁ  ବାହୁ ମେଲାଇ ସ୍ୱାଗତ କରୁଛି ।

ଧନ୍ୟବାଦ ।

ଖୋବ ଖୁନ ଖ୍ରପ ।

ବହୁତ ବହୁତ ଧନ୍ୟବାଦ ।

ଦାନ
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
Landmark day for India: PM Modi on passage of Citizenship Amendment Bill

Media Coverage

Landmark day for India: PM Modi on passage of Citizenship Amendment Bill
...

Nm on the go

Always be the first to hear from the PM. Get the App Now!
...
ସୋସିଆଲ ମିଡିଆ କର୍ଣ୍ଣର ଡିସେମ୍ବର 12, 2019
December 12, 2019
ସେୟାର
 
Comments

Nation voices its support for the Citizenship (Amendment) Bill, 2019 as both houses of the Parliament pass the Bill

India is transforming under the Modi Govt.