খুরুমজরি!
ঐহাক্না বজেৎ প্রজেন্তেসনগী মাংঙোইননা ঐগী থবক পুমিন্নরিবা কয়াগা লোইননা কুপ্না খন্নখি। বজেৎ অসিনা ভারতপু অমুক হন্না হায় গ্রোথ ত্রেজেক্তরীদা পুরক্নবা ময়েক শেংবা রোদমেপ অমা মাংদা থম্লি। বজেৎ অসিনা ভারতকী চাউখৎ-থৌরাংগী ওইনা প্রাইবেৎ সেক্তরগী মপাঙ্গল কনবা পার্তনরশিপতসু ফোকস তৌরি। বজেৎ অসিদা পব্লিক-প্রাইবেৎ পার্তনরশিপকী স্কোপ অমসুং তার্গেৎশিং অসি ক্লেরিতীগা লোইননা মাংদা থমখি। দিসইনবেস্তমেন্ত অমসুং এসেৎ মোনিতাইজেসন অসি বজেৎ অসিগী মরু ওইবা হিরম অমনি।
মরুপশিং,
লৈবাক অসিদা পব্লিক সেক্তর ইন্তর্প্রাইসশিং হৌদোকখিবা মতম অদু হৌজিক্কা খেন্নৈ অমসুং মথৌ তাখিবশিং অদু ঙসি লৈরিবা অসিদসু খেৎনৈ। চহি ৫০-৬০গী মমাংদা লৈবাক অসিগী চুম্মি হায়না লৈরমখিবা পোলিসীশিং অসি ফগৎহন্নবা মতম পুম্বদা স্কোপ লৈগনি। ঙসি ঐখোয়না রিফোর্মশিং অসি পাঙথোকপদা ঐখোয়গী খ্বাইদগী অচৌবা পান্দমদি মীয়ামগী শেল নীংথিজনা শিজিন্নবা অসিনি।
শেল মাংবা পব্লিক সেক্তর ইন্তর্প্রাইস কয়া লৈ। মখোয় অসি তেক্সপেয়রগী শেলশিংনা মতেং পাংলি। অমরোমদদি শেল অসি লায়রবা অমসুং আশাগা লোইননা হোগৎলক্লিবা নহারোলশিংগী হক চাউনা লৈ অদুবু ইন্তর্প্রাইজশিং অসিগী থবক-থৌরমশিংদা ওইনা থাদরি মসিনা মরম ওইরগা শেন্মীৎলোন্দা পোৎলুম চাউনা পুহল্লি। পব্লিক সেক্তর ইন্তর্প্রাইসশিং চহি কয়াদগী চল্লাইদুনা লাক্লে অমদি কান্নবগী পেৎ প্রোজেক্তনে হায়দুনা অদুমক চল্লাই হনগদবনি হায়বা লৈতে। মদুদি করিগুম্বা পব্লিক সেক্তর ইন্তর্প্রাইসশিংনা অখন্নবা সেক্তর অমগী মথৌ তাবশিং থুংহনবরা নত্ত্রগা স্ত্রেতেজিক ওইনা লুন্না লৌবরা হায়বগী মতাংদা ঐহাক্না নীংথিজনা খংঙি।
লৈবাক অসিগী ইন্তর্প্রাইশিং অমসুং বিজিনেসশিংদা মপুং ফানা মতেং পীবা সরকার অসিগী থৌদাংনি অদুবু ঙসিগী চহিচা অসিদদি সরকারনা ইন্তর্প্রাইসশিং চল্লাইগনি অমসুং মসিগী মু ওইগদবনি হায়বা অসিদি মথৌ তাদে। মরম অসিনা সরকারা বিজিনেস্তা য়াওগদবনি হায়বগী বিজিনেস লৈতে। সরকারনা মীয়ামগী য়াইফ-থৌরাংদা অমসুং চাউখৎ-থৌরাংগা মরী লৈনবা প্রোজেক্তশিংদা মীৎয়েং থমগদবনি। সরকারগী অরৈবা ইনর্জী, রিসোর্স অমসুং কেপাসিতী অসি য়াইফ-থৌরাংগী থবকশিংদা শিজিন্নগদবনি। সরকারনা বিজিনেস তৌবা হৌরবদি অমাংবা কয়া থোক্লক্কনি।
ৱারেপশিং লৌবগী থৌওংদা সরকারগী মাংদা অপনবা কয়া লৈরি। সরকারনা কম্মর্সিএলগী ৱারেপশিং লৌনবগী থৌনা ৱাৎলি। মীপুম খুদিংমক মরাল শিরক্কনি অমসুং আইনগী ওইবা অপনবশিং থেংনগনি হায়বগী অকিবা পোক্লি। মরম অসিনা লৈরিবা অসি অদুমক মখা চত্থজরসনু ঐহাক্কী থৌদাংদি মতম খরা খক্তগীনি হায়না খন্নরি। মসিনা ৱারেপ অমত্তা লৌদবনা স্তেতস কো অদুমক লৈরিবনি।
নখোয়নসু হেন্না খংলম্লগনি মদুদি অসিগুম্বা থৌওংনা বিজিনেস অমা চল্লাইহনবা ঙম্লোই। সরকারনা মাগী রিসোর্সশিং হন্থরকপা মতমদা বিজিনেস হৌই মসিগী মতাংদা অতোপ্পা হিরম অমা লৈ। সরকারদা অফবা ওফিসরগী অৱাৎপা লৈতে অদুবু মখোয় অসি লৈঙাক্নবগী, পোলিসীশিং অমসুং রুলশিং ইন্নবগী, মীয়ামগী য়াইফনবা তৌনবগী অমসুং মখোয়গীদমক মথৌ তাবা পোলিসীশিং শেম্নবা মপুং ওইনা ত্রেন তৌখি। হিরমশিং অসিদা মখোয়বু ত্রেন তৌখি অমদি মখোয়না হিরমশিং অসিদা খঙ-হৈবাসু হেল্লি। মখোয়না চহি কয়া মীওই কয়াগী মরক্তা থবক তৌদুনা মসি য়ৌরকখিবনি। অসিগুম্বা অচৌবা লৈবাক অমদা অসিগুম্বা থবক অসি য়াম্না মরু ওই।
অদুবু সরকার অসিনা বিজিনেস তৌবা হৌবা মতমদা অসিগুম্বা অফবা ওফিসরশিং অসি মখোয়গী ফম অদুদগী লৌথোক্তুনা অনৌবা মফম অমদা থাবিরি। অমরোমদা মসি মরম ওইরগা ঐখোয়না মখোয়গী তেলেন্ত অদু ইকাই খুম্নদবা খক্তা নত্তনা পব্লিক সেক্তর ইন্তর্প্রাইসশিংদসু অরানবা তৌরি। মসিনা মরম ওইদুনা মীয়ামদা অকাইবা পীখি অমসুং ইন্তর্প্রাইস অদুসু মাংখি। অমসুং অসুম্না মসিনা মওং কয়াদা লৈবাক অসিদা অকাইবা পীরি। ঐখোয়গী সরকারগী পান্দমদি মীয়ামগী পুন্সি মহিং ফগৎহনবনি লোইননা মীয়ামগী পুন্সিদা সরকারনা মরম লৈতনা খুৎ থিংজিনবা হন্থহনবনি। মহাক্না মখা তারদুনা হায় মসিনা হায়বদি পুন্সিদা সরকারগী অৱাৎপা লৈহনদবা অমদি সরকারনা খুৎ থিংজিনহনদবা অসিনি। মসিনা পুন্সিদা অৱাৎপা নত্ত্রগা সরকারনা ইনফ্ল্যুবেন্স তোরোই।
মরুপশিং,
ঙসি লৈবাক অসিদা সরকারগী কন্ত্রোল মখাদা শিজিন্নবা ৱাৎপা অমসুং শিজিন্নদবা এসেৎ য়াম্না লৈ। মসিগী ৱাখল্লোন অসিগা লোইননা ঐখোয়না নেস্নেল এসেৎ মোনিতাইজেসন পাইপলাইন লাউথোকখি। ঐখোয়না ওইল, গ্যাস, পোর্তশিং, এয়রপোর্তশিং পাৱর অসিনচিংবা লমশিংদা অসিগুম্বা এসেৎ ১০০রোম মোনিতাইজ তৌনবা পান্দম থমখি। এসেৎশিং অসিনা লুপা ত্রিলিয়ন ২.৫কী ইনবেস্তমেন্তগী খুদোংচাবশিং ফংহল্লবা য়াই। মসিগী প্রোসেস অসি তুংলমচৎতসু মখা চত্থখিগনি। সরকারনা মাংদা চংশিনবদা শোল্লিবা মন্ত্র অসি ‘মোনিতাইজ অমসুং মোদর্নাইজনি।
সরকারনা অখন্নবা এসেৎ অমা মোনিতাইজ তৌবা মতমদা মফম অদু লৈবাক অসিগী প্রাইবেৎ সেক্তরনা মেনশিল্লি। মহাক্না মখা তারদুনা হায় প্রাইবেৎ সেক্তরনা মাগা লোইননা ইনবেস্তমেন্তসু পুরক্লি অমসুং মালেমগী খ্বাইদগী অফবা পাম্বৈশিংসু পুরক্লি। মসিনা ক্বালিতী লৈবা মেনপাৱর পুরক্কনি অমসুং মেনেজমেন্তদা অওনবা পুরক্কনি। মসিনা পোৎশিং মোদর্নাইজ তৌখি অমসুং অপুনবা সেক্তর অসি মোদর্নাইজ তৌখি। মসিনা সেক্তরশিং খোঙজেল য়াংনা চাউথোকহল্লি অমসুং অনৌবা থবকশিংসু পীরি। মোনিতাইজ তৌবসু চপ মান্ননা মরু ওই মসিনা অপুনবা প্রোসেসতা ত্রান্সপরেন্সী পুরকই অমসুং পথাপ নাইনা চৎহল্লি। হায়বদি ঐখোয়না মোনিতাইজ অমসুং মোদর্নাইজ তৌবগী খুত্থাংদা অপুনবা শেন্মীৎলোনদা চাউখৎপা পুরকপা হেনগৎহনবা ঙমগনি।
মরুপশিং,
সরকারগী ৱারেপশিং অসিগী মতুং ইন্না ফংখিবা শেনফম অসি য়াইফ-থৌরমগী স্কীমশিংদা শিজিন্নবা য়াগনি। এসেৎশিং অসি মোনিতাইজেসন অমসুং প্রাইবেতাইজেসন তৌবদগী লাকপা শেল অসি লায়রবশিংগী য়ুমশিং শাবদা, খুঙ্গংশিংগী লম্বী শেম্বদা, স্কুলশিং হাংবদা অমসুং লায়রবশিংদা অফবা ঈশিং ফংহনবদা শিজিন্নরি। মীচম প্রজাগা মরী লৈনবা সর্ভিস কয়া লৈ। নীংখা-তম্বা চহি কয়া শুরবসু ঐখোয়গী লৈবাক্তা অসিগুম্বা অশোইবশিং লৈখি। হৌজিক্তি লৈবাক অসিনা ঙাইদুনা লৈররোই।
খোয়গী পান্দমদি লৈবাক অসিগী মীচম প্রজাগী তঙাই ফদবশিং থুংহনবা অসিনি। সরকার অসিনা হিরম অসিদা কন্না হোৎনরি। মরম অসিনা এসেৎশিং মোনিতাইজেসন অমসুং প্রাইবেতাইজেসনগা মরী লৈনবা ৱারেপ খুদিংমক্না লৈবাক অসিগী প্রজাশিং, লায়রবা ওইরসু, মিদল ক্লাস ওইরসু, নহারোলশিং, নুপীশিং, লৌমীশিং নত্ত্রগা শিন্মীশিং শক্তি পীবদা মতেং পাংগনি প্রাইবেতাইজেসন্না নহাশিংবু হেন্না ফবা থবক্কী খুদোংচাবশিং ফংহনগনি।
মরুপশিং,
লৈবাক অসিগী ইন্তর্প্রাইস খুদিংমক মথৌ নীংথিজনা তৌহন্নবা ত্রান্সপরেন্সী, একাউন্তেবিলিতী, রুল ওফ লো, পার্লিয়ামেন্তরী ওভরসাইৎ অমসুং অচেৎপা রাজনিতীগী অনীংবা অদু ঙসি উবা ফংলগনি। বজেৎ অসিদা পব্লিক সেক্তর ইন্তর্প্রাইসশিংগীদমক অনৌবা পোলিসী লাউথোকখিবা অসিদসু ঐখোয়গী ৱাখল্লোন অদু ময়েক শেংনা উবা ফংলি।
সরকারনা স্ত্রেতেজিক সেক্তর মরিগী মথক্তা পি.এস.ই. পুম্নমক প্রাইবেতাইজেসন তৌনবা হোৎনরি। ঐখোয়না স্ত্রেতেজিক সেক্তরদা য়ামদ্রবদা পি.এস.ই.শিং লৈহনগদবনি হায়না য়াম্না ময়েক শেংনা থমখ্রে। মসিগী পোলিসী অসিনা চহিগী দিসইনবেস্তমেন্ত তার্গেৎশিংদগী হেন্দোক্তুনা মীদিয়ম তর্ম স্ত্রেতেজিক এপ্রোচকা লোইননা কম্পনী অমমম খনবদা মতেং পাংগনি।
মসিনা ইনবেস্তমেন্তগীদমক ময়েক শেংবা রোদমেপ অমসু শেমগনি। মসিনা সেক্তর খুদিংমক্তা অনৌবা ইনবেস্তমেন্তগী খুদোংচাবশিং ফংহনগনি অমসুং ভারত্তা থবক পীনবগী পোতেন্সিএল চাউনা হেনগৎহনগনি। অমসুং ঐহাক্না হায়জনিংবদি মসি পুম্নমক অসি মমল য়াম্লবা এসেৎ ঙাক্তনি। ইন্তর্প্রাইসশিং অসিনা লৈবাক অসিদা চাউনা মতেং পাংদুনা লাকখি অমসুং তুংলমচৎতসু শোইদনা মতেং ওইগনি। ঐখোয়না কয়ারক উখ্রে মদুদি মেনেজমেন্তদা অহোংবশিং লাকপনা য়ুনিৎশিংদা অনৌবা পন্দুপ য়ৌবা ঙমহনখি। নখোয় পুম্নমক্না ইন্তর্প্রাইসশিং অসি মখোয়গী হৌজিক ওইরিবা ফীভম অসিদা য়েংলোইদবনি অদুবু মখোয়না তুংদা ফংহল্লক্কদবশিং অদু ওইনা য়েংগদবনি। ঐহাক্নদি মখোয়গী আশানা থল্লবা তুংলমচৎ অদু উবা ফংঙি।
মরুপশিং,
ঙসি ঐখোয়গী সরকারনা পোলিসীশিং অসি ইমপ্লিমেন্ত তৌনবা চপ মান্ননা লুনা লৌবগা লোইননা মাইকৈ অসিদা মপুং ফানা কত্থোক্তুনা চংশিল্লি। কম্পিতিসন লৈহন্নবা ত্রান্সপরেন্সী লৈহনবা অমসুং ঐখোয়গী থৌওংশিং অচুম্বা ওইহন্নবা স্তেবল ওইবা পোলিসী অমা য়াম্না মরু ওই। ঐখোয়না প্রাইস দিস্কভরী অমসুং স্তেকহোল্দর মেপইং অসি মচাখাইবা রোদমেপ অমগা লোইননা মালেমগী খ্বাইদগী অফবা থৌওংশিংদগী তমশিনগদবনি। ঐখোয়না লৌরিবা ৱারেপশিং অসিনা মীয়ামদা কান্নবা পীগদবা অমসুং সেক্তর অসি চাউখৎপদা মতেং পাংগদবা ওইবরা হায়বা অসি য়েংবা তাই।
মরুপশিং,
নখোয় অয়াম্বনা দিসেম্বরদা পাঙথোকখিবা ভর্চ্যুএল গ্লোবেল ইনবেস্তর সম্মিৎ অসিগী মনুংদা সোভরেন অমসুং ইনফ্রাস্ত্রকচর ফন্দশিংদা তেক্স হেনগৎহন্নবা অসিগুম্বা সজেসন খরা পুখৎলকখি। নখোয়না মসি বজেৎতা উবা ফংলম্লগনি। নখোয়না লৈবাক অসিনা খোঙজেল য়াংনা থবক পাইখৎপা অদু খঙবিরম্লগনি। ঐখোয়না ইনবেস্তরশিংগা পাউ ফাওননবা অমসুং খোঙজেল য়াংনা মখোয়গী সমস্যাশিং কোকহন্নবা এম্পাৱর্দ গ্রুপ ওফ সেক্রেতরীজ শেমখ্রে। মসিগা চপ মান্না সজেসনশিংগী মশিংদা য়ুম্ফম ওইরগা ঐখোয়না খোঙথাং খুদিংদা মশিং য়াম্লবা ইনবেস্তরশিংদা মতেং পাংনবা সিঙ্গল পোইন্ত ওফ কন্তেক্ত সিস্তেম অমসু শেমখ্রে।
মরুপশিং,
হৌখিবা চহিশিংদা ঐখোয়গী সরকারনা ভারতপু বিজিনেসকী মরু ওইবা দিস্তিনেসন ওইহন্নবা লেপ্তনা অওনবা পুরকখি। ঙসি ভারত্তা ৱন মার্কেৎ-ৱন তেক্স সিস্তেম লৈরে। ঙসি ভারত্তা কম্পনীশিংগী এন্ত্রী অমসুং একজিৎকীদমক হেন্না ফাবা চেন্নেলশিং লৈরে। ঐখোয়না কম্প্লাইএন্সকা মরী লৈনবা কম্প্লেক্সিতীশিং লেপ্তনা ফগৎহল্লি অমসুং লোজিস্তিক্সকী সমস্যাশিং খোঙজেল য়াংনা কোকহল্লি। ঙসি ভারত্তা তেক্স সিস্তেম লায়থোকহল্লি অমসুং ত্রান্সপরেন্সী মপাঙ্গল কনখৎহল্লি। ভারত অসি তেক্সপেয়রশিংগী হকশিং কোদিফাই তৌখিবা লৈবাকশিংগীগী মরক্তা অমনি। লেবর লোসু হৌজিক্তি লায়থোকহনখ্রে।
মরুপশিং,
ৱেবিনার অসিদা শরুক য়ারিবা ঐখোয়গী মীরৈবাক্কী থবক তৌমিন্নরিবশিংগী ওইনা ভারত অসি অনৌবা খুদোংচাবাশিংগী ঙমখৈ অতিয়ানা ওইগনি। ভারত্তা মমাংদা অমুক তৌখিদ্রিবা রিফোর্মশিং এফ.দি.আই. পোলিসীদা পুরকখ্রে হায়বা নখোয়না খঙলম্লগনি। এফ.দি.আই. ফ্রেন্দলী ওইবা ফীভম অমসুং প্রদক্সন লিঙ্ক ইন্সেন্তিব(পি.এল.আই.)গুম্বা থৌরাংশিংনা মরম ওইরগা ঙসি ভারত্তা ইনবেস্তরশিংনা থৱায় য়াওবা হেনগৎলক্লি। মসি হৌখিবা থা খরদা রেকোর্দ তৌখিবা এফ.দি.আই.
মরুপশিং,
আত্মানির্ভর ভারত ওইহন্নবা ঐখোয়না মতমগা চুনবা ইনফ্রাস্ত্রচর অমসুং মল্তিমোদেল কন্নেক্তিবিতীগা মরী লৈনবা থবক খোঙজেল য়াংনা পাইখৎলি। লাক্কদৌরিবা চহি মঙা অসিদা ঐখোয়না নেস্নেল ইনফ্রাস্ত্রকচর পাইপলাইনগী খুত্থাংদা ঐখোয়গী ইনফ্রাস্ত্রকচর অপগ্রেদ তৌনবা লুপা ত্রিলিয়ন ১১১ চাদিং তৌগনি। মসিনা প্রাইবেৎ সেক্তরগীদমক লুপা ত্রিলিয়ন ২৫গী ইনবেস্তমেন্তগী পোতেন্সিএল লৈ। ইনফ্রাস্ত্রকচর প্রোজেক্তশিং অসিনা লৈবাক অসিদা থবক ফংহল্লগনি অমসুং দিমান্দ হেনগৎহল্লগনি। ইনবেস্তর য়ানা ভারত্তা মখোয়গী অহানবা ওফিস হাংদোক্নবা হোৎনরি হায়বসু খঙলে।
ঐহাক্না মরুপ পুম্নমকপু তরাম্না ওকচরি অমসুং জি.আই.এফ.তি. সহরদা লৈরিবা ইন্তরনেস্নেল ফাইনান্সিএল সেন্তর অসিনা নখোয়দা চাউনা মতেং পাংলগনি। কেন্দ্রনা মালেমগী থাক্কা চাংদম্নবা য়াবা রিগুলেতরী ফ্রেমৱার্ক্কী মখাদা চলাইগনি। মসি নখোয়না থবক তৌবা নুংঙাইগদবা ফম্পাক অমা ওইরগনি। ঐখোয়না অসিগুম্বা প্লগ এন্দ প্লে ফীচরশিং ভারত্তা ফংহন্নবা কন্না হোৎনরি।
মরুপশিং,
মসিনা ভারতকী চাউখৎ-থৌরাংগী খোঙচৎতা অনৌবা পন্দুপ অমা হৌহল্লগনি। হৌজিক লৌরিবা ৱারেপশিং, লৈবাক অসিনা চংশিল্লিবা পান্দমশিং অসিনা অপুনবা প্রাইবেৎ সেক্তরদা থৌনা হাপ্লগনি। মালেমগী খ্বাইদগী নহা ওইরিবা লৈবাক্তা থম্লিবা থাজবশিং অসি সরকার খক্তদগী নত্তনা লনাই সেক্তরদগীসু ওইগদবনি অমসুং মসিগী অনীংবা-অপাম্বশিং অসিনা বিজিনেসকী অচৌবা খুদোংচাবশিং পুরক্লি।
ঐখোয় পুন্না খুদোংচাবশিং অসি লৌহৌরসি অমসুং অফবা খুন্নাই অমগীদমক আত্মানিভর ভারত শেমগৎপদা মতেং পাংলসি। ঙসি মশিং অসুক য়াম্না শরুক য়াবিদুনা দাইলোগ অসিদা য়াওবগীদমক ঐহাক্না নখোয়বু থাগৎচরি। নখোয়দা লৈবাক অসিগী অমসুং মালেম অসিগী মরমদা মমল য়াম্লবা এক্সপরিয়েন্স লৈ। নখোয়গী পাউতাকশিংনা হিরম অসি হেন্না খোঙজেল য়াংনা চৎহনবদা মতেং ওইরগনি। মসি ঐহাক্না হায়জরি অমসুং বজেৎ অসিদা য়াওরিবা খুদিংমক ইমপ্লিমেন্ত তৌবদা, সরকারগী পোলিসী ফ্রেমৱার্ক অমসুং নখোয়দা থমখ্রিবা সমস্যাশিং অসি কোকহনবদা নখোয়গী মতেং ঐহাক্না মথৌ তাই। নখোয়গী এক্সপরিয়েন্স, লৌশিং অমসুং পোতেন্সিএল অসিনা ভারতকী আশা অমসুং অনীংবা-অপাম্বশিং অসিগা লোইননা অনৌবা মালেম অমা শেম্বা ঙমগনি হায়না ঐহাক্না থাজৈ। ঐহাক্না নখোয় পুম্নমকপু অমুক হন্না থাগৎচরি অমসুং অদোমগী সজেসনশিং খৌরাংনা ঙাইজরি ।
য়াম্না থাগৎচরি!
