“ভারত চাউখৎলবা লৈবাক অমা ওইহন্নবা ৱাশক্কা লোয়ননা ঐখোয় অনৌবা সংসদকী শঙলেন্দা হোঙজিল্লগনি”
“সংসদকী সেন্ত্রেল হোলনা ঐখোয়গী ইথৌ পাংথোক্নবা ঐখোয়দা ইথিল পীরি”
“ভারতকী থৌনা পীক থন্না লৈরে। ঐখোয় য়াংনা চাউখৎলি”
“অনৌবা অনিংবা-অপাম্বশিং মরক্তা, অনৌবা আইনশিং শেম্লে অমসুং চৎনদ্রবা আইনশিং মুৎথৎপা হায়বসি সংসদকী মেম্বরশিংগী খ্বাইদগী চাউবা থৌদাংনি”
“অমৃত কালদা ঐখোয়না অত্মানির্ভর ভারত অমা শেমগৎকদবনি”
“ভারতমচা খুদিংমক্কী অনিংবশিং ৱাখলদা থমদুনা ঐখোয়না ঐখোয়গী অওনবশিং পুরক্কদবনি”
“ভারতনা য়াম্না চাউবা ফিবম অমদা থবক তৌগদবনি। অপীকপা থবক্তা চনৈনবগী মতম হৌখ্রে”
“জি-২০ মনুংদা ঐখোয় গ্লোবেল সাউথকী খোল্লাউ অমা, ‘বিশ্ব মিত্র’ অমা ওইরে”
“অত্মানির্ভর ভারত অমগী ৱাশক ঐখোয় ঙাক্কদবনি”
“সংবিধান সাদান্না ঐখোয় মখা তানা লমজিংগনি অমসুং কন্সতিতুয়েন্ত এশেমব্লিদা শরুক য়াখিবা শক্নাইরবা মীওইশিং ঐখোয়দা নিংশিংহনগনি”

ইকায়খুম্নরবা উপ-রাস্ত্রপতি! ইকায়খুম্নরবা স্পিকর সার! শরুক য়ারিবা শক্নাইরবশিং অমসুং লৈবাক অসিগী মীওই করোর ১৪০গী মহুৎশিল্লিবা ইকায়খুম্নরবা এম.পি পুম্নমক।

গণেস  চতুর্থী লাকপদা অদোমগী মফমদা য়াইফ-পাউজেল পীজরি। ঙসি ঐখোয় অনৌবা সংসদ শঙলেন্দা অপুনবা ওইনা অনৌবা তুংলমচৎ অমা হৌদোক্লগনি। ভারত চাউখৎলবা লৈবাক অমা ওইহন্নবা ৱাশক্কা লোয়ননা ঐখোয় অনৌবা সংসদকী শঙলেন্দা হোঙজিল্লগনি। ইকায়খুম্নরবা ওদিওতোরিয়ম, শঙলেন অমসুং সেন্ত্রেল হোল অসি ঐখোয়গী পুক্নিং-ইহুলশিংনা পীক থল্লে। মসিনা ঐখোয় পুক্নিং নুংশিহল্লে অমসুং ঐখোয়গী থৌদাং পাংথোক্নবা ইথিলশু পীরে। হৌরকপা চহিশিংদা শঙলেন অসিগী শরুক খর লাইব্রেরি অমা ওইনা শীজিন্নরমখি। তুংদা মফম অসিদা কন্সতিতুয়েন্ত এশেমব্লিগী মীফমশিং পাংথোকখি অমসুং কুপ্না খন্ন-নৈনরবা মতুংদা মফম অসিদা সংবিধান শেমখি।

 

১৯৪৭দা বৃতিস সরকারনা শক্তি শীন্নখি, ঐখোয়গী সেন্ত্রেল হোলসু থবক অদুগী শাখি অমা ওইখি। সেন্ত্রেল হোল অসিদা ভারতকী জাতিগী ফিরাল অমসুং জাতিগী ঈশৈ চৎনবা হৌখি। নিংতম্বা ফংলবা মতুংদা, হাওস অনিমক পুন্না মফম অসিদা খন্ন-নৈনবা পাংথোকখি, য়ানবা পুরকখি অমসুং ভারতকী মরাইবক লেপ্নবা ৱারেপশিং লৌখি।

১৯৫২গী মতুংদা ভারত সংসদকী সেন্ত্রেল হোলদা ঐখোয়গী এম.পিশিংদা মালেম শীনবা থুংবগী লৈবাক ৪১গী লুচিংবশিং ৱা ঙাংখ্রে। ভারতকী রাস্ত্রপতি কয়া সেন্ত্রেল হোলদা ৮৬ রক ৱাং ঙাংখ্রে। হৌখিবা চহি ৭০ অসিদা মরুপশিংনা মখোয়গী থৌদাংশিং পাংথোকখ্রে, আইন কয়া, এমেন্দমেন্ত কয়া অমসুং অওনবা কয়াগী শরুক অমা ওইনা থৌদাং কয়া লৌখ্রে। ঙসি ফাওবদা, রাজ্য সভা অমসুং লোক সভাদা এক্ত লিশিং ৪ রোম পাস তৌখ্রে। দরকার ওইরকপা মতমদা, অপুনবা মীফম পাংথোক্তুনা আইন অমা পাস তৌনবা লাল্লোং অমা য়াৎকদবনি অমসুং লাল্লোং অসিগী মখাদা অপুনবা মীফমশিং পাংথোক্তুনা দাওরি প্রোহিবিসন এক্ত, বেঙ্কিং সার্বিস কম্মিসন বিল অমসুং তেরোরিজম থেংন্নবা লোশিং পাস তৌখ্রে।

 

সংসদ অসিদা, মুস্লিম ইচলশিং অমসুং ইচানুপীশিংগী অচুম্বগী ঙাইরকপা অদু সাহ বানু কেসনা মরম ওইদুনা খর থেংথখি। হাওস অসিনা ঐখোয়গী অশোইবশিং চুমথোক্লে অমসুং ঐখোয়না পুন্না ত্রিপল তালাগকী ময়োক্তা আইন পাস তৌরে। ত্রান্সজেন্দরশিং থবক, লাইরিক-লাইশু, হকশেল অমসুং অতোপ্পা খুদোংচাবশিং ফংনবা মাইকৈদা ঐখোয় থবক পায়খৎলে। হকচাংগী ফিবম চাদ্রবা ঐখোয়গী মীয়ামগী দরকার ওইবশিং অমসুং অনিংবশিং ফংনবা অমসুং মখোয়গী তুংগী পুন্সি য়াইফনবা ঐখোয় পুন্না অসিগুম্বা আইনশিং শেম্লে।

আর্তিকল ৩৭০ লৌথোক্নবা অমসুং তেরোরিজম থেংননবা হাওস অসিদা ঐখোয়না মরুওইবা ৱারেপ অমা লৌখিবা অসি ঐখোয় পুম্নমক্কী লাইবক ফবনি। মরুওইবা থবক অসিদা এম.পিশিং অমসুং সংসদনা মরুওইবা থৌদাং অমা লৌখি। ঐখোয়গী অহল-লমনশিংনা ঐখোয়দা পীরম্বা সংবিধান হৌজিক জম্মু অমসুং কাস্মিরদা চৎনরে। লমদম অসিগী লৈবাক-লৈহাওদা ইকায়খুম্নবা উৎপগু ঐঙোন্দা ফাওখি।

ঙসি জম্মু অমসুং কাস্মরি চাউখৎপা অমসুং শান্তিগী লম্বীদা চঙশিল্লে অমসুং মাঙলোমদা চঙশিন্নবা রাজ্য অসিগী মীয়াম্না মখোয়গী মখুৎতা পায়রবা খুদোংচাবশিং অমুক হন্না নান্থোকহল্লোইদবনি। সংসদকী হাওসতা এম.পিশিং পুন্না থবক তৌমিন্নবগী অসি কয়া য়াম্না মরুওইবগে হায়বা মসিনা উৎলে। ইকায়খুম্নরবা এম.পিশিং, মতম অসি চপ চারবা মতমনি হায়না লাল কিলাদগী ফোঙদোকখ্রে। ঐখোয়না থৌদোক অমগী মতুংদা থৌদোক অমা য়েংবদা, থৌদোক অমমম্না ঙসিগী ভারত অসি অমুক হন্না মিকপ থোক্লে হায়বা তাক্লে। ভারত থৌনানা পীক থল্লে। মসিগী অনৌবা থৌনা অসিনা নাগরিক খুদিংমক কৎথোকপা অমসুং থবক কন্না শুদুনা মখোয়গী মঙলানশিং মঙফাওনবা ঙমগনি। চৎলিবা লম্বী অসিদা ভারতনা শোইদনা খুদোংচাবশিং ফংগনি হায়না ঐনা থাজৈ। ঐখোয়না চাউখৎপগী খোঙজল য়াংবনা. ঐখোয়না কান্নবশিং খোঙলৈ থুনা ফংবা ঙমগনি।

 

ঙসি ভারত ৫শুবা খ্বাইদগী চাউবা ইকোনোমি ওইরে। ৩শুবা মফমদা য়ৌনবা অচেৎপা ফিরেপকা লোয়ননা চাউখৎলক্লি। ঐনা চৎলুবা মফমদা, ঐনা ফংবা পাউদা য়ুম্ফম  ওইরগা, মালেমগী শক্নাইরবশিংগা ঐগা ৱারি শানবদা য়ুম্ফম ওইরগা, থাজবগা লোয়ননা ঐনা হায়রি, মীওই খরদি নিংবা কাইবা য়াই। ভারতনা তোপ ৩ য়ৌবা ঙমগনি হায়বা অসিদা মালেম্না থাজবা থম্লি। লৈবাক অসিগী বেঙ্কিং সেক্তর অমুক হন্না মালেম্না মরুওইনা লৌবা মফম অমা ওইরক্লে। ভারতকী দিজিতেল ইনফ্রাস্ত্রকচর, য়ু.পি.আই অমসুং দিজিতেল স্তেকশিংদা মালেম্না অঙকপা পোক্নরি। মসিগী মাইপাকপা অসি মালেমগী অঙকপা, পুক্নিং চিংশিনবা অমসুং য়ানিংবগী মচাক অমনি। মসি ঐনা হন্দক্কী জি-২০দা উরে আমসুং বালিদা ঐনা উখ্রে।

তেক্নোলোজিগী তাইবংদা ভারতকী নহারোলশিংগী খুমাঙচাউশিনবা অসি মালেম শীনবা থুংনা অঙকপা পোক্নরে অমসুং য়ানরে। ঐখোয় পুম্নমক অসিগুম্বা মতম অসিদা লৈরি। ঐখোয় পুম্নমক লাইবক ফবা মীওই অমনি হায়না ঐনা হায়নিংই। অসিগুম্বা লাইবক ফরবা মতম অমদা,  থৌদাং খর পাংথোক্নবা ঐখোয়না খুদোংচাবা ফংলে অমসুং হৌখিবা চহি লিশিং কয়াদা লৈখিদবা থাক অমদা ঙসিগী ভারতকী অনিংবা-অপাম্বশিং লৈবা অসি ঐখোয়গী খ্বাইদগী লাইবক ফবনি। মতম কুইনা মীনাই ওইরকপনা মীয়ামগী অনিংবশিং নমশীন্দুনা থমখি অমসুং মীয়ামগী ইহুলশিং মাঙহনখি।

নিংতম্লবা ভারত্তা মীয়ামগী মঙলানশিং লৈখি আমসুং অৱাবা কয়া ময়োক্নখি,অদুবু ঙসি মীয়াম্না য়ৌখ্রবা মফম অদুদা লেপথোকপা মীয়াম্না পামদ্রে। চাউখৎপা পাম্বা খুন্নাইশিংনা মঙ কয়া মঙলি অমসুং ৱারেপ কয়া  লৌরি, অরিবা আইনশিং মুৎথৎপা অমসুং অনৌবা আইনশিং শেম্বা হায়বসি ঐখোয় এম.পিশিংগী অখন্নবা থৌদাংনি। সংসদতা শেম্বা আইন খুদিংমক, সংসদতা পাংথোকপা খন্ন-নৈনবা খুদিংমক, সংসদতগী পীখিবা পাউজেল খুদিংমক ভারতকী অনিংবশিং থুংহনগদবনি, মসি ঐখোয় খুদিংমক্কী থৌদাংনি অমসুং লৈবাক অসিগী নাগরিক খুদিংমক্না  ঐখোয়দা থম্লিবা থাজবনি।

 

সংসদতা অনৌবা থবক অমা হৌদোকপা মতম খুদিং ভারতকী অপাম্বশিংগী হৌরকফম মরুওইনা লৌগদবনি। অদুবু য়াম্না চেকশিন্না খল্লবা মতুংদা ঐনা ৱাফম অসি হায়নিংই, কনাগুম্বা অমনা অপীকপা কেনভাস অমদা অচৌবা লাই অমা য়েকপা য়াগদরা ? অপীকপা কেনভাস অমদা অচৌবা লাই অমা য়েকপা য়ারোইদবনা, করিগুম্বা ঐখোয়গী ৱাখল্লোনগী কেনভাস পাকথোক-চাউথোকহন্দ্রবদি ঐখোয়না অচৌবা ভারত অমগী লাই অমা য়েকপা ঙম্লোই।

ঐখোয় চহি ৭৫গী লৌশিং অমসুং খঙজবা লৈরে। ঐখোয়গী অহল-লমনশিংগী লম্বীশিংদগী ঐখোয়না তম্লে। ঐখোয়গী য়াম্লবা নাৎকী লন লৈরে। করিগুম্বা ঐখোয়গী মঙলানশিং অমসুং ৱাশকশিং হেরিতেচগা শম্নরবা, করিগুম্বা ঐখোয়গী ৱাখল খনবগী মওং হোংলবা, করিগুমবা ঐখোয়গী কেনভাস চাউথোকহল্লবা, ঐখোয়না অচৌবা ভারত অমগী অচৌবা লাই অমা য়েকপা ঙমগনি, লাই অদুগী আউতলাইন য়েকপা ঙমগনি, মদুদা মচু কয়া য়েকশিনবা ঙমগনি। ঐখোয়না থবক কয়া পাংথোকপা ঙমগনি অমসুং তুংগী মীরোলশিংদা ঐখোয়না অচৌবা ইমা ভারত শীন্নরম্বা ঙমগনি।

 

অমৃত কালগী চহি ২৫ অসিদা, ভারতনা হেন্না চাউবা কেনভাস অমদা থবক তৌগদবনি। হৌজিক ঐখোয় অপীকপা থবকশিংদা চনৈনদুনা লৈবগী মতম অদু হৌখ্রে। ঐখোয়না অহানবদা অত্মানির্ভর ভারত অমা শেম্নবগী মঙলান মঙফাউনহনগদবনি। মসি ঐখোয়না হৌদোকখি, মসি নাগরিক খুদিংমক্না হৌদোকখি অমুং ঙসিদি মালেমনা ঐখোয়দা হায়জরকপা মতম অদুসু লাক্লে। ঐখোয়গী অখঙ-অহৈশিংনা ইখি মদুদি করিগুম্বা মোদীনা অত্মানির্ভরগী মতাংদা ৱারি শারবদি, মসি মালেমগী লৈবাকশিংগী থবকশিংদা শিংনবা অমা নত্তে।  মসি মালেমগী শেন্মিৎলোনগী যুগ অমদা অফবা ওইদবা য়াই, অদু চহি ৫গী মনুংদা মালেম্না ভারতকী অত্মানির্ভরগী নমুনাগী মরমদা ৱারি শানবা হৌরক্লে। দিফেন্স, মেনুফেকচরিং, ইনর্জি অমসুং অচাথাওদা মশাগী ওক্নবা পুথোকপা অসিদা কনা পামদবা য়াওবগে?  লৈবাক অসি মশাগী ওক্নবা পুথোক্লোইদবরা? ঐখোয়না ভারত অসি লৌউ-শিংউগী লৈবাক অমনি হায়রি। হৌজিক লৈবাক অসিনা মপান্দগী অচাউথাউ পুশিল্লক্কদরা? অত্মানির্ভর ভারত অমগী মঙলান মঙফাওনহনবা হায়বসি হৌজিক তঙাইফদবনি অমসুং মসি ঐখোয় খুদিংমক্কী থৌদাংনি, মসিনা দলশিংনা অপনবা পীরোইদবনি, মসি লৈবাক্কী ওইনা দরকার ওইবনি।

মেনুফেকচরিংদা মালেমদা খ্বাইদগী ফবা ওইনা হৌজিক ঐখোয় থবক পায়খৎলে। ‘জিরো দিফেক, জিরো ইফেক’ নমুনাদা ভারত্তা শাবা পোৎলমশিং অশোইবা লৈহল্লোইদবনি অমসুং মেনুফেকচরিংগী থবকশিংনা মহৌশাগী অকোয়বগী ফিবম শোকহল্লোইদবনি। লৌউ-শিংউ, দিজাইন, সোফৱায়ার, হেন্দিক্রাফ অসিনচিংবদা ভারতকী পোৎথোকশিং অনৌবা মালেমগী থাকশিংদা পুখৎনবা হোৎনগদবনি। ঐখোয়গী পোৎথোকশিং ঐখোয়গী খুঙ্গংশিং, সহরশিং, জিলাশিং অমসুং রাজ্যশিং খক্তদা খ্বাইদগী ফবা ওইবগী মথক্তা মালেমদা খ্বাইদগী ফবা ওইহনগদবনি হায়বগী থাজবা কনাগুম্বা অমনা চেনগদবনি। মসিনা মালেমদা ঐখোয়গী ফিরাল পাইহনবা ঙমগনি।

ঐগী খুঙ্গংদা ঐ য়াম্না ফরে, ঐগী রাজ্যদা ঐগী পোৎথোক পাম্লোই, ঐগী পোৎথোক ঐগী লৈবাক্তা পাম্লোই হায়বা মতিক চাদে, ঐগী পোৎথোকসিং মালেমদা খ্বাইদগী ফবা ওইগদবনি হায়বা ৱাখল্লোন চেনগদবনি। ঐখোয়গী য়ুনিভর্সিতিশিং মালমেদা তোপ রেঙ্কিংদা লাক্লে, মসিদা হৌজিক ঐখোয় মনিংদা লৈহৌদ্রে। ঐখোয়গী অনৌবা ইজুকেসন পোলিসি লৈরে,মসি মীয়াম্না য়ানরে। পোলিসি অসিগী মতেংগা লোয়ননা হৌজিক ঐখোয় মাংলোমদা চঙশিনগদবনি। জি-২০দা মালেমগী শক্নাইরবশিং লাকপদা,ঐনা মফম অদুদা নালান্দাগী ফোতো অমা থেৎখি অমসুং ঐগী লৈবাক অসিদা চহি ১৫০০গী মমাঙদা মালেমদা খ্বাইদগী ফবা য়ুনিভর্সিতি লৈরমখি হায়না ঐনা ফোঙদোকখি, মখোয় তাখি। মসিদগী ঐখোয়না ইথিল লৌগদবনি অমসুং হৌজিক মসি ওইহন্নবা হোৎনগদবনি, মসি ঐখোয়গী ৱাশক্নি। 

শান্নবদা লৈবাক অসিগী নহারোলশিং মাইপাকপা হেনগৎলক্লি। তয়ার ২ অমসুং তয়ার ৩ সহরশিং, খুঙ্গংশিংগী লায়রবা ইমুংশিং, লৈবাক্কী নহারোলশিং, লৈবাক্কী ইচানুপাশিং অমসুং ইচানুপীশিংনা ঙসি মালেমগী শান্নবদা ঐখোয়গী মিংচৎ পুরক্লে। শান্নবগী পোদিয়ম খুদিংমক্তা ঐখোয়গী মচু অহুমগী ফিরাল পাইহনগদবনি হায়বসি লৈবাক অসিগী ৱাশক ওইগদবনি। মীচম মীয়ামগী পুন্সিগী মগুন লৈহন্নবা মগুন লৈবাক থবকশিং পাংথোক্নবা হেন্না পুক্নিং চঙগদবনি। খুন্নাই অমনা চাউখৎপা পাম্লকপা মতম অমদা ঐখোয়না থবক তৌরিবা অসি ঐখোয়গী লাইবক ফবনি হায়না ঐ হায়নিংই। অতোপ্পা ঐখোয়গী লাইবক ফবা অমনা ভারত অসি নহারোলশিংগী লৈবাক অমা ওইবা মতমদা ঐখোয় লৈরিবা অসিনি। ঐখোয় মালেমদা মীশিং খ্বাইদগী য়াম্বা লৈবাক ওইরে, অহানবা ওইনা ঐখোয় নহারোল মশিং খ্বাইদগী য়াম্বা লৈবাক ওইরে। করিগুম্বা লৈবাক অমনা নহারোলগী শক্তি অসি লৈরবা, ঐখোয়না মসিগী হৈথোই-শিংথোইবদা থাজবা থম্লে, মসিগী অচেৎপা ফিরেপ্তা থাজবা থম্লে, ঐখোয়না মসিগী থৌনাদা থাজবা থম্লে অমসুং মালেমগী মমাঙদা ভারতকী নহারোলশিং মাংজিল থাহনবা অদু ঐখোয়না পাম্লে।

ঙসিদি মালেম শীনবা থুংনা হৈথোই-শিংথোইবা শিন্মী য়াম্না দরকার ওইরে অমসুং মালেমগী দরকার ওইবশিং ফংহন্নবা ভারতনা থৌরাং তৌগদবনি অমসুং লৈবাক অসি অফবা শিন্মীশিংগী মফম অমা ওইনা শেমগৎকদবনি। মরম অদুনা মখোয়না করম্বা মখলগী শিন্মী দরকার ওইবগে, করম্বা মখলগী হুমেন রিছোর্স দরকার ওইবগে হায়বা খঙদোকপা দরকার ওই। মালেমগী থাক্তা দরকার  ওইরিবা স্কিলগী মেপ্পিং পাংথোক্লবা মতুংদা ভারতনা নহারোলশিং স্কিল লৈহন্নবা থবক পায়খৎলে। ঐখোয়না স্কিল হেনগৎহনবদা হেন্না পুক্নিং চঙবা মতমদা, মালেমদা ভারতকী হৈথোই-শিংথোইবা নহারোলশিংগী অৱাৎপা লৈরোই। ভারতমচা অমনা চৎলুবা মফম খুদিংদা, মহাক্না করিগুম্বা অফবা থবক অমা পাংথোক্লম্বগী মমি অমা তাহল্লমখি। মসিগী তৌবা ঙম্বা অসি হান্নদগী ঐখোয়দা য়াওজরে অমসুং ঐখোয়গী মমাঙদা হান্না চৎখ্রবশিংনা মসিগী মমি অসি তাহল্লম্বনি। নর্সিং কলেজ ১৫০ হাংদোক্নবা ৱারেপ লৌখিবা অদু অদোম উরে। মালেম শীনবা থুংনা নর্স য়াম্না দরকার ওইরি। ঐখোয়গী ইচলশিং, ঐখোয়গী ইচানুপীশিং অমসুং ঐখোয়গী ইচানুপাশিং হিরম অসিদা মালেমগী মফম কয়া য়ৌবা য়াগনি, মীওইবা খুন্নাইগী থবক তৌবা শীনফম অসিদা ঐখোয় তুংদা লৈহৌরোইদবনি।

ঙসি, মেদিকেল কলেজশিং য়াম্না শাবা অসি লৈবাক্কী দরকার ওইবা খক্কী নত্তনা মসিনা মালেমগী দরকার ওইবশিং ফংহনবা ঙমগনি। ঐনা হায়নিংলিবদি অপীকপা থবকশিং ফাওবদা ঐখোয় মীৎয়েং চঙগদবনি। ঐখোয় চপ চাবা মতমদা অচুম্বা ৱারেপশিং লৌগদবনি। ঐখোয়না ৱারেপশিং লৌবদা য়ৈথোক্লোইদবনি। লৈবাক অসিগী অনিংবশিং ফংহন্নবা ঐখোয়না থৌনা লৈনা অনৌবা ৱারেপশিং লৌগদবনি।

ঙসি, ঐখোয়গী তুংগী মীরোলশিং ইনর্জিগী অৱাবা লৈহন্দনবা সোলার পৱারগী মাইপাক্লবা ইহৌ অমনা থাজবা পীরে। ঙসি মিসন হায়দ্রোজেন্না মহৌশাগী অকোয়বগী ফিবম কন্নবগী পাম্বৈ অমা ওইরে অমসুং তুংদা তেক্নোলোজিগী অহোংবা কয়া লাক্লগন। ঙসি ঐখোয়গী সেমিকন্দক্তর অসি ঐখোয়গী পুন্সি হিংনবা ঐখোয়গী থম্মোয়গী তঙাইফদবা ওইরে, মসিগা চপ মান্ননা, চিপশিং য়াওদনা ঐখোয়গী তেক্নোলোজশিং থবক তৌবা য়াদ্রে অমসুং মসিগীদমক সেমিকন্দক্তরশিং য়াম্না দরকার ওইরে, মাইকৈ অসিদা ঐখোয় মাঙলোমদা চঙশিনগদবনি, মসিনা ইলেক্ত্রোনিক মেনুফেকচরিংদা অপনবা পীরোইদবনি। ঐখোয়গী তুংগী মীরোলশিং, ঐখোয়গী অঙাংশিং কৈদৌঙৈদা ঈশিংগী অৱাবা লৈতনবা ঙসি ঐখোয়না ৱারি। জল জিবন মিসনগী মখাদা জিলা খুদিংমক্তা অমৃত সরোভর ৭৫ শেমগৎলে। ঐখোয়গী ললোন-ইতিক্কী থবক খুদিংমক মালেমগী কৈথেল য়ৌগদবনি অমসুং চাংদম্না য়াওবা ঙমগদবনি। শেন চঙবা হন্থহন্নবা লৈবাক অসিগী লোজিস্তিক্স সেক্তর চাউখৎহনগদবনি অমসুং মীওই খুদিংমক মসিগী কান্নবা ফংহনগদবনি। লৌশিং অমসুং অনৌবা থবক পাংথোকপা ঙম্বা ভারত অমা শেমগৎপা হায়বসি ঐখোয়গী তঙাইফদবনি।

নেসনেল ইজুকেসন পোলিসিগা লোয়ননা তেক্নোলোজি চাউখৎহন্নবা  ঐখোয়না রিছার্স অমসুং ইন্নোবেসনগা মরী লৈনবা আইন অমা হন্দক পাস তৌরে। চন্দ্রয়ান-৩ মাইপাকপদগী ঐখোয়গী লৈবাক্কী নহারোলশিংগী ৱাখলশিং সাইন্সতা থৱায় য়াওবা হেনগৎলক্লে, মসিগী খুদোংচাবা অসি ঐখোয়না মাঙহল্লোইদবনি। রিছার্স অমসুং ইন্নোবেসনগীদমক ঐখোয়গী নহারোলশিংদা ঐখোয়না খুদোংচাবা মপুংফানা পীগদবনি।

ইকায়খুম্নরবশিং,

খুন্নাইগী অচুম্বা লৈতনা, ঐখোয়না পাম্লিবা ফলশিং ফংলবা ঙম্লোই। অদুবু খুন্নাইগী অচুম্বগী মতাংদা খন্নবা অসি অকক্নবা ওইরি। করিগুম্বা ঐখোয়না লায়রবা মীওই অমদা খুদোংচাবা অমা পীবা, খুন্নাইগী তোল্লবা মীওই অমদা খুদোংচাবা অমা পীবা অসি খুন্নাইগী অচুম্বা পুরক্নবগী থবক অমনি, করিগুম্বা মহাক্কী য়ুম ফাওবা কনক্রিদকী লম্বী শেম্লবা, মসি মহাক্কী খুন্নাইগী অচুম্বা ফংহল্লে। অঙাংশিংগীদমক মহাক্কী য়ুম ময়াদা স্কুলশিং হাংদোক্লবদি, মসি মহাক্কী খুন্নাইগী অচুম্বা হেন্না ফংহল্লে।

করিগুম্বা ঐখোয়না শেন তিংদনা অনা-লায়য়েংগী কান্নবা ফংলবা, মতম অদুদা খুন্নাইগী অচুম্বা ফংবা হেনগনি। মরম অদুনা খুন্নাইগী থবকশিংদ খুন্নাইগী অচুম্বা অমা দরকার ওইরি। মরম অদুনা লৈবাক্কী থবকশিংদা খুন্নাইগী অচুম্বা দরকার ওইরি। করিগুম্বা হৌজিক লৈবাক্কী মফম অমা চাউখৎতনা লৈরবদি, মসি খুন্নাইগী অচুম্বগী মায়োক্তনি। ঐখোয়গী নোংপোক থংবা শরুকশিং মপাঙ্গল কনখৎহন্দুনা মফম অদুদা ঐখোয়না খুন্নাইদগী অচুম্বা পুরক্কদবনি। থোং মান্ননা চাউখৎহন্নবা থবকশিংদা এস্পিরেসনেল দিস্ত্রিক স্কিমনা ইনোৎ অমা পীরে। স্কিম অসি ব্লোক ৫০০ দা পায়খৎলে।

ইকায়খুম্নরবা এম.পিশিং,

মালেম শীনবা থুংনা ভারত্তা মীৎয়েং থম্লে। কোল্দ ৱার মতমদা ভারত মীচং-মীখাই নাইদবা লৈবাক অমা ওইনা লৌনখি অমসুং ঙসিদি ভারতনা অতোপ্পা লৈবাকশিংদা মতেং পাংবদগী ভারত ‘বিশ্ব মিত্র’ অমা ওইনা খঙনরে। লৈবাক অসি মালেমগী লেংদবা সপ্লাই চেন অমা ওইরক্তুনা অসিগুম্বা মপান লৈবাক্কী থৌশিলগী কান্নবশিং ভারতনা ফংবা হৌরে।

গ্লোবেল সাউথকী অনিংবশিং থুংহন্নবা জি-২০ মীফম অসি পাম্বৈ অমনি অমসুং অচৌবা মাইপাকপা অসি তুংগী মীরোলশিংনা চাউথোকপা ফাওরগনি। জি-২০ মীফম্না হুল্লম্বা মরুশিংনা মালেমগী থাজবগী অচৌবা খোংনাং পাম্বী অমা ওইনা হৌরগনি। জি-২০ মীফমদা বাইওফুয়েল এল্লাইন্স থবক ওইনা পাংথোকখ্রে। ভারতকী লমজিং মখাদা মালেমগী থাক্তা অচৌবা বাইওফুয়েলগী ইহৌ অমা চঙশিল্লে।

ইকায়খুম্নরবা মরুপশিং, ইকায়খুম্নরবা উপ-রাস্ত্রপতি, ইকায়খুম্নরবা স্পিকির সার,

ঙসি ঐখোয় মফম অসি থাদোক্লগনি অমসুং অনৌবা শঙলেন্দা হোঙজিল্লগনি। ঐখোয় অনৌবা সংসদ শঙলেন্দা ফম্লগনি। শেংনবা গণেস চতুর্থীগী নুমিত্তা ঐখোয় মীফম পাংথোক্লি। হৌজিক ঐখোয় অনৌবা হাওসতা হোংলগনি, হাওসকী ইকায়খুম্নবা কৈদৌঙৈদা ময়েং তাহল্লোইদবনি।

মসি অরিবা সংসদ অমনি হায়দুনা হুন্দোকলম্লোইদবনি। উপ-রাস্ত্রপতি অমসুং স্পিকর সার অনিনা য়াবীরবদি, মসি কন্সতিতুয়েন্ত এশেমব্লি ওইনা শক খঙবীনবা ঐনা হায়জরি। মসিনা মতম পুম্নমক্তা ঐখোয়দা ইথিল পীগনি অমসুং মসি ঐখোয়না কন্সতিতুয়েন্ত এশেমব্লি হায়না কৌনবা মতমদা, মফম অসিদা ফমখিবা শক্নাইরবা মীওইশিং ঐখোয়না নিংশিংদুনা লৈহৌরগনি অমসুং মসি তুংগী মীরোলশিংদা পীবা খুদোল অমা ওইগনি। মসিগী খুদোংচাবা অসি ঐখোয়না মাঙহল্লোইদবনি।

অমুক হন্না মসিগী শেংলবা লৈবাক অসি ঐনা কোক নোঞ্জরি। মফম অসিদা অৱাবা খাংখিবা, মীয়ামগী য়াইফনবা ৱারেপশিং লৌখিবা অমসুং মীয়ামগী অনিংবশিং থুংহন্নবা চহি ৭০ হেন্না হোৎনখিবশিংদা ইকায়খুম্নবা উৎতুনা ঐগী ৱারোল লোইশিঞ্জরে। অনৌবা হাওসকীদমক ঐনা ময়াম পুম্নমক নুংঙাইবা ফোঙদোকচরি। অদোমগী মফমদা ঐগী য়াইফ-পাউজেল পীজরি।

অদোম থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How Kibithoo, India’s first village, shows a shift in geostrategic perception of border space

Media Coverage

How Kibithoo, India’s first village, shows a shift in geostrategic perception of border space
NM on the go

Nm on the go

Always be the first to hear from the PM. Get the App Now!
...
PM announces ex-gratia for the victims of Kasganj accident
February 24, 2024

The Prime Minister, Shri Narendra Modi has announced ex-gratia for the victims of Kasganj accident. An ex-gratia of Rs. 2 lakh from PMNRF would be given to the next of kin of each deceased and the injured would be given Rs. 50,000.

The Prime Minister Office posted on X :

"An ex-gratia of Rs. 2 lakh from PMNRF would be given to the next of kin of each deceased in the mishap in Kasganj. The injured would be given Rs. 50,000"