প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা নৌনা ইন্দক্ত তৌরবা রিক্রুৎশিংদা এপোইন্তমেন্ত লেত্তর লাখ 1 হেন্না য়েন্থোকখ্রে। মহাক্না নই দিল্লীদা ইন্তিগ্রেতেদ কমপ্লেক্স “কর্ময়োগি ভবন”গী ফেস I উরেপ-উয়ুং তমখ্রে। কমপ্লেক্স অসিনা মিসন কর্ময়োগিগী তোঙান-তোঙানবা য়ুম্বীশিংগী মরক্তা কোল্লাবোরেসন অমসুং সিনর্জী প্রমোৎ তৌরগনি।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি রিক্রুৎ লাখ 1 হেনবদা এপোইন্তমেন্ত লেত্তরশিং খুৎশিন্নখ্রে অমসুং থৌরম অসিদা মখোয় অমসুং মখোয়গী ইমুং মনুংশিংদা নুংঙাইবা ফোঙদোকখি। মহাক্না হায়খি মদুদি ভারত সরকারদা নহারোলশিংবু থবক্কী খুদোংচাবশিং পীনবা কেম্পেন অসি মপুং ফানা চত্থরি। থবক্কী নোতিফিকেসন থোকপা অমসুং এপোইন্তমেন্ত লেত্তরশিং পীবগী মরক্তা মতম শাংনা লৈরিবা অসিনা শেল চাবা হেনগৎহল্লি হায়রদুনা প্রধান মন্ত্রীনা হৌজিক পাল্লিবা সরকার অসিনা অপুনবা প্রোসেস ত্রান্সপরেন্ত ওইহনখি অমরোমদা পীখিবা মতমগী মনুংদা রিক্রুৎমেন্ত প্রোসেস লোইশিনখি। মহাক্না হায়খি মদুদি মিনা নহারোল খুদিংমক্তা চপ মান্নবা খুদোংচাবশিং পীদুনা মখোয়গী মতিক ময়াইশিং উৎথোকপা ঙমহনখি। “ঙসি, নহারোল খুদিংমক্না হোৎনবা কনবা অমসুং স্কিলশিংগা লোয়ননা মখোয়গী জোব পোজিসন চেৎশিনহনবা ঙমগনি থাজৈ” হায়না পি.এম. মোদীনা ফোঙদোকখি, সরকারনা নহারোলবু জাতি চাউখৎহনবদা মপাং অমা ওইহন্নবা হোৎনখি হায়খি। মহাক্না হায়খি মদুদি হৌখিবা চহি 10 আসিদা নহারোলদা থবক পীখিবা অসি মমাং সরকারশিংদগী শরুক 1.5 হেন্না পীখি। প্রধান মন্ত্রীনা নই দিল্লীদা ইন্তিগ্রেতেদ কমপ্লেক্স ‘কর্ময়োগি ভবন’গী ফেস Iগী উরেপ-উয়ুং তমখি হায়খি অমসুং মসিনা কেপাসিতী বিল্দিংগী মাইকৈদা সরকারগী থৌশিল মপাঙ্গল কনখৎহনগনি। সরকারগী খোঙথাংশিংনা মরম ওইরগা অনৌবা সেক্তরশিং হাংদোকপা অমসুং নহারোলদা থবক্কী খুদোংচাবশিং অমসুং মশানা মশাদা থবক পীনবা খুদোংচাবশিং ফংহল্লি হায়না প্রধান মন্ত্রীনা ফোঙদোক্লদুনা বজেৎ অসিনা ইমুংশিং অসিগী মৈগী বিল হন্থহন্নবগীদমক রুফতোপ সোলর প্লান্ত করোর অমগী মতাংদা লাউথোকখি অমসুং মখোয়না গ্রিদতা পাৱর সপ্লাই তৌদুনা শেল তানা ঙম্লগনি হায়খি। স্কিম অসিনা অনৌবা থবক লাখ কয়াসু ফংহল্লগনি, হায়না মহাক্না ফোঙদোকখি।
ভারত অসি স্তার্তঅপ লাখ 1.25 লৈবগা লোয়ননা মালেমগী অহুমশুবা খ্বাইদগী চাউবা স্তার্তঅপ ইকোসিস্তেম ওইরি হায়না ফোঙদোক্লদুনা পি.এম. মোদীনা তায়র 2 অমসুং 3গী সহরশিংদা স্তার্তঅপ কয়া থোরক্লিবা অসিদা নুংঙাইবা ফোঙদোকখি। স্তার্তঅপশিং অসিনা অনৌবা থবক্কী খুদোংচাবশিং ফংহল্লি, অনৌবা বজেৎনা স্তার্তঅপশিংগীদমক তেক্স রিবেৎ মখা তানা তৌনবা লাউথোকখি। প্রধান মন্ত্রীনা রিসর্চ অমসুং ইন্নোভেসন প্রমোৎ তৌরদুনা বজেৎ অসিদা লুপা করোর লাখ 1গী ফন্দ লাউথোকখিবা অদুসু পনখি।
রোজগার মেলাগী খুত্থাংদা ঙসি রেলৱেদা রিক্রুৎমেন্ত তৌরি হায়না ফোঙদোক্লদুনা প্রধান মন্ত্রীনা হায়খি মদুদি রেলৱে অসি ত্রেবেলিংগী মতাংদা লাকপদা মীচম মীয়ামগী অহানবা চোইস ওইরি। শ্রী মোদীনা ভারত্তা লৈরিবা রেলৱেদা চাউনা অহোংবা লাকখিবা আসিদা মীৎয়েং চীংশিনখি অমসুং সেক্তর অসিনা মথংগী দিকেদতা মপুং ফানা অওনবা পুরকপা উবা ফংলগনি। মহাক্না 2014গী মমাংদা রেলৱেদা মীৎয়েং কয়া চংলমখিদবা অদু নীংশিংখি অমসুং রেল লাইনশিং ইলেক্ত্রিফিকেসন অমসুং দব্লিং তৌবা লোয়ননা অনৌবা ত্রেনশিং লমথাবা অমদি পেসেঞ্জরশিংগীদমক খুদোংচাবশিং হেনগৎহল্লিবা অসিগী মতাংদা ফোঙদোকখি। অদুবু 2014গী মতুংদা ত্রেন ত্রেবেল এক্সপরিয়েন্স নৌনা শেমদোক্নবা কেম্পেন অমা হৌদোকখি মসিদা রেলৱে মোদর্নাইজেসন অমসুং অপগ্রেদেসন তৌবদা মীৎয়েংসু থমখি। মহাক্না হায়খি ভন্দে ভারত এক্সপ্রেসগুম্বা মোদর্ন ভোগী 40,000 শাখ্রে অমসুং চহি অসিগী বজেৎকী মখাদা নোর্মেল ত্রেনশিংদা হাপচিনখি মসিনা পেসেঞ্জরশিংদা খুদোংচাবা অমসুং নুংঙাইবা হেনগৎহল্লগনি।
.
কন্নেক্তিবিতীনা পীরিবা অচৌবা কান্নবগী মতাংদা প্রধান মন্ত্রীনা কন্নেক্তিবিতী ফগৎলকপনা মরম ওইরগা অনৌবা মার্কেৎশিং, তুরিজম পাকথোক চাউথোকহনবা, অনৌবা বিজিনেসশিং অমসুং থবক লাখ কয়া পীখিবগী মতাংদা পনখি। “ইনফ্রাস্ত্রকচরদা তৌবা ইনভেস্তমেন্ত অসিনা চাউখৎ থৌরাং খোঙজেল য়াংশিনহনখি” হায়না প্রধান মন্ত্রীনা অনৌবা বজেৎতা ইনফ্রাস্ত্রকচরদা ইনভেস্তমেন্ত তৌনবগীদমক লুপা করোর 11 খাকখি হায়না ফোঙদোকখি। অনৌবা রেল, রোদ, এয়রপোর্ত, অমসুং ৱাতরৱেজ প্রোজেক্তশিংনা অনৌবা থবক্কী খুদোংচাবশিং পীরগনি হায়না মহাক্না ফোঙদোকখি।
পেরামিলিতরী ফোর্সশিংদা অনৌবা এপোইন্তমেন্ত কয়া পীখিবগী মতাংদা প্রধান মন্ত্রীনা পেরামিলিতরী ফোর্সশিংগীদমক সেলেক্সন প্রোসেস্তা অওনবা পুরকখিবা অমসুং জনুৱারীদগী পরিক্ষা অসি হিন্দী অমসুং ইংলিশকী মথক্কী ভারতকী লোল 13দা পাঙথোক্লগনি হায়খি। মসিনা কেন্দিদেৎ লাখ কয়াদা চপ মান্নবা খুদোংচাবা পীরগনি। মহাক্না বোর্দর অমসুং এক্সত্রিমিজমনা শোকহল্লবা জিলাশিংগীদমক কোতা হেনগৎহনবগী মতাংদসু ফোঙদোকখি।
প্রধান মন্ত্রীনা ভিকসিৎ ভারতকী খোঙচৎতা সরকারগী পর্সনেলগী থোদাংগী মতাংদা ফোঙদোকখি। “কর্ময়োগি লাখ অমা হেনবনা ঙসি শরুক য়ারি, মসিনা অনৌবা শক্তি অমসুং খোঙজেল পীরগনি” হায়না প্রধান মন্ত্রীনা ফোঙদোকখি। মহাক্না মখোয়দা জাতি শেমগৎপদা নুমিৎ খুদিং কত্থোক্নবা হায়খি। মহাক্না মখোয়দা কর্ময়োগি ভারত পোর্তেলগী মতাংদা ফোঙদোকখি, মসিদা কোর্স 800 হেন্না য়াওরি অমসুং য়ুজর লাখ 30 লৈ অমসুং মখোয়দা মসিগী কান্নবা মপুং ফানা লৌনবা হায়খি।
বেকগ্রাউন্দ
রোজগার মেলা অসি লৈবাক্কী তোঙান-তোঙানবা মফমশিং 47তা পাংথোকখ্রে। থৌরাং অসি শৌগৎতুনা কেন্দ্র সরকারগী দিপার্তমেন্তশিং অমসুং রাজ্য সরকারশিং অমসুং UTশিংনা থবকশিং হাপ্লি। নৌনা থবক খল্লবশিংনা সরকারগী তোঙান-তোঙানবা মিনিস্ত্রিশিং/দিপার্তমেন্তশিং হায়বদি রেভিনিয়ু দিপার্তমেন্ত, হোম এফেয়ার্স মিনিস্ত্রি, হয়ার ইজুকেসন দিপার্তমেন্ত, এতোমিক ইনর্জি দিপার্তমেন্ত, ফাইনান্সিএল সর্বিসসেস দিপার্তমেন্ত, হেল্থ অমসুং ফেমিলি ৱেলফিয়ার মিনিস্ত্রি, ত্রাইবেল এফেয়ার্স মিনিস্ত্রি অমসুং রেলৱে মিনিস্ত্রিদা তোঙান-তোঙানবা ফমশিংদা চঙগনি।
রোজগার মেলা অসি লৈবাক অসিদা থবক ফংহন্নবা মরুওইনা লৌরিবা প্রধান মন্ত্রীগী থাজবা থবক ওইনা পাংথোক্নবা মাইকৈদা থাংজিনা খোঙথাং অমনি। রোজগার মেলানা মখা তানা থবক ফংবা হেনগৎহনগনি হায়বগী থাজবা থম্লি অমসুং মখোয় শক্তি ফংনবা অমসুং লৈবাক চাউখৎপগী থবকশিংদা হকথেংননা শরুক য়ানবগী খুদোংচাবা অমা নহারোলশিংদা পীগনি।
নৌনা থবক চঙলবশিং ওনলাইন মোদুল কর্মায়ো পোর্তেল iGOT, কর্মায়োগী প্রারম্ভগী খুৎথাংদা মখোয় মশামক ত্রেনিং তৌজনবগী খুদোংচাবা ফংলে অমসুং মফম অমদগী দিভাইস অমদগী হেক্তা তম্বা য়ারবা ফোর্মেত অসিদা ই-লার্নিং কোর্স 880 হেন্না ফংলি।
हमने भारत सरकार में भर्ती की प्रक्रिया को अब पूरी तरह पारदर्शी बना दिया है: PM pic.twitter.com/oCfEflUEHl
— PMO India (@PMOIndia) February 12, 2024
हमारा प्रयास रहा है कि नौजवानों को भारत सरकार के साथ जोड़कर उन्हें राष्ट्र निर्माण का सहभागी बनाएं: PM pic.twitter.com/N0rK0Vc6I6
— PMO India (@PMOIndia) February 12, 2024
भारतीय रेलवे आज एक बहुत बड़े Transformation के दौर से गुजर रही है।
— PMO India (@PMOIndia) February 12, 2024
इस दशक के अंत तक भारतीय रेलवे का पूरी तरह कायाकल्प होने जा रहा है: PM pic.twitter.com/3p5Lo0ejOc
कनेक्टिविटी अच्छी होने का सीधा प्रभाव देश के विकास पर पड़ता है: PM pic.twitter.com/YPNyzAJlwU
— PMO India (@PMOIndia) February 12, 2024
