Share
 
Comments
লৌমীগী ইমুং-মনুংগী বেনিফিসিয়রী করোর ৯.৭৫ হেনবগী একাউন্তশিংদা হকথেংননা লুপা করোর ১৯,৫০০ হেন্না ত্রান্সফর তৌখ্রে
লৈবাক অসিনা নীংখা তমখিবা চহি ১০০ মপুং ফারকপা মতমদা, ২০৪৭দা ভারতকী ফীভম করম তৌগদগে লেপ্পদা ঐখোয়গী লৌউ-শিংউ, ঐখোয়গী লৌমীশিংগী অচৌবা থৌদাং অমা লৈ: পি.এম.
এম.এস.পি.দা লৌমীশিংদগী খ্বাইদগী য়াম্না লৈদুনা, ফৌ থারিবশিংগী একাউন্তশিংদা লুপা করোর ১,৭০,০০০ অমসুং গেহু থারিবশিংগী একাউন্তশিংদা লুপা করোর ৮৫,০০০ হকথেংননা য়ৌহনখ্রে: পি.এম.
মহাক্কী অপাম্বা তাবীখিবা অমসুং হৌখিবা চহি ৫০ অসিদা হৱাইশিং পুথোকপা হেনগৎহনবগীদমক্তা লৌমীশিংবু থাগৎখ্রে
অচাথাওদা আত্মনির্ভর ওইনবা নেস্নেল ইদিবল ওইল মিসন –ওইল পাম হায়বদি এন.এম.ই.ও.-ও.পি.গী মতেংগা লোইননা অচাথাওগা মরী লৈনবা ইকোসিস্তেমদা লুপা করোর লিশিং ১১ হেন্না থাদরগনি: পি.এম.
অহানবা ওইনা ভারতনা লৌউ-শিংউগী ওইবা এক্সপোর্ত তৌবদা মালেমগী তোপ-১০দা লৈরিবা লৈবাকশিংগী মনুংদা চনবা ঙমখি: পি.এম.
লৈবাক অসিগী লৌউ-শিংউগী ওইবা পোলিসীশিংদা হৌজিক অপীকপা লৌমীশিংদা মরু ওইবা মীৎয়েং চংলি: পি.এম.

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী খুত্থাংদা প্রধান মন্ত্রী কিসান সম্মান নিধি (পি.এম.-কিসান)গী মখাদা শেলগী তেংবাংগী মথংগী ইন্সতোলমেন্ত থাদোকখ্রে। প্রধান মন্ত্রীনা থৌরম অসিদা লৌমী বেনিফিসিয়রীশিংগসু ৱারী শাখ্রে। মসিনা বেনিফিসিয়রী ওইরিবা লৌমীগী ইমুং-মনুং করোর ৯.৭৫ হেনবদা লুপা করোর ১৯,৫০০ হেন্নবা শেনফম অমা ত্রান্সফর তৌবা ঙমহনখ্রে। মসি প্রধান মন্ত্রী কিসান সম্মান নিধি (পি.এম.-কিসান)গী মখাদা শেলগী তেংবাং পীখিবগী ৯শুবা ইন্সতোলমেন্তনি।

মীতিন অসিদা ৱা ঙাংলদুনা প্রধান মন্ত্রীনা লৌ-উ পন্থাগী মরমদা ৱারী শাখি অমসুং মহাক্না ঙসি ফংলিবা শেনফম অসিনা লৌমীশিংদা মতেং ওইরগনি হায়না ফোঙদোকখ্রে। ঙসি অসি লুপা করোর লাখ ১গী কোর্পসকী কিসান ইনফ্রাস্ত্রকচর ফন্দ অসিসু চহি অমা মপুং ফারক্লে হায়না পনখি। প্রধান মন্ত্রীনা মিসন হনী-বী অমসুং এন.এ.এফ.ই.দি. দুকানশিংদা জম্মু কশ্মিরদগী সেফ্রোন শেম্বা অসিগুম্বা থৌরাংশিং অসি পনখি। হনী-মিসন্না লুপা করোর লিশিং ৭০০ এক্সপোর্ত তৌবা ঙমহনখি মসিনা লৌমীশিংদা অহেনবা শেন্থোক ফংহল্লি।

লাক্কদৌরিবা ৭৫শুবা নীংখা তমখিবগী নুমিৎ অসি পল্লদুনা মহাক্না হায় মরু ওইবা থৌরম অসি ঐখোয়গী চাউথোকচনীংঙাই ওইবা ৱাফম অমা ওইবতা নত্তনা মসি অনৌবা ফিরেপশিং, অনৌবা পান্দমশিংগী ওইনসু খুদোংচাবা অমা ওইরি। থৌরম অসিদা ঐখোয়না ভারতপু তুংদা লাক্কদৌরিবা চহি ২৫ অসিদা কদায়দা উবা পাম্বগে হায়বগী ৱারেপ লৌবা তাই, হায়না মহাক্না ফোঙদোকখ্রে। প্রধান মন্ত্রীনা লৈবাক অসিনা নীংখা তমখিবা চহি ১০০ মপুং ফারকপা মতমদা, ২০৪৭দা ভারতকী ফীভম করম তৌগদগে লেপ্পদা ঐখোয়গী লৌউ-শিংউ, ঐখোয়গী লৌমীশিংনা অচৌবা থৌদাং অমা য়াগনি হায়না ফোঙদোকখ্রে। মসি অনৌবা শীংনবশিং মায়োক্নবা ঙম্বা অমসুং অনৌবা খুদোংচাবশিংগী কান্নবা লৌবা ঙমগদবা ভারতকী লৌউ-শিংউবু অনৌবা মাইকৈদা পুনবগী তানফমনি। মহাক্না মতমগী মতুং ইন্না লাকপা অহোংবশিংগী মতুং ইন্না ভারতকী লৌউ-শিংউদসু অহোংবশিং পুরক্নবা মহাক্না হায়খ্রে। মহাক্না লৌমীশিংনা লাইচৎ মনুংদা রেকোর্দ ওইনা পুথোকখিবগীদমক থাগৎখ্রে অমসুং সরকারনা অৱাবা মতম অসিগী মনুংদা লৌমীশিংগী অৱাবা হন্থহন্নবা লৌখৎখিবা থৌরাংশিংগী মতাংদসু পনখ্রে। সরকারনা মরুশিং, হারশিংগী সপ্লাই তৌবা অমসুং মার্কেৎ এক্সেস তৌবদা অপনবা থোক্তনবা হোৎনখি। য়ুরিয়া মতম চুপ্পদা ফংহনখি অমসুং সি.এ.পি.গী মমল অসি মালেমগী কৈথেলদা শরুক কয়া হেনগৎখিবা মতমদা সরকারনা খুদক্তা লুপা করোর ১২০০০ শিল-লাংদুনা লৌমীশিংদা অৱাবা অসি থেংনহনখিদে।

প্রধান মন্ত্রী হায় সরকারনা খরীফ নত্ত্রগা রবী সীজন ওইরবসু লৌমীশিংদগী এম.এস.পি.দা হৌজিক ফাওবগী ওইনা খ্বাইদগী য়াম্না লৈখি। মসিগা লোইননা ফৌ থাবা লৌমীশিংগী একাউন্তদা চাউরাক্না লুপা করোর ১,৭০,০০০ অমসুং গেহু থারিবা লৌমীশিংগী একাউন্তদা চাউরাক্না লুপা করোর ৮৫,০০০ হকথেংননা য়ৌহনখি।

চহি খরগী মমাংদা লৈবাক অসিদা হৱাইশিংগী চাউনা অৱাৎপা লৈখি, মদুদা মহাক্না লৈবাক অসিগী লৌমীশিংদা হৱাইশিং পুথোকপা হেনগৎনবা হায়খিবা অদু প্রধান মন্ত্রীনা পনখি। মসিগী মহৈ ওইনা হৌখিবা চহি ৬ অসিদা লৈবাক অসিগী হৱাই পুথোকপগী চাং চাদা ৫০রোম হেনগৎখি হায়না মহাক্না ফোঙদোকখি।

নেস্নেল ইদিবল ওইল মিসন-ওইল পাল্ম হায়বদি এন.এম.ই.ও-ও.পি. অসি অচাথাওদা মীপান তাংদনবা ৱাশক অমনি হায়না প্রধান মন্ত্রী ফোঙদোকখ্রে। ঙসি লৈবাক অসিনা ভারত থাদোকউ আন্দোলনবু নীংশিংলিবা মতম অসিদা, পুৱারী ওইরবা নুমিৎ অসিদা লৌখিবা ৱারেপ অসিনা ঐখোয়বু থৌনা হাপ্লি হায়না মহাক্না ফোঙদোকখি। মহাক্না হায় নেস্নেল ইদিবল ওইল মিসন-ওইল পাল্ম মিসনগী মখাদা অচাথাওগা মরী লৈনবা ইকোসিস্তেম লুপা করোর ১১,০০০ হেন্না ইনবেস্ত তৌরগনি। সরকারা লৌমীশিংদা অফবা মরুশিংদগী হৌরগা তেক্নোলোজী ফাওবগী খুদোংচাবা খুদিংমক ফংহন্নবা হোৎনগনি। প্রধান মন্ত্রী হায় ঙসি ভারতনা অহানবা ওইনা লৌউ-শিংউগী ওইবা এক্সপোর্ত তৌবদা মালেমগী তোপ-১০গী মনুংদা চনবা ঙমখি। কোরোনাগী মতমগী মনুংদা লৈবাক অসিনা লৌউ-শিংউগী ওইবা এক্সপোর্ত্তা অনৌবা রেকোর্দ থম্বা ঙমখি। ঙসি ভারত অসি লৌউ-শিংউগী ওইনা এক্সপোর্ত তৌরিবা অচৌবা লৈবাক অমা ওইনা শক খঙলবা মতম অসিদা ঐখোয়না ঐখোয়গী অচাথাওগীদমক মীপাল তাংবা হায়বা অসি চুমদে: পি.এম.

প্রধান মন্ত্রীনা হায় লৈবাক অসিগী লৌউ শিংউগী পোলিসীশিংদা অপীকপা লৌমীশিংদা মরুওইবা মীৎয়েৎ চংলি। ৱাখল্লোন অসিগী লোইননা মমাংগী চহিদা অপীকপা লৌমীশিংদা কান্নবা অমসুং ঙাকশেল পীনবা অচৌবা থৌরাং অমা পাইখৎখি। পি.এম. কিসান সম্মান নিধিগী মখাদা হৌজিক ফাওবদা লৌমীশিংদা লুপা করোর লাখ ১গা লিশিং ৬০ পীথখ্রে। মসিগী মনুংদা লুপা করোর লাখ অমদি লাইচৎ অসিগী মনুংদা অপীকপা লৌমীশিংদা ত্রান্সফর তৌখি। কোরোনাগী মতমদা কিসান ক্রেদিৎ কার্দ করোর ২ হেন্না ইসু তৌখি অদুগা মসিগী মনুংদা অয়াম্বনা অপীকপা লৌমীশিংদনি। হায়রিবা লৌমীশিং অসিনা লৈবাক অসিদা পাইখৎলিবা লৌউ-শিংউগী ইনফ্রাস্ত্রকচর অমসুং লম্বী থোংগী ইনফ্রাস্ত্রকচরনা কান্নবা ফংহল্লগনি। ফুদ পার্কশিং, কিসান রেলশিং অমসুং ইনফ্রাস্ত্রকচর ফন্দগুম্বা খোংথাংশিংনা অপীকপা লৌমীশিংদা কান্নবা পীরগনি। হৌখিবা চহিশিংদা ইনফ্রাস্ত্রকচর ফন্দগী মখাদা প্রোজেক্ত লিশিং ৬ হেন্না অয়াবা পীখ্রে। মসিগী থৌরাংশিং অসিনা অপীকপা লৌমীশিংনা কৈথেলদা য়ৌবা অমসুং এফ.পি.ও.শিংগী খুত্থাংদা মখোয়গী মমল ঙাংনবা য়াবগী শক্তি অদু ফংহল্লে হায়না প্রধান মন্ত্রীনা ফোঙদোকখ্রে।

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Reading the letter from PM Modi para-swimmer and author of “Swimming Against the Tide” Madhavi Latha Prathigudupu, gets emotional

Media Coverage

Reading the letter from PM Modi para-swimmer and author of “Swimming Against the Tide” Madhavi Latha Prathigudupu, gets emotional
...

Nm on the go

Always be the first to hear from the PM. Get the App Now!
...
Prime Minister participates in 16th East Asia Summit on October 27, 2021
October 27, 2021
Share
 
Comments

Prime Minister Shri Narendra Modi participated in the 16th East Asia Summit earlier today via videoconference. The 16th East Asia Summit was hosted by Brunei as EAS and ASEAN Chair. It saw the participation of leaders from ASEAN countries and other EAS Participating Countries including Australia, China, Japan, South Korea, Russia, USA and India. India has been an active participant of EAS. This was Prime Minister’s 7th East Asia Summit.

In his remarks at the Summit, Prime Minister reaffirmed the importance of EAS as the premier leaders-led forum in Indo-Pacific, bringing together nations to discuss important strategic issues. Prime Minister highlighted India’s efforts to fight the Covid-19 pandemic through vaccines and medical supplies. Prime Minister also spoke about "Atmanirbhar Bharat” Campaign for post-pandemic recovery and in ensuring resilient global value chains. He emphasized on the establishment of a better balance between economy and ecology and climate sustainable lifestyle.

The 16th EAS also discussed important regional and international issues including Indo-Pacifc, South China Sea, UNCLOS, terrorism, and situation in Korean Peninsula and Myanmar. PM reaffirmed "ASEAN centrality” in the Indo-Pacific and highlighted the synergies between ASEAN Outlook on Indo-Pacific (AOIP) and India’s Indo-Pacific Oceans Initiative (IPOI).

The EAS leaders adopted three Statements on Mental Health, Economic recovery through Tourism and Sustainable Recovery, which have been co-sponsored by India. Overall, the Summit saw a fruitful exchange of views between Prime Minister and other EAS leaders.