প্রধান মন্ত্রী শ্রী নরেন্দ্র মোদীনা 100Wকী অনৌবা FM ত্রান্সমিত্তর 91বু ভিদিও কনফরেন্সিংগী খুত্থাংদা ঙসি শঙ্গাখ্রে। ঙসি শঙ্গাখিবা অসিনা লৈবাক্কী রেদিও কন্নেক্তিবিতীগী মপাঙ্গল হেনগৎহল্লগনি।
প্রধান মন্ত্রীনা ঙসি তিনখিবা মীয়ামদা ৱা ঙাঙবদা, ঙসিগী থৌরম অসিদা পদ্ম মনা ফংলবা শক্নাইরবা মীওই কয়া য়াওরিবশিংবু শকখঙলদুনা মখোয়বু তরাম্না ওকখি। ওল ইন্দিয়া রেদিওনা মশাগী FM সর্ভিস পাকথোক চাউথোকহন্দুনা ওল ইন্দিয়া FM ওইবগী মাইকৈদা চঙশিনবা ওইনা থাংজিল্লিবা মশক থোকপা খোঙথাং অসি ঙসিগী থৌরমদা উবা ফংই হায়না প্রধান মন্ত্রীনা হায়খি। ওল ইন্দিয়া রেদিওনা FM ত্রান্সমিত্তর 91 হৌদোক্লিবা অসিদি লৈবাক্কী জিলা 85 অমসুং মীওই করোর 2গী মফমদা তম্বা খুদোল অমগুম্বনি হায়না মহাক্না ফোংদোকখি। মসিনা ভারতকী দাইবর্সিতী অমসুং মচু কয়াগী শক্তম অমসু মওং অমদা উৎলি হায়না প্রধান মন্ত্রীনা হায়খি। FM ত্রান্সমিত্তর 91না কোল্লিবা মফমশিং অসিদি এস্পিরেস্নেল জিলা অমসুং ব্লোকশিংনি হায়না মহাক্না হায়রদুনা ঙসিগী মায় পাকপা অসিগীদমক্তা ওল ইন্দিয়া রেদিওবু থাগৎখি। খোঙথাং অসিদগী কান্নবা য়াম্না ফংগদৌরিবা অৱাং নোংপোক্কী মীয়াম্বুসু মহাক্না থাগৎপা ফোংদোকখি।
প্রধান মন্ত্রীনা মহাক্কী চারোল শুরোনগী মীওইশিংগা রেদিওগা লৈনবা মরীদা মহাক্না মরু ওইবা মিৎয়েং চঙখি। “ঐহাক্না রেদিওগী হোস্ত অমা ওইবা ফংবসি ঐহাক্কী অহেনবা নুংঙাইবা অমনি”, প্রধান মন্ত্রীনা মন কী বাতকী লাক্কদৌরিবা 100শুবা তাঙ্কক্কী মতাংদা পল্লদুনা হায়খি। মহাক্না হায়খি, “মীয়ামগা ইমোস্নেল ওইনা মরী লৈনবা অসিদি রেদিও খক্কী খুত্থাংদগী ওইথোক্কনি। ঐহাক্না থৌরমসিগী মতেংদগী লৈবাক্কী মপাঙ্গল অমসুং লৈবাক মীয়াম্না মশাগী থৌদাং পাংথোকপগী অপুনবা পাঙ্গলগা মরী লৈনদুনা লৈবা ঙম্লি”। মহাক্না মন কী বাতকী খুত্থাংদগী স্বচ্ছ ভারত, বেতি বচাও বেতি পড়াও অমসুং হর ঘর তিরঙ্গাগুম্বা লৈবাক্কী ইহৌ ওইখিবা খোঙথাংশিং কয়াদা প্রোগ্রাম অসিনা লৌখিবা থৌদাংগী খুদম পীরদুনা মহাক্কী ৱাফম অসিবু শন্দোক্না তাকখি। “মরম অদুনা, ঐহাকসু অদোমগী ওল ইন্দিয়া রেদিও তীমগী শরুক অমা মওং অমদা ওইরি”, মহাক্না মখা তাখি।
FM ত্রান্সমিত্তর 91 হৌদোকপা অসিনা মতম কয়াদগী মসিগুম্বা খুদোংচাবা ফংদনা লাক্লবা মীওইশিংদা অহানবা প্রিফরেন্স পীবা সরকারগী পোলিসী কয়াবু খুমাং চাউশিনহল্লি হায়না প্রধান মন্ত্রীনা ফোংদোকখি। “লাপথোকই হায়না খল্লম্বশিংসু হৌজিক্তি অৱাংবা থাক অমদা শমজিন্নবগী খুদোংচাবা অমা ফংলগনি”, প্রধান মন্ত্রীনা মখা তাখি। প্রধান মন্ত্রীনা FM ত্রান্সমিত্তরগী কান্নবশিং হায়বা মতমদা মহাক্না মরু ওইবা ই-পাউ কয়া মতম চানা শন্দোকপা, খুন্নাই শেমগৎপগী থৌরাং, লৌউ-শিংউদা তেংবাংনবা অইং-অশাগী ই-পাউ পীবা, লৌমীশিংগী লৌশিং ওইনবা চিঞ্জাক অমসুং মনা-মশিংগী মমল খঙহনবা, লৌউ-শিংউদা কেমিকেল শিজিন্নবনা পুরকপা অকায়বা কয়া, লৌউ-শিংউদা এদভান্স ওইবা মেছিন শিজিন্নবা, নুপীশিংগী সেল্ফ হেল্প গ্রুপশিংদা মার্কেতকী অনৌবা প্রাইস তাকপা অমসুং মহৌশাগী অৱা অনা থোকপা মতমদা খুন্নাইদা তেংবাংবগুম্বগী হীরম কয়াসু পনখি। মহাক্না FMগী ইনফোতেনমেন্ত ভেল্যুগী মতাংদসু ৱাফম থমখি।
তেক্নোলোজীবু মীয়াম পুম্বনা শিজিন্নবা য়াহন্নবা সরকারনা লেপ্তনা হোৎনরি হায়না প্রধান মন্ত্রীনা পাউদমখি। “ভারতনা মশাগী তসেংবা তৌবা ঙম্বগী মতিক ফোংদোক্তুনা চাউখৎপা পুরক্কে হায়রবদি ভারত মচা অমত্তদা খুদোংচাবগী অৱাৎপা লৈহন্দবা হায়বসি য়াম্না মরু ওইবনি”, প্রধান মন্ত্রীনা হায়খি। মসিগীদমক্তা মোদর্ন তেক্নোলোজীবু এসেসিবল অমসুং এফোর্দেবল ওইহনবা হায়বসি য়াম্না মরু ওই। মহাক্না ৱাফম অসিবু খুঙ্গংশিংদা ওপ্তিকেল ফাইবর য়ৌহনখিবা অমসুং দেতাবু খ্বাইদগী হোঙবা মমলদা ফংহন্দুনা ইনফোর্মেসনগী এসেস লাইহনখিবগী খুদম পীদুনা তাকখি। থৌওং অসিনা খুঙ্গংশিংগী দিজিতেল ওন্তোপ্রিনর্শিপ্তা অচৌবা শাফু পীখি হায়না মহাক্না ফোংদোকখি। মান্নবা থৌওং অমা ওইনা, UPIনা পীক্না কারবার তৌবা মীওই অমসুং স্ত্রীত ভেন্দরশিংদা বেঙ্কিং সর্ভিস শিজিন্নবা ঙমহনখি।
লৈবাক অসিদা মমাংগী চহি খরদগী লৈরক্লিবা তেক রিভোল্যুসন অসিনা রেদিও অমসুং FMবু অনৌবা মওং অমদা শেমদোক্লে হায়না প্রধান মন্ত্রীনা হায়খি। ইন্তর্নেত চাউখৎলক্লিবা অসিগী মতাংদা পল্লদুনা, প্রধান মন্ত্রীনা রেদিও অসিসু পোদকাস্ত অমসুং ওনলাইন FMগুম্বা ইন্নোভেতিব ওইবা থৌওং কয়াগী খুত্থাংদগী মীয়ামগী মাঙদা তমুক্কা হন্না থোক্লক্লে হায়খি। “দিজিতেল ইন্দিয়ানা রেদিওগী মফমদা অনৌবা ভাবোক পীবতা নত্তনা প্রোগ্রাম শন্দোকপগী অনৌবা থৌওং অমসু পীরে”, প্রধান মন্ত্রীনা মসিগা চপ মান্নবা ইহৌ অসিমক ব্রোদকাস্তিং মীদিয়ম খুদিংদা উরে হায়না ফোংদোক্লদুনা হায়খি। লৈবাক্কী খ্বাইদগী চাউবা DTH প্লেতফোর্ম ওইরিবা DD ফ্রী দিশকী সর্ভিস অসি য়ুম করোর 4গা লাক্ষ 30দা পীরি অমসুং মসিনা মালেমগী হৌজিক হৌজিক্কী ওইবা ই-পাউ কয়াবু খুঙ্গং অমসুং ঙমখৈগা নক্নবা লমদম খুদিংগী য়ুম্থোং খুদিংদা য়ৌহল্লি হায়না মহাক্না ফোংদোকখি। দিকেদ কয়াদগী নাথৈবীদুনা লাক্লবা খুন্নাইগী কাঙলুপশিংদা এজুকেসন অমসুং ইন্তর্তেনমেন্ত য়ৌরে হায়না মহাক্না হায়খি। “মসিনা খুন্নাইগী কাঙলুপ কয়াগী মরক্তা খেন্নবা লৈববু লৌথোক্লে অমসুং মীপুম খুদিংদা ক্বালিতী ইনফোর্মেসন ফংহল্লে”, প্রধান মন্ত্রীনা হায়খি। তোঙান-তোঙানবা এজুকেসন কোর্স কয়া অমা DTH চেন্নেলশিংদা পীরি অমসুং য়ুনিভর্সিতী কয়াগী লৌশিংসু য়ুম্থোং খুদিংদা হকথেংননা য়ৌরে হায়না মহাক্না পাউদমখি। মসিনা লৈবাক্কী মহোরোই কয়াদা, মরু ওইনা কোরোনাগী মতমদা মশক থোক্না তেংবাংখি হায়না প্রধান মন্ত্রীনা হায়খি। “DTH নত্ত্রগা FM রেদিও ওইরো, মসিগুম্বা শক্তি অসিনা ভারতকী তুংগী মতমগী শক্তম অমা উহল্লি। ঐখোয়না মসিগুম্বা তুংগী মতম অসিগীদমক্তা ইশাবু শেম শাবা তাই”, শ্রী মোদীনা হায়খি।
প্রধান মন্ত্রীনা লৈবাক অসিদা লৈরিবা লিঙ্গুইস্তিক দাইভর্সিতীগী মতাংদা পল্লদুনা, FM ত্রান্সমিসন অসি লোল খুদিংদা শন্দোক্কনি হায়খি। “মসিগী কন্নেক্তিবিতী অসিনা কম্ম্যুনিকেসনগী খুৎলায়শিং শমজিন্নবগী মথক্তা মীয়াম্বুসু অমত্তা ওইনা শমজিন্নগনি। মসিগুম্বা থৌওং অসিদা ঐখোয়গী সরকারগী থবক তৌবগী চৎনবীগী মমি তারি”, প্রধান মন্ত্রীনা ফিজিকেল কন্নক্তিবিতীগা লোয়ননা সোসিএল কন্নেক্তিবিতীদসু মিৎয়েং চঙলিবা অসি তাক্তুনা ফোংদোকখি। “ঐখোয়গী সরকারনা কলচরেল কন্নেক্তিবিতীগা লোয়ননা ইন্তেলেকচুএল কন্নেক্তিবিতীগী মপাঙ্গল হেনগৎহল্লি”, প্রধান মন্ত্রীনা মখা তাখি। অশেংবা হিরোশিংবু ইকায় খুম্নবা উত্তুনা পদ্ম অমসুং অতোপ্পা এৱার্দশিংবু মীয়ামগী অশেংবা এৱার্দ ওইহনবগী খুদম পীরদুনা মহাক্না ৱাফম অসি শন্দোক্না তাকখি। “মমাংদা পাংথোক্লম্বা অদুদগী খেন্ননা, পদ্ম এৱার্দ অসি রিকম্মেন্দেসন্দা য়ুম্ফম ওইবগী মহুত্তা, লৈবাক অমসুং খুন্নাইদা তেংবাংবশিংদা য়ুম্ফম ওইরগা পীরে”, মহাক্না মখা তাখি।
প্রধান মন্ত্রীনা লৈবাক্কী তোঙান-তোঙানবা মফমশিংগী ধর্মগা মরী লৈনবা মফম অমসুং লাইনিংফম কয়াবু নৌনা শেমগৎপদগী তুরিজম খুমাং চাউশিল্লক্লিবা অসিগী মতাংদা পল্লদুনা, মহাক্না তুরিস্তকী মফমশিংদা লাক্লিবা মীওই মশিং হেনগৎলক্লিবা অসি লৈবাক্কী কলচরেল কন্নেক্তিবিতী হেনগৎলক্লি হায়বগী খুদম্নি হায়খি। মহাক্না ত্রাইবেল নিংতম লান্মীশিংগী ম্যুজিয়ম, বাবাসাহেব অম্বেদকরগী পাঞ্চতীর্থ, পি.এম. ম্যুজিয়ম অমসুং নেস্নেল ৱার মেমোরিএলগী খুদম কয়া পীরদুনা মসিগুম্বা খোঙথাংশিং অসিনা লৈবাক্কী ইন্তেল্লেকচুএল অমসুং ইমোস্নেল কন্নেক্তিবিতীদা অনৌবা মপাঙ্গল কয়া হাপ্লে হায়না ফোংদোকখি।
প্রধান মন্ত্রীনা মহাক্কী ৱারোল লোইশিল্লকপদা, ওল ইন্দিয়া রেদিওগুম্বা কম্ম্যুনিকেসন চেন্নেলগী মিৎয়েং অমসুং পান্দম করিনো হায়বা তাকখি অমসুং কন্নেক্তিবিতীগী মখল খুদিংনা লৈবাক অমসুং মসিগী মীয়াম করোর 140বু অমত্তা ওইনা শমজিনবগী পান্দম থমগদবনি হায়না ফোংদোকখি। স্তেকহোলদর খুদিংনা পান্দম অসিগা লোয়ননা চত্তুনা লেপ্তনা চত্থবা দাইলোগকী খুত্থাংদা লৈবাক্কী মপাঙ্গল হেনগৎহনবদা তেংবাংনি হায়বগী থাজবা লৈ হায়না মহাক্না ফোংদোকখি।
বেকগ্রাউন্দ
লৈবাক অসিদা FM কন্নেক্তিবিতী ফগৎহন্নবা সরকারনা খোঙফম চেৎলি। 100Wকী অনৌবা FM ত্রান্সমিত্তর 91 অসি রাজ্য 18 অমসুং UT 2গী জিলা 84দা খিনগনি। মসিগুম্বা পাকথোক চাউথোকপগী থবকশিং অসিনা এস্পিরেস্নেল দিস্ত্রিক্ত অমসুং ঙমখৈগী লমদমশিংগী কন্নেক্তিবিতী কবরেজ ফগৎহন্নবা অখন্নবা মিৎয়েং চঙলি। থবক অসি পাংথোক্কদৌরিবা রাজ্য অমসুং UTশিংগী মনুংদা বিহার, ঝর্খন্দ, ওরিশা, নোংচুপ বেঙ্গোল, অসম, মেঘালয়, নাগালেন্দ, হরিয়ানা, রাজস্থান, উত্তর প্রদেশ, উত্তরাখন্দ, আন্ধ্র প্রদেশ, কেরলা, তেলঙ্গানা, ছতিসগর, গুজরাত, মধ্য প্রদেশ, মহারাস্ত্রা, লদাখ অমসুং অন্দমান অমদি নিকোবার ইথৎশিং য়াওরি। AIRগী FM সেবা পাকথোক চাউথোকপা অসিনা মসিগুম্বা খুদোংচাবা ফংলমদবা অহেনবা মীওই করোর 2বুসু কোল্লগনি অমসুং মসিনা চাউরাক্না স্ক্বার কিমি. 35,000কী কবরেজ এরিয়া হেনগৎহল্লগনি।
মশিং য়াম্লবা মীয়ামদা য়ৌশিনবা ঙম্বগী হীরমদা রেদিওনা লৌরিবা থৌদাং অসিদা প্রধান মন্ত্রীনা মত্ম পুম্বদা থাজবা থমদুনা লাক্লি। মীদিয়ম অসিনা মশিং খ্বাইদগী য়াম্বা ওদিএন্সতা য়ৌবা ঙম্বগী তোপ-তোপ্পা মতিক অসিগী কান্নবা লৌনবগীদমক্তা প্রধান মন্ত্রীনা মন কী বাত প্রোগ্রাম হৌদোকখিবনি, প্রোগ্রাম অসিনা শিংথানিংঙাই ওইরবা 100শুবা তাঙ্কক য়ৌরক্কদৌরবনি।
जब बात रेडियो और FM की होती है, तो इससे मेरा रिश्ता एक भावुक श्रोता का भी है, और एक होस्ट का भी है: PM @narendramodi pic.twitter.com/NTrdW7S1Ty
— PMO India (@PMOIndia) April 28, 2023
हमारी सरकार, निरंतर, टेक्नोलॉजी के लोकतंत्रिकरण, Democratization के लिए काम कर रही है। pic.twitter.com/fDNnOH9ADc
— PMO India (@PMOIndia) April 28, 2023
डिजिटल इंडिया ने रेडियो को नए listeners भी दिये हैं, और नई सोच भी दी है। pic.twitter.com/JIH9cI2NNF
— PMO India (@PMOIndia) April 28, 2023
