প্রধান মন্ত্রী শ্রী নরেন্দ্র মোদীনা সেপ্তেম্বর 25দা নুমিদাং পুং 6:15 তাবদা নই দিল্লীগী ভারত মন্দপমদা পাংথোক্কদবা ৱার্ল্দ ফুদ ইন্দিয়া 2025দা শরুক য়াগনি। থৌরম অসিদা মহাক্না মীয়ামদা ৱা ঙাংগনি।
ৱার্ল্দ ফুদ ইন্দিয়াগী 2025গী ইদিসন অসি সেপ্তেম্বর 25দগী 28 ফাওবা পাংথোক্কনি অমসুং মসিনা ফুদ প্রোসেসিং সেক্তর, ফুদ সস্তেনেবিলিতী অমসুং ন্যুত্রিসিয়স অমসুং ওর্গানিক ফুদ পুথোকপদা ভারতকী শক্তিশিং উৎকনি।
ৱার্ল্দ ফুদ ইন্দিয়াদা, প্রধান মন্ত্রী ফোর্মেলাইজেসন ওফ মাইক্রো ফুদ প্রোসেসিং এন্তরপ্রাইজেস (PMFME) স্কিমগী মখাদা লুপা করোর 2,510 হেনবগী ফুদ প্রোসেসিং সেক্তরদা মাইক্রো প্রোজেক্তশিংগীদমক বেনিফিসরী 26,000 রোমদা লুপা করোর 770 হেনবগী ক্রেদিৎ লিঙ্ক সপ্পোর্ত পীগনি।
ৱার্ল্দ ফুদ ইন্দিয়াদা CEO রাউন্দ তেবলশিং, তেক্নিকেল সেসনশিং, একজিবিসনশিং অমসুং B2B (বিজিনেস-তু-বিজিনেস), B2G (বিজিনেস-তু-গবর্নমেন্ত), অমসুং G2G (গবর্নমেন্ত-তু-গবর্নমেন্ত) মীফমশিং য়াওনা বিজিনেস মখল কয়াগী ইন্তরেক্সনশিং য়াওগনি। মসিদা ফ্রান্স, জর্মনী, ইরান, ওস্ত্রেলিয়া, খা কোরিয়া, দেনমার্ক, ইতালি, থাইলেন্দ, ইন্দোনেসিয়া, তাইৱান, বেলজিয়ম, তঞ্জানিয়া, ইরিত্রেয়া, সাইপ্রাস, অফগানিস্তান, চাইনা, অমসুং USA য়াওনা লৈবাক 21না শরুক য়াগনি অমসুং ইন্তরনেস্নেল পার্তিসিপেন্ত 150সু শরুক য়াগনি।
ৱার্ল্দ ফুদ ইন্দিয়ানা ভারত অসি গ্লোবেল ফুদ প্রোসেসিং হব অমা ওইনা, ফুদ প্রোসেসিংদা সস্তেনেবিলিতী অমসুং নেৎ জিরো, ফুদ প্রোসেসিংদা লৈরিবা ফ্রন্তিয়রশিং, ভারতকী পেৎ ফুদ ইন্দস্ত্রী, ন্যুত্রিসন অমসুং হকশেলগীদমক প্রোসেস তৌরবা ফুদ, প্লান্ত-বেজ ফুদ, ন্যুত্রাস্যুতিকেল্স, স্পেসিএলিতী ফুদ, অমসুং অতোপ্পা হীরম কয়াগী মতাংদা থিমেতিক সেসন কয়া অমা পাংথোক্কনি। মসিদা পেভিলিয়ন 14 য়াওগনি, মখোয় অমমমনা অখন্নবা থিমশিংদা দেদিকেৎ তৌগনি অমসুং মসিদা ভিজিস্ত 100,000রোমগী পুক্নিং চীংশিনগনি।
