ইকায় খুম্নরবা মেজেস্তী,

ইকায় খুম্ননীংঙাই ওইরবশিং,

খুরুমজরি!

ঐখোয়না চৎনবী ওইনা অপুনবগী ফোতো কাপ্পদু হন্দক্কী চহি অসিসু ফংলরোই। অদুবু, ঐখোয়না এসিয়ন-ভারত সম্মিৎকী চৎনবীদি ভর্চুএলগী থোঙদা মখা অদুমক তারি। ঐহাক্না হিস এক্সেলেন্সী,  ব্রুনৈগী সুলতানবু ইং ২০২১গী এসিয়নগী মাই-পাকপা প্রসিদেন্সীগীদমক্তা থাগৎপা ফোংদোক্লি।

ইকায় খুম্নরবা মেজেস্তী,

ইকায় খুম্ননীংঙাই ওইরবশিং,

ঐখোয় পুম্নমক্না কোবিদ-১৯না থোকহনবা খুদোংচাদবা কয়া মাইয়োক্নরি। অদুবু, অসিগুম্লবা শিংননীংঙাই ওইরবা মতম অসিনা ভারত-এসিয়নগী মরুপ-মপাংগী চাংয়েং অমসু ওইরি। কোবিদকী মতম লাকখিবদগী ঐখোয়না খুৎশম্নদুনা তেংবাংমিন্নবা অমসুং অমগীদমক্তা খনবগী থৌওংশিংনা ঐখোয়গী মরীবু তুংদা লেপ্তনা মপাঙ্গল কনখৎহনবগা লোয়ননা ঐখোয়গী মীয়ামগী মরক্তা নুংশি-চান্নবগী য়ুম্ফম অমসু ওইগনি। ভারত অমসুং এসিয়ন্না চহি লিশিং কয়াদগী নীংথিরবা মরী লৈদুনা লাকপসি পুৱারীনা শাখীনি। মসিগী ৱাফম অসিমক ঐখোয়গী মান্নবা ভেল্যু, নাৎ, লোল, ইদুনা লৈরম্লবা ৱারোল, য়ুমশা-কৈশা, চৎনবী অমসুং চিঞ্জাক্তা মমি তারি। মরম অদুনা, এসিয়নগী  অমত্তা ওইবা মতৌ অমসুং মরু ওইবসিদা ভারতনা মতম পুম্বদা অহানবা মিৎয়েং য়েংলি। এসিয়নগী অসিগুম্বা অখন্নবা থৌদাং অসি ঐখোয়গী সেক্যুরিতী এন্দ গ্রোথ ফোর ওল ইন দি রিজন, “সাগর”, পোলিসীদা য়াওরিবা ভারতকী এক্ত ইস্ত পোলিসী অসিনি। ভারতকী ইন্দো-পেসিফিক ওসীন ইনিসিএতিব অমসুং এসিয়নগী আউতলুক ফোর দি ইন্দো-পেসিফিক অসি ঐখোয়গী ইন্দো-পেসিফিক রিজনগী মতাংদা লৈরিবা মান্নবা মিৎয়েং অমসুং অমনা-অমগা তেংবাংবগী ফ্রেমৱর্ক অসিনি।

ইকায় খুম্নরবা মেজেস্তী,

ইকায় খুম্ননীংঙাই ওইরবশিং,

ইং ২০২২দা ঐখোয়গী পার্তনরশিপ্না চহি ৩০ মপুং ফারগনি। ভারতনা নীংতম্বগী চহি ৭৫ মপুং ফারগনি। অসিগুম্বা তাঞ্জা অসিবু ঐখোয়না ‘এসিয়ন-ভারতকী মরুপ-মপাংগী চহি’ ওইনা পাংথোকপসিদা ঐহাক্না নুংঙাইবা ফাওই। ভারতনা কম্বোদিয়াগী লাক্কদৌরিবা প্রসিদেন্সী অমসুং ঐখোয়গী কন্ত্রী কো-ওর্দিনেতর, সিঙ্গাপোরগী মখাদা লৈনরিবা মরীবু হেন্না কনখৎহন্নবা খোঙফম চেৎলি। হৌজিক, ঐহাক্না অদোমগী ৱাখল্লোনশিং তানবা ঙাইজরি।

পুম্নমকপু থাগৎচরি!

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
GeM surpasses Rs 8.88 lakh cr in record Gross Merchandise Volume

Media Coverage

GeM surpasses Rs 8.88 lakh cr in record Gross Merchandise Volume
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 15 জুন, 2024
June 15, 2024

G7 Summit witnesses India’s rising Global Influence under the leadership of PM Modi