“লচিৎ বোর্ফুকানগী পুন্সিনা লৈবাক নীংবা অমসুং লৈবাক্কী পাঙ্গলগী ইথিল ওইরি”
“দবল ইঞ্জিন সরকারনা সবকা সাথ সবকা বিকাস, সবকা বিশ্বাস অমসুং সবকা প্রয়াসকী ৱাখল্লোনগা লোয়ননা থবক পায়খৎলি”
“অমৃত সরোবরগী প্রোজেক্ত অসি মীয়াম্না শরুক য়াবদা মপুং ফানা ইয়ুম্ফম ওইবনি”
“অৱাং নোংপোক্তা ইং ২০১৪দগী হৌরগা খুদোংচাদবা কয়া হন্থরক্লি অমসুং চাউখৎ-থৌরাংগী থবক পাংথোক্লি”
“ইং ২০২০গী বোরো এক্কোর্দনা মতম পুম্বদা শান্তি লৈবগী থোঙ হাংখ্রে”
হৌখিবা চহি ৮গী মনুংদা শান্তি লৈরকখিবা অমসুং লো অমসুং ওর্দরগী ফিভম ফগৎলখিবদগী, ঐখোয়না অৱাং নোংপোক্কী মফম কয়াদগী AFSPA লৌথোকখি”
“অসম অমসুং মেঘালয়গী মরক্তা য়াশিন্নবা পুরকখিবনা অতোপ্পা হীরম কয়াগী পুক্নিং থৌগৎলগনি। মসিনা অপুনবা লমদম অসিগী চাউখৎ-থৌরাংগী মঙলান্দা অনৌবা শাফু পীরগনি”
হৌখিবা দিকেদশিংদা পাংথোকপা ঙমখিদ্রবা চাউখৎ-থৌরাংগী থবকশিংবু ঐখোয়না পুন্দুনা মেনখৎমিন্নগদবনি”

প্রধান মন্ত্রীনা ঙসি কার্বী আংলোং জিলাগী দিফুদা পাংথোকপা ‘শান্তি লৈবা, অমত্তা ওইবা অমসুং চাউখৎ-খোঙথাংগী রেল্লী’দা ৱা ঙাংখ্রে। প্রধান মন্ত্রীনা থৌরম অসিগী মনুংদা ভেতেরিনরী কোলেজ (দিফু), দিগ্রী কোলেজ (নোংচুপ কার্বী আংলোং) অমসুং এগ্রিকলচরেল কোলেজ (কোলোঙ্গা, নোংচুপ কার্বী আংলোন)গী উরেপ উয়ুং তমখি। মসিগী লুপা করোর ৫০০ হেনবগী প্রোজেক্তশিং অসিনা লমদম অসিগী স্কিলিং অমসুং থবক পীবগী অনৌবা খুদোংচাবা কয়া পীগনি। প্রধান মন্ত্রীনা অমৃত সরোবর প্রোজেক্ত ২৯৫০ হেনবগীসু উরেপ উয়ুং তমখি। হায়রিবা অমৃত সরোবর প্রোজেক্তশিং অসিবু রাজ্যনা লুপা করোর ১১৫০গী অপুনবা শেনফম চঙনা পায়খৎকনি। অসমগী রাজ্যপাল, শ্রী জগদিশ মুখী অমসুং মুখ্য মন্ত্রী, হিমন্তা বিস্বা সর্মসু থৌরম অসিদা শরুক য়াখি।

প্রধান মন্ত্রীনা থৌরম অসিদা ৱা ঙাংবদা কার্বী আংলোংগী মীয়াম্বু মহাকপু ত্রাম্না ওকপীবগীদমক্তা থাগৎপা ফোংদোকখি। লৈবাক অসিগী নীংতম্বগী অমৃত মহোৎসবকা অসমগী শক্নাইরবা মচানুপা লচিত বোর্ফুকানগী ৪০০শুবা মপোক কুমওনগা পুন্না তামিন্নবগী নুংঙাইরবা তান চাবা অসিগী মতাংদা মহাক্না পনখি। “লচিৎ বোর্ফুকানগী পুন্সিনা লৈবাক নীংবা অমসুং লৈবাক্কী পাঙ্গলগী ইথিল ওইরি। কার্বী আংলোংগী অসিগুম্বা লৈবাক্কী অথৌবসিগী মফমদা ঐহাক্না ইকায় খুম্নজরি”, হায়না প্রধান মন্ত্রীনা হায়খি।

প্রধান মন্ত্রীনা দবল ইঞ্জিন সরকারনা সবকা সাথ সবকা বিকাস, সবকা বিশ্বাস অমসুং সবকা প্রয়াসকী ৱাখল্লোনগা লোয়ননা থবক পায়খৎলি হায়না ফোংদোকখি। “ঙসিদি, মসিগী ৱারেপ অসি কার্বী আংলোংগী লমদম অসিদা অমুক্কা হন্না মপাঙ্গল হাপ্লে। অসম লমদমগী শান্তি লৈনবা অমসুং খোঙজেল য়াঙনা চাউখৎহন্নবগীদমক্তা য়ানবা পুরকখিবা খুদিংমক, থবক ওইনা হৌজিক য়াম্না কন্না পায়খৎলি”, হায়না মহাক্না মখা তাখি।

সরোবর ২৬০০ হেন্না শাবগী থবক কয়া ঙসি হৌরে হায়না প্রধান মন্ত্রীনা ফোংদোকখি। মসিগী প্রোজেক্ত অসিদি মীয়াম্না শরুক য়াবদা মপুং ওইনা য়ুম্ফম ওইবনি হায়না মহাক্না অহেনবা মিৎয়েং চঙখি। মহাক্না ত্রাইবেল খুন্নাইশিংদা অসিগুম্বা সরোবরশিং অসিগী নীংথিরবা চৎনবী লৈ হায়না শকখঙখি। মসিনা খুঙ্গংশিংদা ঈশিং মরাং কায়হনবতা নত্তনা শেল তানবগী পাম্বৈ অমসু ওইগনি হায়বগী মহাক্না থাজবা ফোংদোকখি।

প্রধান মন্ত্রীনা অৱাং নোংপোক্তা ইং ২০১৪দগী হৌরগা খুদোংচাদবা কয়া হন্থরক্লি অমসুং চাউখৎ-থৌরাংগী থবক পাংথোক্লি হায়বা ৱাফম থমখি। “ঙসিদি, অসমগী ত্রাইবেলগী লমদমদা কনাগুম্বা অমনা লাকপদা, অৱাং নোংপোক্কী অতোপ্পা রাজ্যশিংদা চৎপদা হোংলক্লিবা ফিভমশিং উরুবদা য়াম্না নুংঙাইবা ফাওনরি”, হায়না মহাক্না হায়খি। মমাংগী চহিদা পাংথোকখিবা শান্তি লৈহন্নবা অমসুং চাউখৎপা পুরকপগী খোঙথাংশিংদা কার্বী আংলোংগী লুপ কয়া মনুং চলহনখিববু প্রধান মন্ত্রীনা ঙসি নীংশিংখি। ইং ২০২০গী বোরো এক্কোর্দনা মতম পুম্বদা শান্তি লৈবগী থোঙ হাংখ্রে। মান্নবা ওইনা, ত্রিপুরাদসু এন.এল.এফ.তি.না শান্তিগী মাইকৈদা খোঙ থাংজিল্লি হায়না প্রধান মন্ত্রীনা হায়খি। চাউরাক্না দিকেদ অনি মখায়দগী লৈরক্লিবা ব্রু-রিয়াংগী শিংনবগী ৱারোইশিনসু হৌজিক পুরক্লে হায়না মহাক্না মখা তাখি। অৱাং নোংপোক্কী রাজ্য কয়াদা আর্ম্দ ফোর্স স্পিসিএল পাৱর্স এক্ত (এ.এফ.এস.পি.এ.) মতম কয়াদগী লৈরক্লি হায়না প্রধান মন্ত্রীনা পনখি। “অদুবু, হৌখিবা চহি ৮গী মনুংদা শান্তি লৈরকখিবা অমসুং লো অমসুং ওর্দরগী ফিভম ফগৎলখিবদগী, ঐখোয়না অৱাং নোংপোক্কী মফম কয়াদগী এ.এফ.এস.পি.এ. লৌথোকখি”, হায়না প্রধান মন্ত্রীনা হায়খি। সবকা সাথ, সবকা বিকাসকী ৱাখল্লোনগা লোয়ননা, ঙসিদি, ঙমখৈগা মরী লৈনবা হীরম কয়াগী ৱারোইশিন থিবগী থৌওং পাংথোক্লি হায়না মহাক্না পনখি। “অসম অমসুং মেঘালয়গী মরক্তা য়াশিন্নবা পুরকখিবনা অতোপ্পা হীরম কয়াগী পুক্নিং থৌগৎলগনি। মসিনা অপুনবা লমদম অসিগী চাউখৎ-থৌরাংগী মঙলান্দা অনৌবা শাফু পীরগনি”, হায়না প্রধান মন্ত্রীনা অহেনবা মিৎয়েং চঙখি।

প্রধান মন্ত্রীনা ত্রাইবেল খুন্নাইগী ইনাক খুল্লবা নাৎকী হেরিতেজকী মতাংদা পল্লদুনা অসুম্না হায়খি, “ত্রাইবেলগী খুন্নাইগী সংস্কৃতী, মফমসিগী লোল, চাকচা-য়ুথক, কলা, হেন্দিক্রাফ, অসিগুম্বা ময়াম অসি হিন্দুস্তানগী নীংথিরবা হেরিতেজনি। হীরমশিং অসিদা অসমসু য়াম্না মশক থোকই। সংস্কৃতীগী মগুন চেল্লবা অসিগুম্বা হেরিতেজনা ভারতপু অমত্তা ওইনা পুল্লি, এক ভারত, শ্রেস্থ ভারতকী ৱাখল্লোনবু মপাঙ্গল হেন্না হাপ্লি”।

প্রধান মন্ত্রীনা কার্বী আংলোংনা নীংতম্বগী অমৃত কালগী মতমসিদা তংদু লৈতাবা অমসুং চাউখৎপা তুংগী মতম অমা মাইকৈদা খোঙদারি হায়খি। ঐখোয়না হৌজিক তুং হন্দুনা য়েংগদবা নত্ত্রে। হৌখিবা দিকেদশিংদা পাংথোকপা ঙমখিদ্রবা চাউখৎ-থৌরাংগী থবকশিংবু ঐখোয়না লাক্কদৌরিবা চহি খরসিদা পুন্দুনা মেনখৎমিন্নগদবনি হায়না মহাক্না মখা তাখি। কেন্দ্রগী স্কিম কয়াবু সেবা তৌনীংবগী অশেংবা ৱাখল্লোনগা লোয়ননা থবক ওইনা পাংথোকপদা খোঙফম চেৎপগীদমক্তা অসম অমসুং অতোপ্পা রাজ্য সরকারবু প্রধান মন্ত্রীনা থাগৎপা ফোংদোকখি। ঙসিগী থৌরমসিদা মশিং য়াম্না থোক্লকখিবা নুপী ময়াম্বু প্রধান মন্ত্রীনা থাগৎখি অমসুং সরকারগী খোঙথাং খুদিংদা নুপীশিংগী থাক হেনগৎনবা, পুন্সি মহিং হেন্না নুংঙাইহন্নবা অমসুং মখোয়গী মশাগী ইকায় খুম্নবা হেনগৎহন্নবা লেপ্তনা মিৎয়েং চঙবগী ৱাফম্বু অমুক্কা হন্না পনখি।

অসমগী মীয়াম্না মহাকপু নুংশিবীবা অসিবু লমদমসিগী চাউখৎপা পুরক্নবা মহাক্না থৱাই য়াওনা অমসুং মশাবু কত্থোক্তুনা হোৎনদুনা লমন শিংগনি হায়বগী থাজবা পীদুনা প্রধান মন্ত্রীনা মহাক্কী ৱারোল লোইশিনখি।

প্রধান মন্ত্রীনা লমদম অসিগী শান্তি লৈবা অমসুং চাউখৎ-থৌরাংগী থৌওংশিংদা খোঙফম চেৎপগী মতৌ অসি ভারত সরকার অমসুং অসম সরকারগা লোয়ননা কার্বীগী লালহৌলুপ তরুক্কা হন্দক্তা মেমোরেন্দম ওফ সেত্তলমেন্ত (এম.ও.এস.)কী খুৎয়েক পীনখিবা অসিদা উবা ফংই। হায়রিবা মেমোরেন্দম ওফ সেত্তলমেন্ত অসিনা লমদম অসিদা শান্তি লৈবগী অনৌবা য়ুগ অমা লাকহল্লি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India's Q3 GDP grows at 8.4%; FY24 growth pegged at 7.6%

Media Coverage

India's Q3 GDP grows at 8.4%; FY24 growth pegged at 7.6%
NM on the go

Nm on the go

Always be the first to hear from the PM. Get the App Now!
...
West Bengal CM meets PM
March 01, 2024

The Chief Minister of West Bengal, Ms Mamta Banerjee met the Prime Minister, Shri Narendra Modi today.

The Prime Minister’s Office posted on X:

“Chief Minister of West Bengal, Ms Mamta Banerjee ji met PM Narendra Modi.”