প্রধান মন্ত্রী, শ্রী নরেন্দ্র মোদীনা ঙসি ‘অর্বান দিবেলপমেন্ত ৱিথ ফোকস ওন প্লান্নিং’ হায়বা হীরমদা বজেৎ মতুংগী ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী মঙাশুবনি।
থৌরম অদুদা ৱা ঙাংলদুনা প্রধান মন্ত্রীনা নীংতম্বা ফংলবা মতুং ফাওবা লৈবাক্কী প্লান তৌবা সহর অমা নত্ত্রগা অনি খক্তমক শেমগৎলমখি হায়না নীংঙমদবা ফোঙদোকখি। মহাক্না হায়খি মদুদি নীংতম্লবা মতুং চহি ৭৫ অসিদা প্লান তৌরবা সহর ৭৫ শেমগৎলম্বা তারবদি ঙসি মালেমদা ভারতনা কল্লিবা মফম অসি চাউনা খেন্নরম্বা য়াই। প্রধান মন্ত্রীনা নৌহৌনা ফোঙদোকখি মদুদি ২১শুবা চহিচাদা ভারতনা খোঙজেল য়াংনা খুমাং চাউশিল্লিবা ফীভম অসিদা নীংথিনা প্লান তৌবা সহরশিং অসি খ্বাইদগী মথৌ তাই। অনৌবা সহরশিং শেমগৎপা অমসুং হান্নগীশিংদা ফংহল্লিবা সর্ভিসশিং মতমগা চুনবা ওইহনবা হায়বা অসি অর্বান দিবেলপমেন্তগী মরু ওইবা হীরম অনিনি হায়না ফোঙদোক্লদুনা প্রধান মন্ত্রীনা লৈবাক্কী বজেৎ খুদিংমক্তা অর্বান দিবেলপমেন্ত অসি মরু ওই হায়খি। মহাক্না হায় অর্বান দিবেলপমেন্তগী স্তেন্দর্দশিংগীদমক চহি অসিগী বজেৎতা লুপা করোর ১৫,০০০গী ইনসেন্তিব লাউথোকখি অমসুং মসিনা অর্বানাইজেসনগী প্লান তৌবদা শাহৌ পীগনি হায়না থাজবা ফোঙদোকখি।
প্রধান মন্ত্রীনা অর্বান দিবেলপমেন্তদা প্লান্নিং অমসুং গভর্নান্সকী মরু ওইবা থৌদাং অদু নৌহৌননা ফোঙদোকখি। মহাক্না হায়খি মদুদি সহরশিং নীংথিনা প্লান তৌদবা নত্ত্রগা প্লান্নিং তৌরবা মতুং নীংথিনা ইম্প্লিমেন্তেসন তৌবা ৱাৎপনা ভারতকী চাউখৎ-খোঙচৎতা চাউনা শীংনবশিং পীগনি। মহাক্না স্পাসিএল প্লান্নিং, ত্রান্সপোর্ত প্লান্নিং, অমসুং অর্বান ইনফ্রাস্ত্রকচরগী লমশিংদা অকনবা মীৎয়েং চংবা মওং অমদা থবক তৌবা মথৌ তাই হায়না ফোঙদোকখি। মহাক্না ৱেবিনারদা শরুক য়ারিবশিংদা মপুং ওইবা ৱাহং অহুমদা মীৎয়েং চংনবা হায়খি মখোয় অদুদি রাজ্যশিংদা করম্না অর্বান প্লান্নিং ইকোসিস্তেম শক্তি কনখৎহনগনি, অর্বান প্লান্নিংদা প্রাইবেৎ সেক্তরদা লৈরিবা এক্সপর্তিস করম্না নীংথিনা শীজিন্নগনি অমসুং অরোইবদা অর্বান প্লান্নিংবু অনৌবা থাক্তা পুখৎকদবা সেন্তর ওফ এক্সিলেন্স অমা করম্না দিবেলপ তৌগনি হায়বা অসিনি। মহাক্না রাজ্য সরকারশিং অমসুং অর্বান লোকেল বোদী পুম্নমক্না প্লান তৌবা অর্বানগী মফমশিং শেমগৎলবা খক্তদা চাউখৎপা লৈবাক অমগীদমক শরুক তম্বা ঙমগনি হায়না ফোঙদোকখি। প্রধান মন্ত্রীনা হায়, “অমৃতকালদা ঐখোয়গী সহরশিংগী লাইবক অসি অর্বান প্লান্নিংনা লেপকনি অমসুং ভারতকী লাইবক অসি নীংথিনা প্লান তৌরবা সহরশিং খক্তনা লেপ্পা ঙমগনি”। মহাক্না মখা তারদুনা হায় মদুদি ঐখোয়গী সহরশিং অসি নীংথিনা প্লান্নিং তৌরবা খক্তদা ক্লাইমেৎ রেজিলিএন্ত অমসুং ৱাতর সেক্যুর ওইহনবা ঙমগনি।
প্রধান মন্ত্রীনা এক্সপর্তশিংদা ইন্নোভেতিব আইদিয়াশিং পুথোক্নবা হায়খি অমসুং মখোয়না জি.আই.এস.-বেজ মাস্তর প্লান্নিং, প্লান্নিং তুলশিংগী তোঙান-তোঙানবা মখলশিং দিবেলপ তৌবা, অফবা হ্যুমেন রিসোর্সশিং অমসুং কেপাসিতী বিল্দিং অসিগুম্বা লমশিংদা লৌবা য়াবা থৌদাং অদু ফোঙদোকখি। মহাক্না হায় মখোয়গী এক্সপর্তিস অসি অর্বান লোকেল বোদীশিংনা মথৌ তাগনি মসিনা খুদোংচাবা কয়ামরুম শেমগৎহনগনি।
প্রধান মন্ত্রীনা ত্রান্সপোর্ত প্লান্নিং অসি সহরশিং শেমগৎনবগী মরু ওইবা য়ুম্বী অমনি অমসুং ঐখোয়গী সহরশিংগী মোবিলিতী অসি অপনবা পীরোইদবনি হায়খি। ২০১৪গী মমাংদা লৈবাক অসিদা ওইরম্বা মেত্রো কন্নেক্তিবিতীগী ফীভমগী মতাংদা পল্লদুনা প্রধান মন্ত্রীনা হায় হৌজিক পাল্লিবা সরকারনা সহর কয়াদা মেত্রো রেল লাকহন্নবা থবক তৌখি অমসুং মেত্রো নেৎৱার্ক কন্নেক্তিবিতীদা লৈবাক কয়াদগী মাংজিল থারি। মহাক্না মেত্রো নেৎৱার্ক মপাঙ্গল কনখৎহনবা অমসুং ফার্স্ত অমসুং লাস্ত-মাইল কন্নেক্তিবিতী পীবা মথৌ তাই হায়খি। মহাক্না হায় সহরশিংদা লম্বী পাকথোকপাঈ ৱাংখৎহনবা অমসুং জঙ্কসনশিং ফগৎহনবা অসি ত্রান্সপোর্ত প্লান্নিংগী শরুক ওইহনখি।
বেত্তরী ৱেস্ত, ইলেক্ত্রিকেল ৱেস্ত, ওতোমোবাইল ৱেস্ত, তায়রশিং অসিগুম্বা ম্যুনিসিপাল ৱেস্ত অমসুং কম্পোস্ত শাবদা শীজিন্নবা ৱেস্ত অসি নুমিৎ খুদিংগী ঐখোয়গী লৈবাক্তা তন লিশিং কয়া পুথোকই হায়না ফোঙদোক্লদুনা প্রধান মন্ত্রীনা হায়, “ভারতনা সর্ক্যুলর ইকনোমী অসি অর্বান দিবেলপমেন্তগী মরু ওইবা য়ুম্ফম অমা ওইহল্লি”। মহাক্না হায় ২০১৪দা ৱেস্তকী চাদা ১৪-১৫ খক্তা প্রোসেস তৌরম্বা অদুগা চাংদম্নবদা ঙসিদি চাদা ৭৫ তৌবা ঙম্লে। মহাক্না হায়খি মদুদি ভারতকী সহরশিংগী চীদাইশিং অসি করিগুম্বা খোঙথাং মাংজৌননা লৌখৎতবা তারবদি অমোৎ-অকাইনা চীংগুম্না পৈগনি। প্রধান মন্ত্রীনা ৱেস্ত প্রোসেসিং তৌদুনা অমোৎ অকাইগী মপৈ কয়া সহরশিংদগী লৌথোক্নবা থবক পাইখৎলি হায়খি অমসুং মসিনা ইন্দস্ত্রী কয়াগীদমক রিসাইক্লিং অমসুং সর্ক্যুলরিতীগী খুদোংচাবশিংনা থল্লবা লম্বী অমা হাংদোক্লগনি। মহাক্না লম অসিদা থবক তৌরিবা স্তার্তঅপশিংদা মতেং পীবীনবসু হায়খি। মহাক্না ইন্দস্ত্রীশিংনা ৱেস্ত মেনেজমেন্তগী পোতেন্সিএল অদু য়ারিবা মখৈ পুথোক্কদবনি অমসুং অমরুৎ স্কিম মাইপাক্লবা মতুংদা সহরশিংদা অফবা থক্নবা ঈশিং পীনবা অমরুৎ ২.০ হৌদোকখি। প্রধান মন্ত্রীনা ঈশিং অমসুং সিৱেজকী ত্রেদিস্নেল মোদেলগী মাংওইননা প্লান্নিং তৌনবা হায়খি অমসুং শীজিন্নরবা ঈশিং অসি ত্রীৎমেন্ত তৌদুনা সহর খরদা ইন্দস্ত্রিএলগী শীজিন্ননবা থাখি হায়না ফোঙদোকখি।
তায়র ২ অমসুং তায়র ৩গী সহরশিংদা অর্বান ইনফ্রাস্ত্রকচর অমসুং প্লান্নিং তৌবদা ইনভেস্তমেন্ত তৌবা হেনগৎহনবগী মথৌ তাবা অদি ফোঙদোক্লদুনা প্রধান মন্ত্রীনা হায়খি, “অনৌবা সহরশিং অসি গার্বেজ-ফ্রী, ৱাতর সেক্যুর অমসুং ক্লাইমেৎ-রেসিলিএন্ত ওইহনগদবনি”। প্রধান মন্ত্রীনা হায়খি মদুদি ঐখোয়গী তুংলমচৎকী সহরশিং অসি আর্কিতেকচর, জিরো দিসচার্জ মোদেল, ইনর্জীগী নেৎ পোজিতিবিতী, লম শীজিন্নবদা হৈ-শীংবা, ত্রাঞ্জিৎ কোরিদোরশিং অমসুং পব্লিক সর্ভিসশিংদা এ.আই. শীজিন্নবা অসিগুম্বা পেরামিতরশিংনা মশক তাক্কদবনি। মহাক্না অর্বান প্লান্নিংগী শরুক ওইনা শান্নবুংশিং অমসুং অঙাংশংগী সাইজল থৌনবা লম্বেলশিং থম্বা মথৌ তাই হায়খি।
প্রধান মন্ত্রীনা হায়খি, “সরকারনা শেম্লিবা প্লান অমসুং পোলিসীশিং অসিনা সহরগী মীয়ামগী পুন্সি লাইথোকহনবা খক্তা নত্তনা মখোয় মশাগী চাউখৎ খোঙচৎতসু মতেং পাংবা ঙম্বা ওইগদবনি”। মহাক্না সরকারনা চহি অসিগী বজেৎতা পি.এম.-আৱাস য়োজনাগীদমক লুপা করোর ৮০,০০০ চাদিং তৌনবা লৌখিবা ফিরেপ অদু পাউদম্লদুনা হায় সিমেন্ত, স্তীল, পেন্ত অমসুং ফর্নিচরগী ইন্দস্ত্রীশিংনা য়ুম অমা শাবা খুদিং শাহৌ ফংলগনি। অর্বান দিবেলপমেন্তগী লমদা ফ্যুচরিস্তিক তেক্নোলোজীনা লৌরিবা থৌদাং হেনগৎলক্লিবা অসিগী মতাংদা পল্লদুনা প্রধান মন্ত্রীনা স্তার্তঅপশিং লোয়ননা ইন্দস্ত্রীদা মাইকৈ অসিদা ৱাখল পুথোক্তুনা থবক থুনা হৌনবা হায়খি। লোইশিনবদা প্রধান মন্ত্রীনা হায়খি, “ঐখোয়না লৈরিবা অসিদগী ওইথোকপা য়াবশিংগী খুদোংচাবা লৌগদবনি অমসুং অনৌবা ওইথোকপা য়াবশিং পুথোক্কদবনি। সস্তেনেবল হাউস তেক্নোলোজীদগী সস্তেনেবল সিতীশিং ফাওবদা ঐখোয়না অনৌবা সোল্যুসনশিং পুথোক্কদবনি”।
With India urbanising rapidly, it is important to build infrastructure that is futuristic. pic.twitter.com/JTa6iUnqI6
— PMO India (@PMOIndia) March 1, 2023
Three focus areas for urban planning and development... pic.twitter.com/2pIB6uXEuZ
— PMO India (@PMOIndia) March 1, 2023
अमृतकाल में Urban Planning ही हमारे शहरों का भाग्य निर्धारित करेगी। pic.twitter.com/vFEWXiR6Yc
— PMO India (@PMOIndia) March 1, 2023
Encouraging circular economy. pic.twitter.com/ye63rnrvZZ
— PMO India (@PMOIndia) March 1, 2023
