“নুপীশিং অসি এথিক্স, লোয়ল্তী, দিসিসিবনেসস অমসুং লীদরশিপকী মমিনি”
“ঐখোয়গী ভেদশিং অমসুং চৎনবীনা নুপীশিংবু লৈবাক অসিদা লমজিং-লমতাকপীবা ঙম্বা অমসুং তাকপগী মতিক লৈবা ওইহনগদবনি হায়না হায়রি”
“নুপীগী চাউখৎ-থৌরাংনা মতম চুপ্পদা লৈবাক অসিগী এমপাৱরমেন্তা পাঙ্গল হাপ্পি”
“ঙসিদি লৈবাক অসিগী প্রায়োরিতী অদু ভারতকী চাউকৎ-থৌরাংগী খোংচত্তা নুপীশিংনা মপুং ফানা শরুক য়াবদা লৈরে”
“’স্তেন্দঅপ ইন্দিয়া’গী মখাদা লৈবা লোনশিংগী চাদা ৮০ হেন্না নুপীশিংগী মমীংদা লৈ। মুদ্র য়োজনাগী মখাদা লোন চাউরাক্না চাদা ৭০দি ঐখোয়গী ইচে-ইচলশিং অমসুং ইচা নুপীশিংদা পীখ্রে”

প্রধান মন্ত্রী, শ্রী নরেন্দ্র মোদীনা ভীদিও কনফরেন্সিংগী খুত্থাংদা কচ্ছতা ইন্তর্নেস্নেল ৱিমেন্স দেগী সেমিনারদা ৱা ঙাংখ্রে।

মীতিন অদুদা ৱা ঙাংলদুনা, প্রধান মন্ত্রীনা ইন্তর্নেস্নেল ৱিমেন্স দেদা মীতিন অদুদা য়াইফ পাউজেল পীখি। মহাক্না কচ্ছকী লমগী  য়াম্না অখন্নবা মফম অদুবু চহি চা কয়াদগী নারি শক্তিগী খুদম অমা ওইনা মশক খঙখি, মরমদি মা আশাপুরা অসি মাত্রুশক্তিগী শায়োনদা মফম অসিদা লৈরি। “মফম অসিদা লৈরিবা নুপীশিংনা খুনাই পুম্বদা য়াম্না শাথিবা মহৌশাগী ওইবা শিংনবশিংগা লোইননা হিংনবা, লান্থেংননবা তম্বী অমসুং মাইপাক্নবা তম্বী”, হঅয়না মহঅক্না হায়খি। মহাক্না কচ্ছকী নুপীশিংনা ৱাতর প্রিজার্ভেশনদা লৌখিবা থৌদাং অদুগীদমক্তসু থাগৎখি। থৌরম অদুনা ঙমখৈদা লৈবা খুঙ্গং অমদা পাংথোকপা ওইবনা, প্রধান মন্ত্রীনা ১৯৭১গী লানদা মফম অদুগী নুপীশিংনালৌখিবা থৌদাংশিং অদুবু নিংশিংখি।

প্রধান মন্ত্রীনা হায়খি নুপীশিং অসি এথিক্স, লোয়ল্তী, দিসিসিবনেস অমসংউ লীদরশিপকী মমীনি. “মরম অদুনা ঐখোয়গী বেদশিং অমসুং চৎনবীনা নুপীশিংবু লৈবাক অসিদা লমজিং-লমতাকপীবা ঙম্বা অমসুং মতিক লৈবা ওইহনগদবনি হায়না হায়রি”, হায়না মহাক্না হায়খি।

প্রধান মন্ত্রীনা হায়খি অৱাংলোমদা মিরাবাইদগী হৌরগা সাউত্তা সন্ত অক্কা মহাদেবি, ভক্তি মুভমেন্ততগীনা গ্যান দর্শন ফাওবা ভারতকী শেংলবা মতিক-মগুন লৈবী নুপী অসিনা খুনাই অসিদা অওনবা অমসুং অহোংবা পুরক্নাবা খোল্লাও অদু তাহল্লি। অসিগা চপ মান্না কচ্ছ অসমুং গুজরাতকী লমদম অসিদসু শেংলবা মতিক-মগুন লৈবী নুপীশিং খুদম ওইনা সতি তোরাল, গঙ্গা সতি, সতি লোয়ন, রাম্বাই অমসুং লিরবাই থেংনখি। লৈবাক অসিগী মশিং লাকঙমদ্রবা লাইরেম্বীশিংনা নারিগী ৱাখল ফাওহনবা অসিনা নিংখা তম্নবা হোৎনবগী মৈরা অসিবু চুখত্তুনা চাকহন্দুনা থম্মি হায়না মহাক্না হায়খি।

প্রধান মন্ত্রীনা হায়খি পৃথিবিবু ইমানি হায়না খনবা লৈবাক্তা, নুপীশিংগী চাউখৎপনা মতম চুপ্পদা লৈবাক অদুগী এমপাৱরমেন্ততা পাঙ্গল  পী। “ঙসি লৈবাক অসিগী খ্বাইদগী হেন্না মরু ওইবা অসি নুপীশিংগী পুনশি মহিফগৎহনবনি। ঙসিদা লৈবাক অসিগী খ্বাইদগী হেন্না মরু ওইবা অসি ভারতকী চাউখৎ-থৌরাংগী খোংচত্তা নুপীশিংনা মপুং ফানা শরুক য়াবসিনি”, হায়না মহাক্না হায়খি। তোইলেত করোর ১১ শাখিবা, উজ্বলা গ্যাস কনেক্সন করোর ৯, জনধন একাউন্ত করোর ২৩ হাংহনবনা নুপীশিংগীদমক্তা দিগ্নিতী অমসুং ইজ ওফ লিবিং পুরক্লিবা খোংথাংশিংনি হায়না মহাক্না পনখি।

প্রধান মন্ত্রীনা হায়খি মদুদি সরকার অসিনা নুপীশিংনা মাংলোমদা খোং থাংবা ঙম্নবা, মখোয়গী মঙলানশিং অদু মঙফাওনহন্নবা অমসুং মখোয় মশাগী থবক হৌবা ঙম্নবা শেলগী ওইবা মতেংসু পীরি। “ ‘স্তেন্দঅপ ইন্দিয়া’গী মখাদা পীবা লোনশিং অদুগী চাদা ৮০ হেন্নদি নুপীশিংগী মমীংদা লৈ। চাউরাক্না লোন চাদা ৭০দি মুদ্র য়োজনাগী মখাদা ঐখোয়গী ইচে-ইচলশিং অমসুং মচানুপীশিংদা পীখ্রে” হায়না মহাক্না হায়খি। অসিগা চপ মান্ননা পি.এম.এ.ৱাই.গী মখাদা শাখিবা য়ুম করোর ২গী মনুংদা অয়াম্বনা নুপীগী মমীংদা লৈ। পুম্নমক অসিনা ফাইনান্সিয়েল দিসিজন মেকিংদা নুপীশিংনা শরুক য়াবা হেনগৎহনখ্রে।

প্রধান মন্ত্রীনা খঙহল্লকখি মদুদি সরকার অসিনা মেতর্নিতী লীব অদু চয়োল ১২ ওইরম্বদগী চয়োল ২৬তা হেনগৎহনখ্রে। থবক মফমশিংদা নুপীগী সেফতীগীদমক্তা ওইবা লোশিং অদু বাম্না হেন্না চেকশিনহনখ্রে হায়না ঞআক্না মখা তারকখি। রেপগুম্বা য়াম্না তমথিরবা থবকশিং অসিগীদমক্তা শিবগী দন্দি পীবগী প্রোভিজন লৈখ্রে। মচানুপা অমসুং মচানুপী অনিমক চপ মান্নবা ওইবনা, সরকার অসিনা মচানুপীশিংগী লুহোংবগী চহি অদু চহি ২১ হেনগৎনবসু হোৎনরি হায়না প্রধান মন্ত্রীনা হায়খি। ঙসিদি, লৈবাক অসিনা আর্মদ ফোর্সশিংদা নুপীমচাশিংগদমক্তা হেন্না চাউবা থৌদাংশিং প্রোমোত তৌরি, সৈনিক স্কুলশিং নুপীমচাশিংগী এদমিসন তৌবা হৌখ্রে।

প্রধান মন্ত্রীনা মীয়ামদা লৈবাক অসিদা লৈরিবা মালন্যুত্রিশনগী মায়োক্তা চত্থরিবা কেমপেন অসিদা মতেং পাংনবা হায়রকখ্রে। মহাক্না বেতি বচাও বেতি পরহাওদা নুপীশিংনা লৌরিবা থৌদাংগী মতাংদসু মরু ওইনা পনখি। মহাক্না ‘কন্য শিক্সা প্রৱেশ উৎসব অভিয়ান’দা মখোয়ানা শরুক য়ানবগীদমক্তা হায়খ্রে। 

 ‘ভোকেল ফোর লোকেল’ ইকোনোমীগা মরী লৈনবা অচৌবা হীরম অমা ওইরক্লি, অদুবু মসি নুপী এমপাৱরমেন্ত তৌবগা য়াম্না মরী লৈনৈ হায়না প্রধান মন্ত্রীনা হায়খি। লোকেল প্রোদক্তশিং অয়াম্বগী শক্তি অদু নুপীশিংগী মখুত্তা লৈ হাবণা মহাক্না মখা তাখি।

অরোইবদা প্রধান মন্ত্রীনা নিংতম লানদা সন্ত পরমপরানা লৌখিবা থৌদাংগী মতাংদা হায়খি অমসুং পার্তিসিপেন্তশিং অদু রন ওফ কচ্ছকী ফজবা অমসুং  স্পিরিতচুৱল স্প্লেন্দর অদু এক্সপরিয়েন্স তৌনবা হায়খি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Indian Army reduces ammunition imports, boosts indigenous production under 'Make in India' policy

Media Coverage

Indian Army reduces ammunition imports, boosts indigenous production under 'Make in India' policy
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 17 মে, 2024
May 17, 2024

Bharat undergoes Growth and Stability under the leadership of PM Modi