প্রধান মন্ত্রী, শ্রী নরেন্দ্র মোদীনা অহমদাবাদকী সিভিল হোস্পিতাল অসরৱাদা লুপা করোর ১২৭৫রোমগী তোঙান-তোঙানবা হেল্থকিয়র ফেসিলিতীশিংগী উরেপ-উয়ুং তমখ্রে অমসুং জাতিদা খুৎশিন্নখ্রে।
থৌরম মফমদা থুংলবা মফমফা প্রধান মন্ত্রীনা হেল্থ ইনফ্রাস্ত্রকচর প্রোজেক্তশিং অসিগী ৱাকথ্রু অমা তৌখি। মসিগী মতুংদা প্রধান মন্ত্রীনা ফমফমলাংদা লেংশিল্লবা মতুংদা মহাকপু ইকাই খুম্নবগা লোয়ননা ওকখি। প্রধান মন্ত্রীনা প্লেগকী মাইখুম হাংদোকখি অমসুং জাতিদা খুৎশিন্নখি: (i) মঞ্জুশ্রী মিল কেম্পসতা ইন্সতিত্যুৎ ওফ কিদনী দিজীজেজ এন্দ রিছর্চ সেন্তর (আই.কে.দি.আর.সি.) (ii) সিভিল হোস্পিতাল কেম্পস, অসরৱাদা গুজরাত কেন্সর রিসর্চ ইন্সতিত্যুতকী হোস্পিতাল বিল্দিং ১সি (iii) য়ু.এন. মেহতা হোস্পিতালদা হোস্তেল (iv) ৱান স্তেৎ ৱান দাইলাইসিসকা লোয়ননা গুজরাত প্রোগ্রাম পাকথোক-চাউথোকপা (v) গুজরাত স্তেৎকী কেমো প্রোগ্রাম। মসিগী মতুংদা প্রধান মন্ত্রীনা হায়রিবশিং অসিগী উরেপ-উয়ুং তমখি: (i) ন্যু মেদিকেল কোলেজ, গোধেরা (ii) জি.এম.ই.আর.এস. মেদিকেল কোলেজ, সোলাগী ন্যু সুপর স্পেসিএলিতী হোস্পিতাল (iii) সিভিল হোস্পিতাল, অসরৱাদা মেদিকেল গর্লস কোলেজ (iv) সিভিল হোস্পিতাল, অসরৱাদা রেন বাসেরা (v) ভিলোদাদা ফমুং ১২৫ থাবা দিস্ত্রিক্ত হোস্পিতাল (vi) অঞ্জরদা ফমুং ১০০ থাবা সব-দিস্ত্রিক্ত হোস্পিতাল।
প্রধান মন্ত্রীনা মোরবা হদাফকী সি.ঐচ.সি.শিং, জি.এম.এল.আর.এস জুনাগর অমসুং সি.ঐচ.সি. ৱঘইদা লৈবা পেসেন্তশিংগা লোয়ননা ৱারী শাখি।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি গুজরাতকী হকশেলগীদমক মসি মরু ওইবা নুমিৎ অমনি অমসুং মতম চানা প্রোজেক্তশিং অসি লোইশিনবদা য়াওখিবা মীপুম খুদিংমকপু থাগৎপা ফোঙদোকচরি। শ্রী মোদীনা হায় মদুদি মালেমগী খ্বাইদগী এদভান্স ওইবা মেদিকেল তেক্নোলোজীমা কান্নরবা অমসুং ফগৎলকপা মেদিকেল ইনফ্রাস্ত্রকচর গুজরাতকী মীয়ামদা ফংহন্দুনা খুন্নাইদা কান্নবা পীরগনি। হকশেলগী কান্নবশিং ফংবগা লোয়ননা প্রধান মন্ত্রীনা লনাই হোস্পিতালশিংদা চৎপা ঙমজদবশিংনা হৌজিক্তি অথু-অকাইগীদমক মেদিকেল তীমশিং থম্লিবা সরকারনা চল্লাইবা হোস্পিতালশিংদা চৎপা য়ারগনি হায়না ফোঙদোকখি। প্রধান মন্ত্রীনা চহি অহুম মখাইরোমগী মমাংদা মহাক্না ফমুং ১২০০ থাবা মেতর্নেল এন্দ চাইল্দ হেল্থ সুপর স্পেসিএলিতী হোস্পিতাল অমা শঙ্গাবগী খুদোংচাবা ফংজখিবা অদু নীংশিংখি।
প্রধান মন্ত্রীনা ইন্সতিত্যুত ওফ কিদনী দিজিজেস অমসুং য়ু.এন. মেহতা ইন্সতিত্যুত ওফ কার্দিওলোজীগী কেপাসিতী অমসুং সর্ভিসশিং অসি পাকথোক চাউথোকহল্লি হায়না ফোঙদোকখি। অপগ্রেদ তৌরবা বোন মেরো ত্রান্সপ্লান্তশিংগুম্বা ফেসিলিতীশিংসু গুজরাত কেন্সর রিসর্চ ইন্সতিত্যুতকী অনৌবা বিল্দিংদা হৌরি। মহাক্না হায়, “মসি লৈবাক অসিগী ওইনা সাইবর-নাইফকুম্বা স্তেৎ-ওফ-দি-আর্ত তেক্নোলোজী লৈবা অহানবা সরকারগী হোস্পিতাল ওইরগনি”। প্রধান মন্ত্রীনা হায়, গুজরাত অসি চাউখৎপগী অনৌবা পনখৈ তম্না খুমাং য়াংনা চাউশিল্লি। মহাক্না হায় মদুদি গুজরাতকী চাউখৎ খোঙজেল অমসুং মসিদা পাইখৎলিবা থবক অমসুং মাইপাকপশিং অসি অদুক্কী মতিক য়াম্বনা করিগুম্বা মতমদা মখোয়বু মশিং থীবদা অৱাবা ওইরি।
চহি ২০-২৫গী মমাংদা গুজরাত্তা লৈরম্বা ফত্রবা সিস্তেমগী মতাংদা পল্লদুনা প্রধান মন্ত্রীনা হেল্থ সেক্তরদা শোত্থরম্বা, এজুকেসন নীংথিনা লৈহনদবা, মৈ ফংদবা, কাংলোন চুম্বা লৈঙাক লৈতবা অমসুং লো এন্দ ওর্দরগী সমস্যাশিংগুম্বা লাইনাশিং অদু পনখি। পুম্নমক অসিদগী খ্বাইদগী মকোকতা লৈবা অনাবা অসি ভোৎ বেঙ্ক পোলিতিক্সনা ওইরমখি। মহাক্না হায় ঙসি গুজরাতনা লাইনা পুম্নমক অসি তুংওইননা থনমদুনা খুমাং চাউশিল্লি। ঙসি হাই-তেক হোস্পিতালশিংগী ওইনসু গুজরাতনা মকোক্তা লৈরি। এজুকেস্নেল ইন্সতিত্যুসনশিংগী মতাংদসু ঙসিদি গুজরাতকী লম্বা লৈত্রে। গুজরাতনা মাংদা চংশিল্লি অমসুং গ্রোথকী অনৌবা ত্রেজেক্তরীশিংদা কাখৎলি হায়না মহাক্না মখা তাখি। মতৌ অসুম্না ঈশিং, মৈ অমসুং লো এন্দ ওর্দরগী ফীভম অসি গুজরাত্তা শীংথানীংঙাই ওইনা ফগৎহনখি। শ্রী মোদীনা হায়খি, “ঙসি সবকা সাথ, সবকা বিকাস, সবকা বিশ্বাস অমসুং সবকা প্রয়াসকী সরকারনা গুজরাতকীদমক চোকথবা লৈতনা থবক তৌরি”।
প্রধান মন্ত্রীনা হায়খি মদুদি ঙসি হৌখিবা হেল্থ ইনফ্রাস্ত্রকচর প্রোজেক্তশিং অসিনা গুজরাতকী অনৌবা মশক অমা তাক্লি অমসুং প্রোজেক্তশিং অসিনা গুজরাতকী মীয়ামগী মতিক-ময়াইগী খুদমশিং ওইরি। মহাক্না অফবা হকশেলগী খুদোংচাবশিংগা লোয়ননা গুজরাতকী মীয়াম্না মখোয়গী মশাগী রাজ্যদা মালেমগী মকোক থোংবা মেদিকেল ফেসিলিতীশিং অসিনা হৌজিক লেপ্পা লৈতনা খুমাং চাউশিল্লি হায়বগী চাউথোকচবা পোক্লি হায়না ফোঙদোকখি। মসিনা গুজরাতকী মেদিকেল তুরিজম পোতেন্সিএলদা শরুক তম্লগনি।
প্রধান মন্ত্রীনা অফবা হেল্থ ইনফ্রাস্ত্রকচরগীদমক অনীংবা অমসুং পোলিসীশিং অনিমক চুনবা মথৌ তাই হায়খি। মহাক্না হায়, “করিগুম্বা সরকারগী থমোয় অমদি অপাম্বা অসিনা মীয়ামগী সমস্যাশিংগীদমক খনদবা তারবদি চুনবা হেল্থ ইনফ্রাস্ত্রকচর শেমগৎপা ওইথোক্লোই”। প্রধান মন্ত্রীনা হায় মদুদি হোলিস্তিক এপ্রোচকা লোয়ননা থমোয় শেংনা হোৎনরবা মতমদা মখোয়গী ফলশিং অদুসু চপ মান্ননা মহৈ য়ানগনি। মহাক্না হায়, “মসি গুজরাতকী মাইপাকপগী মন্ত্রনি”।
মেদিকেল সাইন্সকা চাংদম্নরদুনা প্রধান মন্ত্রীনা হায় মহাক্না মুখ্য মন্ত্রী ওইনা ‘সর্জরী” এপ্লাই তৌখি হায়বদি অপাম্বা অমসুং ফোর্সকা লোয়ননা অরিবা চৎনদ্রবা সিস্তেমশিং লৌথোকখি। অনিশুবদা ‘মেদিসিন’ হায়বদি সিস্তেম মপাঙ্গল কনখৎহন্নবগী খ্বাইদগী নৌবা ইনোভেসন, অহুমশুবা ‘কিয়র’ হায়বদি হেল্থ সিস্তেম চাউখৎহন্নবগীদমক সেন্সিতিবিতীগা লোয়ননা থবক তৌবা। মহাক্না হায় গুজরাত অসি শা-শনশিংবুসু য়েংশিনবীবা অহানবা রাজ্য ওইরি। মহাক্না লাইনা অমসুং লাইচৎশিংগী মওং-মতৌ অসি য়েংলগা ৱান আর্থ ৱান হেল্থ মিসিন মপাঙ্গল কনখৎহনবা মথৌ তাই হায়খি। প্রধান মন্ত্রীনা সরকারনা চেকশিন্না থবক তৌখি। মহাক্না মখা তারদুনা হায়, “ঐখোয়না মীয়ামগী মরক্তা চৎখি, মখোয়গী অৱাবা অদু তাখি”। পব্লিক পার্তিসিপেসনগী খুত্থাংদা মীয়ামবু পুনশিন্নদুনা পাইখৎখিবা খোঙথাংশিং অদু পল্লদুনা প্রধান মন্ত্রীনা হায়খি মদুদি সিস্তেমনা মপাঙ্গল কল্লবা মতমদা গুজরাতকী হেল্থ সেক্তরনা মপাঙ্গল কল্লকনি অমসুং গুজরাত অসি লৈবাক অসিগী খুদম ওইনা পীরি।
প্রধান মন্ত্রীনা গুজরাত্তগী তমশিনখিবশিং অদু কেন্দ্র সরকারদা শীজিন্নখি হায়না নৌহৌনা ফোঙদোকখি। মহাক্না হায়, হৌখিবা চহি ৮ অসিদা কেন্দ্র সরকারনা লৈবাক্কী তোঙান-তোঙানবা শরুকশিংদা অনৌবা এম্স ২২ খুদোল তমখি অমসুং মসিদগী গুজরাতনসু কান্নবা ফংখি। শ্রী মোদীনা মখা তারদুনা হায়, “গুজরাতকী অহানবা এম্স রাজকোত্তা শাখি”। গুজরাতকী হেল্থ সেক্তরদা তৌরিবা থবক অসিগী মতাংদা পল্লদুনা প্রধান মন্ত্রীনা গুজরাতনা মেদিকেল রিসর্চ, বাইওতেক রিসর্চ অমসুং ফার্মা রিসর্চকী লমদা ঙান্থোইগদবা নুমিৎ অদু কুইদ্রে অমসুং মালেমগী থাক্তা মীংচৎ পুরকপা ঙম্লগনি হায়না ফোঙদোকখি।
প্রধান মন্ত্রীনা হায় সরকারনা সেন্সিতিব ওইরবা মতমদা খুন্নাইগী শোত্থরবা শরুকশিং অমসুং ইমা অমদি ইচে-ইচলশিং য়াওনা খুন্নাই অসিনা খ্বাইদগী চাউনা কান্নবা ফংই। রাজ্য অসিদা ইনফেন্ত মোর্তেলিতী রেৎ অমসুং মতর্নেল মোর্তিলিতী রেৎ অসি নুংনাংনীংঙাই ওইবা ফীভমদা লৈখিবা অমসুং মমাংগী সরকারনা অসিগুম্বা লাইবকথীবা থৌদোকশিংগীদমক নোংদমবদা মরাল শীখিবা মতম অদুবু নীংশিংলদুনা প্রধান মন্ত্রীনা ঐখোয়গী ইমা অমদি ইচে-ইচলশিংগীদমক মখোয়গী সরকারনা লেপখি হায়না ফোঙদোকখি। “হৌখিবা চহি কুন অসিদা” শ্রী মোদীনা মখা তারদুনা হায়, “ঐখোয়না মথৌ তাবা পোলিসীশিং দ্রাফ তৌখি অমসুং মখোয় অদু এপ্লিকেসন ওইনা ইথোকখি মসিনা মোর্তেলিতী রেৎশিংদা চাউনা হন্থহনবা ঙমখি”। “বেতি বচাও বেতী পরাও অভিয়ান”গী মতাংদা পল্লদুনা প্রধান মন্ত্রীনা হায়খি মদুদি নৌনা পোকপা নুপামচাশিংগী মশিংদগী নুপীমচাশিংগী মশিংনা হেল্লি। প্রধান মন্ত্রীনা মাইপাকপশিং অসি গুজরাত সরকারগী ‘চিরঞ্জীবি’ অমসুং ‘খিলখিলাহত’কুম্বা পোলিসীশিংদা মনা পীখি। শ্রী মোদীনা মখা তারদুনা হায়খি মদুদি গুজরাতকী মাইপাকপা অমসুং খোঙথাংশিংনা কেন্দ্র সরকারগী ‘ইন্দ্রধনুশ’ অমসুং ‘মাত্রু বন্দনা’গুম্বা মিসনদা লম্বী তাক্লি।
ৱারোল পীবা লোইশিল্লদুনা প্রধান মন্ত্রীনা লৈতা লায়রবশিংগীদমক লায়েংনবা লৈরিবা আয়ুশ্মান ভারতকুম্বা স্কিমশিং অদু পনখি। দব-ইঞ্জিন সরকারগী মপাঙ্গলগী মতাংদা পল্লদুনা প্রধান মন্ত্রীনা হায় মদুদি আয়ুশ্মান ভারত অমসুং মুক্য মন্ত্রী অমৃতম য়োজনানা পুনশিন্নদুনা গুজরাতকী রাজ্যদা লৈরিবা লায়রবশিংগী হকশেলগী মথৌ তাবশিং অদু থুংহল্লি। “হেল্থ অমসুং এজুকেসন অসিনা হৌজিক খক্তা নত্তনা তুংলমচৎকী মাইকে তাক্লিবা সেক্তর অনি ওইরি”। ২০১৯দা শঙ্গাখিবা ফমুং ১২০০ থাবা সিভিল হোস্পিতাল অমবু খুদম ওইনা পীরদুনা প্রধান মন্ত্রীনা হায় মদুদি হায়রিবা হোস্পিতাল অসিনা খ্বাইদগী চাউবা হেল্থ সেন্তর ওইবা ঙমখি অমসুং চহি অমগী মতুংদা থোকখিবা মালেমগী কোবিদ ১৯ লাইচৎ মনুংদা মীয়ামগী শেবা তৌখি। মহাক্না মখা তারদুনা হায়, “অমত্তা ঙাইরবা হেল্থ ইনফ্রাস্ত্রকচরনা লাইচৎ মনুংদা অনাবা মীওই লিশিং কয়াগী পুন্সি কনবা ঙমখি”। প্রধান মন্ত্রীনা হৌজিক লৈরিবা ফীভম লোয়ননা তুংলমচৎকীদমক হেন্না ফগৎহনবা তঙাই ফদে হায়না ফোঙদোক্লদুনা ৱারোল পীবা লোইশিনখি। শ্রী মোদীনা হায়খি, “নখোয় অমদি নখোয়গী ইমুং-মনুংনা লাইনা-তিন্না চেনদবা ওইরসনু হায়না ঐহাক্না থৌনিজরি”।
থৌরম অদুদা উজরাতকী মুখ্য মন্ত্রী, শ্রী ভুপেন্দ্র পতেল, মেম্বর ওফ পার্লিয়ামেন্ত, শ্রী সি.আর. পাতিল, শ্রী নরহারি অমিন, শ্রী কিরিতভাই সোলানকী অমসুং শ্রী হসমুখভাই পতেলনা শরুক য়াখি।
বেকগ্রাউন্দ
প্রধান মন্ত্রীনা অহমদাবাদকী সিভিল হোস্পিতাল অসরৱাদা লুপা করোর ১২৭৫রোমগী তোঙান তোঙানবা হেল্থকিয়র ফেসিলিতীশিং উরেপ উয়ুং তমখ্রে অমসুং মীয়ামদা খুৎশিন্নখ্রে। প্রধান মন্ত্রীনা লায়রবা অনাবশিংগী ইমুং-মনুংশিং লৈফম চাফম পীননবা শেলতর হোমশিংগী উরেপ-উয়ুং তমখ্রে। প্রধান মন্ত্রীনা য়ু.এন. মেহতা ইন্সতিত্যুৎ ওফ কার্দিওলোজী এন্দ রিছর্চ সেন্তরগী অনৌবা অমদি হেন্ন ফগৎলবা কার্দিয়াক কেয়রগী ফেসিলিতীশিং অমসুং অনৌবা হোস্তেল বিল্দীং অমা; ইন্সতিত্যুৎ ওফ কিদ্নী দিজীজেজ এন্দ রিছর্চ সেন্তরগী অনৌবা হোস্পিতাল বিল্দীং; গুজরাৎ কেন্সর এন্দ রিছর্চ ইন্সতিত্যুৎকী অনৌবা বিল্দীং খুৎশিন্নখ্রে।
Modern medical facilities in Ahmedabad will benefit the citizens. pic.twitter.com/CUMOviKJL7
— PMO India (@PMOIndia) October 11, 2022
Gujarat is rapidly scaling new heights of development. pic.twitter.com/TcKzb3s219
— PMO India (@PMOIndia) October 11, 2022
Gujarat is moving ahead and scaling new trajectories of growth. pic.twitter.com/lVA2To4XfP
— PMO India (@PMOIndia) October 11, 2022
We have worked keeping a holistic approach in mind. This has hugely benefitted in Gujarat's development journey. pic.twitter.com/Hf9lxzZqG4
— PMO India (@PMOIndia) October 11, 2022
In last 8 years, we have worked to augment India's healthcare infrastructure. pic.twitter.com/qGgmwtkRIk
— PMO India (@PMOIndia) October 11, 2022
Our government is sensitive towards the weaker sections, mothers and sisters. pic.twitter.com/9THAh7BtiW
— PMO India (@PMOIndia) October 11, 2022
