Share
 
Comments
প্রধান মন্ত্রীদা সি.ই.আর.এ.ৱীক গ্লোবেল ইনর্জী অমসুং ইনভাইরনমেন্ত লীদর্শিপ এৱার্দ পীখ্রে
এৱার্দ অসিবু ভারতকী মীয়াম অমসুং চৎনবীদা কত্থোকখ্রে
মহাত্মা গান্ধী অসি হৌজিক ফাওবদা হিংখিবা অকোয়বগী মরমদা খঞ্জবা খ্বাইদগী অথোইবা মীওইনিঃ পি.এম.
অইং-অশা হোংবগা লান্থেংনবগী খ্বাইদগী মপাঙ্গল লৈবা পাম্বৈদি ইশাগী লিচৎ হোংদোকচবনি হায়না শ্রী মোদীনা হায়খ্রে
হৌজিক্তি, ৱাখল চুম্না অমসুং ইকোলোজীগী মতাংদা খনবগী মতম য়ৌরে। অশেংবদি, হীরম অসি ঐখোয়গী নত্ত্রগা নখোয়গী নত্তে, মসিদি ঐখোয়গী গ্রহ অসিগী তুংগীনিঃ পি.এম.

প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী খুত্থাংদা সি.ই.আর.এ.ৱীক ২০২১দা মরু ওইবা ৱারোল ঙাংখ্রে। মহাকপু সি.ই.আর.এ.ৱীক গ্লোবেল ইনর্জী অমসুং ইনভাইরনমেন্ত লীদর্শিপ এৱার্দ পীখি। মহাক্না হায়খি, “ঐহাক্না মনা অসিবু অচম্বা ৱাখল্লোনগা লোয়ননা লৌজরি। ঐহাক্না মনা অসিবু ঐহাক্কী ইমা লৈবাক, ভারতকী মীয়ামদা খুৎশিন্নরি। অকোয়বগী শেন্নবগী মতাংদা পাম্বৈ তাকপীখিবা ঐখোয়গী লৈবাক্কী চৎনবী অসিদসু ঐহাক্না মনা অসিবু শিন্নজরি”। চহি চা কয়াদগী ভারত অসিনা অকোয়ববু ঙাক-শেনবগী মতাংদা লুচিংবা ওইদুনা লাক্লি হায়না মহাক্না খা তাখি। ঐখোয়গী চৎনবীদা, মহৌশা অমসুং দিভিনিতী অসি য়াম্না অনকপা মরী লৈনদুনা লাক্লি হায়না মহাক্না মখা তাখি।

প্রধান মন্ত্রীনা হায়খিবদা মহাত্মা গান্ধী অসি হৌজিক ফাওবদা হিংখিবা অকোয়বগী মরমদা খঞ্জবা খ্বাইদগী অথোইবা মীওইনি। মহাক্না থম্বীরম্বা লম্বী অদু মীওইবা খুন্নাইনা চৎলম্লবদি, ঐখয়না ঙসি থেংনরিবা শিংনবা কয়া অমদি থেংনরম্লোইদবনি। মহাক্না মীয়াম্না মহাত্মা গান্ধীগী পোক্নফম লমদম, গুজরাৎকী পোর্বন্দরদা চৎপীয়ু হায়খি। মসিদা চহি কয়াগী মমাংদা নোংগী ঈশিং য়োকশিন্নবগীদমক্তা লৈনুংগী তেঙ্কী শাবা হৌখ্রবনি।

অইং-অশা হোংবা অমসুং অমাঙ-অতা থোকপবু মাইয়োক্নবগী পাম্বৈ অনিখক লৈ হায়না প্রধান মন্ত্রীনা হায়খি। অহানবা অদুদি, পোলিসী, কাঙলোন, আইন অমসুং য়াথংগী খুত্থাংদনি। প্রধান মন্ত্রীনা খুদমসু পীখি। ভারত্তা ইন্সতোল তৌরবা ইলেক্রিসিতীগী নন-ফোসিল সোর্সকী শরুক অসি ৩৮%দা হেনগৎখ্রে, এপ্রিল ২০২০দগী ভারত-৬ মৈখু থাদোকপগী কাঙলোন চৎনখিবা অসি য়ুরো -৬ ফুএলগা মান্নৈ। ভারতনা হৌজিক ওইরিবা ৬%গী নেচরেল গ্যাসকী শরুক অসিফগী ইং ২০৩০ গাওবগী মনুংদা ১৫%ডা হেনগৎহন্নবা কন্না হোৎনরি। এল.এন.জি. অসিসু ফুএল অমা ওইনা শিজিন্ননবা কন্না পুক্নিং থৌগৎলি। মহাক্না হন্দক্তা লোঞ্চ তৌখিবা ঐখোয়গী সোলার ইনর্জী পুথোকপগী মান্নহনগদবা অমসুং দিসেন্ত্রেলাইজ মোদেল ওইহনগদবা হাইদ্রোজেন মিসন অমসুং পি.এম. কুসুমগী মতাংদসু পনখি। অদুবু, অইং-অশা হোংবগা লান্থেংনবগী খ্বাইদগী মপাঙ্গল লৈবা পাম্বৈদি ইশাগী লিচৎ হোংদোকপনি হায়না শ্রী মোদীনা হায়খি। মালেম অসিবু অফবা মফম অমা ওইহন্নবা ইশাবু হোংদোকসি হায়না মীয়ামদা হায়খি। ইশাবু হোংদোকপগী ইথিল অসি থৌজালগা লোয়ননা করিগুম্বা অমা শিজিন্নবগী ঐখোয়গী নাৎকী ওইবা চৎনবী অসিগী মরু ওইবা শরুক অমনি হায়না মহাক্না হায়খি। ৱাখল খন্থদনা ইনাৎ লংথোকপা অসি ঐখোয়গী ৱাখল্লোন্দা য়াওদে। মহাক্না ইরিগেসনগী মতমগা চান্নবা খুৎলায় লেপ্তনা শিজিন্নরিবা ভারতকী লৌমীশিংগীদমক্তা চাউথোকচৈ। লৈবাক-লৈহাওগী ফবগী চাং হেনগৎহনবগী মতাংদা খঙবা হেনগৎলকপা অমসুং তিলহাক হিদাক শিজিন্নবগী হন্থবগী ফিভম অমা লৈরকপসু উবা ফংলে হায়না মহাক্না হায়খি।

প্রধান মন্ত্রীনা, ঙসিদি মালেম অসিনা হকশেল ফনা লৈবগী মতাংদা মিৎয়েং চঙলি হায়খি। হকশেল ফবা অমসুং ওর্গানিক ওইবা চিঞ্জাক্কী পাম্নবা হেনগৎলক্লি। মসিগী মালেমগী লাক্লিবা অহোংবা অসিদা ভারতনা ঐখোয়গী মরু-মরাংশিং অমসুং অয়ুর্বেদগী পোত্থোকশিংনা মাইকৈ হোংহন্দুনা ঐখোয়গী কান্নবা ওইবা য়াগনি। সরকারনা হৌজিক ভারত্তা শহর মচা অমসুং অচৌবা শহর ২৭তা ইকো-ফ্রেনলী মোবিলিতীগীদমক্তা মেত্রো নেৎৱর্কশিংদা থবক পায়খৎলি হায়না মহাক্না লাউথোকখি।


প্রধান মন্ত্রীনা হায়খিবদা, ইশাগী লিচৎ-শাজত্তা পাক-শন্না অহোংবা পুরক্নবগীদমক্তা, ঐখোয়না অনৌবা, শেল য়াম্না চঙদবা অমসুং মীয়াম্না শরুক য়াদুনা শাফু পীবা ৱারোইশিন পুথোকপগী মথৌ তাই। মীয়াম্না এল.ই.দি. বল্ব শিজিন্নবা, গিব ইৎ অপ মুবমেন্ত, এল.পি.জি.না কোনবগী চাং হেনগৎপা, শেল য়াম্না চঙদবা মীয়ামগী চত্থোক-চৎশিন তৌবগী পাম্বৈগী খোঙথাংগী মতাংবু মহাক্না খুদম ওইনবা পীখি। মহাক্না ভারত শিনবা থুংনা ইথানোলবু শিজিন্নবা হৌরকপা অসিদা নুংঙাইবা ফাওই হায়না মহাক্না ফোংদোকখি।

প্রধান মন্ত্রীনা পনখিবদা, হৌখিবা চহি ৭তা, নোংশা, লৈ, কবোকৈ অমসুং ঈশিংগী জিবশিংগী মশিং হেনগৎপগা লোয়ননা ভারতকী উমংগী মফম অসিসু মশক থোক্না হেনগৎলে হায়খি। হায়রিবশিং অসি ইশাগী লিচৎ-শাজৎ হোংদোকচবগী অফবা মওংদা হোদোক্নরে হায়বা তাকপনি হায়খি।

শ্রী মোদীনা মহাত্মা গান্ধীগী ত্রস্তীশিপকী ৱাখল্লোনগী মতাংদা ৱাফম কয়া থমখি। মসিগী থৌওং অসিগী নুং ওইবা ৱাখল্লোন্দি অপুনবা, মীওইবগী অৱা-নুংঙাই খঙবা অমসুং থৌদাং খঙবনি। মসিগী অতোপ্পা ৱাহন্থোক্তি রিসোর্সশিংবু থৌদাং খঙনা শিজিন্নবনি।

শ্রী মোদীনা “হৌজিক্কী মতম অসিদি ৱাখল চুম্না অমসুং ইকোলোজীগী মতাংদা খনবগী মতম য়ৌরে। অশেংবদি, হীরম অসি ঐখোয়গী নত্ত্রগা নখোয়গী নত্তে, মসিদি ঐখোয়গী গ্রহ অসিগী তুংগীনি। ঐখোয়না হায়রিবশিং অসি ঐখোয়গী তুংগী চারোন-শুরোনশিংগীদমক্তা তৌফম থোকপনি” হায়দুনা মহাক্কী ৱারোল লোইশিনখি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Deposit Insurance and Credit Guarantee Corporation Bill, 2021: Union Cabinet approves DICGC Bill 2021 ensuring Rs 5 lakh for depositors

Media Coverage

Deposit Insurance and Credit Guarantee Corporation Bill, 2021: Union Cabinet approves DICGC Bill 2021 ensuring Rs 5 lakh for depositors
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 29 জুলাই, 2021
July 29, 2021
Share
 
Comments

PM Modi’s address on completion of 1 year of transformative reforms under National Education Policy, 2020 appreciated across India

Citizens praise Modi Govt’s resolve to deliver Maximum Governance