প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা জি২০ এগ্রিকলচর মিনিস্তর’স মীত্তা ৱা ঙাংখ্রে।
থৌরম অদুদা ৱা ঙাংলদুনা প্রধান মন্ত্রীনা ভারত্তা লাকখিবা দিগনিতরী পুম্নমকপু তরাম্না ওকখি অমসুং লৌউ-শিংউ অসি মীওইবগী সভ্যতাগী মরু ওইবা মচাক অমনি হায়না ফোঙদোকখি। মহাক্না হায়খি লৌউ-শিংউগী মন্ত্রীগী থৌদাংশিং অসি শুপ্নগী ইকনোমীগী সেক্তর অমা হেন্দল তৌবা খক্তা নত্তনা মীওইবা খুন্নাইগী তুংলমচৎ শাফনা থম্বনি। প্রধান মন্ত্রীনা হায়খি লৌউ-শিংউনা মালেম শিনবা থুংবদা লৈরিবা মীওই বিলিয়ন ২.৫ হেনবগী হিংনবগী লম্বী পীরি অমসুং জি.দি.পি.গী চাদা ৩০রোম শরুক তমখি অমসুং গ্লোবেল সাউথতা থবক চাদা ৬০ পীরি। ঙসি গ্লোবেল সাউথনা মায়োক্নরিবা শীংনবশিংগী মতাংদা পল্লদুনা প্রধান মন্ত্রীনা হায়খি লাইচৎকী শাফু অমসুং ফীভম শোকচিল্লক্লিবা জিওপোলিতিকেল তেন্সন্না সপ্লাই চেন্দা অপনবা থোকহল্লি। মহাক্না হেন্না তোইনা শাথিরবা অইং-অশা থোকহল্লিবা ক্লাইমেৎ চেঞ্জকী মতাংদসু ফোঙদোকখি।
এগ্রিকলচরেল সেক্তরদা ভারতনা শরুক তম্মিবা অসিগী মতাংদা পল্লদুনা প্রধান মন্ত্রীনা ‘বেক তু বেসিক্স’ অমসুং ‘মার্চ তু ফ্যুচর’গী ফ্যুজন ওইরিবা ভারতকী পোলিসীগী মতাংদা ফোঙদোকখি অমসুং ভারতনা মহৌশাগী লৌউ-শিংউ লোয়ননা তেক্নোলোজী-ইনেবল ফার্মিং থৌগৎলি হায়খি। প্রধান মন্ত্রীনা হায়খি, “ভারত শিনবা থুংবদা লৈরিবা লৌমী পুম্নমক্না হৌজিক্তি মহৌশাগী লৌউ-পথাপ পাইখৎকি”। মহাক্না মখা তারদুনা হায়খি মদুদি মখোয়না সিন্থেতিক ফর্তিলাইজরশিং নত্ত্রগা পেস্তিসাইদশিং শীজিন্নদ্রে অদুবু মখোয়না ইমা পৃথিবীবু কন্নবা, লৈবাক লৈহাও ঙাকশেন্নবা অমসুং পেস্ত মেনেজমেন্ত সোল্যুসনশিংদা মীৎয়েং চংলি। মসিগা লোয়ননা প্রধান মন্ত্রীনা মখা তারদুনা হায়খি ঐখোয়গী লৌমীশিংনা প্রদক্তিবিতী শাহৌ পীনবা প্রোএক্তিব ওইনা তেক্নোলোজী শীজিন্নরি অমসুং মখোয়গী লৌবুকপু সোলর পাৱর জেনরেৎ তৌনবা শীজিন্নরিবা, ক্রোপ সেলেক্সন হেনগৎহন্নবা সোইল হেল্থ কার্দশিং শীজিন্নবা, অমসুং ন্যুত্রেন্তশিং চাইনবা দ্রোনশিং শীজিন্নবা অমসুং মখোয়গী মহৈ-মরোংশিং মোনিতর তৌবগী খুদমশিং পীখি। শ্রী মোদীনা মসিগী ‘ফ্যুজন এপ্রোচ’ অসি লৌউ-শিংউদা লৈরিবা সমস্যা কয়ামরুম কোকহন্নবা খ্বাইদগী ফবা পাম্বৈ ওইগনি হায়বগী থাজবা ফোঙদোকখি।
প্রধান মন্ত্রীনা হায়খি ২০২৩ অসি ইন্তর্নেস্নেল ইয়র ওফ মিল্লেৎস পালন তৌরি অমসুং দিগনিতরীশিংনা মসিগী মমি অসি হাইদরাবাদতা মখোয়গী পুখমদা উবা ফংগনি, মসিদা থোং-থাক্লিবা মথেল অয়াম্বা মিল্লেৎ নত্ত্রগা শ্রী অন্না ঙাক্তনি। শ্রী মোদীনা হায়খি মসিগী সুপরফুদশিং অসি চাবদা হকচাং ফবা খক্তা নত্তনা লৌমীশিংগী ইনকমশিং হেনগৎপদা মতেং পাংলি মরমদি মসিগী মহৈ-মরোং অসি ঈশিং অমদি হার হন্থনা চংই। মিল্লেৎকী পুৱারীগী মতাংদা প্রধান মন্ত্রীনা হায়খি মখোয় অসি চহি লিশিং কয়াদগী থাদুনা লাকখি অদুবু মার্কেৎ অমসুং মার্কেতিংগী ইনফ্যুন্সনা মরম ওইদুনা অরিবা মতমদগী থারকপা পাম্বৈ অসিগী ভেল্যু মাংলকখি। ভারত অসি ইন্সতিত্যুত ওফ মিল্লেৎস রিসর্চ অমা মিল্লেৎশিংগী খ্বাইদগী ফবা প্রেক্তিসশিং, রিসর্চ অমসুং তেক্নোলোজীশিং শিয়র তৌনবা সেন্তর ওফ এক্সিলেন্স ওইনা শেমগৎলি হায়রদুনা প্রধান মন্ত্রীনা হায়খি, “শ্রী অন্না, মিল্লেৎস অসি ঐখোয়গী চোইসকী চিঞ্জাক অমা ওইহল্লসি”।
শ্রী মোদীনা লৌউ-শিংউগী মন্ত্রীশিংনা গ্লোবেল ফুদ সেক্যুরিতী ফংনবা পুন্না থবক পাইখৎনবগী মতাংদা খন্ন-নৈন্নবা হায়কি। মহাক্না মর্জিনেল ফার্মরশিংদা মীৎয়েং চংবা অমসুং গ্লোবেল ফর্তিলাইজর সপ্লাই চেনশিং মপাঙ্গল কনখৎহন্নবা সস্তেনেবল অমসুং ইনক্লুসিন ফুদ সিস্তেম অমা শেমগৎনবা লম্বীশিং থীদোক্নবা অপাম্বা ফোঙদোকখি। মসিগা ইরোইননা প্রধান মন্ত্রীনা হেন্না ফবা লৈবাক লৈহাও, ক্রোপ হেল্থ অমসুং পোত্থোক লৈনবগীদমক এগ্রিকলচরেল প্রেক্তিসশিং পাইখৎনবা হায়খি। প্রধান মন্ত্রীনা হায়খি মালেমগী তোঙান-তোঙানবা শরুকশিংদগী ত্রেদিস্নেল প্রেক্তিসশিংনা ঐখোয়বু রিজেনরেতিব এগ্রিকলচরগীদমক অলতর্নেতিবশিং দিবেলপ তৌনবা ইথিল পীবা য়াই। মহাক্না লৌমীশিংবু ইন্নোবেসন অমসুং দিজিতেল তেক্নোলোজী শীজিন্নদুনা শক্তি পীবা অমসুং গ্লোবেল সাউথতা অপীকপা অমসুং মর্জিনেল ফার্মরশিংগীদমক সোল্যুসনশিং অসি শেল চংহনদবা হায়বা অসিদা মীৎয়েং চংবা মথৌ তাই হায়খি। মহাক্না লৌউ-শিংউগী অমসুং ফুদ ৱেস্ত হন্থহন্নবা অমরোমদা ৱেল্থ ফ্রোম ৱেস্ত শেমগৎনবা অথুবদা মীৎয়েং চংবা মথৌ তাই হায়না ফোঙদোকখি।
ৱারোল পীবা লোইশিল্লদুনা প্রধান মন্ত্রীনা হায়খি “ভারতকী জি২০না লৌউ-শিংউগী মরু ওইবশিংনা ঐখোয়গী ‘ৱান আর্থ’ অসিবু ফগৎহন্নবা, ‘ৱান ফেমিলী’ মনুংদা ইং-চীকপা পুরকপা অমসুং ‘ৱান ফ্যুচর’ অমগীদমক আশাগী মঙাল পীবা হায়বা অসিদা মীৎয়েং চংলি”। অচৌবা কান্নবা অনি – ‘দিক্কান হায়-লেবেল প্রিন্সিপল্স ওন ফুদ সেক্যুরিতী এন্দ ন্যুত্রিসন’ অমসুং মিল্লেৎশিং অমসুং অতোপ্পা মহৈ-মরোংগীদমক ‘মহারৃঋি’ অসিদা অকনবা থবক পাইখৎপদা মহাক্না নুংঙাইবা ফোঙদোকখি। লোইশিনবদা প্রধান মন্ত্রীনা হায়খি, “থৌশিল অনি অসিবু শৌগৎপা হায়বা অসি ইনক্লুসিব, সস্তেনেবল অমসুং রেজিলিএন্ত এগ্রিকলচর শৌগৎপগী খুদম অমনি”।
