প্রধান মন্ত্রী, শ্রী নরেন্দ্র মোদীনা ‘হেল্থ এন্দ মেদিকেল রিসর্চ’ হায়বা হীরমদা বজেৎ মতুংগী ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী মাপল শুবনি।
থৌরম অসিদা ৱা ঙাংলদুনা প্রধান মন্ত্রীনা হায়খি মদুদি হেল্থ কেয়র অসি কোবিদ লাইচৎকী মমাং অমদি মতুংগী সিস্তেমশিংদা মীৎয়েং থম্বা য়াই। মহাক্না হায়খি লাইচৎনা চাউখৎলবা লৈবাকশিং ফাওবা চাংয়েং তৌখি। মহাক্না হায়খি লাইচৎনা মালেমগী মীৎয়েং অসি হকশেলদা থমহনখি, ভারতনা খোঙকাপ অমা ময়ামদগী হেনগৎনা থাংদুনা হকচাং ফনা থম্বদা মীৎয়েং চংখি। মরম অসিনা ঐখোয়না মালেমগী মাংদা বিজন অমা মাংদা পুখৎখি – ৱান আর্থ ৱান হেল্থ। মসিদা জিবা পানবা পুম্নমক – মীওইবা, শা-ঙা নত্ত্রগা পাম্বীশিংগীদমক হোলিস্তিক হেল্থকেয়র য়াওরি।
প্রধান মন্ত্রীনা লাইচৎ মনুংদা সপ্লাই চেনগা মরী লৈননা তমশিনখিবা পরাশিং নৌহৌননা নীংশিংলদুনা হায়খি মদুদি মসি চাউনা মীৎয়েং চংগদবা ৱাফম অমা ওইরকখি। মহাক্না হীদাক-লাংথক, ভেক্সিনশিং অমসুং মেদিকেল দিভাইসশিংগুম্বা পুন্সি কন্নবা ইক্বিমেন্তশিং অসি লাইচৎ কন্না শন্দোরকপা মতমদা খুৎলাই ওইনা শীজিন্নখিবা অদু নুংঙাইতবা ফোঙদোকখি। প্রধান মন্ত্রীনা হায়খি মমাং চহিগী বজেৎতা সরকারনা মীরৈবাকশিংদা ভারতনা মীপাল তাংলিবা অসি হন্থহন্নবা লেপ্পা লৈতনা হোৎনখি অমসুং মসিদা স্তেকহোল্দর পুম্নমক্কী থৌদাংদা মীৎয়েং চংখি।
প্রধান মন্ত্রীনা নীংতম্বা ফংলবা মতুং দিকেদ কয়া হেল্থকীদমক ইন্তিগ্রেতেদ লোং-তর্ম বিজন অমা লৈরমখিদে হায়না ফোঙদোকখি। প্রধান মন্ত্রীনা হায়খি মদুদি ঐখোয়না হকশেলগী হীরম অসি শুপ্নগী হকশেল মন্ত্রালয় খক্তগী ওইহনবগী মহুৎ হোল-ওফ-দি-গভর্নমেন্ত এপ্রোচতা হৌজিক চংশিল্লি। আয়ুশ্মান ভারতকী খুত্থাংদা লায়রবা অনাবশিংনা স্কিম অসিগী মখাদা লেম্না লায়েংবা ফংজদুনা লুপা করোর লিশিং ৮০ তুংশিনবা ঙমখি হায়রদুনা প্রধান মন্ত্রীনা “অনা লায়েংদা শেল চংহনদবা হায়বা অসিদা ঐখোয়গী সরকারনা খ্বাইদগী মরু ওইবা মীৎয়েং চংখি” হায়না ফোঙদোকখি। হয়েং হায়বদি মার্চ ৭ অসি জন ঔশধি দিবস হায়না পালন তৌই হায়না ফোঙদোক্লদুনা প্রধান মন্ত্রীনা জন ঔশধি কেন্দ্র ৯০০০গী খুত্থাংদা অহোংবা মমলদা হীদাক-লাংথকশিং ফংহনবা অসিনা লৈবাক শিনবা থুংবদা লৈরিবা লায়রবা অমদি মিদল ক্লাসকী মীওইশিংগী লুপা করোর লিশিং ২০ রোম তুংশিনহনবা ঙমখি। হায়বদি শুপ্নগী স্কিম অনি খক্তনা প্রজাশিংগী লুপা করোর লাখ অমা তুংশিনবা ঙমহনখি হায়বনি।
প্রধান মন্ত্রীনা অরুবা অনাবশিং লায়েংনবা মপাঙ্গল কনবা হেল্থ ইনফ্রাস্ত্রকচর থম্বা মরু ওই হায়না ফোঙদোকখি। সরকারনা মরু ওইবা মীৎয়েং থম্লিবা অসিগী মতাংদা প্রধান মন্ত্রীনা তেস্তিং সেন্তরশিং অমসুং ফার্স্ত এদ ফংহন্নবগীদমক লৈবাক শিনবা থুংবদা লৈরিবা য়ুমশিংগী মনাক নকপদা হেল্থ সেন্তর লাখ ১.৫ হেন্না শাগৎলি হায়না ফোঙদোকখি। মহাক্না হায়খি দিবেতিস, কেন্সর অমসুং থমোয়গা মরী লৈনবা নুংঙাইতবশিং অসিগুম্বা অরুবা অনাবশিং স্ক্রিনিং তৌনবগীদমক সেন্তরশিং অসিদা ফেসিলিতীশিং অসিসু থমগনি। প্রধান মন্ত্রীনা হায়খি মদুদি ক্রিতিকেল হেল্থ ইনফ্রাস্ত্রকচর অসি পি.এম.-আয়ুশ্মান ভারত হেল্থ ইনফ্রাস্ত্রকচর মিসনগী মখাদা অপীকপা সহর অমদি খুঙ্গংশিংদা ফংহল্লি মসিনা অনৌবা হোস্পিতালশিং শাগৎহনবা খক নত্তনা অনৌবা অমদি মপুং ফাবা হেল্থ ইকোসিস্তেম অমা ফংহল্লি। মরম অসিনা প্রধান মন্ত্রীনা হায়খি হেল্থ ওন্তপ্রিনোরশিং, ইনভেস্তরশিং অমসুং প্রোফেস্নেলশিংগীদমক খুদোংচাবা কয়া ফংহনখি।
সেক্তর অসিদা লৈরিবা হ্যুমেন রিসোর্সশিংগী মতাংদা প্রধান মন্ত্রীনা হায়খি মদুদি হৌখিবা চহি খরা অসিদা অনৌবা মেদিকেল কোলেজ ২৬০ হেন্না হাংদোকখি। মসিনা ২০১৪গা চাংদম্নবদা গ্রেজুএৎ অমসুং পোস্তগ্রেজুএৎ মেদিকেল কোর্সশিংগী মেদিকেল সীৎশিং শরুক অনি হেনগৎহনখি। প্রধান মন্ত্রীনা চহি অসিগী বজেৎতা নর্সিং ফিল্দদা মীৎয়েং থমখি হায়খি। মহাক্না মখা তারদুনা হায়, “মেদিকেল কোলেজশিংগী মনাক নকপদা নর্সিং কোলেজ ১৫৭ হাংদোকপা অসি মেদিকেল হ্যুমেন রিসোর্সশিংগী মাইকৈদা থাংজিনবা অচৌবা খোঙথাং অমনি। মসিনা দোমেস্তিক্কী মথৌ তাবা খক নত্তনা গ্লোবেল দিমান্দ থুংহনবদা কান্নরগনি”।
প্রধান মন্ত্রীনা মেদিকেল সর্ভিসশং এক্সেসিবল অমসুং এফোর্দেবক ওইহনবদা তেক্নোলোজীনা লৌরিবা থৌদাংগী মতাংদা ফোঙদোকখি অমসুং সেক্তর অসিদা তেক্নোলোজী ইমপ্লিমেন্ত তৌনবা সরকারনা মীৎয়েং চংলি হায়খি। মহাক্না হায়, “দিজিতেল হেল্থ আই.সি.গী খুদোংচাবগী খুত্থাংদা প্রজাশিংদা মতম চানা হেল্থ কেয়র ফংহনবা ঐখোয়না পাম্মি। ই-সঞ্জীবানিগুম্বা স্কিমশিংগী খুত্থাংদা তেলিকনসল্তেসননা মীওই করোর ১০দা কান্নবা ফংহনখি”। ৫জিনা স্তার্তঅপশিংগীদমক সেক্তর অসিদা অনৌবা খুদোংচাবশিং পীরি। দ্রোনশিংনা মেদিসিন দেলিভরী অমসুং তেস্তিং সর্ভিসশিংদা অচৌবা অহোংবশিং পুরক্লি। ওন্তপ্রিনোরশিংদা তেক্নোলোজী অমত্তা ইম্পোর্ত তৌদনবা ফোঙদোক্লদুনা মহাক্না হায়মহাক্না হায়খি, “মসি ওন্তপ্রিনোরশিংগীদমক অচৌবা খুদোংচাবা অমনি অমসুং য়ুনিভর্সেল হেল্থকেয়রগীদমক ঐখোয়গী খোঙথাংশিংদা শাহৌ অমা পীরগনি”। প্রধান মন্ত্রীনা হীরম অসিদা মথৌ তাবা ইন্সতিত্যুস্নেল রেস্পোন্সকী মতাংদা থমখি। মহাক্না মেদিকেল দিভাইস সেক্তরদা লৈরিবা অনৌবা স্কিমসিংগী মতাংদা ফোঙদোকখি। মহাক্না বল্ক দ্রগ পার্কশিং, মেদিকেল দিভাইস পার্কশিং, পি.এল.আই. স্কিমশিংদা করোর লিশিং ৩০ হেনখিবগী মতাংদা পনখি অমসুং হৌঝিবা চহি খরা অসিদা মেদিকেল দিভাইসশিংদা গ্রোথ চাদা ১২-১৪ উবা ফংখি হায়খি। মহাক্না হায়খি মার্কেৎ অসি লাক্কদৌরিবা চহিশিংদা লুপা করোর লাখ ৪ য়ৌরগনি। প্রধান মন্ত্রীনা হায়খি মদুদি ভারতনা তুংলমচৎকী মেদিকেল তেক্নোলোজী অমসুং হায়-এন্দ মেন্যুফেকচরিং এন্দ রিসর্চকীদমক স্কিল্দ মেনপাৱর পুথোক্নবা থবক তৌখি। মহাক্না হায়খি আই.আই.তি.গুম্বা ইন্সতিত্যুসনশিংদা বাইওমেদিকেল ইঞ্জিনীয়রিংগুম্বা কোর্সশিং হাংলি। মহাক্না শরুক য়ারিবশিংদা ইন্দস্ত্রী-একাদেমিয়া অমসুং গভর্নমেন্ত কোল্লাবোরেসনগী লম্বীশিং থীদোক্নবা হায়খি।
ভারতকী ফার্মা সেক্তরদা মালেম্না থাজবা থম্বা হেনগৎলক্লিবা অসিগী মতাংদা প্রধান মন্ত্রীনা মসিদা কেপিতেলাইজ তৌবা অমসুং মসিগী মীংচৎ অসি ঙাক্নবা মাইকৈদা থবক তৌবগী মথৌ তাই হায়না ফোঙদোকখি। মহাক্না হায়খি মদুদি সেন্তর ওফ এক্সিলেন্সকী খুত্থাংদা ফার্মা সেক্তরদা রিসর্চ অমসুং ইন্নোভেসন শাহৌ পীনবা অনৌবা প্রোগ্রাম অমা লোঞ্চ তৌখি, মসিনা শেন্মীৎলোন মপাঙ্গল কনখৎহনবগা লোয়ননা থবক্কী অনৌবা খুদোংচাবশিং পীরগনি। প্রধান মন্ত্রীনা হায়খি, “ভারতকী ফার্মা সেক্তরগী মার্কেৎ সাইজ অসি ঙসি করোর লাখ ৪ ওইরে”। মহাক্না প্রাইবেৎ সেক্তর অমসুং একাদেমিয়াগী মরক্তা কোওর্দিনেসন তৌনবা মথৌ তাই মরমদি মসিনা মার্কেৎ সাইজ অসি করোর লাখ ১০ হেনহনবগী পোতেন্সিএল লৈ। প্রধান মন্ত্রীনা ফার্মা সেক্তরশিংনা ইনভেস্তমেন্তগীদমক মরু ওইবা লমশিং মশক খঙদোক্নবা অপাম্বা ফোঙদোকখি। সেক্তর অসিদা রিসর্চ হেনগৎহন্নবা সরকারনা লৌখৎলিবা খোঙথাং কয়ামরুমগী মতাংদা পল্লদুনা প্রধান মন্ত্রীনা রিসর্চ ইন্দস্ত্রীগীদমক আই.সি.এম.আর.না অনৌবা লেব কয়া হাংদোকখি।
শ্রী মোদীনা প্রিভেন্তিব হেল্থকেয়রদা লৌখৎলিবা সরকারগী খোঙথাংশিংনা পীরিবা কান্নবা অদু থমখি। মহাক্না লুনানবগী স্বচ্ছ ভারত অভিয়ান, মৈখুগা মরী লৈনবা লাইনাশিংগী উজ্জ্বলা স্কিম, ঈশিংনা থোকহনবা লাইনাশিং লাকশিন্নবা জল জীবন মিসন অমসুং নেস্নেল পোশন মিসন্না এনেমিয়া অমসুং মালন্যুত্রিসন কোকহল্লি হায়না ফোঙদোকখি। মহা্না ইন্তর্নেস্নেল ইয়র ওফ মিল্লেৎসতা মিল্লেৎশিং – শ্রী অন্নগী থৌদাংগী মতাংদা ফোঙদোকখি। মতৌ অসুম্না পি.এম. মত্রু বন্দনা য়োজনা, মিসন ইন্দ্রধনুশ, য়োগ, ফিৎ ইন্দিয়া মুফমেন্ত, অমসুং আয়ুর্বেদনা লাইনাশিংদগী মীওই কয়া ঙাকথোক্লি। ভারত্তা দবল্যু.ঐচ.ও.গী লমজিং মখাদা গ্লোবেল সেন্তর ফোর ত্রেদিস্নেল মেদিসিন লিংখৎখিবগী মতাংদা প্রধান মন্ত্রীনা আয়ুর্বেদতা ইভিদেন্স-বেজ রিসর্চকীদমক মহাক্না হায়জখিবা অদু নৌহৌননা নীংশিংখি।
শ্রী মোদীনা সরকারনা মোদর্ন মেদিকেল ইনফ্রাস্ত্রকচরদগী মেদিকেল হ্যুমেন রিসোর্সশিংগী মতাংদা লৌখৎলিবা খোঙথাংশিংগী মতাংদা ফোঙদোক্লদুনা হায় মদুদি অনৌবা তৌবা ঙম্বশিং অসি মাগী প্রজাশিংগী শুপ্নগী হেল্থ ফেসিলিতীশিংদা লোইশিনদে মসিনা ভারতপু মালেমগী খ্বাইদগী পুক্নিং চীংশিন্নীংঙাই ওইবা মেদিকেল তুরিজম দেস্তিনেসন অমা ওইহন্নবা পান্দম থমখি। মহাক্না হায়খি মদুদি মেদিকেল তুরিজম অসি ভারতকী য়াম্না চাউবা সেক্তর অমনি অমসুং লৈবাক অসিগী থবক পীনবা অচৌবা মিদিয়ম অমা ওইরক্লি।
ৱারোল পীবা লোইশিনবদা প্রধান মন্ত্রীনা সবকা প্রয়াসকা লোয়ননা ভারত্তা চাউখৎলবা হেল্থ অমসুং ৱেলনেস ইকোসিস্তেম অমা শেমগৎপা ঙমগনি অমসুং স্তেকহোল্দর পুম্নমক্না মখোয়গী মমল য়াম্লবা সজেসনশিং পীবীরক্নবা অকনবা ৱাফম থমখি। মহাক্না শরুক য়ারিবশিংদা হায়খি, “ঐখোয়না অকক্নবা রোদমেপ অমগা লোয়ননা ৱারেপ লৌখিবা পান্দমশিংগীদমক অকক্নবা মতমগী মনুংদা বজেৎ প্রোবিজনশিং ইমপ্লিমেন্ত তৌবা ঙমগনি। স্তেকহোল্দর পুম্নমক্কা লোয়ননা মথংগী বজেৎকী মমাংদা মঙলানশিং অসি মঙফাওনবা ঙমহনবদা নখোয়গী এক্সপরিয়েন্সকী কান্নবা অদু মথৌ তাগনি”।
भारत की अप्रोच सिर्फ HealthCare तक ही सीमित नहीं बल्कि हम एक कदम आगे बढ़कर Wellness के लिए काम कर रहे हैं। pic.twitter.com/bxGl4aQt71
— PMO India (@PMOIndia) March 6, 2023
We have not limited healthcare sector to the Health Ministry, but have emphasized on 'Whole of the Government' approach. pic.twitter.com/1sDz8X8wCp
— PMO India (@PMOIndia) March 6, 2023
भारत में इलाज को affordable बनाना हमारी सरकार की सर्वोच्च प्राथमिकता रही है। pic.twitter.com/sCdX6JkA49
— PMO India (@PMOIndia) March 6, 2023
सरकार का एक प्रमुख फोकस इस बात पर है कि लोगों को घर के पास ही testing की सुविधा मिले, प्राथमिक उपचार की बेहतर सुविधा हो। pic.twitter.com/e7Mn44VUwp
— PMO India (@PMOIndia) March 6, 2023
हमारा फोकस health sector में technology के अधिक से अधिक प्रयोग पर है। pic.twitter.com/q5UelnC7MA
— PMO India (@PMOIndia) March 6, 2023
The way India's pharma sector has gained trust of the whole world during Covid pandemic is unprecedented. pic.twitter.com/JV1zn7m2H0
— PMO India (@PMOIndia) March 6, 2023
