প্রধান মন্ত্রী শ্রী নরেন্দ্র মোদীনা ঙসি দিল্লীগী কেরিয়প্পা পেরেদ গ্রাউন্দদা চহিগী এন.সি.সি. পি.এম. রেলীদা ৱা ঙাংখ্রে। এন.সি.সি.গী নুমিৎতা মীয়াম তিনখিবা অদুদা নুংঙাইবা ফোংদোক্লদুনা প্রধান মন্ত্রীনা হায়খি মদুদি এন.সি.সি., এন.এস.এস. কেদেৎশিং, তেব্লো আর্তিস্তশিং, নেস্নেল রঙ্গশালাগী কম্পেনিয়ন অমসুং লৈবাক শিনবা থুংবদগী লাকপা নহা ওইরিবা শরুক য়ারিবশিংনা হোৎনরিবশিং অসি মখোয়গী কোওর্দিনেতেদ পর্ফোমেন্সতা ময়েক শেংনা উবা ফংই। ঙসি অয়ুক মহারাস্ত্রাগী উপ মুখ্য মন্ত্রী শ্রী অজিৎ পৱারজী অমসুং মহাক্কী মরূপ খরগী পুন্সি লোমখিবা প্লেন কায়বগী থৌদোক্না মরম ওইদুনা ঙসিগী নুমিৎ অসি য়াম্না নুংঙাইতবা নুমিৎ অমা ওইরে হায়না শ্রী মোদীনা অৱাবা ফোঙদোকখি। মহাক্না হায়খি মদুদি অজিৎ দাদানা মহারাস্ত্রা অমসুং লৈবাক অসিগী চাউখৎপদা মরুওইনা খুঙ্গংগী পুন্সি মহিং ফগৎহন্নবা হোৎনদুনা অচৌবা থৌদাং লৌখি। মহাক্না শ্রী অজিৎ পাৱরজীগী ইমুং-মনুংগী অৱাবদা নুংঙাইতবা ফোংদোকখি। মহাক্না হায়খি মদুদি অৱাবা তারবা মতম অসিদা লৈবাক অসিনা এক্সিদেন্ত অসিদা লৈখিদ্রবশিংগী ইমুং মনুংগা লোয়ননা লৈরি। অৱাবা অমসুং অৱাবা ফোংদোকপা মতম অসিদা, প্রধান মন্ত্রীনা মরুপ ওইরিবা লৈবাকশিংদগী লাকপা কেদেৎশিং য়াওনা মফম অসিদা লৈরিবা কেদেৎ পুম্নমকপু য়াইফ-পাউজেল পীখি। মহাক্না চহি অসিদা নুপী কেদেৎশিংনা শরুক য়াবগীদমক থাগৎপা ফোংদোকখি।
শ্রী মোদীনা হায়খি মদুদি এন.সি.সি. অসি ভারতকী নহারোলশিংবু মশা-মউ ফবা, দিসিপ্লিন লৈবা, সেন্সিতিব ওইবা অমসুং লৈবাক অসিগী কৎথোকপা নাগরিক ওইহনবগী খোংজং অমনি। চহি খুদিংগী কেদেৎশিংনা মখোয়গী থৌদাং হেন্না মপাঙ্গল কনখৎহল্লি। হৌখিবা চহি খরা অসিদা এন.সি.সি. কেদেৎশিংগী মশিং লাখ ১৪দগী লাখ ২০দা হেনগৎখ্রে হায়না মহাক্না ফোংদোকখি।
প্রধান মন্ত্রীনা হায়খি মদুদি এন.সি.সি. অসি নহারোলশিংনা মখোয়গী হেরিতেজবু চাউথোকচবা ফাওদুনা হিংলিবা প্লেৎফোর্ম অমনি। মহাক্না লৈবাক শীনবা থুংনা য়াম্না পুক্নিং থৌগৎতুনা বন্দে মাতরামগী চহি ১৫০গী থৌরম পাংথোকখিবা অদু পনখি। মহাক্না পরমবীর সাগর য়াত্রা অসি অফবা খুদম অমনি হায়না পল্লদুনা চহি খরগী মমাংদা সরকারনা অন্দমান অমসুং নিকোবরগী ইথৎ ২১বু পরমবীর চক্র এৱার্দ ফংলবশিংগী মিংদা মিংথোনখিবা অদু নিংশিংখি। কেদেৎশিংনা মখোয়গী সেলিং এক্সপিদিসনগী খুত্থাংদা নেস্নেল হিরোশিংবু ইকায় খুম্নবা উৎপগী থৌনা অসি মখা তানা চৎথখি। শ্রী মোদীনা হায়খি মদুদি লক্ষদ্বীপতা, ইথৎ ফেস্তিবেলগী খুত্থাংদা কেদেৎশিংনা সমুদ্র, কলচর অমসুং মহৌশাগী থৌরমশিং অসি পুন্না পাংথোক্লি।
শ্রী মোদীনা হায়খি মদুদি এন.সি.সি.না পুৱারী অসি মোন্যুমেন্তশিংদগী লম্বীদা পুখৎতুনা, মীয়ামদা এৱারনেস পীনবা সাইকল রেলীগী খুত্থাংদা বাজিরৌ পেশৱানা পাংথোকখিবা থৌনা, লান্মী লচিত বোর্ফুকানগী হৈ-শিংবা অমসুং ভগবান বির্সা মুন্দানা লুচিংখিবা থৌনা অদু উৎখি। মহাক্না কেদেৎ পুম্নমক্কী হোৎনবদা থাগৎপা ফোংদোকখি অমসুং ঙসি ইকাই খুম্নবা ফংলবশিংদা য়াইফ-পাউজেল পীখি।
লাল কিল্লাদগী মহাক্না হায়খিবা নিংশিংলদুনা, হৌজিক অসি খ্বাইদগী ফবা মতমনি হায়না ফোংদোক্লদুনা, প্রধান মন্ত্রীনা হায়খি মদুদি ঙসিগী মতম অসি ভারতকী নহারোলশিংগীদমক খ্বাইদগী ফবা খুদোংচাবশিংগী মতম অমনি। মহাক্না হায়খি মদুদি সরকারনা নহাশিংবু মতম অসিদগী খ্বাইদগী কান্নবা ফংহনবদা অচেৎপা মীৎয়েং থম্লি। ভারত অমসুং য়ুরোপিয়ন য়ুনিয়নগী মরক্তা পুৱারী ওইরবা ফ্রী ত্রেদ এগ্রীমেন্ত অমা খুদম ওইনা পনখি। মহাক্না মখা তাখি মদুদি মসিগী মমাংদা, ভারতনা ওমান, ন্যু জিলেন্দ, ব্রিতেন, য়ু.এ.ই., ওস্ত্রেলিয়া অমসুং মোরিসিয়সকা লোয়ননা ফ্রী ত্রেদ এগ্রীমেন্তশিং সাইন তৌনখি। মখোয় পুম্নমক অসিনা নহারোল মিলিয়ন কয়াগীদমক মশিং য়াম্লবা খুদোংচাবশিং শেমগৎলি।
মালেম পুম্নমক্না ভারতকী নহাশিংবু থাজবগা লোইননা য়েংলি হায়না পল্লদুনা শ্রী মোদীনা হায়খি মদুদি থাজবসিগী মরমদি মখোয়গী হৈশিংবা অমসুং মগুনশিংনি। মহাক্না হায়খি মদুদি ভারতকী নহারোলশিংনা দেমোক্রেসীগী ভেল্যুশিং, মখল কয়াগী ইকাই খুম্নবা অমসুং মালেম অসি ইমুং অমগুম্না থাজবা লৈ। মসিনা মখোয়বু মখোয়না চৎপা মফম খুদিংমক্তা মীওইশিংগা লায়না পুনশিন্নবা অমসুং লৈবাকশিং অদুগী চাউখৎ থৌরাংদা মতেং পাংনবা ঙমহল্লি। প্রধান মন্ত্রীনা হায়খি মদুদি ভেল্যুশিং অসি ভারতকী নাৎ অমসুং মহৌশাগী মগুনশিংনি।
শ্রী মোদীনা মালেমগী লুচিংবশিংগা ৱারী শানবদা য়ুম্ফম ওইদুনা হায়খি মদুদি ভারতকী নহারোলশিং অসি কন্না হোৎনবতা নত্তনা অফবা প্রোফেস্নেলশিংসু ওইরি। মরম অসিনা মালেমগী ওইনা মখোয়বু য়াম্না পাম্নরি। মহাক্না পনখি মদুদি গল্ফ লৈবাকশিংদা, ভারত মচা মিল্লিয়ন কয়া চহি কয়াদগী থবক তৌদুনা লাক্লি, অমসুং ভারতকী দোক্তর অমসুং ইঞ্জিনীয়রশিংনা লৈবাক কয়াদা অখন্নবা হেল্থকেয়র সিস্তেম অমসুং ইনফ্রাস্ত্রকচর শেমগৎলি। মমাংগী মতমশিংদা ভারতকী ওজাশিংনা মপান লৈবাক্তা চৎখিবা অদু মহাক্না নিংশিংখি। মখোয়না মালেমগী খুন্নাইদা অনৌবা ভেল্যুশিং হাপচিনখি।
প্রধান মন্ত্রীনা হায়খি মদুদি মালেমদা ভারতকী নহারোলশিংনা কন্ত্রিব্যুসন পীবগা লোয়ননা, লৈবাক অসিগী মনুংদা মখোয়গী এচিবমেন্তশিং অসি মালেমগী ওইনা পাক শন্না থাগৎপা ফোংদোক্লি। মহাক্না হায়খি মদুদি নহাশিং অসিনা মরম ওইদুনা ভারত অসি মালেমগী ওইনা ইনফোর্মেসন তেক্নোলোজীগী মপাঙ্গল ওইরক্লি। অমসুং হৌজিক্তি মখোয়গী পাঙ্গল অসিনা স্তার্ত-অপশিং, স্পেস, দিজিতেল তেক্নোলোজী অমসুং লম খুদিংমক্তা অহোংবা পুরক্লি।
য়ুরোপিয়ন য়ুনিয়নগা লোইননা হন্দক্তা য়ানখিবা ফ্রী ত্রেদ এগ্রীমেন্ত অসি 'মদর ওফ ওল দিল্স' হায়না শিংথানরি অমসুং মালেমগী ওইবা গেম চেঞ্জর অমনি হায়না শ্রী মোদীনা ফোংদোকখি। মহাক্না ফোংদোকখি মদুদি FTA অসিনা মালেমগী জি.দি.পি.গী মরিশুবা শরুক অমসুং মালেমগী ত্রেদকী শরুক অহুম থোকপগী অমা মহুৎ শিল্লি, অমসুং মসি ভারতকী নহাশিংগীদমক্তা তশেংনা "ফ্রীদম তু এস্পিরেস"নি।
প্রধান মন্ত্রীনা হায়খি লৈবাক ২৭কা লোইননা খুৎয়েক পীনখিবা অসিনা ভারতকী স্তার্ত-অপশিংদা শেল থাদবা অমসুং ইনোবেসন ইকোসিস্তেমগী খুদোংচাবা ফংহন্দুনা কান্নবা ফংহল্লগনি। ফিল্ম, গেমিং, ফেস্ন, দিজিতেল কন্তেন্ত, ম্যুজিক অমসুং দিজাইনগী লমদা ভারতকী ক্রিএতিব ইকোনোমী হেনগৎহল্লগনি। মহাক্না হায়খি মদুদি য়ানচে অসিনা ভারতকী নহাশিংদা রিসর্স, এজুকেসন, আই.তি. অমসুং প্রোফেস্নেল সর্ভিসশিংদা অনৌবা খুদোংচাবা পীগনি।
এগ্রীমেন্ত অসি মসিগী অচৌবা কান্নবশিং অসিগী মরমদসু 'মদর ওফ ওল দিলস' হায়না খঙনরি হায়না পল্লদুনা শ্রী মোদীনা হায়খি মদুদি মসিনা আত্মানির্ভর ভারত কেম্পেন অসি খুমাং চাউশিলহল্লগনি অমসুং 'মেক ইন ইন্দিয়া, মেক ফোর ৱার্ল্দ'গী ৱারেপ অদু মপাঙ্গল কনখৎহল্লগনি। মহাক্না হায়খি মদুদি মসিগী এগ্রীমেন্ত অসিগী মখাদা, ভারতকী এক্সপোর্তকী চাদা ৯৯ হেনবদা তারিফ অসি জিরো নৎত্রগা য়াম্না নেম্না লৈগনি। মসিনা তেক্সতাইল, লেদর, জেমস অমসুং জ্যুলরী, ফুতৱয়র, ইঞ্জিনীয়রিংগী পোৎলমশিং অমসুং এম.এস.এম.ই.শিংগুম্বা ইন্দস্ত্রীশিংদা কান্নবা ফংহল্লগনি। মহাক্না ফোংদোকখি মদুদি ৱিভরশিং, আর্তিসানশিং অমসুং অপীকপা ওন্ত্রপ্রিনরশিংনা য়ুরোপিয়ন লৈবাক ২৭গী পাক চাউরবা কৈথেলশিংদা হকথেংননা চঙবা ঙম্লগনি।
প্রধান মন্ত্রীনা মখা তাখি মদুদি য়ানচে অসিনা ভারত্তা ইনভেস্তমেন্ত হেন্না পুরক্লগনি। মসিনা অনৌবা ইঞ্জিনীয়রিং, ইলেক্ত্রোনিক্স, কেমিকেল, ফার্মা অমসুং অতোপ্পা মেনুফেকচরিং প্লান্তশিং শেমগৎলক্লগনি। মসিনা লৌউ-শিংউ, ফুদ প্রোসেসিং অমসুং ফিসরিজকীদমক অচেৎপা কৈথেলশিং শেমগৎকনি। মসিনা লৌমীশিং, ঙামীশিং অমসুং খুঙ্গংগী নহাশিংগীদমক অচৌবা খুদোংচাবা অমা ওইরগনি। শ্রী মোদীনা ফোংদোকখি মদুদি এফ.তি.এ. অসিনা ভারতকী নহারোলশিংবু য়ুরোপকী থবক ফংবগী কৈথেলগা হকথেংননা শম্নহল্লি। মসিনা মরুওইনা ইঞ্জিনীয়রিং, গ্রীন তেক্নোলোজী, দিজাইন, লোজিস্তিক্স অমসুং এদভান্স মেন্যুফেকচরিংদা খুদোংচাবশিং ফংহল্লি। মসিনা লৈবাক ২৭তা লৈরিবা ভারতকী নহারোলশিংগীদমক অনৌবা লম্বীশিং হাংলি।
শ্রী মোদীনা হায়খি মদুদি সরকারনা অপুনবা রিফোর্মশিংগী খুত্থাংদা মালেমগী খুদোংচাবশিং পাকথোক চাউথোকহল্লি, অমসুং ঙসি লৈবাক অসিনা চৎলিবা রিফোর্ম এক্সপ্রেস অসিনা নহারোলশিংগী মমাংদা লৈরিবা খুদোংচাদবা খুদিংমক মুত্থৎলি। মহাক্না হায়খি মদুদি লৈবাক অসিগী মাংজিল থানা লাক্লিবা খুদোংচাবশিং অসি এন.সি.সি.গী কেদেৎশিংদা পীনরিবা দিসিপ্লিন অমসুং ভেল্যুশিংগা লোয়ননা মখোয়দা অহেনবা খুদোংচাবা ফংহল্লি।
ওপরেসন সিন্দুরগী মতাংদা পুক্নিং চিংশিন্নিংঙাই ওইবা মওং-মতৌগীদমক থাগৎপা ফোংদোক্লদুনা, শ্রী মোদীনা অখন্ননা নেস্নেল সেক্যুরিতীগীদমক য়াম্না মরু ওইবা মতম অদুদা এন.সি.সি.গী কেদেতশিংনা হোৎনখিবা অদুগীদমক থাগৎপা ফোংদোকখি। মহাক্না মখোয়গী সশস্ত্র ফোর্সশিং শৌগৎপদা, ব্লদ দোনেসন কেম্পশিং ওর্গানাইজ তৌবদা, অমসুং অহানবা মতেং পীনবগী সর্ভিসশিং পীবদা শরুক য়াখিবা অদু পনখি। প্রধান মন্ত্রীনা হায়খি মদুদি এন.সি.সি.গী ত্রেনিং অসি পেরেদ গ্রাউন্দ খক্তদা অকক্নবা ওইদে অদুবু 'নেসন ফার্ষ্ট'কী স্পিরিতসু পোকহল্লি, মসিনা কেদেৎশিংদা অৱাবা মতমদা লৈবাক অসিগীদমক মপুং ফানা থবক তৌনবা পুক্নিং থৌগৎলি। মহাক্না নীংশিংখি মদুদি এন.সি.সি.দা লৈরিঙৈ মতমদা 'নেসন ফর্স্ত'গী মহাক্কী ৱাখল্লোন অদু হেন্না মপাঙ্গল কনখৎলকখি। ঙসিদি কেদেৎশিংনা মান্নবা মগুনশিং অদু তম্লকপা উবদা মহাক্না নুংঙাইবা ফোংদোকখি।
ওপরেসন সিন্দুরনা ভারতকী শক্তি অমসুং মসিগী আর্মদ ফোর্সেসকী থৌনা অদু অমুক্কা হন্না উৎলে হায়না পল্লদুনা শ্রী মোদীনা হায়খি মদুদি মসিনা লমদমসিগী ওইবা খুৎলাইশিংগী অওনবা অদুসু উৎলি। মহাক্না অকনবা ৱাফম থমখি মদুদি হৌজিক মতমগী লানগী থৌওংশিংদা, নহারোলশিংগী হৈ-শিংবগী থৌদাং অসি য়াম্না হেনগৎলক্লি, মরমদি লান অসি তেঙ্ক অমসুং নোংমৈখক্তগী নত্তনা কোদ অমসুং ক্লাউদকী মওংদা চত্থরি। তেক্নোলোজীদা মাংজিল থারিবা লৈবাকশিং অসি শেন্মিৎলোনদা নত্তনা সেক্যুরিতীদসু মাংজিল থারি হায়না মহাক্না পনখি অমসুং নহারোলশিংনা ইনোবেসন তৌবনা লৈবাক নুংশিবা হেনগৎহল্লি অমসুং নেস্নেল সেক্যুরিতীদা মতেং পাংলি হায়না মহাক্না ফোংদোকখি। তেক্নোলোজীদা হৈথোই-শিংথোইবা, ইনোবেতিব ওইবা নহাশিংগীদমক সশস্ত্রগী লান্মীশিংদা অনৌবা খুদোংচাবশিং ফংলি হায়না মহাক্না ফোংদোকখি। দিফেন্স স্তার্তঅপশিং, মেদ ইন ইন্দিয়া দ্রোনশিং শেমগৎলি, অমসুং দিফেন্স ইনোবেতিব অমসুং এ.আই.না ফোর্সশিং মোদর্নাইজ তৌরি। মহাক্না নহাশিংবু খুদোংচাবশিং অসি মপুং ফানা শিজিন্ননবা হায়খি।
প্রধান মন্ত্রীনা হায়খি মদুদি লৈবাক অসিনা জেনুৱারী ২৫দা নেস্নেল ভোতরস দে পাংথোকখি, অমসুং মহাক্না থৌরম অসিদা নাগরিকশিংদা পাউতাক অমা ইখি। মহাক্না হায়খি মদুদি নেস্নেল ভোতরস দে অসি সংবিধান্না পীরিবা থৌদাং অমসুং হকশিংগী থৌরম অমনি। মহাক্না হায়খি মদুদি ভারতনা মালেমদা খ্বাইদগী য়াম্লবা নহা ওইরিবা ভোতরশিং লৈরি। মহাক্না হায়খি মদুদি নহা ওইরিবা নাগরিকশিংনা চহি ১৮ শুরবা অমসুং ভোৎ থাদনবগী ইলিজিবল ওইবা মতমদা, মখোয়না লৈবাক অসিগী তুংগী মীরোল শেম্বগী শক্তি ফংই। শ্রী মোদীনা লৈবাক অসিদা অনৌবা চৎনবী অমা শেম্নবা হায়খি। মহাক্না এন.সি.সি., এন.এস.এস., অমসুং মাই য়ং ইন্দিয়া ওর্গনাইজেসন্না অহানবা ওইনা ভোৎ থাদবা মীওইশিংবু ইকায় খুম্নবা উৎনবা জনুৱারী ২৫ খুদিংগী অচৌবা থৌরম অমা পাংথোক্নবা ৱাফম থমখি। মহাক্না থাজবা থমখি মদুদি অসুম্না হোৎনবা অসিনা নহারোলশিংগী মরক্তা থৌদাং লৌবগী ইথিল অদু মপাঙ্গল কনখৎহল্লগনি অমসুং দেমোক্রেসীবু মপাঙ্গল কনখৎহল্লগনি।
শ্রী মোদীনা হায়খি মদুদি "চাউখৎলবা ভারত অসি শেনমিৎলোনগী চাউখৎপা অদুখক্তদা অকক্নবা ওইদে, অদুবু মসিনা নাগরিকশিংগী লমচৎ-শাজৎকীসু মখা পোল্লি, মখোয়না মখোয়গী মথৌদা অখন্নবা মীৎয়েং থমগদবনি। মহাক্না স্বচ্ছ ভারত অভিয়ানবু খুদম অমা ওইনা পল্লদুনা হায়খি মদুদি মসি সরকারনা হৌদোক্লবসু, মসি নাগরিকশিং, নহারোলশিং অমসুং অঙাংশিংনা মাংলোমদা পুখৎলি। অমসুং মহাক্না অকোয়বগী শেংদোকপা হায়বসি মহৌশাগুম, পুন্সি মহিং অমসুং ভেল্যু অমনি হায়না অকনবা ৱাফম থমখি। শ্রী মোদীনা হায়খি মদুদি সিভিক দ্যুতীগী স্পিরিৎ অসি নুমিৎ খুদিংগী পুন্সিগী শরুক অমা ওইহনগদবনি। অমসুং মীওইবনা মখোয়গী য়ার্দশিংদা ফজবা পাম্বা অদুগুম্না, মখোয়না চপ মান্নবা স্পিরিৎ অদুগা লোয়ননা মখোয়গী শহরশিংসু ফজহনগদবনি। মহাক্না মফম অদুদা লৈরিবা নহা খুদিংমকপু চয়োল অমদা য়ামদ্রবদা পুং অমমুক চাফ-থুমগা মরী লৈনবা কেমপেন অমদা কৎথোক্নবা অমসুং খনগৎলবা মফম অমদা থবক থৌরম খরা থৌরাং তৌনবা আপিল তৌখি।
প্রধান মন্ত্রী মোদীনা হায়খি মদুদি এন.সি.সি.না "এক পেদ মা কে নাম" কেম্পেনগী মখাদা তানা উ পাম্বী লাখ ৮ রোম থাখ্রে হায়বা খঙবদা মহাক্না নুংঙাইবা ফোংদোকখি। মহাক্না মসিমসু পনখি মদুদি হায়রিবা উ পাম্বীশিং অসি অফবা মওংদা চাউখৎহনবনা ঐখোয়গী থৌদাংনি।
নহারোলশিংগী শক্তিগী খ্বাইদগী চাউবা চাংয়েং অসি লাক্কদৌরিবা মতম অসিদা ঐখোয়না কয়াম য়াম্না ফিৎ ওইগদগে হায়বসিনি হায়না পল্লদুনা প্রধান মন্ত্রীনা ফিতনেস অসি মিনিত খরগী এক্সরসাইজ তৌবদা য়ুম্ফম ওইদুনা লৈরোইদবনি অদুবু দিসিপ্লিন ওইবা পুন্সি মহিংগা লোয়ননা দাইতদগী হৌরগা নুমিৎ খুদিংগী রুতিন ফাওবা ঐখোয়গী মহৌশাগী শরুক অমা ওইহনগদবনি হায়না মহাক্না ফোংদোকখি। শ্রী মোদীনা এন.সি.সি.গী কেদেৎশিংনা ফিৎ ইন্দিয়া কেম্পেন অসি মাংলোমদা চঙশিল্লিবা অমসুং শান্ন-খোৎনবদা অফবা পর্ফোমেন্স পীরক্লিবা অসিদা নুংঙাইবা ফোংদোকখি।
প্রধান মন্ত্রীনা নহারোলশিংগী মরক্তা ওবেসিতিগী ৱাফম পুখৎলকখি। ভারতকী মীওই অহুমগী মনুংদা অমা তুংদা ওবেসিতিগী লাইনা-লাইচৎ অসি নারকপা য়াই হায়না পল্লকপা স্তদীশিং পনখি। মসিনা দাইবেতিক্স, ব্লদ প্রেসর অমসুং অতোপ্পা লায়না কয়াগী রিস্ক হেনগৎহল্লি। মসিদা নহারোলশিংনা খ্বাইদগী শোকহল্লি। মহাক্না চেকশিন্না লৈবগী তঙাইফদবা অদু পনখি অমসুং চিঞ্জাক্কী ওইল শিজিন্নবা চাদা ১০ হন্থহন্নবা মহাক্কী মমাংগী আপিল অদু নৌহৌনা পনখি।
এন.সি.সি.না মার্চ তৌবদা তাকপীবতা নত্তনা নাগরিক অমা ওইনা থৌদাং লৌবা, কেদেৎশিংবু হেন্না ফবা নাগরিক ওইহনবদা মতেং পাংলিবা হৈশিংবা অমসুং মগুনশিং পীনবা তম্বীরি হায়না পল্লদুনা শ্রী মোদীনা হায়খি মদুদি রিপব্লিক দেগী থৌরমশিংগী মনুংদা ফংলকপা এক্সপরিয়েন্সশিংনা মখোয়গী পর্সোনেলিতি হেন্না ফগৎহল্লি। প্রধান মন্ত্রীনা মহাক্কী ৱারোল লোইশিনবদা মহাক্কী য়াইফ পাউজেল পীখি। মহাক্না থাজবা থমখি মদুদি মখোয়না পুন্সিগী চাংয়েং খুদিংমক্তা মাই পাক্কনি অমসুং চাউখৎলবা ভারত অমা শেমগৎপদা মখা তানা থৌদাং লৌগনি।
কেন্দ্রগী মন্ত্রীশিং, শ্রী রাজনাথ সিংহ, দা. মনসুখ মন্দাবিয়া, শ্রী সঞ্জয় সেঠ, অমসুং অতোপ্পা মকোক থোংবা মীওইশিংসু থৌরম অদুদা শরুক য়াখি।
বেকগ্রাউন্দ
চহি অসিগী এন.সি.সি. পি.এম. রেলীগী থিমদি 'রাস্ত্রা প্রথম - কার্তব্য নিষ্ঠা য়ুব'নি, মসিনা ভারতকী নহারোলশিংগী মরক্তা তৌফম থোকপা থৌদাং, দিসিপ্লিন অমসুং নেস্নেল কম্মিতমেন্তকী স্পিরিত অদু উৎলি।
এন.সি.সি.গী পি.এম. রেলী অসিনা লৈবাক শিনবা থুংবদগী নুপী কেদেৎ ৮৯৮ য়াওনা এন.সি.সি.গী কেদেৎ ২,৪০৬না শরুক য়াখিবা থা অমা চুপ্না চত্থগদবা এন.সি.সি.গী রিপব্লিক দে কেম্প ২০২৬গী চাউথোকচনীংঙাই ওইবা লোইশিনবগী তাঙ্কক ওইগনি। রেলী অসিদা মপান লৈবাক্কী লৈবাক ২১গী নহাশিং অমসুং ওফিসর ২০৭ শরুক য়াগনি।
থৌরম অদুদা, এন.সি.সি. কেদেৎশিং, রাস্ত্রিয় রঙ্গশালা অমসুং নেস্নেল সর্বিস স্কিমগী মেম্বরশিংনা লৈবাক শেমগৎপদা, সমাজ সেবা অমসুং কেরেক্টর দিবেলপমেন্তদা মখোয়গী থৌদাং উৎতুনা স্পিরিৎ কলচরেল প্রোগ্রাম অমা উৎকনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज सुबह ही, महाराष्ट्र में दुखद विमान दुर्घटना हुई है।
— PMO India (@PMOIndia) January 28, 2026
इस दुर्घटना ने महाराष्ट्र के उप-मुख्यमंत्री अजित पवार जी और कुछ साथियों को हमसे छीन लिया है: PM @narendramodi
अजित दादा ने महाराष्ट्र और देश के विकास में अपना बड़ा योगदान दिया है।
— PMO India (@PMOIndia) January 28, 2026
विशेष रूप से गांवों के जीवन को बेहतर बनाने के लिए उन्होंने हमेशा आगे बढ़कर काम किया।
मैं अजित पवार जी के परिवार के प्रति संवेदना व्यक्त करता हूं: PM @narendramodi
जिन साथियों को हमने इस हादसे में खोया है... इस पीड़ा की घड़ी में... हम सभी उनके परिजनों के साथ हैं: PM @narendramodi
— PMO India (@PMOIndia) January 28, 2026
NCC is a movement that empowers India's Yuva Shakti. pic.twitter.com/WkohuFt9mG
— PMO India (@PMOIndia) January 28, 2026
Today, the world looks at India's youth with great confidence. pic.twitter.com/C2pzmDYcAu
— PMO India (@PMOIndia) January 28, 2026
The agreement finalised with the European Union is drawing global attention, with many calling it the mother of all deals and a game-changer for the world. pic.twitter.com/DoxeQzGP36
— PMO India (@PMOIndia) January 28, 2026
Today, battles are fought on multiple fronts.
— PMO India (@PMOIndia) January 28, 2026
They are fought in code as well as in the cloud.
Countries that fall behind in technology are weak not only economically, but also in terms of security. pic.twitter.com/1Qd5dXzcjz
How we conduct ourselves as citizens is also a vital aspect of a Viksit Bharat.
— PMO India (@PMOIndia) January 28, 2026
As citizens, we must place the highest priority on our duties. pic.twitter.com/uRsB25haYA
Yuva Fit Toh Desh Hit! pic.twitter.com/7aEExWXkz2
— PMO India (@PMOIndia) January 28, 2026
