কনাদাগী কানানাস্কিদা পাংথোক্লিবা জি-৭ মীফমগী নাকলদা ঙসি প্রধান মন্ত্রী নরেন্দ্র মোদীনা মেক্সিকোগী রাষ্ট্রপতি দোক্তর ক্লাউদিয়া সৈবোম পার্দো উনখ্রে। হন্দক্কী অসিনা লুচিংবা অনিগী মরক্ত উনবা অহানবনি। মহাক্না পুৱারি ওইনা মীখলদা মাইপাক্লকপদা প্রধান মন্ত্রীনা মেক্সিকোগী রাষ্ট্রপতিদা হরাওবা ফোঙদোকখ্রে।
ভারতনা তেরোরিজমগী মথক্ত থবক পায়খৎলিবা অসিদা মেক্সিকোনা শৌগৎপগীদমক প্রধান মন্ত্রীনা রাষ্ট্রপতি দোক্তর ক্লাউদিয়া সৈবোম পার্দো থাগৎপা ফোঙদোকখি। ভারত অমসুং মেক্সিকোগী মরক্ত লৈনরিবা পুৱারি ওইরবা মরীশিং নিংশিংলদুনা, ললোন-ইতিক, শেন থাদবা, ষ্টার্দ-অপশিং, ইন্নোবেসন, সাইন্স অমসুং তেক্নোলোজি, ওতোমেতিপ অমসুং মীগা মীগা লৈনবা মরীশিং য়াওনা হিরম কয়াদা লৈনবা মরীশিং মখা তানা ফগৎনবা লুচিংবা অনিনা য়ানখ্রে। লৈবাক অনিগী মরক্ত ললোন-ইতিক অমসুং শেন থাদবা হেনগৎলক্লিবা অসিদা অপেনবা ফোঙদোক্লদুনা, ললোন-ইতিক্কী থবকশিং ভারত্ত পুরক্তুনা পাংথোক্নবা মেক্সিকোনা পীরিবা খুদোংচাবশিংগী মতাংদা মখোয়না খন্নখি। অনা-লায়য়েংগী হিদাক-লাংথক্কী লমদা খুদোংচাবশিং ফংবা হেনগৎলক্লিবা অসিদা মমল হোংবা অমসুং মগুন লৈবা হিদাকশিং অমসুং অতোপ্পা হিদাকশিং ফংহনবা অমসুং পুথোকপদা ভারতনা মরুওইবা থৌদাং অমা লৌরি অমসুং লৌউ-শিংউ অমসুং হকশেলগী লমদশু খন্নখি।
তেক্নোলোজি, ইন্নোবেসন অমসুং দিজিতেল পব্লিক ইনফ্রাস্ত্রকচরদা ভারতনা চাউখৎলকলিবা অসিদা মেক্সিকোগী রাষ্ট্রপতি দোক্তর ক্লাউদিয়া সৈবোম পার্দোনা থাগৎপা ফোঙদোকখি অমসুং হায়রিবা হিরমশিং অসিদা ভারতকা লোয়ননা পুন্না থবক তৌমিন্ননিংবগী অপাম্বা ফোঙদোকখি। প্রধান মন্ত্রীনা হায়খি মদুদি সেমিকন্দক্তরশিং, এ.আই, ক্বান্তম অমসুং ক্রিতিকেল মিনরেলশিং হিরমশিংদা পুন্না থবক তৌমিন্ননবা খুদোংচাবশিং লৈবাক অনিনা থিদোক্কদবনি। লৈবাক অনিগী থিঙ্ক-তেঙ্কগী মীওইশিংগী মরক্ত উনগদৌরিবা অমসুং লৈবাক অনিগী মরক্ত মীগা মীগা লৈনবা মরীশিং অমসুং ফজরবা নাৎ অমসুং তুরিজমগী মতাংদা মখোয়না খন্নখি।
মরুপ ওইরিবা লৈবাক ওইনা, লুচিংবশিংনা মালেমগী ওইবা ৱাফমশিং অমসুং গ্লোবেল সাউথকী মরুওইবশিংগী মতাংদা খন্নখি। ২০১৬ দা মহাক্না মেক্সিকোদা লাকখিবা অদু প্রধান মন্ত্রীনা নিংশিংখি অমসুং ভারত্ত লাক্নবা মেক্সিকোগী রাষ্ট্রপতি দোক্তর ক্লাউদিয়া সৈবোম পার্দোদা চেবাউ পীখি।
Had a very good meeting with President Claudia Sheinbaum of Mexico. Personally congratulated her on her historic electoral win, becoming the first female Mexican President in two centuries. We both see immense potential in India-Mexico ties growing even stronger in the times to… pic.twitter.com/iH9usejSqM
— Narendra Modi (@narendramodi) June 17, 2025
Tuve una muy buena reunión con la Presidenta de México, Claudia Sheinbaum. La felicité personalmente por su histórica victoria electoral, convirtiéndose en la primera mujer Presidente de México en dos siglos. Ambos vemos un inmenso potencial para que los lazos entre la India y… pic.twitter.com/8hg1BHEi4U
— Narendra Modi (@narendramodi) June 17, 2025
