য়োর এক্সিলেন্সী, প্রধান মন্ত্রী মেলোনী,
লৈবাক অনিমক্কী দেলিগেৎশিং,
মীদিয়াগী মরুপশিং,
খুরুমজরি!
বোনজোর্নো!
ঐহাক অমসুং ঐহাক্কী মীহুৎ কাংবুবু তরাম্না ওকপিবগীদমক ঐহাক্না প্রধান মন্ত্রী মেলোনীদা থাগৎপা ফোংদোকচরি।
রোম অসি 'ইতর্নেল সিতী' হায়না মালেম শিনবা থুংনা খঙনৈ। ভারত্তা ঐহাক্কী লোক সভা কন্সতিত্যুসন কাশী অসিসু অরিবা অমসুং ইতর্নেল সিতী অমনি হায়না লৌনরি। সভ্যতা অনি থেংনরকপা মতমদা, ৱারী শানবা অসি এজেন্দা অমা খক্তদা য়ুম্ফম ওইদে; মদুগী মহুত্তা, মসিনা পুৱারীগী মনুং হুৎপা, তুংলমচৎকী মীৎয়েং, অমসুং মরুপ-মপাং ওইবগী মহৌশাগী ইচম চম্বা মওং-মতৌগী অপুনবা অমা উৎলি।
মরুপশিং,
হৌখিবা চহি অহুম অমসুং তংখাইগী মনুংদা ঐহাক্না প্রধান মন্ত্রী মেলোনীগা তোঙান তোঙানবা তাঙ্ককশিংদা উনবগী খুদোংচাবা ফংখি। মসিনা ভারত অমসুং ইতালিগী মরক্তা লৈনরিবা অচেৎপা মরী অমসুং অপুনবগী মরী অদু উৎলি। মহাক্কী লুচিং মখাদা, ঐখোয়গী মরীশিং অসি অনৌবা শাহৌ, অনৌবা মায়োল অমসুং অনৌবা থাজবা ফংলে। ঐখোয়গী মরীশিং অসি হেন্না ফগৎহন্দুনা, ঐখোয়না অখন্নবা স্ত্রেতেজিক পার্তনরশিপ অমা লাউথোক্লিবা অসিদা ঐহাক নুংঙাইবা ফাওই।
মরুপশিং,
ঙসিগী মীফম অদুদা, ঐখোয়না ঐখোয়গী তুংলমচৎকী পার্তনরশিপ মখা তানা মপাঙ্গল কনখৎহন্নবগী মতাংদা কুপ্না খন্ন-নৈনখি। ইন্দিয়া-ইতালি জোইন্ত স্ত্রেতেজিক এক্সন প্লান ২০২৫-২৯না ঐখোয়গী পার্তনরশিপকীদমক প্রেক্তিকেল অমসুং ফ্যুচরস্তিক ফ্রেমৱার্ক অমা পীরি। ঐখোয়না অককনবা মতমগী মনুংদা লোইশিন্নবা হোৎনবগা লোয়ননা মাংদা চংশিল্লি। ঐখোয়গী অপুনবা হোৎনবশিংগী খুত্থাংদা, লৈবাক অনিগী ওইবা ললোন-ইতিক অসি য়ুরো বিল্লিয়ন ২০গী পান্দমগী মায়কৈদা খোঙজেল য়াংনা খুমাং চাউশিল্লি।
ভারত্তা লৈরিবা ইতালিয়ন কম্পনী ৮০০ হেনবনা ভারতকী গ্রোথ স্তোরীদা এক্তিব পার্তনরশিং ওইরক্লি। ঙসি পাংথোক্লিবা বিজিনেস ফোরম অসিনা লৈবাক অনিগী বিজিনেস লিদরশিংগী মরক্তা অনৌবা থৌনা, থাজবা অমসুং এম্বিসন লৈ হায়বা ময়েক শেংনা উৎলি। ইতালি অসি দিজাইন অমসুং প্রিসিজনগীদমক্তা মালেম শিনবা থুংনা মমিং চৎলি।
ভারত অসি স্কেল, তেলেন্ত, অমসুং শেল চংদবা ইন্নোবেসনগী পাৱরহাউস অমা ওইনা শকখঙনরি। মরম অদুনা, ঐখোয়না "দিজাইন এন্দ দিবেলপ ইন ইন্দিয়া অমসুং ইতালি, অমসুং দেলিভর ফোর ৱার্ল্দ"কী ৱাখল্লোনদা মাংলোমদা চংশিল্লগনি। ফেশন্দগী ফিনতেক, লেদরদগী লোজিস্তিক্স ফাওবা, অমসুং সেক্তর খুদিংমক্তা মোবিলিতীদগী মেন্যুফেকচরিং ফাওবা - ঐখোয়না মীওইবা খুন্নাইগী য়াইফনবা থবক তৌনবা ঐখোয়গী অপুনবা মপাঙ্গলশিং শীজিন্নগনি।
ভারত-ই.য়ু. এফ.তি.এ.গী ৱারোইশিনদা ইতালিদগী ফংখিবা মতেং অদুগীদমক ঐহাক্না প্রধান মন্ত্রী মেলোনীদা অখন্নবা থাগৎপা ফোংদোকচরি। ঐখোয়না পুন্না থবক তৌমিন্নদুনা মদুবু অথুবা মতমদা থবক ওইনা পাংথোক্নবা হোৎনগনি। মসিনা ঐখোয়গী বিজিনেস কম্ম্যুনিতীশিংনা মদুগী কান্নবা মপুং ফানা লৌবা ঙমগনি।
মরুপশিং,
তেক্নোলোজী অমসুং ইন্নোবেসন অসি ঐখোয়গী পার্তনরশিপকী ইঞ্জিননি। এ.আই., ক্বান্তম, স্পেস অমসুং সিভিল ন্যুক্লিয়র ইনর্জীগুম্বা হিরমশিংদা তেংবাং পীনবগী অচৌবা ওইথোকপা লৈ। লৈবাক অনিগী স্তার্ত-অপশিং, রিসর্চ সেন্তরশিং অমসুং ইন্দস্ত্রীশিং শম্নহন্নবা ঐখোয়না ইন্দিয়া-ইতালি ইন্নোবেসন সেন্তরদা থবক তৌরি।
মরুপশিং,
ঙাকশেল অমসুং সেক্যুরিতীগী লমদা নক্নবা তেংবাং পীনবা অসি ঐখোয়গী অচেৎপা অমনা অমগী থাজবগী খুদম অমনি। ঐখোয়গী আর্মদ ফোর্সেসকী মরক্তা নত্তনা লৈবাক অনিগী দিফেন্স ইন্দস্ত্রীশিংগী মরক্তসু কোওপরেসন হেনগৎলক্লি। ঐখোয়গী দিফেন্স ইন্দস্ত্রীএল রোদমেপনা কো-দেবেলপমেন্ত অমসুং কো-প্রদক্সনগী লম্বী য়াৎলে।
মেরিতাইম পাৱরশিং ওইনা, ভারত অমসুং ইতালিগী মরক্তা কন্নেক্তিবিতীগী লমদা নক্না তেংবাং পীনবা অসি মহৌশানি। ঐখোয়না পুন্না শিপ্পিং, পোর্ত মোদর্নাইজেসন, লোজিতিক্স অমসুং ব্লু ইকোনোমীদা থবক তৌমিন্নগনি।
ঐখোয়না ঐখোয়গী ৱিন-ৱিন পার্তনরশিপ অসি অহুমশুবা লৈবাকশিংদা য়ৌহন্নবা খন্নখি। মসিগী মাইকৈ অসিদা মাংলোমদা চংশিল্লদুনা, ঐখোয়না অফ্রিকাদা কংক্রিৎ প্রোজেক্তশিংদা থবক তৌনবা য়ানখি।
মরুপশিং,
তেরোরিজম অসিনা মীওইবা খুন্নাইদা অচৌবা শিংনরকপা অমা ওইরে হায়না ভারত অমসুং ইতালিনা য়ানরি। তেরোরিজম ফাইনান্সিংগী মায়োক্তা ঐখোয়গী পুন্না পায়খৎলিবা থবকশিং অসিনা মালেম পুম্বগীদমক মরু ওইবা খুদম অমা ওইহল্লে। ভারত অমসুং ইতালিনা ময়েক শেংনা পাউজেল অমা পীরি: থৌদাং লৌবা দেমোক্রেসীশিংনা তেরোরিজমবু কন্দেম তৌবতা নত্তনা মসিগী শেন-থুমগী নেৎৱার্কশিং মুত্থৎনবা অকনবা খোঙথাংশিং লৌখৎলি। য়ুক্রেন, নোংচুপ এসিয়া অমসুং অতৈ তেন্সন লৈবা মফমশিংদা ওইরিবা ফিভমগী মতাংদা ঐখোয়না লেপ্পা লৈতনা পাউ ফাওনরি। ভারতকী ফিরেপ অসি ময়েক শেংই: ইসু খুদিংমক দাইলোগ অমসুং দিপ্লোমসীগী খুত্থাংদা লোইশিনগদবনি।
মরুপশিং,
ঐখোয়গী পুৱারী, চৎনবী অমসুং মীয়ামগী মরক্তা লৈনরিবা মরীশিং অসি লৈবাক অনিমক্তা খোঙথাং খুদিংদা উবা ফংই। ইতালিদা, ভারতকী কলা, য়োগ, আয়ুর্বেদ অমসুং চিঞ্জাক্কী লমদা পুক্নিং চিংশিনবা হেনগৎলক্লি। সংস্কৃত অমসুং লেতিনগুম্বা অরিবা লোলশিং অসি লোলগী ইমুং অমগী মনুং চল্লি। মসিনা উৎলি মদুদি ঐখোয়গী মরী অসি দিপ্লোমেতিক্কী মরী খক্তা নত্তে, অদুবু মান্নবা হেরিতেজকী মরী অমনি।
মথং চহিদা ভারত অমসুং ইতালিগী মরক্তা লৈনরিবা মরীগী চহি ৮০ মপুং ফারকপদা 'কলচরগী চহি' অমা পাংথোক্কনি। মসিনা ঐখোয়গী কলচরেল লিঙ্কশিং হেন্না চেৎশিলহল্লগনি। ইতালিদা লৈরিবা ভারত মচা মশীং য়াম্বনা ঐখোয়গী মরী অসিদা মপাঙ্গল কনবা মরী অমা ওইরি। প্রধান মন্ত্রী মেলোনী অমসুং ইতালিগী মীয়াম্বু মখোয়গী কম্ম্যুনিতী অসিবু ঙাক-শেনবীবগীদমক থম্মোয় শেংনা থাগৎপা ফোংদোকচরি।
চহি অহুমগী মমাংদা লোইশিনখিবা মাইগ্রেসন অমসুং মোবিলিতী পার্তনরশিপ এগ্রীমেন্তনা ঐখোয়গী লৈবাক অনিগী মরক্তা মীওইশিংগী চৎথোক-চৎশিন হেনগৎহনখ্রে।
এক্সিলেন্সী,
ঙসিগী য়াম্না কান্নরবা মীফম অসিগীদমক অমসুং অদোমগী মরুপ-মপাং ওইবগী মরীগীদমক ঐহাক্না অমুক্কা হন্না অদোমগী মফমদা থাগৎপা ফোংদোকচরি। ভারতকী মীওই বিল্লিয়ন ১.৪কী মায়কৈদগী ঐহাক্না অমুক হন্না অদোমবু ভারত্তা লাক্নবা বর্তন তৌজরি।
হন্না-হন্না থাগৎচরি।
গ্রাজিয়ে মিলে!
पिछले लगभग साढ़े तीन वर्षों में मुझे कई बार Prime Minister मेलोनी से मिलने का अवसर मिला है।
— PMO India (@PMOIndia) May 20, 2026
यह भारत और इटली के बीच करीबी सहयोग और सामंजस्य को दर्शाता है।
उनके नेतृत्व में हमारे संबंधों को नई गति, नई दिशा और नया आत्म-विश्वास मिला है।
मुझे ख़ुशी है कि हम अपने संबंधों को…
इटली विश्व में design और precision के लिए जाना जाता है।
— PMO India (@PMOIndia) May 20, 2026
भारत की पहचान scale, talent और affordable innovation के powerhouse की है।
इसलिए हम Design and Develop in India and Italy and Deliver for the World के सिद्धांत पर आगे बढ़ेंगे: PM @narendramodi
हमारे Defence Industrial Roadmap से co-development और co-production का मार्ग प्रशस्त हुआ है।
— PMO India (@PMOIndia) May 20, 2026
Maritime powers के रूप में भारत और इटली के बीच Connectivity के क्षेत्र में करीबी सहयोग स्वाभाविक है।
हम मिलकर shipping, ports modernisation, logistics और blue economy पर काम करेंगे: PM…
भारत और इटली एकमत हैं कि आतंकवाद मानवता के लिए गंभीर चुनौती है।
— PMO India (@PMOIndia) May 20, 2026
Terror financing के खिलाफ हमारी साझा पहल ने पूरे विश्व के सामने एक महत्वपूर्ण उदाहरण प्रस्तुत किया है।
भारत और इटली ने यह स्पष्ट संदेश दिया है कि responsible democracies केवल आतंकवाद की निंदा नहीं करतीं, बल्कि…
यूक्रेन, पश्चिम एशिया तथा अन्य तनावों को लेकर हम लगातार संपर्क में रहे हैं।
— PMO India (@PMOIndia) May 20, 2026
भारत का मत स्पष्ट है कि सभी समस्याओं का समाधान dialogue और diplomacy के माध्यम से होना चाहिए: PM @narendramodi
