প্রধান মন্ত্রী শ্রী নরেন্দ্র মোদীনা জুন ২৪গী অয়ুক পুং ১১ তাবা মতমদা তোইকাথোন-২০২১দা শরুক য়ারিবশিংগা ভিদিও কনফরেন্সকী খুত্থাংদা উনগদৌরি।
তোইকাথোন-২০২১ অসি এজুকেসন মন্ত্রালয়, দবল্যু.সি.দি. মন্ত্রালয়, এম.এস.এম.ই. মন্ত্রালয়, দি.পি.আই.আই.তি., তেক্সতাইল মন্ত্রালয়, আই.অমসুং বি. মন্ত্রালয় অমসুং এ.আই.সি.তি.ই.না পুন্দুনা ২০২১গী জানুৱারীগী ৫দা অনৌবা শান্নপোৎ অমসুং গেমসকী ৱাখল্লোনশিং ফংবা ঙম্নবা হৌদোকখিবনি। ভারত্তগী চাওরাক্না মীওই লাখ ১.২ রোম শরুক য়ান্নবা রেজিস্তর তৌরি অমসুং তোইকাথোন-২০২১গীদমক ৱাখল্লোন ১৭০০০ হেন্না পীশিল্লক্লি হায়রিবা অসিগী মনুংদা ৱাখল্লোন ১৫৬৭ অমদি জুন ২২দগীনা ২৪ ফাওবা নুমিৎ হুম্নি পাংথোক্কদৌরিবা ওনলাইন তোইকাথোন গ্রান্দ ফাইনেলগীদমক খনগৎলে। কোবিদ-১৯গী অথিংবা কয়া লৈবনা, হায়রিবা গ্রান্দ ফাইনেল অসি দিজিতেলগী শান্নপোৎকী ৱাখল্লোনগীদমক তীম অমা লৈগনি, অতোপ্পা অমদা দিজিতেলগী শান্নপোৎকী ৱাখল্লোন নত্তবগীদমক তোঙান্না পাংথোক্কনি।
ভরতকী দোমেস্তিক মার্কেত লোয়ন-লোয়ননা মালেমগী ওইবা শান্নপোৎকী মার্কেত অসিনা মেনুফেকচরিং সেক্তরদা য়াম্না চাওবা খুদোংচাবা পীরি। তোইকাথোন-২০২১ অসিনা শান্নপোৎকী মার্কেত্তা হেন্না চাওবা মফম অমা কনবদা মতেং ওইনবা ভারতকী শান্নপোৎ ইন্দস্ত্রী হেন্না ফগৎহন্নবা পামদম থম্লি।
এজুকেসনগী কেন্দ্র মন্ত্রীশু থৌরম অসিদা শরুক য়াগনি।
