ঙসি প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা ১৮শুবা রোজগার মেলাদা ৱা ঙাংখ্রে। থৌরম অদুদা ৱা ঙাংবদা, প্রধান মন্ত্রীনা হায়খি মদুদি মীয়ামগী পুন্সিদা অনৌবা নুংঙাইবশিং পুরক্তুনা চহি ২০২৬ হৌরে অমসুং মতম অসিদা মীয়ামগা মখোয়গী সংবিধানগী থৌদাংশিংগা শম্নরে। মতম অসিদা গনতন্ত্র দিবসকী অচৌবা কুহ্মৈসু থোক্লে। জনুৱারি ২৩ দা নেতাজি সুভাস চন্দ্র বোসকী মপোক নুমিত্ত লৈবাক অসিনা পরাক্রম দিবস পাংথোকখ্রে অমসুং হয়েং জনুৱারি ২৫ দা নেসনেল ভোত্তরস দে পাংথোক্কনি, তুংদা গনতন্ত্র দিবস পাংথোক্কনি। নুমিৎ অসিদা ‘জন গন মনা’ নেসনেল এন্থেম ওইনা অমসুং ‘বন্দে মাতারম’ নেসনেল সোং ওইনা সংবিধান্না অয়াবা পীখিবনা ঙসিগী নুমিৎ অসি য়াম্না অখন্নবনি। মরুওইরবা নুমিৎ অসিদা, সরকারগী থবকশিংগীদমক মখোয়গী এপোইন্তমেন্ত লেত্তরশিং ফংদুনা নহারোল লিশিং ৬১ মখোয়গী পুন্সিগী অনৌবা তাঙ্কক অমা হৌরে। এপোইন্তমেন্ত লেত্তরশিং অসি লৈবাক শেমগৎনবা চেবাউ অমনি অমসুং বিকসিত ভারত অমা শেমগৎপা য়াংশিন্নবা ৱাশক অমনি। নহারোল কয়ানা লৈবাক্কী সেকুরিতি ফগৎহনগনি, লাইরিক-লাইশু অমসুং অনা-লায়য়েংগী থবক ফগৎহনগনি, শেন-থুমগী থবকশি অমুক হন্না ফগৎহনগনি অমসুং ইনর্জি সেকুরিতি লৈহনগনি অমসুং সরকারগী ইন্তরপ্রাইজশিং চাউখৎহনবদা মরুওইবা থৌদাং অমা লৌগনি। প্রধান মন্ত্রীনা নহারোলশিংদা মহাক্কী য়াইফ পাউজেল পীখি।
প্রধান মন্ত্রীনা হায়খি মদুদি নহারোলশিং স্কিল কয়া লৈহনবা অমসুং মখোয়দা থবক অমসুং মশানা মশাবু থবক পীজনবা খুদোংচাবশিং ফংহনবা হায়বসি সরকারগী মরুওইবন। মিসনগী মওংদা সরকারগী থবকশিং লৌনবা হৌদোকখিবা রোজগার মেলা চহি খর অসিদা লোইশঙ অমা ওইরক্লে। মসিগী খুৎথাংদা, নহারোল লাখ কয়া সরকারগী তোঙান তোঙানবা বিভাগশিংদা এপোইন্তমেন্ত লেত্তরশিং ফংলে। ঙসি রোজগার মেলা লৈবাক্কী মফম ৪০ হেনবদা পাংথোক্লি অমসু মফমশিং অসিদা শরুক য়ারিবা নহারোলশিংদা মহাক্না থাগৎপা ফোঙদোকখি। প্রধান মন্ত্রীনা হায়খি মদুদি ঙসি, ভারত মালেম খ্বাইদগী নহা ওইবা লৈবাকশিংগী মনুংদা য়াওরে; লৈবাক মনুং অমসুং মালেম শীনবা থুংনা অনিমক্ত, ভারতকী নহারোলশিংগী অনৌবা খুদোংচাবশিং পীনবা ঐখোয়গী সরকারনা লেপ্তনা হোৎনরি। ঙসি, ভারত সরকারনা লৈবাক কয়াগা ললোন-ইতিক অমসুং চৎথোক-চৎশিনগী য়ানবশিং লৈরে, মসিনা ভারতকী নহারোলশিংগীদমক মশিং থিঙমদ্রবা অনৌবা খুদোংচাবশিং পীরগনি।
প্রধান মন্ত্রীনা হায়খি মদুদি চহি খর অসিদা ভারতনা অনৌবা ইনফ্রাষ্ট্রকচরদা মমাঙদা ওইখিদ্রিবা মওংদা শেন থাদরে, মসিদগী লৈবাক শীনবা থুংনা শেমগৎ-শাগৎপগা মরী লৈনবা হিরমশিংদা থবক ফংবা হেনগৎলক্লে। রেজিষ্টার তৌরবা ষ্টার্দঅপ লাখ অনি রোম্না নহারোল লাখ ২১ হেনবদা থবক পীদুনা ভারতকী ষ্টার্দঅপকী থবকশিং য়াংনা চাউখৎলক্লি। এনিমেসন, দিজিতেল মেদিয়া অমসুং অতোপ্পা হিরমশিংদা ভারত মালেমগী মফম অমা ওইরক্তুনা, দিজিতেল ইন্দিয়ানা অনৌবা শেন্মিৎলোন অমা শেমগৎলে। ভারতকী ক্রিয়েতর ইকোনোমি খোঙজেল য়াম্না য়াংনা চাউখৎলক্লি, নহারোলশিংদা অনৌবা খুদোংচাবশিং পীরে। মালেমগী লৈবাকশিংনা ভারত্ত থাজবা হেনগৎলকপা অসিনসু নহারোলশিংদা অনৌবা খুদোংচাবশিং পীরে। চহি ১০ দা লৈবাক অসিগী জি.দি.পি শরুক অনি হেনগৎপা মালেমগী অচৌবা ইকোনোমি ভারত খক্তনি অমসুং ঙসিদি এফ.দি.আইগী খুৎথাংদা লৈবাক ১০০ হেন্না ভারত্ত শেন থাদরে অমসুং মপান লৈবাকশিংদগী শেন হেন্না থাদরকপা অসিনা ভারতকী নহারোলশিং থবক হেন্না ফংনবগী পাম্বৈশিং ওইরে।
প্রধান মন্ত্রীনা হায়খি মদুদি ইলেক্ত্রোনিক্স, ফর্মাসিউতিকেলশিং অমসুং তিকাশিং, দিফেন্স অমসুং ওতোমোবাইলশিংগুম্বা হিরমশিংদা মমাঙদা অমুক্ত ওইখিদ্রিবা মওংদা পোৎথোক পুথোক্তুনা অমসুং মপান্দা থাদোক্তুনা, ভারত মেনুফেকচরিংগী অচৌবা শক্তি অমা ওইরক্লে। ২০১৪ দগী ভারতকী ইলেক্ত্রোনিক্স মেনুফেকচরিং শরুক তরুক হেনগৎলে, হৌজিক লুপা করোর লাখ ১১ হেল্লে, লোয়ননা ইলেক্ত্রোনিক্সশিং মপান্দা থাদোকপা লুপা করোর লাখ ৪ হেল্লে। ওতো ইন্দষ্ট্রি য়াংনা চাউখৎলক্লিবা হিরমশিংগী মনুংদা অমা ওইরে, ২০২৫ দা চকা অনি পানবা গারিশিং য়োনবা য়ুনিতি করোর অনি হেল্লে, মসিদা ইনকম তেক্স অমসুং জি.এস.তি হন্থবদগী মীয়াম মরক্ত পোৎ-চৈ লৈবা ঙম্বগী শক্তি হেনগৎলকপগী মমি তারে। হায়রিবা খুদমশিং অসিনা লৈবাক অসিদা পাক-শন্না থবক ফংলে হায়বা উৎলে।
প্রধান মন্ত্রীনা হায়খি পাংথোক্লিবা থৌরম অসিদা ইচানুপী ৮০০০ হেন্না এপোইন্তমেন্ত লেত্তরশিং ফংলে। হৌখিবা চহি ১১ দা নুপীশিং থবক ফংবা শরুক অনি হেনগৎলে। নুপীশিং মশানা মশাবু থবক পীজবা চাদা ১৫ হেনগৎলক্তুনা, মুদ্রা অমসুং ষ্টার্দঅপ ইন্দিয়াগুম্বা স্কিমশিংনা নুপীশিংদা চাউনা কান্নবা পীরে। ঙসিদি মশিং য়াম্লবা নুপীশিং ষ্টার্দঅপশিং অমসুং এম.এস.এম.ইশিংগী দিরেক্তরশিং অমসুং ফাউন্দরশিং ওইরে, লোয়ননা নুপী কয়ানা খুঙ্গংশিংদা কোওপরেতিপ সেক্তরশিং অমসুং সেল্ফ-হেল্প গ্রুপশিং লুচিংলে।
প্রধান মন্ত্রীনা হায়খি মদুদি পুন্সি অমসুং ললোন-ইতিক হেন্না লাইহন্নবা লৈবাক অসিনা রিফোর্ম এক্সপ্রেসতা তোংলে। জি.এস.তিগী অনৌবা অওনবশিংনা নহারোল ওন্ত্রেপ্রেন্যুরশিং অমসুং এম.এস.এম.ইশিংদা কান্নবা পীরে অমসুং পুৱারি ওইরবা লেবরগী অওনবশিংনা শিন্মীশি অমসুং সরকারগী থবক তৌরিবশিংদা সোসিএল সেকুরিতি মপাঙ্গল কনখৎহল্লে অমসুং ললোন-ইতিকশিং কান্নবা পীরে। অনৌবা লেবর কোদ পাকথোক-চাউথোক্লে অমসুং সোসিএল সেকুরিতিগী খুদোংচাবা হেনগৎহল্লে।
প্রধান মন্ত্রীনা হায়খি মদুদি নৌনা থবক খল্লবা নহারোলশিংনা মমাঙদা মখোয়না সরকারগী ওফিসশিং অমসুং থবকশিংগা লোয়নখিবা অদুগী মমি তাহনগদবনি, মখোয়না থেংনখিবা অৱাবশিং নিংশিংগদবনি অমসুং মখোয়না থবক তৌরিঙৈ মনুংদা অসিগুম্বা অৱাবশিং মীয়ামদা নঙহন্দনবা ৱারেপ লৌগদবনি। সরকারগী শরুক অমা ওইনা, মখোয়গী থাক্ত মখোয়না অপীকপা অওনবশিং পুরক্তুনা মীয়ামগী নুংঙাই য়াইফবা হেনগৎহনগদবনি। থৌশিলগী অওনবশিংগী মথক্ত, সরকারগী থবক তৌবা মীওইশিং পুকচেল শেংনা থবক তৌদুনা হিংবদা লাইবা অমসুং ললোন-ইতিক পাংথোকপদা লাইবা হেনগৎহনগদবনি।
য়াংনা হোংলক্লিবা তেক্নোলোজিগী যুগ অসিদা, লৈবাক্কী দরকার ওইবা অমসুং মরুওইবশিংসু য়াংনা হোঙলক্লি অমসুং মখোয় মশামক লেপ্তনা ফগৎহনগদবনি। আইগোত কর্মায়োগীগুম্বা প্লেতফোর্মশিং মপুংফানা শীজিন্নগদবনি, মসিনা সরকারগী থবক তৌবা মীওই করোর ১.৫ রোম কান্নবা পীখ্রে। মহাক্কী ৱারোল লোইশিল্লকপদা, প্রধান মন্ত্রীনা নহারোলশিংদা “নাগরিক দেবো ভবা’ গী ৱাখল্লোনগা লোয়ননা থবক তৌনবা তকশিনখি অমসুং মীয়ামদা অমুক হন্না মহাক্কী য়াইফ পাউজেল পীখি।
থৌরম অদুদা শরুক য়াখিবা শক্নাইরবা মীওইশিংগী মনুংদা য়ুনিয়ন মিনিষ্টর দোক্তর জিতেন্দ্র সিংহ য়াওখি।
নুঙগীৱারোল
থবক ফংহন্নবা খ্বাইদগী মরুওইনা লৌবা প্রধান মন্ত্রীগী পান্দমগী মতুংইন্না, মাঙলান অসি থবক ওইনা পাংথোক্নবা রোজগার মেলা অসি মরুওইবা থবক অমনি। মসি হেক হৌবদগী, লৈবাক শীনবা থুংনা পাংথোকখিবা রোজগার মেলাশিংগী খুৎথাংদা এপোইন্তমেন্ত লেত্তর লাখ ১১ হেন্না য়েন্থোকখ্রে।
১৮শুবা রোজগার মেলা লৈবাক অসিগী মফম ৪৫ দা পাংথোক্কনি। ভারতকী মফম পুম্নমক্তগী খনগৎলবা, নৌনা থবক খল্লবা কেন্দিদেৎশিং, হোম এফেয়ার্স মিনিষ্ট্রি, হেল্থ অমসুং ফেমিলি ৱেলফিয়ার মিনিষ্ট্রি, ফাইনান্সিএল সর্বিসেস দিপার্তমেন্ত, হয়র ইজুকেসন দিপার্তমেন্ত য়াওনা ভারত সরকারগী তোঙান তোঙানবা মিনিষ্ট্রিশিং অমসুং দিপার্তমেন্তশিংদা শরুক য়াগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
बीते वर्षों में रोज़गार मेला एक institution बन गया है।
— PMO India (@PMOIndia) January 24, 2026
इसके जरिए लाखों युवाओं को सरकार के अलग-अलग विभागों में नियुक्ति पत्र मिल चुके हैं: PM @narendramodi
आज भारत, दुनिया के सबसे युवा देशों में से एक है।
— PMO India (@PMOIndia) January 24, 2026
हमारी सरकार का निरंतर प्रयास है कि भारत की युवाशक्ति के लिए देश-दुनिया में नए-नए अवसर बनें: PM @narendramodi
आज भारत सरकार, अनेक देशों से trade और mobility agreement कर रही है।
— PMO India (@PMOIndia) January 24, 2026
ये trade agreement भारत के युवाओं के लिए अनेकों नए अवसर लेकर आ रहे हैं: PM @narendramodi
आज देश reform express पर चल पड़ा है।
— PMO India (@PMOIndia) January 24, 2026
इसका उद्देश्य, देश में जीवन और कारोबार, दोनों को आसान बनाने का है: PM @narendramodi
