অসমদা কেন্সর হোস্পিতাল লৈবনা অৱাং নোংপোক লমগমগা লোয়ননা খা-এসিয়াগী হেল্থকেয়রগী মতিক হেনগৎহল্লগনি
“স্বাস্থ কা সপ্তারিশী’বু হেল্থকেয়র ভিজনগী য়ুম্বী তরেৎনি হায়না শন্দোক্না তাকখি
“হোৎনরিবা অসিগী পান্দমদি লৈবাক পুম্বগী মীয়াম্না কেন্দ্র সরকারগী স্কিমশিংগী কান্নববু লৈবাক্কী মফম অমা হেক্তদগী ফংবা য়াহন্নবনি অমসুং মসিদা অথিংবা অমত্তা লৈহল্লোই। মসিনা ৱান নেসন, ৱান হেল্থকী ৱাখল্লোন্নি”
“কেন্দ্র অমসুং অসম সরকারনা চা বগানশিংদা থবক তৌরিবা মীয়ামগী পুন্সি মহিং নুংঙাইহন্নবা থম্মোই শেংনা হোৎনরি”

প্রধান মন্ত্রী, শ্রী নরেন্দ্র মোদীনা ঙসি দিব্রুগরদা পাংথোকপা থৌরম অমদা অসমদা লৈবা কেন্সর হোস্পিতাল ৭পু লৈবাক মীয়ামদা শিন্নখ্রে। হায়রিবা কেন্সর হোস্পিতালশিং অসি দিব্রুগর, কোক্রাঝার, বারপেতা, দররাং, তেজপুর, লখিমপুর অমসুং জোর্হাত্তা শাবনি। প্রধান মন্ত্রীনা ঙসিগী অঙনবদা অনৌবা হোস্পিতালগী মফমদা চৎপদা দিব্রুগরগী হোস্পিতালবু লৈবাক মীয়ামদা শিন্নবনি। প্রধান মন্ত্রীনা কেন্সর হোস্পিতাল অনৌবা ৭ অমগী উরেপ উয়ুংসু তমখি। হায়রিবা হোস্পিতালশিং অসিনা ধুব্রি, নালবারী, কোলপারা, নাগাও, সিবসাগর, তিন্সুকিয়া অমসুং গোলাঘাত্তা প্রোজেক্ত অসিগী ফেজ ২গী মখা পোন্না শাগদবনি। অসমগী রাজ্যপাল, শ্রী জগদিশ মুখী, মুখ্য মন্ত্রী, শ্রী হিমন্তা বিস্বা শর্মা, কেন্দ্রগী মন্ত্রী, শ্রী সর্বানন্দ সোনোৱাল, শ্রী রামেশ্বর তেলী, হান্নগী সি.জে.আই. অমসুং রাজ্য সভাগী মেম্বর, শ্রী রঞ্জন গোগোই অমসুং মমিং লৈরবা ইন্দস্ত্রিএলিস্ত শ্রী রতন তাতাসু থৌরম অসিদা শরুক য়াখি।

থৌরম অসিদা ৱা ঙাংবদা, প্রধান মন্ত্রীনা কুম অসিগী হরাও কুহ্মৈগী ৱাখল্লোনবু শকখঙলদুনা ৱারোল হৌখি অমসুং অসমগী শক্নাইরবা মচানুপা অমসুং মচানুপীশিংবু ইকায় খুম্নবা উৎখি। ঙসি লৈবাক মীয়ামদা খুৎশিন্নবখিবা অসমগী কেন্সর হোস্পিতাল অমসুং উরেপ উয়ুং তমখিবা হোস্পিতালশিংনা অৱাং নোংপোক লমগমগা লোয়ননা খা-এসিয়াগী হেল্থকেয়রগী মতিক হেনগৎহল্লগনি হায়না ফোংদোকখি। কেন্সরনা অসমদা খক্তা নত্তনা অৱাং নোংপোক্কা অৱাবা পীদুনা লাক্লিববু খঙলদুনা, প্রধান মন্ত্রীনা অসুম্না হায়খি, “মসিনা খ্বাইদগী অৱাবা নংহল্লিবসি ঐখোয়গী লাইরবা অমসুং মিদ্দল ক্লাসকী ইমুংশিংনি”। মফমসিগী মীয়াম্না চহি খরগী মমাংদা কেন্সর লাইয়েংনবগীদমক্তা অচৌবা শহরশিংদা চৎনরম্মি অমসুং মসিনা শেলগী পোৎলুম হেনগৎহল্লম্মি। প্রধান মন্ত্রীনা অসমগী মুখ্য মন্ত্রী, শ্রী শর্মা অমসুং কেন্দ্রগী মন্ত্রী, শ্রী সর্বানন্দ সোনোৱাল অমসুং তাতা ত্রস্তপু অসিগুম্বা মতম শাংনদগী লৈরক্লবা শিংনবা কয়াগী অসমদা ৱারোইশিন পুরক্নবা হোৎনবগীদমক্তা থাগৎপা ফোংদোকখি। হন্দক্কী চহিগী বজেৎ অসিদা লুপা করোর ১৫০০গী প্রাইম মিনিস্তর্স দিভেলপমেন্ত ইনিসিএতিব ফোর নোর্থ ইস্ত (পি.এম.-দি.ই.ভি.আই.এন.ই.) য়াওরি হায়না প্রধান মন্ত্রীনা ফোংদোকখি। স্কিম অসিগী মখাদা, কেন্সর লাইয়েংবা হায়বসি মিৎয়েং চঙবা হীরম অমা ওইরি অমসুং হায়রিবা খুদোংচাবা অসি গুৱাহাতীগী ওইনসু ৱাহৌদোক থমখ্রবনি।

প্রধান মন্ত্রীনা হেল্থকেয়র সেক্তরগীদমক্তা সরকারনা য়েংলিবা মিৎয়েংগী মতাংদা শন্দোক্না তাক্লদুনা, মহাক্না ‘স্বাস্থ কা সপ্তারিশী’গী মতাংদা ফোংদোকখি। অনাবা লৈহন্দবা হায়বসিনা ঐখোয়গী অহানবা মিৎয়েংনি। “মরম অদুনা, ঐখোয়গী সরকারনা প্রিভেন্তিব হেল্থকেয়রদা অহেনবা মিৎয়েং চঙলিবনি। মসিনা মরম ওইরগা য়োগ নত্ত্রগা ফিৎনেসকী থৌরমশিং অসি চত্থরিবনি”, হায়না মহাক্না হায়খি। অনিশুবা, লাইনা অমা নারবদি, ঐখোয়না অঙনবা মতমদগী খঙগদবনি। মসিনা মরম ওইরগা, লৈবাক শিনবা থুংবদা তেস্ত তৌনবা অনৌবা সেন্তর লাখ কয়া শারি। অহুমশুবা,  মীয়াম্না মখোয়গী অনকপদা ফর্স্ত এদ ফংফম লৈগদবনি হায়বসিদা মিৎয়েং চঙলি। মরম অদুনা, প্রাইমরী হেল্থ সেন্তরশিংবু ফগৎহল্লিবনি। লাইরবশিংনা হোস্পিতালদা লেম্না লাইয়েংবা ফংবা হায়বসিনা ঐখোয়গী মরিশুবা মিৎয়েং চঙবনি। মসিগীদমক্তা, আয়ুশমান ভারত য়োজনাগী মখাদা লুপা লাখ ৫ ফাওবগী লেম্না লাইয়েংবগী খুদোংচাবা ভারত সরকারনা পীরি। অফবা লাইয়েংগীদমক্তা অচৌবা শহরগী মখা পোন্দবা হায়বসিনা ঐখোয়গী মঙাশুবা মিৎয়েং চঙবনি। ঐখোয়গী সরকারনা মসিগীদমক্তা হেল্থ ইনফ্রাস্ত্রকচরদা মমাংদা পাংথোক্ত্রিবা মওংদা শেল থাদরিবনি। “ইং ২০১৪গী মমাংদা লৈবাক অসিদা শুপ্নগী এমস ৭খক লৈরম্মি। মসিগী মনুংদগী দিল্লীগী এমস নত্তনা এম.বি.বি.এস. তম্ফম লৈতবা, ও.পি.দি. লৈতবা কয়া য়াওদুনা অৱাৎপা য়াম্না লৈরম্মি। ঐখোয়না ফিভম অসিবু শেমদোক্তুনা লৈবাক অসিদা অনৌবা এমস ১৬ লিংখৎখি। মসিগী মনুংদগী এমস গুৱাহাতীসু অমনি”। তরুকশুবা মিৎয়েং চঙবগী মতাংদা প্রধান মন্ত্রীনা অসুম্না হায়খি, “ঐখোয়গী সরকারগী তরুকশুবা মিৎয়েং চঙবদি, দাক্তরগী মশিং ৱাৎলিবসি কোকহনবনি। মমাংগী চহি ৭তা, এম.বি.বিএস. অমসুং পি.জি. তম্বগীদমক্তা অনৌবা সিত লিশিং ৭০ হেন্না হাপখ্রে।ঐখোয়গী সরকারনা আয়ুশ দাক্তর লাখ ৫ হেনববুসু এলোপেথীগী দাক্তরগা থাক মান্নৈ হায়না লৌরে”। সরকারগী তরেৎশুবা মিৎয়েং চঙবদি, হকশেল সেবাশিংবু দিজিতাইজ তৌবনি। লাইয়েংবগীদমক্তা অশাংবা ক্যু লেপ্তবা, লাইয়েংবগী মিংদা থেংনরিবা অৱাবা কয়াদগী কোকহন্নবা সরকারনা হোৎনরি। মসিগীদমক্তা স্কিম অমগী মথংদা অমা চলায়রি হায়না শ্রী মোদীনা মখা তাখি। “ঐখোয়না হোৎনরিবা অসিগী পান্দমদি লৈবাক পুম্বগী মীয়াম্না কেন্দ্র সরকারগী স্কিমশিংগী কান্নববু লৈবাক্কী মফম অমা হেক্তদগী ফংবা য়াহন্নবনি অমসুং মসিদা অথিংবা অমত্তা লৈহল্লোই। মসিনা ৱান নেসন, ৱান হেল্থকী ৱাখল্লোন্নি। মসিগী ইথিল অসিনা চহি ১০০গী মনুংদা থোকপা খ্বাইদগী চাউবা লাইচৎ মনুংদা পাঙ্গল হাপখি, শিংনবা অসিগা থেংনবা ঙম্নবা পাঙ্গল হাপখি”, হায়না প্রধান মন্ত্রীনা মিৎয়েং চঙখি।

কেন্সর লাইয়েংবদা শেল য়াম্না চঙবা হায়বসিনা মীওই খুদিংগী পুক্নিংদা খ্বাইদগী ৱাবা ৱাফম অয়া ওইরম্মি হায়না প্রধান মন্ত্রীনা হায়খি। লাইয়েংবদা শেল য়াম্না চঙবনা মরম ওইরগা ইমুং মনুংদা অৱাবা তাহৌরগনি অমসুং শেল তোনশিনখ্রগনি হায়বগী পাখত্তুনা নুপীশিংনা অয়াম্বা ওইনা লাইয়েংবদগী নাথোক্তুনা লৈরম্মি। কেন্সরগী হিদাক লাংথক্কী মমলবু তংখায়গী চাংদা হন্থহন্দুনা কেন্সর লাইয়েংবদা সরকারনা শেল য়াম্না চঙহন্দনবা হোৎনবগা লোয়ননা মসিনা মরম ওইরগা অনাবাশিংগী লুপা করোর ১০০০গী চাংদা য়ামদ্রবদা তুংশিনবা ঙমহনখি। জন ঔশধী কেন্দ্রশিংদা হিদাক ৯০০ হেন্না অহোঙবা মমলদা হৌজিক ফংলি। আয়ুশমান ভারত স্কিমগী বেনিফিশরী কয়া অমদি কেন্সরনা নাবশিংনি।

আয়ুশমান ভারত অমসুং ৱেলনেস সেন্তরশিংনা কেন্সর কেসশিংবু ঙন্না খঙদোকপদা তেংবাংলি হায়না প্রধান মন্ত্রীনা ফোংদোকখি। অসম অমসুং লৈবাক্কী তোঙানবা মফমশিংদা মীওই করোর ১৫ হেনববনা ৱেলনেস সেন্তরশিংদা কেন্সর স্ক্রীনিং তৌখ্রে। রাজ্য অসিদা মেদিকেল ইনফ্রাস্ত্রকচর ফগৎহনবগীদমক্তা প্রধান মন্ত্রীনা অসম সরকারবু থাগৎখি। জিলা খুদিংদা মেদিকেল কোলেজ লৈহনগনি হায়বা লৈবাক্কী ৱারেপ মঙফাওনহন্নবগীদমক্তা মুখ্য মন্ত্রী অমসুং মহাক্কী কাঙবুনা মশক থোকপা থবক পায়খৎলি হায়না শ্রী মোদীনা হায়খি। ওক্সীজেন্দগী হৌরগা ভেন্তিলেতর ফাওবগী খুদোংচাবা পুম্নমক ফংহনগনি হায়বা কেন্দ্র সরকারগী ৱাফম্বু প্রধান মন্ত্রীনা অমুক্কা হন্না পনখি। অঙাংশিংদা ভেক্সিন কাপ্পা য়াহনবা অমসুং অহলশিংগী প্রীকোস্নরী দোজ কাপ্পগী খুদোংচাবা পীদুনা ভেক্সিন কাপ্পগী থৌওং পাকথোক চাউথোক্লবনিনা মীয়াম খুদিংনা ভেক্সিন কাপথোক্নবা প্রধান মন্ত্রীনা হায়খি।

কেন্দ্র অমসুং অসম সরকারনা চা বগানশিংদা থবক তৌরিবা মীয়ামগী পুন্সি মহিং নুংঙাইহন্নবা থম্মোই শেংনা হোৎনরি। রেসন লেম্না পীবদগী হৌরগা হর ঘর জল য়োজনাগী মখাদা ফংবা খুদোংচাবা কয়াবু চা বগানগী ইমুংশিংদা অথুবা মতমদা য়ৌহন্নবা অসম সরকারনা কন্না হোৎনরি হায়না প্রধান মন্ত্রীনা পাউদমখি।

মীয়ামগী য়াইফ য়ুম্বালগী মতাংদা ৱাখল্লোন হোংলকপগী মতাংদা প্রধান মন্ত্রীনা মিৎয়েং চঙখি। ঙসিদি, মীয়ামগী য়াইফ য়ুম্বাল হায়বগী ৱাহন্থোক হেন্না পাকথোক চাউথোক্লে। মমাংদদি, মীয়ামগী য়াইফ য়ুম্বালগা সবসিদী খরখক্তগা মরী লৈরম্বনি। ইনফ্রাস্ত্রকচর অমসুং কন্নেক্তিবিতীগী প্রোজেক্তকা মসিগা মরী লৈনবগী মতৌ উবা ফংলমদে। কন্নেক্তিবিতী লৈতবা মতমদা, মীয়ামগী সেবা য়ৌহনবা হায়বসি য়াম্না ৱানা থোকই। ঙসিদি, লৈবাক অসিনা মমাংগী চহি-চাগী ৱাখল্লোন তুংদা থম্লমদুনা তুংলমচৎকীদমক্তা খোঙদারি। শোরোক, রেল অমসুং এয়রগী নেৎৱর্ক পাকথোক-চাউথোকপগী মতৌ অসম মনুংদা হৌজিক উবা ফংলে অমসুং মসিনা লাইরবা, নহারোল, নুপী, অঙাং, শোত্থরবা অমসুং ত্রাইবেল খুন্নাইগী মীওইশিংদা কান্নবা পীরি। ঐখোয়না সবকা সাথ, সবকা বিকাস, সবকা বিশ্বাস অমসুং সবকা প্রয়াসকী ইথিলগা লোয়ননা অসম অমসুং লৈবাক্কী চাউখৎ-থৌরাংগী থবক পায়খৎলি হায়না প্রধান মন্ত্রীনা মহাক্কী ৱারোল লোইশিনখি।

অসম সরকার অমসুং তাতা ত্রস্তনা পুন্না পায়খৎমিন্নবা খোঙথাং, অসম কেন্সর কেয়র ফাউন্দেসন্না রাজ্য অসিদা কেন্সর হোস্পিতাল ১৭ লৈহন্দুনা খা-এসিয়াগী খ্বাইদগী চাউবা অমসুং শেল য়াম্না চঙদবা কেন্সর কেয়র নেতৱর্ক ওইহন্নবা প্রোজেক্ত অমা থবক্তা ওন্থোক্লি। প্রোজেক্ত অসিগী অহানবা ফেজকী মখাদা শাগদবা কেন্সর হোস্পিতাল ১০গী মনুংদগী তরেত শাবা লোইরে অমসুং অহুম অমনা লোইশিনবগী তোঙানবা থাক্তা লৈরি। প্রোজেক্ত অসিগী অনিশুবা ফেজকী শরুক ওইনা, কেন্সর হোস্পিতাল ৭ শাগনি।

 

 

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Firm economic growth helped Indian automobile industry post 12.5% sales growth

Media Coverage

Firm economic growth helped Indian automobile industry post 12.5% sales growth
NM on the go

Nm on the go

Always be the first to hear from the PM. Get the App Now!
...
BJP's Sankalp Patra for Lok Sabha elections 2024
April 14, 2024