“নেস্নেল ক্রিএতর এৱার্দনা ঐখোয়গী ক্রিএতর কম্ম্যুনিতীগী তেলেন্ত শক খঙলি অমসুং মখোয়গী অপাম্বা অদু অফবা অওনবা অমা পুরক্না থাগৎপা ফোঙদোক্লি”
“নেস্নেল ক্রিএতর এৱার্দ আসিনা অনৌবা চহিচা অমা হৌদ্রিঙৈদা মদুগী আইতেন্দিতী অমা পীরি”
“দিজিতেল ইন্দিয়া কেম্পেননা কন্তেন্ত ক্রিএতরশিংগীদমক অনৌবা লম অমা শেমখি”
“ঐখোয়গী শিব অসি নতরাজনি, মহাক্কী দমরুনা মহেশ্বর সুত্র পুথোকই, মহাক্কী তানদবনা তান্থা অমসুং ক্রিএসনগী য়ুম্ফম থোনখি”
“মখোয়গী পোজিতিব ওইবা এক্সনশিংগা লোয়ননা সরকারদা কন্তেন্ত ক্রিএতরশিংদা মীৎয়েং থম্নবা হায়খি”
“নখোয়না আইদিয়া অমা পুথোক্লি, মদু ইন্নোভেৎ তৌরি অমসুং স্ক্রীনদা মদুবু থৱায় হাপ্পী। নখোয়না ইন্তর্নেৎকী MVPশিং ওইরি”
“কন্তেন্ত ক্রিএসন্না লৈবাক্কী অরানবা ৱাখল্লোনশিং শেমদোকপদা মতেং পাংগনি”
“ঐখোয়না দ্রগশিংনা পীরিবা অমাংবা অসিগী মতাংদা নহারোলগী মরক্তা এৱের্নেস পীরিবা কন্তেন্ত শেম্বা য়ারোইদ্রা? ঐখোয়না হায়বা য়াই – দ্রগস আর নোৎ কুল”
“ভারতনা দেমোক্রেসীদা চাদা চামা চাউথোকচবা পোক্তুনা চাউখৎপা লৈবাক অমা শেমগৎনবা ফিরেপ লৌখি”
“নখোয়না মালেম শিনবা থুংবদা ভারতকী দিজিতেল এম্বেসেদরনি। নখ
এৱার্দ অসিনা পোজিতিব ওইবা অওনবা অমা পুরক্নবা ক্রিএতিবিতী শীজিন্ননবগীদমক লোঞ্চপেদ অমা ওইহন্নবা হোৎনরি।

প্রধান মন্ত্রী, শ্রী নরেন্দ্র মোদীনা ঙসি নই দিল্লীগী ভারত মন্দপমদা অহানবা নেস্নেল ক্রিএতর্স এৱার্দ লান্থোকখ্রে‍। মহাক্না অথোইবশিংগা ঙাইহাক ৱারীশু শাখি‍। মনা অসি ক্রিএতিবিতীবু অফবা অহোংবা পুরক্নবগী পাম্বৈ অমা ওইনা শীজিন্ননবা লোঞ্চপেদ অমা ওইনা লান্থোকখিবনি‍।

 

‘নিউ ইন্দিয়া চেম্পিয়ন’ কাঙলুপকী ওইনা মনা অদু অভি অমসুং নিউদা পীখি‍। প্রধান মন্ত্রীনা মখোয়দা মতৌ করম্না ইচম চম্বা ৱাফমশিং ফোঙদোক্লগা মীৎয়েঙ তারিবশিংদা য়েংনিংবা ফাওহন্দুনা থম্বা ঙম্লিবনো হায়না হংখি‍। মখোয়না ফোঙদোরকখিবদা, প্রধান মন্ত্রীগী ৱা ফোঙদোকপগী মতৌগুম্না, করিগুম্বা ইচম চম্বা ৱাফম অমবু ইনর্জীগা লোয়ননা ফোঙদোক্লবদি, মীৎয়েঙ তারিবশিংনা মদু য়ানিংই হায়খি‍। প্রধান মন্ত্রীনা মখোয়বু শিংনবনা থল্লবা অদুগা য়াম্নসু মরুওইবা হীরমদা থবক পায়খৎপগীদমক থাগৎখি‍।

বেস্ত স্তোরীতেল্লর এৱার্দ কীর্থি হিস্তরী হায়না খঙনবা কীর্থিকা গোবিন্দস্বামীদা পীখি‍। মহাক্না পি.এম.গী খোঙ শোকপা মতমদা, প্রধান মন্ত্রীনা কোক নোনখি অমসুং কলাগী লমদা খোঙ শোকপা হায়বসি তোঙানবা অমনি অদুবু মহাক্তি মদুদা হৈনদবা পোকই, মরুওইনা ইচানুপী অমনা শোক্লকপদা হৈনদবা ফাওই হায়খি‍। মহাক্না হিন্দী ঙাংবদা মপুং ফাদবগী মতাঙদা ফোঙদোরকপা মতমদা, প্রধান মন্ত্রীনা ‘লৈবাক অসি অচৌবা লৈবাক অমনি অমসুং নহাক্না ঙাংলিবা ৱাফম অদু লৈবাকসিগী মফম খরদদি শোয়দনা তাগনি হায়রদুনা মহাক্না পাম্বা লোল অমদা হেক্তা ঙাংনবা হায়খি‍। মহাক্না প্রধান মন্ত্রীবু তামিল লোন খঙবিবা অমসুংং য়োকখৎপিবগীদমক থাগৎপা ফোঙদোকখি‍। মহাক্না প্রধান মন্ত্রীগী মফমদা পুৱারী অমসুং রাজনিতীগী মরক্তা লৈনরিবা মরী অমসুং মদুনা সোসিএল মীদিয়াদা মরক মরক্তা মীয়াম্না তাথিনা ঙাংলকপশিংগী মতাঙদা পাউদমখি‍। প্রধান মন্ত্রীনা হংবা ৱাহংগী পাউখুমদা, ঙসিগী ইনখৎলক্লিবা মীৎয়েঙ তারিবশিংনা ভারতকী অথোইবা মচৎকী মরমদা খঙবা পাম্মি হায়না মহাক্না হায়খি‍।

 

দিসরপ্তর ওফ দি ইয়র রনবীর অল্লাবাদিয়াদা পীখি‍। প্রধান মন্ত্রীনা রনবীরগী মফমদা তুম্বা ৱাৎপগী মতাঙদা মীয়ামদা খঙহন্নবা ৱাফম থমখি অমসুং মহাকসু হৌখিবা চহি কয়া নোংমদা পুং খরখক তুমদুনা লাক্লি হায়বা ৱাফমসু পনখি‍। পি.এম. মোদীনা য়োগ নিদ্রগী কান্নবশিংগী মতাঙদসু পনখি‍। মহাক্না রনবীরগী মফমদা মহাক্কী মায় পাকপগীদমক নুংঙাইবা ফোঙদোকখি‍।

ইস্রোগী হান্নগী সাইন্তিস্ত, অহমদবাদতগী মিস পঙ্কতী পান্দেনা মিসন লাইফকী পাউজেল শন্দোকপগীদমক গ্রীন চেম্পিয়ন এৱার্দ ফংখি‍। ৱারী শানবা মতমদা, প্রধান মন্ত্রীনা অহমদবাদকী মীয়াম্না পাক শন্না খঙনবা পাউতাক ৱারী অমা লীখি অমসুং মীয়াম্না অহৌবা খুবাক্কা লোয়ননা নুংঙাইনা তাখি‍। মিস পঙ্কতীনা মীয়ামদা জিরো ৱেস্ত পুরক্নবগীদমক মখোয়গী ফত্ত-হৌদিশিং নৈননবা অমসুং মখোয়গী য়ুমদগী থাদোরক্লিবা ফত্ত-হৌদিশিংগী ৱেস্ত ওদিত অমা তৌনবা ৱাফম থমখি‍। প্রধান মন্ত্রীনা মাগী মফমদা মিসন লাইফকী মরমদা মচা খায়না থিজিন্নবা ৱাফম থমখি অমসুং মীওইবগী পুন্সিবু অকোয়বগী ফীভমগা চুনবা মওংদা হিংনবা মহাক্না থমখিবা ৱাফমসু নিংশিংখি‍।

 

বেস্ত ক্রিএতিব এৱার্দ ফোর সোসিএল চেঞ্জ হৌজিক মতমগী মীরা হায়না খঙনবা জয়া কিশোরীদা লান্থোকখি‍। মহাক্না ভগবত গীতা অমসুং রামায়নগী ৱারীশিং মচা খায়না তমখি‍। মহাক্না “কথাকার” অমগী খোঙচৎকী মরমদা অমসুং মহাক্না মতৌ করম্না ঐখোয়গী নাৎকী ৱারীশিংগী ফজরবা ৱাফমশিং পুথোক্তুনা নহাশিংগী মরক্তা ইন্তরেস্ত পোকহল্লিবগে হায়বগী মতাঙদা শন্দোক্না তমখি‍। মহাক্না মীওই অমগী মপান্থোংগী ওইবা থৌদাংসু য়ানা-য়ানা ৱান্থোক লৈবা পুনন্সি অমা হিংবগী ওইথোকপশিংগী মতাঙদসু ৱাফম কয়া থমখি‍।

লক্স্য দবসনা ইনোভেসন অমসুং তেক্নোলোজী শীজিন্নদুনা লৌউ-শিংউগী থবক থৌওংশিংগী ফীভম ফগৎহন্নবা তৌখিবা থবক্কীদমক মোস্ত ইম্পেক্তফুল এগ্রি ক্রিএতরগী মনা ফংখি‍‍। মহাক্কী মনাউনুপানা মহাক্কী মহুৎ শিন্দুনা মনা অদু লৌখি অমসুং লৈবাকসিদা মহৌশাগী ওইবা লৌউ-পথাপকী মথৌ তাবা ৱাফমশিং পুথোক্তুনা থমখি‍। মহাক্না লৌমী ৩০,০০০০ হেনবদা মহৌশাগী লৌউ পথাপকী মরমদা অমসুং মহৈ মরোংশিংবু তিন তাবদগী ঙাকথোক্নবা পাম্বৈগী মতাঙদা ত্রেনিং পীখিবগী ৱাফম পাউদমখি‍। প্রধান মন্ত্রীনা হৌজিক্কী মতমসিদা অমসুং মহাক্কী চহি মতাঙদুদা চেল্লিবা ৱাখলবু থাগৎখি অমসুং মহাক্না লৌমী লাখ ৩ হেনববু মহৌশাগী লৌউ-পথাপ তৌনবা য়াহনখিবা মফমদুদা মহাক্কী মহৌশাগী লৌউ-পথাপকী মঙলান অদু পায়খৎনবগী ৱাফম খন্ননবা গুজরাতকী গভর্নর, শ্রী অচার্য় দেব্বরত জীগা উননবা ৱাফম থমখি‍। প্রধান মন্ত্রীনা মহৌশাগী অমসুং ওর্গানিক লৌউ-পথাপকী মতাঙদা মীয়ামদা লান্না থাজনবা লৈরিবশিং কোকহনবদা মহাক্না মতেঙ পাংনবা ৱাফমসু থমখি‍।

 

কলচরেল এম্বেসেদর ওফ দি ইয়র মনা ভারতকী তোঙান তোঙানবা লোলশিংদা ওরিজিনেল, কভর অমসুং নাৎকী ঈশৈশিং শকপা মাইথিলী থাকুরদা পীখি‍। প্রধান মন্ত্রীনা হায়জবগী মতুং ইন্না, মহাক্না মহাসিবরাত্রীগী থৌরমদা ভগবান সিব খুরম্বগী লাইশোল ঈশৈ অমা শকখি‍। প্রধান মন্ত্রীনা মহাক্কী মন কী বাত থৌরম অমদা পি.এম.না মমিং পনখিবা কেসান্দ্রা মেএ স্পিতমেনবু নীংশিংখি‍। মহাক্না ভারতকী লোল কয়াদা ঈশৈ শকই, মরুওইনা লাইশোল ঈশৈশিং শকই‍। ইকুই কুইদ্রিঙৈদা প্রধান মন্ত্রীগা উনখিবা অমদা, মহাক্না পি.এম. মোদীগী মমাঙদা অচ্যুতম কেসবম অমসুং তামিল ঈশৈ অমা শকখি‍।

বেস্ত ইন্তরনেস্নেল ক্রিএতর এৱার্দ, তাঞ্জানিয়াদগী কিরি পোল, অমেরিকাদগী দ্রু হিক্স, জর্মনীদগী কেসান্দ্রা মে স্পিতমেন হায়রিবা ক্রিএতর অহুমসিদা লান্থোকখি‍। দ্রু হিক্সনা মনা অদু পি.এম.দগী লৌখি‍। দ্রু হিক্সনা মহাক্কী ফজনা ঙাংবা হিন্দী অমসুং বিহারী লোন্দানা মোসিএল মীদিয়াদা মীয়াম্না খঙনবা ওইখি অমসুং ভারতকী লোলগী হৈশিংবগীদমক মিংচৎ ফংখি‍। মনা অদুগীদমক নুংঙাইবা ফোঙদোক্লদুনা, দ্রুনা মহাক মীয়ামবু নুংঙাইহনবা অমসুং ভারতকী মিংচৎ হেনগৎহনবা পাম্মি হায়খি‍। মহাক্না ভারতকী নাৎপু পাম্লিবা অসি মহাক্কী মপানা BHU অমসুং পত্নাগা লৈনরিবা মরীদগী লাকখিবনি হায়না পাউদমখি‍। প্রধান মন্ত্রী মোদীনা মহাক্কী মফমদা লাইবক ফবা ওইসনু হায়না থমখি অমসুং মহাক্কী ৱাহৈ পরেং খুদিংমক্না লৈবাকসিগী নহাশিংবু পুক্নিং থৌগৎলি হায়খি‍।

কর্লী তেল্সকী কামিয়া জানীদা বেস্ত ত্রাভেল ক্রিএতর এৱার্দ লান্থোকখি‍। মহাক্না চীঞ্জাক, কোয়না চৎপা অমসুং পুন্সি মহিংদা মীৎয়েঙ চঙলি অমসুং মহাক্কী ভিদিওশিংদা ভভারতকী ফজবা অমসুং খেন্নবা মতৌশিং উৎলি‍। মহাক্না ভারতকী ফজবশিংগী মতাঙদা ৱা ঙাংখি অমসুং ভারতনা মালেমগী পাফলদা মকোক থোংনা লৈবদুনা মহাক্কী পান্দম্নি হায়খি‍। মহাক্না লক্সদ্বী নৎত্রগা দ্বার্কা চৎপগী মতাঙদা চমম্নবা লৈবগী মতাঙদা ফোঙদোরকপদা, পপ্রধান মন্ত্রীনা দ্বারকাদা চৎকে হায়রবদি মীৎয়েঙ তারিবশিংনা নোক্লিবদুদা মনুং হঞ্জিন্না য়েংবা মথৌ তাগনি হায়খি‍। পি.এম. মোদীনা ঈরোন্নুংদা লৈখ্রবা দ্বারকা ময়োল্লম উবা ফংবদা মঙোন্দা লৈখিবা ইথিলবু নীংশিংখি‍। আদি কাইলাসতা চৎপদা মহাক্না থেংনরকখিবশিং লীরদুনা, প্রধান মন্ত্রীনা মফমদুগী অৱাংবা অমসুং লুনা লৈরিবা ৱাফমশিং মহাক্না থেংনরকখি হায়খি‍। মহাক্না ক্রিএতরশিংদা লাই নীংজবশিংবু লাই খুরুম্বখক নত্তনা শেংলবা মফমশিংবু মপুং ফানা খঙনবা পুক্নিং থৌগৎনবা ৱাফমসু থমখি‍। মহাক্না কোয়বা চৎপগী অপুনবা বজেতকী চাদা ৫-১০দি লমদমদুগী পোৎলমশিং লৈবদা চৎহনগদবনি হায়বা ৱাফমসু থমখি‍। মদুনা লমদমদুগী শেন্মিৎলোন্দা মতেঙ পাংবতা নত্তনা এক ভারত শ্রেস্থ ভারতকী ৱাখল্লোনবুসু হিংহন্দুনা থমগনি হায়না মহাক্না হায়খি‍। কামিয়ানা প্রধান মন্ত্রীবু লৈবাকসিগী লাইফমশিং অমুক নৌহৌননা শেমগৎপগীদমক থাগৎপা ফোঙদোকখি‍।

 

মকোক থোংবা য়ুত্যুবর অমা ওইরিবা ‘তেক্নিকেল গুরুজী’ গৌরব চৌধরীনা তেক ক্রিএতর এৱার্দ ফংখি‍। মহাক্না দিজিতেল ইন্দিয়ানা মহাক্কী চেনেলদা মশক থোক্না মতেঙ পাংই হায়না ফোঙদোকখি‍। “তরং তরংবা তুংলমচৎ অমগীদমক ঐখোয়না তেক্নোলোজীবু দিমোক্রেতাইজ তৌবা তাই‍। UPI অসি মীপুম খুদিংগী ওইবনা মসিগী অচৌবা খুদম অমনি‍। অসুম্না দিমোক্রেতাইজেসন তৌরবা মতমদতা মালেম অসিনা খুমাঙ চাওশিনগদৌরিবনি”, হায়না প্রধান মন্ত্রীনা হায়খি‍। গৌরবনা পেরিসতা UPI শীজিন্নবদা মহাক্না থেংনরকখিবশিং তমখি অমসুং ভারতকী পাম্বৈনা মালেমবু মতেং পাংলি হায়খি‍।

মলহার কলম্বেনা ২০১৭দগী হৌনা লু-নানবগী থৌদাং মাংজিল থানা য়াদুনা লাকপগীদমক স্বছ্চতা এম্বেসেদর এৱার্দ ফংখি‍। মহাক প্লাস্তিক পোলুসন অমসুং ক্লাইমেত চেঞ্জকী মরমদসু মীয়ামদা ৱাখল তাহল্লি‍। মহাক ‘বীচ প্লীজ’কী ফাউন্দরনি‍। প্রধান মন্ত্রীনা মলহারগী মফমদা ফাগি তৌরদুনা মফমসিদা তিল্লিবা ক্রিএতর কয়ানা চীঞ্জাক অমসুং মচি ওইবা মচলগী মরমদা ৱা ঙাংলি হায়খি‍। মহাক্না মহাক্কী খোঙচৎ অমসুং কেম্পেনশিংগী মতাঙদা শুগাইনা তাকখি অমসুং ফত্ত-হৌদি লৌথোকপগী মতাঙদা লৈরিবা ৱাখল্লোন হোংদোকপা মথৌ তাই হায়খি‍। প্রধান মন্ত্রীনা মহাক্না লেপ্তনা হোৎনরিববু শিংথাখি অমসুং লু-নানবগী ফীভম অমা পুরকপগীদমক মহাকপু থাগৎখি‍।

 

হেরিতেজ ফেসন আইকন এৱার্দ, ভারতকী ফেসনগী মতাঙদা ৱা ঙাংলিবা অমসুং ভারতকী সারীবু য়োকখৎলিবা চহি ২০খক্তা ঙায়রিবা ইন্সতাগ্রাম ক্রিএতর জান্বী সিংহদা পীখি‍। প্রধান মন্ত্রীনা তেক্সতাইলগী কৈথেল অসি ফেসনগা লোয়না চৎমিন্নৈ হায়খি অমসুং ক্রিএতর অদুবু ভারতকী তেক্সতাইলশিং য়োকখৎনবা হোৎনবগীদমক থাগৎখি‍। মহাক্না ভারতকী ৱাখল্লোনশিংবু সংস্কৃতী, শাস্ত্র অমসুং সারীগা লোয়ননা মাঙদা পুখৎনবা মহাক্কী পান্দম অমুক হন্না থমখি‍। প্রধান মন্ত্রীনা কোকয়েৎ, ফৈজোম অমসং কিশি কিবা মথৌ তাবা ফিরোলশিংগী রেদীমেদ ত্রেন্দ অমা লাক্লিবসিগী মতাঙদা পল্লদুনা, অসিগুম্বা পোৎলমশিং য়োখৎপগী মতাঙদা মহাক্কী ৱাখল্লোন থৌদোকখি‍। মহাক্না ভারতকী তেক্সতাইলগী ফজবা ৱাফমশিংসু থমখি‍। প্রধান মন্ত্রীনা ভারত মতম পুম্বদা ফেসনগী লমদা মাঙজিল থানা চৎলি হায়খি‍।

 

বেস্ত ক্রিএতিব ক্রিএতর – ফিমেল এৱার্দ শ্রদ্ধাগী মফমদা মহাক্কী মমিং লৈরবা লোল কয়াগী কোমেদী সেত অমসুং মীরোল খুদিংগা মরী লৈনবা মচাকশিং শেম্বগীদমক খুৎশিন্নখি‍। মনা অদু মহাক্কী ত্রেদমার্ক ‘ঐয়ো’গা লোয়ননা লৌখিবদা, প্রধান মন্ত্রীনা হন্দক্কী অসিনা মহাক্কা শ্রদ্ধাগা থেংনবা অনিরকশুবনি হায়খি‍। শ্রদ্ধানা মনা অসি মশা মশাগী য়ুমদগী কন্তেন্তশিং শেম্লিবশিংবু মশক খঙবিবনি হায়খি অমসুং অরুবা ৱাফমশিংদসু ফাগিগী মচাক ফংনবা মহাক্না চঙশিল্লিবা লম্বীগী মরমদসু পাউদমখি‍। শ্রদ্ধানা প্রধান মন্ত্রীবু ক্রিএতরশিংগা ৱারী শানবদা মহাক্কী খুদক্কী ওইবা ৱাহৈ ৱাতাশিংগীদমক থাগৎপা ফোঙদোকখি‍।

RJ রৌনক্না বেস্ত ক্রিএতিব ক্রিএতর – মেল এৱার্দ ফংখি‍। রৌনক্না মন কী বাত শন্দোক্তুনা প্রধান মন্ত্রীসু রেদিও ইন্দস্ত্রীদা মরুওইবা, রেকোর্দ থুগাইবা মীশক অমনি হায়খি‍। মহাক্না প্রধান মন্ত্রীবু রেদিও ইন্দস্ত্রীগী মহুৎ শিল্লগা থাগৎপা ফোঙদোকখি‍। রৌনক্না মহাক্কী ত্রেদমার্ক স্তাইল ‘বাউৱা’দসু ৱা ঙাংখি‍।

বেস্ত ক্রিএতর ইন ফুদ কেতেগরীগী মনা, মহাক্কী মথেল অমসুং থোং থাকপা তম্বিবগী মতৌনা দিজিতেল ওন্ত্রপ্রিন্যুর অমা ওইরকখিবা য়ুমগী নুপী অমা ওইরিবা কবিতা’স কিতচন্দা পীখি‍। মলহারগী মশা পাবা মতৌদা নুংনাংবা ৱাফম মখা তারদুনা, পি.এম.না ফাগি ওইনা কবিতাদা মহাকপু য়েংশিনবিনবা ৱাফম থমখি‍। মহাক্না থোং থাকপা অসি মরুওইবা পুন্সিগী স্কিল অমনি হায়বা ৱাফম থমখি‍। মহৈরোয়শিংনা চীঞ্জাক্কী মরুওইবা অমসুং চীঞ্জাক মাঙহনবগী মতাঙদা খঙহন্নবগীদমক মহৈশঙশিংনা মহৈরোয়শিংদা লৌউ-শিংউগী মতাঙদা ৱাখল তাহনবা মথৌ তাই হায়বা ৱাফমসু মহাক্না থমখি‍। প্রধান মন্ত্রীনা মীয়ামগী মফমদা কোয়বা চৎপা মতমদা লমদমদুগী চীঞ্জাকশিং চাংয়েং তৌগদবনি হায়খি‍। প্রধান মন্ত্রীনা চীঞ্জাক্কা মরী লৈনবা ক্রিএতরশিংনা চনান – শ্রী অন্নবু য়োকখৎনবা অমসুং মসিগী মচি ওইবা মচলশিং খঙহন্নবা ৱাফম থমখি‍। প্রধান মন্ত্রীঈনা তাইৱান্দা চৎপা মতমদা মনা মশিংগী চীঞ্জাক চানবগীদমক বুদ্ধিস্ত রেস্তোরেন্ত অমদা চঙনবা মঙোন্দা হায়রকখিববু নীংশিংখি‍। মহাক্না মফমদুদা য়েংবদা নন-ভেজিতরিয়ন মানবা মথেলশিং লৈরম্বা উবদা মহাক্না হংলুবদা, মখোয়দু লমদমদুগী মীয়ামবু অদুগুম্বা চীঞ্জাক্তুদা পুক্নিং চিংশিন্নবগীদমক মনা মশিংনা য়েন, হামেং অমসুং শা-ঙাগী মওং মান্নবা শেম্বনি হায়না মঙোন্দা হায়রকখি হায়না পাউদমখি‍।

 

নমন দেশমুখনা বেস্ত ক্রিএতর ইন এজুকেসন কেতগরী ফংখি‍। মহাক তেক অমসুং গেজেতকী মতাঙদা ইন্সতাগ্রাম ইনফ্লুএন্সর অমসুং কন্তেন্ত ক্রিএতর অমনি‍। মহাক্না তেক্নোলোজী, গেজেৎ, ফাইনান্স, সোসিএল মীদিয়া মার্কেতিংগী ৱাফমশিং কোনশিল্লি অমসুং মীৎয়েঙ তারিবশিংবু AI অমসুং কোদিংনচিংবা তেক্কা মরী লৈনবা হীরমশিংদা তাকপি তম্বিরি‍। মহাক্না প্রধান মন্ত্রীগী মফমদা তোঙান তোঙানবা ওনলাইন স্কামশিং অমসুং লৈঙাক্কী স্কীমশিংগী কান্নবা অমদি কান্নবা লৌনবগী লম্বীশিংগী মরমদা মীয়ামদা তাক্লিবা মহাক্কী কন্তেন্তশিংগী মরমদা পাউদমখি‍। প্রধান মন্ত্রীনা মহাকপু সেফ সর্ফিং অমসুং সোসিএল মীদিয়া প্রাক্তিসকী মতাঙদা মীয়ামদা পাক শন্না খঙহনবগীদমক থাগৎখি‍। প্রধান মন্ত্রীনা ক্রিএতরশিংদা অতল তিঙ্করিং লেবকী মরমদা কন্তেন্ত শেম্নবা ৱাফম থমখি‍। চন্দ্রয়ানগুম্বা মায় পাকপশিংনা অঙাংশিংগী মফমদা অনৌবা সাইন্তিফিক তেম্পর শেমগৎপনা মরম ওইরগা অঙাংশিংবু সাইন্সকী লম্বীদা চৎনবা পুক্নিং থৌগৎপিগদবনি হায়না ৱাফমসু মহাক্না থমখি‍।

প্রধান মন্ত্রীনা অঙ্কিৎ বাইয়নপুরিয়াদা বেস্ত হেল্থ এন্দ ফিৎনেস ক্রিএতর এৱার্দ খুৎশিন্নখি‍। অঙ্কিৎ ফিৎনেস ইনফ্লুএন্সর অমনি অমসুং অচৌবা শিংনবা ৭৫ মপুং ফানা পাঙথোকপগীদমক মমিং চৎলি‍। মহাক প্রধান মন্ত্রীগা খুৎশম্নরগা থবক তৌমিন্নখ্রে‍। অঙ্কিৎনা মীৎয়েঙ তারিবশিংগী মফমদা চাং নাইনা শাজেল তৌনবা অমসুং খল কায়দবা পুন্সি মহিং অমদা হিংনবা ৱাফম থমখি‍।

‘ত্রিগর্দ ইন্সান’ নিস্চয়দা গেমিং ক্রিএতর এৱার্দ খুৎশিন্নখি‍। মহাক দিল্লীদা লৈবা য়ুত্যুবর, লাইব-স্ত্রীমর অমসুং গেমর অমনি‍। মহাক্না প্রধান মন্ত্রীবু গেমিং ইন্দস্ত্রীবু মশক খঙবিবগীদমক থাগৎখি‍।

অরিদমন্দা বেস্ত মাইক্রো ক্রিএতর মনা লান্থোকখি‍। মহাক ভেদিক লাংবুমলোন অমসুং অরিবা ভারতকী লৌশিং পুক্কৈদা হৈথোই শিংথোইরবা মীশক অমনি‍। মহাক্না খেনচংলোন, লাইনিং অমসুং মীওই অমগী মতিক ময়ায় শেমগৎপগী লমদা থবক তৌরি‍। প্রধান মন্ত্রীনা খুবাক ময়ি য়েংবা শাবা মীওই অমনা অনরিজর্ব ত্রেন কম্পার্তমেন্ত অমদা কমদৌনা মতম খুদিংদা ফম্ফম ফংখিবগে হায়বগী পাউতাক ৱারী অমা লীদুনা তাহনখি‍। অরিদমন্না মহাক্না ধর্ম শাস্ত্রগী মরমদা কন্তেন্ত শেম্মি অমসুং ত্রোফী অসিদা ধর্ম চক্র, ব্রিসভ অমসুং সিম্হ য়াওদুনা শাস্ত্রগী মচাকশিং য়াওরি হায়বা ৱাফম থমখি‍। ঐখোয়না ধর্ম চক্রগী ফিদম ইনবা মথৌ তাই হায়না মহাক্না হায়খি‍। অরিদমন্না ভারতকী ফিজোলশিং শীজিন্নবগী মথৌ তাবশিংসু থমখি‍।

বেস্ত নেনো ক্রিএতর এৱার্দ, মীয়াম্না পাক্না খঙনদবা মফম, মীওই অমসুং লম লমগী কুমহৈশিংগী মরমদা খঙহল্লিবা চমোলী উত্তরাখন্দদগী পিয়ুস পুরোহিত্তা পীখি‍। প্রধান মন্ত্রীনা মন কী বাত্তা মহাক্না হায়বদগী চমোলীদগী নুপীমচাশিংনা কেরলাগী ঈশৈ অমা শকখিবা থৌদোক নীংশিংখি‍।

শার্ক তেঙ্ক ইন্দিয়াদা য়াওখিবগীদমক মমিং চৎখিবা boATগী ফাউন্দর অমসুং CEO, অমন গুপ্তদা বেস্ত সেলেব্রেতী ক্রিএতর এৱার্দ খুৎশিন্নখি‍। মহাক্না প্রধান মন্ত্রীগী মফমদা মহাক্কী কম্পেনী অদু ২০১৬দা স্তার্ত-অপ অমসুং স্তেন্দ-অপ ইন্দিয়া হৌদোকখিবা মতমদা হৌখিবনি হায়না পাউদমখি‍।    তেনখ্রবা মতমসিদা, মহাক্কী কম্পেনী অসিনা মালেমগী খ্বায়দগী চাউবা ওদিও ব্রান্দশিংগী মরক্তা অমা ওইরে হায়না মখা তাখি‍।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Union Budget 2024: A blueprint for India's manufacturing renaissance

Media Coverage

Union Budget 2024: A blueprint for India's manufacturing renaissance
NM on the go

Nm on the go

Always be the first to hear from the PM. Get the App Now!
...
Prime Minister meets former Prime Minister Shri HD Devegowda
July 25, 2024

The Prime Minister, Shri Narendra Modi met with former Prime Minister Shri HD Devegowda at 7, Lok Kalyan Marg in New Delhi.

In a X post, the Prime Minister said;

“It was an honour to meet former Prime Minister, Shri HD Devegowda Ji at 7, Lok Kalyan Marg. His wisdom and perspective on various subjects are deeply valued. I am also thankful for the artwork that he gave me, taking my mind back to my recent visit to Kanyakumari. @H_D_Devegowda @hd_kumaraswamy”