ঐহাক্কী নুংশিরবা লৈবাক মীয়ামশিং, খুরুমজরি,
'মন কী বাত'কী অতোপ্পা ইপিসোদ অমদা অদোম পুম্নমক্কা পুনবা ফংজবা অসিদা ঐহাক য়াম্না নুংঙাইবা ফাওই। নাকল অমরোমদা, মীখলগী কেম্পেনগী খোংজেল অদু লৈরি। নাকল অমরোমদা, অদোমগী চিথীশিং অমসুং মেসেজশিংগী খুত্থাংদা, লৈবাক অমসুং মসিগী নাগরিকশিংগী মায় পাকপশিং অদুদা ঐখোয়না নুংঙাইবা ফোংদোকচরি। অসিগুম্লবা লৈবাক অসিগী মরুওইবা মাইপাকপা অমগা লোয়ননা 'মন কী বাত' অসি হৌরসি।
মরুপশিং,
ভারতনা মতম পুম্নমক্তা সাইন্সপু লৈবাক অসিগী প্রোগ্রেসকা শম্নহল্লি হায়না খল্লি। অসিগুম্বা ৱাখল্লোন অসিগা লোইননা ঐখোয়গী সাইন্তিস্তশিংনা সিভিল ন্যুক্লিয়র প্রোগ্রামদা খুমাং চাউশিলহল্লি। মখোয়গী হোৎনবা অসিনা লৈবাক শেমগৎপদা য়াম্না চাউনা মতেং পাংলি। মসিনা ঐখোয়গী ইন্দস্ত্রিএল গ্রোথ, ইনর্জী সেক্তর, অমসুং হেল্থকেয়র সেক্তরদা য়াম্না কান্নবা পীরি। ভারতকী সিভিল ন্যুক্লিয়র প্রোগ্রামনা লৌউ-শিংউদগী হৌরগা মোদর্ন ইন্নোবেতরশিং ফাওবদা য়াম্না মতেং পাংলি।
মরুপশিং,
নুমিৎ খরনিগী মমাংদা, ঐখোয়গী ন্যুক্লিয়র সাইন্তিস্তশিংনা অতোপ্পা অচৌবা মায় পাকপগা লোয়ননা ভারতকী চাউথোকচবা হেনগৎহনখি। তমিল নাদুগী কালপাক্কমদা লৈবা ফাস্ত ব্রীদর রিএক্তরনা ক্রিতিকেলিতী ফংখ্রে। তশেংনমক ক্রিতিকেলিতী হায়বসি রিএক্তর অমনা অহানবা ওইনা মশা-মরোমদোম লেপচবা য়াবা ন্যুক্লিয়র চেন রিএক্সন অমা মায় পাক্না পাংথোকপা তাঙ্কক অদুবুনি। স্তেজ অসিনা রিএক্তরনা ওপরেস্নেল ফেজদা চঙশিল্লকপা তাকই।
মসি ভারতকী ন্যুক্লিয়র ইনর্জীগী খোঙচৎকী পুৱারী ওইরবা মাইলস্তোন অমনি। মসিগী মথক্তা, ন্যুক্লিয়র রিএক্তর অসি মপুংফানা লমদমসিগী তেক্নোলোজী শিজিন্নদুনা শাগৎলি।
মরুপশিং,
করিগীদমক মসিবু ব্রীদর রিএক্তর কৌরিবনো? মসিগী মরম অমা লৈ। মসিনা ইনর্জী পুথোকপদা নত্তনা, তুংলমচৎকীদমক অনৌবা মৈ পুথোক্লিবা সিস্তেম অমনি।
মরুপশিং,
ঐহাক্না ২০২৪গী মার্চ থাদা কালপক্কমদা রিএক্তরগী কোর লোদিং তৌবগী থৌরম অদু উখিবা অদুসু নীংশিংলি। ভারতকী ন্যুক্লিয়র প্রোগ্রামদা মমল য়াম্লবা তেংবাং পীরবশিংবু ঐনা থাগৎপা ফোংদোকচরি। ঐখোয়গী লৈবাক মীয়ামগী পুন্সি মহিং হেন্না ফগৎহন্নবা অমসুং হেন্না লায়থোকহন্নবা মখোয়না হোৎনরিবশিং অসি য়াম্না থাগৎনিংঙাইনি। মসিনা বিক্সিত ভারতকীদমক ঐখোয়গী ৱারেপ অদুদা ইনর্জী পীগনি।
ঐহাক্কী নুংশিরবা লৈবাক মীয়ামশিং,
ঙসি 'মন কী বাত' অসিদা ঐনা অদুম উবা ঙমদবা, অদুবু ঐখোয়গী পুন্সিদা মতম খরা লৈতবা শক্তি অমগী মরমদা ঙাংনীংই। মসিগী শক্তি অসিনা ভারতপু মাংলোমদা পুখৎলি। মসি ঐখোয়গী ৱিন্দ পাৱরনি। ঐখোয়গী অরিবা লাইরিকশিংনা হায়রি
“বায়ুরৱ ইতি ব্যস্তি: বায়ুরৱে সম্পত্তি।।“
হায়বদি, নুংশিৎ অসি ইলিমেন্ত অমা খক্তা নত্তে; মসি পুন্সিগী ইনর্জীনি, মসি অপুনবগী শক্তিনি।
মরুপশিং,
ঙসি হায়রিবা ৱিন্দ পৱার অসিনা ভারতকী চাউখৎপগী অনৌবা ৱারী অমা ইরি। ভারতনা হৌজিত্তি ৱিন্দ ইনর্জীদা মরু ওইবা মাইলস্তোন অমা ফংলে। ভারতকী ৱিন্দ ইনর্জী পুথোকপগী কেপাসিতী হৌজিক্তি গিগাৱাৎ ৫৬ হেনখ্রে।
হৌখিবা চহি অমখক্তদা, অনৌবা কেপাসিতী গিগাৱাৎ ৬ রোম হাপচিনখ্রে। ভারতনা ৱিন্দ ইনর্জীগী লমদা খোঙজেল য়াংনা খুমাং চাউশিল্লি, অমসুং মালেম্না ঐখোয়দা মিৎয়েং থম্লি।
মরুপশিং,
ঙসি ভারতনা ৱিন্দ ইনর্জী কেপাসিতিদা মালেমদা মরিশুবা মফমদা লৈরি। মসি ঐখোয়গী ইঞ্জিনীয়রশিংগী কন্না হোৎনবননি; মসি ঐখোয়গী নহারোলশিংগী থৌনা অমনি; মসি লৈবাক অসিগী অপুনবা অপাম্বগী খুদম অমনি।
মরুপশিং,
গুজরাত, তমিল নাদু, মহারাস্ত্রা অমসুং রাজস্থান য়াওনা লৈবাক অসিগী রাজ্য কয়ানা সেক্তর অসিদা খোংজেল য়াঙনা চংশিল্লি। গুজরাতকী কচ্ছ, পতন অমসুং বনসকন্থাগুম্বা মফমশিংদা, করিগুম্বা মতমদা মরু-মরাং খক্তমক উরম্বা মফমশিংদা, অচৌবা রিন্যুএবল ইনর্জী পার্কশিং শেমগৎলক্লি। মসিনা অনৌবা খুদোংচাবশিং, অনৌবা স্কিলশিং শেমগৎলক্লি, অমসুং থবক ফংনবগী অনৌবা লম্বীশিং হাংদোক্লি।
মরুপশিং,
ভারতকী চাউখৎ-থৌরাংগীদমক সোলর অমসুং ৱিন্দ ইনর্জী অসি মরু ওই। মসি অকোইবগী ফিভমগী মতাংদা খক্তা নত্তে, মসি ঐখোয়গী তুংলমচৎ ঙাকশেনবগী মতাংদসু ওইরি। মসিদা ঐখোয় পুম্নমক্কী থৌদাং লৈ। ঐখোয়না ইলেক্ত্রিসিতী কনবা অমসুং ক্লিন ইনর্জী শিজিন্নবা তাই। অসিগুম্বা হোৎনরিবশিং অসি লৈবাক অসিগী থাক খুদিংমক্তা তঙাইফদবা অমনি, মরমদি মখোয় অসি অচৌবা অহোংবা পুরকপা ঙম্বা শক্তিনি।
মরুপশিং,
মে থা অসি লাইনিং লাইশোনগা মরী লৈনবা থৌরম অমগা লোয়ননা হৌখ্রে। নুমিৎ খরনিগী মনুংদা, ঐখোয়না বুদ্ধ পূর্ণিমা পাংথোক্কনি। ঐহাক্না ঐহাক্কী লৈবাক মীয়াম পুম্নমক্তা য়াইফ-পাউজেল পীজরি। ভগৱান গৌতম বুদ্ধগী পুন্সিগী পাউজেল অসি ঙসিসু চপ মান্ননা মরী লৈনরি।
মহাক্না ঐখোয়দা তাকপীখি মদুদি শান্তি অসি ঐখোয়গী মনুংদগী হৌই। মহাক্না ঐখোয়দা হায়খি মদুদি ইশা-ইশাবু মায়থিবা পীবা অসি খ্বাইদগী চাউবা মায় পাকপনি। ঙসি মালেম অসিনা থেংনরিবা অৱাবা অমসুং চয়েৎনবশিংগী মরক্তা, বুদ্ধগী তম্বীরম্বশিং অসি হেন্না মরু ওইরক্লি।
মরুপশিং,
খা অমেরিকাগী, চিলিদা লৈবা ওর্গনাইজেসন অমনা ভগৱান বুদ্ধগী পাউতাকশিংবু শৌগৎলি। মসিগী থবক অসি লদাখতা পোকখিবা দ্রুবপোন ওৎজার রিনপোচেগী লমজিং মখাদা পায়খৎলি। মসিগী ওর্গনাইজেসন অসিনা মীৎয়েং চঙবা অমসুং নুংশিবা হায়বসি মীওইবগী পুন্সিগা মরী লৈনহল্লি। কোচিগুয়াজ ভেলীদা লৈবা স্তুপা অসিনা মীয়ামদা শান্তিগী ৱাখল্লোন অমা পীরি। মসি উবা অসি তশেংনা চাউথোকচনীংঙাইনি। ভারতকী অরিবা মতমগী ঈশিং ঈচেল অসি মালেমদা য়ৌরক্লি। অরাপ্পা মফমশিংদগী লাকপা মীওইশিংসু শরুক য়াবা হৌরে।
মরুপশিং,
বৌদ্ধগী চৎনবীনা ঐখোয়বু মহৌশাগা শম্নবা তম্বীরি। ভগৱান বুদ্ধনা উপাল অমগী মখাদা মঙাল ফংখি। মহৌশা অসি ঐখোয়গী পুন্সিগী মরুওইবা শরুক অমনি। অসিগুম্বা থবকশিং অসি লৈবাক শিনবা থুংনা চত্থরি। কর্নাতকাদা লৈবা কর্ম্মা মোনাস্তরী অসি মসিগী অফবা খুদম অমনি। মসিগী মোনাস্তরী অসি একর ১০০গী মথক্তা শন্দোরক্লিবা, উমং মরাং কায়না লৈবা মফম অমনি। হায়রিবা উমং অসিদা মৈহৌরোলদগী হৌরক্লবা উপাল ৭০০ হেন্না ঙাক-শেন্দুনা থম্লি।
মরুপশিং,
বুদ্ধগী পাউজেল অসি মমাংঙৈগী মতাংদতা নত্তে। মসি ঙসি ফাওবদা মরী লৈনৈ অমসুং তুংলমচৎকীদমক তঙাইফদবা অমনি। বুদ্ধ পূর্ণিমাগী থৌরম অসিনা ঐখোয়গী পুন্সিদা শান্তি হেনগৎহন্নবা, নুংশিবা উৎনবা অমসুং চপ মান্ননা মাংলোমদা চংশিন্নবা ঐখোয়দা ইথিল পীরি।
ঐহাক্কী নুংশিরবা লৈবাক মীয়ামশিং,
অদোম পুম্নমক্না খঙনরবনি মদুদি ঐখোয়গী লৈবাক অসিদা, গনতন্ত্র দিবসকী থৌরম অসি নেতাজী সুভাশ চন্দ্র বোসকী মপোক কুমওন, জানুৱারী ২৩দগী গান্ধীজীগী মপোক কুমওন, জানুৱারী ৩০ ফাওবা পাংথোক্লি। কুমহৈ অসিগী মরুওইবা শরুক অমা হায়রগদি - বিতিং রিত্রিত অসিনি। ঙসি ঐহাক্না নখোয়গা লোয়ননা বিতিং রিত্রিতকী মতাংদা খন্ন-নৈনরি মরমদি মসিগী মথক্তা অখন্নবা মরম অমা লৈ।
মরুপশিং,
থৌরম অসিদা তোঙান-তোঙানবা বেন্দশিংগী তোঙান-তোঙানবা ম্যুজিকেল ত্রেদিসনশিং উৎলি হায়বসি অদোম্না উবা ফংলবা য়াই। হৌখিবা চহি খরা অসিদা, ভারতকী ঈশৈ-নোংমাইশিং য়াওরকপা হেনগৎলক্লি, অমসুং মসি লৈবাক অসিগী মীওইশিংনা য়াম্না পাম্নরি। চহি অসিগী বিতিং রিত্রিত থৌরম অসিসু য়াম্না নীংশিংনিংঙাই ওইখি। এয়র ফোর্স, আর্মী, নেভী অমসুং সি.এ.পি.এফ. বেন্দশিংনা অফবা পর্ফোমেন্স পীখি।
মরুপশিং,
নুংঙাইবা মওংদা শক্তম লাংথোরকপা অমসুং ঈশৈগী থৌরম অসিনা মীপুম খুদিংমক্কী পুক্নিং চিংশিল্লগনি। এয়র ফোর্স বেন্দনা সিন্দুর ফোর্মেশন শেমখি। নেভেল বেন্দনা মেতস্যা য়ান্ত্রা শেমখি। অদুগা, আর্মী বেন্দগী পার্ফোমেন্সনা বন্দে মাতরমগী চহি ১৫০ অমসুং ক্রিকেৎতা ভারতকী মাইপাকপা অদু উৎখি।
মরুপশিং,
বিতিং রিত্রিতকী মতুংদা, মসিগী কন্না হোৎনখিবা অমসুং মাই পাকখিবা পুম্নমক অসি তপ্না তপ্না মাঙশিল্লকখি। অদুম ওইনমক, হৌজিক্তি মসিগা মরী লৈনবা য়াম্না থাগৎনিংঙাই ওইবা থৌরাং অমা পায়খৎলি। অহানবা ওইনা, বীতিং রিট্রিৎকী ম্যুজিক অসি ৱেবস ও.তি.তি.দা ফংলি। তুংলমচৎতা, মসি অতোপ্পা প্লেতফোর্মশিংদসু ফংলগনি, অদোম্না মসি তাজগদবনি। ঐখোয়গী আর্মদ ফোর্সেস অমসুং মখোয়গী চৎনবীশিং অসিদা অদোম চাউথোকচগনি।
মরুপশিং,
হৌখিবা চহি খরা অসিদা, লৈবাক অসিগী তোঙান তোঙানবা মফমশিংদগী মহৌশা ঙাক-শেনবগী পুক্নিং থৌগৎনিংঙাই ওইবা ৱারীশিং থোক্লক্লি। ৱারীশিং অসিনা ঐখোয়দা আশা পীরি অমসুং ঐখোয়দা চাউথোকচবা পোকহল্লি। ঐহাক্না 'মন কী বাত' তারিবশিংগা লোয়ননা খুদম খরগা লোইননা ৱারী শান্নবা পাম্মি। মখোয়না হায়রিবশিং অসি নখোয়দা নুংঙাইবা পীরগনি। অহানবদা, কচ্ছকী রানগী মরমদা খন্নরসি। মোন্সুন লোইরবা মতুংদা, মফমসিগী লম অসি হিংবা হৌরকই। চহি খুদিংগী ফ্লেমিংগো লাখ কয়া মফম অসিদা লাকই। মফম পুম্নমক অসি রোস মচু ওইরকই, মরম অদুনা 'ফ্লেমিংগো সিতী' হায়না মমিং থোনখি। হায়রিবা উচেকশিং অসিনা মখোয়গী মহুম শাই অমসুং মখোয়গী অঙাংশিংবু মফম অসিদা য়োকখৎলি। কচ্ছকী মীয়াম্না মখোয়বু 'লখা জি কে বরাতি’ হায়না কৌনৈ। হৌজিক, লখা জি কে বরাতী অসি কচ্ছতা অকোয়বগী ফিভম ঙাক-শেনবগী ফজরবা খুদম অমা ওইরে।
মরুপশিং,
অতোপ্পা ৱারী অমনা মীওইবশিং অমসুং লম্লক্কী শাশিংগী মরক্তা লৈনবা মতেং পীনবগী ৱারীনি। অমসুং মসি উত্তর প্রদেশতগীনি। তেরাই লমদমদা, মহৈ-মরোং তানবগী মতমদা শামুগী কাঙলুপশিংনা খুঙ্গংশিংদা য়ৌই। মসিনা কনফ্লিক্তকী রিস্ক হেনগৎহল্লি।
অদুম ওইনমক, "গজ মিত্র"কুম্বা থৌওংশিং উত্তর প্রদেশতা হৌখ্রে। খুঙ্গংগী মীওইশিং মশামক্না শামুশিং য়েংশিন্নবা তীম শেম্মী। মখোয়না মতম চানা মীয়ামদা খঙহল্লি। মসিনা কনফ্লিক্ত হন্থহল্লি অমসুং মীয়ামগী থাজবা হেনগৎহল্লি।
মরুপশিং,
সেন্ত্রেল ইন্দিয়াদগীসু নুংঙাইবা পাউ অমা লাক্লি। ছত্তিসগরদা ব্লেকবকশিং অমুক হন্না থোক্লকপা হৌরে। মখোয়গী মশীং অসি য়াম্না হন্থরকখি, অদুবু লেপ্তনা হোৎনরকপসিনা কঞ্জার্বেসন হেঙ্গৎহনখি। ঙসিদি, মখোয় অসি অমুক্কা হন্না উবা ফংলে। মসিনা ঐখোয়গী মাংখ্রবা হেরিতেজ অদু অমুক হন্না ফংলে। অসিগুম্বা থাজবা অসি গ্রেৎ ইন্দিয়ন বস্তার্দ, গোদাভানগী কঞ্জার্বেসন্দা উবা ফংই। ঙল্লিঙৈ মতমদা হায়রিবা উচেক অসি ঐখোয়গী মরু-মরাংগী লমদমশিংগী মশক থোকপা উচেক অমনি। অদুম ওইনমক, মতম অমদা, মখোয়গী মশীং অসি খরা হন্থরকখি। উচেকশিং অসি মুৎখিগদবগী ফিভম অমা ওইরকখি। অদুবু হৌজিক্তি মসিবু ঙাক-শেন্নবা অচৌবা কেম্পেন অমা চত্থরি। সাইন্তিফিক ওইবা পাম্বৈশিং শিজিন্নরি। শা-ষন য়োকপগী মফমশিং লিংখৎলে, অমসুং হৌজিক অনৌবা পুন্সিগী হৌরকফম অদু উবা ফংলে।
মরুপশিং,
মহৌশা অমসুং মীওইবনা তোখায়না লৈতে। ঐখোয়না অমগা অমগা পার্তনর ওই। ঐখোয়না মহৌশাগী ফিভম খঙবা, ইকায় খুম্নবা অমসুং মসিগা চান্ননা হিংবা মতমদা, অহোংবা অসি ময়েক শেংনা উবা ফংই। ঙসিদি, অহোংবা অসি লৈবাক অসিগী মফম খুদিংমক্তগী অনৌবা আশা অমা ওইনা থোরক্লি।
ঐহাক্কী নুংশিরবা লৈবাক মীয়ামশিং,
অৱাং-নোংপোক অসি ঐখোয় পুম্নমক্কী ওইনা অষ্টলক্ষ্মীনি। মফম অসিদা মশিং য়াম্লবা তেলেন্ত লৈরি অমসুং অৱাং-নোংপোক্কী মহৌশাগী ফজবা অসিনা মীপুম খুদিংমক্কী পুক্নিং চিংশিল্লি। 'মন কী বাত্তা'সু ঐখোয়না অৱাং-নোংপোক্কী মীয়ামগী মায় পাকপশিং অদু খন্নখি।
ঙসি, ঐহাক্না অসিগুম্বা অতোপ্পা মায় পাকপগী মতাংদা খন্ন-নৈনগদৌরি অমসুং মদুদি ৱা সেক্তরদা অৱাং-নোংপোক্কী মায় পাকপনি।
মরুপশিং,
মতম অমদা চৈথেং অমা ওইনা লৌনরম্বা অদু হৌজিক্তি থবক ফংহন্নবা, ললোন-ইতিক তৌবা অমসুং ইনোবেসন তৌবদা অনৌবা থৌনা পীরি। ঐখোয়গী ইমাশিং অমসুং ইচিল-ইনাওশিংনা মসিগী খ্বাইদগী চাউবা কান্নবা ফংলি। ৱাগী ৱাহন্থোক হোংদোক্তুনা কয়া য়াম্না অহোংবা লাক্লিবগে হায়বদু খঙবদা অদোম খোইদাবা পোক্কনি।
মরুপশিং,
ব্রিতিশশিংনা শেমখিবা আইনগী মতুং ইন্না, ৱা অসি উ অমনি হায়না শন্দোক্না তাক্লি, অমসুং মসিগা মরী লৈনবা কাংলোনশিং অসি য়াম্না অকনবা ওই। ৱা মফম অমহেক্তদা পুথোক পুশিন তৌবদা য়াম্না অৱাবা ওইখি। মসিনা মরম ওইদুনা, মফমসিদা লৈরিবা মীওইশিংনা ৱাগা মরী লৈনবা ব্যুজিনেসশিংদগী লাপথোকপা হৌরকখি।
মরুপশিং,
২০১৭তা আইন হোংদোক্তুনা ঐখোয়না ৱাবু উপালগী কাংলুপ্তগী লৌথোকখি। মসিগী ফলশিং অসি মীপুম খুদিংমক্না উবা ফংই। ঙসি অৱাং-নোংপোক্কী মফম পুম্নমক্তা ৱা সেক্তর চাউখৎলক্লি। মীওইশিংনা লেপ্পা লৈতনা ইনোভেসন তৌরি অমসুং মদুদা ভেল্যু হাপচিল্লি।
মরুপশিং,
ত্রিপুরাগী গোমাতি দিস্ত্রিক্তকী বিজোই সূত্রধর অমসুং খা ত্রিপুরাগী প্রদীপ চক্রবর্তীগী মরমদা খন্নরসি। মখোয়না অনৌবা আইনশিং অসিবু মখোয় মশামক্কী ওইনা অচৌবা খুদোংচাবা অমা ওইনা উখি। তুংদা মখোয়না মখোয়গী থবকশিং অসি তেক্নোলোজীগা পুনশিন্নখি। ঙসিদি, মখোয়না মমাংদা লৈখিদবদগী হেন্না ফবা অমসুং হেন্না মরাং কায়বা ৱাগী পোত্থোক পুথোক্লি।
দিমাপুর অমসুং নাগালেন্দগী অকোয়বদা লৈবা মফমশিংদা, ৱাদা য়ুম্ফম ওইবা চানবা পোৎথোকশিংদা ভেল্যু এদিসন পীরবা সেল্ফ হেল্প গ্রুপ কয়া অমা লৈরি। খোরোলো ক্রিয়েতিব ক্রাফ্সকুম্বা তীমশিংসু লৈরি, মখোয়না ৱাগী ফ্যুলরশিং অমসুং খুৎশা হৈবগী পোৎলমশিং শাবগী থবক তৌরি।
মরুপশিং,
মিজোরামগী মমিত দিস্ত্রিক্ততা, ৱা তিসু কলচর অমসুং পোলী-হাউস মেনেজমেন্তদা থবক তৌরিবা তীমশিং লৈরি। সিক্কিমগী গেংতোককী মনাক্তা লৈবা লাগাস্তল বেম্বু এন্তরপ্রাইজ তীমগী মরমদসু ঐহাক্না খঙবা ফংখি। মসিদগী খুৎ-শাগী পোৎলমশিং, ইথকশিং, ফীভলশিং, অমসুং ইন্তরিওর দিওরেসনগী পোৎলমশিং শেম্মী।
মরুপশিং,
ঐহাক্না মফম অসিদা খুদম খরখক্তমক পনখি। লৈবাক অসিদা ৱাগী সেক্তরগী মায় পাকপগী ৱারীশিংগী লিস্ত অসি য়াম্না শাংবনি। ঐহাক্না অদোম পুম্নমকপু অৱাং নোংপোক লমদমদগী পাম্বীগী পোত্থোক অমা নৎত্রগা অমবু মপুং ফানা লৌনবা হায়জরি। নহাক্না মসি খুদোংচাবা অমা ওইনা পীবসু য়াই। নহাক্কী হোৎনরিবশিং অসিনা ৱাগী পোৎথোকশিং শেম্বদা কন্না হোৎনরিবা মীওইশিংবু পুক্নিং থৌগৎকনি।
ঐহাক্কী নুংশিরবা লৈবাক মীয়ামশিং,
য়াম্না থুনা হোংলক্লিবা মতম অসিদা, তেক্নোলোজী অসি ঐখোয়গী পুন্সিগী অচৌবা শরুক অমা ওইরক্লি। ঙসিদি, ঐখোয়না তেক্নোলোজীগী অঙকপা থৌওংশিং অসি ঐখোয়গী মমাংগা হৌজিক্কী মতমগা শম্নহল্লিবা অদু উবা ফংলি। হন্দক্তা থোকখিবা থৌওং অসিনা এজুকেসন অমসুং হিস্তরীগী লমদা থবক তৌরিবা মীওইশিংবু নুংঙাইহল্লি। মরূপশিং, নুমিৎ খরনিগী মমাংদা, নেস্নেল আর্কাইব ওফ ইন্দিয়ানা অখন্নবা পোর্তেল অমদা অখন্নবা দেতাবেজ অমা শেয়র তৌখি। মসিগী ওর্গনাইজেসন অসিনা মমল য়াম্লবা দোক্যুমেন্ত করোর ২০ হেন্না দিজিতাইজ তৌদুনা মীয়ামদা ফংহনখ্রে। মসিগী মনুংদা খরদি য়াম্না পুক্নিং চিংশিন্নিংঙাই ওই - ভোজ পত্রাদা ইখিবা ৭শুবা চহি চাগী গিলগিত মেনুস্ক্রিপ্টশিং। মফম অসিদা, নহাক্না ৮শুবা চহি চাগী অঙকপা তেক্স, শ্রী ভুভালাই অমসু উবা ফংগনি। নম্বরশিংদা য়ুম্ফম ওইবা তেক্স অসি গ্রিদ অমগী মওংদা লৈ। রানি লক্ষ্মীবাইগা মরী লৈনবা মরুওইবা চিথী খরসু অদোম্না য়েংবা য়াগনি। মসিদা মহাক্না মহাক্কী থৌনা ফবগী মওং উৎতুনা ১৮৫৭দা লৌখিবা ৱারেপ খরা উবা ফংই।
নেতাজী সুভাসকী অচৌবা ইকাই খুম্নবশিংগীদমক্তা নেতাজীগী পুন্সি, আজাদ হিন্দ ফৌজ অমসুং মহাক্কী ৱারোলশিংগা মরী লৈনবা দোক্যুমেন্ত কয়া অমা লৈরি। অদোম্না পন্দিৎ মদন মোহন মালবিয়াজীগা মরী লৈনবা দোক্যুমেন্ত কয়া অমসু ফংলগনি। মসিদা বি.ঐচ.য়ু. অমসুং হিন্দি সাহিত্য সম্মেলন লিংখৎপগা মরী লৈনবা মরুওইবা পাউশিং য়াওরি। ঐখোয়গী কন্সতিত্যুএন্ত এসেমব্লীগা মরী লৈনবা তোপ তোপ্পা দোক্যুমেন্ত কয়াসু মফম অসিদা ফংগনি। অদোম পুম্নমকপু www.abhilekh-patal.inদা চৎনবা ঐনা হায়জরি। মসিনা অদোমদা ঐখোয়গী পুৱারীগী নুংঙাইরবা এক্সপরিয়েন্স অমা পীগনি।
মরুপশিং,
অমুক্তং খন্থরগা য়েংসি, নহাক অসি মালেমগী খ্বাইদগী হৈথোই-শিংথোইরবা মীওইশিংগী মরক্তা অমনি, অমসুং য়াম্না লুবা মেথমেতিকেলগী প্রোব্লেমশিং থেংনরি। অদোম্না মখোয়শিং অসি সোল্ব তৌনবগীদমক পুং মরি মখাইখক্তমক লৈ। মসিনা তাক্লিবদি মতম অসি য়াম্না অকক্নবা ওই, অমসুং কম্পিতিসন অসি ইন্তর্নেস্নেল অমসুং য়াম্না লুবা ওই। অসিগুম্বা ফিভম অসিদা খোইশাওবা ফাওবা হায়বসি মহৌশাগুম্ননি। অদুম ওইনমক, ফিভম অসিদসু ঐখোয়গী মচানুপীশিংনা য়াম্না ফজনা পাংথোকখি। থা অসিগী অঙনবা শরুক্তা, ফ্রান্সকী বোর্দোদা য়ুরোপিয়ান গার্লস মেথমেতিকেল ওলিম্পিয়াদ পাংথোকখি। মসি মেথমেতিক্সতা য়াম্না পুক্নিং চঙবা মহৈরোই নুপীমচাশিংগী অচৌবা কম্পিতিসন অমনি। মসি মালেমদা খ্বাইদগী মমিং লৈরবা কম্পিতিসনশিংগী মনুংদা অমনি। ঐখোয়গী মচানুপীশিংনা ওলিম্পিয়াদ অসিদা মখোয়গী খ্বাইদগী ফবা থবকশিং তৌখি। ঐহাক্না মসিগী হৈথোই-শিংথোইরবা তীম অসিদা চাউথোকচরি। মসিগী মনুংদা মুম্বাইদগী শ্রেয়া মুন্দ্রা, তিরুবনন্তপুরমদগী সঞ্জনা চাককো, চেন্নাইদগী শিবানি ভারত কুমার অমসুং কলকাতাদগী শ্রীমোই বেরা য়াওরি।
ঐখোয়গী তীম অসি মালেমদা তরুকশুবা মফমদা লৈরি। শ্রেয়ানা গোল্দ মেদল লৌদুনা পুৱারী শেমখি। সঞ্জানা মশামক্না সিলভর মেদল ফংখি অমসুং শিভানিনা ব্রোঞ্জ মেদল ফংখি।
মরুপশিং,
ভারত্তা মসিগী ওলিম্পিয়াদকীদমক খনগৎপগী থৌওং অসি মশা-মশানা য়াম্না লুবা অমনি। মসি তোঙান তোঙানবা তাঙ্কক কয়াগী সেলেক্সন প্রোসেস অমনি। মসিদা, রিজনেল, স্তেৎ অমসুং নেস্নেলগী থাক্তা অরুবা শিংনবশিং মায়োক্নগদবনি। মদুগী মতুংদা, খ্বাইদগী ফবা মহৈরোয়শিংনা থা অমগী মেথমেতিক্স ত্রেনিং কেম্প অমদা শরুক য়াগনি। মসিগী কেম্প অসি টাটা ইন্সতিত্যুৎ ওফ ফন্দামেন্তেল রিসর্সকী হোমি ভাবা সেন্তর ফোর সাইন্স এজুকেসনদা শীনখ্রে। কেম্প অসিগী অরোইবদা, তীম সেলেক্সন তেস্ত অমা পাংথোকই। ভারতকী তীম অসি মসিগী তেস্ত অসিদা পাংথোকখিবা থবকশিংগী মতুং ইন্না খনগৎলি।
মরুপশিং,
চহি খুদিংগী লৈবাক শীনবা থুংবদগী মহৈরোই লাখ ৬ রোম্না মসিগী মেথমেতিকেল ওলিম্পিয়াদ প্রোগ্রাম অসিদা শরুক য়াখি। মসিগী মশিং অসি মতমগী মতুং ইন্না লেপ্পা লৈতনা হেনগৎলক্লি। মসিগী ৱাহন্থোক্তি ওলিম্পিয়াদকী চৎনবী অসি লৈবাক অসিগী নুপীমচাশিংগী মরক্তা হেন্না পাম্নরক্লি। ঐহাক্না মখোয়গী মমা-মপাশিংবু মখোয়গী হৈথোই-শিংথোইরবা মচানুপীশিং অসিবু মতেং পাংবীবগীদমক থাগৎপা ফোংদোকচরি।
ঐহাক্কী নুংশিরবা লৈবাক মীয়ামশিং,
হৌজিক ঐখোয়গী লৈবাক অসিদা য়াম্না মরু ওইবা কেম্পেন অমা চত্থরি, মসি ভারত মচা খুদিংমক্না খঙগদবনি। মসি সেন্সস কেম্পেননি, মালেমগী খ্বাইদগী চাউবা সেন্সসনি।
মরুপশিং,
হান্ননা অসিগুম্বা থৌওং অসি থেংনখ্রবশিংদি মসিগী মতম অসিদা তোঙানবা এক্সপরিয়েন্স অমা থেংনগনি।
সেন্সস ২০২৭ অসি দিজিতেল ওইহনখ্রে। ইনফোর্মেসন পুম্নমক দিজিতেলগী মওংদা হকথেংননা রেকোর্দ তৌরি। য়ুমথোং খুদিংদা চৎলিবা মশিং থীবা মীওইশিংদা মোবাইল এপ অমা লৈ। মখোয়না নহাক্কা ৱারী শান্নরবা মতুংদা মদুদা ইনফোর্মেসন হাপচিনগনি।
মরুপশিং,
মী মশিং থীবদা নহাক্না শরুক য়াবা অসিসু লাইথোক্লে। নহাক্না নহাক্কী ইনফোর্মেসন অদু নহাক মশামক্না হাপচিনবা য়াই। মসিগী ফেসিলিতী অসি এন্সেম্বেতর লাকপা নুমিৎ ১৫গী মমাংদা অদোমগীদমক হাংদোক্কনি। নহাক্না নহাক্কী খুদোংচাবগী মতুং ইন্না ইনফোর্মেসন অদু এন্টর তৌবা য়াই। প্রোসেস অদু লোয়শিনবা মতমদা, অদোম্না অখন্নবা আই.দি. অমা ফংলগনি। মসিগী আই.দি. অসি নহাক্কী মোবাইল নৎত্রগা ই-মেইলদা ফংগনি। মতুং তারকপদা, এন্সেম্বেদর অদুনা অদোমগী য়ুমদা লাকপা মতমদা, অদোম্না আই.দি. অসি উৎতুনা ইনফোর্মেসন অদু ভেরিফাই তৌবা য়াই। মসিনা ইনফোর্মেসন অমুক্কা হন্না পীবগী তঙাইফদবা লৈতে। মসিনা মতম কনবা অমসুং থৌওং অসিবু লায়থোকহল্লি।
মরুপশিং,
মশা-মশানা মশীং থীবগী থবক লোইশিনখ্রবা রাজ্যশিংদা, সেন্সস পর্সোনেলশিংনা য়ুমথোংশিং মশীং থীবা হৌখ্রে। হৌজিক ফাওবদা চাউরাক্না ইমুং করোর অমা অমসুং লাখ ২০গী য়ুমশিং লিস্ত তৌবগী থবক লোইশিনখ্রে।
মরুপশিং,
নেস্নেল সেন্সস অসি লৈঙাক্কী থৌদাং খক্তমক নত্তে। মসি ঐখোয় পুম্নমক্কী থৌদাংনি। অদোমগী শরুক য়াবা অসি য়াম্না মরু ওই। নহাক্না পীরকপা ইনফোর্মেসন অদু মপুং ফানা সেক্যুর ওই, অমসুং দিজিতেল সেক্যুরিতীনা ঙাকথোকই। লাক্লো, ঐখোয় পুম্নমক্না থৌওং অসিদা শরুক য়াসি। সেন্সস ২০২৭ অসি মায় পাকহনসি।
মরুপশিং,
ঐখোয়গী লৈবাক অসিদা, চিঞ্জাক্কী চৎনবীশিং অসি মহৌশানা মহাও তংবখক ওইরকখিদে। ভারতকী চিজ অসি চৎনবী অসিগী নুংঙাইবা শরুক অমনি। নুমিৎ খরনিগী মমাংদা, ঐহাক্না ত্বিতরগী খুত্থাংদা ঈ-পাউ খোমজিনখি।
ব্রাজিলদা পাংথোকপা ইন্তর্নেস্নেল চিজ কম্পিতিসন অমদা ভারতকী চিজ মখল অনিদা শিংথানিংঙাই ওইবা মনাশিং ফংখি। মসিগী মাইপাকপা অসি সোসিএল মীদিয়াদা পাক শন্না নৈনখি। মীওই কয়ানা ঐঙোন্দা হায়খি মদুদি ভারত্তা পনিরগী মখল-মখা কয়াগী মতাংদা খন্ন-নৈনগদবনি।
মরুপশিং,
ভারতকী দাইরী সেক্তরদা অচৌবা অহোংবা অমা লাক্লি। সেক্তর অসিদা ভেল্যু এদিসন তৌবা অসিনা ঐখোয়গী ত্রেদিস্নেল ফ্লেভরশিংদা অনৌবা মশক অমা পীরি। ঙসিদি, ভারতকী চিজনা মালেমগী থাক্তা ময়েক শেংলে। অয়ুক্কী চিঞ্জাক ওইরো, নুমিদাংগী চিঞ্জাক ওইরো, ভারতকী চীজ অসি মালেমগী প্লেৎশিংদা য়ৌরক্লি। জম্মু অমসুং কাশ্মীরগী কালারি চিজ লৌরো, মসিবু "কশ্মীরগী মোজারেলা" হায়না খঙনৈ। গুজ্জর-বকরৱাল কম্ম্যুনিতীনা মসি চহি কয়াগী মমাংদগী শেমদুনা অমসুং চানদুনা লাক্লি। মরক অসিদা, "চুরপি" অসি সিক্কিম, অরুনাচল প্রদেশ, অমসুং লদাখতা য়াম্না মমিং চৎলি। চীংগী লমদমগী অচম্বা অমসুং থোৎপগী মগুন অসি মসিগী মহাওদা উবা ফংই। হায়রিবা চিজ অসিগী অখন্নবা মগুনদি মসি য়াক্কী খোম্লাংদগী শেম্মী হায়বসিনি।
মরুপশিং,
মহারাস্ত্রা অমসুং গুজরাততা "সুরতি চিজ" হায়নসু খঙনবা "তোপলি নু পেনর" অসিসু তোপ তোপ্পা মশক অমা লৈ। ঐহাক্না খরা খক্তমক পনখ্রে, অদুবু ঐখোয়গী লৈবাক অসিদা মসিগী মহাও য়াম্না লৈ। ঙসিদি, চৎনবী অসিনা অনৌবা পাঙ্গল ফংলি। ভারতকী কম্পেনী কয়ানা হীরম অসিদা ইনবেস্তমেন্ত তৌরি। মোদর্ন তেক্নোলোজী থোরক্লি, পেকেজিং ফগৎলক্লি, অমসুং ঐখোয়গী পোত্থোকশিংনা মালেমগী থাক্তা লৈরি। মসিনা মরম ওইদুনা, ভারতকী চিজ অসি হৌজিক্তি লৈবাক অসিগী ঙমখৈ লান্থোক্লগা মালেমগী কৈথেলশিং অমসুং রেস্তোরেন্তশিংদা য়ৌরে।
ঙসি, ঐখোয়না লোকেলদগী গ্লোবেল ফাওবগী মতাংদা ৱা ঙাংলিঙৈদা, ভারতকী চিজগী খুদম্না ঐখোয়দা মাংলোমদা চংশিনবগী লম্বী তাক্লি। ঐহাক্না থাজবা থম্লি মদুদি ভারতকী অপাম্বা, ভারতকী চৎনবী অমসুং ভারতকী মগুন্না মালেমগী মীয়ামদা অনৌবা এক্সপরিয়েন্স অমা পীরগনি অমসুং ভারতকা অনৌবা মরী অমা শেমগনি।
ঐহাক্কী নুংশিরবা লৈবাক মীয়ামশিং,
থা অসিদা, লৈবাক অসিগী মফম কয়াদা অনৌবা চহি য়াওনা কুমহৈ কয়া পাঙথোকখি। নুমিৎ খরনিগী মতুংদা, মেগী ৯দা, 'পোচিশে বোইশাখ'কী থৌরমদা, ঐখোয়না গুরুদেব তেগোরগী মপোক কুমওন পাংথোক্কনি। গুরুদেব অসি মল্তি ফেসেতেদ পর্সোনেলিতি অমনি। মহাক অসি অচৌবা অইবা অমসুং ৱাখল খনবা মীওই অমা ওইবতা নত্তনা মহাক্না মমিং লৈরবা ইন্সতিত্যুসন কয়া অমসু শেমখি। গুরুদেব তেগোরনা তুং কোইনা থবক পীবা অমসুং খুঙ্গংশিংদা কান্নবা পীবা ইন্দস্ত্রীশিংগীদমক ৱা ঙাংখি। রবীন্দ্র সঙ্গীৎকী ইথিল অসি ঙসি ফাওবা মালেম শীনবা থুংনা লৈরি। শান্তিনিকেতনদা ঐহাক্না চৎখিবা মতমশিং অসি ঐহাক্কী ওইনা নীংশিংবা ঙম্লোই। মসি মহাক্না থৱায় য়াওনা থৌগৎখিবা অমসুং শেমগৎখিবা ইন্সতিত্যুসন অদুনি। ঐহাক্না মহাকপু অমুক্কা হন্না ইকায়খুম্নবা উৎচরি।
মরুপশিং,
মে থা অসিনা ঐখোয়দা ১৮৫৭গী অহানবা নীংতম লানগী মতাংদসু নিংশিংহল্লি। ঐহাক্না ভারতকী মীয়ামগী মরক্তা লৈবাক্কী পুক্নিং থৌগৎপগী ৱাখল্লোনবু পুক্নিং থৌগৎখিবা, মা ভারতীগী থৌনা ফরবা অঙাং পুম্নমকপু ইকায় খুম্নবা উৎচরি। মসি স্কুলগী অঙাংশীংগী ছুটিগী মতম অমসুনি। ঐনা মখোয়বু মখোয়গী ছুটিবু মপুং ফানা শিজিন্ননবা অমসুং অনৌবা খরা তমহন্নবা হায়জরি। হায়রিবা নুমিৎ অসিদা, অদোম পুম্নমক্না অদোমগী হকশেলগীদমক মপুং ফানা চেকশিনগদবনি। ঐখোয়না মথংগী থাদা অমুক্কা উনগনি। অনৌবা হীরমশিংগা লোইননা, ঐখোয়গী লৈবাক মীয়ামগী অনৌবা মায় পাকপশিংগা লোইননা। অদোমবু য়াম্না থাগৎচরি।
Our scientists are advancing the civil nuclear programme. Their efforts are making a significant contribution to nation-building. #MannKiBaat pic.twitter.com/Lexux4aC8B
— PMO India (@PMOIndia) April 26, 2026
India has recently achieved a major milestone in wind energy. #MannKiBaat pic.twitter.com/aPymLpv86K
— PMO India (@PMOIndia) April 26, 2026
The teachings of Bhagwan Buddha inspire countless people even today. #MannKiBaat pic.twitter.com/XW0gJj90W7
— PMO India (@PMOIndia) April 26, 2026
The Beating Retreat ceremony showcases the diverse musical traditions of different bands. Over the past few years, the inclusion of Indian music has increased. You can now hear these tunes anytime on the WAVES OTT. #MannKiBaat pic.twitter.com/Sx66bOK4bQ
— PMO India (@PMOIndia) April 26, 2026
Commendable nature conservation stories from across the country. #MannKiBaat pic.twitter.com/KdtFN6X9a3
— PMO India (@PMOIndia) April 26, 2026
Today, the bamboo sector is flourishing throughout the Northeast. People are continuously innovating and adding value to it. #MannKiBaat pic.twitter.com/KPsoy9hQ0e
— PMO India (@PMOIndia) April 26, 2026
The National Archives of India has launched a dedicated portal to preserve our rich past. Over 20 crore invaluable documents have now been digitised and made publicly accessible. #MannKiBaat pic.twitter.com/Y687d6QibQ
— PMO India (@PMOIndia) April 26, 2026
India's daughters have amazed the world with their mathematical talent. #MannKiBaat pic.twitter.com/N2DbRX1QDT
— PMO India (@PMOIndia) April 26, 2026
Census 2027... A very important campaign is currently underway in our country and this time it is digital. Do take part in this exercise. #MannKiBaat pic.twitter.com/QfAJkjEWoy
— PMO India (@PMOIndia) April 26, 2026
Today, Indian cheese is making its mark globally. #MannKiBaat pic.twitter.com/1Zp1mrIv3Z
— PMO India (@PMOIndia) April 26, 2026
PM @narendramodi remembers Gurudev Rabindranath Tagore. #MannKiBaat pic.twitter.com/OIr5cBGF2A
— PMO India (@PMOIndia) April 26, 2026
