প্রধান মন্ত্রী শ্রী নরেন্দ্র মোদীনা ঙসি অঙনবা মতমদা 7, লোক কল্যান মার্গ, নই দিল্লীদা লৈবা মহাক্কী য়ুমদা নেস্নেল তি.বি. ইলিমিনেসন প্রোগ্রাম (NTEP) গী অৱাংবা থাক্কী মীফম অমা পাঙথোকখ্রে।
2024 ফাওবদা তি.বি.গী অনাবশিং ঙল্লিঙৈদা খঙদোকপা অমসুং লায়েংবদা চাউনা খুমাং চাউশিল্লকপগীদমক থাগৎপা ফোংদোক্লদুনা, প্রধান মন্ত্রীনা লৈবাক শীনবা থুংনা মায় পাক্লবা স্ত্রেতেজীশিং অসি পাকথোক চাউথোকহন্নবা হায়খি।
প্রধান মন্ত্রীনা তি.বি. মুক্তা ভারত অভিয়ানগী ঙসি লোইশিনখিবা নুমিৎ 100গী থবকশিং য়েংশিনখি। মসিদা লায়না অসি নারকপা য়াবা মীওই করোর 12.97 স্ক্রীন তৌখি; লায়না অসি এসিম্পতোমিক ওইবা তি.বি. কেস লাখ 2.85 য়াওনা তি.বি. কেস লাখ 7.19 থেংনখি। অনৌবা নি-ক্ষয় মিত্র লাখ 1 হেনবনা কেম্পেন অসিদা শরুক য়াখি। মসিনা জন ভাগিদারীগীদমক মোদেল অমা ওইখি। মসি হোল-ওফ-গভর্নমেন্ত অমসুং হোল-ওফ-সোসাইতী এপ্রোচ অমা পুরক্নবা লৈবাক শিনবা থুংনা খোংজেল য়াংশিনবা অমসুং পাকথোক চাউথোকহনবা ঙমগনি।
শহর নৎত্রগা খুঙ্গংগী লমশিংদা অমসুং মখোয়গী শিনফমশিংদা য়ুম্ফম ওইদুনা তি.বি.গী অনাবশিংগী চৎনবী নৈনবগী তঙাইফদবা অদু প্রধান মন্ত্রীনা ফোংদোকখি। মসিনা অঙনবা মতমদা তেস্ত তৌবা অমসুং লাইয়েং মথৌ তাবা কাংলুপশিং, মরুওইনা কন্সত্রক্সন, মাইনিং, তেক্সতাইল মিলশিং অমসুং মান্নবা লমশিংদা থবক তৌরিবশিং মশক খঙদোকপদা মতেং পাংগনি। হেল্থকেয়রদা তেক্নোলোজী ফগৎলকপগা লোয়ননা, নি-ক্ষে মিত্রশিং (তি.বি.গী অনাবশিং শৌগৎপশিং) অসি তি.বি.গী অনাবশিংগা শম্ননবা তেক্নোলোজী শীজিন্ননবা পুক্নিং থৌগৎকদবনি। মখোয়না অনাবশিংবু লায়না অমসুং মসিগী লাইয়েংবু ইন্তরেক্তিব অমসুং শিজিন্নবদা লায়বা তেক্নোলোজী শিজিন্নদুনা খঙহনবদা মতেং পাংই।
প্রধান মন্ত্রীনা হায়খি মদুদি তি.বি. অসি হৌজিক চাং নাইনা লায়েংবগা লোয়ননা ক্যুরেবল ওইরে, মরম অদুনা অকিবা পোকপা হন্থগদবনি অমসুং মীয়ামগী মরক্তা অহেনবা এৱেরনেস লৈহনগদবনি।
প্রধান মন্ত্রীনা জন ভাগিদারীগী খুত্থাংদা স্বচ্ছতা অসি তি.বি. মুত্থৎপদা মরুওইবা খোঙথাং অমনি হায়না ফোংদোকখি। অনাবা খুদিংমক্তা মতিক চাবা লায়েং ফংহন্নবগীদমক্তা মখোয় মশামক্না অনাবা মীওই খুদিংমক্তা য়ৌশিন্নবা মহাক্না হায়খি।
মীফম অদুদা প্রধান মন্ত্রীনা WHOগী গ্লোবেল তি.বি. রিপোর্ত 2024গী পুক্নিং থৌগৎনিংঙাই ওইবা ফাইন্দিংশিং অদু পনখি। মসিদা তি.বি.গী চাং 18% হন্থরে (2015 অমসুং 2023গী মরক্তা মীশিং লাখ অমদা 237দগী 195দা), মসি মালেমগী চাংদগী শরুক অনি ওইরে। তি.বি.গী শিবগী চাং 21% হন্থরে (মীশিং লাখ অমদা 26দগী 22দা) অমসুং ত্রিৎমেন্ত কোভরেজ 85% হন্থরে, মসিনা প্রোগ্রাম অসিনা য়ৌশিনবা হেনগৎলক্লিবা অমসুং মসিগী কান্নবা অদু তাক্লি।
প্রধান মন্ত্রীনা তি.বি. দাইগ্নোস্তিক নেৎৱার্ক অসি NAAT (ন্যুক্লিয়িক এসিদ এম্প্লিফিকেসন তেস্তিং) লেব 8,540 অমসুং কলচর অমসুং দ্রগ সেসসিবিলিতী লেব 87; AI ইনেবল হেন্দহেল্দ এক্স-রে দিভাইস 500 য়াওনা এক্স-রে য়ুনিৎ 26,700 হেনবদা পাকথোক চাউথোকহনবগা লোয়ননা পাইপলাইনদা অতোপ্পা 1000 য়াওনা মরুওইবা ইনফ্রাস্ত্রকচর হেনগৎলকপগী থবকশিং য়েংশিনখি। আয়ুশ্মান আরোগ্য মন্দিরশিংদা তি.বি.গী সর্ভিস পুম্নমক দিসেন্ত্রেলাইজেসন তৌখিবগী ৱাফমসু পনখি। মসিদা লেম্না স্ক্রিনিং তৌবা, দাইএগ্নোসিস তৌবা, লাইয়েং অমসুং ন্যুত্রিসন সপোর্ত পীবা য়াওরি।
ন্যুত্রিসনগী খোঙথাংশিং য়াওনা AI দ্রাইভেন হেন্দ-হোল্দ এক্স-রেশিং স্ক্রিনিং তৌনবা, দ্রগ রেজিস্তেন্ত তি.বি.গীদমক অতেনবা লাইয়েং থৌরাং, অনৌবা ইন্দিজেনস মোলিক্যুলর দাইগ্নোস্তিক্স, ন্যুত্রিসন ইন্তরভেন্সনশিং অমসুং মাইনশিং, চা ভাগানশিং, কন্সত্রক্সন সাইতশিং, অর্বান স্লমশিং অসিনচিংবা মফমশিংদা স্ক্রিনিং অমসুং ঙন্না খঙদোকপা অসিনচিংবা অনৌবা খোঙথাং কয়া অমা হৌদোকখিবগী মতাংদা প্রধান মন্ত্রীদা পাউদমখি। 2018দগী তি.বি.গী অনাবা করোর 1.28দা নি-ক্ষে পোশন য়োজনা DBT পেমেন্তশিং তৌখ্রে অমসুং 2024দা লুপা 1,000গী ইনসেন্তিব হেনগৎহনখ্রে। নি-ক্ষে মিত্র ইনিসিয়েতিবকী মখাদা, নি-ক্ষে মিত্র লাখ 2.55না ফুদ বাস্কেৎ লাখ 29.4 য়েন্থোকখ্রে।
মীফম অদুদা কেন্দ্রগী হকশেল মন্ত্রী শ্রী জগৎ প্রকাস নাদ্দা, প্রধান মন্ত্রীগী প্রিন্সিপাল সেক্রেতরী দা. পি. কে. মিশ্রা, প্রধান মন্ত্রীগী প্রিন্সিপল সেক্রেতরী-2, শ্রী শক্তিকান্ত দাস, প্রধান মন্ত্রীগী এদভাইজর, শ্রী অমিত খারে, হেল্থ সেক্রেতরী অমসুং অতোপ্পা মকোক থোংবা ওফিসিএলশিংনা শরুক য়াখি।
Chaired a meeting on India’s mission to eliminate TB. Driven by active public participation, the movement has gained significant momentum over the last few years. Our Government remains committed to working closely with all stakeholders to realise the vision of a TB-free India. pic.twitter.com/axi2cJJOhV
— Narendra Modi (@narendramodi) May 13, 2025
