ঙসি ভিদিও কনফরেন্সগী খুৎথাংদা প্রধান মন্ত্রী শ্রী নরেন্দ্র মোদীনা ফিনতেক্কী লমদা মালেমগী লুচিংবশিংগী মফম অমা ওইরিবা ইনফিনিতি ফোরমগী অনিশুবা ইদিসন্দা ৱা ঙাংখ্রে। ইনফিনিতি ফোরমগী অনিশুবা ইদিসন অসি ইন্তরনেসনেল ফাইনান্সিএল সর্বিসেস সেন্তরস ওথোরিতি(আই এফ এস সি এ) অমসুং জি.আই.এফ.তি সিতিনা, ভারত সরকারগী লমজিং মখাদা, ভাইব্রেন্ত গুজরাত গ্লোবেল সম্মিৎ ২০২৪গী মাংওইননা পুন্না শীনবনি। ইনফিনিতি ফোরমগী অনিশুবা ইদিসনগী থিমদি ‘ জি.আই.এফ.তি-আই.এফ.এস.সি: নর্ব সেন্তর ফোর নিউ এজ গ্লোবেল ফাইনান্সিএল সর্বিসেস’ হায়বনি।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি দিশেম্বর ২০২১দা ইনফিনিতি ফোরমগী অহানবা ইদিসন পাংথোকপা মতমদা লাইচৎনা শোকহল্লবা মালেম্না তম্বা ঙমদবা মালেমগী শেন-থুমগী ফিবম অমা মায়োক্নখি। অৱাবা ফিবম অদু হৌজিক ফাওবা কোক্ত্রি অমসুং মালেমগী রাজনিতিগী মুক্নবশিং, পোৎ-চৈগী মমল হেনগৎলকপা অমসুং শেন তোনবগী চাং ৱাংখৎলকপা য়াওনা অৱাবা কয়া মায়োক্নখি। ভারত অৱাং-অনা থেংনবা ঙম্বা অমসুং চাউখৎপগী খুদম অমা ওইরক্লে। অসিগুম্বা ফিবম অমদা, জি.আই.এফ.তি সিতিদা অসিগুম্বা থৌরম অমা পাংথোকপা হায়বসি ভারতকী চাউথোকচবা হেনগৎহনবনি। য়ুনেস্কো ইন্তেজিবল কলচরেল হেরিতেচ তেগকী মখাদা ‘গারবা’ য়াওরকপদা প্রধান মন্ত্রীনা গুজরাতকী মীয়াম থাগৎলদুনা হায়খি গুজরাতকী মাইপাকপা অসি লৈবাক অসিগী মাইপাকপনি।
প্রধান মন্ত্রীনা হায়খি ভারতকী চাউখৎপগী ৱারি অসি থৌশিল, অফবা লৈঙাক অমসুং মীয়ামগী য়াইফনবা সরকারনা মরুওইনা লৌবদা য়ুম্ফম ওইবনি। শেনবা চহিগী অহানবা থা তরুক মনুংদা ভারতকী গ্রোথ রেত অসি চাদা ৭.৭ নি। সেপ্তেম্বর ২০২৩দা আই.এম.এফনা পনখিবগী মতুংইন্না, ২০২৩দা মালেমগী গ্রোথ রেত চাদা ১৬তা ভারতনা মতেং পাংখি। মালেমগী খুদোংচাদবা কয়া মরক্তা, ভারতকী শেন্মিৎলোন্দা থাজবা কয়া লৈখি। গ্লোবেল সাউথ লমজিংবদা ভারতনা মাংজিল থাবা অদু অস্ত্রেলিয়াগী প্রধান মন্ত্রীনা খঙলে। ভারত্তা ৱাচৎ-ৱানোমগী থবকশিং হন্থরকপা অসিনা শেন থাদনবগী খুদোংচাবা হেন্না পীরে হায়না ৱার্ল্দ ইকোনোমিক ফোরম্না ফোঙদোকখ্রে। ভারতনা মালেমগী থাজবগী মঙাল অমা ওইনা, হৌখিবা চহি ১০দা লৈবাক অসিগী শেন্মিৎলোন মপাঙ্গল কনখৎলে অমসুং অওনবা অহোংবা কয়া পুরক্লে। মালেমগী অতৈ লৈবাকশিংনা ফিসিকেল অমসুং মোনিতরি রিলিফতা মীৎয়েং চঙলিঙৈ মতমদা ভারতনা তুংকোইনা চাউখৎপা অমসুং শেন-থুমগী থবক পাংথোক চাউথোকহনবদা পুক্নিং চঙখি।
মালেমগী ইকোনোমি পুনশিনবা হেনগৎহন্নবগী পান্দমগী মতাংদা প্রধান মন্ত্রীনা হায়খি হিরম কয়াদা এফ.দি.আই থৌশিল কোমথোকপা, নিয়মশিং ঙাক্নবগী পোৎলম হন্থহনবদগী মাইপাকপা কয়া উবা ফংলে অমসুং ঙসি এফ.তি.এ অহুম খুৎয়েক পীনরে। ভারতকী ফাইনান্সিএল মার্কেত অসি মালেমগী ফাইনান্সিএল মার্কেতশিংদা পুনশিন্নবা জি.আই.এফ.তি আই.এফ.এস.সি.এ অসি অচৌবা মফম অমনি। ইন্তরনেসনেল ফাইনান্সকী থবকশিং অমুক মশক তাক্কদবা অফবা ফিবম অমা শেমগৎনবা জি.আই.এফ.তি সিতিনা পান্দম থম্লি। মসিনা ইন্নোবেসন, মতিক চাবা অমসুং মালেমগী মতেং পীনবগী অনৌবা মশক কয়া তাক্কনি।
মহাক্না হায়খি য়ুনিফাইদ লিগুলেতর অমা ওইনা ২০২০দা ইন্তরনেসনেল ফাইনান্সিএল সর্বিসেস সেন্তরস ওথোরিতি লিংখৎলে। আই.এফ.এস.সি.এনা নিয়ম ২৭ শেম্লে অমসুং শেন-থুমগী অৱাবা মায়োক্নবা মনুংদা শেন থাদনবগী ফ্রেমৱার্ক ১০ হেন্না শেমখি। ইনফিনিতি ফোরমগী অহানবা ইদিসন্দা ফংখিবা পাউতাকশিংদগী, এপ্রিল ২০২২দা আই.এফ.এস.সি.এনা নোতিফাইত তৌখিবা মতুংইন্না ফন্দ মেনেজমেন্তগী থবকশিংগী কমপ্রেহেন্সিপ ফ্রেমৱার্ক অমা থবক হৌখি।
প্রধান মন্ত্রীনা হায়খি হৌজিক ফন্দ মেনেজমেন্ত বোদি ৮০ আই.এফ.এস.সি.এদা রেজিস্তার তৌরে অমসুং দোল্লর বিল্লিয়ন ২৪ হেনবগী ফন্দশিং খোমগৎলে অমসুং ২০২৪ দগী জি.আই.এফ.তি আই.এফ.এস.সিদা মখোয়গী কোর্সশিং হৌনবা মালেমগী মাংজিল থাবা য়ুনিভর্সিতি অনি অয়াবা ফংলে। মে ২০২২দা আই.এফ.এস.সি.এনা এয়রক্রাফ শান্দোক্নবগী ফ্রেমৱার্ক পুথোকপদগী ঙসি য়ুনিত ২৬ থবক হৌরে।
আই.এফ.এস.সি.এগী থবকশিং পাংথোক-চাউথোকহনবগী মতাংদা প্রধান মন্ত্রীনা হায়খি হান্নগী ফাইনান্স অমসুং ভেঞ্চরশিংগী থবকশিংগী ৱাংমদা জি.আই.এফ.তি আই.এফ.এস.সি.এ পুনবা সরকারনা থবক পায়খৎলি। ঐখোয়না জি.আই.এফ.তি সিতি অসি অনৌবা যুগকী মালেমগী ফাইনান্সিএল অমসুং তেক্নোলোজিগী থবকশিংগী মালেমগী নর্ব সেন্তর অমা ওইহনবা পাম্মী। জি.আই.এফ.তি সিতিনা পুথোকপা পোৎথোকশিং অমসুং থবকশিংনা মালেম্না মায়োক্নরিবা অৱাবশিং কোকহনবদা মতেং পাংগনি অমসুং মরী লৈনবশিংনা অচৌবা থৌদাং অমা লৌগনি।
অইং-অশাগী খল হোংলকপগী থেংনরিবা অচৌবা শিংনবা অমসুং মালেমদা খ্বাইদগী চাউবা ইকোনোমিশিংগী মনুংদা অমা ওইনা ভারতনা পায়খৎলিবা থবকশিংগী মতাংদা প্রধান মন্ত্রীনা পুক্নিং চিংশিল্লদুনা হায়খি হন্দক পাংথোকখিবা কোপ-২৮ সম্মিৎতা ভারতনা থাজবশিং পীখ্রে অমসুং ভারত অমসুং মালেমগী পান্দমশিং ফংনবা চুনবা মমলদা শেন্থং মরাংকাইনা ফংহনগদবনি। মালেমগী চাউখৎপা অমসুং তংদু-লৈতাবা পুরক্নবা তুংকোইনা চৎনবা য়াগদবা ম ওংদা শেন থাদবা দরকার ওই অমসুং ৱাফম অসি ভারতনা জি-২০গী প্রসিদেন্ত ওইরিঙৈ মনুংদা মরুওইনা লৌবা ৱাফম অমা ওইখি।
মহাক্না হায়খি মসিনা হেন্না মশা নানবা, হেন্না অৱা-অনা খাংবা ঙম্বা অমসুং কাংলুপ খুদিংমক কোনশিনবা খুন্নাইশিং অমসুং ইকোনোমিশিং শেমগৎনবা অওনবা পুরকপা ঙমগনি। ২০৭০দা নেত জিরো তার্গেত ফংনবা ভারতনা য়ামদ্রবদা দোল্লার ত্রিল্লিয়ন ১০ দরকার ওইগনি। আই.এফ.এস.সি.অসি স্তেনেবল ফাইনান্সকী মালেমগী মফম ওইহনগদবনি। ভারতকী কার্বোন য়াম্না থাদোক্তবা ইকোনোমি অমা শেমগৎনবা দরকার ওইবা গ্রিন কেপিতেল লাক্নবা জি.আই.এফ.তি আই.এফ.এস.সি অসি মতিক চাবা চেন্নেল অমনি। শেন-থুমগী পোৎথোকশিং হায়বদি গ্রিন্দ বোন্দস, স্তেনেবল বোন্দস অমসুং স্তেনেবিলিতি লিঙ্ক বোন্দসনা মালেম শীনবা থুংবগী লম্বী হেন্না নুংঙাইহনগনি। ভারতনা হৌদোকপা গ্লোবেল গ্রিন ক্রেদিৎ ইনিসিএতিপ’ অসি কোপ-২৮তা মালেমগী য়াইফনবা থৌরাং অমনি। গ্রিন ক্রেদিৎকী মার্কেত মেকানিজম অমা শেমগৎনবা মখোয়গী অনৌবা ৱাখলশিং পুথোক্নবা শ্রী মোদীনা উদোগকী লুচিংবশিংদা তকশিনখি।
প্রধান মন্ত্রীনা হায়খি ঙসিগী মালেমদা খ্বাইদগী য়াংনা চাউখৎলক্লিবা ফিনতেক মার্কেতশিংগী মনুংদা ভারত অমনি। ফিনতেক্তা ভারতকী থৌনা অসি জি.আই.এফ.তি আই.এফ.এস.সিগী পান্দমগা মান্নৈ অমসুং মসিগী ফল ওইনা, লৈবাক অসি য়াম্না য়াংনা ফিনতেক্কী মফম অমা ওইরক্লে। ২০২২দা ফিনতেককী রিগুলেতোরি ফ্রেমৱার্ক অমা আই.এফ.এস.সি.এনা ফোঙখ্রে অমসুং আই.এফ.এস.সিগী ফিনতেক ইন্সেনতিপ স্কিম্না ইন্নোবেসন অমসুং ওন্ত্রেপ্রেনিউয়রশিপ চাউখৎহন্নবা ভারতকী অমসুং মপানগী ফিনতেকশিংদা গ্রান্তশিং পীরে। জি.আই.এফ.তি সিতি অসি মালেমগী ফিনতেক্কী থোঙ্গাল অমসুং মালেমগী ফিনতেক লেবোরেতোরি অমা ওইরকপা য়ানবা খুদোংচাবা লৈরে। ইনভেস্তরশিংনা মসিগী খুদোংচাবশিং য়াম্না লৌগদবনি।
মহাক্না হায়খি “জি.আই.এফ.তি আই.এফ.এস.সি অসি মালেমগী কেপিতেল চঙলক্নবগী মশক থোকপা থোংজিল অমা ওইরক্লে। ‘ত্রাই সিতি’গী ৱাখল্লোন হায়বদি পুৱারি ওইরবা অহমেদবাদ সহর অমসুং কোনুং গান্ধীনগর অনিগী মরক্তা লৈদুনা মসিনা অখন্নবা শম্নবা অমা লৈহল্লে। জি.আই.এফ.তি আই.এফ.এস.সিগী অৱাংবা থাক্কী দিজিতেল ইনফ্রাস্ত্রকচরশিংনা ললোন-ইতিক মপুংফানা পাংথোকপা হেনগৎহন্নবা মফম অমা পীরে।
প্রধান মন্ত্রীনা মখা তানা হায়খি জি.আই.এফ.তি আই.এফ.এস.সি অসিদা ফাইনান্সিএল অমসুং তেক্নোলোজিগী তাইবংদা খ্বাইদগী মতিক চাবা মীওইশিং চিংশিন্নবা য়োৎচাবী অমা ওইরে। ঙসি আই.এফ.এস.সিদা ওপরেসনেল ইন্তাইতিস ৫৮, ইন্তরনেসনেল বুল্লিয়ন একচেঞ্জ য়াওনা একচেঞ্জ ৩, মপানগী বেঙ্ক ৯ য়াওনা বেঙ্ক ২৫, ইন্সুরেন্স ইন্তাইতিস ২৯, মপানগী য়ুনিভর্সিতি ২, কন্সলতিং ফার্মসিং, লো ফার্মশিং অমসুং সি.এ ফার্মশিং য়াওনা প্রোফেসনেল সর্বিস প্রোভাইদর ৫০ হেনবা লৈরে। মথং চহি খরদা জি.আই.এফ.তি সিতি অসি মালেমদা খ্বাইদগী ফবা ইন্তরনেসনেল ফাইনান্সিএল সেন্তরশিংগী মনুংদা অমা ওইরগনি।
প্রধান মন্ত্রীনা হায়খি ভারত অসি গনতন্ত্রগী অচেৎপা গুনশিং লৈবা অমসুং ললোন-ইতিক্কী পুৱারিগী চৎনবীশিং লৈবা লৈবাক অমনি। ইনভেস্তর নত্ত্রগা কম্পেনি খুদিংমক্কী ভারত্তা মখল কয়াগী খুদোংচাবশিং লৈরি। ভারতকী চাউখৎপগী ৱারিগা জি.আই.এফ.তিগী পান্দমগা শম্নরে। নোংমগী এয়র ত্রাফিক অসি এয়র পেসেঞ্জর লাখ ৪ ওইরি, ২০১৪দা পেসেঞ্জর এয়রক্রাফ ৪০০ লৈরম্বদগী মশিং হেনগৎলক্তুনা হৌজিক ৭০০ য়ৌরে অমসুং হৌখিবা চহি ৯ দা ভারত্তা এয়রপোর্তশিংগী মশিং শরুক অনিদা হেনগৎলে। লাক্লিবা চহিশিংদা ঐখোয়গী এয়রলাইনশিংনা চাউরাক্না এয়রক্রাফ ১০০০ রোম লৈগদৌরি। এয়রক্রাফ লিজরশিংদা জি.আই.এফ.তি সিতিনা তোঙান-তোঙানবা খুদোংচাবশিং পীরে।
মহাক্না হায়খি আই.এফ.এস.সি.এগী সিপ লিসিং ফ্রেমৱার্ক, আই.তিগী হৈথোই-শিংথোইরবা য়াম্লবা মীওইশিং, দেতা ঙাক-শেন্নবা আইনশিং অমসুং জি.আই.এফ.তিগী দেতা এম্বেসিগী থবক্না লৈবাকশিং অমসুং ললোন-ইতিক্কী থবকশিংআ দিজিতেল কন্তিনুইতিগী অশোই-অঙাম থোক্তবা খুদোংচাবশিং ফংহল্লে। ভারতকী নহা ওইরিবা লৌশি লৈরবা মীওইশিং থাগৎচরি, ঐখোয় মালমগী অচৌবা কম্পেনিশিংগী গ্লোবেল কেপাবিলিতি সেন্তরশিংগী মফম অমা ওইরে।
লোইশিল্লকপদা, প্রধান মন্ত্রীনা হায়খি মথং চহি খরদা ভারত মালেমদা অহুমশুবা খ্বাইদগী চাউবা ইকোনোমি অমসুং ২০৪৭দা চাউখৎলবা লৈবাক অমা ওইরগনি। খোঙচৎ অসিদা কেপিতেলগী অনৌবা মওংশিং, দিজিতেল তেক্নোলোজিশিং অমসুং অনৌবা যুগকী শেন-থুমগী থবকশিংনা থৌদাং লৌরে। মসিগী মতিক চাবা চৎন-কাংলোনশিং, লাইনা শীজিন্নবা য়ারবা ইনফ্রাস্ত্রকচরশিং, পাক-চাউরবা ভারতকী মফম কয়াগী ইকোনোমি য়ৌশিনবা ঙম্বা, থবক পাংথোকপদা শেন য়াম্না চঙদবা অমসুং হৈথোই-শিংথোইবা মীওই কয়া মরাং কাইনা লৈবা অসিগা লোয়ননা লাম্বা লৈতবা খুদোংচাবা কয়া জি.আই.এফ.তি সিতিনা শেমগৎলে। মালেমগী মঙলানশিং মঙফাওনবা ঙম্নবা জি.আই.এফ.তি আই.এফ.এস.সিগা লোয়ননা ঐখোয় মাঙলোমদা চঙশিল্লসি। অথুবা মতমদা ভাইব্রেন্ত গুজরাত সম্মিৎশু পাংথোক্লগনি। মালেমনা মায়োক্নরিবা খুদোংচাদবশিং কোকহন্নবা পাম্বৈশিং পুথোক্নবা ঐখোয় পুন্না অনৌবা ৱাখল্লোনশিং থিদোকমিন্নরসি।
নুঙগীৱারোল
ইনফিনিতি ফোরমগী অনিশুবা ইদিসন অসি ইন্তরনেসনেল ফাইনান্সিএল সর্বিসেস সেন্তরস ওথোরিতি(আই এফ এস সি এ) অমসুং জি.আই.এফ.তি সিতিনা, ভারত সরকারগী লমজিং মখাদা, ভাইব্রেন্ত গুজরাত গ্লোবেল সম্মিৎ ২০২৪গী মাংওইননা পুন্না শীনবনি। অনৌবা ৱাখল্লোনশিং, খুদোংচাদবশিং পুথোকপা, মালেম শীনবা থুংবগী অনৌবা তেক্নোলোজিশিং মশক খঙদোকপা, খন্ন-নৈনবা অমসুং পাম্বৈশিং শেমগৎনবা মফম অমা ফোরম অসিনা পীরি।
ইনফিনিতি ফোরমগী অনিশুবা ইদিসনগী থিমদি ‘ জি.আই.এফ.তি-আই.এফ.এস.সি: নর্ব সেন্তর ফোর নিউ এজ গ্লোবেল ফাইনান্সিএল সর্বিসেস’ হায়বনি। মসিনা মখাগী ত্রেক অহুম অসি ফাওদুনা পুন্না থবক তৌমিন্নগনি:
- প্লেনরী ত্রেক: নিউ এজ ইন্তরনেস্নেল ফাইনেন্সিএল সেন্তর অমা শেম্বা
- গ্রীন ত্রেক: “গ্রীন স্তেক”কী কেস অমা শেম্বা
- সিল্ভর ত্রেক: জি.আই.এফ.তি আই.এফ.এস.সিদা লোঞ্জেবিতী ফাইনান্স হব
ত্রেক খুদিংদা মকোক থোংবা লুচিংবশিংনা পীবা ইনফিনিতী তোল্ক অমদি ইন্দস্ত্রী এক্সপর্তশিং অমদি ভারত অমসুং মালেম শিনবা থুংবদগী ফাইনেন্সিএল সেক্তরগী প্রাক্তিস্নরশিংগী পেনেল অমগী খন্ন-নৈনবা পাঙথোক্তুনা থবক ওইনা তৌবগী মতাঙদা মমুৎ তাবা ৱাফমশিং অমদি থবক ওইনা পায়খৎপা য়াবা পাম্বৈশিং পুথোক্কনি।
ফোরম অসিদা ভারত অমসুং য়ু.এস.এ., য়ু.কে., সিঙ্গাপুর, খা অফ্রিকা, য়ু.এ.ই., ওস্ত্রেলিয়া অমদি জর্মনী য়াওনা লৈবাক ২০ হেনবগী মালেমগী মীয়াম্না ওন্লাইন্দা শরুক য়াবগা লোয়ননা সি.এক্স.ও. ৩০০ হেনবনা হকথেংননা শরুক য়াখি। থৌরম অসিদা মপান লৈবাক্কী য়ুনিভর্সিতীশিংগী ভাইস-চাঞ্ছেলরশিং অমদি মপান লৈবাক্কী এম্বেসীশিংগী মীহুশিংসু শরুক য়াখি।
आज भारत की Growth Story ने दुनिया को दिखाया है कि... pic.twitter.com/mICUFPGPxA
— PMO India (@PMOIndia) December 9, 2023
India - A ray of hope for the world. pic.twitter.com/CNJoTU6vme
— PMO India (@PMOIndia) December 9, 2023
हम GIFT City को New Age Global Financial and Technology Services का Global Nerve Centre बनाना चाहते हैं: PM @narendramodi pic.twitter.com/w6bebrBbcU
— PMO India (@PMOIndia) December 9, 2023
India is one of the fastest growing FinTech markets in the world today. pic.twitter.com/OGuGu7szZn
— PMO India (@PMOIndia) December 9, 2023
India is a country with deep democratic values, and a historical tradition of trade and commerce.
— PMO India (@PMOIndia) December 9, 2023
The most diverse range of opportunities exists for every investor in India. pic.twitter.com/Y2N0sjHxvr
