Share
 
Comments
লৌমীগী ইমুং-মনুংগী বেনিফিসিয়রী করোর ৯.৭৫ হেনবগী একাউন্তশিংদা হকথেংননা লুপা করোর ১৯,৫০০ হেন্না ত্রান্সফর তৌখ্রে
লৈবাক অসিনা নীংখা তমখিবা চহি ১০০ মপুং ফারকপা মতমদা, ২০৪৭দা ভারতকী ফীভম করম তৌগদগে লেপ্পদা ঐখোয়গী লৌউ-শিংউ, ঐখোয়গী লৌমীশিংগী অচৌবা থৌদাং অমা লৈ: পি.এম.
এম.এস.পি.দা লৌমীশিংদগী খ্বাইদগী য়াম্না লৈদুনা, ফৌ থারিবশিংগী একাউন্তশিংদা লুপা করোর ১,৭০,০০০ অমসুং গেহু থারিবশিংগী একাউন্তশিংদা লুপা করোর ৮৫,০০০ হকথেংননা য়ৌহনখ্রে: পি.এম.
মহাক্কী অপাম্বা তাবীখিবা অমসুং হৌখিবা চহি ৫০ অসিদা হৱাইশিং পুথোকপা হেনগৎহনবগীদমক্তা লৌমীশিংবু থাগৎখ্রে
অচাথাওদা আত্মনির্ভর ওইনবা নেস্নেল ইদিবল ওইল মিসন –ওইল পাম হায়বদি এন.এম.ই.ও.-ও.পি.গী মতেংগা লোইননা অচাথাওগা মরী লৈনবা ইকোসিস্তেমদা লুপা করোর লিশিং ১১ হেন্না থাদরগনি: পি.এম.
অহানবা ওইনা ভারতনা লৌউ-শিংউগী ওইবা এক্সপোর্ত তৌবদা মালেমগী তোপ-১০দা লৈরিবা লৈবাকশিংগী মনুংদা চনবা ঙমখি: পি.এম.
লৈবাক অসিগী লৌউ-শিংউগী ওইবা পোলিসীশিংদা হৌজিক অপীকপা লৌমীশিংদা মরু ওইবা মীৎয়েং চংলি: পি.এম.

খুরুমজরী,

হৌখিবা নুমিৎ কয়া অসিদা ঐহাক্না সরকারগী তোঙান-তোঙানবা স্কীমশিংগী বেনিফিসিয়রীশিংগা লোইননা ৱারী শাখি। ঐখোয়না সরকারনা শেম্বা স্কীমশিং অসিগী কান্নবশিং অসি করম্বা মওংদা মীয়ামদা য়ৌরি হায়বা খঙবা ঙমখি। মসি জনতা জনারদনগী হকথেংননা শম্নবগী কান্নবা অদুনি। প্রোগ্রাম অসিদা শরুক য়াবীরিবা ঐহাক্কী কেন্দ্রগী মন্ত্রী-মন্দলদগী মরূপ পুম্নমক, লৈবাক অসিগী রাজ্য কয়াগী ইকাই খুম্নরবা মুখ্য মন্ত্রীশিং, লেফতনেন্ত গভর্নরশিং অমসুং উপ মুখ্য মন্ত্রীশিং, রাজ্য সরকারশিংগী মন্ত্রীশিং, অতৈ দিগ্নিতরীশিং, লৈবাক অসিগী লৌমীশিং অমসুং ইচিল-ইনাওশিং,

ঙসি, লৈবাক অসিগী লৌমী করোর ১০রোমগী বেঙ্ক একাউন্তশিংদা লুপা করোর ৫০০গা লিশিং ১৯ হেনবগী শেনফম মখোয়গী একাউন্তশিংদা হকথেংননা ত্রান্সফর তৌখ্রে। অমসুং মখোয় কয়া অমনা মোবাইলদা করি চংলকপগে হায়না য়েংবা ঐহাক্না উরি। অমসুং খুপাক খুনরি। ঙসি নোংজু পন্থা য়ৌরক্তুনা লৌ উবগী থবক কন্না চত্থরিবা মতম অসিদা শেনফম অসি অপীকপা লৌমীশিংদা য়াম্নবা কান্নরগনি। ঙসি লুপা করোর লাখ ১গী এগ্রিকলচর ইনফ্রাস্ত্রকচর ফন্দসু চহি অমা মপুং ফাখ্রে। লৌমীগী ওর্গনাইজেসন লিশিং-লিশিংনা মসিগী খুত্থাংদা কান্নবা ফংলি।

 

ইচিল-ইনাওশিং,

সরকারনা লৌমীশিংদা অহেনবা শেন্থোক লৈহন্নবা অনৌবা মহৈ-মরোংশিং থাবদা পুক্নীং থৌনবা নীংথিনা হোৎনখি। মিসন হনী বী অসি অসিগুম্বা কেম্পেন অমনি। মিসন হনী বীনা মরম ওইদুনা ঐখোয়না মমাংগী চহিদা লুপা করোর ৭০০রোমগী খোহী মপালদা থাদোকপা ঙমখি, মসিনা লৌমীশিংদা অহেনবা শেন্থোক লাকহনখি। অমরোমদা জম্মু কশ্মিরগী সেফ্রোন অসি মালেমদা য়াম্না পাম্নৈ। হৌজিক সরকারনা লৈবাক অসিদা লৈরিবা এন.এ.এফ.ই.দি. দুকানশিংদা জম্মু কশ্মিরগী সেফ্রোন ফংহন্নবা ৱারেপ লৌখ্রে। মসিনা জম্মু কশ্মিরদা সেফ্রোন থারিবা লৌমীশিংদা য়াম্না থৌগৎলগনি।

ইচিল-ইনাওশিং,

নখোয়গা ৱারী শানবা অসি লৈবাক অসিনা আজাদী কা অমৃত মহোৎসব পালন তৌরিবা মতম অসিদা ওইররে। ঙসিদগী নুমিৎ খরনিগী মতুংদা ওগস্ত ১৫ লাক্লগনি। হন্দক্তি লৈবাক অসিনা ৭৫শুবা নীংখা তমখিবগী নুমিৎ পালন তৌগদৌরি। মরু ওইবা থৌরম অসি ঐখোয়গী চাউথোকচনীংঙাই ওইবা ৱাফম অমা ওইবতা নত্তনা মসি অনৌবা ফিরেপশিং, অনৌবা পান্দমশিংগী ওইনসু খুদোংচাবা অমা ওইরি।

থৌরম অসিদা ঐখোয়না ভারতপু তুংদা লাক্কদৌরিবা চহি ২৫ অসিদা কদায়দা উবা পাম্বগে হায়বগী ৱারেপ লৌবা তাই। লৈবাক অসিনা নীংখা তমখিবা চহি ১০০ মপুং ফারকপা মতমদা, ২০৪৭দা ভারতকী ফীভম করম তৌগদগে লেপ্পদা ঐখোয়গী লৌউ-শিংউ, ঐখোয়গী লৌমীশিংনা অচৌবা থৌদাং অমা য়াগনি। মসি অনৌবা শীংনবশিং মায়োক্নবা ঙম্বা অমসুং অনৌবা খুদোংচাবশিংগী কান্নবা লৌবা ঙমগদবা ভারতকী লৌউ-শিংউবু অনৌবা মাইকৈদা পুনবগী তানফমনি।

 

ইচিল-ইনাওশিং,

চহিচা অসিদা লেপ্তনা হোংলক্লিবা অহোংবশিং অসিগী মীৎনা উবা শাখি ঐখোয় পুম্নমক্না ওইরি। মসি নোংজু-নুংশাগা মরী লৈনবা অহোংবশিং, চান্না থাক্নবগা মরী লৈনবা অহোংবশিং নত্ত্রগা লাইচৎ অসিনা মরম ওইরগা পুরকপা অহোংবশিং ওইরবসু মালেম শিনবা থুংবদা অহোংবশিং লাক্লি। ঐখোয়না মসি কোরোনাগী লাইচৎ মনুংদা হৌখিবা চহি অমা মখাই অসিদা থেংনখ্রে। মতম অসিগী মনুংদা লৈবাক অসিমক্তদা চান্নবা চিঞ্জাক্কী হৈনবীশিংগী মরমদা এৱের্নেস য়াম্না পীখি। কোর্স সিরিএলশিং, মনা-মশিং অমসুং উহৈশিং, মরু-মরাংশিং, ওর্গানিক প্রদক্তশিংগী দিমান্দ অসি হৌজিক য়াম্না হেনগৎলক্লি। মরম অসিনা ভারতকী লৌউ-শিংউ অসিসু হোংলক্লিবা মথৌ-তাবশিং অমসুং হোংলক্লিবা দিমান্দ অসিগী মতুং ইন্না অহোংবা লাকখি। অমসুং ঐখোয়গী লৈবাক অসিগী লৌমীশিংনা অহোংবশিং অসি শোইদনা চুশিন্নখিনি হায়না থাজৈ।

মরূপশিং,

ঐখোয়না লাইচৎ মনুংদা ভারতকী লৌমীশিংনা তৌবা ঙম্বা অদু উবা ফংখ্রে। রেকোর্দ ওইনা পুথোক্লিঙৈ মনুংদা সরকারনা লৌমীশিংনা থেংনবা অৱাবশিং হন্থহন্নবসু হোৎনখি। সরকারনা লৌউ-শিংউ অমসুং মসিগা মরী লৈনবা সেক্তর খুদিংমক্তা, মরুশিং, হারশিংদগী হৌরগা মখোয়গী পোত্থোক কৈথেলদা পুনবা হোৎনবা য়াবা অমসুং থৌরাং পুম্নমক পাইখৎখি। য়ুরিয়া লেপ্তনা সপ্লাই তৌখি। ঐখোয়গী সরকারনা সি.এ.পি.গী মমল অসি কোরোনানা মরম ওইদুনা মালেমগী কৈথেলদা শরুক কয়া হেনগৎখিবা মতমদা লৌমীশিংদা অৱাবা পীদনবা সরকারনা খুদক্তা মসিগীদমক লুপা করোর ১২০০০ শিল-লাংখি।

মরূপশিং,

সরকারনা খরীফ নত্ত্রগা রবী সীজন ওইরবসু লৌমীশিংদগী এম.এস.পি.দা হৌজিক ফাওবগী ওইনা খ্বাইদগী য়াম্না লৈখি।  মসিগা লোইননা ফৌ থাবা লৌমীশিংগী একাউন্তদা চাউরাক্না লুপা করোর লাখ ১গা লিশিং ৭০ অমসুং গেহু থারিবা লৌমীশিংগী একাউন্তদা চাউরাক্না লুপা করোর লিশিং ৮৫ হকথেংননা য়ৌহনখি। লৌমী অমসুং সরকারনা চুংশিন্নবা অসিনা মরম ওইরগা ঙসি ভারতকী কৈ অসি থল্লি। অদুবু মরূপশিং, ঐখোয়না গেহু, চেং, চিনিদা খক্তা মরোমদোম লেপচবা ঙম্বনা য়াদে, হৱাইশিং অমসুং থাওগী ওইনসু মরোমদোম লেপচবা ঙম্বা অসি য়াম্না মথৌ তাই হায়বা ঐখোয়না উবা ফংখ্রে।  অমসুং ভারতকী লৌমীশিংনা মসি থবক ওইনা পাঙথোক্তুনা উৎপা ঙমগনি। চহি খরগী মমাংদা লৈবাক অসিদা হৱাইগী অৱাৎপা থেংনবা মতমদা ঐহাক্না লৈবাক অসিগী লৌমীশিংদা হৱাইশিং পুথোকপা হেনগৎনবা হায়খি। লৈবাক অসিগী লৌমীশিংনা ঐহাক্না হায়বা য়াবীখি। মসিগী মহৈ ওইনা হৌখিবা চহি ৬ অসিদা লৈবাক অসিগী হৱাই পুথোকপগী চাং চাদা ৫০রোম হেনগৎখি। ঐখোয়না হৱাইশিংগীদমক তৌখিবা অদুগুম্না নত্ত্রগা মমাংদা গেহু অমসুং ফৌগীদা তৌখিবা অদুগুম্না হৌজিক অচাথাও পুথোক্নবা চপ মান্নবা ইরেপঅদু লৌবা তাই। ঐখোয়গী লৈবাক অসি অচাথাওদা মীপাল তাংদনবা ঐখোয়না কন্না হোৎনবা তাই।

ইচিল-ইনাওশিং,

অচাথাওদা আত্মনির্ভর ওইনবা হৌজিক নেস্নেল ইদিবল ওইল মিসন –ওইল পাম হায়বদি এন.এম.ই.ও.-ও.পি.গী ৱারেপ লৌখ্রে। ঙসি লৈবাক অসিনা ভারত থাদোকউ আন্দোলনবু নীংশিংলিবা মতম অসিদা, পুৱারী ওইরবা নুমিৎ অসিদা লৌখিবা ৱারেপ অসিনা ঐখোয়বু থৌনা হাপ্লি। মিসন অসিগী খুত্থাংদা অচাথাওগা মরী লৈনবা ইকোসিস্তেমদা লুপা করোর লিশিং ১১ হেন্না থাদরগনি। সরকারা লৌমীশিংদা অফবা মরুশিংদগী হৌরগা তেক্নোলোজী ফাওবগী খুদোংচাবা খুদিংমক ফংহন্নবা হোৎনগনি। মিসন অসিগী মখাদা ওইল-পাম থাবগা থৌগৎপগা লোইননা ঐখোয়গী অতৈ থাও মরু শুংনবা য়েলহৌঙৈগী মহৈ-মরোংশিংসু অসিসু হেনগৎহনগনি।

মরূপশিং,

ঙসি ভারতনা অহানবা ওইনা লৌউ-শিংউগী ওইবা এক্সপোর্ত তৌবদা মালেমগী তোপ-১০গী মনুংদা চনবা ঙমখি। কোরোনাগী মতমগী মনুংদা লৈবাক অসিনা লৌউ-শিংউগী ওইবা এক্সপোর্ত্তা অনৌবা রেকোর্দ থম্বা ঙমখি। ঙসি ভারত অসি লৌউ-শিংউগী ওইনা এক্সপোর্ত তৌরিবা অচৌবা লৈবাক অমা ওইনা শক খঙলবা মতম অসিদা ঐখোয়না ঐখোয়গী অচাথাওগীদমক মীপাল তাংবা হায়বা অসি চুমদে। মসিদসু, মপালদগী পুশিল্লকপা ওইল-পামগী শিয়র অসি চাদা ৫৫ হেল্লি। ঐখোয়না ফীভম অসিদা অহোংবা পুরকপা তাই। ঐখোয়না অচাথাওগীদমক মপাল লৈবাক্তা পীথোক্লিবা লুপা করোর লিশিং কয়া অসি ঐখোয়গী লৌমীশিংদা খক্তা ফংহনগদবনি। ভারত্তা ওইল-পাম থানবগী ওইথোকপা য়াবা খুদিংমক লৈ। অৱাং নোংপোক থংবা অমসুং অন্দমান নিকোবর ইথৎশিংদা মরু ওইনা মসি চাউনা হেনগৎহনবা য়াই। মসি পাম লায়না থাবা য়াবা মফমশিংদা। অসুম্না পাম ওইল পুথোকপা য়াগনি।

মরূপশিং,

অচাথাওদা মীপান তাংদনবা মীসন অসিগী কান্নবা কয়ামরুম লৈ। মসিনা লৌমীশিং, লাইরবা অমসুং মিদল ক্লাসকী ইমুংশিংদা হকথেংননা কান্নবা পীবদা নত্তনা অহোংবা অমসুং অফবা মখলগী থাও ফংহনগনি। মসি খক্তা নত্তনা মসিগী মিসন অসিনা মীয়ামদা চাওনা থবক পীদুনা ফুদ প্রোসেসিং ইন্দস্ত্রীদা ইনোৎ অমা হাপ্লগনি। অতেকপা উহৈ পুন্না প্রোসেস তৌবগা মরী লৈনবা ইন্দস্ত্রীশিং চাওথোক্লগনি। পাম-ওইল থাগদবা রাজ্যশিংদা ত্রান্সপোর্ততগী ফুদ প্রোসেসিং য়ুনিৎশিং ফাওবদা নহারোলশিংনা থবক কয়ামরুম ফংলগনি। 

ইচিল ইনাওশিং,

লৈবাক অসিগী অপীকপা লৌমীশিংনা ওইল-পাল্ম থাবদগী অচৌবা কান্নশিং ফংলগনি। হেক্তরদা ওইল-পাল্ম পুথোকপগী চাং অসি অতোপ্পা থাও পুথোক্নবা মহৈ মরোংশিংদগী য়াম্না হেল্লি। মরম অদুনা ওইল-পাল্ম মিসন্দগী অপীকপা লৌমীশিংনা অপীকপা মশিংদা মহৈ মরোং মরাং কায়না থাদুনা শেন্দোং হেন্না তানবা য়ারগনি।   

মরূপশিং,

অদোম্না খংবীরে মদুদি লৈবাক অসিগী লৌমীগী চাদা ৮০ হেনবনা মখোয়গী লম হেক্তর ২দগী হেন্না লৈতে। মসিগী অপীকপা লৌমীশিং অসিনা লাক্কদৌরিনা চহি ২৫ অসিদা লৈবাক অসিগী লৌউ-শিংউ চাওখৎহনবদা অচৌবা থৌদাং অমা লৌগনি। মরম অদুনা লৈবাক অসিগী লৌউ শিংউগী পোলিসীশিংদা মসিগী অপীকপা লৌমীশিং অসিদা মরুওইবা মীৎয়েৎ চংলি। ৱাখল্লোন অসিগী লোইননা মমাংগী চহিদা অপীকপা লৌমীশিংদা কান্নবা অমসুং ঙাকশেল পীনবা অচৌবা থৌরাং অমা পাইখৎখি। পি.এম. কিসান সম্মান নিধিগী মখাদা হৌজিক ফাওবদা লৌমীশিংদা লুপা করোর লাখ ১গা লিশিং ৬০ পীথখ্রে। মসিগী মনুংদা লুপা করোর লাখ ১দি কোরোনাগী অৱাবা লাইচৎ অসিগী মনুংদা অপীকপা লৌমীশিংদা ত্রান্সফর তৌখি। মসিদা নত্তনা কোরোনাগী মতমদা কিসান ক্রেদিৎ কার্দ করোর ২ হেন্না ইসু তৌখি অদুগা মসিগী মনুংদা অয়াম্বনা অপীকপা লৌমীশিংদনি। মসিগী খুত্থাংদা লৌমীশিংনা লুপা করোর লিশিং কয়াগী শেন্থংসু লৌরি। খন্দুনা য়েংবীয়ু করিগুম্বা অপীকপা লৌমীশিং অসিনা মসিগী মতেং অসি ফংলমদ্রবদি চহি ১০০গী মতুংদা থোকপা খ্বাইদগী শাথীবা ফীভম অসিদা মখোয় করি ওইরমগনি? মখোয়না অপীকপা মতেংশিংগী মফম কদাইদা চৎলোইদবগে?

ইচিল ইনাওশিং,

ঙসি শেমগৎলিবা লৌউ-শিংউগী ইনফ্রাস্ত্রকচর, কনেক্তিবিতীগী ইনফ্রাস্ত্রকচর নত্ত্রগা অচৌবা ফুদ পার্কশিং অসিনা অপীকপা লৌমীশিংদা চাউনা কান্নবা পীরি। ঙসি লৈবাক অসিদা অখন্নবা কিসান রেলশিং চেল্লি। ত্রেনশিং অসিগী খুত্থাংদা লৌমী লিশিং কয়ানা মখোয়গী পোত্থোকশিং অদু শেল চংদনা লৈবাক অসিগী অচৌবা মন্দিশিংদা ত্রান্সপোর্ত তৌদু অতাবা মমলশিংদা য়োনবা ঙম্লি। মসিগা মান্ননা অপীকপা লৌমীশিংগী অখন্নবা ইনফ্রাস্ত্রকচর ফন্দগী মখাদা মোদর্ন স্তোরেজ ফেসিলিতীশিং শেমগৎলি। হৌখিবা চহিদা প্রোজেক্ত ৬০০০ হেন্না অয়াবা পীখ্রে। প্রোজেক্তশিং অসি ফংখিবশিং অদুগী মরক্তা লৌমীশিং, লৌমীশিংগী সোসাইতীশিং অমসুং ফার্মর প্রদ্যুসর এসোসিএসনশিং, সেল্ফ-হেল্প গ্রুপশিং অমসুং স্তার্ত-অপশিং য়াওরি। হন্দক্তা সরকারনা অতোপ্পা অচৌবা ৱারেপ অমা লৌখি, রাজ্যশিংদা লৈরিবা সরকারগী মন্দিশিংনা ফন্দ অসিদগী মতেং লৌবসু য়াহনখ্রে। ফন্দ অসি শীজিন্নদুনা ঐখোয়গী সরকারগী মন্দিশিং অসি হেন্না ফগৎলগনি, চাউখৎলগনি অমসুং মতমগা চুনবা ওইবা ঙম্লগনি।

ইচিল ইনাওশিং,

ইনফ্রাস্ত্রকচর ফন্দ ওইরো ফার্মর প্রদ্যুসর য়ুনিয়ন লিশিং ১০ শেম্বগী ওইরো হোৎনরিবশিং অসি অপীকপা লৌমীশিংগী শক্তি হেনগৎহন্নবনি। অপীকপা লৌমীশিংনা অহেনবা মার্কেতশিং য়ৌশিন্নবা অমসুং মার্কেত্তা মমল ঙাংনবা ঙম্বগী তৌবা ঙম্বা অদু হেনগৎনবা হোৎনগদবনি। এফ.পি.ও.শিংগী খুত্থাংদা, কোওপরেতিব সিস্তেমগী খুত্থাংদা অপীকপা লৌমী চা কয়ানা পুনশিল্লবা মতমদা মখোয়গী মথৌনা অদু শরুক চা কয়া হেনগৎলক্কনি। মসিনা লৌমীশিংনা ফুদ প্রোসেসিং ওইরো নত্ত্রগা এক্সপোর্ত ওইরো অতোপ্পদা মীপান তাংবা হন্থগনি। মালেমগী কৈথেল মখোয়গী পোত্থোকশিং মখোয় মশা মথন্তনা য়োনবা য়ারগনি। লৈবাক অসিগী লৌমীশিং অসি মখোয়গী মখোংগী য়োৎহিং পোলাং অদু লৌথোক্লবা মতমদতা মাংলোমদা য়াংনা চংশিনবা ঙমগনি। মসিগী থৌনা অসিগা লোইননা লাক্কদৌরিবা চহি ২৫ অসি ৱারেপশিংগী মনুংদা অমা পন্থুংফম ফংহনবা ঙম্নবা হোৎনগদবনি। হৌজিক্তগী হৌনা থাও শুংনবা মরুশিং মীপান তাংদবগী মিসন অসিদা ঐখোয়না শরুক য়ানবা হোৎনগদবনি। পি.এম. কিসান সম্মান নিধিগী বেনিফিসিয়রীশিংদা ঐহাক্না অমুক্কা হন্না য়াইফ পাউজেল পীজরি। হন্না হন্না থাগৎচরি!

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
India achieves 40% non-fossil capacity in November

Media Coverage

India achieves 40% non-fossil capacity in November
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 4 দিসেম্বর, 2021
December 04, 2021
Share
 
Comments

Nation cheers as we achieve the target of installing 40% non fossil capacity.

India expresses support towards the various initiatives of Modi Govt.