“ভারত চাউখৎলবা লৈবাক অমা ওইহন্নবা ৱাশক্কা লোয়ননা ঐখোয় অনৌবা সংসদকী শঙলেন্দা হোঙজিল্লগনি”
“সংসদকী সেন্ত্রেল হোলনা ঐখোয়গী ইথৌ পাংথোক্নবা ঐখোয়দা ইথিল পীরি”
“ভারতকী থৌনা পীক থন্না লৈরে। ঐখোয় য়াংনা চাউখৎলি”
“অনৌবা অনিংবা-অপাম্বশিং মরক্তা, অনৌবা আইনশিং শেম্লে অমসুং চৎনদ্রবা আইনশিং মুৎথৎপা হায়বসি সংসদকী মেম্বরশিংগী খ্বাইদগী চাউবা থৌদাংনি”
“অমৃত কালদা ঐখোয়না অত্মানির্ভর ভারত অমা শেমগৎকদবনি”
“ভারতমচা খুদিংমক্কী অনিংবশিং ৱাখলদা থমদুনা ঐখোয়না ঐখোয়গী অওনবশিং পুরক্কদবনি”
“ভারতনা য়াম্না চাউবা ফিবম অমদা থবক তৌগদবনি। অপীকপা থবক্তা চনৈনবগী মতম হৌখ্রে”
“জি-২০ মনুংদা ঐখোয় গ্লোবেল সাউথকী খোল্লাউ অমা, ‘বিশ্ব মিত্র’ অমা ওইরে”
“অত্মানির্ভর ভারত অমগী ৱাশক ঐখোয় ঙাক্কদবনি”
“সংবিধান সাদান্না ঐখোয় মখা তানা লমজিংগনি অমসুং কন্সতিতুয়েন্ত এশেমব্লিদা শরুক য়াখিবা শক্নাইরবা মীওইশিং ঐখোয়দা নিংশিংহনগনি”

অখন্নবা মীফম মনুংদা সংসদকী সেন্ত্রেল হোলদা এম.পিশিংদা প্রধান মন্ত্রী শ্রী নরেন্দ্র মোদী ৱা ঙাংখ্রে।

গনেস চর্তুথিগী থৌরমগী য়াইফ-পাউজেল পীরদুনা প্রধান মন্ত্রীনা হাওসতা ৱা ঙাংবা হৌখি। মহাক্না হায়খি হাওসকী থবক-থৌরমশিং সংসদকী অনৌবা শঙলেন্দা হৌরগনি। ভারত চাউখৎলবা লৈবাক অমা ওইহন্নবা ৱাশক্কা লোয়ননা ঐখোয় অনৌবা সংসদকী শঙলেন্দা হোঙজিল্লগনি।

 

অনৌবা সংসদকী শঙলেন অমসুং সেন্ত্রেল হোলগী মতাংদা প্রধান মন্ত্রীনা হায়খি হৌরকপা চহিশিংদা শঙলেন অসিগী শরুক খর লাইব্রেরি অমা ওইনা শীজিন্নরমখি। মফম অসিদা সংবিধান শেমখি অমসুং নিংতম্বা মতমদা শক্তি শীন্নখি। সেন্ত্রেল হোল অসিদা ভারতকী জাতিগী ফিরাল অমসুং জাতিগী ঈশৈ চৎনবা হৌখি। ১৯৫২গী মতুংদা ভারত সংসদকী সেন্ত্রেল হোলদা মালেম শীনবা থুংবগী লৈবাক ৪১গী লুচিংবশিং ৱা ঙাংখ্রে। ভারতকী রাস্ত্রপতি কয়া সেন্ত্রেল হোলদা ৮৬ রক ৱাং ঙাংখ্রে।

মহাক্না হায়খি হৌখিবা চহি ৭০দা রাজ্য সভা অমসুং লোক সভাদা এক্ত লিশিং ৪ রোম পাস তৌখ্রে। অপুনবা মীফমশিং পাংথোক্তুনা দাওরি প্রোহিবিসন এক্ত, বেঙ্কিং সার্বিস কম্মিসন বিল অমসুং তেরোরিজম থেংন্নবা লোশিং পাস তৌখ্রে। ত্রিপল তালাগ থিংনবা আইন, ত্রান্সজেন্দরশিং অমসুং দিবয়াংশিংগী আইনশিং পাস তৌখ্রে।

 

আর্তিকল ৩৭০ লৌথোকপদা মীয়ামগী মীহুৎশিংগী থৌদাং পল্লদুনা, প্রধান মন্ত্রীনা হায়খি ঐখোয়গী অহল-লমনশিংনা ঐখোয়দা পীরম্বা সংবিধান হৌজিক জম্মু অমসুং কাস্মিরদা চৎনরে। ঙসি জম্মু অমসুং কাস্মরি চাউখৎপা অমসুং শান্তিগী লম্বীদা চঙশিল্লে অমসুং রাজ্য অসিগী মীয়াম্না মখোয়গী মখুৎতা পায়রবা খুদোংচাবশিং অমুক হন্না নান্থোকহল্লোইদবনি।

নিংতম্বা নুমিৎ ২০২৩ দা লাল কিলাদগী মহাক্না ৱা ঙাংখিবা অদু নিংশিংলদুনা, প্রধান মন্ত্রীনা হায়খি হৌজিক চপ চারবা মতম্নি অমসুং অনৌবা ৱাখল্লোন অমগা লোয়ননা ভারত অমুক হিঙ্গৎলক্লে। ভারত থৌনানা পীক থল্লে। মসিগী অনৌবা থৌনা অসিনা নাগরিক খুদিংমক কৎথোকপা অমসুং থবক কন্না শুদুনা মখোয়গী মঙলানশিং মঙফাওনবা ঙমগনি। চৎলিবা লম্বী অসিদা ভারতনা শোইদনা খুদোংচাবশিং ফংগনি। চাউখৎপগী খোঙজল য়াংবনা কান্নবশিং খোঙলৈ থুনা ফংবা ঙমগনি।

মকোক থোংবা ইকোনোমি মঙাগী মনুংদা ভারত য়াওবা ঙমখিবা অদু পল্লদুনা প্রধান মন্ত্রীনা হায়খি মকোক থোংবা ইকোনোমি অহুমগী মনুংদা য়াওবা ঙমগনি হায়বগী থাজবা মালেম অমসুং ভারত্তা লৈরি। ভারতকী দিজিতেল ইনফ্রাস্ত্রকচর, য়ু.পি.আই অমসুং দিজিতেল স্তেকশিংদা মালেম্না অঙকপা পোক্নরি। মসিগী মাইপাকপা অসি মালেমগী অঙকপা, পুক্নিং চিংশিনবা অমসুং য়ানিংবগী মচাক অমনি।

 

প্রধান মন্ত্রীনা হায়খি চহি লিশিং কয়া অসিদা ভারতকী অপাম্বশিং খ্বাইদগী ৱাংবা লৈবা মতম ওইবনা হৌজিক্কী মতম অসি য়াম্না মরুওইবনি। অনিংবা-অপাম্বশিং চহি কয়া ফাজিন্দুনা থম্লকপা অদু ঙাইদুনা লৈনবা থৌনা লৈত্রে, লৈবাক অসি অনিংবশিং অমসুং অনৌবা পান্দমশিংগা লোয়ননা মাঙলোমদা চঙশিনবা পাম্লে। অনৌবা অনিংবা-অপাম্বশিং মরক্তা, অনৌবা আইনশিং শেম্লে অমসুং চৎনদ্রবা আইনশিং মুৎথৎপা হায়বসি সংসদকী মেম্বরশিংগী খ্বাইদগী চাউবা থৌদাংনি।

প্রধান মন্ত্রীনা হায়খি সংসদতা পাস তৌখিবা আইনশিং, খন্নখিবশিং অসিনা ভারতকী অনিংবশিং পুক্নিং থৌগৎকদবনি হায়বসি নাগরিক খুদিংমক অমসুং সংসদকী মেম্বর খুদিংমক্কী থাজবনি। সংসদতা অনৌবা থবক অমা হৌদোকপা মতম খুদিং ভারতকী অপাম্বশিংগী হৌরকফম মরুওইনা লৌগদবনি।

অপীকপা কেনভাস অমদা অচৌবা লাই অমা য়েকপা য়াগদরা হায়না প্রধান মন্ত্রীনা হংখি। মহাক্না হায়খি ঐখোয়গী ৱাখল খনবগী কেনভাস পাকথোক-চাউথোকহন্দনা, ঐখোয়না ঐখোয়গী মঙলানশিংগী অচৌবা ভারত অমা শেমগৎপা ওইথোক্লোই। করিগুম্বা ঐখোয়গী ৱাখল্লোন অসিগা লৈবাক অসিগী অচৌবা নাৎ অমসুং চৎনবীগী লনগৈগা শম্নরবদি, ঐখোয়না অচৌবা ভারতকী লাই য়েকপা ঙমগনি। ভারতনা য়াম্না চাউবা ফিবম অমদা থবক তৌগদবনি। অপীকপা থবক্তা চনৈনবগী মতম হৌখ্রে।

অত্মানির্ভর ভারত অমা শেম্বগী মরুওইবা পল্লদুনা প্রধান মন্ত্রীনা হায়খি মমাংদা লৈরম্বা চিংনবশিং থাদোক্তুনা, মালেম্না ভারতকী অত্মানির্ভরগী নমুনা ৱারি শানবা হৌরে। দিফেন্স, মেনুফেকচরিং, ইনর্জি অমসুং অচাথাওদা মশাগী ওক্নবা পুথোকপা অসিদা কনা পামদবা য়াওবগে অমসুং মসিদা দলগী রাজনিতিনা খুরৌ থাংবা অমা ওইহল্লোইদবনি।

মেনুফেকচরিং সেক্তর অনৌবা থাকশিংদা পুগৎপগী ভারতকী দরকার ওইবশিংগী মতাংদা প্রধান মন্ত্রীনা হায়খি ‘জিরো দিফেক, জিরো ইফেক’ নমুনাদা ভারত্তা শাবা পোৎলমশিং অশোইবা লৈহল্লোইদবনি অমসুং মেনুফেকচরিংগী থবকশিংনা মহৌশাগী অকোয়বগী ফিবম শোকহল্লোইদবনি। লৌউ-শিংউ, দিজাইন, সোফৱায়ার, হেন্দিক্রাফ অসিনচিংবদা ভারতকী পোৎথোকশিং অনৌবা মালেমগী থাকশিংদা পুখৎনবা হোৎনগদবনি। ঐখোয়গী পোৎথোকশিং ঐখোয়গী খুঙ্গংশিং, সহরশিং, জিলাশিং অমসুং রাজ্যশিং খক্তদা খ্বাইদগী ফবা ওইবগী মথক্তা মালেমদা খ্বাইদগী ফবা ওইহনগদবনি হায়বগী থাজবা কনাগুম্বা অমনা চেনগদবনি।

 

প্রধান মন্ত্রীনা হায়খি অনৌবা ইজুকেসন পোলিসি অসি মীয়াম্না য়ানরে। জি-২০ মীফম মনুংদা অরিবা নালান্দা য়ুনিভর্সিতিগী ফোতো অমা উৎখিবা অদু উরুবা মপান লৈবাক্কী শক্নাইরবশিংনা চহি ১৫০০গী মমাঙদা ভারত্তা মহৈলোয়শঙ লৈরম্বা অদু খঙবা ঙমখ্রে। মসিদগী ঐখোয়না ইথিল লৌগদবনি অমসুং হৌজিক্কী মতম অসিদা ঐখোয়গী পান্দমশিং ফংনবা মীৎয়েং চঙগদবনি।

শান্নবদা লৈবাক অসিগী নহারোলশিং মাইপাকপা হেনগৎলক্লিবা অসিদা প্রধান মন্ত্রীনা হায়খি তয়ার ২ অমসুং তয়ার ৩ সহরশিংদা শান্ন-খোৎনবগী থবক হেনগৎলক্লে। শান্নবগী পোদিয়ম খুদিংমক্তা ঐখোয়গী মচু অহুমগী ফিরাল পাইহনগদবনি হায়বসি লৈবাক অসিগী ৱাশক ওইগদবনি। মীচম মীয়ামগী পুন্সিগী মগুন লৈহন্নবা মগুন লৈবাক থবকশিং পাংথোক্নবা হেন্না পুক্নিং চঙগদবনি।

প্রধান মন্ত্রীনা হায়খি লৈবাক অমদা নহা ওইরিবা মীওই মশিং য়াম্না লৈবা অসি য়াম্না মরুওই। ভারতকী নহারোলশিং মতম পুম্নমক্তা মাংজিল থানবা ফিবম অমা শেম্বা ঐখোয়না পাম্মী। মালেমগী থাক্তা দরকার  ওইরিবা স্কিলগী মেপ্পিং পাংথোক্লবা মতুংদা ভারতনা নহারোলশিং স্কিল লৈহন্নবা থবক পায়খৎলে। মালেমগী ওইনা হকশেলগী লমদা দরকার ওইরিবা মীওইশিং ফংহন্নবা ভারতকী নহারোলশিং থৌরাং তৌনবা হন্দক নর্সিং কলেজ ১৫০ হাংদোক্লে।

 

চপ চাবা মতমদা অচুম্বা ৱারেপ লৌবগী দরকার ওইবা পল্লদুনা, প্রধান মন্ত্রীনা হায়খি ৱারেপ লৌবদা থেংথরোইদবনি। মীয়ামগী মীহুৎশিংনা রাজনিতিগী অমাং-অতোং থিদুনা লৈরোইদবনি। লৈবাক অসিগী ইনর্জিগী অৱাবশিং কোকহন্নবা থাজবা লৈরে। মিসন হায়দ্রোজেন, সেমিকন্দক্তর মিসন অমসুং জল জিবন মিসন পায়খৎলে অমসুং অসিনা হেন্না ফবা তুংলমচৎ অমগী লম্বী শেম্লে।

ভারতকী পোৎথোকশিং মালেমগী কৈথেলদা য়ৌহনবা অমসুং চাংদম্নবা ঙম্নবগী মতাংদা প্রধান মন্ত্রীনা হায়খি শেন চঙবা হন্থহন্নবা লৈবাক অসিগী লোজিস্তিক্স সেক্তর চাউখৎহনগদবনি অমসুং মীওই খুদিংমক মসিগী কান্নবা ফংহনগদবনি। রিছার্স অমসুং ইন্নোবেসনগা মরী লৈনবা আইন হন্দক পাস তৌরে। চন্দ্রয়ান মাইপাকপগী ফংলকপা মীয়াম্না পাম্নবা অদু অরেম্বা মাঙহল্লোইদবনি।

প্রধান মন্ত্রীনা হায়খি খুন্নাইগী অচুম্বা পুরকপা হায়বসি ঐখোয়গী মরুওইবনি অমসুং খুন্নাইগী অচুম্বগী মতাংদা খন্নবদা অথিংবা কয়া লাক্লে অমসুং মসিদা অপুনবা মীৎয়েং অমা থম্বা দরকার ওইরে। খুন্নাইগী অচুম্বা পুরকপদা লায়বশিংদা লম্বী-থোং, অফবা থক্নবা ঈশিং, মৈ, অনা-লায়য়েংগী খুদোংচাবা অমসুং অতোপ্পা তঙাইফদবা খুদোংচাবশিং ফংহনবা দরকার ওই। চাউখৎপদা থোং মান্নদবা হায়বসি খুন্নাইগী অচুম্বগী মায়োক্তনি।  ঐখোয়গী নোংপোক থংবা শরুকশিং মপাঙ্গল কনখৎহন্দুনা মফম অদুদা ঐখোয়না খুন্নাইদগী অচুম্বা পুরক্কদবনি। থোং মান্ননা চাউখৎহন্নবা থবকশিংদা এস্পিরেসনেল দিস্ত্রিক স্কিমনা ইনোৎ অমা পীরে। স্কিম অসি ব্লোক ৫০০ দা পায়খৎলে।

প্রধান মন্ত্রীনা হায়খি মালেম শীনবা থুংনা ভারত্তা মীৎয়েং থম্লে। কোল্দ ৱার মতমদা ভারত মীচং-মীখাই নাইদবা লৈবাক অমা ওইনা লৌনখি অমসুং ঙসিদি ভারতনা অতোপ্পা লৈবাকশিংদা মতেং পাংবদগী ভারত ‘বিশ্ব মিত্র’ অমা ওইনা খঙনরে। লৈবাক অসি মালেমগী লেংদবা সপ্লাই চেন অমা ওইরক্তুনা অসিগুম্বা মপান লৈবাক্কী থৌশিলগী কান্নবশিং ভারতনা ফংবা হৌরে।

শ্রী মোদীনা হায়খি গ্লোবেল সাউথকী অনিংবশিং থুংহন্নবা জি-২০ মীফম অসি পাম্বৈ অমনি অমসুং অচৌবা মাইপাকপা অসি তুংগী মীরোলশিংনা চাউথোকপা ফাওরগনি। জি-২০ মীফম্না হুল্লম্বা মরুশিংনা মালেমগী থাজবগী অচৌবা খোংনাং পাম্বী অমা ওইনা হৌরগনি। জি-২০ মীফমদা বাইওফুয়েল এল্লাইন্স থবক ওইনা পাংথোকখ্রে। ভারতকী লমজিং মখাদা মালেমগী থাক্তা অচৌবা বাইওফুয়েলগী ইহৌ অমা চঙশিল্লে।

হৌজিক লৈরিবা শঙলেন অসি অরিবা সংসদকী শঙলেন অমগী থাক্তা থমদনবা অমসুং শঙলেন অসিগী ফজবা অমসুং ইকায়খুম্নবা ঙাক্না থম্নবা প্রধান মন্ত্রীনা উপ-রাস্ত্রপতি অমসুং স্পিকরদা হায়জখি। মহাক্না হায়খি শঙলেন অসি ‘সংবিধান সাদান’ কৌগদবনি। সংবিধান সাদান্না ঐখোয় মখা তানা লমজিংগনি অমসুং কন্সতিতুয়েন্ত এশেমব্লিদা শরুক য়াখিবা শক্নাইরবা মীওইশিং ঐখোয়দা নিংশিংহনগনি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Why rural India needs women drone pilots

Media Coverage

Why rural India needs women drone pilots
NM on the go

Nm on the go

Always be the first to hear from the PM. Get the App Now!
...
Supreme Court’s verdict on the abrogation of Article 370 is historic: PM
December 11, 2023
PM also assures resilient people of Jammu, Kashmir and Ladakh

The Prime Minister, Shri Narendra Modi said that the Supreme Court’s verdict on the abrogation of Article 370 is historic and constitutionally upholds the decision taken by the Parliament of India on 5th August 2019.

Shri Modi also said that the Court, in its profound wisdom, has fortified the very essence of unity that we, as Indians, hold dear and cherish above all else.

The Prime Minister posted on X;

“Today's Supreme Court verdict on the abrogation of Article 370 is historic and constitutionally upholds the decision taken by the Parliament of India on 5th August 2019; it is a resounding declaration of hope, progress and unity for our sisters and brothers in Jammu, Kashmir and Ladakh. The Court, in its profound wisdom, has fortified the very essence of unity that we, as Indians, hold dear and cherish above all else.

I want to assure the resilient people of Jammu, Kashmir and Ladakh that our commitment to fulfilling your dreams remains unwavering. We are determined to ensure that the fruits of progress not only reach you but also extend their benefits to the most vulnerable and marginalised sections of our society who suffered due to Article 370.

The verdict today is not just a legal judgment; it is a beacon of hope, a promise of a brighter future and a testament to our collective resolve to build a stronger, more united India. #NayaJammuKashmir”