লুপা করোর 860গী মথক্কী চাউখৎ থৌরাংগী প্রোজেক্তশিং হৌদোকখ্রে
“রাজকোত অসি সৌরাস্ত্রগী গ্রোথ ইঞ্জিন অমনি”
“ঐহাক্না মতম পুম্বদা রাজকোতকী তোল্লিবা লমন অদু শিংনবা হোৎনরি”
ঐখোয়না সুশাসনগী গরেন্তি অমগা লোয়ননা লাকই অমসুং মদু ঐখোয়না ফংহল্লি”
“নিও-মিদ্দল ক্লাস অমসুং মিদ্দল ক্লাস অসি সরকারগী অহানবা মীয়েংনি”
এয়র সর্ভিসশিং চাউথোকপা হায়বসিনা ভারতকী এভিএসন সেক্তরদা অনৌবা পনখৈ অমা ফংহনবা ঙম্লগনি”
“হিংবদা লাইথোকহনবা অমসুং পুন্সি মহিং ফগৎহনবা হায়বসি সরকারগী অহানবা মীৎয়েংশিংগী মরক্তা চল্লি”
“ঙসি RERA আইন অসিনা মীওই লাখ কয়াগী শেল মাংবদগী থিংলি”
“ঙসিদি ঐখোয়গী য়ুমথংনবা লৈবাকশিংদা ইনফ্লেসন অসি 25-30গী চাংদা হেনগৎলক্লি। অদুবু মসি ভারত্তা থোকত্রি”

প্রধান মন্ত্রী শ্রী নরেন্দ্র মোদীনা গুজরাতকী রাজকোত্তা রাজকোত ইন্তরস্নেল এয়রপোর্ত অমসুং লুপা করোর 860গী চাউখৎ থৌরাংগী প্রোজেক্ত কয়ামরুম লৈবাক অসিগী মীয়ামদা কত্থোকখ্রে। প্রোজেক্তশিং অসিগী মনুংদা সৌনি য়োজনা লিঙ্ক 3 পেকেজ 8 অমসুং 9, দ্বার্কা রুরেল ৱাতর সপ্লাই সপ্লাই অমসুং সেনিতেসন (RWSS), কঞ্জর্বেসন, উপার্কোত লানবন ফেজ I & II রেস্তোরেসন অমসুং শেমগৎপা; ৱাতর ত্রিৎমেন্ত প্লান্ত, সিৱেজ ত্রিৎমেন্ত প্লান্ত অমসুং ফ্লাইওভর ব্রিজশিং য়াওরি। প্রধান মন্ত্রীনা নৌনা শঙ্গাখ্রবা রাজকোত ইন্তরনেস্নেল এয়রপোর্ত তর্মিনেল বিল্দিংদা কোইনা চৎখ্রে।

 

তিল্লিবা মীয়ামদা ৱা ঙাংলদুনা প্রধান মন্ত্রীনা হায় ঙসি অসি রাজকোত খক্তনা নত্তনা সৌরাস্ত্রগী পুম্বগী য়াম্না মরুওইবা নুমিৎ অমনি। সাইক্লোন অমসুং হন্দক্তা থোকখিবা ইচাউগুম্বা মহৌশানা থোকহনবা অমাং অতাশিংনা মরম ওইদুনা থৱাই মাংখ্রবা মীয়ামশিংদা ইকাই খুম্নবা উৎচরি। প্রধান মন্ত্রীনা হায়, সরকার অমসুং মীয়াম পুন্না অৱাবা অসি মায়োক্নরি অমসুং রাজ্য সরকারগী মতেংগা লোয়ননা অৱাবা তারবা মীপুম খুদিংমক্তা শাফগদবা মফমদা হোংদোক্নবা কন্না হোৎনরি। মহাক্না হায়, কেন্দ্র সরকার অসিনা রাজ্য সরকারদা পাংবা য়াবা মতেং খুদিংমক পাংলি।

প্রধান মন্ত্রীনা  হায়, হৌজিক্তি রাজকোত অসি সৌরাস্ত্রগী গ্রোথ ইঞ্জিন হায়রগা খংনরি। মফম অসিগী ইন্দস্ত্রী, চৎন-লোনচৎ অমসুং মথেল লুকোই কয়া লৈজরবসু ইন্তরনেস্নেল এয়রপোর্ত অমা ৱাৎতুনা লৈরম্বা অদু ঙসিদি মংফাওনহল্লে। প্রধান মন্ত্রীনা মহাকপু রাজকোত্তগী অহানবা ওইনা MLA ওইনা কারকখিবা অদু নীংশিংখি অমসুং সহর অসিনা অঙকপা ফংনা তাকপী তম্বীখি। “রাজকোতকী লমন অসি মতম পুম্বদা লৈহৌরগনি অমসুং ঐহাক্না মদুবু মতম চুপ্পদা শিংনবা হোৎনরি” হায়না মহাক্না মখা তাখি। 

ঙসি শঙ্গাখিবা এয়রপোর্ত অসিগী মতাংদা পল্লদুনা প্রধান মন্ত্রীনা হায় চৎথোক চৎশিন্দা লাইথোকহনবতা নত্তনা মফম অসিগী ইন্দস্ত্রীশিংদা এয়রপোর্ত অসিনা মরম ওইরগা চাউনা কান্নবা ফংহল্লগনি। প্রধান মন্ত্রীনা হায় মহাক্না নৌনা মুখ্য মন্ত্রী ওইরকপা মতমদা মংখিবা ‘মিনি জপানগী’ মংলান অদু রাজকোতনা ফংবা ঙমখ্রে। মহাক্না হায় এয়রপোর্তকী শেপ অসিদা অনৌবা শক্তি অমসুং ফ্লাইতশিং ফংহনগদবা পাৱরহাউস অমা রাজকোতনা ফংখ্রে।

 

সৌনি য়োজগী মখাদা তোঙান তোঙান প্রোজেক্ত কয়ামরুম ঙসি শঙ্গারিবা য়োজনা অসিগী মতাংদা ফোঙদোক্লদুনা প্রধান মন্ত্রীনা হায় প্রোজেক্তশিং অসি লোইশিনবা মতমদা মফম অসিগী খুঙ্গং কয়ামরুমদা থকনবা ঈশিং অমসুং ইথৈ লৌখোং কয়ামরুম পীবা ঙম্লগনি। প্রধান মন্ত্রীনা ঙসিগী চাউখৎ থৌরাংগী প্রোজেক্তশিং অসিগীদমক রাজকোতকী মীয়াম্বু থাগৎপা ফোঙদোকখ্রে।

প্রধান মন্ত্রীনা হায় হৌখিবা চহি মাপন অসিদা কেন্দ্র সরকার অসিনা সোসিএল ক্লাস খুদিংমক অমসুং মফম অসুবু হিংবদা লাইথোকহন্নবা কন্না হোৎনরি। “ঐখোয়না সুশাসন নত্রগা অফবা লৈঙাক্কী গরেন্তি পীরি অমসুং ঙসি মসি ঐখোয়না লোয়নদুনা চৎমিন্নরি”, লাইরবা, দলিৎপু ওইরো, ত্রাইবেল নত্রগা শোত্থরবা ক্লাসপু ওইরো ঐখোয়না মতম পুম্বদা মখোয়গী পুন্সি মহিং ফগৎনবা হোৎনদুনা লাক্লি” হায়না প্রধান মন্ত্রীনা ফোঙদোকখি। লৈবাক অসিগী লাইরবগী মশিং অসি খোংজেল য়াংনা হন্থরক্লিবা অসিগী মতাংদা ফোঙদোক্লদুনা হৌখিবা চহি 5 অসিদা মীশিং করোর 13.5 হেনবনা লাইরবা কোকপা ঙমখ্রে হায়বা রিপোর্ত অসিগী মতাংদা পল্লদুনা মসিগী মীওইশিং অসি লৈবাক অসিদা নিও মিদ্দল ক্লাস ওইনা হৌরক্লি হায়না থমখি। মরম অদুনা মসিগী নিও-মিদ্দল ক্লাস অমসুং মিদ্দল ক্লাস অসি সরকারগী অহানবা মীয়েংনি।

 

প্রধান মন্ত্রীনা মিদ্দল ক্লাসশিংনা মতম শাংনা তান্দুনা লাক্লিবা কন্নেক্তিবিতীগী মতাংদা ফোঙদোকখি। মহাক্না হৌখিবা চহি 9 অসিদা কন্নেক্তিবিতী ফগৎনবা লৌখৎখিবা খোঙথাংশিংগী মতাংদা ফোঙদোকখি। 2014দা সহর 4 খক্তদা মেত্রো নেতৱর্ক লৈরম্মি, ঙসিদি ভারত্তা মেত্রো নেতৱর্ক অসি সহর 20 হেনবদা লৈরে। মতমগা চুনরবা বন্দে ভারত ত্রেন অসি লম্বেল 25দা চেল্লি; 2014দা লৈরম্বা এয়রপোর্তকী মশিং 70 অসিদগী হৌজিক শরুক অনি হেন্না হেনগৎখ্রে। “এয়র সর্ভিসশিং চাউথোকপা অসিনা ভারতকী এভিএসন সেক্তর অনৌবা পনখৈ অমা পীবা ঙম্লগনি। ভারতকী কম্পনীশিংনা লুপা করোর কয়া পীবা এয়রক্রাফশিং লৈরি হায়না মহাক্না ফোঙদোকখি। গুজরাত অসি এয়রক্রাফ শাবগী লম্বেলদা মাংলোমদা চংশিল্লি হায়না মহাক্না ফোঙদোকখি।

প্রধান মন্ত্রীনা হায়খি, “ইজ ওফ লিবিং অমসুং পুন্সি মহিং ফগৎহনবা হায়বা অসি সরকারনা মরু ওইবা মীৎয়েং চংলিবশিংগী মনুংদা অমা ওইরি”। মমাংদা মীয়াম্না মায়োক্নখিবা খুদোংচাদবশিং অদু নীংশিংলদুনা প্রধান মন্ত্রীনা হোস্পিতালশিং অমসুং য়ুতিলিতী পেমেন্ত সেন্তরশিংদা ইন্সুরেন্স অমসুং পেন্সনগা মরী লৈনবা সমস্যাশিংগীদমক শাংনা ক্যু লেপখিবা অমদি তেক্স রিতর্ন তৌবদা খুদোংচাদবশিং থেংনরম্বা অদুগী মতাংদা পনখি। সমস্যা পুম্নমক অসি দিজিতেল ইন্দিয়া কেম্পেন্না কোকহনখি হায়না মহাক্না মখা তানা ফোঙদোকখি। মহাক্না মোবাইল বেঙ্কিং লাইথোকহনবা অমদি তেক্স রিতর্নশিং ওনলাইন ফাইলিং তৌবা অমসুং অতেনবা মতমগী মনুংদা বেঙ্ক একাউন্তদা হকথেংননা রিতর্নশিং ত্রান্সফর তৌখিবগী মতাংদা ফোঙদোকখি।

 

হাউসিংগী মরু ওইবগী মতাংদা ৱা ঙাংলদুনা প্রধান মন্ত্রীনা হায়খি “ঐখোয়না লায়রবশিংগী হাউসিংগী মথৌ তাবশিং য়েংশিল্লি অমসুং মিদল ক্লাসশিংগী য়ুম অমা শাবা হায়বা মঙলান অদু থুংহনখি”। মহাক্না মিদল ক্লাসশিংদা PM আৱাজ য়োজনাগী মখাদা লুপা লাখ 18 ফাওবগী অখন্নবা সবসিদী পীরিবা অদুগী মতাংদসু ফোঙদোকখি। গুজরাতকী লিশিং 60 য়াওনা ইমুং লাখ 6তা কান্নবা পীখ্রে হায়না মহাক্না ফোঙদোকখি।

প্রধান মন্ত্রীনা হাউসিংগী মীংদা তৌখিবা হুরান চিন্থীশিংগী মতাংদসু হায়খি অমসুং আইন লৈতবনা মরম ওইদুনা মমাংগী সরকারনা পাল্লিঙৈ চহি কয়াদা য়ুম শাবা ফংখিদে। মহাক্না মখা তারদুনা হায়খি মদুদি হৌজিক পাল্লিবা সরকার অসিনা RERA লো শেমখী অমসুং মীয়ামগী ইন্তরেস্ত ঙাকশেনখি। মহাক্না মখা তারদুনা হায়খি, “ঙসি RERA লোনা মীওই লাখ কয়াগী শেল হুরানখিগদবদগী কনবা ঙম্লে”।

প্রধান মন্ত্রীনা হায়খি মমাংদা ইনফ্লেসন রেৎ অসি চাদা 10 য়ৌখি। মহাক্না হায়খি মদুদি হৌজিক পাল্লিবা সরকারনা লাইচৎ অমসুং লান থোক্লবসু ইনফ্লেসন লাকশিন্দুনা থমখি। মহাক্না হায়খি, “ঙসি ইনফ্লেসন অসি ঐখোয়গী য়ুমলোন্নরিবা লৈবাকশিংদা চাদা 25-30গী চাংদা হেনগৎলক্লি। অদুবু ভারত্তদি ফীভম অসি ওইদ্রি। ঐখোয়না য়াম্না চেকশিন্না ইনফ্লেসন লাকশিনখি অমসুং তুংলমচৎতসু মখা তানা তৌখিগনি”।

 

প্রধান মন্ত্রীনা হায়খি মদুদি লায়রবশিং অমসুং মিদল ক্লাসশিংগী চাদিং হন্থহনবগা লোয়ননা সরকারনা মিদল ক্লাসশিংগী ফুরিৎ খাওদা শেল তুংবসু ঙমহল্লি। মহাক্না হায়খি চহিচ 9গী মমাংদা চহিদা লুপা লাখ 2গী ইনকম লাকপদা তেক্স লৌরমখি অদুবু ঙসিদি লাখ 7 ফাওবা তানবদা জিরো তেক্স থীরে। সহরশিংদা লৈরিবা মিদল-ক্লাস ইমুংশিংগীদমক চহি খুদিংগী লুপা লিশিং কয়া তুংশিনবা ঙম্লি হায়না ফোঙদোক্লদুনা প্রধান মন্ত্রীনা হায়খি “লুপা লাখ 7 ফাওবদা ইনকম তেক্স লৌদ্রে”। মহাক্না স্মোল সেভিংদা ইন্তরেস্ত পেআউৎ ৱাংখৎলকপা অমসুং EPFOদা ইন্তরেস্ত চাদা 8.25দা লেপখিবগী মতাংদসু ফোঙদোকখি।

প্রধান মন্ত্রীনা মোবাইল ফোন শীজিন্নবদা তৌরিবা চাদিং অসি খুদম ওইনা পীরদুনা পোলিসীশিংনা করম্না প্রজাশিংগী শেল তুংশিনবগে উৎখি। মহাক্না হায়খি 2014দা 1GB গী দেতা অসি লুপা 300 পীরমখি। ঙসি চাংচৎ ওইনা থা অমদা মীওই অমনা দেতা 20 GB শীজিন্নরি। মসিনা চাংচৎ ওইনা প্রজা অমনা থা অমদা লুপা 5000 হেন্না তুংশিনবা ঙমহনখি।

জন ঔশাধি কেন্দ্রশিংনা হীদাক-লাংথকশিং অহোংবা মমলশিংদা ফংহনবগী মতাংদা ফোঙদোক্লদুনা প্রধান মন্ত্রীনা হায়খি মদুদি চাং নাইনা হীদাক চারিবশিংগী ওইনসি মসি থৌজাল অমনি অমসুং কেন্দ্রশিং অসিনা লায়রবা অমদি মিদল ক্লাসকীদমক লুপা করোর 20,000রোম তুংশিনবদা মতেং পাংখি। মহাক্না মখা তারদুনা হায়খি, “লায়রবা অমসুং মিদল ক্লাসকী খনবীবা সরকার হায়বা অসি অসুম তৌই”।

 

প্রধান মন্ত্রীনা হায়খি মদুদি সরকার অসিনা গুজরাত অমসুং সৌরাস্ত্র চাউখৎহন্নবগীদমক মীয়ামগী ইহুল খঙনা থবক তৌরি। মহাক্না লমদম অসিগী ঈশিংগী ফীমদা অহোংবা পুরকখিবা সৌনি স্কিমগী মতাংদা থমখি। মহাক্না মখা তারদুনা হায়খি “ঙসি সৌরাস্ত্রদা লৈবা দাম কয়া অমসুং চেক দাম লিশিং কয়ানা ঙসিদি ঈশিংগী সোর্সশিং ওইরে। হর ঘর জল য়োজনাগী মখাদা গুজরাতকী ইমুং করোর কয়ানা হৌজিক তোতি ঈশিং ফংলে”।

ৱারোল পীবা লোইশিনবদা প্রধান মন্ত্রীনা হায়খি মদুদি হৌখিবা চহি 9দা শেমখিবা গভর্নান্সকী মোদেল অসিনা খুন্নাইগী শরুক খুদিংমক্কী মথৌ তাবশিং অমসুং অনীংবা অপাম্বশিং থুংহল্লি। লোইশিনবদা প্রধান মন্ত্রীনা হায়খি, “মসি ঐখোয়গী বিক্ষিৎ ভারত অমা শেম্বগী মওংনি। ঐখোয়না লম্বী অসিদা চৎতুনা অমৃত কালগী ফিরেপ অসি পাঙথোক্কদবনি”।

গুজরাতকী মুখ্য মন্ত্রী শ্রী ভুপেন্দ্র পতেল, সিভিল এভিএসনগী কেন্দ্রগী মন্ত্রী শ্রী জ্যোতিরাদ্যা সিন্দিয়া, পার্লিয়ামেন্তকী মেম্বর শ্রী সি.আর. পতিল গুজরাত সরকার অমসুং গুজরাত লেজিসলেতিব এসেমব্লীগী মন্ত্রীশিংনা থৌরম অসিদা শরুক য়াখি।

 

বেকগ্রাউন্দ:

প্রধান মন্ত্রীনা রাজকোত ইন্তরনেসনেল এয়রপোর্ত শঙ্গাগনি। গ্রিনফিল্দ এয়রপোর্ত অসি লম একর 2500 হেনবা অপুনবা অমা অমদা লুপা করোর 1400 হেন্না চঙনা শেমগৎপনি। অনৌবা এয়রপোর্ত অসি অনৌবা তেক্নোলোজি অমসুং তুংকোইনা চৎনবা য়াবা খুদোংচাবশিংগা লোয়নননা পুননা শেমগৎপনি। তর্মিনেল বিল্দিং অসি গ্রিহা-4 ফংলে অমসুং অনৌবা তর্মিনেল বিল্দিং অসিদা দবল ইন্সুলেতেদ রুফিং সিস্তেম, স্কাইলাইত, এল.ই.দি লাইত, লো হিদ গেন গ্লেজিং য়াওরে।

এয়রপোর্তকী তর্মিনেল দিজাইন অসিদা রাজকোতকী কলচরগী ফজবশিং মমি তারি অমসুং মসি লিপ্পান আর্ততগী হৌরগা দান্দিয়া জগোয় ফাওবগী কলগী মশকশিং মমি তারি। এয়রপোর্ত অসিদা মফম অদুগী অরিবা য়ুমশারোলগী মমি তারি অমসুং গুজরাতকী কাথিয়াৱার লমদমগী কলা অমসুং জগোয়গী মমি তারি। রাজকোতকী অনৌবা এয়রপোর্ত অসিনা মফম অসিগী ললোন-ইতিক, তুরিজম,লাইরিক-লাইশু তম্বা অমসুং ইন্দস্ত্রিগী থবকশিং চাউখৎহনগনি।

প্রধান মন্ত্রীনা রাজকোত্তা লুপা করোর 860 হেনবগী চাউখৎ-থৌরাংগী তোঙান-তোঙানবা প্রোজেকশিং শঙ্গাগনি। সাউনি য়োজনা লিঙ্ক 3 পেকেজ 8 অমসুং 9না মখা তানা সৌরাস্ত্রা লমদমদা ইথৈ অমসুং থক্নবা ঈশিং ফংহনগনি। দ্বারকা আর.দব্লিউ.এস.এস ফগৎহনবা অশিনা খুঙ্গংশিংদা তোতি ঈশিং ফংহনবদা মতেং পাংগনি। পায়খৎকদবা অতোপ্পা প্রোজেকশিংগী মনুংদা উপারকোত ফোর্ত শেমগৎনবা ফেজ 1 অমসুং ফেজ 2গী থবকশিং; সিৱেজ ত্রিৎমেন্ত প্লান্ত, লৈকং থোং শেমগৎপা য়াওরি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
EPFO Payroll data shows surge in youth employment; 15.48 lakh net members added in February 2024

Media Coverage

EPFO Payroll data shows surge in youth employment; 15.48 lakh net members added in February 2024
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government