প্রধান মন্ত্রী শ্রী নরেন্দ্র মোদী অমসুং গ্রেনাদাগী প্রধান মন্ত্রী, হৌজিক লৈরিবা CARICOMগী চেয়র ওইরিবা ঐচ.ই. মিস্তর দিকোন মিৎচেলনা 2024গী নবেম্বর 20দা জোর্জতাউনদা অনিশুবা ভারত-CARICOM সম্মিৎকী চেয়র লৌখি। প্রধান মন্ত্রীনা গুয়ানাগী রাস্ত্রপতি ঐচ.ই. ইর্ফান অলিনা মীফম অসি হোস্ত তৌবগীদমক থাগৎপা ফোংদোকখি। অহানবা ভারত-CARICOM সম্মিৎ অসি 2019দা ন্যু য়োর্কতা পাংথোকখি। গুয়ানাগী রাস্ত্রপতি অমসুং গ্রেনাদাগী প্রধান মন্ত্রীগী মথক্তা, সম্মিৎ অসিদা মখাগীশিং অসিনা শরুক য়াখি:
- দোমিনিকাগী রাস্ত্রপতি, ঐচ.ই. সিলবানী বুর্তন অমসুং দোমিনিকাগী প্রধান মন্ত্রী, ঐচ.ই. রোসেভেল্থ স্কেরিত;
- সুরীনামগী রাস্ত্রপতি, ঐচ.ই. চন্দ্রকাপরসদ সন্তোখি;
- ত্রিনিদেদ অমসুং তোবাগোগী প্রধান মন্ত্রী, ঐচ.ই. দা. কেথ রোলী;
- বারবাদোসকী প্রধান মন্ত্রী, ঐচ.ই. মিয়া অমোর মোত্তলে;
- এন্তিগ্যুৱা অমসুং বারবুবাগী প্রধান মন্ত্রী, ঐচ.ই. শ্রী গাস্তন ব্রাউন;
- গ্রেনাদাগী প্রধান মন্ত্রী, ঐচ.ই. দিকোন মিৎচেল;
- বাহামসকী প্রধান মন্ত্রী অমসুং শেল-থুম মন্ত্রী, ইকাই খুম্নরবা ফিলিপ এদৱার্দ দেভিস কে.সি.;
- সেন্ত লুসিয়াগী প্রধান মন্ত্রী, ঐচ.ই. ফিলিপ জে পের;
- সেন্ত ভিন্সেন্তগী প্রধান মন্ত্রী, ঐচ.ই. রাল্ফ ইভেরার্দ গোনসেল্ভস;
- বাহামাসকী প্রধান মন্ত্রী, ঐচ.ই. ফিলিপ এদৱার্দ দেভিস;
- বেলিজকী মপাল থৌরম মন্ত্রী, ঐচ.ই. ফ্রান্সি ফোন্সেকা;
- জমাইকাগী মপাল থৌরম মন্ত্রী, ঐচ.ই. কামিনা স্মিথ;
- সেন্ত কিত্তস অমসুং নেভিসকী মপাল থৌরম মন্ত্রী, ঐচ.ই. দা. দেঞ্জিল দৌগ্লাস
2. CARICOMগী মীয়ামদা মহাক্কী অচেৎপা থাজবা ফোঙদোক্লদুনা প্রধান মন্ত্রীনা লমদম অসিদা হুরিকেন বেরিলনা থোকহনবা মাং-তাক্নিংঙাই ওইবা থৌদোকশিং অদুগীদমক মহাক্না থম্মোয় শোক্না নুংঙাইবা ফোংদোকখি। গ্লোবেল সাউথকী লৈবাকশিং অসি হৌখিবা চহিশিংদা থেংনখিবা শীংনবশিং অমসুং লানশিং অসিনা খ্বাইদগী শোকহল্লি হায়না পল্লদুনা মহাক্না CARICOM লৈবাকশিংদা থাজবা য়াবা পার্তনর অমা ওইনা ভারতকী অচেৎপা ফিরেপ অদু অমুক হন্না ফোংদোকখি। প্রধান মন্ত্রীনা হায়খি মদুদি ভারতকী দিবেলপমেন্ত কোওপরেসন সপ্পোর্ত অসি CARICOM লৈবাকশিংগী মথৌ তাবশিং অমসুং মরুওইবশিংদা য়ুম্ফম ওই।
3. লমদম অসিগা লোয়ননা ভারতকী নক্নবা দিবেলপমেন্ত পার্তনরশিপ অমসুং মপাঙ্গল কনবা মীয়ামগী মরক্তা লৈনরিবা মরী অদু মখা তানা শেমগৎনবগীদমক, প্রধান মন্ত্রীনা মরুওইবা হিরম তরেৎতা CARICOM লৈবাকশিংদা মতেং পাংগনি হায়না থাজবা পীখি। হায়রিবা লমশিং অসি CARICOM গী এক্রোনিমগা মরী লৈনৈ অমসুং ভারত অমসুং কাংলুপ অসিগী মরক্তা লৈনরিবা অচেৎপা মরুপ-মপাং ওইবগী মরী অসি মপাঙ্গল কনখৎহল্লি। মখোয় অদুদি:
● C: কেপাসিতী বিল্দিং
● A: এগ্রিকলচর অমসুং ফুদ সেক্যুরিতী
● R: রিন্যুএবল ইনর্জী অমসুং ক্লাইমেৎ চেঞ্জ
● I: ইন্নোবেসন, তেক্নোলোজী অমসুং ত্রেদ
● C: ক্রিকেৎ অমসুং কলচর
● O: ওসীন ইকনোমী অমসুং মেরিতাইম সেক্যুরিতী
● M: মেদিসিন অমসুং হেল্থকিয়র
4. কেপাসিতী বিল্দিংদা, প্রধান মন্ত্রীনা লাক্কদৌরিবা চহি মঙাদা CARICOM লৈবাকশিংগীদমক ITEC স্লোৎ লিশিং অমা হেন্না লাউথোকখি। লৈবাক অসিগী ওইনা মরুওইবা শীংনবা অমা ওইরিবা ফুদ সেক্যুরিতীগী লমদা মহাক্না লৌউ-শিংউগী লমদা তেক্নোলোজী শীজিন্নবগী মতাংদা ভারতকী এক্সপরিয়েন্স - দ্রোনশিং, দিজিতেল ফার্মিং, ফার্ম মেকানাইজেসন অমসুং সোইল তেস্তিংগী মতাংদা পনখি। সর্গাসম সিৱীদ অসি কেরিবিয়নগী তুরিজমগীদমক অচৌবা শীংনবা অমা ওইরি হায়না পল্লদুনা প্রধান মন্ত্রীনা হায়খি মদুদি ভারতনা সিৱীদ অসি ফর্তিলাইজরদা ওন্থোকপদা মতেং পাংবদা নুংঙাইবা ফাওগনি।
5. রিন্যুএবল ইনর্জী অমসুং ক্লাইমেৎ চেঞ্জগী লমদা ভারত অমসুং CARICOMগী মরক্তা তেংবাং পীনবা হেনগৎহন্নবা প্রধান মন্ত্রীনা মেম্বরশিংদা হায়খি মদুদি মখোয়না ইন্তর্নেস্নেল সোলর এলাইন্স, কোলিজন ফোর দিজাস্তর রেসিলিয়েন্ত ইনফ্রাস্ত্রকচর, মিসন লাইফ অমসুং গ্লোবেল বাইওফ্যুল এলাইন্সনচিংবা ভারতনা লুচিংবা গ্লোবেল ইনিসিএতিবশিংদা শরুক য়ানবা হায়খি।
6. ভারত্তা ইন্নোবেসন, তেক্নোলোজী অমসুং ললোন-ইতিক্না পুরক্লিবা অহোংবা কয়াগী মতাংদা পল্লদুনা প্রধান মন্ত্রীনা ভারতকী দিজিতেল পব্লিক ইনফ্রাস্ত্রকচর, ক্লাউদ-বেজ দিজি লোকর অমসুং UPI মোদেলশিং CARICOMদা লৈবা লৈবাকশিংদা পব্লিক সর্ভিস দেলিভরী হেনগৎহন্নবগীদমক ওফর তৌখি।
7. CARICOM অমসুং ভারতনা নক্নবা কলচরেল অমসুং ক্রিকেৎকী মরীশিং লৈনরি। প্রধান মন্ত্রীনা CARICOM লৈবাক খুদিংমক্কী নহা ওইরিবা নুপী ক্রিকেতর 11 ভারত্তা ত্রেনিং পীনবা লাউথোকখি। পিপল-তু-পিপলগী মরী অসি মপাঙ্গল কনখৎহন্নবা মহাক্না মথং চহিদা মেম্বর লৈবাকশিংদা "ইন্দিয়ন কলচরগী নুমিৎশিং" পাংথোক্নবা ৱাফম থমখি।
8. সমুদ্রগী শেন্মিৎলোন অমসুং সমুদ্রগী ঙাকশেল হেনগৎহন্নবা, প্রধান মন্ত্রীনা হায়খি মদুদি ভারতনা CARICOMগী মেম্বরশিংগা লোয়ননা কেরিবিয়ন সমুদ্রদা মেরিতাইম দোমেন মেপ্পিং অমসুং হাইদ্রোগ্রাফীদা থবক তৌমিন্নবা শেম-শারি।
9. ক্বালিতী লৈবা অমসুং মমল হোংবা হেল্থকিয়রগী লমদা ভারতনা মায় পাকপগী মতাংদা প্রধান মন্ত্রীনা পনখি। মহাক্না জন ঔশধী কেন্দ্রশিংগী খুত্থাংদা জেনেরিক হিদাকশিং ফংহন্নবগী ভারতকী মোদেল অদু পীখি। CARICOMগী মীয়ামগী হকশেল অমসুং য়াইফ-থৌরাং ফগৎহন্নবা মহাক্না য়োগগী এক্সপর্তশিং থাবগী ৱাফমসু ফোংদোকখি।
10. CARICOMগী লুচিংবশিংনা ভারত অমসুং CARICOMগী মরক্তা পার্তনরশিপ মপাঙ্গল কনখৎহন্নবা প্রধান মন্ত্রীগী পোইন্ত তরেৎকী থৌরাংবু তরাম্না ওকখি। গ্লোবেল সাউথতা ভারতনা লুচিংবা অমসুং অপীকপা ইথৎকী চাউখৎলক্লিবা লৈবাকশিংগীদমক ক্লাইমেৎ জস্তিসকীদমক ভারতনা পীরক্লিবা মপাঙ্গল কনবা মতেং অদু মখোয়না থাগৎখি। মখোয়না গ্লোবেল ইন্সতিত্যুসনশিংগী রিফোর্ম তৌনবা হায়খি অমসুং মসিগী মতাংদা ভারতকা লোয়ননা নক্না থবক তৌমিন্নবা পামখি।
11. গ্লোবেল সাউথকী সমস্যাশিংগীদমক ভোইস ওইনবা ভারতনা অচেৎপা মীৎয়েং থম্লি হায়না প্রধান মন্ত্রীনা ফোংদোকখি। মথংগী ভারত-CARICOM সম্মিৎ অসি ভারত্তা পাংথোক্কনি হায়না প্রধান মন্ত্রীনা লাউথোকখি। সম্মিৎ অসি মায় পাক্না পাংথোকপগীদমক মহাক্না রাস্ত্রপতি ইরফান অলি, প্রধান মন্ত্রী দিকোন মিৎচেল অমসুং CARICOM সেক্রেতরিয়েৎতা থাগৎপা ফোংদোকখি।
12. পীরিবা লিঙ্কশিংদা পি.এম.না হৌদোকপা অমসুং লোইশিনবগী সেসনশিংদা থমখিবা ৱারোল উবা ফংগনি:
2শুবা ভারত-CARICOM সম্মিৎকী হৌদোকপগী ৱারোল
2শুবা ভারত-CARICOM সম্মিৎকী লোইশিনবগী ৱারোল
