প্রধান মন্ত্রী শ্রী নরেন্দ্র মোদীনা কেন্দ্র অমসুং রাজ্যশিং য়াওরিবা জি.এস.তি. কাউন্সিলনা জি.এস.তি.গী চাংদা হন্থবা অমসুং রিফোর্মশিংগী মতাংদা কেন্দ্র সরকারনা পুখৎলকপা প্রপোজেলশিংদা মোৎ অমত্তা ওইনা য়ানবা পুরকপদা নুংঙাইবা ফোঙদোকখ্রে। মসিনা মীচম প্রজা, লৌমীশিং, এম.এস.এম.ই.শিং, মিদল ক্লাস, নুপীশিং অমসুং নহাশিংদা কান্নবা ফংহল্লগনি। শ্রী মোদীনা হায়খি, "চাউরবা রিফোর্মশিংনা ঐখোয়গী নাগরিকশিংগী পুন্সি মহিং ফগৎহল্লগনি অমসুং মীপুম খুদিংমক্কী, মরু ওইনা অপীকপা ত্রেদরশিং অমসুং ব্যুজিনেসশিংগীদমক ললোন-ইতিক তৌবদা লাইথোকহল্লগনি।"
প্রধান মন্ত্রীনা X তা পোস্ত তৌখি:
"নীংতম্বা নুমিৎকী ঐহাক্কী ৱারোলদা ঐহাক্না জি.এস.তি.দা নেক্স-জেনেরেসন রিফোর্মশিং পুরক্নবা ঐখোয়গী পান্দমগী মতাংদা ফোঙদোকখি।
কেন্দ্র সরকারনা জি.এস.তি.গী মমলশিং অসি পাক-চাউনা য়েংশিন্নবা অমসুং ইকোনোমী অসি মপাঙ্গল কনখৎহন্নবা অমসুং মীচম প্রজাগী পুন্সি মহিং লাইহন্নবা পান্দম থমদুনা রিফোর্মশিং প্রোসেস তৌনবা অকুপ্পা মরোল য়াওবা প্রপোজেল অমা শেমখ্রে।
কেন্দ্র সরকারনা জি.এস.তি.গী চাংদা হন্থবা অমসুং শেমদোক-শাদোকপগী ৱাফমশিং য়ুনিয়ন অমসুং রাজ্যশিং য়াওবা @GST_কাওন্সিলনা পুন্না য়ানরে। মসিনা মীচম প্রজা, লৌমীশিং, এম.এস.এম.ই.শিং, মিদল ক্লাস, নুপীশিং অমসুং নহাশিংদা কান্নবা ফংহল্লগনি।
পাক-চাওরবা রিফোর্মশিংনা ঐখোয়গী নাগরিকশিংগী পুন্সি মহিং ফগৎহল্লগনি অমসুং মীপুম খুদিংমক্কী, মরুওইনা অপীকপা ত্রেদরশিং অমসুং বিজিনেসশিংগীদমক ললোন-ইতিক তৌবদা লাইথোকহল্লগনি।"
#NextGenGST
During my Independence Day Speech, I had spoken about our intention to bring the Next-Generation reforms in GST.
— Narendra Modi (@narendramodi) September 3, 2025
The Union Government had prepared a detailed proposal for broad-based GST rate rationalisation and process reforms, aimed at ease of living for the common man and…
