প্রধান মন্ত্রী শ্রী নরেন্দ্র মোদীনা ঙসি হরিয়ানাগী কুরুক্ষেত্রদা পাঙথোকপা শ্রী গুরু তেগ বহাদুর জীগী ৩৫০ শুবা সহীদি দিবসকী থৌরম অমদা ৱা ঙাংখ্রে। থৌরমদুদা ৱা ঙাংলদুনা, প্রধান মন্ত্রীনা ঙসি অসি ভারতকী পারী পুরীগী লনগী শিংথানিংঙাই ওইরবা ইতিনফম অমা ওইরে হায়খি। অয়ুক্তা মহাক রামায়নগী সহর অয়োধ্যাদা চৎলুই অদুগা হৌজিক্না গীতাগী সহর কুরুক্ষেত্রদা লৈরি। মীপুম খুদিংমক্না শ্রী গুরু তেগ বহাদুর জীগী মফমদা মহাক্কী ৩৫০ শুবা লৈখিদবগী নুমিত্তা শ্রদ্ধাঞ্জলি কৎলি। প্রধান মন্ত্রীনা লম্বোইবশিং য়াওরিবশিং অমদি থৌরমদুদা তিল্লিবা মীয়ামগী মফমদা কোক নোনখি অমদি পুম্নমক্কী মফমদা ইকায়খুম্নবা ফোঙদোকখি।
চহি ৫-৬ কী মমাঙদা অতোপ্পা তান চানবা থৌদোক অমা থোকখি হায়না নীংশিংলদুনা, শ্রী মোদীনা নবেম্বর ৯, ২০১৯ দা সুপ্রিম কোর্তনা রাম মন্দিরগী মতাঙদা ৱায়েল পীখিবা মতমদা মহাক কর্তারপুর কোরিদোর শঙ্গাবগীদমক দেরা বাবা নানক্তা লৈ হায়খি। প্রধান মন্ত্রীনা নুমিৎ অদুদা মহাক রাম মন্দির শাবগী লম্বী হাংহনবিনবা অমদি রামগী মনাই করোর কয়াগী অনিংবা অপাম্বা ফংহনবিনবা লাই খুরুমদুনা লৈখি হায়খি। নুমিৎ অদুমক্তদা রাম মন্দিরগী নাকলদা ৱায়েল তারক্তুনর মী পুম্নমক্কী লাই খুরুম্বগী মহৈ ফংখি। হৌজক্না, অয়োধ্যদা ধর্ম দ্বজ লিংখৎখিবা মতমদা, মহাক্না সিখ সঙ্গৎকী থৌজাল ফংজনবা তাঞ্জা অমুকসু ফংখি হায়না প্রধান মন্ত্রীনা ফোঙদোকখি।
মতম খরগী মমাঙদা কুরুক্ষেত্রগী লমদমদা ‘পঞ্জচন্য মেমোরিএল’ শঙ্গাখি হায়না শ্রী মোদীনা ফোঙদোকখি। লমদম অসিমক্তদনি ভগবান শ্রী কৃষ্ণনা অশেংবা অমদি অচুম্বা ৱায়েল ঙাকপনা খ্বায়দগী ৱাংবা থৌদাংনি হায়না লাউথোকখিবা। কৃষ্ণগী ৱাফমশিং পারদুনা, শ্রী মোদীনা অচুম্বা লম্বীগীদমক অমদি মশাগী মথৌদাংগীদমক মপুন্সি কত্থোকপনা অথোইবনি হায়খি। শ্রী গুরু তেগ বহাদুর জীসু অচুম্বা, ৱায়েল, অমদি নাৎ লাইনিংনা মহাক্কী মথৌদাং ওইখিবনি, অমদি থৌদাং অসিগীবু মহাক্না মপুন্সি কত্থোক্তুনা ঙাকখি। পুৱারী ওইরবা মীৎকুপ অসিদা, ভারত লৈঙাক্না শ্রী গুরু তেগ বহাদুর জীগী খুয়াখাদা নীংশিং পোস্তেজ স্তাম্প অমা অমদি অখন্নবা শেনয়েক অমা কৎচনবা খুদোংচাবা ফংজরি হায়খি। প্রধান মন্ত্রীনা লৈঙাক অসিনা গুরুগী চৎনবীবু মতৌ অসুম্না থৌগল মখা তৌবা পাম্মী হায়না ফোঙদোকখি।
শেংলবা কুরুক্ষেত্রগী লমদম অসি সিখ চৎনবীগী মরুওইবা মফম্নি সিখ চৎনবীগী গুরু অয়াম্বনা মখোয়গী শেংলবা খোঙচৎ মতমদা মফম অসিদা লাক্লম্মি। মাপন শুবা গুরু শ্রী গুরু তেগ বহাদুর জীনা শেংলবা লমদম অসিদা লাকখিবা মতমদা, মহাক্না পরৈ চেৎপা অমদি অকিবা লৈতবা থৌনাগী অচৌবা মমি অমা তাহল্লম্মি হায়না প্রধান মন্ত্রীনা ফোঙদোকখি।
“শ্রী গরুরু তেগ বহাদুর জীগুম্বা মীওইশিং অসি পুৱারীদা অতাংবনি, অমদি মহাক্কী পুন্সি, কত্থোকপা, অমদি লীচৎনা পুক্নিং থৌগৎনিংঙাইগী অচৌবা হৌরকফম অমা ওইরি,” হায়না শ্রী মোদীনা ফোঙদোকখি। মুঘল লমলৌ মতমদা গুরু সাহিবনা থৌনা ফবগী ফিদম অমা ওইরম্মি। শ্রী গুরু তেগ বহাদুর জীনা থৱায় কত্থোকত্রিঙৈ মমাঙদা, কাস্মিরী হিন্দুশিংবু মুঘলগী তমথিবশিংনা নমদুনা ইস্লাম লাইনিংদা ওলহনখি। লাংফম অদুদা, মীওৎ মীনৈ নংলবা মীওই কাংলুপ খরনা গুরু সাহিবকী মতেং নিখি। গুরু সাহিবনা মখোয়দা ঔরঙ্গজেবকী মফমদা শ্রী গুরু তেগ বহাদুর মশামক্না ইস্লাম লাইনিং লৌরবদি মখোয়সু লাইনিং অদু লৌগনি হায়য়ু হায়নবা খঙহনখি হায়না প্রধান মন্ত্রীনা ফোঙদোকখি।
ৱাহৈশিং অসিদা শ্রী গুরু তেগ বহাদুর জীগী অকিবা লৈতবা মতৌগী মতোল লোম্বা মশক্কী মমি তাই হায়না শ্রী মোদীনা হায়খি। লৈরম্বা অকিবা অদুমক তুংদা থোক্লকখি, তমথিরবা ঔরঙ্গজেবনা গুরু সাহিবপু ফানবা য়াথং তাউথখি, অদুবু গুরু সাহিব মশামক্না দিল্লীদা চৎকনি হায়বগী ফিরেপ লাউথোকখি। মুঘল লৈঙাকপশিংনা মহাকপু মীৎ থক্কৎহন্দুনা চিংশিন্নবা হোৎনখি, অদুবু শ্রী গুরু তেগ বহাদুরনা খোঙফম হন্দনা লেপখি অমদি মহাক্কী লাইনিং অমদি পরম মাংহল্লু হায়বা য়াখিদে। মহাক্কী খোঙফম হন্দোকহন্নবা অমদি মহাক্কী লম্বীদগী নাথৈহন্নবা, মুঘলশিংন. মহাক্কী খোঙবু অহুম – ভাই দয়ালা জী, ভাই সতি দাস জী, অমদি ভাই মাতি দাস জীবু মহাক্কী মীৎমাঙদা হাৎখি। মতমদুদা ফাওবা গুরু সাহিবনা খোঙফম হন্দনা লেপখি, মহাক্কী ফিরেপ হোংখিদে। গুরু সাহিবনা ধর্মগী লম্বী থাদোকখিদে অমদি চেৎনা হীরি কোন্দুনা লাইনিং ঙাক্নবগীদমক মপুন্সি কত্থোকখি হায়না প্রধান মন্ত্রীনা ফোঙদোকখি।
মুঘলশিংনা মদুদা লেপখিদে, মখোয়না গুরু মহারাজগী শেংলবা লুরেলবু ইকায়বা পীনবা হোৎনখি হায়না প্রধান মন্ত্রীনা মখা তাখি। ভাই জাইতা জীনা মহাক্কী থৌনাগা লোয়ননা, গুরুগী লুরেলবু অনন্তপুর সাহিবতা পুরকখি। শ্রী গুরু গোবিন্দ সিংহ জীগী ৱাহৈশিং নীংশিংলদুনা, লাইনিংগী শেংলবা চন্দনবু ঙাক্তুনাথমখি, মীয়ামগী থাজববু মীওৎ মীনৈদগী ঙাকখি, অমদি মসিগীদমক গুরু সাহিবনা পুম্নমক কত্থোকখি হায়না প্রধান মন্ত্রীনা ফোঙদোকখি।
ঙসি গুরু সাহিবকী মপুন্সি কত্থোকলম্বা মফম অদুদা দিল্লীগী সিস গঞ্জ গুরুদ্বারা লিংদুনা পুক্নিং থৌগৎনফমগী অহিংবা খুভম অমা ওইনা লৈরি হায়রদুনা, প্রধান মন্ত্রীনা অনন্দপুর সাহিবকী খুভম অসি ঐখোয়গী লৈবাক্কী পুক্নিং ৱাখলগী মতিক্কী মফম অমা ওইরি হায়খি। ঙসি ওইরিবা ভারতকী শক্তম অসিমক গুরু সাহিবকুম্বা অথোইবা মীওইশিংগী কত্থোক্লম্বশিংদুগী মমি অদুনি। শ্রী গুরু তেগ বহাদুর জীনা মথৱায় কত্থোক্লম্বা অদুননি ঙসি মহাকপু ‘হিন্দ দি চাদর’ হায়না কোক নোন্নরিবা হায়না মহাক্না ফোঙদোকখি।
“ঐখোয়গী গুরুশিংগী চৎনবীনা লৈবাক অসিগী মচৎ, নাৎ অমনি নুংগী ৱাখল্লোনগী য়ুম্ফম থোল্লিবনি”, হায়রদুনা শ্রী মোদীনা হৌখিবা চহি ১১ অসিদা লৈঙাক অসিনা শেংলবা চৎনবী অসিবু অমদি সিখকী কুমহৈশিংবু লৈবাক্কী কুমহৈ ওইহল্লকপদা অপেনবা ফোঙদোকখি। প্রধান মন্ত্রীনা মহাক্কী লৈঙাক্না শ্রী গুরু নানক দেব জীগী ৫৫০ শুবা প্রকাস পর্ব, শ্রী গুরু তেগ বহাদুর জীগী ৪০০ শুবা প্রকাস পর্ব, অমদি গুরু গোবিন্দ সিংহ জীগী ৩৫০ শুবা প্রকাস পর্বপু ভারতকী অমত্তা ওইবা অমদি অপুনবগী শক্তমগী কুমহৈ ওইনা পাঙথোক্নবা খুদোংচাবা ফংখি হায়খি। লৈবাক পুম্বদগী মীওইশিংনা মখোয়গী লাইনিং, চৎনবী, অমদি থাজবগী ৱাংমা লান্দুনা কুমহৈশিং অসিদা শরুক য়াখি।
মহাক্কী লৈঙাক্না গুরুশিংগা মরী লৈনবা শেংলবা খুভমশিংবু খ্বায়দগী অথোইবা অমদি. শেংলবা শক্তম ফংহন্নবা খুদোংচাবা ফংজখি হায়রদুনা, শ্রী মোদীনা হৌখিবা দেকেদ অসিদা মহাক্না গুরুগী চৎনবীগী মরী শাগৎনবা তাঞ্জা কয়া ফংখি হায়খি। মতম খরগী মমাঙদা, গুরু গ্রন্থ সাহিবকী অশেংবা শক্তম অহুম অফগানিস্তান্দগী ভারত্তা য়ৌরকখিবা মতম অদু মীপুম খুদিংমক্কী চাউথোকচনিংঙাইগী মীৎকুপ অমা ওইখি হায়না প্রধান মন্ত্রীনা নীংশিংখি।
লৈঙাক অসিনা - কর্তারপুর কোরিদোরগী থবক লোইশিনবা, হেমকুন্দ সাহিবকী রোপৱে প্রোজেক্ত শাবা, নৎত্রগা অনন্তপুর সাহিবতা বিরাসত-ই-খাল্সা ম্যুজিয়ম চাউথোকপবু ওইরবসু – মতমসিগী ভারতকী মঙলানগা লোয়ননা গুরুগী শেংলবা মফম খুদিংমক শম্নহন্নবা থৌরাং পায়খৎলি অমদি হোৎনরিবা পুম্নমক অসি গুরুশিংগী চাউরবা চৎনবীদনা পুক্নিং থৌগত্তুনা মপুং ফানা কত্থোকপগা লোয়ননা মায় পাক্নবা হোৎনরি হায়না শকরী মোদীনা ফোঙদোকখি।
মুঘলশিংনা মতৌ করম্না থৌনা ফরবা সাহিবজাদা ফাওবা য়াওনা তমথিবগী পনখৈ পুম্নমক লানথোকখিবা ঐখোয় পুম্নমক্না খঙই, সাহিবজাদাশিংনা হিংনা হিংনা চেক চনশিনবদা য়াজখি, অদুবু মখোয়গী থৌদাং নৎত্রগা লাইনিংগী লম্বী থাদোকখিদে, অসিগুম্বা ফিদমশিংবু ইকায়খুম্নবা ওইনা ঐখোয়না চহি খুদিং দিসেম্বর ২৬ তা বীর বাল দিবস পাঙথোক্লি হায়না প্রধান মন্ত্রীনা ফোঙদোকখি। লৈঙাক অসিনা সিখকী চৎনবী অমদি গুরুশিংনা তাকপি তম্বিরম্বশিংগী পুৱারীবু লৈবাক্কী করিকুলমদা হাপ্তুনা থৌগল, থৌনা, অমদি অচুম্বনা অনৌবা মীরোলগী ৱাখল খন্নবগী য়ুম্ফম ওইহন্নবা হোৎনরি হায়খি।
প্রধান মন্ত্রীনা মীপুম খুদিংমক্না ‘জোদা সাহিব’ খুরুম্লম্লগনি হায়না থাজবা ফোঙদোকখি। মহাক্কী মন্ত্রী মন্দলগী খোঙবু অমদি কেন্দ্র মন্ত্রী শ্রী হরদীপ সিংহ পুরিনা মরুওইবা অরিবা পোৎলমশিংগী মরমদা মহাক্কা অহানবা ওইনা ৱা তানখিবা মতমদা মহাক্কী ইমুংনা গুরু গোবিন্দ সিংহ জী অমদি মাতা সাহিব কৌর জীগী শেংলবা ‘জোদা সাহিব’ পু চহি চাহুমলোম ঙাক শেন্দুনা থম্লক্লি হায়খি। হৌজিক্তি শেংলবা পারী পুরীগী লন অসি লৈবাক পুম্বা অমদি মালেম পুম্বদা লৈরিবা সিখ ফুরুপকী মফমদা কত্থোকখ্রে। মদুগী তুংদা, শেংলবা ‘জোদা সাহিব’ তুংগী মীরোলগীদমক ঙাক্তুনা থম্নবগীদমক ইকায়খুম্নবা চপ চানা ঙাক্তুনা সাইন্তিফিক ওইবা মওংদা য়েংশিনখি। ফংলকখিবা ৱাফম খুদিংমক য়েংলগা, শেংলবা ‘জোদা সাহিব’ অদুবু গুরু মহারাজনা মহাক্কী অঙাং ওইরিঙৈগী শাংলবা মতম লেল্লমখিবা তখ্ত শ্রী পত্না সাহিবতা কত্থোক্নবা পুন্না ফিরেপ লৌখি। মমাঙ থাদা, শেংলবা খোঙচৎ অমগী মনুং চন্না, ইকায়খুম্নরবা ‘জোদা সাহিব’ পু দিল্লীদগী পত্না সাহিবতা পুখি, অমদি মফমদুদা মহাকসু মখোয়গী মফমদা কোন নোঞ্জনবগী খুদোংচাবা ফংখি হায়না প্রধান মন্ত্রীনা ফোঙদোকখি। মহাক্না মসিবু শেংলবা পারী পুরীগী লন অসিগী থৌগল তৌনবা, মসিদা পুক্নিং লুপচনবা, অমদি মরী শাগৎনবা গুরুশিংগী অখন্নবা থৌজাল পীনবিবনি হায়না লৌই হায়খি।
শ্রী গুরু তেগ বহাদুর জীগী নীংশিং ৱারী কয়ানা ঐখোয়দা ভারতকী নাৎ অসি কয়া য়াম্না পাক চাউখ্রবা, থৌজাল লৈরিবা অমদি মীওইবগী মচত্তা য়ুম্ফম ওইবগে হায়বদু খঙহল্লি হায়রদুনা, শ্রী মোদীনা গুরু সাহিবনা মহাক্কী পুন্সিদা সর্বত দা ভলাগী লাৱা ঙাক্না চৎখি হায়খি। ঙসিগী থৌরম অসি হৌখ্রবা ৱারীশিং অমদি মদুনা তম্বিরিবা পারাবু ইকায়খুম্ননবা মীৎকুপ অমখক্ত নত্তনা ঐখোয়গী ঙসি অমদি তুংলমচৎকী মরুওইবা পুক্নিং থৌগৎনফম অমসু ওইরি হায়খি। গুরু সাহিবনা তাকপিরম্বশিং নীংশিংলদুনা, শিংনবা কয়া মায়োক্নরকপদা খোঙফম হন্দনা লেপলিবা মীওইদুনা তশেংনা লৌশিং লৈবা অমদি অচুম্বগী খোঙ্গুল লীবা মীওইনি হায়খি। অসিগুম্বা পুক্নিং থৌগৎনিংঙাই ওইরবা ৱাফমশিং অসিগা লোয়ননা ঐখোয়না শিংনবা খুদিংমক থেংনগদবনি অমদি ঐখোয়গী লৈবাক অসিবু মাঙদা পুখত্তুনা চাওখৎপা ভারত অমা শেমগদবনি হায়খি। গুরু সাহিবনা ঐখোয়দা কনাগুম্বা অমত্তদা অকিবা পীরোইদবনি অমদি কনাগুম্বা অমত্তবু কিদুনা হিংলোইদবনি হায়বা ৱাফমসু তমবিরম্মি। অসুম্না কিদবা মতৌনা খুন্নাই অমদি লৈবাক অসিগী মপাঙ্গল হাপ্লি, অমদি ঙসি ভারতনা পরম অসি ইন্দুনা চৎলি। ভারতনা মাগী ঙমখৈ ঙাক্না ঙাক্না মালেমগী মফমদা মচিন মনাও ওইবগী মরী শেমগৎনবা ৱা ঙাংলি। ভারতনা ইং-তপ্পা পামজরবসু, মসিনা মাগী ঙাকশেলদা কৈদৌঙৈদা য়াশিন্নদে, মসিগী খ্বায়দগী চাউবা খুদম্না ওপরেসন সিন্দুরনি। মালেম পুম্বনা অনৌবা ভারতনা কিসু কিদে, লেপসু লেপ্তে, তেরোরিজমদা চঙজবসু তৌদে হায়বা উখ্রে। ঙসিগী ভারতনা মপাঙ্গল, মথৌনা মপুং ফানা অমদি তশেং তশেংবা মীৎয়েঙগা লোয়ননা মাঙদা চঙশিল্লি হায়না প্রধান মন্ত্রীনা মখা তাখি।
মরুওইখ্রবা মীৎকুপ অসিদা প্রধান মন্ত্রীনা ঙসিগী খুন্নাই অমদি নহাশিংদা য়াম্না মরু ওইবা, অমদি গুরু সাহিবনসু. ৱাজরম্বা ৱাফম – লায়চুবা অমদি দ্রগকী মতাঙদা ৱাফম খরা থম্নিংই হায়খি। নিশাদা লায়চুবগী হৈনবীনা নহা কয়াগী মঙলানশিংবু অরুবা কোমদা ইন্থরি। লৈঙাক অসিনা ৱাফম অসিবু মরু ফংনা মুত্থৎনবা হোৎনবা য়াবা খুদিংমক হোৎনরি হায়রদুনা, প্রধান মন্ত্রীনা ৱাফম অসিমক খুন্নাই অমদি ইমুং কয়াগী লান্থেং অমসুনি হায়খি। অসিগুম্বা মতমসিদা, শ্রী গুরু. তেগ বহাদুর সাহিবনা তাকপি তম্বিরম্বশিংনা পুক্নিং থৌগৎনফম অমদি পাম্বৈ পুরক্নবা লম্বী অনিমক ওইরি। গুরু সাহিবনা অনন্দপুর সাহিবতগী মহাক্কী খোঙচৎ হৌরকপা মতমদা, মহাক্না য়াম্লবা খুঙ্গং কয়া শঙ্গৎকী খুত্থাঙদা মরী শাগত্তুনা মখোয়গী লাইনিং অমদি পুক্নিং লুপ্পা মতৌবু পাকথোক চাউথোকহল্লম্মি অমদি খুন্নাইগী মচৎপুসু হোংদোকখি। খুঙ্গংশিং অসিগী মীয়াম্না নিশা থাবগী থবক পুম্নমক থাদোকখি অমদি মখোয়গী তুংলমচৎ গুরু সাহিবকী খুয়াখাদা লুপখি। গুরু মহারাজনা তাকপিরম্বা লম্বীদা চত্তুনা খুন্নাই, ইমুংশিং অমদি নহাশিংনা পুন্না নিশাদা লায়চুবগী মায়োক্তা লেপমিন্নরবদি, ফীভম অসি মরু ফংনা মুত্থৎপা ঙমগনি হায়না প্রধান মন্ত্রীনা ফোঙদোকখি।
প্রধান মন্ত্রীনা শ্রী গুরু তেগ বহাদুর সাহিবনা তাকপি তম্বিরম্বশিংনা ঐখোয়গী থৌওংদা ইং-তপ্পগী য়ুম্ফম ওইহনগদবনি, ঐখোয়গী খুজিল থৌরাং খল চাহনগদবনি, অমদি ঐখোয়গী খুন্নাইদা থাজবা থমগদবনি হায়বসিনা থৌরম অসিগী ৱাখল্লোন ওইগদবনি হায়খি। শ্রী গুরু তেগ বহাদুরনা মথৱায় কৎখিবা মতৌবু লৈবাক পুম্বনা ফিদম্নফম ওইনা লৌনরিবা অসিদা গুরুনা তাকপি তম্বিরম্বশিংনা ঙসিসু খুন্নাইগী ৱাখল্লোন ওইরি হায়বগী মমি তাই। ৱাখল্লোন অসিগা লোয়ননা, কুমহৈ অসিনা নহাশিংগী মফমদা ভারতপু মাঙদা পুখৎনবা ৱাহন্থোক লৈবা ফিদম ওইহনগদবনি হায়রদুনা প্রধান মন্ত্রীনা পুম্নমক্কী মফমদা অমুক্কা হন্না য়াইফ পাউজেল পীখি।
হরিয়ানাগী গভর্নর, প্রোফেসর অসিম কুমার ঘোস, হরিয়ানাগী মুখ্য মন্ত্রী, শ্রী নায়ব সিংহ সাইনি, কেন্দ্র মন্ত্রী, শ্রী মনোহর লাল, শ্রী রাও ইন্দরজিৎ সিংহ, শ্রী কৃষ্ণ পালসু থৌরমদুদা অতৈ মীথুংশিংগা লোয়ননা শরুক য়াখি।
বেকগ্রাউন্দ
প্রধান মন্ত্রীনা ভগবান কৃষ্ণগী শেংলবা মোইবুংবু ইকায়খুম্নদুনা নৌনা শাগৎখিবা ‘পঞ্চজান্য; শঙ্গাখি। মদুগী তুংদা, মহাক্না নীংথিরবা নাৎ অমদি লাইনিংগী মরুওইবা ৱাফমশিং উৎলিবা মহাভারতকী মরুওইবা তাঙ্ককশিং তাকপা পোৎলমশিং য়াওবা পুক্নিং লুপ্নিংঙাই ওইরবা এক্সপিরিমেন্তেল সেন্তর, মহাভারত অনুভব কেন্দ্রদা চৎখি।
প্রধান মন্ত্রীনা ইকায়খুম্নরবা মাপলশুবা সিখ গুরু শ্রী গুরু তেগ বহাদুর জীগী ৩৫০ শুবা সহীদি দিবসকা মরী লৈননবা পাঙথোকপা অখন্নবা থৌরম অমদা শরুক য়াখি। থৌরম অদুদা, প্রধান মন্ত্রীনা ইকায়খুম্নরবা গুরুগী ৩৫০ শুবা সহীদি দিবসকা মরী লৈননা পুথোকপা অখন্নবা শেনয়েক অমদি নীংশিং স্তাম্প অমা ফোঙখি। গুরু তেগ বহাদুরগী ৩৫০ শুবা সহীদি দিবস ইকায়খুম্নবা ওইনা ভারত লৈঙাক্না চহি অমা চুপ্না থৌরমশিং পাঙথোক্লি।
Click here to read full text speech
श्री गुरु तेग बहादुर जी जैसे व्यक्तित्व...इतिहास में विरले ही होते हैं।
— PMO India (@PMOIndia) November 25, 2025
उनका जीवन, उनका त्याग, उनका चरित्र बहुत बड़ी प्रेरणा है।
मुगल आक्रांताओं के उस काल में, गुरु साहिब ने वीरता का आदर्श स्थापित किया: PM @narendramodi
हमारे गुरुओं की परंपरा… हमारे राष्ट्र के चरित्र, हमारी संस्कृति और हमारी मूल भावना का आधार है: PM @narendramodi
— PMO India (@PMOIndia) November 25, 2025
हम सभी जानते हैं कि कैसे मुगलों ने... वीर साहिबजादों के साथ भी क्रूरता की सारी सीमाएं पार कर दी थीं।
— PMO India (@PMOIndia) November 25, 2025
वीर साहिबजादों ने दीवार में चुना जाना स्वीकार किया... लेकिन अपने कर्तव्य और धर्म का मार्ग नहीं छोड़ा।
इन्हीं आदर्शों के सम्मान के लिए, अब हम हर साल 26 दिसंबर को वीर बाल दिवस…
हमारी सरकार ने गुरुओं के हर तीर्थ को आधुनिक भारत के स्वरूप से जोड़ने का प्रयास किया है।
— PMO India (@PMOIndia) November 25, 2025
करतारपुर कॉरिडोर का काम पूरा कराना हो,
हेमकुंड साहिब में रोप वे प्रोजेक्ट का निर्माण करना हो,
आनंदपुर साहिब में विरासत-ए-खालसा संग्रहालय का विस्तार हो,
हमने गुरुजनों की गौरवशाली परंपरा को…
कुछ समय पहले, जब अफगानिस्तान से... गुरु ग्रंथ साहिब के तीन मूल स्वरूप भारत आए थे... तो ये हर देशवासी के लिए गौरव का क्षण बना था: PM @narendramodi
— PMO India (@PMOIndia) November 25, 2025
पिछले महीने, एक पावन यात्रा के रूप में गुरु महाराज के ये पावन ‘जोड़ा साहिब’ दिल्ली से पटना साहिब ले जाए गए।
— PMO India (@PMOIndia) November 25, 2025
और वहां मुझे भी इन पवित्र ‘जोड़ा साहिब’ के सामने अपना शीश नवाने का अवसर मिला।
मैं इसे गुरुओं की विशेष कृपा मानता हूं कि उन्होंने मुझे इस सेवा का, इस समर्पण का और इस…
नशे की आदत ने हमारे अनेक नौजवानों के सपनों को, गहरी चुनौतियों में धकेल दिया है।
— PMO India (@PMOIndia) November 25, 2025
सरकार इस समस्या को जड़ से समाप्त करने के लिए सारे प्रयास भी कर रही है। लेकिन यह समाज की, परिवार की भी लड़ाई है: PM @narendramodi
