ভারতকী কোওপরেতিপগী থবক পাকথোক-চাউথোক্নবা মালেমগী কোওপরেতিপ লুপশিংগা পুন্না থবক তৌমিন্নবগী দরকার ওইবা অদু প্রধান মন্ত্রীনা ফোঙদোকখি
মপান লৈবাকশিংগী কৈথেলশিংদা অখন্নবা মীৎয়েং থমদুনা কোওপরেতিপ লুপশিংগী খুৎথাংদা ওর্গনিক্কী পোৎথোকশিং য়োকখৎনবা প্রধান মন্ত্রীনা তকশিনখ্রে
কোওপরেতিপ সেক্তরদা লৌউ-শিংউ অমসুং মরী লৈনবা থবকশিং হেনগৎহন্নবা এগ্রিষ্টেক শীজিন্ননবা প্রধান মন্ত্রীনা খঙহনখ্রে
শেন থাদোক-থাজিনগীদমক রুপে কে.সি.সিগা য়ু.পি.আইগা পুনশিনবগী মরুওইবা অদু প্রধান মন্ত্রীনা ফোঙদোকখ্রে
স্কুলশিং অমসুং মহৈলোয়শঙশিংদা কোওপরেতিপ কোর্সশিং হৌদোক্নবা ৱাফম প্রধান মন্ত্রীনা পুখৎখ্রে
মীফম অদুদা নেসনেল কোওপরেতিপ পোলিসি ২০২৫ দ্রাফ খন্নখি; মসিনা ‘সাহকর সে সমরুদ্ধি’ গী পান্দম থবক ওইনা পাংথোক্লে
নুপীশিং অমসুং নহারোলশিং মরুওইনা লৌবগা লোয়ননা নেসনেল কোওপরেতিপ পোলিসনা খুঙ্গংগী শেন-থুম চাউখৎপা য়াংখৎহন্নবা মীৎয়েং চঙলি
ঙসি ৭ লোক কলয়ান মার্গতা প্রধান মন্ত্রী শ্রী নরেন্দ্র মোদীনা লুচিংদুনা কোওপরেতিপ সেক্তরগী খুমাঙচাউশিনবা হন্না য়েংশিন্নবা অৱাংবা থাক্কী মীফম অমা পাংথোকখ্রে। সেক্তর অসিদা তেক্নোলোজিগী খুমাঙচাউশিনবা পুরক্তুনা অওনবা পুরক্নবা ‘সাহকর সে সমরুদ্ধি’ য়োকখৎনবা, কোওপরেতিপশিংদা নহারোলশিং অমসুং নুপীশিং শরুক য়াবা হেনগৎহন্নবা থৌরাংশিং অমসুং কোওপরেসন মিনিস্ত্রিগী তোঙান তোঙানবা থবকশিংগী মতাংদা খন্নখি।
ভারতকী কোওপরেতিপগী থবক পাকথোক-চাউথোক্নবা মালেমগী কোওপরেতিপ লুপশিংগা পুন্না থবক তৌমিন্নবগী দরকার ওইবা অমসুং মপান লৈবাকশিংগী কৈথেলশিংদা অখন্নবা মীৎয়েং থমদুনা কোওপরেতিপ লুপশিংগী খুৎথাংদা ওর্গনিক্কী পোৎথোকশিং য়োকখৎনবা প্রধান মন্ত্রীনা তকশিনখ্রে। লৌউ-শিংউগী থবকশিং ফগৎনবা কোওপরেতিপশিংগী খুৎথাংদা লৈবাক লৈহাও চাংয়েং তৌনবগী নমুনা অমা শেমগৎনবা অমসুং মপান লৈবাকশিংগী কৈথেলশিংদা মীৎয়েং চঙনবা মহাক্না পাউতাক পীখি। শেন থাদোক-থাজিনগীদমক রুপে কে.সি.সিগা য়ু.পি.আইগা পুনশিনবগী মরুওইবা অদু প্রধান মন্ত্রীনা ফোঙদোকখি অমসুং কোওপরেতিপ লুপশিংগী মনুংদা চাংদম্নবগী তঙাইফদবা অদু মহাক্না তকশিনখি।
অরোন-অথুপ লৈতনা থবক তৌনবা কোওপরেতিপ লুপশিংগী লন-থুমশিংগী চে-চাং ফজনা থম্বগী মরুওইবা অদু প্রধান মন্ত্রীনা ফোঙদোকখি। তুংকোইনা চৎনবা য়াবা লৌউ শিংউগী নমুনা অমগীদমক কোওপরেতিপ ফার্মিং য়োকখৎনবা মহাক্না পাউতাক পীখি। লৌমীশিংদা অফবা থবকশিং হেন্না ফংহনবগা লোয়ননা কোওপরেতিপ সেক্তরদা লৌউ-শিংউ অমসুং মরী লৈনবা থবকশিং হেনগৎহন্নবা এগ্রিষ্টেক শীজিন্ননবা প্রধান মন্ত্রীনা খঙহনখ্রে। স্কুলশিং, কলেজশিং অমসুং আই.আই.এমশিংদা কোওপরেতিপ কোর্সশিং হৌদোক্নবা অমসুং তুংগী মীরোলশিংগী ইথিল পীনবা মাইপাক্লবা কোওপরেতিপ লুপশিং য়োখৎনবা প্রধান মন্ত্রীনা পাউতাক পীখি। প্রধান মন্ত্রীনা মখা তানা হায়খি মদুদি নহা ওইরিবা গ্রেজুয়েদশিং মতেং পাংনবা পুক্নিং থৌগৎকদবনি অমসুং চাংদম্নবা অমসুং চাউখৎপা হেনগৎনবা মখোয়গী থবকশিংদা য়ুম্ফম ওইরবা কোওপরেতিপ লুপশিং রেঙ্ক পীগদবনি।
মীফম অদুদা প্রধান মন্ত্রীদা নেসনেল কোওপরেতিপ পোলিসি অমসুং হৌখিবা চহি অহুম মখায়দা কোওপরেসন মিনিস্ত্রিগী মাইপাকপশিংগী মতাংদা প্রধান মন্ত্রীদা পাউদমখি। সাহকর সে সমরুদ্ধি গী পান্দম থবক ওইনা পাংথোক্তুনা, কুপ্না খন্ন-নৈরবা মতুংদা মিনিস্ত্রিনা নেসনেল কোওপরেতিপ পোলিসি ২০২৫ গী দ্রাফ অমা শেম্লে। নেসনেল কোওপরেতিপ পোলিসি ২০২৫ গী মরুওইবা পান্দমদি নুপীশিং অমসুং নহারোলশিং মরুওইনা লৌবগা লোয়ননা খুঙ্গংগী শেন-থুম চাউখৎপা য়াংখৎহন্নবা মীৎয়েং চঙবনি। পোলিসি অসিগী পান্দমদি কোওপরেতিপতা য়ুম্ফম ওইবা শেন্মিৎলোনগী নমুনা অমা য়োকখৎপা অমসুং মপাঙ্গল কনবা আইনগী অমসুং লোয়শঙগী ঙাক্লৌ অমা পীবনি। মখা তানা, থৌশিল অসিনা কোওপরেপশিংনা মীয়ামদা কান্নবা পীবা হেনগৎহন্নবা থবকশিং পায়খৎকনি অমসুং হিরম খুদিংমক্ত লৈবাক অসি চাউখৎপদা কোওপরেপতিপ সেক্তরনা মতেং পাংবা শিংথাবা য়ানা হেনগৎহনগনি।
মিনিস্ত্রি অসি হেক লিংখৎপদগী, কোওপরেতিপকী ইহৌ কনখৎহন্নবা মরুওইবা হিরম ৭ তা থবক ৬০ মিনিস্ত্রিনা পায়খৎখ্রে। থবকশিং অদুগী মনুংদা নেসনেসল কোওপরেতিপ দেতাবেজ এন্দ কম্পুতরাইজেসন প্রোজেকশিংগী মখাদা কোওপরেতিপ ইন্সতিতুৎশিং দিজিতেল ওন্থোকপা অমসুং প্রাইমারি এগ্রিকলচরেল ক্রেদিদ সোসাইতিশিং মপাঙ্গল কনখৎহনবা য়াওরি। মসিঈ মথক্ত, কোওপরেতিপ সুগর মিলশিংগী থবক ফগৎনবা মিনিস্ত্রিনা মীৎয়েং চঙলে।
মিনিস্ত্রি ১০ হেনবগী স্কিম ১৫ হেন্না পুনশিন্দুনা প্রাইমারি এগ্রিকলচরেল কোওপরেতিপ সোসাইতশিংগী থাক্ত ভারত সরকারনা তোঙান তোঙানবা স্কিমশিং পায়খৎলে। মসিগী ফল ওইনা, কোওপরেতিপকী ললোন-ইতিক্কী থবকশিং মখল য়ামথোকহল্লে, অহেনবা শেন্থোক লৈহল্লে, কোওপরেতিপশিংগী খুদোংচাবশিং হেনগৎহল্লে অমসুং খুঙ্গংগী লমশিংদা সরকারগী স্কিমশিংগী কান্নবা ফংবা হেনগৎহল্লে। কোওপরেতিপ লিংখৎনবগী চহিগী ওইবা পান্দমশিং থম্লে। কোওপরেতিপ ইজুকেসন, ত্রেনিং অমসুং থিজিনবা হেনগৎনবা অমসুং হৈথোই-শিংথোইবা মীওইশিং পুথোক্নবা, আই.আর.এম.এ অনন্দ “ত্রিভুবান কোওপরেতিপ য়ুনিভর্সিতি” ওন্থোক্নবা বিল অমা অমসুং মসি লৈবাক অসিগী মরুওইবা লোয়শঙ অমা ওইহন্নবা সংসদতা পুথোক্লে।
কোওপরেতিপশিং চাউখৎলকপা অমসুং তোঙান তোঙানবা হিরমশিংদা মখোয়গী মরুওইবা থৌদাংগী মতাংদা প্রধান মন্ত্রীদা পাউদমখ্রে। ভারতকী শেন্মিৎলোন, লৌউ-শিংউ, খুঙ্গং চাউখৎহনবা অমসুং মীওই খুদিংমক শেন-থুমগী কান্নবা ফংহনবগী লমদা কোওপরেতিপ সেক্তরনা পায়খৎলিবা থবকশিংগী মতাংদা পাউদমখি। লৈবাক অসিগী অপুনবা মীশিংগী শরুক মঙাগী মনুংদা শরুক অমা কোওপরেতিপ সেক্তরদা থবক তৌরি, মসিগী মনুংদা লনাই মীওই করোর ৩০ হেন্না মেম্বর ওইদুনা, সেক্তর ৩০ হেনবদা কোওপরেতিপ ইন্সতিতুৎ লাখ ৮.২ হেন্না য়াওরি। শেন-থুমগী তোঙান তোঙানবা হিরম কয়াদা কোওপরেতিপশিংনা মরুওইবা থৌদাং অমা লৌরি।
মীফম অদুদা হোম অমসুং কোওপরেসনগী মিনিস্তর শ্রী অমিত সাহ, কোওপরেসন মিনিস্ত্রিগী সেক্রেতরি দোক্তর অসিস কুমার ভুতানি; প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রা, প্রধান মন্ত্রীগী অনিশুবা প্রিন্সিপাল সেক্রেতরি শ্রী শক্তিকান্তা দাস, প্রধান মন্ত্রীগী এদভাইজর শ্রী অমিত খারে অমসুং অতোপ্পা সেনিয়ার ওফিসিএলশিং শরুক য়াখি।
