ইন্দিয়ন নেভীগী জহাজশিং অমসুং স্পিসিয়েল ফোর্সশিংগী ওপরেস্নেল দেমোন্সত্রেসনশিং য়েংখি
“ভারতনা ঐখোয়গী নেভী পর্সনেলশিংগী কত্থোকপবু ইকায় খুম্নরি”
“আর্ম ফোর্সশিংদা ঐখোয়গী নারি শক্তিগী মপাঙ্গল হেনগৎহন্নবা ঐখোয়না ৱারেপ লৌরে”
“ভারতকী নাক্তা মায়পাকপা, থৌনা ফবা, গ্যান, সাইন্স, স্কিলস অমসুং ঐখোয়গী নেভীগী ওইবা মপাঙ্গলগী শিংথানিংঙাই ওইবা পুৱারী অমা লৈরি”
মখল অমা হেক্তগী মরুওইবা মালেমগী শক্তিগীদমক মপাঙ্গল কনবা নেভী লৈগদবনি; প্রধান মন্ত্রী মোদীনা লুচিংবা সরকারনা নেভীগী ওইবা কেপেবিলিতীশিং অপগ্রেদ তৌরি অমসুং মথৌতাবা রিসোর্সশিং ফংহল্লি: রক্ষা মন্ত্রী শ্রী রাজনাথ সিংহ
“ঐখোয় ‘নেভী বায়র’দগী ‘নেভী বিলদর’ অমা ওইরে; মসিনা কোস্তেল নেভীদগী ব্লু ৱাতর নেভীদা ত্রান্সফোর্ম তৌরে”
শ্রী মোদীনা নেভী দেগী নুমিৎনা লাকপদা মহাক্না ময়াই পাউজেল পীখি অমসুং লৈবাক্কীদমক থৱায় থাখ্রবা অথৌবশিংদা ইকাই খুম্নখি।
শ্রী মোদীনা গার্দ ওফ ওনরসু য়েংশিনখি।
শ্রী মোদীনা ভারতকী নেভীদা নেভেল শিপ অমদা ভারতকী অহানবা নুপী কম্মান্দিং ওফিসর অমা খনখিবদা নুংঙাইবা ফোঙদোকখি।
ৱাশক অসিনা চাউখৎপা ভারত অমগী মাইকৈদা ঐখোয়বু লমজিংগনি” হায়না মহাক্না মখা তাখি।

প্রধান মন্ত্রী, শ্রী নরেন্দ্র মোদীনা সিন্ধুগরদা ‘নেভী দে 2023’গী পালন থৌরমদা শরুক য়াখ্রে। মহাক্না ইন্দিয়ন নেভীগী জহাজশিং, সবমেরিনশিং, এয়রক্রাফ অমসুং স্পেসিএল ফোর্সশিংগী ‘ওপরেস্নেল দেমোনস্ত্রেসন্স’সু সিন্ধুদুর্গগী তারকলী বীচতগী মীৎয়েং তাখি। শ্রী মোদীনা গার্দ ওফ ওনরসু য়েংশিনখি।

থৌরম অসিদা ৱা ঙাংলদুনা প্রধান মন্ত্রীনা হায় মদুদি দিসেম্বর 4গী পুৱারী ওইরবা নুমিৎ অসিদা মালবন, তারকলী সমুদ্র খোঙবানদা সিন্ধদুর্গগী অচৌবা লানবন নাকলদা ভীর শিবাজী মহারাজকী মতিক ময়াই অমসুং ইন্দিয়ন নেভীগী মতিক ময়াইগা লোয়ননা রাজকোত ফোর্ত্তা মহাক্কী অচৌবা মীতম শঙ্গাবা অসিনা ভারতকী প্রজা খুদিংমকপু হরাও নুংঙাইবনা থলহনি। শ্রী মোদীনা নেভী দেগী নুমিৎনা লাকপদা মহাক্না ময়াই পাউজেল পীখি অমসুং লৈবাক্কীদমক থৱায় থাখ্রবা অথৌবশিংদা ইকাই খুম্নখি।

প্রধান মন্ত্রী মোদীনা হায়খি মদুদি সিন্ধুদর্গগী মতিক-ময়াই লৈরবা লমদমদগী নেভী দে পালন তৌবা অসি তশেংনমক য়াম্না চাউথোকচনীংঙাই ওইবা মীকুপ অমনি। লৈবাক অমা হেক্তগী ঈশিংগী লান্মীগী মতিক-ময়াইশিংগী মরু ওইবা অদু শিবাজী মহারাজনা মাংজৌননা খঙলমখি হায়রদুনা প্রধান মন্ত্রীনা হায় “সিন্ধুদর্গ ফোর্তনা ভারতকী প্রজা খুদিংমক্তা চাউথোকচবগী ইথিল অমা পোকহল্লি”। শিবাজী মহারাজনা হায়রমখিবা সমুদ্রদা কন্ত্রোল তৌবা ঙম্বা মীওইশিংনা খ্বাইদগী চাউবা শক্তি লৈ হায়বা অদু নৌহৌননা ফোঙদোক্লদুনা প্রধান মন্ত্রীনা হায় মদুদি মহাক্না শক্তি লৈরবা ঈশিংগী লান্মী অমা শেমলমখি। মহাক্না কানহোজী আঙগ্রে, মায়াজী নায়ক ভতকর অমসুং হিরোজী ইন্দুলকরগুম্বা লান্মীশিংদসু ইকাই খুম্নবা উৎখি অমসুং হায় মখোয়না ঙসি ফাওবা ইথিলগী হৌরকফম ওইদুনা লৈরি।

 

ছত্রপতি শিবাজী মহারাজকী ৱাখল্লোনশিংনা ইথিল পীদুনা ঙসিগী ভারতনা মীখা পোনবগী ৱাখল্লোন থাদোক্তুনা মাংদা চংশিল্লি হায়না প্রধান মন্ত্রীনা ফোঙদোকখি। নেভেল ওফিসরশংনা শেৎলিবা এপোলেৎস অসিনা ছত্রপতি শিবাজী মহারাজকী হেরিতেজ অমসুং লেগেসী অদু হৌজি উৎলগনি মরমদি অনৌবা এপোলেৎস অসি নেভেল এনসাইনগা মান্নগনি। মহাক্না মমাং চহিদা নেভেল এনসাইন মাইখুম হাংদোকখিবা অদুসু নীংশিংখি। মশাগী হেরিতেজতা চাউথোকচবা পোকপগা লোয়ননা প্রধান মন্ত্রীনা ইন্দিয়ন নেভীনা হৌজিক মাগী রেঙ্কশিং অসি ভারতকী চৎনবীশিংগী মতুং ইন্না থোল্লগনি হায়না লাউথোকখি। মহাক্না আর্মদ ফোর্সেস্তা নারী শক্তি মপাঙ্গল কনখৎহন্নবগী মতাংদসু ফোঙদোকখি। শ্রী মোদীনা ভারতকী নেভীদা নেভেল শিপ অমদা ভারতকী অহানবা নুপী কম্মান্দিং ওফিসর অমা খনখিবদা নুংঙাইবা ফোঙদোকখি।

প্রধান মন্ত্রীনা হায় মদুদি ভারত মচা করোর 140না থাজবা অসি ভারতনা অচৌবা পান্দমশিং ফংনবা চংশিনবা অমসুং মপুং ফাবা ফিরেপকা লোয়ননা মখোয়বু ফংনবা থবক তৌবা অসিদা মসিনা খ্বাইদগী চাউবা শক্তি ওইরি। প্রধান মন্ত্রীনা হায়খি মদুদি ‘জাতি হান্না’ হায়বা ৱাখল্লোন্না তোঙান-তোঙানবা রাজ্যশিংগী মীয়ামবু লমজিংবা অসিদা রিজোল্যুসন, ইমোসন অমসুং এস্পিরেসনগী অপুনবগী পোজিতিব আইৎকমশিংগী মমিং অমা উবা ফংখি। “ঙসি লৈবাক অসিনা পুৱারীদগী ইথিল লৌখি অমসুং অফবা তুংলমচৎ অমগী রোদমেপ অমা শেম্নবা হোৎনরি। নেগেতিবিতীগী পোলিতিক্স মাইথিবা পীদুনা লম খুদিংমক্তা মাংদা চংশিন্নবা মীয়াম্না ৱাশকখি। ৱাশক অসিনা চাউখৎপা ভারত অমগী মাইকৈদা ঐখোয়বু লমজিংগনি” হায়না মহাক্না মখা তাখি।

ভারতকী পাকচাউরবা পুৱারীগী মতাংদা পল্লদুনা প্রধান মন্ত্রীনা হায় মদুদি মসিদা মীখা পোনবা, মাইথিবা অমসুং নুংঙাইতবশিং খক্তা নত্তনা মসিদা ভারতকী মাইপাকপশিং, থৌনা ফবগী, লৌশিংগী, অমসুং বিজ্ঞানগী, আর্ত অমসুং ক্রিএতিব স্কিলশিংগী অমসুং ভারতকী সমুদ্রগী তৌবা ঙম্বশিংগী মতিক-ময়াই লৈরবা পন্দুপশিং য়াওরি। মহাক্না তেক্নোলোজী অমসুং রিসোর্সনা লম্বা লৈত্রিঙৈ মতমদা শাখিবা সিন্ধুদুর্গগুম্বা লানবনগী খুদম পীদুনা ভারতকী তৌবা ঙম্বশিং অদু তাকখি। মহাক্না গুজরাতকী লোথালদা লৈরম্বা ইন্দস ভেল্লী সিভিলাইজেসন পোর্তকী হেরিতেজ অমসুং সুরতকী পোর্ততা জহাজ 80 হেন্না খামলমখিবা অদুসু ফোঙদোকখি। প্রধান মন্ত্রীনা চোলা এম্পায়রনা খা নোংপোক এসিয়াগী লৈবাকশিংদা ললোন ইতিক তৌবা ঙমখিবা ভারতকী মেরিতাইমগী শক্তিবু থাগৎখি। ভারতকী মেরিতাইমগী শক্তি অসি মীরমগী শক্তিশিংনা অহানবদা এতেক তৌরকখিবা অদু নীংঙমদবা ফোঙদোক্লদুনা প্রধান মন্ত্রীনা হায় হী অমসুং জহাজশিং শাবগী মমিং চৎলম্বা ভারতনা সমুদ্র কন্ত্রোল তৌবা ঙমখিদে অমসুং মসিনা স্ত্রেতেজিক-ইকনোমিক মপাঙ্গল হন্থহনখি। ভারতনা চাউখৎপগী মাইকৈদা চংশিনবা অসিদা প্রধান মন্ত্রীনা মাংখ্রবা মতিক-ময়াই হল্লক্লি হায়খি অমসুং ব্ল্যু ইকনোমীদা সরকারনা অমুক্তা তৌখিদ্রিবা মওংদা শাহৌ পীখি হায়না ফোঙদোকখি। মহাক্না হায়খি ‘সাগরমলা’গী মখাদা হীথাংফমনা লমজিংদুনা চাউখৎ-থৌরাং পুরকখি অমসুং ভারতনা ‘মেরিতাইম বিজন’গী মখাদা মাগী সমুদ্রগী মতিক-ময়াই মপুং ফানা শীজিন্নবগী মাইকৈদা চংশিল্লি। মহাক্না হায় সরকারনা মরচেন্ত শিপ্পিং প্রমোৎ তৌনবা অনৌবা কাংলোনশিং শেমখি মসিনা ভারত্তা হীরোইশিংগী মশিং হেনগৎহন্দুনা হৌখিবা চহি 9 অসিদা চাদা 140 হেন্না হেনগৎহনখি।

 

হৌজিক্কী তানফম অসিগী মরু ওইবা অদু পল্লদুনা প্রধান মন্ত্রীনা হায়, “মসি শুপ্নগী চহি 5-10 খক্তা নত্তনা লাক্কদৌরিবা চহিচাশিংগী তুংলমচৎ ইগদৌরিবা ভারতকী পুৱারগী অদুগুম্লবা তানফম অদুনি”। মহাক্না হায় মদুদি হৌখিবা চহি 10 অসিদা ভারতনা 10শুবা মফমদগী 5শুবা খ্বাইদগী চাউবা ইকনোমী ওইবা ঙমখি অমসুং 3শুবা মফমদা খোঙজেল য়াংনা চংশিল্লি। “মালেমনা ‘ভারত্তা বিশ্বা মিত্রা’ ওইনা হৌগৎলকপা উবা ফংলি” হায়না ফোঙদোক্লদুনা শ্রী মোদীনা হায় ইন্দিয়া মিদ্দল ইস্ত য়ুরোপিয়ন কোরিদোরগুম্বা খোঙথাংশিংনা মাংলুরবা স্পাইস রুৎ হিংগৎহনগনি। মহাক্না মেদ ইন ইন্দিয়াগী শক্তিগী মতাংদা ফোঙদোকখি অমসুং তেজাস, কিসান দ্রোন, UPI সিস্তেম অমসুং চন্দ্রয়ান-3 পল্লদুনা মসিগী মতাংদা ফোঙদোকখি। ঙাকশেলদা আত্মনির্ভর ওইবা অসি ত্রান্সপোর্ত এয়রক্রাফ, এয়রক্রাফ কেরিয়র INS বিক্রান্ত পুথোকপা চাউনা হৌখিবা অসিদা মমি তারি।

সমুদ্র তোর্বান অমসুং ঙমখৈগী খুঙ্গংশিং অসি অরোইবগী মহুৎ অহানবা খুঙ্গংইং ওইনা লৌবগী সরকারগী এপ্রোচকী মতাংদা পল্লদুনা শ্রী মোদীনা হায়, ঙসি কেন্দ্র সরকারনা সমুদ্র তোর্বান্দা লৈরিবা ইমুং খুদিংমক্কী পুন্সি ফগৎহনবদা কেন্দ্র সরকারনা মরু ওইবা মীৎয়েং চংলি”। মহাক্না 2019দা তোখাইবা ফিশরিজ মন্ত্রালয় শেমখিবা অমসুং সেক্তর অসিদা লুপা করোর লিশিং 40 ইনভেস্তমেন্ত তৌখিবা অদুগী মতাংদা পাইদমখি। মহাক্না হায় 2014গী মনুংদা ঙা পুথোকপা চাদা 8 হেনগৎলকখি অমসুং এক্সপোর্তশিংনা চাদা 110 হেনগৎলকখি। মখা তানা লৌমীশিংগী ইন্সুরেন্স কবর অসি লুপা লাখ 2 দগী 5দা হেনগৎহনখি অমসুং মখোয়না কিসান ক্রেদিত কার্দকী কান্নবা ফংলি।

ফিশরিজ সেক্তরদা ওইরক্লিবা ভেল্যু চেনগী ফীভম অসিগী মতাংদা প্রধান মন্ত্রীনা হায় সাগরমালা স্কিমনা সমুদ্র তোর্বানদা মোদর্ন কন্নেক্তিবিতী মপাঙ্গল কনখৎহল্লি। মসিদা লুপা করোর লাখ কয়া থাদরি অমসুং সমুদ্র তোর্বানদা অনৌবা বিজিনেস অমসুং ইন্দস্ত্রী থোরক্লগনি। সীফুদ প্রোসেসিংগা মরী লৈনবা ইন্দস্ত্রী অমসুং ফিশিং বোতশিং মোদর্নাইজেসন তৌবগী থবকসু পাইখৎলি।

 

“কোনকন অসি অমুক্তা উখিদ্রিবা ওইথোকপা য়াবশিংগী রিজন অমনি” হায়না প্রধান মন্ত্রীনা ফোঙদোকখি। রিজন অসি চাউখৎহন্নবা সরকারগী খোঙথাংশিং পল্লদুনা প্রধান মন্ত্রীনা সিন্ধদুর্গ, রতনাগীরি, অলিবৌগ, পরভানি অমসুং ধারাশিবতা মেদিকেল কোলেজশিং শঙ্গাবা, চিপি এয়রপোর্ত ওপরেসন তৌবা অমসুং দিল্লী-মুম্বাই ইন্দস্ত্রিএল কোরিদোরনা মালগাওগা শম্নহনবা অসিগী মতাংদা ফোঙদোকখি। প্রধান মন্ত্রীনা মফম অসিদা কাজু থাবা লৌমীশিংগীদমক শেমখিবা অখন্নবা স্কিমগী মতাংদসু ফোঙদোকখি। মহাক্না হায় সরকারগী মরু ওইবা মীৎয়েং অসি সমুদ্র তোর্বান্দা লৈবা রেসিদেন্সিএল এরিয়াশিং ঙাকশেনবনি। খোঙথাং অসিদা মহাক্না মেংগ্রুবশিংগ স্কোপ চাউথোকহন্নবা মীৎয়েং চংলিবা অসিগী মতাংদা পনখি। প্রধান মন্ত্রী মোদীনা হায় মালবন, অচারা-রতনাগীরি অমসুং দেবগর-বিজয়দুর্গ য়াওনা মহারাস্ত্রদা মফম কয়া অসি মেংগ্রুব মেনেজমেন্তগীদমক খনগৎখি।

“হেরিতেজ লোয়ননা চাউখৎ-থৌরাং অসি চাউখৎপা ভারতকী ঐখোয়গী লম্বীনি” হায়না প্রধান মন্ত্রীনা ফোঙদোকখি। মহাক্না হায়খি কেন্দ্র অমসুং রাজ্য সরকারশিংনা ছত্রপতি শিবাজী মহারাজকী মতমদা শারমখিবা লানবনশিং ঙাকশেনবা অখনবা খোঙথাং লৌখৎলি মসিদা কোনকন য়াওনা অপুনবা মহারাস্ত্রদা হেরিতেজশিংগী ঙাকশেন্নবা লুপা করোর চা কয়া চাদিং তৌরি। প্রধান মন্ত্রীনা হায়খি মদুদি মসিনা লমদম আসিদা তুরিজমসু হেনগৎহল্লনি অমসুং অনৌবা থবক অমসুং মশানা থবক পীনবা খুদোংচাবশিং ফংহল্লগনি।

ৱারোল পীবা লোইশিনবদা প্রধান মন্ত্রীনা আর্মী দে, নেভী দে অসিগুম্বা আর্মদ ফোর্সেসকী নুমিৎশিং অসি দিল্লীগী মপালদা পাঙথোক্তুনা ভারত শিনবা থুংবদা অমসুং অনৌবা মফমশিংদা থৌরম অসি পাঙথোক্তনা অনৌবা এতেন্সন ফংবগী মতাংদা ফোঙদোকখি।

থৌরম অদুদা ৱা ঙাংলদুনা রক্ষা মন্ত্রী শ্রী রাজনাথ সিংহনা ছত্রপতি শিবাজী মহারাজগী মীতম মায়খুম হাংদোকখিববু লাইবক ফবা মীকুপ অমনি ফোংদোকখি। মহাক্না হায়খি, “ছত্রপতি শিবাজীগী পুন্সীনা মীপুম খুদিংদা ইন্সপিরেসন অমগুম মখা তানা সর্ব তৌরি। মহাক তুংগী ওইথোইপা য়াবশিং মাংজৌননা উবা রাজনেতা অমা ওিবিরম্মি। মহাক্না ইশিং লান্মীগী মরুওইবা অদু খংখি অমসুং ভারতকী ইনাক খুল্লবা নেভেল ত্রেদিসনদা অনৌবা পন্দুপ অমা হাপচিনখি। কোলোনিয়েলগী ওইবা মাইন্দসেৎতগী নান্থোক্নবা প্রধান মন্ত্রীগী ৱাফমগী পরিংদা নেভীনা অনৌবা ফিরাল এদোপ্ত তৌখি, মদু ছত্রপতি শিবাজীগী গ্লোরিয়স লেগেসীদগী ইন্সপায়র ওইখি।”

রক্ষা মন্ত্রীনা হায়খি মদুদি ছত্রপতি শিবাজীনা শেমলম্বা লম্বীদা প্রধান মন্ত্রী শ্রী নরেন্দ্র মোদীনা মাংলোমদা চংশিল্লি। মহাক্না ফোংদোকখি মদুদি মখল অমা হেক্তগী মরুওইবা মালেমগী শক্তিগীদমক মপাঙ্গল কনবা নেভী লৈবা মথৌ তাই; মরম অদুনা লুচিংবা অমগীদমক নেভীগী ওইবা কেপেবিলিতীশিং অপগ্রেদ তৌবা অমসুং স্বরাজবু মপাঙ্গল কনখৎহন্নবগীদমক মখোয়বু মথৌতাবা রিসোর্সশিং ফংহনবা মীৎয়েং শানবা রাজনেতাগী হৈশিংবা উৎলি।

ইন্দিয়ন নেভীনা 1971 ইন্দো-পাক লান মনুংদা ওপরেসন ত্রাইদেন্তদা ইন্দিয়ন নেভীগী থৌদাং শকখংনবা অমসুং মসিগী এচিবমেন্তশিং নিংশিংনবা চহি খুদিংগী দিসেম্বর 4দা  নেভী দে পাংথোকই। নেভী দে সেলেব্রেসন অহানবা ওইনা মরুওইবা নেভেল স্তেসন অমা হাক্তদগী ৱাংমদা মহারাস্ত্রগী মালবন জিলাগী সিন্ধুদুর্গ তালুক্কী তারকরলী সমুদ্র মপানদা পাংথোক্লি। থৌরম অসিগীদমক বেকদ্রোপতা আইকোনিক মরাথা রুলর ছত্রপতি শিবাজী মহারাজনা 1660দা শাখিবা আইকোনিক সিন্ধুদুর্গ কিলা ওইখি, মদু ভারতকী ইনাক খুল্লবা মেরিতাইম পুৱারীগী চাউথোকচনিংঙাইনি।  

থৌরম অসিদা প্রধান মন্ত্রীনা রাজকোত কিলাদা ছত্রপতি শিবাজী মহারাজগী ফীৎ 43 ৱাংবা নিংথিরবা মীতম অমা মায়খুম হাংদোকপসু মনুং চল্লি। মীতম অসি ইন্দিয়ন নেভীনা ৱাখল্লোন অমসুং য়ুমফম ওইবা ৱাখল্লোন পুথোকখি অমসুং মহারাস্ত্র সরকারনা শেলগী তেংবাং পীখি।

মদুগী মতুং প্রধান মন্ত্রীনা অথোইবা মীথুংলেন ওইনা তারকারলি সমুদ্র মপান্দা পাংথোকপা ওপরেস্নেল দেমোন্সত্রেসন য়েংখি। থৌরম অদু চিফ ওফ দি নেভেল স্তাফ এদমিরেল আর হরি কুমারনা হোস্ত তৌখি অমসুং ফ্লেগ ওফইসর কমান্দিং-ইন-চিফ, ৱেস্তর্ন নেভেল কমান্দ ভাইস এদমিরেল দিনেশ কে ত্রিপাথিনা কন্দক্ত তৌখি।  

ওপরেস্নেল দেমোন্সত্রেসনদা ইন্দিয়ন নেভেল জহাজশিং, সবমেরিনশিং, এয়রক্রাফ, হেলিকোপ্তরশিং, অমসুং স্পিসিয়েল ফোর্সশিংগী কেপেবিলিতীশিং উৎখি। থৌরম অসিদা মেজর অমসুং মাইনর ৱারশিপ (অয়াম্বনা ইরমদমদা শাবা) 15 হেনবগা লোয়ননা MIG 29 K, ইরমদমদা শাবা LCA নেভী অমসুং এদভান্স লাইত হেলিকোপ্তর, লোয়ননা নৌনা হাপচিল্লবা মল্তি-মিসন হেলিকোপ্তর MH 60 R য়াওবা এয়রক্রাফ 40 হেনবনা শরুক য়াবা উবা ফংখি। অতোপ্পা মরুওইবা পুক্নিং চিংশিনখিবশিংদা নেভেল বেন্দগী পর্ফোমেন্স, নেভেল কন্তিজেন্তনাপাংথোকপা কন্তিন্যুতী দ্রিল অমসুং সী কেদেৎ কোর্পসকী কেদেৎশিংনা পাংথোকপা হোর্নপাইপ দান্স য়াওখি।

নিংথিজরবা থৌরম অসি মহারাস্ত্রগী রাজ্যপাল শ্রী রামেশ বাইস, মহারাস্ত্রগী মুখ্য মন্ত্রী শ্রী একনাথ সিন্ধে, দিপুতী সি.এম. শ্রী দেবেন্দ্র ফদনাবিস অমসুং শ্রী অজিত পৱারনসু য়েংখি। শরুক য়াখিবশিংদা কেন্দ্র মন্ত্রী শ্রী নরায়ন রানে, জেনরেল অনিল চৌহান, চিফ ওফ দিফেন্স স্তাফ অমসুং আর্ম ফোর্সেস, ফোরেন সর্বিস এতেচশিং, কেন্দ্র অমসুং রাজ্য সরকারদগী শক্নাইরবশিং লোয়ননা মশিং য়াম্লবা মফমদুগী মীওইশিংসু শরুক য়াখি।

নেভী দে সেলেব্রেসন্না গ্রেতর ঐউতরিচ থৌগৎপা, নাগরিকশিংগী মরক্তা মেরিতাইম কন্সসিয়সনেস রিন্যু তৌবা অমসুং নেস্নেল সেক্যুরিতী অমসুং নেসন বিলদিংগী মায়কৈদা নেভীগী থৌদাং খংহন্নবা পান্দম থমলি।

 

 

 

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Make in India: Google to manufacture drones in Tamil Nadu, may export it to US, Australia, others

Media Coverage

Make in India: Google to manufacture drones in Tamil Nadu, may export it to US, Australia, others
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 মে, 2024
May 25, 2024

Citizens Express Appreciation for India’s Muti-sectoral Growth with PM Modi’s Visionary Leadership