প্রধান মন্ত্রী শ্রী নরেন্দ্র মোদীনা ঙসি মধ্য প্রদেশকী ধারদা চাউখৎ-থৌরাংগী থৌশিলশিংগী উরেপ উয়ুং তমখ্রে অমসুং শঙ্গাখ্রে। মীয়াম তিনখিবা অদুদা ৱা ঙাংলদুনা, প্রধান মন্ত্রীনা লৌশিংগী লাইরেম্বী – ভাগদেবী, ইকাই খুম্নরবা ইমা ধার ভোজশালাগী খুয়া খাদা খুরুমজখি। ঙসি অসি অথোইবা আর্কিতেক্ত অমসুং স্কিল অমদি ক্রিএসনগী ঈশ্বর, ভগৱান বিশ্বকর্মাগী মপোক কুমওননি হায়না ফোংদোক্লদুনা শ্রী মোদীনা ভগৱান বিশ্বকর্মাগী মফমদা খুরুমখি। মহাক্না মখোয়গী হৈশিংবা অমসুং কত্থোকপগী খুত্থাংদা লৈবাক শেমগৎপদা শরুক য়ারিবা ইচিল-ইনাও করোর কয়াগী মফমদসু ইকায় খুম্নবা উৎখি।
ধারগী লমদম্না মতম পুম্নমক্তা থৌনাগী ইথিল পীরি হায়না পল্লদুনা শ্রী মোদীনা হায়খি, "মহারাজ ভোজকী থৌনা অসিনা ঐখোয়দা লৈবাক্কী ইকাই খুম্নবা ঙাকশেন্নবা খোঙফম চেৎনা লেপ্নবা তাক্লি।" মহাক্না মখা তারদুনা হায়খি মদুদি মহারশি দাধিচিগী কত্থোকপা অসিনা ঐখোয়দা মীওইবা খুন্নাইগী সেবা তৌনবা ফিরেপ অমা পীরি। মসিগী লেগেসী অসিদগী ইথিল লৌরদুনা, প্রধান মন্ত্রীনা হায়খি মদুদি ঙসিদি লৈবাক অসিনা ভারত ইমাগী ঙাকশেলদা খ্বাইদগী হেন্না মরুওইবা পীরি। মহাক্না পাকিস্তানগী তেরোরিস্তশিংনা ঐখোয়গী ইচে-ইচলশিং অমসুং ইচানুপীশিংগী সিন্দুর মুথৎখি হায়না নীংশিংখি অমসুং ওপরেসন সিন্দুরগী খুত্থাংদা ঐখোয়না মখোয়গী তেরোরিস্তশিংগী মফমশিং থুগাইখি হায়না মহাক্না ফোংদোকখি। ঐখোয়গী থৌনা ফরবা লান্মীশিংনা পাকিস্তানবু মীকুপ অম্গী মনুংদা মায়থিবা পীখি হায়না শ্রী মোদীনা অকনবা ৱাফম থমখি। হন্দক্তা থোকখিবা থৌদোক অমগী মতাংদা পল্লদুনা মহাক্না হায়খি মদুদি ঙরাং খক্তদা, অতোপ্পা পাকিস্তানগী তেরোরিস্ত অমনা কপতুনা মহাক্কী অৱাবা ৱারী লিখি।
প্রধান মন্ত্রীনা হায়খি, "মসি অনৌবা ভারতনি, কনাগুম্বা অমগী ন্যুক্লিয়রগী থ্রেতশিংদা অকিবা পোক্তে অমসুং সোর্সতা হকথেংননা লান্দাদুনা পাউখুম পীরি।" মহাক্না হায়খি মদুদি সেপ্তেম্বর 17 অসি লৈবাক অসিনা সর্দার পতেলগী অচেৎপা ফিরেপ অদু উখিবা পুৱারী ওইরবা নুমিৎ অমনি। নুমিৎ অসিদা, ভারতকী লান্মীনা হায়দ্রাবাদপু মীওৎ-মীনৈ কয়াদগী কনবা ঙমখি অমসুং ভারতকা পুনশিনখি। শ্রী মোদীনা অকনবা ৱাফম থমখি মদুদি হৌজিক্তি সরকারনা মাগী মোনুমেন্তেল এচিবমেন্ত অমসুং আর্মদ ফোর্সেসকী থৌনা অসি ফোর্মেল ওইনা ইকায় খুম্নবা উৎখ্রে। নুমিৎ অসি হৌজিক হায়দ্রাবাদ লিবরেসন দে হায়না নীংশিংলি, মসিনা ভারতকী অমত্তা ওইবগী খুদম ওইরি। হায়দ্রাবাদকী লিবরেসন দেনা ভারতকী ইকাই খুম্নবা, চাউথোকচবা অমসুং মতিক-ময়াইদগী হেন্না চাউবা করিসু লৈতে হায়বসি নীংশিংহল্লি হায়না মহাক্না ফোংদোকখি। মহাক্না হায়খি মদুদি পুন্সিগী তাঙ্কক খুদিংমক লৈবাক অসিদা কত্থোক্কনি।
ঐখোয়গী নীংতম লান্মীশিংনা লৈবাক অসিগীদমক পুম্নমক কত্থোক্নবা, মখোয়গী পুন্সি কত্থোক্নবা ৱাশক লৌখি হায়না পল্লদুনা শ্রী মোদীনা হায়খি মদুদি মখোয়গী মঙলান অসি চাউখৎলবা ভারত অমা ওইহনবনি, লোইলম লৈঙাক্কী য়োৎশিংদগী নীংতম্বা ফংহনবা অমসুং খোঙজেল য়াংনা খুমাং চাউশিনবনি। মসিগী লেগেসী অসিদগী ইথিল লৌদুনা মহাক্না হায়খি মদুদি ঙসিদি ভারত মচা করোর 140না চাউখৎলবা ভারত অমা শেমগৎনবা ৱারেপ লৌরে। খোঙচৎ অসিগী মরুওইবা য়ুম্বী মরি-ভারতকী নারী শক্তি, য়ুবা শক্তি, লায়রবশিং অমসুং লৌমীশিং অসিবু পল্লদুনা প্রধান মন্ত্রীনা হায়খি মদুদি ঙসিগী প্রোগ্রাম অসিনা চাউখৎলবা ভারত অমগী য়ুম্বী মরি অসি মপাঙ্গল কনখৎহল্লে। থৌরম অদুদা মমাশিং, মচে-মচলশিং অমসুং মচানুপীশিংনা মশিং য়াম্না শরুক য়াখিবা অদু মহাক্না থাগৎপা ফোংদোকখি অমসুং নুপীশিংদা শক্তি পীনবদা অখন্নবা মীৎয়েং থম্লিবা অদু মহাক্না ফোংদোকখি অমসুং "মফম অসিদগী 'স্বস্থা নারী, সশক্ত পরিৱার' কেম্পেন হৌদোক্লে" হায়না মহাক্না ফোংদোকখি।
'আদি সেবা পর্ভ'কী ইথিল অসি লৈবাক শীনবা থুংনা তোঙান তোঙানবা তাঙ্ককশিংদা হান্ননা উবা ফংখ্রে হায়না পল্লদুনা শ্রী মোদীনা ঙসিদগী মসিগী মধ্য প্রদেশ ইদিসন হৌদোক্লে হায়না লাউথোকখি। প্রধান মন্ত্রীনা অকনবা ৱাফম থমখি মদুদি কেম্পেন অসিনা ধার য়াওনা মধ্য প্রদেশকী ত্রাইবেল কম্ম্যুনিতীশিংবু সরকারগী তোঙান তোঙানবা স্কিমশিংগা হকথেংননা শম্নহন্নবা থোং অমা ওইনা মথৌ তৌগনি।
বিশ্বকর্মা জয়ন্তীগী থৌরমদা ভারতকী খ্বাইদগী চাউবা ইন্তিগ্রেতেদ তেক্সতাইল পার্ককী উরেপ-উয়ুং তমদুনা মরুওইবা ইন্দস্ত্রিএল ইনিসিয়েতিব অমা লাউথোক্লদুনা প্রধান মন্ত্রীনা হায়খি মদুদি পার্ক অসিনা লৈবাক অসিগী তেক্সতাইল ইন্দস্ত্রীদা অনৌবা ইনর্জী পীগনি। মহাক্না অকনবা ৱাফম থমখি মদুদি লৌমীশিংনা মখোয়গী পোত্থোকশিংগী মতিক চাবা মমল ফংলগনি অমসুং নহারোল মশিং য়াম্না থবক ফংলগনি। প্রোজেক্তশিং অমসুং কেম্পেনশিং অসিগীদমক মহাক্না নাগরিক পুম্নমকপু থাগৎপা ফোংদোকখি।
ভারতকী মমা অমসুং ইচে-ইচলশিং, 'নারী শক্তি' অসি লৈবাক অসিগী চাউখৎপগী য়ুম্ফমনি হায়না পল্লদুনা প্রধান মন্ত্রীনা হায়খি মদুদি মমা অমা হকচাং ফনা লৈরবদি ইমুং মনুং পুম্নমক ফজনা মথৌ তৌই, অদুবু করিগুম্বা মহাক্না নারকপা তারবদি ইমুং মনুংগী পথাপ পুম্নমক্তা অকাইবা লাকই। মহাক্না 'স্বস্থা নারী, সশক্ত পরিৱার' কেম্পেনগী মরুওইবা অদু পনখি। মহাক্না হায়খি মদুদি নুপী অমত্তনা এৱারনেস নৎত্রগা রিসোর্স লৈতবনা মরম ওইদুনা অৱাবা মায়োক্নরোইদবনি। শ্রী মোদীনা হায়খি মদুদি লায়না কয়া অমা থেংনা খঙবনা মরম ওইরগা, মরুওইনা নুপীশিংদা য়াম্না খুদোংথীনিঙাই ওইবা লায়না কয়া অসি তুমিন্না দিবেলপ তৌরকই অমসুং শাথীবা ওইরকই। কেম্পেন অসিগী মখাদা, ব্লদ প্রেসর অমসুং দাইবেতিসতগী হৌরগা এনেমিয়া, ত্যুবরক্যুলোসিস অমসুং কেন্সর য়াওনা অনাবশিংগী স্ক্রীনিং পাংথোক্কনি। তেস্ত অমসুং হিদাক-লাংথক পুম্নমক লেম্না ফংহনগনি অমসুং মসিদা চংগদবা শেনফম অদু সরকারনা পুথোক্কনি হায়না মহাক্না থাজবা পীখি। মখা তাবা লাইয়েংগীদমক্তা, আয়ুশ্মান কার্দনা ঙাকলৌ অমগী থৌদাং লৌগনি। কেম্পেন অসি ঙসিদগী ওক্তোবর 2 ফাওবা চত্থগনি হায়না মহাক্না মখা তাখি। প্রধান মন্ত্রীনা লৈবাক অসিগী ইমাশিং, ইচে-ইচলশিং অমসুং ইচানুপীশিংদা মখোয়গী হকশেলগীদমক মতম কাইথোক্নবা, কেম্পশিং অসিদা মশিং য়াম্না শরুক য়ানবা অমসুং মখোয়গী কম্ম্যুনিতীশিংদা লৈরিবা অতোপ্পা নুপীশিংগী মরক্তা এৱারনেস শন্দোক্নবা হায়খি। মহাক্না অপুনবা ৱারেপ অমা লৌনবা হায়খি - মমা অমত্তা তুং ওইননা থমলোইদবনি, ইচানুপী অমত্তা শোত্থনা লৈহল্লোইদবনি।
ইমাশিং, ইচে-ইচলশিং অমসুং ইচানুপীশিংগী হকশেল অসি লৈবাক্কী মরুওইবা অমনি হায়না প্রধান মন্ত্রীনা ফোংদোকখি। মহাক্না হায়খি মদুদি সরকারনা মীরোনবী নুপী অমসুং নুপীমচাশিংদা মতিক চাবা ন্যুত্রিসন ফংহন্নবা মিসন মোদতা থবক তৌরি। মহাক্না ঙসিদগী 8শুবা নেস্নেল ন্যুত্রিসন থা হৌদোক্লে হায়না লাউথোকখি। শ্রী মোদীনা মখা তারদুনা হায়খি মদুদি চাউখৎলক্লিবা ভারত অমদা, মমা অমসুং অঙাংগী শিবগী চাং হন্থহনবা অসি তঙাইফদে। মসি ফংনবগীদমক সরকারনা 2017দা প্রধান মন্ত্রী মাত্রু বন্দনা য়োজনা হৌদোকখি। স্কিম অসিগী মখাদা অহানবা অঙাং পোকপদা লুপা 5,000 অম সুং অনিশুবা মচানুপী পোকপদা লুপা 6,000 বেঙ্ক একাউন্তদা হকথেংননা ত্রান্সফর তৌই। হৌজিক ফাওবদা, মীরোনবী মমা করোর 4.5না স্কিম অসিগী কান্নবা ফংখ্রে, লুপা করোর 19,000 হেন্না পীখ্রে হায়না প্রধান মন্ত্রীনা ফোংদোকখি। মহাক্না মখা তাখি মদুদি ঙসিগী নুমিৎ অসিদা, ক্লিক অমখক্তনা মীরোনবী নুপী লাখ 15 হেনবদা মতেং পাংখি। লুপা করোর 450 হেন্না মখোয়গী একাউন্তশিংদা হকথেংননা ক্রেদিৎ তৌখি।
ত্রাইবেল লমদমশিংদা লৈবা সিক্কল সেল এনেমিয়াগী অচৌবা শিংনবদু থেংননবা, মধ্য প্রদেশকী লৈমায়দগী হকশেলগী অতোপ্পা মরুওইবা খোংথাং অমা হৌদোক্লদুনা প্রধান মন্ত্রীনা হায়খি মদুদি সরকারনা ত্রাইবেল কম্ম্যুনিতীশিংবু লাইচৎ অসিদগী ঙাকথোক্নবা নেস্নেল মিসন অমা পায়খৎলি। মিসন অসি 2023দা অহানবা সিক্কল সেল স্ক্রীনিং কার্দ ইসু তৌখিবা মধ্য প্রদেশকী শাহদোলদগী হৌদোকখি। শ্রী মোদীনা হায়খি, "ঙসি, মধ্য প্রদেশতা করোর অমা শুবা স্ক্রিনিং কার্দ য়েন্থোকখ্রে অমসুং মসিগী কেম্পেন অসিগী মখাদা লৈবাক শিনবা থুংনা মীওই করোর মঙা হেন্না স্ক্রীনিং তৌখ্রে।" সিক্কল সেল স্ক্রীনিংনা ত্রাইবেল কম্ম্যুনিতীশিংদা লৈরিবা মীওই লাখ কয়াগী পুন্সি ঙাকথোকপদা মতেং পাংলি হায়না প্রধান মন্ত্রীনা ফোংদোকখি। মহাক্না ত্রাইবেলগী ইমাশিং, ইচে-ইচলশিংদা মখোয়বু সিক্কল সেল এনেমিয়াগীদমক স্ক্রীনিং তৌনবা আপিল তৌখি।
ইমাশিং, অমসুং ইচানুপীশিংগী পুন্সি লায়থোকহন্নবা অমসুং মখোয়গী অৱা-অনা হন্থহন্নবা মহাক্না লেপ্পা লৈতনা হোৎনরি হায়না পল্লদুনা শ্রী মোদীনা হায়খি মদুদি স্বচ্ছ ভারত অভিয়ানগী মখাদা তোইলেৎ করোর কয়া শাবা, উজ্জ্বলা য়োজনাগী মখাদা লেম্না LPG কনেক্সন পীবা অমসুং য়ুমথোংশিংদা ঈশিং ফংহন্নবা জল জীবন মিসনগুম্বা খোঙথাংশিংনা নুপীশিংগী নুমিৎ খুদিংগী অৱাবা হন্থহনখ্রে। আয়ুশ্মান ভারত স্কিমনা লুপা লাখ 5 ফাওবগী লেম্না লায়েংবগী খুদোংচাবা পীদুনা নুপীশিংগী হকশেল ফগৎহল্লে হায়না প্রধান মন্ত্রীনা অকনবা ৱাফম থমখি। পি.এম. গরীব কল্যান অন্ন য়োজনাগী মতাংদা পল্লদুনা মহাক্না হায়খি মদুদি কোবিদ-19 লাইচৎকী অরুবা মতমসিদা লেম্না রাসন ফংহন্দুনা লায়রবা ইমাশিংগী চাকশঙ মৈ মুৎহনখিদে। মহাক্না মখা তাখি মদুদি স্কিম অসিগী মখাদা লেম্না চেং-হৱাই য়েন্থোকপা মখা চত্থরি। প্রধান মন্ত্রীনা মসিসু পনখি মদুদি পি.এম. আৱাস য়োজনাগী মখাদা পীরিবা য়ুম অয়াম্বসি নুপীশিংগী মিংদা রেজিস্তর তৌখ্রে।
সরকারনা নুপীশিংবু শেল-থুমগী লমদা মপাঙ্গল কনখৎহনবদা অকনবা মীৎয়েং থম্লি হায়না পল্লদুনা শ্রী মোদীনা হায়খি মদুদি নুপী করোর কয়া অমনা অনৌবা বিজিনেস অমসুং ইন্দস্ত্রীশিং লিংখৎনবা মুদ্রা য়োজনাগী খুত্থাংদা লোন লৌরি। মহাক্না মখা তারদুনা হায়খি মদুদি সরকারনা নুপী করোর অহুমবু 'লাখপতি দিদিশিং' ওইহন্নবা থবক পায়খৎলি। মসিদা নুপী করোর অনিরোম্না মাইলস্তোন অসি ফংখ্রে। নুপীশিংবু বেঙ্ক সখী অমসুং দ্রোন দিদিশিং ওইনা ত্রেনিং পীদুনা খুঙ্গংগী শেন্মিৎলোনদা মরু ওইবা অমা ওইরি। সেল্ফ হেল্প গ্রুপশিংগী খুত্থাংদা নুপীশিংনা অহোংবা পুরকপগী অনৌবা খোঙজং অমা চংশিল্লি হায়না প্রধান মন্ত্রীনা হায়খি।
প্রধান মন্ত্রীনা হায়খি মদুদি হৌখিবা চহি 11 অসিদা, লায়রবশিংগী য়াইফনবা অমসুং মখোয়গী পুন্সি মহিং ফগৎহনবা অসি সরকারগী খ্বাইদগী ৱাংবা প্রাইওরিতী ওইরি। লায়রবশিংনা খুমাং চাউশিল্লকপা মতমদা লৈবাক অসিনা খুমা চাউশিনবা ঙমগনি হায়বা মহাক্কী থাজবা অদু মহাক্না ফোংদোকখি। লায়রবশিংদা তেংবাং পীবা অসি কৈদৌনুংদা লেম্না মাংদে হায়না মহাক্না ফোংদোকখি। তেংবাং খজিক্তং পীবনা মখোয়না য়াম্না চাউবা শিংনবশিং মায়োক্নবগী থৌনা উৎলি। শ্রী মোদীনা হায়খি মদুদি মহাক্না লায়রবশিংগী অৱাবা অদু মশানা থেংনখি অমসুং মখোয়গী অৱাবা অদু মহাক্কী ওইহনখি। মহাক্না অমুক হন্না হায়খি মদুদি লায়রবশিংগী সেবা তৌবা অসি মহাক্কী পুন্সিগী খ্বাইদগী চাউবা পান্দমনি। মসিগী মতুং ইন্না, সরকারনা লায়রবশিংবু ময়াইদা থমদুনা স্কিমশিং মখা তানা দিজাইন অমসুং ইমপ্লিমেন্ত তৌরি।
সরকারগী পোলিসীশিংগী ইম্পেক্ত অসি মালেম্না উবা ফংলে হায়না পল্লদুনা প্রধান মন্ত্রীনা হায়খি মদুদি ভারত্তা মীওই করোর 25 লৈতা লায়রবদগী থোরকপা ঙমখ্রে। প্রধান মন্ত্রীনা হায়খি মদুদি অহোংবা অসিনা খুন্নাই পুম্বদা থাজবগী অনৌবা ৱাখল্লোন অমা পোকহল্লে। প্রধান মন্ত্রীনা হায়খি মদুদি মসিগী থবকশিং অসি স্কিমশিং খক্তা নত্তে। মখোয় অসি লায়রবশিংগী ইমাশিং, ইচে-ইচলশিং অমসুং ইচানুপীশিংগী পুন্সিদা অহোংবা পুরকপগী গেরেন্তীনি। মহাক্না হায়খি মদুদি লায়রবশিংগী মাইথোংদা মমোন-মিনোক তমহনবা অমসুং নুপীশিংগী ইকাই খুম্নবা ঙাকপা অসি মহাক্না খ্বাইদগী কন্না হোৎনরিবা অমসুং অচেৎপা ফিরেপ্নি।
মহেশ্বরী তেক্সতাইলগী মরোমদোম লেপচবা ঙম্বগী ইনাক খুল্লবা চৎনবী অদু পল্লদুনা, দেবী অহিলয়াবাই হোলকরনা মহেশ্বরী সারিদা অনৌবা মায়োল অমা পীরম্মি হায়না পল্লদুনা, প্রধান মন্ত্রীনা মহাক্কী চহি 300শুবা মপোক কুমওন পাংথোকখিবা অদু নীংশিংখি অমসুং মহাক্না পনখি মদুদি মহাক্কী লেগেসী অসি হৌজিক ধারদা পি.এম. মিত্রা পার্ককী খুত্থাংদা মাংলোমদা চংশিল্লি। শ্রী মোদীনা হায়খি মদুদি পার্ক অসিনা তঙাইফদবা ৱিভিং মেতরিএলশিং হায়বদি কতন অমসুং সিল্ক অসি শোইদনা ফংহল্লগনি। মসিনা ক্বালিতী চেক তৌবা লাইথোকহল্লগনি অমসুং কৈথেলগী কন্নেক্তিবিতী হেনগৎহল্লগনি। মহাক্না অকনবা ৱাফম থমখি মদুদি স্পিনিং, দিজাইন তৌবা, প্রোসেসিং অমসুং এক্সপোর্ত পুম্নমক অসি ফেসিলিতী অমখক্তদা পাংথোক্কনি, মসিনা তেক্সতাইল ভেল্যু চেন পুম্নমক মফম অমখক্তদা ফংহনগনি। তেক্সতাইল ইন্দস্ত্রীগীদমক 5F ভিজনগীদমক - ফার্ম তু ফাইবর, ফাইবর তু ফেক্তরী, ফেক্তরী তু ফেশন, অমসুং ফেশন তু ফোরেন্দ- সরকারগী অচেৎপা ফিরেপ মহাক্না অমুক হন্না ফোংদোকখি। পোত্থোক পুথোকপদগী মালেমগী কৈথেল ফাওবগী খোঙজেল অসি হেন্না খোঙজেল য়াংনা অমসুং অপনবা লৈতনা চৎপা ঙমহনগনি।
ধারদা পি.এম. মিত্র পার্ককীদমক চাউরাক্না একর 1300গী লম পীখ্রে হায়না পল্লদুনা, ইন্দস্ত্রীএল য়ুনিত 80 হেন্না হান্ননা পীখ্রে হায়না প্রধান মন্ত্রীনা ফোংদোকখি। পার্ক অসিনা অনৌবা থবক্কী খুদোংচাবা লাখ অহুম পুথোক্কনি হায়না পানরি। পার্ক অসিনা লোজিতিক্স অমসুং মেনুফেকচরিংগী শেনফম য়াম্না হন্থহল্লগনি, মসিনা ভারতকী পোত্থোকশিং অসি হেন্না শেল চঙবা অমসুং মালেমগী থাক্তা চাংদম্নবা ঙমহনগনি হায়না শ্রী মোদীনা অকনবা ৱাফম থমখি। মহাক্না থৌরাং অসিগীদমক মধ্য প্রদেশকী মীয়ামদা অখন্নবা থাগৎপা ফোংদোকখি অমসুং সরকারনা লৈবাক শিনবা থুংনা পি.এম. মিত্র পার্ক তরুক লিংখৎনবা থৌরাং তৌরি হায়না পাউদমখি।
প্রধান মন্ত্রীনা লৈবাক শীনবা থুংনা পাংথোক্লিবা বিশ্বকর্মা পূজাগী থৌরম অদু পনখি। মহাক্না মসি পি.এম. বিশ্বকর্মা য়োজনাগী মাইপাকপগী থৌরম অমনি হায়না ফোqদোকখি। মহাক্না লৈবাক শীনবা থুংনা লৈরিবা বিশ্বকর্মাগী ইচিল-ইনাওশিং, উ-শুবশিং, য়োৎ শুবশিং, সনা শাবশিং, চফু শাবশিং, চেক শুবশিং, ব্রাস, কোপর অমসুং অতোপ্পা ত্রেদিস্নেল ক্রাফ্তশিংগী আর্তিসানশিংবু অখন্নবা মওংদা থাগৎপা ফোংদোকখি। মহাক্না মেক ইন ইন্দিয়া ইনিসিয়েতিবকী মখাদা মখোয়গী মরুওইবা থৌদাং অদু শকখঙখি। মখোয়গী পোত্থোকশিং অমসুং হৈ-শিংবশিংনা খুঙ্গং অমসুং সহর অনিমক্তা নুমিৎ খুদিংগী মথৌ তাবশিং মপুং ফাহল্লি হায়না মহাক্না পনখি। শ্রী মোদীনা পি.এম. বিশ্বকর্মা য়োজনানা অতেনবা মতমগী মনুংদা আর্তিসান অমসুং ক্রাফমেন লাখ 30 হেনবদা মতেং পাংলিবা অসিদা নুংঙাইবা ফোংদোকখি। মখা তানা মহাক্না হায়খি মদুদি স্কিম অসিগী খুত্থাংদা বেনিফিসরীশিংনা স্কিল ত্রেনিং, দিজিতেল মার্কেতিং অমসুং মোদর্ন তুলশিং ফংলে। মহাক্না মখা তাখি মদুদি বিশ্বকর্মা পার্তনর লাখ তরুক হেন্না অনৌবা ইক্বিপমেন্তশিং ফংহনখ্রে অমসুং মখোয়গী থবকশিংদা মতেং পাংনবা লুপা করোর 4,000 হেন্না লোন পীখ্রে।
শ্রী মোদীনা হায়খি মদুদি পি.এম. বিশ্বকর্মা য়োজনা অসিনা খুন্নাইগী মীওই কাংলুপশিংবু চহি তরাগী খুজিং কয়াদগী কান্নবা ফংহন্দনা লাক্লি। লায়রবা বিশ্বকর্মাগী ইচিল-ইনাওশিং অসি হৈ-শিংলবা মীওইশিংনি হায়না মহাক্না অকনবা ৱাফম থমখি অদুবু মমাংগী সরকারশিংনা মখোয়গী তেলেন্ত হেনগৎহন্নবা নত্ত্রগা মখোয়গী পুন্সি মহিং ফগৎহন্নবা থৌরাং অমত্তা পায়খৎখিদে। মহাক্না হায়খি, হৌজিক লৈরিবা সরকার অসিনা মখোয়গী খুৎশা হৈবগী হৈশিংববু খুমাং চাউশিলহন্নবা লম্বী শেম্লে। শ্রী মোদীনা মহাক্কী অচেৎপা ফিরেপ অদু অমুক হন্না ফোংদোক্লদুনা হায়খি মদুদি শোত্থরবশিংদা সরকারনা খ্বাইদগী মরুওইবা ওইবা মীৎয়েং চংলি।
প্রধান মন্ত্রীনা ধার অসি 'নেসন ফার্স্ত'কী ৱাখল্লোনগা লোয়ননা মহাক্কী পুন্সি পুম্নমক লৈবাক অসিগীদমক কত্থোকখিবা ইকাই খুম্নরবা কুশভৌ থাকরেগী পোক্নফম লমদমনি হায়না শকখঙখি। মহাক্না কুশভৌ থাকরেদা ইকায় খুম্নবা উৎখি অমসুং নেসন ফার্স্ত ৱাখল্লোন অসিনা ভারতপু অনৌবা অৱাংবা থাক্তা পুখৎনবা ইথিল পীরি হায়না ফোংদোকখি।
প্রধান মন্ত্রী শ্রী নরেন্দ্র মোদীনা মরুওইনা ফোংদোকখি মদুদি কুমহৈগী মতম অসি স্বদেশীগী মন্ত্র অসিবু অমুক্কা হন্না থাজবা পীনবগী মতম অমনি। মহাক্না নাগরিকশিংদা মখোয়না লৈবা নৎত্রগা য়োনবা মতমদা মদু মেদ ইন ইন্দিয়া ওইগদবনি হায়খি মহাত্মা গান্ধীনা স্বদেশীবু নীংতম্বগী খুৎলাই অমা ওইনা শীজিন্নখিবা অদু নীংশিংলদুনা প্রধান মন্ত্রীনা হায়খি মদুদি হৌজিক্তি মসিনা চাউখৎলবা ভারত অমগী য়ুম্ফম ওইগদবনি। মহাক্না হায়খি মদুদি মীয়াম্না স্বদেশীগী পোত্থোকশিং অসিদা চাউথোকচবা পোক্লবদি মসি ওইথোকপা ঙমগনি। শ্রী মোদীনা নাগরিকশিংদা - অপীকপা পোৎলমশিং, অঙাংশিংগী শান্নপোৎশিং, দিৱালীগী মুর্তীশিং, য়ুমগী লৈতেং, নৎত্রগা মোবাইল, TV অমসুং রিফ্রিজরেতরশিংগুম্বা অচৌবা পোৎলমশিং ওইরবসু - ভারতনা পুথোকপা পোৎলমশিং খন্নবা পুক্নিং থৌগৎখি। স্বদেশীগী পোত্থোকশিং অসি লৈবাক অসিগী মনুংদা শেল অদু চৎহনদনা লৈহনবা, কেপিতেলগী মপান চৎখিগদবদগী ঙাকথোকপা অমসুং লৈবাক্কী চাউখৎ থৌরাংদা হকথেংননা মতেং পাংবনা মরম ওইদুনা পোত্থোক অদু ভারত্তা শাখিবরা হায়না য়েংশিনবগী মরুওইবা অদু মহাক্না ফোংদোকখি। শেনফম অসিনা লম্বীশিং, খুঙ্গংগী স্কুলশিং, প্রাইমরী হেল্থ সেন্তরশিং শেমগৎপদা মতেং পাংই অমসুং লায়রবশিংদা কান্নবা পীনবা স্কিমশিং সপ্পোর্ত তৌই হায়না মহাক্না ফোংদোকখি।
প্রধান মন্ত্রীনা হায়খি মদুদি তঙাই ফদবা পোৎলমশিং অসি লৈবাক অসিদা পুথোকপা মতমদা, মখোয়না নাগরিকশিংগীদমক থবক ফংহল্লি। সেপ্তেম্বর 22দগী নবরাত্রি হৌরকপগা লোয়ননা হন্থরবা GSTগী রেৎশিং চৎনবা হৌরকপগা লোয়ননা মহাক্না মীপুম খুদিংমকপু স্বদেশীগী পোৎথোকশিং লৈনবা অমসুং হোংদোক্লবা রেৎশিং অসিদগী কান্নবা লৌনবা হায়খি। মহাক্না ‘চাউথোকচবগা লোয়ননা হায়বিয়ু: মসি স্বদেশীনি' হায়বা মন্ত্র অসি নীংশিংদুনা অমসুং হঞ্জিন-হঞ্জিন পাউজেল পীদুনা ৱারোল পীবা লোইশিনখি অমসুং মীপুম খুদিংমক্তা মহাক্কী কুমহৈগী য়াইফ পাউজেল পীখি।
থৌরম অদুদা মধ্য প্রদেশকী গভর্নর শ্রী মঙ্গুভাই পতেল, মধ্য প্রদেশকী মুখ্য মন্ত্রী শ্রী মোহন য়াদব, কেন্দ্রগী মন্ত্রী শ্রীমতি সাভিত্রি থাকুর অমসুং অতোপ্পা দিগ্নিতরীশিংসু শরুক য়াখি।
বেকগ্রাউন্দ
হকশেল, পোশান, ফিৎনেস অমসুং স্বস্থা অমসুং সশক্ত ভারতকী মহাক্কী অচেৎপা ফিরেপ অদুগী মতুং ইন্না প্রধান মন্ত্রীনা "স্বচ্ছ নরী সশক্ত পরিৱার" অমসুং "8শুবা রাস্ত্রীয় পোশান মাহ" কেম্পেন হৌদোকখ্রে। কেম্পেন অসি সেপ্তেম্বর 17তগী ওক্তোবর 2 ফাওবা আয়ুশ্মান আরোগ্য মন্দিরশিং, কম্ম্যুনিতী হেল্থ সেন্তরশিং, দিস্ত্রিক্ত হোস্পিতালশিং অমসুং লৈবাক শীনবা থুংনা লৈরিবা অতোপ্পা সরকারগী হেল্থ ফেসিলিতীশিংদা পাংথোক্কনি। লৈবাক অসিদা নুপী অমসুং অঙাংশিংগীদমক্তা খ্বাইদগী চাউবা হেল্থ আউৎরীচ অমা ওইহন্নবা হেল্থ কেম্প লাখ অমা হেন্না পাংথোক্কনি। লৈবাক শিনবা থুংনা লৈরিবা সরকারগী হেক্থ ফেসিলিতী পুম্নমক্তা নুমিৎ খুদিংগী হকশেলগী কেম্পশিং পাংথোক্কনি।
লৈবাক শীনবা থুংনা চত্থরিবা কেম্পেন অসিনা কম্ম্যুনিতিগী থাক্তা নুপীশিংদা মরুওইবা প্রিভেন্তিব, প্রোমোতিব অমসুং ক্যুরেতিব হেল্থ সর্ভিসশিং ফংহন্নবা হোৎনরি। মসিনা নন-কম্ম্যুনিকেবল দিজিজশিং, এনেমিয়া, ত্যুবরক্যুলোসিস অমসুং সিক্কল সেল লায়নাশিংবু স্ক্রিনিং তৌবা, ঙন্না খঙদোকপা অমসুং ত্রীৎমেন্তগী লিঙ্কশিং মপাঙ্গল কনখৎহল্লগনি অমরোমদা মমা, অঙাং অমসুং ইনখৎলক্লিবা অঙাংশিংগী হকশেল অসি প্রি-নেতেল কেয়র, ইম্ম্যুনাইজেসন, ন্যুত্রিসন, মেন্সচুএল হায়জিন, লাইফষ্টাইল অমসুং মেন্তেল হেল্থ এৱেরনেস এক্তিবিতীশিংগী খুত্থাংদা ফগৎহল্লগনি। মেদিকেল কোলেজশিং, দিস্ত্রিক্ত হোস্পিতালশিং, সেন্ত্রেল গভর্নমেন্ত ইন্সতিত্যুসনশিং অমসুং প্রাইবেৎ হোস্পিতালশিংগী খুত্থাংদা গাইনেকোলোজী, পেদিএত্রিক্স, আই, ENT, দেন্তেল, দর্মাতোলোজী অমসুং সাইকিয়াত্রী য়াওনা স্পেসিএলিস্ত সর্ভিসশিং মোবিলাইজ তৌগনি।
কেম্পেন অসিগী মখাদা লৈবাক শীনবা থুংনা ব্লদ দোনেসন দ্রাইবশিংসু শীনগনি। দোনরশিং অসি ই-রক্তকোশ পোর্তেলদা রেজিস্তর তৌগনি অমসুং মাইগোভকী খুত্থাংদা প্লেজ কেম্পেনশিং পাংথোক্কনি। বেনিফিসরীশিং অসি PM-JAY, অয়ুশ্মান ভায়া ভন্দানা অমসুং ABHAগী মখাদা মিং চনশিনগনি। কার্দ ভেরিফিকেসন অমসুং কমপ্লেন্ত রিদ্রেসেলগীদমক হেল্থ কেম্পশিংদা হেল্প দেস্কশিং লিংখৎকনি। নুপী অমসুং ইমুং মনুংগীদমক হোলিস্তিক হেল্থ অমসুং ৱেলনেস প্রেক্তিসশিং প্রমোৎ তৌনবা য়োগ সেসনশিং, আয়ুর্বেদ কন্সল্তেসনশিং অমসুং অতোপ্পা আয়ুশ সর্ভিসশিং পাংথোক্কনি। কেম্পেন অসিনা কম্ম্যুনিতীশিংবু হকশেল ফবা পুন্সি মহিংগী থবকশিং তৌনবা পুক্নিং থৌগৎকনি। মসিদা ওবিসিতী প্রিভেন্সন, অফবা ন্যুত্রিসন অমসুং ভোলুন্তরী ব্লদ দোনেসনদা অখন্নবা মীৎয়েং থমগনি। হোল ওফ সোসাইতী এপ্রোচ অমদা ন্যুত্রিসন, কাউন্সেলিং অমসুং কেয়রগা লোয়ননা TB অনাবশিংবু সপ্পোর্ত তৌনবা প্রজাশিংদা দিদিকেতেদ প্লেৎফোর্ম (www.nikshay.in) দা নিক্ষে মিত্রা ওইনা রেজিস্তর তৌনবা পুক্নিং থৌগৎকনি।
প্রধান মন্ত্রীনা প্রধান মন্ত্রী মাত্রু বন্দনা য়োজনাগী মখাদা লৈবা নুপীশিংগী বেঙ্ক একাউন্তশিংদা ক্লিক অমা খক্তনা ফন্দশিং ত্রান্সফর তৌগনি। লৈবাক অসিদা লৈরিবা নুপী লাখ 10রোম কান্নবা ফংগনি।
মমা অমসুং অঙাংগী হকশেলগী মতাংদা এৱেরনেস হেনগৎহন্নবা প্রধান মন্ত্রীনা সুমন সখী চেতবোত লোঞ্চ তৌখ্রে। চেত বোত অসিনা খুঙ্গংগী অমসুং অরাপ্পা মফমশিংদা লৈরিবা মীরোনবী নুপীশিংদা মতম চানা অচুম্বা ঈ-পাউ ফংহল্লগনি। মসিনা তঙাই ফদবা হকশেলগী সর্ভিসশিং ফংহল্লগনি।
সিক্কল সেল এনেমিয়াগী মায়োক্তা লৈবাক অসিনা পুন্না হোৎনরিবা অসিদা মখা তানা খুমাং চাউশিলহন্দুনা, প্রধান মন্ত্রীনা রাজ্য অসিগী ওইনা করোর অমশুবা সিকল সেল স্ক্রিনিং অমসুং কাউন্সেলিং কার্দ য়েন্থোকখ্রে।
আদি কর্ময়োগী অভিয়ানগী শরুক অমা ওইনা, প্রধান মন্ত্রীনা ত্রাইবেলগী চাউথোকচবা অমসুং লৈবাক শেমগৎপগী ৱাখল্লোনগী মরীবু মশক তাক্কদবা এম.পি.গীদমক 'আদি সেবা পর্ভ' হৌদোকখ্রে। ইনিসিয়েতিব অসিদা ত্রাইবেল রিজনশিংদা সর্ভিস ওরিয়েন্তেদ এক্তিবিতীশিংগী পরিং অমা য়াওগনি। মসিদা হকশেল, এজুকেসন, ন্যুত্রিসন, স্কিল দিবেলপমেন্ত, লাইবলিহুদ হেনগৎহনবা, সেনিতেসন, ৱাতর কঞ্জরবেসন, অমসুং এনভাইর্নমেন্ত প্রোতেক্সনদা মীৎয়েং থমগনি। ত্রাইবেল ভিলেজ এক্সন প্লান অমসুং ত্রাইবেল ভিলেজ ভিজন 2030দা অখন্নবা মীৎয়েং থমগনি। মসিগী পান্দমদি খুঙ্গং খুদিংমক্কীদমক সস্তেনেবল দিবেলপমেন্ত রোদমেপ শেমগৎপনি।
মহাক্কী 5F ভিজন - ফার্ম তু ফাইবর, ফাইবর তু ফেক্তরী, ফেক্তরী তু ফেসন, অমসুং ফেসন তু ফোরেনগী মতুং ইন্না, প্রধান মন্ত্রীনা ধারদা পি.এম. মিত্রা পার্ক শঙ্গাখ্রে। একর 2,150 হেন্না পাক চাউবা, পার্ক অসিদা মালেমগী থাক্কী ফেসিলিতীশিং লৈগনি। মসিগী মনুংদা কম্মন ইফ্ল্যুএন্ত ত্রিৎমেন্ত প্লান্ত, সোলর পৱার প্লান্ত, মোদর্ন রোদশিং য়াওদুনা ইন্দস্ত্রীএল তাউনশিপ অমা ওইহল্লগনি। মসিনা লৌমীশিংগী শেন্থোক হেনগৎহন্দুনা অমসুং মখোয়গী পোত্থোকশিংগী মমল হেনগৎহন্দুনা লমদম অসিদা লৈবা কত্তন লৌমীশিংদসু কান্নবা ফংহল্লগনি।
তেক্সতাইলগী তোঙান তোঙানবা কম্পনীশিংনা লুপা করোর 23,140 হেনবগী ইনভেস্তমেন্ত প্রপোজেলশিংগী থাজবা পীখ্রে। মসিনা অনৌবা ইন্দস্ত্রীশিং অমসুং অচৌবা থবক পীবগী লম্বী য়াৎলি। মসিনা এক্সপোর্তশিং চাউনা হেনগৎহন্দুনা চাউরাক্না থবক লাখ 3গী খুদোংচাবা পীগনি।
অকোয়বগী ফিভম ঙাক্নবা অমসুং নুপীশিংগী শেন্মিৎলোনদা শক্তি পীনবা মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা রাজ্য অসিগী এক বগিয়া মা কে নাম ইনিসিয়েতিবকী মখাদা নুপীশিংগী সেল্ফ হেল্প গ্রুপকী বেনিফিসরী অমদা উ পাম্বী অমা খুদোল ওইনা পীরগনি। মধ্য প্রদেশকী নুপী 10,000 হেনবনা 'মা কি বগিয়া' শেমগৎলগনি। নুপীগী কাংলুপশিংদসু পাম্বী ঙাকশেন্দুনা থম্নবগীদমক মথৌ তাবা রিসোর্স পুম্নমক ফংহল্লি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज ही के दिन देश ने सरदार पटेल की फौलादी इच्छाशक्ति का उदाहरण देखा था।
— PMO India (@PMOIndia) September 17, 2025
भारतीय सेना ने हैदराबाद को अनेकों अत्याचारों से मुक्त कराकर...भारत के गौरव को पुनः प्रतिस्थापित किया था: PM @narendramodi pic.twitter.com/ASlL06iAsw
मां भारती की आन-बान-शान से बड़ा कुछ भी नहीं: PM @narendramodi pic.twitter.com/sIWpDntebn
— PMO India (@PMOIndia) September 17, 2025
‘स्वस्थ नारी-सशक्त परिवार’ अभियान माताओं-बहनों को समर्पित है। pic.twitter.com/GJcUbLtAtI
— PMO India (@PMOIndia) September 17, 2025
गरीब की सेवा ही मेरे जीवन का सबसे बड़ा उद्देश्य है: PM @narendramodi pic.twitter.com/8D99R4p3tS
— PMO India (@PMOIndia) September 17, 2025
5F vision for the textile industry – from Farm to Fibre, Fibre to Factory, Factory to Fashion and Fashion to Foreign. pic.twitter.com/hOBDjlgJQ6
— PMO India (@PMOIndia) September 17, 2025
विश्वकर्मा भाई-बहन - मेक इन इंडिया की बड़ी ताकत। pic.twitter.com/4xhEMwKBuJ
— PMO India (@PMOIndia) September 17, 2025
जो पिछड़ा है, वो हमारी प्राथमिकता है: PM @narendramodi pic.twitter.com/JDVKVz9gma
— PMO India (@PMOIndia) September 17, 2025
