ঙসি প্রধান মন্ত্রী শ্রী নরেন্দ্র মোদীনা বিহারগী ঔরাঙ্গবাদতা লুপা করোর ২১,৪০০ হেনবগী তোঙান-তোঙানবা চাউখৎ-থৌরাংগী প্রোজেকশিং মীয়ামদা কৎথোকখ্রে অমসুং উরেপ-উয়ুং তমখ্রে। ঙসিগী চাউখৎ-থৌরাংগী প্রোজেকশিংগী সেক্তরশিংগী মনুংদা লম্বী, রেলৱে অমসুং নমামি গঙ্গে য়াওরি। প্রধান মন্ত্রীনা ফোতো গেল্লরি অমসু য়েংখি।
থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি বিহার বিভুতি শ্রী অনুগ্রাহ নরায়ান য়াওনা নিংতম লান্মী কয়া অমসুং শক্নাইরবা মীওই কয়া পোকখিবা ঔরাঙ্গবাদকী লমদমদা ঙসি বিহারগী চাউখৎ-থৌরাংগী অনৌবা পন্দুব অমা ইরে। লম্বী অমসুং রেলগী সেক্তরশিং য়াওনা লুপা করোর ২১,৪০০ হেনবগী তোঙান-তোঙানবা চাউখৎ-থৌরাংগী প্রোজেকশিং ঙসি মীয়ামদা কৎথোকখিবা অমসুং উরেপ-উয়ুং তমখিবা অসিনা অনৌবা বিহারগী শক্তম অমা উরগনি।
অমাস-দারভঙ্গা লেন মরিগী কোরিদোর, দানাপুর-বিহাতা লেন মরিগী ইলেভেতেদ রোদ অমসুং পাতন রিং রোদকী সেরপুর-দিঘৱারা ফেজগী উরেপ-উয়ুং তমখিবা অদু পল্লদুনা প্রধান মন্ত্রীনা হায়খি প্রোজেকশিং মতম চানা লোইশিনবা অমসুং মীয়ামদা কৎথোকপা হায়বসি হৌজিক পাল্লিবা সরকার অসিগী শক্তমনি। নমামি গেঙ্গে প্রোজেক্কী মখাদা বিহারদা লুপা করোর ২,১৯০ চঙনা পায়খৎপা প্রোজেক ১২ শঙ্গাখিবা অমসুং অরা বাই পাস রেল লাইনগী উরেপ-উয়ুং তমখিবা অসি মোদীগী গরেন্তিনি। বিহারগী মীয়াম্না, মরুওইনা ঔরাঙ্গবাদকী মীয়াম্না বরানাসী-কোলকাতা এক্সপ্রেসৱে খৌরাংনা ঙাইদুনা লাক্লি, মসিনা য়ু.পি অমসুং কোলকাতাদা চৎপদা পুং খর খক চঙগনি। ঙসিগী প্রোজেকশিং অসিগীদমক বিহারগী মীয়ামদা নুংঙাইবা ফোঙদোকচরি।
হন্দক সরকারনা ভারত রত্ন পীখ্রবা জন নয়ক কারপুরী থাকুরগী মফমদা ইকায়খুম্নবা উত্তুনা প্রধান মন্ত্রীনা হায়খি বিহারগী চাউথোকচনিংঙাই ওইরবা শ্রী কাপুরী থাকুরদা ভারত রত্ন পীবা অসি বিহার শীনবা থুংনা ইকায়খুম্নবা উৎপনি। অযোধ্যা ধামদা শ্রী রাম মন্দিরগী প্রান প্রতিস্থা পাংথোকখ্রে অমসুং মসি মাতা সিতাগী লমদমগী হরাওনবগী মচাক অমনি। বিহারগী মীয়াম্না হরাও-তয়াম্না প্রান প্রতিস্থা শরুক য়াখি।
রাজ্য অসিদা দবল ইঞ্জিন সরকার অমুক হল্লকপগী মতাংদা প্রধান মন্ত্রীনা হায়খি ঙসি বিহার হরাওবা অমসুং মশানা মশাবু থাজবনা পীক থল্লে। বিহারদা শাগৈগী রাজনিতি লৈত্রে।
নোংমা খক্তদা পায়খৎলিবা চাউখৎ-থৌরাংগী প্রোজেকশিংগী পাক-চাউবগী মতাংদা প্রধান মন্ত্রীনা হায়খি মসি দবল ইঞ্জিন সরকারগী মখাদা খোঙজেল হোংলকপগী খুদমনি। লম্বীগী প্রোজেকশিংনা পাতনা, নালান্দা, জাহানাবাদ, গয়া, ভাইসালি, সামাস্তিপুর অমসুং দরভঙ্গাগুম্বা সহরশিংগী শক্তম হোংহল্লগনি। মসিগা চপ মান্ননা লমকোয়বা মীওইশিংনা পাম্নরিবা বোধগয়া, বিষ্ণুপাদ, রাজগির, নালান্দা, ভাইসালি অমসুং পাবাপুরিগী শক্তমশিংশু হোংলগনি। নৌনা শেমগৎলিবা দরভঙ্গা এয়রপোর্ত অমসুং বিহাতা এয়রপোর্ত মসিগী লম্বীগী প্রোজেকশিং অসিগা শম্নরগনি।
বিহারদা তুরিজম সেক্তরগী খুদোংচাবশিংগী মতাংদা প্রধান মন্ত্রীনা হায়খি অনৌবা বন্দে ভারত অমসুং অমৃত ভারত ত্রেনশিং লমথারে অমসুং অমৃত ভারত স্তেসনশিং শেমগৎলে। ঙসিগী নহারোলশিং স্কিল দিবলপমেন্ত প্রোগ্রামশিংগী মখাদা ত্রেনিং পীরে। বিহারগী হেন্দিক্রাফশিং য়োকখৎনবা লুপা করোর ২০০ রোম চঙনা এক্তা মোল শানবা উরেপ-উয়ুং তম্লে। মসিনা রাজ্য অসিদা অনৌবা মাইকে অমা তাক্কনি অমসুং অফবা ৱাখল্লোন লৈহনগনি। ঐখোয়না বিহার অরিবা মতমশিংদা অমুক হন্না পুররোই। মসি গরেন্তিনি।
প্রধান মন্ত্রীনা হায়খি বিহারগী লায়রবশিং মতেং পাংলবা মতমদা বিহার চাউখৎকনি। লৈবাক অসিগী লায়রবা, ত্রাইবেল, দলিত অমসুং তোল্লবা খুদিংমক্কী থৌনা হেনগৎহন্নবা ঐখোয়গী সরকারনা থবক পায়খৎলে। বেনিফিসরি করোর ৯ রোম পি.এম গরিব কলয়ান অন্ন য়োজনাগী কান্নবশিং ফংলে। বিহারদা নুপী করোর ১ উজৱালা গ্যাস কন্নেক্সনগী কান্নবা ফংলে। লৌমী লাখ ৯০ পি.এম কিষান সম্মান নিধিগী কান্নবা ফংদুনা মখোয়গী একাউন্তশিংদা লুপা করোর ২২,০০০ হাপচিনখ্রে। চহি ৫গী মমাঙদা য়ুমথোং চাদা ২ খক তোতি ঈশিং ফংলমখি, হৌজিক য়ুমথোং চাদা ৯০ তোতি ঈশিং ফংলে। বিহারদা অয়ুস্মান কার্দ পায়বা মীওই লাখ ৮০ লৈরে অমসুং নোর্থ কোয়াল রিজার্বর য়োজনা লোইশিন্দুনা বিহার অমসুং ঝারখন্দগী জিলা ৪দা লম হেক্তর লাখ ১দা ইথৈ পীরগনি।
মহাক্কী ৱারোল লোইশিল্লকপদা, প্রধান মন্ত্রীনা হায়খি বিহার চাউখৎহনবা, বিহারদা শান্তি, লো অমসুং ওর্দরগী মতুংইন্না লৈবাক ঙাকপা অমসুং বিহারগী ইচলশিং অমসুং ইচানুপীশিংদা হকশিং ফংহনবা হায়বসি- মসি মোদীগী গরেন্তিনি। পীরিবা গরেন্তিশিং থবক ওইনা পাংথোক্নবা অমসুং সরকারগী অহুমশুবা তার্মদা বিকসিত ভারত অমা শেমগৎনবা মপুংফানা থাজবা থম্লি। প্রধান মন্ত্রীনা হায়বদগী, মীয়াম মখোয়গী মোবাইল ফোনশিংগী ফ্লাসলাইতশিং থাদুনা চাউখৎপগী কুহ্মৈগী ঙসিগী থৌরম অসি হরাওবা ফোঙদোকখি।
থৌরম অদুদা শরুক য়াখিবশিংগী মনুংদা বিহারগী রাজ্যপাল শ্রী রাজেন্দ্র ভি অরলেকার, বিহারগী চীফ মিনিস্তর শ্রী নিতিস কুমার, বিহারগী দিপুতি চীফ মিনিস্তরশিং শ্রী সামরাত চৌধুরি অমসুং শ্রী বিজয় কুমার সিনহা, এম.পিশিং, এম.এল.এশিং অমসুং বিহার সরকারগী মিনিস্তরশিং য়াওখি।
নুঙগীৱারোল
রাজ্য অসিদা নেসনেল হায়ৱে নেতৱার্ক মপাঙ্গল কনখৎহন্নবা, প্রধান মন্ত্রীনা লুপা করোর ১৮,১০০ হেনবগী তোঙান-তোঙানবা নেসনেল হায়ৱে প্রোজেকশিং শঙ্গাখ্রে অমসুং উরেপ-উয়ুং তমখ্রে। শঙ্গাখিবা প্রোজেকশিংগী মনুংদা এন.ঐচ-২২৭গী জয়নগর-নরাহিয়া সেক্সন(কিমি ৬৩.৪) পেব সোলজরগা লোয়ননা লেন অনি ওইহনবা; এন.ঐচ-১৩১জিগী কনহাওলিদগী রামনগর ফাওবা পাতনা রিং রোদ লেন তরুক ওইহনবা; কিসানগঞ্জ সহরদা হৌজিক লৈরিবা ফ্লাইওভর অসিগা খ্রমব্রাংননা কিমি ৩.২গী অনিশুবা ফ্লাইওভর অমা; বাখিতিয়ারপুর-রাজাওলি (কিমি ৪৭) লেন মরি ওইহনবা অমসুং এন.ঐচ-৩১৯গী অরা-পরারিয়া সেক্সন(কিমি ৫৫) লেন মরি ওইহনবা য়াওরি।
প্রধান মন্ত্রীনা নেসনেল হায়ৱে প্রোজেক তরুক উরেপ-উয়ুং তমখ্রে। প্রোজেকশিং অদুগী মনুংদা অমাসতগী সিবরামপু খুঙ্গং ফাওবা কিমি ৫৫গী লেন মরিগী এসেস কন্ত্রোল গ্রিনফিল্দ নেসনেল হায়ৱে শেমগৎপা; সিবরামপুরদগী রামনগর ফাওবা কিমি ৫৪গী লেন মরিগী এসেস কন্ত্রোল গ্রিনফিল্দ নেসনেল হায়ৱে শেমগৎপা; কলয়ানপুরদগী বালভাদারপুর খুঙ্গং ফাওবা কিমি ৪৭গী লেন মরিগী এসেস কন্ত্রোল গ্রিনফিল্দ নেসনেল হায়ৱে শেমগৎপা; বালভাদারপুরদগী বেলা নৱাদা ফাওবা কিমি ৪২ শাংবা লেন মরিগী এসেস কন্ত্রোল গ্রিনফিল্দ নেসনেল হায়ৱে শেমগৎপা; দনাপুর-বিহতা সেক্সনদগী কিমি ২৫গী লেন মরিগী ইলাভেতেদ কোরিদোর অমসুং বিহতা-কোইলৱার সেক্সনগী হৌজিক লৈরিবা লেন অনি লেন মরি ওইহনবা য়াওরি। লম্বীগী প্রোজেকশিং অসিনা চৎথোক-চৎশিন নুংঙাইবা হেনগৎহনগনি, চৎপগী মতম হন্থহনগনি, তুরিজম চাউখৎহনগনি অমসুং লমদম অসিগী খুন্নাই অমসুং শেন-থুমগী ফিবম ফগৎহনগনি।
পাতনা রিং রোদগী শরুক অমা ওইনা গঙ্গা তুরেল মথক্তা লেন তরুক্কী থোং অমা শাংনবা প্রধান মন্ত্রীনা উরেপ-উয়ুং তমখি। থোং অসি লৈবাক অসিদা খ্বাইদগী শাংবা থোংশিংগী মনুংদা অমা ওইগনি। প্রোজেক অসিনা পাতনা সহরদা মী চিনবা হন্থহনগনি অমসুং বিহারগী অৱাং অমসুং মখা থংবা শরুকসিং য়াংনা অমসুং নুংঙাইনা চৎথোক-চৎশিন তৌবদা নুংঙাইবা হেনগৎহনগনি অমসুং লমদম অসিগী খুন্নাই অমসুং শেন-থুম চাউখৎহনগনি।
বিহারদা লুপা করোর ২,১৯০ রোম চঙনা নমামি গঙ্গে প্রোজেক্কী মখাদা পায়খৎপা প্রোজেক ১২ প্রধান মন্ত্রীনা শঙ্গাখি। প্রোজেকশিংগী মনুংদা সাইদপর অমসুং পাহারিদা সিৱেজ ত্রিৎমেন্ত প্লান্ত; সাইদপুর, বেয়ুর, পহারি জোন ৪-এদা সিৱেজ নেতৱার্ক; কারমালিচাকতা সিৱেরেজ সিস্তেমগা লোয়ননা সিৱের নেতৱার্ক; পাহারি জোন ৫তা সিৱেরেজ স্কিম; বারহ, ছাপ্রা, নৌগাচিয়া, সুলতানগঞ্জ অমসুং সোনেপুর তাউন্দা ইন্তরসেপসন, দাইভর্জন অমসুং সিৱেজ ত্রিৎমেন্ত প্লান্ত য়াওরি। হায়রিবা প্রোজেকশিং অসিনা অমোৎপা ঈশিং গঙ্গা তুরেলদা থাদদ্রিঙৈদা মফম কয়াদা অমোৎপা ঈশিং শেংদোক্কনি, তুরেল লু-নানবা হেনগৎহনগনি অমসুং লমদম অসিগী মীয়াম কান্নবা পীগনি।
প্রধান মন্ত্রীনা পাতনাদা য়ুনিতি মোল শানবা উরেপ-উয়ুং তমখি। লুপা করোর ২০০ হেন্না চঙনা শাগদৌরিবা মোল অসিদা মালেম থাক্কী দিজাইনশিং, তেক্নোলোজি, নুংঙাইবা অমসুং ফজবা য়াওদুনা অনৌবা খুদোংচাবশিং য়াওগনি। মোল অসিদা রাজ্যশিং, য়ুনিয়ন তেরিতোরিশিং অমসুং জিলাশিংগী মফম পীগনি অমসুং মখোয়গী অখন্নবা পোৎথোকশিং উৎপা ঙমহনগনি। রাজ্যশিং/য়ু.তিশিংগী অচৌবা স্তোল ৩৬ অমসুং বিহারগী জিলা খুদিংমক্কী অপীকপা স্তোল ৩৮ য়াওগনি। য়ুনিতি মোল অসিনা লমদম অমগী মেনুফেকচরিং অমসুং ৱান দিস্ত্রিক ৱান প্রদক য়োকখৎকনি, বিহার অমসুং ভারতকী জিওগ্রাফিকেল ইন্দিগেতর(জি আই) পোৎথোকশিং অমসুং ইয়োংগী পোৎথোকশিং য়োকখৎকনি। প্রোজেক অসিনা রাজ্য অসিদা থবক ফংবা, ইনফ্রাস্ত্রকচর চাউখৎপা অমসুং মপান্দা থাদোকপগী লমদা কান্নবা কয়া ফংহনগনি।
প্রধান মন্ত্রীনা বিহারদা রেলৱে প্রোজেক অহুম লৈবাক মীয়ামদা কৎথোকখ্রে। হায়রিবা প্রোজেকশিংগী মনুংদা পাতলিপুত্রাদগী পাহলেজা ফাওবা রেলৱে লাইন দবল ওইহনবা; বনধুৱা-পাইমারগী মরক্তা কিমি ২৬গী অনৌবা রেল লাইন; অমসুং গয়াদা মেমু সেদ অমা য়াওরি। প্রধান মন্ত্রীনা অরা বাই পাস রেল লাইনগী উরেপ-উয়ুং তমগনি। রেল প্রোজেকশিং অসিনা রেলদা চৎথোক-চৎশিন হেন্না ফগৎহনগনি, লাইন কেপাসিতি হেনগৎহনগনি অমসুং ত্রেনশিং চেনবা হেনগৎহনগনি অমসুং লমদম অসিদা উদোগ চাউখৎপা হেনগৎহনগনি।
कुछ दिन पहले ही बिहार के गौरव कर्पूरी ठाकुर जी को देश ने भारत रत्न दिया है।
— PMO India (@PMOIndia) March 2, 2024
ये सम्मान पूरे बिहार का सम्मान है। pic.twitter.com/Vnp2zsh0QN
हमारी सरकार देश के हर गरीब, आदिवासी, दलित, वंचित का सामर्थ्य बढ़ाने में जुटी है: PM @narendramodi pic.twitter.com/wi63tGcSZB
— PMO India (@PMOIndia) March 2, 2024
