প্রধান মন্ত্রী শ্রী নরেন্দ্র মোদী লিশিং অনিগা কুনতরুক্কী ফেব্রুৱারি তরা তরেত্তা মুম্বইদা চৎকনি মফম অদুদা মহাক্না ফ্রাঞ্চকি রাস্ত্রপতি ঐচ.ই. শ্রী ইমানুয়েল মেক্রোনগা উন্নগনি।
রাস্ত্রপতি ইমানুয়েল মেক্রোন্না ভারতনা পাংথোকপা এ.আই. মশি রাস্ত্রপতি মেক্রোনগী ভারতকি মরিশুবা খোঙচৎনি অমসুং মহাক্কী অহানবা মুম্বই খোঙচৎ ওইগনি।
ফেব্রুৱারি তরা তরেৎকি পূং অহুমগা মিনিত তরামঙাদা লুচিংবা অনিনা মুম্বইগী লোক ভবন্দা নাকল অনিগী ওইবা এঙ্গেজমেন্তশিং পাঙথোক্কনি। হায়রিবা এঙ্গেজমেন্তশিং অসিগী মখাদা মখোয়না ইন্দিয়া-ফ্রাঞ্চ স্ত্রেতেজিক পার্তনরশিপতা পুরকপা প্রোগ্রেশ অদু য়েংশিনগনি। মখোয়গী খন্ন-নৈনবশিং অসিনা স্ত্রেতেজিক পার্তনরশিপ অসি চেৎশিলহন্নবা অমসুং অনৌবা অমসুং থোরক্লিবা হিরমশিংদা মখা তানা মখল কয়া থোকহনবদা মীৎয়েং থমগনি। প্রধান মন্ত্রী মোদি অমসুং রাস্ত্রপতি মেক্রোনসু রিজনেল অমসুং গ্লোবেল মরুওইবা হিরমশিংদা ৱাখল্লোনশিং পিথোক-পিশিন তৌনগনি।
চাওরাক্না পূং মঙাগা মিনিত তরামঙাদা লুচিংবা অনিনা ইন্দিয়া-ফ্রাঞ্চ ইয়র ওফ ইনোবেসন লিশিং অনিগা কুনতরুক শঙ্গাগনি অমসুং লৈবাক অনিমক্কী বিজিনেস লিদরশিং, শ্তার্ত-অপশিং, রিসর্চরশিং অমসুং অতোপ্পা ইনোবেতরশিংগী মীফম অমদা ৱা ঙাংগনি।
