ঙসি ন্যু দিল্লিদা প্রধান মন্ত্রী শ্রী নরেন্দ্র মোদী ই.তি নাউ গ্লোবেল ব্যুজিনেস সম্মিৎ ২০২৬ দা ৱা ঙাংখ্রে। থৌরম অদুদা প্রধান মন্ত্রীনা গ্লোবেল ব্যুজিনেস সম্মিৎতা শরুক য়ারিবশিংদা য়াইফ পাউজেল পীখি অমসুং মীফম অসিগী থিম-‘অপনবা পীবা চহি ১০, অহোংবা পুরকপা চহিচা’ হায়বসিগী মতাংদা ৱা ঙাংখি। মহাক্না হায়খি মদুদি মালেমগী লাইচৎ, তোঙান তোঙানবা লৈবাকশিংদা মুক্নবা অমসুং লালশিং অমসুং মালেমগী খল কাইহনবা সপ্লাই চেনশিং লেপ্পা য়াওনা মমাঙদা অমুক্ত উখিদ্রিবা খুদোংচাদবা কয়া উবা ফংখি।
অৱাবশিং অদুনা লৈবাক অমগী অশেংবা মপাঙ্গল উৎথোক্লে অমসুং হায়রিবা খুদোংচাদবশিং অসি থেংনরবসু, চৎলিবা চহি ১০ দা ভারত মমাঙদা অমুক্ত ওইখিদ্রিবা ফিবমদা চাউখৎলে, খুদোংচাবশিং মপুংফানা ফংহনবা অমসুং পায়খৎলিবা থবকশিংনা ঐখোয়গী গনতন্ত্র মপাঙ্গল কনখৎহল্লে। হৌখিবা চহি ১০ গী হৌরকপদা, ভারত ১১শুবা খ্বাইদগী চাউবা ইকোনোমি ওইখি অমসুং ফিবম শোকচিল্লক্কনি হায়বগী অকিবা মরক্ত ঙসিদি ভারত য়াংনা চাউখৎলক্তুনা মালেমদা অহুমশুবা খ্বাইদগী চাউবা ইকোনোমি ওইরে। চহিচাগী অহোংবা পুরক্নবগীদমক ভারতনা মরুওইবা য়ুম্ফম অমা ওইরগনি। হৌজিক ভারতনা মালেমগী চাউখৎপদা চাদা ১৬ হেন্না মতেং পাংলি অমসুং মসিগী মতেং অসি লাক্লিবা চহিশিংদা হেনগৎলক্কনি হায়বগী থাজবা লৈরি। ভারতনা মালেমগী চাউখৎপদা লমজিংগনি অমসুং মালেমগী শেন্মিৎলোনগী অনৌবা ইঞ্জিন অমা ওইরক্লে।
প্রধান মন্ত্রীনা হায়খি মদুদি মালেমগী অনিশুবা লাঞ্জাউ মতুংদা, মালেমগী অনৌবা চৎন-কাংলোন অমা লাকখি, অদুবু মসিগী চহি ৭০ গী মতুংদা ফিবম অসি শোকচিল্লকখি অমসুং মালেম অসি অনৌবা কাংলোন অমদা চঙশিল্লি। মসি করিগী থোক্লিবনি অমসুং মমাঙগী থবকশিং অদু থবক খুদিংমক পাম্বৈ অমা খক্তনা য়ানবা শেমগৎখিবনি। মসিদা মালেমগী শেন্মিৎলোন ময়াইদা লৈগদবনি, সপ্লাই চেনশিং ফগদবনি অমসুং লৈবাকশিংনা মতেং পাংগদবনি। মসিগী নমুনা অসি হৌজিক খুদোংচাদবা লৈরে অমসুং চুনদ্রে, থবক অসি মশা মরোমদোম লেপচবা ঙম্নবা শেমগৎকদবনি হায়বা লৈবাক খুদিংমক্না খঙলে। ঙসি মালেম্না খন্নরিবা অসি, ভারতনা ২০১৫ দা মসিগী থৌশিলগী শরুক অমা ওইখ্রে। চহি ১০ গী মমাঙদা নিতি অয়োগ লিংখৎপা মতমদা, মসিগী অহৌবগী চে-চাংদা ভারতকী পান্দম নাখৈ শেংনা পনখি-লৈবাক অসিনা মপান লৈবাক্তগী চাউখৎপগী নমুনা অমতা লৌরোইদবনি অদুবু চাউখৎনবগীদমক মশাগী থবক পায়খৎকদবনি। মসিগী থৌশিল অসিনা লৈবাক অসিগী মশাগী দরকার ওইবা অমসুং পামজবা মতুংইন্না ৱারেপশিং লৌনবা ভারত্ত থাজবা লৈহনখি। চহি কয়া খুদোংচাদবা থেংনরবা ফাওবদা, ভারতকী শেন্মিৎলোন মপাঙ্গল শোন্থবগী মহুত্ত হেন্না মপাঙ্গল কনখৎলক্লিবসি মরম অসিদগীনি।
প্রধান মন্ত্রীনা হায়খি মদুদি ২১শুবা চহিচাগী চৎলিবা চহি ১০ অসিদা, ভারত রিফোর্ম এক্সপ্রেস তোংলি। মসিগী খ্বাইদগী মরুওইবদি অহোংবশিং অসি নমদুনা পুরকপা নত্তে, থাজবনা পুরকপনি। হৌজিক শরুক য়ারিবা অখঙ-অহৈশিং অমসুং শেন-থুমগী লুচিংবশিংনা ২০১৪ গী মমাঙদা ফিবম্না য়াদবদগী নমদুনা অহোংবশিং পুরকখিবা অদু উখ্রে। লৈবাক অসিনা শেন-থুমগী ফিবম শোকচিল্লকপদগী লৈবাক অসিদা ১৯৯দা অওনবশিং পুরকখিবনি অমসুং মমাঙগী সরকারশিংনা চপ মান্নবা থবক পায়খৎখি-তঙাইফদ্রবা মতম খক্তদা অহোংবশিং পুরকখি। ২৬/১১ থৌদোক মতুংদা এ.আই.এ শেমখি, গ্রিদশিং য়াদ্রবা মতম খক্তদা অওনবশিং পুরকখি অমসুং পোৎ-চৈগী মমল ৱাংখৎলকপা অমসুং ত্রাইবেলশিংগী লমদমশিংদা চারা হেল্লকপদগী ফুদ সেকুরিতি এক্ত চৎনবা হৌখি, অদুবু মদু ফজনা পাংথোকখিদে। নমফুদা পুরকখিবা অওনবশিংনা কৈদৌঙৈদা লৈবাক অসিদা অফবা ফলশিং পুরকখিদে। হৌখিবা চহি ১১ দা, থাজবশিং, থৌশিল কয়া, থবকশিং , খুদোংচাবা মীয়ামদা য়ৌহনবা অমসুং ৱাখল্লোন্না অওনবশিং পুরকখি। করিগুম্বা থৌশিলশিং হোংলগা, থবকশিং অমসুং ৱাখল্লোন হোংদ্রবদি, অওনবশিং চে খক্ত পুরক্কনি, মরম অদুনা অপুনবা ওইনা অহোংবা পুরক্নবা মহাক্কী সরকারনা থবক পায়খৎলিবনি। মমাঙদা কেবিনেত নোতশিং শেম্বদা চয়োল কয়া নত্ত্রগা থা কয়া চঙলম্বা অদুনা চাউখৎপা থিন্থহনখি। মহাক্কী সরকারনা অকক্নবা মতমগী মনুংদা ৱারেপ লৌহনখি অমসুং তেক্নোলোজিনা লমজিংখি, মসিনা ফাইলশিং মতম শাংনা পন্দুনা লৈহন্দ্রে অমসুং ঙসি মদুগী ফলশিং উবা ফংলে।
রেলৱেগী লৈকং থোঙশিং শাবগী অয়াবা পীবগী মতাংদা খুদম পীরদুনা, প্রধান মন্ত্রীনা হায়খি মমাংদা চহি কয়া চঙখি অমসুং তাঙ্কক কয়া থোক্নবা অয়াবশিং লৌবা দরকার ওইখি। হৌজিক মসি শেমদোকপদগী য়াংনা ইনফ্রাষ্ট্রকচর চাউখৎলে। মমাঙদা ঙমখৈগী লমদমশিংদা অপীকপা লম্বী অমা শেম্নবা দিল্লিদগী অয়াবা লৌবা দরকার ওইখি, মফম অদুদা ৱারেপ লৌবদা অপনবা পীখি। ২০১৪ গী মতুংদা, মহাক্কী সরকারনা মফম অমগী লৈঙাক্ত শক্তি পীখি, মদুগী ফল ওইনা য়াম্না য়াংনা ঙমখৈগী ইনফ্রাষ্ট্রকচর চাউখৎলে।
প্রধান মন্ত্রীনা হায়খি মদুদি মালেম শীনবা থুংনা ইথিল পীখিবা অওনবা অমদি ভারতকী দিজিতেল পেমেন্ত সিষ্টেম, য়ু.পি.আইনি, মসি এপ্প অমা খক ওইবতা নত্তনা থৌশিল, থবক অমসুং থবক পাংথোকপা অমতা ওইনা পুনশিনবগী খুদম অমনি। দিজিতেল ইন্দিয়া, দিজিতেল পেমেন্ত সিষ্টেম অমসুং জন ধন-আধার-মোবাইল ত্রিনিত অসি নমদুনা পাংথোকপা নত্তে, থাজবদগী ওইরকপনি, মমাংদা নাথৈবীরম্লবা মীয়াম কোনশিন্নবা পান্দমদা পায়খৎখিবা থবক্নি। ঙসি ফাওবা, চপ মান্নবা থাজবগা লোয়ননা সরকারনা মখা তানা মাঙলোমদা চঙশিল্লি।
প্রধান মন্ত্রীনা হায়খি ভারতকী অনৌবা মীৎয়েং বজেত্তসু মমি তারে। মমাঙদা বজেতকী খন্নবদা শেন কয়া য়াম্না কাইথোকপগে হায়বা খক্তদা মীৎয়েং চঙখি, করি পোৎ-চৈ মমল তাগনি নত্ত্রগা মমল হেনগৎকনি, অনৌবা ত্রেন কয়া লাউথোক্কনি- লাউথোকখিবশিং অদুগী ফলশিংগী মতাংদা ৱাহং অমতা হংখিদে। মহাক্না সরকারনা বজেত অসি শেন কাইথোকপদা মীৎয়েং চঙবগী মহুত্ত মদুগী ফলশিংদনা হেন্না মীৎয়েং চঙলে। ২০১৪ মমাঙগী বজেতশিংদা ওফ-বজেত্ত শেন পুবগী মতাংদা মরুওইনা খন্নখি, অদুবু হৌজিক ওফ-বজেত অহোংবশিংদা মীৎয়েং চঙলে। বজেতকী ৱাংমদা অওনবশিং হায়বদি অনৌবা জি.এস.তি পুরক্লে, প্লান্নিং কম্মিসনগী মহুত্ত নিতি অয়োগ শেম্লে, আর্তিকল ৩৭০ মুৎথৎলে, ত্রিপল তালাগকী মথক্ত আইন লৈরে অমসুং নারী শক্তি বন্দন অধিনিয়ম চৎনরে। বজেত নত্ত্রগা মসিগী মপান্দা লাউথোকপা ওইগেরা, রিফোর্ম এক্সপ্রেস মখা তানা খোঙজেল য়াংখৎকনি। হৌখিবা চহিদা, হিথাংফমশিং অমসুং মেরিতাইম সেক্তরদা অওনবশিং পুরক্লে, জহাজ শাবগী উদ্যোগকী থবকশিং পায়খৎলে, জন বিশ্বাস এক্তকী মখাদা অওনবশিং পুরক্লে, ইনর্জি সেকুরিতিগী শান্তি এক্ত চৎনরে, লেবর লোগী অওনবশিং পুরক্লে, ভারতিয়া ন্যয় সনহিতা চৎনরে, ৱাক এক্তদা অওনবশিং পুরক্লে অমসুং খুঙ্গংদা থবক পীনবা অনৌবা বিকসিত ভারত জি রাম জি বিল চৎনরে। অসিগুম্বা অওনবশিং চহি চুপ্পা পুরক্লে।
প্রধান মন্ত্রীনা হায়খি চহি অসিগী বজেতনা রিফোর্ম এক্সপ্রেস মখা তানা য়াংখৎহল্লে অমসুং কেপিতেল এক্সপেন্দিচর অমসুং তেক্নোলোজিনা মরুওইবা হিরম অনি ওইরি। হৌখিবা চহিশিংগুম্না ইনফ্রাষ্ট্রকচরগী চাদিং লুপা করোর লাখ ১৭ দা হেনগৎলে, হিরম কয়াদা কেপাসিতি, পোৎথোক পুথোকপা অমসুং থবক ফংহনবা শিংথাবা য়ানা হেনগৎলে। য়ুনিভর্সিতি তাউন ৫ শানবা, তয়ার-২ অমসুং তয়ার-৩ সহরশিংদা সিতি ইকোনোমি রিজনশিং শেমগৎনবা অমসুং অনৌবা হায়-স্পিৎ রেল কোরিদোর ৭ শেমগৎনবা লাউথোক্লে, মখোয় নহারোলশিং অমসুং লৈবাক অসিগী তুংগীদমক শেন থাদবনি। হৌখিবা চহি ১০ দা, ষ্টার্দঅপ অমসুং হেক্কাথোন য়োকখৎতুনা, তেক্নোলোজি অমসুং ইন্নোবেসন চাউখৎপগী মরুওইবা খুৎলায়শিং ওইনা শক খঙলে। তোঙান তোঙানবা হিরমশিংদা হৌজিক ভারত্ত রেজিষ্টার তৌরবা ষ্টার্দঅপ লাখ অনি হেন্না লৈরে। অফবা ফলশিং উবগা লোয়ননা, খুদোংথিবা মায়োক্নবা ঙম্নবা সরকারনা পুক্নিং থৌগৎলে অমসুং অনৌবা থবক পায়খৎপশিংদা মনা পীরে। চহি অসিগী বজেত্ত বাইওফার্মা, সেমিকন্দক্তরশিং অমসুং আর্তিফিসিএল ইন্তিলিজেন্সগুম্বা হিরমশিংগী লাউথোক্তুনা মরুওইবা থবকশিংগী শেন কাইথোকপা হেনগৎলে।
প্রধান মন্ত্রীনা হায়খি মদুদি ভারতকী শেন-থুমগী ফিবম ফগৎলকপগা লোয়ননা, সরকারনা রাজ্যশিংগী ফিবম ফগৎহল্লে। ২০০৪ অমসুং ২০১৪ গী মরক্ত রাজ্যশিংনা তেক্সকী চাকথুং ওইনা লুপা করোর লাখ ১৮ রোম ফংখি, অদুগা ২০১৪ দগী ২০২৫ ফাওবগী মনুংদা, রাজ্যশিংনা লুপা করোর লাখ ৮৪ ফংখ্রে। চহি অসিগী বজেত্ত লুপা করোর লাখ ১৪ গী পুখৎলকখি, মহাক্কী সরকার মখাদা রাজ্যশিংদা পীবা অপুনবা তেক্সকী চাকথুং লুপা করোর লাখ ১০০ রোম য়ৌরগনি, মসিনা লৈবাক শীনবা থুংনা রাজ্যশিংনা চাউখৎ-থৌরাংগী থবকশিং পায়খৎপা ঙমহল্লে।
প্রধান মন্ত্রীনা হায়খি মদুদি ভারতকী ত্রেদ এগ্রিমেন্তশিং মালেম শীনবা থুংনা নৈনরে অমসুং খন্নরে, অদুবু য়াম্না মরুওইবা মীৎয়েং অমদি অসিগুম্বা য়ানবশিং ২০১৪ গী মমাঙদা লৈখিদে। চপ মান্নবা লৈবাক, নহারোলগী থৌনা অমসুং সরকারগী থবক লৈরবসু করিগীদমক মমাঙদা চাউৎলবা লৈবাকশিংগা ললোন-ইতিক্কী য়ানবশিং লৈরমদ্রিবনো। অহোংবা পুরকপা হায়বসি সরকারগী পান্দম, থৌশিল, অনিংবা ৱাখল্লোন অমসুং ভারতকী মপাঙ্গল কনখৎলকপগী মখা পোল্লি। ভারতনা শেন-থুমগী ফিবম ফত্তবা লৈবাক মঙাগী মনুং চল্লিঙৈদা, থৌশিল শোইবা অমসুং শেঞ্জা-থুমজাগী ৱাথোকশিং মায়োক্নখি, লৈবাক অমতনা ভারত্ত থাজবা থমখিদে। ২০১৪ গী মমাঙদা ভারতকী মেনুফেকচরিংগী থবক মপাঙ্গল শোনখি অমসুং কৈথেলশিং মখোয়না পায়খিগনি অমসুং পোৎথোকশিং হোংনা য়োনফম ওইখিগনি হায়বগী অকিবা লৈবদগী চাউখৎলবা লৈবাকশিংগা ললোন-ইতিক পাংথোকপা মমাঙগী সরকারশিংদা অকিবা লৈখি। মমাংগী সরকারনা ত্রেদ এগ্রিমেন্ত মরি খক পাংথোকখি। অদুবু হৌখিবা চহি ১০ দা, ভারতনা লৈবাক ৩৮ শীনবা থুংনা ললোন-ইতিক্কী এগ্রিমেন্তশিং লৈনরে। ঙসিগী ভারত্ত থাজবা লৈরে, মালেমগা চাংদম্নবা শেম-শারে অমসুং হৌখিবা চহি ১১ দা অফবা মেনুফেকচরিংগী থবক অমা শেমগৎলে। মসিগী মপাঙ্গল অসিনা মালেমগী থাজবা লৈরে, বিকসিত ভারত অমগী খোঙচৎকী তঙাইফদবা য়ুম্বী অমা ওইরিবা ভারতকী ললোন-ইতিক্কী থৌশিলদা অহোংবা পুরক্নবা য়ুম্ফম অমা ওইরে।
প্রধান মন্ত্রীনা হায়খি মদুদি মীওই খুদিংমক চাউখৎপদা শরুক য়ানবা, নাথৈবীরম্লবশিং মরুওইনা লৌনবা সরকারনা থবক পায়খৎলে। মমাংগী সরকারশিংনা দিয়াংজন মীয়ামগীদমক লাউথোকপা খক ওইখি, অদুবু মখোয়গী সরকারনা ইন্দিয়ান সাইন লেঙ্গোইজ থবক ওইনা পায়খৎলে। ত্রান্সজেন্দর মীওইশিংনা মখোয়গী হকশিং ফংনবা মতম শাংনা লান্থেংনদুনা লাকখি অমসুং মখোয়গী ইকায়খুম্নবা ঙাক্নবা অমসুং মখোয় ঙাক-শেন্নবা মখোয়গী সরকারনা আইন অমা চৎনরে। হৌখিবা চহি ১০ দা, নুপী করোর কয়া ত্রিপল তালাগতী মনিংতম্লে অমসুং লোক সভা অমসুং রাজ্যগী এশেমব্লিশিংদা নুপীশিংগী সিত খাক্লে। সরকারগী মেছিন্নরিগী ৱাখল্লোনসু হোংলে, মীয়ামগী হেন্না খল্লে, লেম্না চেঙ য়েন্থোকপগুম্বা স্কিমশিংনা মসিগী খুদম ওইরে। ওপোজিসন্না স্কিমদা কেরেম্নরি, অদুবু মীওই করোর ২৫ লায়রবা কোক্লে, লেম্না চেঙ পীবদগী নিও-মিদল ক্লাসতা চঙলবা ইমুংশিং অমুক হন্না লায়রদ্রে। স্কিম অসিগীদমক সরকারনা লুপা করোর লাখ কয়া চাদিং তৌরে, লায়রবা অমসুং নিও-মিদল ক্লাসতা মতেং চাউনা পাংলে।
প্রধান মন্ত্রীনা মখা তানা হায়খি মদুদি করিগীদমক মহাক্না ২০৪৭ অমসুং বিকসিত ভারতকী মতাংদা ঙাংলিবনো, মসি তম্বা ঙম্বা নত্তে হায়না মীওই খরনা হংলকখি। করিগুম্বা নিংতম্বা লান্মীশিংনা লান্থেংনরমদ্রবদি, ভারতনা কৈদৌঙৈদা নিংতম্বা ফংলোই। লৈবাক্কী থবক পায়খৎনবা হান্না ৱারেপ লৌবা মতমদা, ৱারেপ খুদিংমক অমসুং থৌশিল খুদিংমক লৈবাক্কীদমকনি। সরকারগী পান্দম নাখৈ শেংলি- বিকসিত ভারত অমা ওইনবা মাইকৈদা মখা তানা থবক পায়খৎপনি। ঙসিগী মীরোলশিং ২০৪৭ ফাওবা হিংবা য়াই নত্ত্রগা হিংদবা য়াই, লৈবাক অমসুং মসিগী তুংগী মীরোলশিং লৈগনি, মরম অদুনা হৌজিক্কী মীরোলনা তুংগী য়াইফনবা অমসুং অশোই-অঙাম থোক্তনবা কৎথোকপা হায়বসি লৈবাক অসিগী তৌফম থোকপনি।
প্রধান মন্ত্রীনা হায়খি মদুদি খুদোংথিবা মরক্ত হিংনবা হৌজিক মালেম্না থৌরাং তৌগদবনি। মখোয়গী মওং-মতৌ মখা তানা লৈগনি অদুবু থবকশিং য়াংনা হোংলক্লক্কনি। আর্তিফিসিএল ইন্তিলিজেন্সনা মরম ওইদুনা অপনবা পুরকপা উবা ফংলে অমসুং তুংদা এ.আইনা অওনবা কয়া পুরক্কনি, মদুগীদমক ভারত থৌরাং তৌদুনা লৈরে। নুমিৎ খরগী মতুংদা, ভারত্ত মালেমগী এ.আই ইম্পেক্ত সম্মিৎ পাংথোক্লগনি, মসিদা মালেম শীনবা থুংবগী লৈবাকশিং অমসুং তেক্নোলোজিগী লুচিংবশিং শরুক য়াগনি। ঐখোয় ময়ামগী অপুনবা থবকশিংনা মখা তানা হেন্না ফবা মালেম অমা শেমগৎকনি অমসুং মসিগী থাজবা অসিগা লোয়ননা মীফম অসি মাইপাক্নবা মহাক্কী য়াইফ পাউজেল পীখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Amid numerous disruptions, this decade has been one of unprecedented development for India, marked by strong delivery and by efforts that have strengthened our democracy. pic.twitter.com/CBAhs933Gf
— PMO India (@PMOIndia) February 13, 2026
In this decade of the 21st century, India is riding the Reform Express. pic.twitter.com/6psr2ObG7C
— PMO India (@PMOIndia) February 13, 2026
We have made the Budget not only outlay-focused but also outcome-centric. pic.twitter.com/Ic8lRrRuhD
— PMO India (@PMOIndia) February 13, 2026
Over the past decade, we have regarded technology and innovation as the core drivers of growth. pic.twitter.com/OormGf11x5
— PMO India (@PMOIndia) February 13, 2026
Today, we are entering into trade deals with the world because today's India is confident and ready to compete globally. pic.twitter.com/BHrU0raO4i
— PMO India (@PMOIndia) February 13, 2026
