ঙসি প্রধান মন্ত্রী শ্রী নরেন্দ্র মোদীনা তামিল নাদুগী তুতুকোরিদা লুপা করোর ৪৮০০ হেনবগী চাউখৎ-থৌরাংগী থবকশিং উরেপ-উয়ুং তমখ্রে, শঙ্গাখ্রে অমসুং কৎথোকখ্রে। তোঙান তোঙানবা হিরমশিংদা মশক থোকপা প্রোজেকশিং অদুনা লমদম অসিগী চৎথোক-চৎশিন ফগৎহনগনি, লোজিষ্ট্রিক্স ফগৎহনগনি, মৈখু চেন্দবা ইনর্জিগী ইনফ্রাষ্ট্রকচর ফগৎহনগনি অমসুং তামিল নাদু শীনবা থুংনা মীয়ামগী হিংবগী থাকশিং ৱাংখৎহনগনি। কার্গিল বিজয় দিবস থৌরম অসিদা, প্রধান মন্ত্রীনা কার্গিলগী থৌনা ফরবা লান্মীশিং ইকায়খুম্নবা উৎখি অমসুং লৈবাক্কীদমক থৱায় কৎখ্রবা থৌনা ফরবা লান্মীশিংগী মফমদা কোক নোনখি।
থৌরম অদুদা মীয়ামদা ৱা ঙাংবদা প্রধান মন্ত্রীনা হায়খি নুমিৎ মরিনিগী মপান লৈবাকশিংগী খোঙচৎ অমগী মতুংদা ভগবান রমেশ্বরগী শেংলবা লমদম অসিদা থুংলবা অসি মহাক্কী লাইবক ফবনি। মপান লৈবাক্কী খোঙচৎ অসিদা ভারত অমসুং য়ু.কেগী মরক্ত পুৱারি ওইরবা ফ্রি ত্রেদ এগ্রিমেন্ত খুৎয়েক পীনরে। খুৎয়েক পীনবা অসি মালেম্না ভারত্ত থাজবা হেনগৎলকপা অমসুং লৈবাক অসিগী অনৌবা থাজবা লৈরকপগী খুদমনি। মসিগী থাজবা অসিনা চাউখৎলবা ভারত অমা শেম্বা অমসুং চাউখৎলবা তামিল নাদ অমা শেম্বদা ইথিল পীগনি। ভগবান রমেশ্বর অমসুং ভগবান তিরুচেন্দুর মরুগানগী থৌজালশিংগা লোয়ননা তুতুকুরিদা চাউখৎ-থৌরাংগী অনৌবা পন্দুব অমা হাংদোক্লে। তামিল নাদু চাউখৎপগী মতোল লোম্নবা ২০১৪ দা হৌদোকখিবা মিসন মখা তানা তুতুকুরিদা উবা ফংলি।
ফেব্রুৱারি ২০২৪ দা ভি.ও চিদম্বরম পোর্ততা আউতর হার্বর কেন্তন্নর তর্মিনেলগী উরেপ-উয়ুং তমখিবা অদু নিংশিংলদুনা, প্রধান মন্ত্রীনা হায়খি খোঙচৎ অদুদা লুপা করোর লিশিং কয়াগী প্রোজেকশিং শঙ্গাখি। সেপ্তেম্বর ২০২৪ দা ন্যু তুতুকুরি ইন্তরনেসনেল কন্তেন্নর তর্মিনেলসু শঙ্গাখি। ঙসি অমুক তুতুকুরিদা লুপা করোর ৪,৮০০ হেনবগী প্রোজেকশিং হৌদোক্লে অমসুং শঙ্গারে। থবকশিং অসিগী মনুংদা এয়রপোর্তশিং, হায়ৱেশিং, হিথাংফমশিং, রেলৱেশিং অমসুং ক্রিতিকেল পৱার সেক্তর ফগৎহনবা য়াওরি। হায়রিবা প্রোজেকশিং অসিগীদমক তামিল নাদুগী মীয়ামদা হরাওবা ফোঙদোকচরি।
প্রধান মন্ত্রীনা হায়খি ইনফ্রাষ্ট্রকচর অমশুং ইনর্জি অসি রাজ্য অমা চাউখৎনবগী য়াংলেন শরুনি; হৌখিবা চহি ১১ দা, হিরমশিং অসিদা ঐখোয়না মীৎয়েং চঙবা অসি ঐখোয়না তামিল নাদুগী চাউখৎ-থৌরাংগী মরুওইনা লৌরিবা অসিদা মমি তারে। ঙসি শঙ্গারিবা প্রোজেকশিং অসিনা তুতুকুরি অওনবা পুরক্কনি অমসুং তামিল নাদু চৎথোক-চৎশিন ফগৎলবা, ক্লিন ইনর্জি অমসুং অনৌবা খুদোংচাবশিংগী মফম অমা ওইহল্লগনি।
নুংঙাই য়াইফবা অমসুং মপাঙ্গল কনবা ভারত অমা শেমগৎপদা লমদম অসিনা লৌরিবা থৌদাং খঙবগা লোয়ননা তামিল নাদু অমসুং তুতুকুরিগী ইনাকখুল্লবা নাত অমসুং পুৱারিদা প্রধান মন্ত্রীনা ইকায়খুম্নবা উৎখি। লোয়লম লৈঙাক মনুংদা সমুদ্রগী ললোন-ইতিক্কী খুদোংচাবা খঙখিবা অমসুং মপাঙ্গল কল্লবা বৃতিস শিংনদুনা লৈবাক অসিগী মশাগী ওইবা জহাজগী থবক কয়া পায়খৎখিবা মীৎয়েং শানবা নিংতম লান্মী ভি.ও চিদম্বরম প্রধান মন্ত্রীনা থাগৎপা ফোঙদোকখি। থৌনা অমসুং মরৈবাক নুংশিবদা য়ুম্ফম ওইবা মনিংতম্বা অমসুং শক্তি লৈবা ভারত অমা শেমগৎনবা মখোয়গী মঙলানশিংগীদমক শক্নাইরবা বিরাপান্দিয়া কত্তাবোম্মান অমসুং অলাগু মতু কোনগুম্বা মীওইশিংসু প্রধান মন্ত্রীনা ইকায়খুম্নবা উৎখি। তুতুকুরি অমসুং মহাক্কী কেন্দ্র কাসিগী মরক্ত অচেৎপা মরী লৈনরি। কাসি-তামিল সঙ্গমমগুম্বা নাতকী থবকশিংনা ভারতকী নাত অমসুং অপুনবা শক্তম মখা তানা ফগৎহনগনি।
হৌখিবা চহিদা বিল গেতসতা তুতুকুরিগী মমিং লৈরবা মুক্তশিং খুদোল তমখিবা অদু নিংশিংলদুনা, প্রধান মন্ত্রীনা হায়খি গেতসনা মুক্তশিং অদু য়াম্না পামখি। লমদম অসিগী পান্দ্যা মুক্তশিং অসি মতম অমদা ভারতকী শেন-থুমগী ফিবম ফবগী খুদম অমনি হায়না মালেম শীনবা থুংনা খঙনখি।
প্রধান মন্ত্রীনা হায়খি সরকারগী থবকশিং অসিগী খুৎথাংদা চাউখৎলবা তামিল নাদু অমা ওইনবা অমসুং চাউখৎলবা ভারত অমা ওইনবা পান্দম ভারতনা খুমাঙ চাউশিল্লি। পান্দম অসি হেন্না য়াংশিন্নবা ভারত অমসুং য়ু.কেগী মরক্ত ফ্রি ত্রেদ এগ্রিমেন্ত খুৎয়েক পীনরে। ঙসিদি, মালেম্না মশাগী চাউখৎলকপা অদু ভারতকী চাউখৎলকপদা উবা ফংলে। এগ্রিমেন্ত অসিনা ভারতকী শেন-থুমগী ফিবম ফগৎহনগনি অমসুং মালেমদা অহুমশুবা খ্বাইদগী চাউবা ইকোনোমি অমা ওইনবা লৈবাক অসিগী খোঙচৎ য়াংখৎহনগনি।
প্রধান মন্ত্রীনা হায়খি ফ্রি ত্রেদ এগ্রিমেন্ত অসিগী মখাদা, য়ু.কেদা য়োনবা ভারতকী পোৎথোকশিংগী চাদা ৯৯ তেক্স লৌররোই। ভারতকী পোৎথোকশিং য়ু.কেদা মমল হোংলগনি, পাম্নবা হেনগৎলক্লগনি, ভারত্ত মেনুফেকচরিংগী খুদোংচাবা হেনগৎলক্লগনি। ভারত-য়ু.কে ফ্রি ত্রেদ এগ্রিমেন্ত অসিনা তামিল নাদুগী নহারোলশিং, অপীকপা উদ্যোগশিং, এম.এস.এম.ইশিং অমসুং স্তার্দঅপশিংদা কান্নবা য়াম্না পীগনি। ফ্রি ত্রেদ এগ্রিমেন্ত অসিনা উদ্যোগ, ঙামীশিং অমসুং থিজিনবা অমসুং অনৌবা থবকশিংদা কান্নবা য়াম্না পীগনি।
প্রধান মন্ত্রীনা হায়খি মেক ইন ইন্দিয়া অমসুং মিসন মেনুফেকচরিংদা সরকারনা মীৎয়ং চঙলি। ওপরেসন সিন্দুর মনুংদা মেক ইন ইন্দিয়াগী মপাঙ্গল ফজনা উৎখ্রে। তেরোরিস্তশিংগী মফমশিং থুগায়বদা লৈবাক অসিদা শাজবা খুৎলায়শিংনা মরুওইবা থৌদাং অমা লৌখি। ভারত্ত শাবা খুৎলায়শিংনা মখা তানা তেরোরিজমগী মপুশিং মাঙহনগনি।
প্রধান মন্ত্রীনা মখা তানা হায়খি অফবা তেক্নোলোজিশিংগা লোয়ননা হিথাংফমশিং ফগৎহন্নবা থবকশিং পায়খৎলে। তামিল নাদুগী ইনফ্রাষ্ট্রকচর মতমগা চুন্না শেমগৎনবা ভারত সরকারনা থবক পায়খৎলি; রাজ্য অসিগী হিথাংফমগী ইনফ্রাষ্ট্রকচর অৱাংবা থাক্ত শেমগৎনবা ঐখোয়না থবক পায়খৎপগা লোয়ননা অপনবা লৈতনা চৎথোক-চৎশিন য়ানবা এয়রপোর্তশিং, হায়ৱেশিং অমসুং লম্বীশিং শম্নহল্লে। তুতুকুরি এয়রপোর্ত্ত অনৌবা তর্মিনেল অমা শঙ্গাখিবা অসি মাইকৈ অসিদা থাংজিনবা অতোপ্পা মাইপাকপা অমনি। লুপা করোর ৪৫০ চংনা শাবা তর্মিনেল অসিদা হৌজিক চহি অমদা পেসেঞ্জর লাখ ২০ হেন্না চৎথোক-চৎশিন তৌবা য়ারে, মসি মমাঙদা শুপ্নগী পেসেঞ্জর লাখ ৩ খক ওইরম্বনি। নৌনা শঙ্গারিবা তর্মিনেল অসিনা তুতুকুরিগা লৈবাক অসিগী তোঙান তোঙানবা মফমশিংগা শম্নবা হেনগৎহনগনি। মসিনা তামিল নাদু শীনবা থুংনা কোর্পোরেত ত্রাবেল, লাইরিক তমফমশিং অমসুং অনা-লায়য়েংগী থবকশিংদা কান্নবা পীগনি। খুদোংচাবা অসিদগী লমদম অসিগী তুরিজমগী খুদোংচাবসু হেনগৎহনগনি হায়বগী থাজবা থম্লি।
প্রধান মন্ত্রীনা হায়খি তামিল নাদুদা অনৌবা লম্বীগী প্রোজেক অনি মীয়ামদা কৎথোক্লে। লুপা করোর ২৫০০ রোম থাদদুনা শেমগৎখিবা লম্বীশিং অসিনা মরুওইবা মফম অনি চেন্নাইগা শম্নগনি। লম্বী ফগৎহনবা অসিনা দেলতা জিলাশিং অমসুং রাজ্যগী কোনুংগী মরক্ত চৎথোক-চৎশিন ফগৎহনগনি অমসুং হেন্না ফবা শেন-থুমগী লম্বী অমা শেমগনি। লম্বীগী প্রোজেকশিং অসিনা তুতুকুরি পোর্ত য়ৌবা চৎথোক-চৎশিন ফগৎহনগনি অমসুং চাউখৎ-থৌরাংগী থবকশিং অসিনা লমদম অসিগী মীয়াম হিংবদা লাইহনগনি অমসুং থবক অমসুং ললোন-ইতিক্কী অনৌবা খুদোংচাবশিং পীগনি।
প্রধান মন্ত্রীনা হায়খি রেলৱে নেতৱার্ক অসি উদ্যোগ চাউখৎনবা অমসুং অত্মানির্ভর ভারতগী হিংনবা লম্বী অমনি হায়না কেন্দ্র সরকারনা খল্লি। হৌখিবা চহি ১১ অসিদা ভারত রেলৱেগী ইনফ্রাষ্ট্রকচর অওনবা পুরক্নবা থবক অসিগী মরুওইবা মফম তামিল নাদুনা ওইরে। অমৃত ভারত স্তেসন স্কিমগী মখাদা তামিল নাদু শীনবা থুংনা স্তেসন ৭৭ অমুক হন্না শেমগৎলে। হৌজিক তামিল নাদুদা অনৌবা বন্দে ভারত ত্রেনশিং চেল্লে। তামিল নাদুদা ভারতকী অহানবা ভর্তিকেল লিফ রেল ব্রিজ-পামবান ব্রিজ শারে।
প্রধান মন্ত্রীনা হায়খি লৈবাক শীনবা থুংনা অচৌবা অমসুং অনৌবা ইনফ্রাষ্ট্রকচর শানবা খোঙজং অমা ভারত্ত পায়খৎলি। হন্দক জে অমসুং কেদা শঙ্গাখিবা চেনাব থোং অসিনা অহানবা ওইনা জম্মু অমসুং কাস্মির রেলগা শম্নরে। মসিগী মথক্ত, লৈবাক অসিগী খ্বাইদগী শাংবা সি ব্রিজ- অতল সেতু, অসামগী বোগিবিল ব্রিজ অমসুং কিমি তরুক শাংবা সোনামার্গ তন্নেলগুম্বা মশক থোকপা প্রোজেকশিং লোইশিল্লে। থবকশিং অসিদা কেন্দ্র সরকারনা পায়খৎলিবা চাউখৎ-থৌরাংগী থবকশিংগী মমি তারে অমসুং লৈবাক শীনবা থুংনা অনৌবা থবক কয়া ফংহল্লে।
প্রধান মন্ত্রীনা হায়খি তামিল নাদুদা নৌনা শঙ্গারবা রেলৱে প্রোজেকশিং অসিনা রাজ্য অসিগী খা থংবা শরুক্ত মীওই কয়া কান্নবা পীরগনি। মদুরাই-বোদিনায়াক্কানুর রেলৱে লাইন মৈ ফংহনবা অসিনা লমদম অসিদা বন্দে ভারতগুম্বা অফবা ত্রেনশিং চেনবা য়ারগনি। হায়রিবা রেলৱেগী থবকশিং অসিনা তামিল নাদুগী চাউখৎপা য়াংখৎহনগি।
মখা তানা স্তেত অদুগী পৱার ইনফ্রাস্ত্রকচর মপাঙ্গল কনখৎহনবা ওইনা, প্রধান মন্ত্রীনা অচৌবা পৱার ত্রান্সমিসন প্রোজেক্ত অমা ওইরিবা – কুদনকুলম ন্যুক্লিয়র পৱার প্লান্তকী য়ুনিৎ ৩ অমসুং ৪ (মেগাৱাত ২x১০০০) দগী মৈ পুথোকখিনবা ইন্তর-স্তেত ত্রান্সমিসন সিস্তেম (আই.এস.তি.এস) কী উরেপ উয়ুং তমখি। মসিনা নেস্নেল গ্রিদ মপাঙ্গল কনখৎহনবদা মরুওইবা থৌদাং য়াদুনা, থাজনিংঙাই ওইবা ক্লীন ইনর্জী দিস্ত্রিব্যুসন ফংহনগনি, অমদি তামিল নাদু অমসুং অতৈ কান্নবা ফংগদৌরিবা স্তেতশিংগী হেনগৎলক্লিবা পৱার দিমান্দ ফংহনগনি। প্রধান মন্ত্রীনা হায়খি মসিগী ইনর্জিগী থবক অসিনা ভারতকী মালেমগী ইনর্জিগী পান্দমশিং অমসুং মহৌশাগী অকোয়বগী ফিবমশিংগী পীখিবা থাজবশিংদা চাউনা মতেং পাংগনি। মৈ পুথোকপা হেনগৎলকপা অসিনা তামিল নাদুদা উদ্যোগশিং অমসুং মীয়ামদা ইনর্জি ফংহনবা হেনগৎহনগনি।
তামিল নাদুদা পি.এম সুর্য়া ঘর মুফ বিজলি য়োজনা চাউখৎলকপদা অপেনবা ফোঙদোক্লদুনা, প্রধান মন্ত্রীনা হায়খি হৌজিক ফাওবদা স্কিম অসিগীদমক সরকারনা এপ্লিকেসন লাখ ১ রোম ফংলে। হৌজিক ফাওবদা সোলর রুপতোপ লিশিং ৪০ হেন্না খিনখ্রে। স্কিম অসিনা লেম্না অমসুং ক্লিন ইলেক্ত্রিসিতি ফংহনবা খক নত্তনা থবক লিশিং কয়াসু ফংহল্লে।
প্রধান মন্ত্রীনা মখা তানা হায়খি চাউখৎপা তামিল নাদু অমা শেমগৎপা হায়বসি কেন্দ্র সরকারগী মরুওইবা পান্দম অমনি। হৌখিবা চহি ১০ দা কেন্দ্র সরকারনা তামিল নাদুদা লুপা করোর লাখ ৩ হেন্না ফংহনখ্রে-মসি মমাঙগী সরকারশিংদগী শরুক অহুম হেল্লবনি। হৌখিবা চহি ১১ দা তামিল নাদুনা অনৌবা মেদিকেল কলেজ ১১ ফংলে। অহানবা ওইনা, সমুদ্র মপানশিং শীনবা থুংনা ঙা ফাবগী থবক তৌরিবা মীওইশিং য়াইফনবা কৎথোক্লবা সরকার অমা লৈরে। ব্লু রিভোলুসনগী খুৎথাংদা সরকারনা সমুদ্র মপানগী শেন-থুমগী ফিবম ফগৎহল্লে অমসুং মীওই খুদিংমক চাউখৎপগী কান্নবা ফংহল্লে।
প্রধান মন্ত্রীনা হায়খি তুতুকুরি চাউখৎপগী অনৌবা ষুগ অমা উরে। চাউখৎপা তামিল নাদু অমা অমসুং চাউখৎপা ভারত অমা শেমগৎনবা লম্বী-থোং, পৱার ত্রান্সমিসন অমসুং ইনফ্রাষ্ট্রকচরগি থবকশিং অসিনা অকনবা য়ুম্ফম অমা থোল্লে। হায়রিবা অওনবা পুরকপা প্রোজেকশিং অসিগীদমক মহাক্না তামিল নাদুগী মীয়ামদা হরাওবা ফোঙদোকখি।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা তামিল নাদুগী রাজ্যপাল শ্রী আর.এন রবি, য়ুনিয়ন মিনিস্তরশিং শ্রী রামমোহন নাইদু কিঞ্জারাপু, দোক্তর এল.মুরুগান য়াওখি।
নুঙগীৱারোল
মালেমগী থাক্কী এয়র ইনফ্রাস্ত্রকচর শেমগৎনবা অমসুং চৎথোক-চৎশিন ফগৎহন্নবা মহাক্কী খোঙফম পরিংদা, প্রধান মন্ত্রীনা খা থংবা শরুক্কী হেনগৎলক্লিবা এভিএসন দিমান্দ ফংহন্নবা শেম শারবা, লুপা করোর ৪৫০ রোম চঙনা শাগৎখিবা তুতুকোরি এয়রপোর্তকী অনৌবা তর্মিনেল বিল্দিং শঙ্গাখি। প্রধান মন্ত্রীনা তুতুকোরি এয়রপোর্তকী অনৌবা তর্মিনেল বিল্দিং মনুংদা চঙদুনসু য়েংখি।
স্ক্বার মিতর ১৭,৩৪০ পাক শন্না লৈরিবা তর্মিনেল অসি মী য়াম্না চিনবা মতমদা পেসেঞ্জর ১,৩৫০ অমশুং চহিদা পেসেঞ্জর লাখ ২০ চনবগা লোয়ননা, মশিং অসি পেসেঞ্জর য়াম্না চিনবা মতমদা পেসেঞ্জর ১,৮০০ অমশুং চহিদা পেসেঞ্জর লাখ ২৫দা খুদোংচাবা পীবা য়াবগী চাংদা তুংদা পাকথোক চাউথোকহনবগী মফম লৈ। চাদা ১০০ এল.ই.দি লাইতিং, ইনর্জী ইফিসিএন্ত ই অমসুং এম সিস্তেম, অমদি মফমদুদা লৈবা সিৱেজ ত্রীতমেন্ত প্লান্তকীখুত্থাঙদা চুমথোক্লবা ঈশিং অমুক হন্না শীজিন্নবা য়ারবা তর্মিনেল অসি গ্রিহ-৪ সস্তেনেবিলিতী রেতিং ফংবা ঙম্নবা শাখিবনি। মতমগা চুনরবা ইনফ্রাস্ত্রকচর অসিনা তামিল নাদুগী খা থংবা শরুক্তা রিজনেল এয়র কন্নেক্বিবিতী মশক থোক্না ফগৎহনগনি অমদি লল্লোন ইতিক, লম কোয়বা, অমসুং শেল থাদবা হেনগৎহনগনি হায়না পারি।
লম্বীগী ইনফ্রাস্ত্রকচর সেক্তরদা, প্রধান মন্ত্রীনা স্ত্রেতেজিক ওইবা মীৎয়েঙদা মরুওইবা হায়ৱে প্রোজেক্ত অনি লৈবাক্কী মফমদা কত্থোকখি। অহানবা অসিনা বিক্রাবন্দি-থঞ্জবুর কোরিদোরগী মখাদা লুপা করোর ২,৩৫০ হেন্না চঙনা শেমগৎখিববা এন.ঐচ-৬ কী কিলোমিতর ৫০ শাংবা সেথিয়াথোপে-চোলাপুরম শরুক লেন ৪ ওইহনবনি। মসিদা বাইপাস অহুম, কোলিদাম তুরেল মথক্তা কিলোমিতর ১ শাংবা লেন মরিগী থোং, অচৌবা থোং মরি, ফ্লাইওবর তরেৎ, অমদি অন্দরপাস কয়া য়াওদুনা সোথিয়াথোপেদগী চোলাপুরম ফাওবা চৎপগী মতম মিনৎ ৪৫ তেনশিনহল্লে, অমদি দেল্তা রীজনগী কল্চর অমদি লৌউ-শিংউগী মফমদা কন্নেক্তিবিতী হেনগৎহল্লে। অনিশুবা প্রোজেক্ত অসিনা লুপা করোর ২০০ রোম চঙনা শেমগৎখিবা কিলোমিতর ৫.১৬ শাংবা এন.ঐচ-১৩৮ তুতিকোরিন হিথাংফম লম্বী লেন তরুক্তা শেমগৎপনি। অন্দরপাস অমদি থোং কয়া য়াওবা লম্বী অসিনা কার্গো ফ্লো কোমহনগনি, লোজিস্তিক কোস্ত হন্থহনগনি, অমদি ভি.ও. চিদম্বরম পোর্তকী অকোয়বদা পোর্ত-লেদ ইন্দস্ত্রিএল গ্রোথ পুরকপদা মতেং ওইগনি।
হিথাংফমগী ইনফ্রাস্ত্রকচর ফগৎহনবা অমদি ক্লীন ইনর্জীগী থৌশিলদা অচৌবা ইনোৎ অমা হাপ্পা ওইনা, প্রধান মন্ত্রীনা লুপা করোর ২৮৫ রোম চঙনা ভি.ও. চিদম্বরম পোর্ত্তা শেমগৎখিবা ৬.৯৬ এম.এম.ত.পি.এগী কার্গো হেনদ্লিং কেপাসিতী লৈবা নোর্থ কার্গো বর্থ-৩ শঙ্গাখি। মসিনা লমদম অদুদা দ্রাই বল্ক কার্গো হেনদ্লিংগী মথৌ তাবা হেনগৎলক্লিবা অদু ফংহন্দুনা মপুং ওইবা হিথাংফমগী মতিং হেনগৎহনগনি অমদি কার্গো হেনদ্লিং লোজিস্তিক মওং মরিল নাইহনগনি।
প্রধান মন্ত্রীনা সস্তেনেবল অমদি ইফিসিএন্ত কন্নেক্তিবিতী ফগৎহন্নবা খা থংবা তামিল নাদুদা মরুওইবা রেলৱে ইনফ্রাস্ত্রকচর অহুম লৈবাক্কী মফমদা কত্থোকখি। কিলোমিতর ৯০ শাংবা মদুরাই-বোদিনয়াক্কনুর লাইন ইলেক্ত্রিফিকেসন তৌবনা ইকো ফ্রেন্দলী ত্রান্সপোর্ত য়োকখৎকনি, অমদি মদুরাই অমসুং থেনিদা লম কোয়বা অমদি চত্থোক চৎশিন তৌবদা মতেঙ ওইগনি। তিরুবনন্থপুরম-কনিয়াকুমারী প্রোজেক্তকী শরুক অমা ওইনা, লুপা করোর ৬৫০ চঙনা কিলোমিতর ২১ শাংবা নগরকোইল তাউন-কনিয়াকুমারী সেক্সন দব্লিং তৌবনা তামিল নাদু অমসুং কেরলাগী মরক্তা লৈরিবা লম্বী থোংগী ফীভম ফগৎহনগনি। মসিগী মথক্তা, অরালবেমোঝী-নগরকোইল জংসন (কিমি ১২.৮৭) অমসুং তিরুনেলবেলি-মেলাপ্পলায়ম (কিমি ৩.৬) সেক্সন দব্লিং তৌবনা চেন্নাই-কন্যাকুমারীনচিংবা মরুওইবা খা রোমগী লম্বীশিংদা চৎপগী মতম হন্থহনগনি অমদি পেসেঞ্জর অমসুং ফ্রৈত কেপাসিতী হেনগৎহন্দুনা রিজনেল ইকনমিক ইন্তিগ্রেসন হেনগৎহনগনি।
মখা তানা স্তেত অদুগী পৱার ইনফ্রাস্ত্রকচর মপাঙ্গল কনখৎহনবা ওইনা, প্রধান মন্ত্রীনা অচৌবা পৱার ত্রান্সমিসন প্রোজেক্ত অমা ওইরিবা – কুদনকুলম ন্যুক্লিয়র পৱার প্লান্তকী য়ুনিৎ ৩ অমসুং ৪ (মেগাৱাত ২x১০০০) দগী মৈ পুথোকখিনবা ইন্তর-স্তেত ত্রান্সমিসন সিস্তেম (আই.এস.তি.এস) কী উরেপ উয়ুং তমখি। লুপা করোর ৫৫০ রোম চঙনা শেমগৎকদৌরিবা প্রোজেক্ত অসিদা তুদনকুলমদগী তুতুকোরি-২ জি.আই.এস সবস্তেসন অমদি মরী লৈনবা তর্মিনেল ইকুইপমেন্তশিং ফাওবগী ৪০০ কে.ভি (ক্বাদ) দবল-সর্কিত ত্রান্সমিসন লাইন য়াওরি। মসিনা নেস্নেল গ্রিদ মপাঙ্গল কনখৎহনবদা মরুওইবা থৌদাং য়াদুনা, থাজনিংঙাই ওইবা ক্লীন ইনর্জী দিস্ত্রিব্যুসন ফংহনগনি, অমদি তামিল নাদু অমসুং অতৈ কান্নবা ফংগদৌরিবা স্তেতশিংগী হেনগৎলক্লিবা পৱার দিমান্দ ফংহনগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Infrastructure and energy are the backbone of any state's development.
— PMO India (@PMOIndia) July 26, 2025
Over the last 11 years, our focus on these sectors has reflected the high priority Tamil Nadu's development holds for us: PM @narendramodi pic.twitter.com/njeXmv7UXU
Today, the world sees its own growth in India's growth: PM @narendramodi pic.twitter.com/v94jVpsSK3
— PMO India (@PMOIndia) July 26, 2025
The Government of India is working to modernise Tamil Nadu's infrastructure.
— PMO India (@PMOIndia) July 26, 2025
We are making the state's port infrastructure high-tech, while also integrating airports, highways and roadways for seamless connectivity: PM @narendramodi pic.twitter.com/ejHE5bxXlA
Today, a massive campaign is underway to develop mega and modern infrastructure across the country: PM @narendramodi pic.twitter.com/OWKNy1eVTE
— PMO India (@PMOIndia) July 26, 2025
