ঙসিদগী হৌরিবা চাউখৎ-থৌরাংগী থবকশিং কেরলাগী মফম কয়া পাক-শন্না য়ৌরে অমসুং সেক্তর কয়া কোনশিল্লে: প্রধান মন্ত্রী
হৌখিবা চহি ৬তা ভারতকী সোলার ইনর্জি পুথোকপা শরুক ১৩ হেনগৎলে: প্রধান মন্ত্রী
ঐখোয়গী অন্নদাতাশিং উর্জদাতাশিং ওইনা শেমগৎনবা লৌমীশিংগা সোলার সেক্তরগা শম্নরে: প্রধান মন্ত্রী
চাউখৎপা অমসুং অফবা লৈঙাক্না কাংলুপ, ফুরুপ, জাৎ, নুপা-নুপী, লাইনিং নত্রগা লোল মশক খঙদে:

ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা কেরলাগী অরুভিক্বারাদা পুগালুর-থ্রিসুর পৱার ত্রান্সমিসন প্রোজেক, কাসারাগোদ সোলার পৱার প্রোজেক অমসুং ঈশিং শেংদোক্নবা প্লান্ত শঙ্গাখ্রে। থৌরম অদুদা মহাক্না তিরুবনন্তপুরমদা ইন্তেগ্রেতেদ কমান্দ এন্দ কন্ত্রোল সেন্তর অমসুং স্মার্দ রোদ প্রোজেক্কী উরেপ-উয়ুং তমখি।

থৌরম অদুদা কেরলাগী চীফ মিনিস্তর শ্রী পিনারায়ি বিজয়ান, পৱার, নিউ অমসুং রিনিউএবল ইনর্জিগী রাজ্য মন্ত্রী(ইন-চার্জ) শ্রী রাজ কুমার সিংহ অমসুং হাওসিং অমসুং অর্বান এফেয়ার্সকী রাজ্য মন্ত্রী শ্রী হরদিপ সিংহ পুরিশু শরুক য়াখি।

থৌরম অদুদা ৱা ঙাংবদা প্রধান মন্ত্রীনা হায়খি ঙসিদগী হৌরিবা চাউখৎ-থৌরাংগী থবকশিং কেরলাগী মফম কয়া পাক-শন্না য়ৌরে অমসুং সেক্তর কয়া কোনশিল্লে। প্রোজেকশিং অসিনা ভারতকী চাউখৎপদা চাউনা মতেং পাংলিবা ফজরবা রাজ্য কেরলাগী মীয়াম থৌনা হাপ্লগনি।

মহাক্না হায়খি ঙসি শঙ্গারিবা মেগাৱাত ২০০০গী অনৌবা পুগালুর-থ্রিসুর হায় ভোলতেজ দাইরেক্ত করেন্ত সিস্তেম অসি কেরলা অমসুং নেসনেল গ্রিদ শম্নবা অহানবা ঐচ.ভি.দি.সি ইন্তরকন্নেক্সনি অমসুং রাজ্য অসিগী দরকার ওইবা মৈ পীবা ঙম্নবা য়াম্লবা মৈ পুবা ঙম্লগনি। মসি লৈবাক অসিদা মৈ পুনবা ভি.এস.সি কনভর্তর তেক্নোলোজি শীজিন্নবা অহানবনি। রাজ্য অসিগী মৈ পুথোকপা অসি মতম মতমগী ওইনা লেপ্পা মরম্না কেরলা অসি নেসনেল গ্রিদতগী মৈ লৌবগী মখা য়াম্না পোল্লি অমসুং ঐচ.ভি.দি.সি সিস্তেম্না অৱাৎশিং মেনশিনবদা মতেং পাংলগনি। প্রোজেক অসিদা শীজিন্নরিবা ঐচ.ভি.দি.সি খুৎলায়শিং ভারত্তা শাবনি অমসুং মসিনা লৈবাক অসিগী অত্মানির্ভর ভারতকী ইহৌ মপাঙ্গল কনখৎহল্লগনি।

প্রধান মন্ত্রীনা হায়খি নুমিৎ মঙালদগী মৈ পুথোক্নবা ঐখোয়না মাইপাক্না পায়খৎলিবা থবকশিং অসিনা অইং-অশাগী খল হোংলকপা থেংনবা ঙমহল্লে অমসুং ঐখোয়গী ওন্ত্রেপ্রেনিউয়রশিং চাউখৎলে। ঐখোয়গী অন্নদাতাশিং উর্জদাতাশিং ওইনা শেমগৎনবা লৌমীশিংগা সোলার সেক্তরগা শম্নরে।প্রধান মন্ত্রী-কুসুম য়োজনাগী মখাদা লৌমীশিংদা সোলার পম্প লাখ ২০ হেন্না ফংহনখ্রে। হৌখিবা চহি ৬তা ভারতকী সোলার ইনর্জি পুথোকপা শরুক ১৩ হেনগৎলে। ইন্তরনেসনেল সোলার এল্লাইন্সকী খুৎথাংদা ভারতনা মালেম অসি পুনশিনহল্লে। ঐখোয়গী সহরশিং চাউখৎপগী ইঞ্জিনশিংনি অমসুং অনৌবা থবক পায়খৎপগী হৌরকফম্নি। ঐখোয়গী সহরশিংদা পুক্নিং থৌগৎনিংঙাই ওইবা অনৌবা থবক অহুম উবা ফংলে: তেক্নোলোজি চাউখৎলকপা, থবক শুবা ঙম্বা মীওই মশিং হেনগৎলকপা অমসুং পোৎ-চৈ শীজিন্নবা হেনগৎলকপা।

প্রধান মন্ত্রীনা হায়খি স্মার্দ সিতি মিসনগী মখাদা পায়খৎলিবা ইন্তেগ্রেতেদ কমান্দ এন্দ কন্ত্রোল সেন্তর অসিনা সহর নিংথিনা থৌরাং তৌবা অমসুং শেন্নবদা মতেং পাংগনি। কমান্দ সেন্তর প্রোজেক ৫৪ মথৌ পাংথোকপা হৌরে অমসুং অসিগুম্বা প্রোজেক ৩০ শেমগৎ-শাগৎপগী তোঙান-তোঙানবা তাঙ্ককশিংদা লৈরি। হায়রিবা সেন্তরশিং অসি লাইচৎ মনুংদা য়াম্না কান্নখি। স্মার্দ সিতি মিসনগী মখাদা, কেরলাগী স্মার্দ সিতি অনি-কোচি অমসুং তিরুবনন্তপুরম ফজনা চাউখৎলে। লুপা কোতি ৭৭৩গী প্রোজেক ২৭ লোইশিনখ্রে অমসুং লুপা কোতি ২০০০গী প্রোজেক ৬৮ পায়খৎলি।

প্রধান মন্ত্রীনা হায়খি সহরশিং পাকথোক-চাউথোকপা অমসুং মখোয়গী ফত্তবা ঈশিং শেংদোক্নবা মচাকশিং ফগৎনবা অমরুতনা মতেং পাংলি। অমরুতকী মখাদা লুপা কোতি ১১০০ হেনবগী ঈশিং পীনবা প্রোজেক ১৭৪৫দা কেরলাদা পায়খৎলি। অমরুত সহর ৯দা মী খুদিংমক ঈশিং ফংহল্লে। ঙসি শঙ্গারিবা অরুভিক্কারা ৱাতর ত্রিৎমেন্ত প্লান্ত অসি লুপা কোতি ৭০ চঙনা লোইশিনবনি। মসিনা মীওই লাখ ১৩ রোমগী পুন্সি মহিং ফগৎহনগনি অমসুং তিরুবনন্তপুরমদা মীওই অমদা ফংলিবা ঈশিংগী চাং হেন্না ফংবদা মতেং পাংদুনা মমাঙদা নোংমদা মীওই অমনা লিতর ১০০ ফংলম্বা অদু লিতর ১৫০দা হেনগৎলগনি।

প্রধান মন্ত্রীনা হায়খি ছাত্রপতি শিবাজি মহারাজনা ভারতকী মীয়াম ইথিল পীখি। খুন্নাইগী কাংলুপ খুদিংমক চাউখৎপগী মহৈ চাগদবনি হায়বা শ্বারাজ্যদা শিবাজিনা অকনবা মিৎয়েং থমখি। শিবাজিনা মপাঙ্গল কনবা ঈশিং লান্মী(নেভি) শেমগৎখি অমসুং সমুদ্র মপান চাউখৎনবা অমসুং ঙামীশিংগী য়াইফনবা অকনবা থবক পায়খৎখি অমসুং সরকারনা মহাক্কী পান্দমশিং মখা চৎথরি। ঙাক-শেনগী হিরমদা অত্মনির্ভর ওইনবা লম্বীদা ভারত চঙশিল্লি। ঙাক-শেন অমসুং স্পেসকী থবকশিংদা মশক থোকপা অওনবশিং পুরক্লে। হায়রিবা থবকশিং অসিনা হৈশিংলবা ভারতকী নহারোল কয়া খুদোংচাবা কয়া ফংলগনি। ব্লু ইকোনোমিদা ভারতনা শেন থাদরি। শেন্থং হেন্না পীনবা, তেক্নোলোজি শীজিন্নবা হেনগৎনবা, মগুন লৈবা মচাক-মথুমশিং শেমগৎনবা অমসুং অফবা সরকারগী থৌশিলশিং শেম্নবা থবকশিংদা য়ুম্ফম ওইদুনা ঐখোয়গী ঙামীশিংগীদমক ঐখোয়না হোৎনরি। সরকারগী থৌশিলশিং অসিনা ভারত সমুদ্রদগী ফংবা চীঞ্জাকশিং মপান্দা থাদোক্নবা মফম অমা ওইনা শেমগৎপা ঙমগনি।

মমিং লৈরবা মলায়ালম কবি কুমারানসানগী ৱাহৈশিং:

“ঐনা হংদে

অদোমগী জাৎ ইচল,

ঐনা হংলি ঈশিং,

ঐ খৌরাংলে”।

পল্লদুনা প্রধান মন্ত্রীনা হায়খি চাউখৎপা অমসুং অফবা লৈঙাক্না কাংলুপ, ফুরুপ, জাৎ, নুপা-নুপী, লাইনিং নত্রগা লোল মশক খঙদে। চাউখৎপা হায়বসি মী খুদিংমক্কীনি অমসুং মসি সবকা সাথ, সবকা বিকাস, সবকা বিশ্বাসকী থৱায়নি। মাঙলোমদা চঙশিন্নবা অমসুং পুন্না হিংমিন্নবা অমসুং চাউখৎপগী মহাক্কী মঙলান মঙফাওনবা ঙম্নবা প্রধান মন্ত্রীনা কেরলাগী মীয়ামদগী মতেং নিখি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Make in India: Google to manufacture drones in Tamil Nadu, may export it to US, Australia, others

Media Coverage

Make in India: Google to manufacture drones in Tamil Nadu, may export it to US, Australia, others
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 মে, 2024
May 25, 2024

Citizens Express Appreciation for India’s Muti-sectoral Growth with PM Modi’s Visionary Leadership